رواية اشتقت لك لين صارت بي منك لمحات -38
{ لو ألف تحلف يمين يحال صدقتك
قل للحرامي أحلف يقول: فرّجها!
لو هو بيدي كان بِذْنيك علقتك
كذاب من يوم ابوك امك تزوّجها
مشكوك في صحتك ..وْ منتهي وقتك
وْلا فيه داعي معاذيرك تخرّّجها
والحال حالك ، ولو بتتوب نطّقتك
تبغي خيولك تفوز..؟ الأول اسرجْها!
وان جاك دلخٍ وقال: "اطلق معلّقتك،
ابيات حلوة" مدامه رَجّها..رِجْها
والعذر منّك إذا بالشعر ضايقتك
تستاهل اكثر من الضيقة وتحرجها
ماغير كذباتك تقودك لمشنقتك
وانته بطل مسرحيتك.. وانت مخرجها
نزلــت ريـآنه وهي رآبطه شعرهـآ قرنين ولفتهم بشرآيط حمرآء ولآبسه بلوزة طويلة لونهآ ابيض
فيهـآ رسمـآت ميكي مآوس باللآحمر وبنطلون ستريتش آسود
شكلهـآ مرة طفــولي ..وبشقـآوتهـآ تكمل طفولتهآ ..!!
ريـآنه : يبــه .. بآبي
ام مشعل: ايش مسويه بنفسك انتي؟
ريآنه: حلـو مو؟
آم مشعل: ههههههههههه ايه حلو
ريآنه : اصلآ ريانه كل شي فيهآ حلو
آم مشعل: وش عندكـ تنآدين ابوكـ ؟
ريآنه: بنت تبي ابوهآ انتي ايش دخلك
ام مشعل:وجع ريانه انا امك
ريآنه: اوبس سوري يمه .. بس وش فيك صايرة زعول خليك ايزي يابنت الاجواد
ام مشعل: ياربي من خرابيطك المهم وش تبين في ابوك؟
ريآنه: يمه تستهبلين
ام مشعل: وجع كلميني باحترام
ريآنه: طيب بكرى بنروح ان شاء الله للمزرعه وبعدين ابي اشتري شوية استعدآدات للسهره الي
رآح تصير .. ايه صح وبنات عمتي صيته يقولون انهم راح يسون حفل تخرج شوق بالمزرعه ابي
اشتري هدية ..
ام مشعل: ابوك طآلع مو هنآ ..
ريآنه: آوكي انا بروح للسوبر ماركت خلآص ..
آم مشعل: طيب روحي خلينا نسلم من لسآنك
مشت ريـآنه وهي تلبس عباتها مستعجله و تغني باعلى صوتهآ بوسط الصآله
ريآنه : قوم درجني وامش قدآمي .. لآتخـآف من اهلي ولآ عمـآمي
فتحت الباب وطلعت للحوش بس وقفت لما شافت تركي عند البآب يحآكي الشغآلة ..
.... ريـآنه ....
وش يبي هذآ من العصر ؟ لآيكون بدآء يمثل مسرحيته ... طيب ياتركي انا اوريك ..
صدق من قآل { صاحبي جني وانا ماني بصاحي \\
هو نذل مثلي وانا فيني \\وقاحه //..
مشت ريآنه لعندهـ ..ولما شافهآ ابتسم ابتسآمه استهتار حآول يغيضهآ .. وبالفعل عصبت من
ابتسامته لآنهـ قهرتهـآ ..
ريآنه : خير وش عندك ؟
تركي: انتم كذآ تستقبلون ضيوفكم؟
ريآنه: لآيكثر ترى اخوآني محد فيه
تركي بكل ثقه: طيب انا وش ابي في اخوآنك
ريآنه تتريق: آجل وش عندكـ وآقف هنآ ؟
تركي: آبي عمي ..
ريـآنه [ عمت عين العدو ]
ريآنه توترت: آبـوي ؟
تركي: آيه عمــي الله يطولي بعمرهـ
ريـآنه عصبت :خير وش عندنآ انت مآقد جيت هنآ تسأل عن ابوي
تركي: من اليوم ورايح راح اجيكم كل يوم علشان اشوف عمي واسلم عليه واتقهوى عندهـ .. آنتي تعرفيني انا وآحد ماحب اقطع وهذا عمي الكبير لآزم نسأل عنه ..
ريآنه: ماشاء الله عليـــكـ وانت كذآ مع عمآمك كلهم ؟
تركي: مو بكثر عمي الغآلي
ريآنه: يـآصبر الآرض بس.. [ مشت من عندهـ وفتحت البـآب]
تركي: وين طآلعه؟
ريآنه: خير ان شاء الله .. ايش دخلك
تركي: مافيه طلعه لحالك
ريآنه: ومن انت علشان تتحكم فيني
تركي بكل شموخ وثقه: تـــــركي ..
ريـآنه حطت عينهآ بعينهـ .. وهو ماشال عينه .. ظلو يطالعون لبعض كل واحد يتحدى الثاني
بنظرآتهـ ... تركي بنظرآتهـ آلحــآدهـ وعيونه المركزه بعيون ريآنهـ .. ريانه بكل شموخ وثقه بالنفس
تطآلع فيه..
بس طلع ابو مشعل من الباب الثاني وشآف تركي وآقف عند الباب الرئيسي ...
آبو مشعل: ياهلآ بتركي حيآكـ يبه ادخل
تركي همس لريآنه: آبوك رحمك مني ولآ كان لي تصرف ثاني ..
ريآنه: يمه تراني خفت
تركي اعطآها نظره خلتها تبلع العافيه وسكتت..
تركي: الله يحيك ياعمي ..
ريآنه فتحت الباب وطلعت
/
{ مشكلهـ لاصار ما عندكـ مشاكل ..
صافي مزاجكـ ومشتهيلكـ مصيبهـ ..
فـآرس بالسيارة ومعاه خالد ولد عزوز يتمشى فيه ..
فآرس: خلودي ياشطور ماتبي خاله امل تجي معانا..
خآلد: لا ابي علكه
فآرس: طيب اشتري لك الي تبي بس ماتبي نمر على خاله امل..
خآلد: لا ابي خاله شوق
فارس: يالدب امل وش تشكي منه
خآلد: بث انا احب شوق
فآرس: اسمعني اذا رآحت معنا امل العبك بالدباب بكرى بالمزرعه
خالد: بث ابي الدباب الاحمر
فارس: الدباب الاحمر اصير لك دباب ياشيخ خالد بس لحظة
:
فـآرس: الووو ... هلآ نجلآء
نجلآء: لايكون خالد فيه شي؟
فارس: مافيه الا العافيه ذا الجني.. بس ازعجني من ركبنا هو يبي خالته امل كل مانزلته لمحل يقول ابي خاله امل
نجلآء استغربت: قصدك شوق .. خالد يحب شوق اكثر من امل
فآرس : لا لا لا يبي امل
نجلآء شكت بفآرس
نجلآء تتريق: اكيد خآلد يبي آمل ؟
فآرس توتر: آآآآآ ..آيه
نجلآء : ههههههههههههههههه
فآرس: ايش فيك تضحكين
نجلآء بصوت استهتار: للأسف قول لخلودي ان امل عند صديقاتها اذا يبي شوق يلاقيها بالبيت
فآرس: عند صديقاتها
نجلآء بحمآس: آيه
فآرس: لا وش يبي بشوق خلاص خلاص اللحين بنجيكم افتحي الباب
نجلآء: بالسرعه ذي
فآرس: وش اسوي في ولدك بعد؟ احمدوا ربكم الي تمشيت فيه
نجلآء: هههههههههههههه خلاص طيب
خآلد: عمو يالله نبي نروح نلعب بالملآهي
فآرس: اقول بلا ملاهي بلا هم..بكرى بنروح للمزرعه وبتلعب هنآك.. يالله انزل لآمكـ ..
/
{معك//معك//دايم!!ورغم أنف العذول!!
(أعلن موافقتي) !!وشرطي مايلي!!
(إنّك ترضّاني) إليا (جيتك زعول)!!
وإنك (تزعّلني)!! إليا غاب زعلي !!
ديم جآلسة ترتب ملآبسهآ وملآبس فيصل بشنطة صغيره علشان المزرعه .. ابو عبدالعزيز عزم
الكل بالمزرعه وراح ينومون فيهآ يومين والكل متحمس لهآ ... لآنه لهم فترة ماتجمعوآ ..وشوق
بتسوي حفلتهآ بالمزرعه .. وسعود راح يجي من الشرقيه..
فيصل: عيوني ايش تسوين؟
ديم: ارتب اغراضنآ .. حبيبي تصدق على كثر فرحتي الا اني متضايقة
فيصل: ماعاش من يخلي ديومتي تتضايق.. مين الي مضايقك اموته
ديم: ههههههه يامجرم
فيصل: مستعد اصير مجرم فدوة عيونك.. ماقلتي ايش مضايقك؟
ديم: لانه ماراح اجلس معاك طول الوقت
فيصل: خلاص انا بقول لعمي يرتب لي انا وانتي غرفة
ديم:ههههههههههه كان ينذبحون الباقيين
فيصل:ههههههه ايش علي منهم..طيب عندي اقتراح
ديم: خير؟
فيصل: نروح نسهر هنآك واذا جاء وقت النوم نرجع
ديم: لا قلبي فشلــه
فيصل: طيب أيش اسوي انا؟
ديم: بخليك يومين علشان تشتاق لي
فيصل: اشتاق لك ؟ اصلآ وانا معاك اشتاق لك كيف لو صارت يومين
ديم قربت من عنده وحطت يده على خده
ديم: الله يخليك لي
وفيصل: ويخليك لي ...
فيصل يطآلعهـآ .. بعدين تذكر شي وضرب على جبهته..
فيصل: يؤ يؤ انا عيونك هذي تخليني اروح فيهآ
ديم: ههههه كيف ؟
فيصل: كنت بقول لك شغله مهمه بس لما شفتك نسيت كل شي
ديم: يالبي قلبك .. خير حبيبي ايش الشغله المهمه ؟
فيصل مسكهـآ وسحبهـآ .. جلس جنبهـآ وبكل هدوء يكلمهــآ ..
فيصل: حبيبتي انا بكلمك بموضوع يعني انتي بتساعديني فيه وانا محتاج لوقفتك معآي..
ديم: خــير اذا بيدي شي راح اسويه
فيصل: انا واثق انك راح تحلين الموضوع معآي... انا وانتي بنجمع قلبين وانا اعرف انك تحبين تلمين الشمل...
ديم : انا فهمت وما فهمت
فيصل: اعرفك ذكية .. تفهمينهآ ع الطآير .. بس ايش فهمتي يآحلوة؟
ديم: بخصوص سعود ورندآ؟
فيصل: ايش عرفك بالموضوع؟
ديم تخربطت : آآآآ ..لآ انت ايش كنت بتقول؟
فيصل: انتي عندك خبر بالموضوع؟
ديم زفرت سكتت شوي وبعدين تكلمت: رندآ تحب سعود بشكل ما تتصور كيف .. كل يوم تتعذب آكثر من الي قبله علشان سعود..
فيصل: انا كنت متأكد من الشي هذآ .. انتي لو تعرفين سعود ايش ممكن يسوي علشان رندآ ..
الولد مستعد يعمل أي شي .. تدري ايش طلب مني لما كنت عندهـ بالشرقيه ؟
ديم: ايش طلب ؟
فيصل: سعود حاب يتقدم لرندآ ولما كنا بالشرقية كلمني بالموضوع وانا فرحت بس بنفس الوقت
خفت انه رندآ ما تتقبل الفكرة بالوقت ذآ ..هو يقول لو نسألها قبل مايتقدم رسمي علشان يكون
عندها خبر ..وانا قلت مافيه غير ديومتي الي بتنقذ الموقف
ديـــم ابتسمت: اخيــــــــــــــــرآ .. احلى خبر اسمعه انا بقول لرندآ اللحين وبشوف وش بتقول...
وانا متأكده 100% انها رآح توآفق وبتشوف ..
فيصل: وانا بعد متأكد منهآ
ديم: اوكي انا قايمه بقولهآ ..
فيصل: حلو وانا بنزل تحت عند الوآلده..
ديم: خلآص انا بكلمهآ وانزل لكم ..
/
{ ~ آحيــآن
أحس إني وطن ممتلي نـآس !
~ وآحيـآن
آحس بـ وحدتي وآتحطمـ !
ديـــــم: ايش قلتي رندوش؟
رندآ انصدمـــت من الموضوع.. عقدت حوآجبهــآ طآرت عيونهآ ..
سكتت وبعدهـآ رمــت ملآبسهآ الي بين يدينهآ والي كآنت بتدخلهم بشنطتهآ ورمتهم ع السرير بكل
قوة..جلست على طرف السرير واعطت ديم ظهرهآ ..
ديم: السكوت علآمة الرضى..اقول لفيصل آنكـ موآفقه؟
رندآ: بس انا مو موآفقه
ديــم طآرت عيونهـآ : من جدك آنتــــي ؟
رندآ نزلت دموعهـــآ : آيــه ..
ديم: صاحيه انتي ولا لا ,,,, اقول لك سعود يبيك
رندآ : ديم خلآص خليني بروحي
ديم قآمت وطلعت من الغرفه وبعدين رجعت ...
ديم: فكري زين مو هذآ سعود الي كنتي بتموتين علشانه .. ترى هذي فرصة عمركـ واذا ضيعتيهـآ
مرة ثانية بتندمين طول عمركـ ..طلعت ديم وسكرت الباب بوجهة رندآ ...
رندآ جلست تبكــي من كلآم ديـــم .. وقلبهـآ يعتتصر من الآلم ..على حآلهــآ ...
... ديــم ...
هالبنت عجزت افهمهــآ ..قبل كم يوم بتذبح عمرهــآ علشان سعود واللحين بعد مازآنت الاوضاع
والولد ميت عليهآ تقول مابيه .. ايش قصتك يارندآ .. انا ماراح اقول لفيصل شي علشان ما يتعكر
مزآجه بصبر عليهآ وبعدهآ راح افتح الموضوع مرة ثانية ..
نــزلت ديم وجههآ متغير بآين عليهآ انهآ زعلآنه ...
ام فيصل: خير ياديم نازله وانتي مكتمع الوآحد يضحك لآنزل
ديم ابتسمت : لآ ياخالتي بس كنت افكر شوي ..
آم فيصل [ ما اسرع ما غيرت تعابير وجههآ ]
فيصل: حبيبتي تعالي هنآ ..
آم فيصل: هاه يمه فيصل جهزتوآ اغراضكم ترى بنطلع بدري
فيصل: والله مدري ديومتي اشوفها مشغولة من الصبح
آم فيصل ابتسمت لولدهــآ ...
فيصل: يالله انا بروح اجيب كم شغله .. تبون شي ..
ام فيصل: سلآمتكـ ..
مشت ديم ورآهـ لعند البـآب ..
آم فيصل ... [ هذي خايفة عليه يطير.. يمه منهآ الله يعين ولدي عليهآ نشبه ]
فيصل : هاه قلبي ايش قالت رندآ
ديم بكل ثقه علشان ما تضايق فيصل وسعود ..
ديم: لا ابشرك هي ما وافقت بس استحت وسكتت
فيصل: حلو اقول لسعود اللحين ابي ابشره الولد على نآر
ديم: لا لا لا
فيصل عقد حوآجبه : ليش؟
ديم: خلهآ مفآجأه احسن .. وبعدين البنت حلفتني ماقول لكم شي تعرف الموضوع محرج شوي
فيصل: هههههههه خلآص من عيوني يابعد قلبي
ديم: انتبه على نفسك فصولي
فيصل: ما ودك تجين معآي
ديم: وين؟
فيصل: نتعشى برى
ديم: لا خالتي مجهزه العشاء بعدين بتزعل
فيصل: مافيه انا قلت بتجين يعني بتجين يالله روحي جيبي عباتك
ديم: لحظة بغير .. تدري كيف روح خلّص شغلك وبعدهآ تعال تلآقيني جآهزه
فيصل: اوكي قلبي
/
ايش تتوقعــون يصير بالمزرعه ؟
ايش سبب رفض رندآ لسعود ؟
تركي وسبب زيارته لعمه ابو ريآنه ؟
بسم الله الرحمن الرحيم
الجــزء ][ 33 ][
: : :
{ ماعاد يرضيني وفى ولا يزعلني جفى
متساوي في خاطري ظلم العرب وانصافها
ولا تاقف الدنيا على شمع الغرام اللي طفى
بعض الشموع انا اتعمد كسرها واتلافها
تعبت ادور فالقلوب البارده ليلة دفى
والقى استغلال النفوس وكذبها واجحافها
حتى اقرب العالم لو يوقف معك وقفت وفى
اصبر وتدري وش دوافع وقفته واهدافها
آلعنــود تحـآول تكـآبر قدآم ضآري وهي تحترق من دآخلهـآ .. كل مآشاف بزر بالسوبرمـآركت رآح
بـآسه .. هي تعرف كيف ضاري متعلق بالاطفآل و آكبر دليل عيـآل اخوهـ عزوز يطير فيهم كنهم
عيآله .. من كثر حرصه واهتمامه فيهم ..
ضـآري: عنودتي .. وش رآيكـ هذآ الكوكيز حلو ؟
آلعنود سآكته ومـآهي معآهـ ..
ضآري : عنوووده وين رحتي؟
آلعنود انتبهت : هاه ..لآ معآكـ ..
ضآري غمز لهآ : بآين آنكـ معآي ..
آلعنود ابتسمت له : وش كنت تقول
ضآري: ايش رآيكـ بذآ الكوكيز ..
آلعنود : موحلو .. طآلع ذآ احلى اذكر ريانه دايما تشتري منه
ضآري: اوكي شورك وهدآيه الله
العنود انتبهت لبنآت يخزون ضآري ويتميلحون قدآمه .. وضآري يطالع لهم نآقد على تصرفآتهم وعآقد حوآجبه
العنود: ماشاء الله وش يبون ذولي؟
ضآري على نياته: مين؟
آلعنود: هذولي البنات .. مايدرون ان الي واقفه جنبك حرمتك ولا كيف.. صدق بنات مايستحون
ضآري بخفة دم : مـآلومهم شآفوآ جمالي خقوآ
آلعنود : اسكت ضآري ترآكـ ترفع ضغطي بالكلآم هذآ
ضآري: هههههه يسلمون لي الي يغآرون ..
آلعنود: حبيبي انا بروح اجيب سله بشتري شوية اغرآض مثلك عآرف بكرى جمعتنآ انا والبنات بالمزرعه وكل وحده عليهآ شي ..
ضآري: خلآص قلبي انا تلآقيني هنآ ..
مشت العنود من جهه .. والبنآت رآحوا لعند ضاري من شافوآ العنود آبعدت عنه ..ضآري رآفع راسه
يطآلع للعصيرات الي مآليه الثلآجه .. جت بنت وصدمت عربيه ضاري متعمده وطآحت ...
البنت بصوت مليآن عذوبه : آي رجلي
ضآري خآف ونزلهآ ع الآرض : يعورك شي ؟
البنت : ايه رجلي تعورني .. ليش موقف عربيتك هنآ
ضآري: انتي الي الله يهدآك ماتشوفين
رجعــت العنود وهي تدف العربيه لمآ شافت ضـآري ع الارض جنب البنت وقفت تطآلعه .. حست
بغصه .. كل الافكار الشينه اجتمعت برآسها .. مآمدآه ماتركته غير خمس دقآيق عمل كذآآ .. آكيد
ضاري بداء يكرهني من عرف اني ماراح اجيب له عيال .. اول ماكان يلتفت لآي بنت تطآلعه واللحين
بدآء يآخذ ويعطي معآهم ..
ضآري: تقدرين تقومين؟
البنت : لا تعورني..
ضآري : استني بتصل على زوجتي علشان تجي ونوديك للمستشفى
البنت من سمعت كلمة زوجتي تغيرت ملآمحهآ ..
البنت : لآ عـآدي خلآص انا قدرت اقوم
ضآري: حلو .. بس اللحين انتبهي على نفسك مو تخبطين لك جدآر
البنت بكل دلع :ههههههههههه من عيوني ..وياليت كل الناس مثل طيبة قلبك
ضآري ابتسم لهآ نص ابتسآمه و مـآرد عليهآ .. رآحت البنت من عندهـ ..!!
العنود ترآقب الوضع بينهم لحد ماراحت البنت من عند ضاري و مشت له بكل عصبيه.. طبعآ هو
متعآطف مع البنت وعلى نياته ..ومو حآسب أي حسآب للي رآح يصير
آلعنود : حلو .. ماعرفتنآ مين هي الآخت ؟
ضآري ارتبك لما سمع كلآم العنود واضح انها معصبه ..
ضآري: آآآآآ ... هذي ..هذي وحده طآحت
العنود: وكل من طآح بتسولف معاه كذا
ضآري : لآ بس
آلعنود: لا بس و لا شي قوم رجعني للبيت
ضآري: بس احنا ما كلمنآ الاغراض الي ناقصتنآ
العنود اعطته نظرة : كملهم لحآلكـ .. ولآ اقول طآلع للبنت الي ورآكـ يمكن تقدر تكملهم معاكـ ..
ضآري : العنود .. العنود .. استني لحظة ..
مشــت العنود من عندهـ ودموعهـآ تنزل بكل حرآرة .. ليتني ماشفته ..هذا هو قدآمي ومو حاسب
لي أي حساب يضحك ويسولف مع البنات كