رواية اشتقت لك لين صارت بي منك لمحات -28
آمل سحبت الدبدوب منهـ من غير ماتقول أي شي ..
طلعوآ من المجمع وعيون فآرس مارحمت خجل آمــل ..
ولما وصلوا للبوآبة ..
خآلد : انا ابي اركب مع عمو فارس
الدآنه: انا ابي الوح مع خالتو آموله (ابي اروح مع خالتو اموله )
فآرس: وش رآيكم تسوون قرعه انت وياها
أمل: هههههههه خالد انت جيت معاي وبتروح معاي
خالد: مابي انا رجال وانتم حريم
فآرس: خالد ياغبي احد يحصل له يركب مع حريم حلوات؟
خالد: عيب عمو
امل:ههههههههههه شطور خلودي
فآرس:ههههههههههههههههههههه
/
{ يا صاحبي وش فيك قاعد لحالك
ليش انت متغير ومشغول بالـك
صارحني قاسمني عناك وهمومك
ما أطيق أشوفك متعب الهم حالك
يا صاحبي ضاقـت علـي الليالـي
باللي شغل قلبـي وفكـري وبالـي
خوفي اسولف و اخسر إنسان غالي
ياأخسرك أو أخسر اللي في بالـك ...!!!
فيصــل: سعود لك نص ساعه ماتكلمت وش فيك؟ اول مرة اشوفك بالحاله هذي
سعود: فيصل بقولك بدون أي مقدمات يعني انت تعرفني صديق عمرك وماخبي عليك شي
فيصل: ادري ..تفضل قول هذي ثاني قهوة اشربها وانت ماتكلمت
سعود: انا آحـــــــــــــــــــــب
فيصل: تحب ؟ والله اني شآك من زمآآن ومن هي؟
سعود:تبي تعرفه منهي
فيصل: آيه وبقوة
سعود: انا احب ..ااااااا
فيصل: تكلم
سعود: آحب اختك
فيصل: هههههههههههههه واختي مالها اسم؟
سعود: يعني انت مو زعلآن ؟
فيصل: وش يزعلني اساسا انا قلبي حاس..بس كنت انتظرك تفاتحني بالموضوع
سعود: اكيد مو زعلان؟
فيصل: خير سعود؟ انت تحبهآ وانت ولد عمهآ ..وماراح القى واحد احسن منك لاختي
سعود: الله يريحك مثل ما ريحتني
فيصل: لهدرجه
سعود: واكثر مما تصور ..كنت ماخذ هم كيف بقولك اكثر من اني اقول لعمي
فيصل:ههههههههههه..
سعود: انا ابي افاتح ابوي هاليومين علشان اتقدم لهآ
فيصل: شكلك مستعجل؟
سعود: مرررررة ..
فيصل: خلاص انا واثق ان ابوي ماراح يرفضك ورندا 100% راح توافق
سعود: الله يسمع منك
فيصل: على كذا انا ابي اروح لاني تأخرت على المعآزيم الي عند ابوي ..تبي شي يابو نســب
سعود:ههههههههه حلوة ابو نسب
فيصل: خلاص من اليوم ورايح ماراح اقولك الا ابو نسب
/
جود : وش فيك طول اليوم وانتي متوترة ؟
ديم: آسمعي يبغون يجون لعندنآ ضيوف
جود: مين؟
ديم: مآلك شغل
جود: حلوة ذي كيف يعني مالي شغل؟
ديم: يعني انتي اجلسي بغرفتك ولا تنزلين
جود: افاااااااا ليش؟ لا يكون خطـّـاب ؟
ديم وهي ماسكه ضحكتهآ : ايه فيه حرمه جآيه هي وبنتهآ يبون يخطبونك لولدهم .. بس هم مو
مرة يعني مايصلحون ابدا
جود: يمه قلبي ..طيب ليش ماقلتوا لي؟
ديم:ههههههههههه
جود: وش الي يضحكك
ديم تبي تغير الموضوع : لا بس انتي شايلة فكرة الزواج يعني نصيحه لا تنزلين
جود: اللحين بقفل غرفتي وكني نآيمة
ديم: ههههههههههه زين تسوين ..يالله انا بطّلع سي يو ياقمر
جود: سي يو..
/
شــوق: ايش اشتريتي هدية لشوق؟
آمل : اليوم العصر كنت بصحآرى مع عيال نجلآء واشتريت لهآ ســآعه
شوق: لا تقولينهـآآ ساااااااعه
آمل: ليش؟ لايكون انتي شريتي لها ساعه؟
شوق: ايه
آمل: ليش تقلديني؟
شوق: وانا ايش عرفني .. خوش خوآت
آمل: انا متى اشوفك الله يخلف علي .. طول وقتك تذآكرين
شوق: لا وازيدك من الشعر بيت امي الي راحت تشتري لي اياها
آمل : شووووق ..!!
شوق: وشو؟
آمل: لآيكون رندا اشترت لجود ساعه ؟
شوق: لا لا لا ماتوقع
دق جوآل آمل ..وكآنت رندآ
آمل ردت على الجوآل: هههههه جبنآ سيرة القط جانا ينط
رندآ: وجع بدل ماتقولين الطيب عند طآريه..اعترفي وش كنتوا تحشون فيه؟
آمل: لا بس كنت انا وشوق نسأل ايش اشتريتي لجود هديه؟
رندآ: اسكتي طول اليوم افتر في السوق يالله حصلت ساعه حلوة ومرتبه
امل صرخت: ســــــــــــــــــــــــــــآعه ؟
شوق انفجرت ضحك :ههههههههههههههههههههههههههه
آمل :ههههههههههههههههههههههههههههههههه
رندا وعلآمة الاستفهام مرسومة بوجههآ : خير وش فيكم؟
آمل: تخيلي انا وشوق وانتي كلنـآ اشترينآ لها ساعات
رندا: احلفي ههههههههههههههههههههههههههه
آمل: وربي هههههههههههههههههههههه
شوق: على كذا جوووده بتفتح محل ساعات هههههههه
رندآ : وريــآنه ؟
امل: لا تقولين جابت ساعه؟
شوق: ابي اتصل عليهآ والله يسستر
شوق: هلآ رنوش
ريآنه: هلا بالدختورة
شوق: ترآك كرهتيني بشي اسمه دكتورة
ريآنه: وش عندك متصله؟
شوق: خوش استقبال تراني انا الكبيرة يالدبه
ريآنه: آسفه يابلاء
شوق: ايه خليك هيك ههههههههه
ريآنه: لا تتآخرون الليله ترى ابي اجي بدري ..ماوراي العنود تشغلني
شوق: يحصل لك بس العنود هههههههههههه
ريآنه: ياقلبي هي والله مشتاقه لها الدبه
شوق: خووش شوق..
ريآنه: ندري ان اسمك شوق مو لازم تقولينه
شوق:ههههههههههههههههه
ريآنه:هههههههههههههه
شوق: هيه وش اشتريتي هدية لجود ؟
ريــآنه: اشتريت لها شي رآآيق على ذوق مامتي
شوق: الله دام خالتي ام مشعل ذوقها اكيد حلو..بس ايش؟
ريـآنه: ســـــــآعه
شوق:ههههههههههههههههههههههههههههههههه
ريآنه: وجع دختورة وش فيك؟
شوق: ريانه تخيلي انا وانتي وامل ورندا كلنا ساعات
ريآنه: افااااااااااااااااا عز الله استــرزقت البنت
شوق: تشوفين كيف ..!!
ديــــم : نجــلآء البالونات علقتوهـآ ؟
نجــلآء : ايه ورميت بعضهآ على المسبح ..و عملت لكم سربرآيز
ديم: وشو؟
نجلآء: شوي شوي ذبحك الفضول
ديم: وش اسوي انا انسانه فضولية؟
نجلاء : عملت مسابقــآت وجوآئز .. واليوم كلكم بتسبحون
ديم: حلوووووووووو يامرت اخوي
نجلاء: اعجبك هههههههه
ديم: هههههههههههه
نجلاء: جود لحد اللحين مصدقه ان فيه خطاطيب عندنآ ؟
ديم: تخيلي ايه مصدقه هههههههههههههههههه
نجلاء: ياحبي لها على نياتهــآ ..
ديم: والتورته والقاتوه وش صار عليهم؟
نجلاء: التورته فـآرس قال انه يبي يجيبهـآ .. وعزوز تكفّـل بالعشـآء ..
وفــآرس يقول هديته رآح تكون غير
ديم: وانا برضوا هديتي غيييير
نجلاء: وش هديتك؟
ديم: مانيب قايله
نجلاء: وانا بعد ماراح اقولك
ديم: يعني 1×1 ههههههههههه
نجلاء: ايه ههههههههههههههههه
/
تركي: فيصل ابوي قايل حق عمامي ؟
فيصل: شكله كذآ ماتشوف عمي ابو عبدالعزيز ..وعمي ابو مشعل وخالي عبدالرحمن كلهم جآيين ..
تركي: ياحبي له ابوي اذا جانا ابو فهد يتبهذل وتصير حالته حاله..لو بكيفه يدعي الريــآض كلهـآ
فيصل:ههههههههه اقول لا تتريق انت وخشتك
تركي: جــآء عمي ابو فهد خلنا نروح نستقبله
دخــل ابو فهد وفهّــد للمجلــس والكل يرحب فيهــم ..
وجلسوا وبداء المقهوي يقهــوي الرجـآل ..وفهد وفيصل وتركي يسولفون مع بعض ..
تركي: طيب آرامكوا مو تعب الشغل فيهآ
فهد: بس ياتركي على حسب المنصب يعني بالبداية كنت اشتغل من الساعه 7 الى 5 ..بس الحمد لله مسكوني منصب كبير وصرت آداوم متى مابي
فيصل: الله يعينكم ...
فهد: ومن قـآل
ابــو فهد : والله يابو فيصل ان في بالي موضوع كنت متردد بالبدآيه افاتحك فيه بس يوم شفتك
وشفت هالوجيه الطيبه [ ويأشر على ابو مشعل وابو عبدالعزيز وابو عادل ]..والله قلت مافيه فرصه
الا هذي
ابو فيصل: لا تردد ولا شي قل الي تبي
ابو فهد: والله حنا نبي القرب منكم وانت تعرف انك عزيز وغالي واعتبرك اكثر من اخو وعيالي
وعيالك واحد .. وانا ودي اتقرب منك اكثر واكثر
فيصل نزل فنجآل القهوة وعقد حوآجبه ... وتفكيره كآن مشوش ..!!
ابو فهد كمل حكيه : وانا اطلب يد بنتك لولدي فهد .. وانا عارف اني ماراح القى نسايب مثلكم
ابو فيصل انبسط بشكل كبير: وانا يشرفني والله .. و انت تعرف مايغلى عليك شي ولو تبي
عيوني ماترددت
ابو فهد: تسلم عيونك يابو فيصل
فيصل: عن اذنكم جتني مكآلمة مهمـة ..
تركي : ياعيني يافهد يعني بتصير نسيبنّــآ ؟
فهد:هههههههههه والله من سعد حظي لاصرت يابو تروك خال لعيالي
ابو عآدل : والله يابو فهد انتم مآعليكم كلآم ..ماشاء الله سمعتكم مشهود لهآ بين النآس ..وكلنــآ
والله يسعدنآ تكون وآحد من نسآيبنــآ
ابو فهد: ماعليك زود يابو عادل ..وانا لو درت ماراح القى بنت احسن من بنتكم لولدي
ابو مشعل: واحنا ماراح نلقى لبنتــنآ وآحد آحسن ولدكـ فهد ..
ابو عبدالعزيز: عسى الله يكتب الي فيه الخير..ولو الموضوع راجع لنا كلنا ماترددنا
ابو فيصل: بس انت عارف ان الموضوع يرجع اولا واخيرا لبنتي والي تبيه راح يصير..وانا والله ماودي
لو يصير بيننا أي حزازيات لو تفرض لاسمح الله ..ابيك ماتزعل مني
ابو فهد: لا وش دعوى مايزعلني ..الزوآج ماهو بالغصب .. وانت يابو فيصل اكثر من اخو والاخو مايزعل من اخوه
ابو فيصل: الله يطمن قلبكـ ..
: : :
فيصل طلّع لغرفته ورمى الشمآغ ع الآرض وطآح ع السريـر ..
........... فيــّـــصـــل .........
يالله مو معقولة الي يصير معي .. سعود اليوم يتكلم معـآي وبالليل كل شي يعتفس عندي
وش اسوي ..ابوي مستحيل يرفض فهد وراح يصّـر على رندآ علشان تتزوجهـ ..
وسعود حرآآآم اوقف مكتف يديني و اتفرج على الي يصير ..وسعود بحآجتي ...
بس مــآباليد حيلــة .. وفهد ماعليه كلآم رجـآل و نعم فيه وكلن يتمنآهـ لآخته ..
فيصل آخذ الجوآل و آرسل لسعــود ..هالمسج
{ تخيل لك وردهـ
تحبها وآنـت رآعيهـا
يمكن موٍ ملككـ
بس
آنـت اللي مرٍآعـيهـاا
كنت النور لظلمتهـا
وبـدمـع العين مسقيـها
جرح شـوكهـا يـدكـ
ودمك معلم فيـهــاا
وجااء انسان يقطفهاا
وآنت اللي آحق فـيهـاااا
آكيد بتمـوٍت مـن قهرٍكـ
خذها وآنت راعيهـااا ..
سعود مآفهم أي شي من مسج فيصل ..
رآح ارسل له مسج ...
[ عسى مـآشر فيصل ؟ شكلك مخبط ياولد ] ..!!!!!
فيصل قراء المسج وحز بخآطرهـ تركـ الجوآل ونزل للرجـآل بالمجلس
/
فــآرس: اقول يآدب نزلنــي عند ذآ المحل
طـآرق: وش عندك ؟ تبي شوكولآته ؟
فآرس: لا يالدب اليوم ذكرى ميلآد اختي وحاجزين تورته وقاتوه هنآ بروح اجيبهم
طـآرق: اهااااااا ..
نزل فآرس وجآب التورته والقاتوه ورجع للسيآرة ...
طآرق: واللحين وين تبي؟
فـآرس: اسمعني جود تحب الدونآت حقت " كريسبي كريم" نزلني عند حيآة مول
طـآرق: ماطلبت شي من عيوني
فآرس طآرت عيونه: تسلم عيونك ..وش عندنا؟
طآرق: خير تعمل شر تلقى
فآرس: ههههههههههه لا مو كذآ بس توقعتك تلعن فيني وتسب على اني مشورتك
طآرق: لا انا الي قلت لك تعال معاي وانا الي اتحمل مايجيني
/
ديم صعدت لجــود وطقت باب غرفتهآ ..
جود: وش تبين ابي انوم
ديم: يكفي نوم الحين الساعه8 والناس تحت
جود: من هم لآيكون الحريم الي جآيين ...
ديم: لا بس البنات تحت
جود فتحت الباب :من جآي؟
ديم: بنات عمتي صيته وريانه
جود: يالله دقايق وانزل
/
{ ياصـورة ٍ .. داخـل عيونـي رسمتـك
يامدرسة لـ/ الـذوق وأصـل الذرابـه
البنـآت كـآنوا وآقفين بالحديقة وصافين صفين من عند الباب الرئيسي وكل وحده
معاها بخـآخ الي يطلع snow
ولمــآ طلعت جــود على آغنية غنوآ لحبيبي
غنّوا لحبيبي وقدّموا له التّهاني
في عيد ميلاده عساها مية عام
افرح حبيبي واطلب أغلى الأماني
الليلة يا عمري تناديك الأحلام
ودعت عام وقابلك عام ثاني
تعال نتقضي العمر في حب وهيام
انسى الهموم اليوم واضحك عشاني
والله ابتسامة منك تسعدني أعوام
أحاول أشرح لك بقلبي معاني
والله الفرح نساني هموم والآم
وأجمع أفكاري ويعجز لساني
من فرحتي معذور والله ما الآم
احترت وايش أهديك غير الأغاني
ويهديك قلبي اللّي معك في الهوي هام
واطلب من الله ياحبيبي عساني
ما أنحرم من شوفتك طول الأيام
جود شكلهآ مررة بسيطة لانها ماتدري عن الي صاير علشانهآ
لآبسه لبس عادي بنطلون ابيض وبلوزة استرتش طويلة
الى الركبة لونهآ آحمــر وعلى خصرهـآ حزآم ابيض ..ورآفعه شعرهآ بمشآبكـ
صينيه ..!!
ولما طلعت البنات رشوا عليها البخآخ ويصآرخون وخـآلد والدآنه مآسكين بوكيهآت ورد اعطوهآ اياهآ ..
جود ماقدرت تمسك نفسهآ نزلت دموعهـآ ..
ريآنه: مو وقت البكي اللحين ياجود
ديم: أي والله اللحين احنا نبي ننبسط
شوق حضنت جود وجلست تبكي معاها
ام عبدالعزيز بكت معآهم
نجلاء: لا خربتي علينآ ياجوووووود
آمل: جود يالله احنا نبي نحتفل فيك قلبتيها منآحه
جود مسحت دموعهـآ ..
جود: والله مو بيدي ..هذي على قولتهم دموع الفرح
قطعوا التورته والبنآت يقدمون الهدآيا لجود ..
رندآ: جود احنا اليوم نبي نكسبك يعني ماراح ندخلين محل الساعات لك سنتين
جود: كلكم ساعات
البنات: ايه بالصدفه
جود:ههههههههههههه ياحبي لكم ماتقصرون والله
ديم : انا هذي هديتي ...
جـت ليندآ الخدآمه وهي تشيلهـآ مررة ثقيله ..ومغلفه بالابيض والشرآيط لونهآ آحمر ..
جود: ايش ذا ديومه؟
ديم: افتحيهآ
جــود سحبت الشرآيط وتطيح قطعه القمـآش ..الهدية كانت من تحت يدين ديم لوحــــة زيــتيه فيهآ
صورة جـــــود وهي مبتسمه وغمــآزاتهـآ طالعين روعه باللوحه
جود: وآآآآآآآآآآآآآآآآآآآو ..رهيبه ياديم تسلم آنــآملك يالغلا ..
ضمت جود ديم ..
ديم: ولو كم عندي جــود انا ؟
نجـلآء: يالله ياحلوآت ترى بالصالة مرتبه لكــم الاستريو الكبير نبي نحتفل بجد ..
آمل: ايووووه هيك بتكون حفله
شوق: ايه من سمعت طاري الاستريو انبسطت عمتنآ
البنآت:هههههههههههههههههههه
ريآنه: اقول انتي وياها مسبحكم اغراء البالونآت رهيبه
نجلآء: لاتخافين بعد العشاء كلنآ بنسبح
ريآنه: يااااااااااااااسلام عليك يامرت عزيز
نجلآء: تمونين يارنوش هههههههههههه
ديم: يالله خلونآ ندخل..
دخلوا البنات وجود ورآهم ..جــود سمعت ورآهـآ
... : بس بس
جود التفت وكآنت ليندآ الخدآمه
جود ضحكت: وش فيك ليندا؟
ليندآ ومعــآهــآ بوكية ورد ابيض ..مدته لجود
جود: من وين هذآ ؟
ليندا: مدري مدآم بس انا شوف سياراة نزل هذا ورد عند باب
جود: مين الي نزله ؟
ليندا: انا مافيه شوف ..يمكن سواق صديق انتي ؟
جود فتحت الكـرت الموجود ..
{ كل سنة وانتِ آحلــى
كل سنه وانتِ انقى
كل سنه وقلبك ابيض
كبيآض الورد الي بين يدينكـ
[ الشــآمخ ] ...!!
الجزء ][ 28 ][
: : :
جــود مسكت البوكيه ويديـينهـآ مثلجين من الربكه
جود [ كيف عرف اني انا اللولو ؟ وكيف ارسلي الورد ؟ ومين قاله ان اليوم ذكرى ميلادي ؟ ياربي كل هالاسئلة مين راح يجاوبني عليهآ ] قطع تفكيرهـآ صوت مشي شوق
شوق: وين رحتي ؟ ترى جالسين ننتظرك نبي نرقص ونلعب ونسبح
جود :هااااه طيب اللحين اجيكم
شوق: اللـــــــــــــــــه ايش هالبوكية الي معاك يجنن هاتي ابي اشوف الكرت
جود طاح جوالها من الخوف وتبعثر كل الي داخل الجوال من البطارية والميموري و الشريحه
شوق جلست تجمع الاغراض المبعثرة بكل مكان في الصالة
شوق: لا يكون انكسر؟
جود: لا لا ماصار فيه شي ادخلي وانا اجيكم
شوق: وش عندك ؟
جود: لا ابد سلامتك بس ابي اتصل على فارس يجي يذوق من القاتوه حق حفلتي
شوق وعلامة استفهام مرسومه بوجههآ : اوكي انا بدخل
جود [ اووف ..شوي وتكشفني عدت على خير ..مالي الا فارس هو الي يحل لي الازمة]
جلست جود على الكنب وحطت البوكية جنبها واخذت تركب بالجوال لما ضبط واتصلت على فارس
فارس: هلا والله اكيد اتصلتي علشان الهديه ..خلاص هديتك بتوصلك بالحفظ والصون
جود: هههههههههه مين الي جاب طاري الهديه
فارس: اللحين تاركه الحفله والهيصه وجايه تكلميني وش تبين؟
جود: خيرا تعمل شرا تلقى الحين انا متصله ابي اسأل انت وينك ؟ ومع مين
فارس من غير تفكير : انا بالاستراحة مع تركي
جود : بس تركي ؟
فارس: ايه وسلطان معانا بس بعد شوي يبي يطلع ..ليش السؤال؟
جود: انت بالاول جاوبني مافيه احد غيركم ؟
فارس: ايه بس احنا وقبل ساعه طارق كان معنا وراح
جود جاء على بالها طارق [ قبل نص ساعه وصلني البوكية آكيد هو بس فارس ماقال أي شي ]
فارس: الووو؟
جود: معاك معاك .. ايه دامك انت و ولد عمي تروك لحالكم تعالوا لبيتنا علشان تذوقون تورتتي وحلوياتي
فارس: لو سمحتي احنا ماناكل فضلتكم
جود: ياويلك من ربي...انا رافعة لكم تورته وحلويـآت
فارس: بعدي والله اختي الغالية هيك بدنا ياك..مسافة السكة انا والدب تركي ونصير عندك باي
جود: انبته من الطريق بااي
/
فيصــل بمكتبــة جـآلس ولاول مرة يتــأخر في مكتبه الي هذا الوقت كان شكله تعبان والهموم رآكبته ..ماسك فنجآن القهوة وراسه سانده على الكرسي
..... فيــصل ....
ايش هالحظ الي انا فيه .. اليوم اول مرة سعود يصارحني ويفتح لي قلبه ويبيني اوقف معاه علشان يتقدم لرندآ ..ويجي ابوي و يوآفق على فهد .. طيب كيف راح اقول لسعود كيف اقدر اوضح له موقفي .. اللحين يحسب ان عندي خبر بخطبة رندآ لما كان يكلمني ... انا مابي اخسر سعود مستحيل اخسر اخوي ولد عمي ..!!
طـآلع لساعته وكـآن الوقت 01:30 بالليل جمع اوراقه وملفاته ودخلهم بشنطته ..وطلع للبيــت
/
امل: جود وش فيك كسلانه اليوم ماتحركتي و لاعملتي شي حتى السباحة ماسبحتي
جود متمدده على الكنبه وشوي وتنام : مدري فيني نوم مو صاحي
ديم: اساسا جود ليلهآ نهار ونهارها ليل
شوق: احنا متعودين على جود كذا دايما فيها نوم
رندا: ههههههههههههه
ريانه: والله مالومهـآ قومي نامي بس احسن من مقابل خششهم
جود:هههههههه الله يقطع بليسك يارنوش
امل: اييييييييييييه صح جود وش صار على السي دي ؟ حملتي لي الصور ؟
جود: ايه حملتهم لك امس ...قومي جيبيهم من غرفتي
امل: حلوة هذي ..خلي الشغالات يجبونه
ديم: الشغالات نايمــآت
امل: طيب ديم قومي انتي
ديم: رجولي يالله يشيلوني طول اليوم وانا افتر بالمحلات علشان اجمع اغراض الحفله
شوق: امل يالله قومي جيبي السي دي تقول امي السواق اللحين بالطريق
امل: خوش والله ياحلو شكلي وانا صاعده فوق لغرفة جود
جود: مابه احد امي نايمة وابوي بالمزرعه واخواني مايجون الا وجة الفجر
امل: ياربي منك احسن شي تعلقون عند باب بيتكم لوحه " اخدم نفسك بنفسك "
ريانه :هههههههههههههههههههه
رندا:هههههههههههههههه
ديم: انا واختي عجـآزات
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك