رواية هجرك ابد ما هز قلبي دام الشموخ مني وفيني -35
وقف حميد وكانت حالته عـــكــــس حالتة سعيد ..لابس له كندرة بيضا..وحاط السفره ومظهر شعره من ورااا..وحاط السماعه على اذنه..تراه كان يرمس تيلفون..يعني شكللللللله الصراااااااحه شي..والصراحه اللي يميز حميد خشمه الشيوووخي..
توايهوا..من بعدها ركبوا سيارة سعيد..الرنج لأنه النيسان امخربه..حاول حميد انه يقنع سعيد انه يسووق...بس تدرون به سعيد كيف عنييييد وراسه يابس..الكل سااااااااكت..حميد يطرش مسجات لربايعه..متفيج تراه..اما سعييييد ملتزم الصمت..اتخيلوا من ركبوا السياره محد رمس عن اي شي..حتى حميد ما تكرم يتخبر سعيد شوو سوى من بعد ذييج الساااالفه..مرت فتره..وقطع الصمت صوت حميد..
حميد:شو اشووفك وديتنا اليحر..
سعيد:شوو؟؟
حميد:لييش امودينا اليحر..شو من حاايه لك فيها..؟؟
سعيد:.....ماااااادري..جيييه..
حميد:وقف وقف عند الكوخ الذهبي..تراني يوعااان..
سعيد:اوكيك بس وينه..؟؟
وتم حميد ايدله وين الكوخ الذهبي..لأنه حميد يدل في اليحر بحكم ربايعه اللي اهنيه..ودوووم اييهم..
دقايق ووصلوا المطعم..ظهر حميد من السياره ..وتم سعيد يطالع المحلات اللي عدال المطعم..مرت فتره مادرابها سعيد وهو يفكر افحالته..فز يوم سمع صووت تيلفون حميد..ويوم شااف المتصل "رااشد بن سهيل"..
سعيد:الو..
اليازيه:الوو..سعيد وينك انته ياااخي..؟؟!!تميت اترياااااااك..>>عرفت صوته..
سعيد:في اليحر..
اليازيه:بل بل شوو مودنك اليحر..؟؟
سعيد:نتحوط ويا حميد..
اليازيه:ووينه تيلفونك كله مغلق..
سعيد:فضى ولا جرجته..
اليازيه:ولييييييش ترمس من طرف خشمك..
سعيد:متضاااايج..
اليازيه:كله عسب ميييثا..
سعيد:لا تطرين اسمها مرة ثاااااااانيه..؟؟
اليازيه:بل ماا ينرزا عليك..خوفاتي تظهرليه من التيلفون اللحينه..
سعيد:انزين وينهم عنج..؟؟؟
اليازيه:الكل راااقد..
سعيد:رقدي انا ببطي..
اليازيه:لالالا..اول شي ابغيك اتييبلي اكل ويااك..
سعيد:شو المطبخ فااظي..؟؟
اليازيه:مافيه انش واسويلي اكل..
سعيد:انزين شو تبين؟؟
اليازيه:اممممممممم..اي شي..بس ياليت تكون وجبتين..
سعيد:حشى مب بطن عليييج..دنكككككر..
اليازيه:خخخخخ...دنكر امممرة وحده..
سعيد:هاه تامرين بشي..؟؟؟
اليازيه:لاسلامتك..بس لاتبطي..
سعيد:اوكيك..باااي..
اليازيه:فداعة الله..
بند سعيد ورد التيلفون مكانه..في الوقت اللي يأ حميد وفج الباب وحدر السيارة..
سعيد:اليازيه دقت ع تيلفونك..
حميد:شو تبغي؟؟
سعيد:تبالها عشى..اطلبلها..
حميد:اوكيك..
ونزل حميد من السيارة مرة ثانيه وطلب لليازيه..امسويتلها راااس يزووي..ورد وحدر السياره وبند الباب بقووو..
سعيد:بلاك يا ريال؟؟
حميد:تعبتوني انت واختك..
سعيد:هههه..يااا ويهك..
حميد:اووه يا مكبرها ضحكت..
سعيد:والله..؟؟
حميد:اسمع انته بسك من التعذيب..اشوفها قدرت اتعذبك هالميثا..
سعيد:يييييييييها يا حميد..القلب يهواها من زماااااان..ويبالي فتره لين ما انساها..
حميد:شووو فترته؟؟ياريال حبلك وحده غيرها وسووا طااف لميثا وبتنساها بسسسرعه..>>>>>صح كلاااااامكم قلبه فندق..والأخ يوزع افكاره ويقنع بنصااايحه..
سعيد:ههههههههههههه..انت ترمس من جد..
حميد:لاا طولي بعمرك من عم..اسمع..
سعيد:شوو؟؟
حميد:انا ماا اجذب عليييك..اذا حبيت لك وحده غيرها بتنسى ميثا وبتنسى ايامك معاها..واذا نبا انزودها اشوي..بتنسى حتى شكلها..>>ثره راااعي سوالف..
سعيد:ههههههههههههههههه..لا اتقولي انها هاااي فكرتك عن الحب..تراني بنقع من الضحك..
حميد:شووو الأخ بااالونه..
سعيد:شوو لوني؟؟
حميد:يمكن اصفر..لأنيه دووم اشوف هدوووف ميود بالونات صفر.مدري شحااادنه على هاللون..يقول عبد..
سعيد:هههههههههههههههه..يااا ريااااال..
حميد:اسمع..خلنا انرد لمحور حديثنا وطنش هدووف والوانه العنقاشيه..
سعيد:يلا ردينا لمحور الحديث..
حميد:طاااع هاذا انزين حرك السياره عسب انردله..
سعيد:خخخخخخخخ..لالا شكلها السالفه من صج..انت شارب شي..
حميد:لا والله..اللحينه بشربلي بيبسي..
سعيد:اهاااااااااا...انزين اللحينه هااي هي فكرتك عن الحب..
حميد:اسمع..حبيت وبغيت تنسى..حب مرة ثااانيه..
سعيد"بغى ايمووت من الضحك":هههههههههههههههههههههههههه....ههههههههههههه هههههههههههههههههههههههه...
حميد:بالله شو اللي يضحك في السالفه؟؟
سعيد:ههههههههههواااااااااككككككككككككككككككك...
حميد:طااااعوا هاذا انتوا بس..جنه الا غوريلا.."ويدق تيلفونه"..بس بس سكت عنلااات صداك يالغوريلا..رقم رقم غرييييب..
سعيد:سكتنا..
حميد:قوول والله..
حميد:مرحباااا..اهلين..هيه طال عمرج الشيخ حميد بن عبدالله بن راشد الــ.......ي..هيه بشيخ عمريه شو بتسوين يعني وياا ويهج.."يرمس من طرف خشمه"..هاه..شو تبين..غصب احبج مااااااااريد احبج..انزين ماا ريدج اتشوفيني..لاااا حلفي انتي بس...حبتج الناقه يا قليلة الاصل..هيه دامج اترمسين تيلفون قليلة اصل..ولا منو من بنات الجبايل بترمس الشباااب..حشّمي عنلات ذي الويه..ججججججب...بنات فااضيات..
وبند التلفون افوييهها..
سعيد:حييييييييييييي ابوووووووووك ولد العم..اشكر فنك والله..
حميد:ياااخي شعب فــاظي..
سعيد:ههههههاااي...منو هاااي؟؟
حميد:الله يعمر طولك هاذي وحده من بنات بوظبي..تحيد يوم سرنا المول ويا حمد بن حمدان"ولد عم مبارك"..>>على فكره اليوم اللي شاف فيه منيررة..
سعيد:هيه..؟؟
حميد:بالغلط رقمتها..حسبالي حلوووة..
سعيد:وخلاف..؟؟
حميد:لحقتها ارووحي بعد ما طنشتكم في الكوفي..ودخلت المحل وهي عارفه انيه وراها..جان اتعق الغشوه مسودة الويه مضيعة المذهب..من شفتها بغيت اصيييييييح..
سعيد:هههههههههههههههههههههههههه..
حميد:ياابوك اتزيييييييغ اتشرد قبااايل سبع ودياااااااان...
سعيد:ههههههههههههههههههههههههه..
حميد:وفالليل طرشتلها مسج بالغلط..والله ع بالي رقم واحد من الربع..الا اجوفها متصله ورمستها ونفسي افخشمي..وردت دقتلي مرة ثانيه..وناازعتها ..واللحينه داقه مره ثااانيه..
سعيد:وييههاااااااااااا لووووووووح..
حميد:الا واكبر لوح..
وشوي الا الهندي ايدق ع الجامه..
حميد:عافااانا الله..شقايل هالهندي ماا فيه لحمه وحده..بابا ماا في اكل..؟؟
يهز رااسه الهندي..وخذوا منه الأكل..لأنه حميد محاسب داخل في المطعم..تحركوا بعد ما حطوا اكل يزوي في السييت الوراني..وكملوا سوالفهم اللي ما تخلص..وصلوا سويحان..بيت بو سلطان..وقوا وظهروا من السيارة ناسين اكل يزووي..
حميد ركب سيارته ورد وصك خط العين..اما سعيد حدر البيت..وييلس ع الدري اللي جدام باب الصاله العوود..وما حس ابعمره الا وهو يشل..وخاااااطره مكسووور..
سعيد: نادم على الحب والله لي يعوظني.. واللي جرى شي لازم من زمن يجري..
ماهي بمنك ولكن صدق هيه منـي..ياما تحــــــــــــــــملت كني ماسمع ولادري..
صحيح حبك قدر من قبل يملكنـــي..ويفوت سنين من عمــــــــري على عمري..
بس الليالي كفيله بك ينسنــــــــــي..وان مانسى القلب شلته من قفص صدري..
لا بد في يوم ما تندم وتذكرنـــــــي..وتحطلي عذر في بعدي وفـــــــــي صبري..
هذي النهايه واقول اليوم سامحني..خلاص حبك رميته من ورى ظهــــــــــري..
اليازيه"من وراه":يعني من صج انت وميييثا متزاعلين..
سعيد:قلت لج لا تطريين اسمها..
اليازيه:وليييييييش؟؟
سعيد:بس جييييييه دقة رااس..
اليازيه:انزين انتوا متزاعلين؟؟
سعيد:الا متفاااااااااارجيييييييين..
اليازيه:والأسباب..>>وتيلس عداله..
سعيد:لا تعورين راااسج بهالسوالف..
اليازيه"اتحط راسها ع جتف اخوها":ماا تهونون علييه..
سعيد:سووووي طااااااف..
اليازيه:ااااااااي يووعانه.."وتفز "..اسعيد وين اكلي؟؟
سعيد:اووه السموحه منج..طلبنا لج وجبتين..اكلنا ما سدنا..جان ناكل اكلج..وجبه لحميد ..ووجبه لي ..
اليازيه:شووووووووووووووووو؟؟عنلاااتكم يالسبلااان..اللحينه بتم جييه يوعانه..
سعيد:عنبووووه طريتي اذنيه..سيري سيري بتلاقينه في السيت الوراني..
اليازيه:اذا ماا عفن يالمعفنين..
وتسير يزووي اتييب اكلها..وترياها سعيد وخلاف يلست هي في الصاله..وسعيد ساار فووق..
. . . . .
سيد الهوى في كونــه ...غالي ولا انســــــاه..
في الحب انا مجنونـه... قلبي انا يـــــــــهواه..
يوم السبت..
بيت بو منصور..
الصاله الفوقيه..
الساعه4ونص..
ظبيه يالسه ع الغنفه..وممده اريولها..جدامها الطاوله وعليها شيبس وبيبسي..الأخت يالسه تبلع..وفكرها في النتاايج اللي بااجر بتكووون..
اشوي الا مها عافده عليها ميودةالتيلفون..
مها:هاذا مباارك رمسي رمسي ياا سباالوه..
ظبيه هالمره ما كفخت مها ع رااسها..كالعاده..شلت التيلفون بسسسرعه..
ظبيه"بلهفه":مباااااااارك..
مبارك:مررررررحبا ملاااييين ولااا يسدن..
ظبيه:ياااااااالله فديييييت هالصووووووت..شحالك فديتك؟؟
مبارك:بخير يعلج الخير..علوومج انتي؟؟شمسويه؟؟
ظبيه:انا بخيييييير..الا اني بمووت من التحرقييص عسب النتاييج باااااااجر..
مبارك:قووولي والله؟؟
ظبيه:مااجذب..يموووت من الزيييغه..
مبارك:اها الله يعينج..شو الجو عندكم..
ظبيه:الكل مرتبش بعرس سلطووون وسلاااموه..
مبارك:خسااااااااارة ما بنحضره انا وذيااااب..
ظبيه:برووك فديتك متى بترد والله والله اتولهت عليييييك وااااااايد..
مبارك:انشااالله في نص السنه بييكم..بالضبط اوووول يوووم في اجاازتكم..
ظبيه:واااااااااااايه بتبطي انته..والله البيت بدوووونك ولااا شي..
مبارك:فديييييييييتج والله..ظبيه؟؟!!
ظبيه:عيونها..
مبارك:وين اليازيه عنج؟؟
اشوي الا واليازيه حادره علي ظبيوه..لابسه مصلى كبدي..ومظهره قصتها وحااطه قلووس..شكلها خبااااااااااال..
ظبيه:الطيب عند ذكره..توها الا حاااااادره علي..
مبارك:هاتيها برمسها..
ظبيه:ماااااطلبت الشيييييييييخ..
سارت ظبيه عند اليازيه ويودتها من يدها..ودخلتها حجرته..وحطت التيلفون ع الشبريه..
ظبيه:هاذا بروووك سراق تواير..يبا ايرمسج..سييييي يووووووو..
ظهرت ظبيه بعد ما بندت الحجره بالمفتاااح على يزوووي..خلت يزوي ويااااهالتلفون اللي بيسمعها صووت غنااااااااااااة قلبهااااااااااا..
كانت افحيره..تبى ترمس وما تبى ترمس..تبى اتصده وما تبى اتصده..يلست ع الشبريه عداااااااال التيلفون..وخذت التلفون ابكل هدااااااوة..من وين يايبتنها هالهداااوة مااااااتدري؟؟حطت التلفون ع اذنها..وهي تسمع انفااااس مبااااااارك..استانست يوم سمعتها..او الروووووح ردت لها..حست بشعووور اول مره اتحسبه..
مرت فتره وكلن منهم ساااكت يسمع انفاااس الثاااني..لين ما قطع مبارك هالصمت..
مبارك:يزووي..
اليازيه:هلا..>>>>لو لاحظتوا من يزقرها اتقوله هلا..
مبارك:شحااااااالج؟؟
اليازيه:يسرك الحاااال ومن صوبك؟؟
مبارك:ابخير ونعمه..شو المعنويات..؟؟
اليازيه:تبي الصراااحه..
مبارك:أكييييييييد..
اليازيه:والله انيه مب خاايفه..أحسه شي عااادي لأني واثقه اييب نسبة اووكي..
مبارك:اووه عندج ثقة نفس...........
اليازيه"اتقاطعه":ماااااا بتلقى شراتها..
مبارك:ههههههه..يزوي بتخبرج..؟؟
اليازيه:شوو؟؟
مبارك:بعدج اتحبيني؟؟
اليازيه:.............................."كان ودها اتقووووول حبك ملكني..بس تدرون بها اليازيه "
مبارك:تذكرين اول يوم ..يوم شفتج وطيحتي قلبي..عند باب المطبخ..يوم يلست اتطنز ع البنيه اللي ماده ييداتها ع الباب ومقفيه..من شفتج قلت مرحبا....وقلتي لا ترحب ولاشي..انا واقفه اهنه وع كييفي..وهب انت اللي اتيي على اخر زمانك وتعلق ع وقفتيه.. هبيتي ابويهي جنج ما صدقتي حد ايسبج..
اليازيه:هههههههههههه..
مبارك:ياللله فديتها هالضحكه..
اليازيه:برووك كمل لا اسد التيلفون افويهك..
مبارك:تذكرين يوم لقيتج ع الدري..افبيتنا..سلمت علييج..وحلفت انج ما بتمشين فليل في هاك اليوم..وانصدمتي يوم ما خلنج العيااييز اتسيرين تتحوطين..اسميييني استانست هااااااك اليوم..
اليازيه:وليييييييييش؟؟
مبارك:لأني ادري من تردين بتسيرين بيتكم ولا بشوفج..
اليازيه:اهااا..>>>وهي تسترد الأحدااث كلها..
مبارك:تذكرين يوم ييت في حويكم..وتضااااربنا وحااالتنا لله..كنت امحرج ع الأخير..بس في الأخير انا المنتصر..ادري انج ما بتغلبيني..يزووي..تذكرين يوم يدووه شيخه اتقولج مدي العيره عسب اتضربني ابها وانتي ما مديتيها..تذكرين يوم رمستج افهااك اليوم في المطبخ..وتراااضينا..اتصدقين كاان اسعد يوووم افحياتي..غناتي تذكرين..يوم ييتكن هاك اليوم المدرسه وشليتكن عسب ظبيوه العنز مريضه..تذكرين يوم يلسنا ارواحنا في الحيرة..وخلاف وصلتج تحت عند السيارة..تذكرين يوم حدرت عليييج افحجرة ظبيه وانا لابس القنااع مال الوحوش..ونفس الحاله..ردينا واتواقعنا..فديتج تذكرين يوم حدرت عليكن وانتن افحجرتيه انتي وظبيووه..كنت مستاانس لأنيه من رديت من بوظبي شفتج على طووول..تذكرين يزووي الليله اللي خبرتج فيها انيه احبببببببج موووووووت..والله انيه كنت صاادق افكل كمه قلتها..اليازيه تذكرين يوم دقيتي ع بيتنا..وردييت انا علييييييج..والله مستحيل هاااك اليوم انساااه..تذكرين يوم سرت المدرسه ووصلتج لبيتكم..تذكرين يوم لقيتج افبيتنا ارووحج ويا سهيل وخلاف سرنا ارباعه ويا سعيد لبوظبي عسب ملجة نورة..ااااااااااااااه ياليازيه تذكريييييين يوم توادعنا..كان هاذا يووووم حزييين ابحياااااااااتي..
"وييلس ايقول"..
لاقال دعني وانا ما قـلت له دعني..يا لين سالـــت من الفرقا مدامــــعنا..
حتا في يوم الموادع يوم ودعـــني..بكت جميع اللــيالي من مــــــوادعنا..
والله يمتعك بلـــــــــــقاي ويمعتني..بلــــقاك والسحب تمطر من تمـتعنا..
والله لخلي سنين الماضيه تــــعني..وأوادع الـــناس وأرجع اخذ المعـنا..
شفتج هاذاك اليوم وانتي ما تبين اتشوفيني لأنيه بسااافر..فترة غيااابي عنج كم تعنيييييت فيها وكم شقيت..وكم حاااربتني اشوووواااقي طاالبه مني الوصال..شفتج ياليازيه واناا الحزن بغا يحرق فؤاااااااااديه..فديييييتج يزوووي اتولهت عليييييييييج حيييييييل حيييييييييل..
اليازيه:مبارك..
مبارك:لبيه..
اليازيه:لبيت حاايه..مب جنك طووولت..انا بدوووونك ضااااااااايعه..اتخيل ان طيفك افكل مكاان القاااه...اتخيل انيه قبل ما ارقد ايلس اتخيلك ..صدقني تعبت من هالحاله..تعبت..
مبارك:ييييييييها ياليازيه..فديييتج والله..الأياام بتمر بسسرعه..وبتشوفيني يوم اييكم هاذاك اليوووم..صبري لين اجازة نص السنه..ومن بعدها بتشوفيني ياالس في الإمارات لأنها هاي السنه اخر سنه..
اليازيه:بس هالفتره طوييييييييله..
مبارك:وبتم بسسسسسسرعه..يلا انا ببند..تامرين بشي فديييتج؟؟
اليازيه:لا سلامتك..مبارك شد حييلك ماا اوصيك..
مبارك:افا عليييج بس..
اليازيه:يلا فداااعة الله..
مبارك:الله يحفظج..
وبندت اليازيه قبل مباارك..في هالدقاااايق..رمسته..وقلبها يتقطع كل ما قال مبارك كلمة تذكرين..اللي استوى بيتم ذكرى..ااااااااااه يااا مباااارك كم احبك...
ظهرت من الحجره الا وظبيه في ويهها..هههههههههه..
. . . . . .
ولا غيرك فهالدنيا فتنـي..و حمــلي ثقيلات النوايب..
انا يا شوق حبك ذابحني..فدتك الروح دامنا حبايب..
بيت بو حميد..
حجرة سلامه..
الساعه9ونص..
هالوقت سلامه كانت توها حادره حجرتها..شافتها منعفسه فووق تحت..الأكياس نصها فوق الشبريه واللي على أطرافها..وبعضهم ع الكمدينو..ونصهم فوق التواليت..واللي ع الغنفه..واللي ع طاولتها..بعضهم ع المكتبه..وشي منهم ع طاااولة الكمبيوتر..هاذا من غير الثياب اللي معلقه افكل مكان..والأكياس المرميه ع الأرض..
تمت لها دقايق اتشوووف هالمنظر"الخلاب"..خخخخ..وحاطه يداتها ع خصرها..كانت توها يايه من السوق..تشترلها اغراااض..من كثر ضيجتها من هالحجره..فرت الأكيااس ع الشبريه ابكل قوووه"اعصابج اعصاابج"..
و فرت عبايتها وشيلتها...وقالت ابكل ضيجه..
سلامه:يالله شوووو هالحيرة..كل ما عدلتها ردت وانعفست مرة ثااانيه..
حطت تيلفونها ع التواليت..وسارت صوب كبتها..اول ما فجتها..شافت صووورة سلطان..كاانت وايييييييد عوووده وموول ما راوتها حد..هالكبت مفتااحه دووم معها..شلت الصووورة..وباستها..
سلامه:علنييييييي فداااك يالغالي..
وصلها مسج..ربعت صوب التيلفون وقلبها ايقوول انه سلطان..وبالفعل..كان من عند سلطان..
" أبرســـــلك صــدى شــوقــي
دخيــــلك لا تخلينـــــــي
يــا أحلا ذكــرى فـي عمــري
غــلاهــا فـي شــرايينـــي"..
تفدته مليوون مرة مرة افخاطرها...وهي تدري بحركات سلطان..يطرش مسج ويدق بسسسسسسرعه..ما وحالها اترد التيلفون ع التواليت الا وغناة الرووح متصل..طنشته النذله وسارت اتظهرلها ملابس تبغي تتسبح..
تم سلطان ايدق..مرة مرتين..ثلاث مرات..ومطنشه الأخت سلامه..حدرت الحمام "الله يعزكم"..وتسبحت وبعد ما خلصت..سارت صوب التيلفون حاااااارق حرق من كثر المسجاات والمسكول..
ما تعبت عمرها تدرون شو طرشت..؟؟!!
"شو عندك؟؟!"..>>اقولكم ما تعبت عمرها..
طرشلها"لا حلفي انتي بس"..
تضحك وتطرشله"والله العظيم"..
"ردي علي"..>>مسكيييييين ثره..
"مب فااظيه حيرتيه معتفسه فوق تحت..وبرتبها اللحينه ...بعدين خلاص هالأسبوع مااشي مكالمات لا تظن انيه برد علييك"..
متجااهل مسجها الأولي مع انه قرااه.."قبل اشوي وين كنتي"..
"اتسبح"..
"سلاامموووه اشتقت لج حيل"..
"انا بعد"..
"هاااااانت..تامرين بشي"..
"لا فديتك..فداعة الله"..
"الله يحفظج.."
ردت التيلفون مكانه..وهي حااااااااااسه بسعااااااده ويا هالإنسان..ماا تروم اتعيش ابدونه وبدون صوته وبسمته..
ردت المسكينه لمآساتها..الحيره..كيف شكلها اتقول حد صابغنها بالأكيااااس..من وين ما تصد اتلاقي كييس..شوووووو الحل..؟؟
اول ما مدت يدها ع الكيس اللي ع الشبريه..ويدق تيلفونها..وكانت وحده من ربايعها..
سلامه:الوو..مرحبا ملاايين..بخير علني فداج..شحالج انتي..الله يبارك فييج..يوم الخميس..افا علييج..تراهم بااجر بيوزعون البطايق..ههههههه..فدييتج والله..اوكيك..سلمي ع الوالده..تعالوا كلكم ولا تراني بزعل..افا علييج..سلامتج ومن صوبج..فدااعة الله..
بندت سلامه وطالعت في التيلفون..وردته مكانه..ون مدت يدها للكيسه مرة ثانيه..ايدق تيلفونها..
سلامه:استوييت مهمه..كل يوم بعرس..خخخخ..>>>اترمس عمرها..ما تنلام يابت الخبال من عيال عمومتها..
سلامه:مرحبا الساااع..
اليازيه:حيييييييييييهم..شحاااااااالج؟؟
سلامه:ايسرج الحل ومن صووبج..
اليازيه:ماا نشكي بااس..هاه شو المعنوياااات؟؟
سلامه:لا تتخبرين ضاربني حفوز عسب النسبه والعرس..
اليازيه:خخخخخخ..الله يعينج..وعلوومج وين سرتي اليوم..؟؟
سلامه:اممممممم..سرت المول وخذتلي ميكب من ماك..وبعدني بشتري ميكب من عند وحده عراقيه اتيييب ميكبها من فرنسا..
اليازيه:هيه احيد ذييج المره تشريتي من عندها..اسميه ميكبهااااااااا خبااااال...طرشيلي رقمها ع تلفون امايه..
سلامه:افا علييج ما طلبتي..
اليازيه:تراني اخت سلطان..
سلامه:قولي والله ما كنت اعرف..يزووي؟؟
اليازيه:هلاا..
سلامه:لو شفتي حيرتيه بتنقعين ضحححححك من الخاطر..ممزورة اكياااس ما رمت ارتبها..
اليازيه:هههههههههههههههههه..اييه غدي حرمه مرتبه ورتبي حيرتج يالسباله..
سلامه:لا اتسبيني..احسلج..
اليازيه:امييي..زيغتيني..ما قلتي لي شو استعدادتكم للمكسار..
سلامه:عموه ريسه اتفقت مع حرمه بتيي البيت وبتعدل الزهبه وبتسوي فيهن حركاات ومادري شووو؟؟
اليازيه:اهااااااا يكوون احسن..الصرااحه ماا فينيا انرتبها..تحيدن يوم رتبنا زهبة موزووة...عنلاتها الحرمه المصريه ما يت..قالت بتيي ومايت..جان نتكرم انا وظبيه ونزهبها..بس الحمدالله ان نورة بنت عمي حمدان يت وعدلتها..
سلامه:اسميييييييها نواري عندها ذووق رهييب ..شفتيها كيف وزعت الورود افكل مكان..كششششششخه..
اليازيه:هيه والله..المهم بخلييج انا عصافير بطني تصيييح..
سلامه:هههههههه..تامرين بشي؟؟
اليازيه:تسلللللللميييييين يا بنت عبدالله..ومن صوبج..؟؟
سلامه:سلامتج...
اليازيه:انت مب سلامتي سلامة سلطان..
سلامه:هههههههه..عنلاااتج يا الغبيه..باااي...
اليازيه:ههههههه..باااي..
بندت سلامه..ردت اتطالع حيرتها..بس هالمره رتبت الأغرااض بدون محد يدقلها..
. . . . . .
انت يلي بعيني حلم عمري رسمتــــك..وكيف تجرح خفوقن يعشقك من سنيني..
أحسبه زاد حبي في غيابي وبحسبتك..من تجــــــــاهل ودادن كان بينك وبيني..
يوم الإثنين..
الساعه10فليل..
حجرة ميثا..
هالوقت ميثا..منسدحه فوق الشبريه..وتطلع السقف..افكارها اتسير وترد ع اللي استوى من شوي..وهاللي سوته صح ولا غلط..هل هاذا هو قرارها النهائي ولا يترد عنه اف آخر احظه..؟؟؟؟؟؟؟؟؟؟؟؟؟؟؟؟؟؟
اللي استوى من شوي....؟؟!!!تعرفون شووو؟؟!!...الفعل اللي قطع كل امل ان ميثا اترد لسعيد..؟؟!!فهمتوا؟؟!!
انوضح أكثر..من شوي ميثا مرمست ابووها عن سالفة الريال اللي خطبها..قالت لها >>>موااافقه<<<..يعني خلااااااااااااااص..ميثاااا وسعيييييييد..انتهت قصة حبهم بفرااااااااق صعيييييب..؟؟!!!!!!!!!
الل خطبها واحد من هل دبي..يقربلهم من صوب امها..اسمه مطر..مخلص الجامعه ويشتغل..انسان محترم..الكل مدحه لها..الكل ايقول انه ريال والنعم فييييه..
يعني خلاص يا سعيييد..انتهينا انتهينا..لا نجيك ولا تجينا..عن محبتكم سلينا..كل منا فطريقه..انتهينا انتهينا..؟؟!!
اشوي الا وانفج الباب وميرة حادره ووياها فساتينهم اللي بيلبسونها افعرس سلطان..
ميرة:ميييثوه ميثوه طلعوا ايخبلووووون..اللحينه عبيد فدييييييته يابهم..
ميثا"بلا اهتمام":شو هم؟؟
ميرة:الفساتين اللي بنلبسهم افعرس سلطان ولد عمتيه حصه..
ميثا:اها..بس انا ما بيي..
ميرة:غبببببببببييييييه..فستانج ايغغغغغغغرم..كلهن الحرمات بيتخبلن علييه..اسود على احمر..شو احلى من هالونين..
ميثا:متضاايجه ما اريد ايي..
ميرة:خايفه اتشوفين سعيد..
ميثا:.........................
ميرة:مييثا بااجر بتظهر نتايجكم..خايفه؟؟
ميثا:اي نتايج؟؟
ميرة:اوووووووه..الثنويه العااامه..
ميثا:من شوو اخااف؟؟اصلاً السالفه ما يت على بااالي مووليه..فكري فسعيييييد..
ميرة:براايج انا بسير البسه وبراويه امايه..وبعدين برمس ربيعتيه من زمن ما رمستها..باااي..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك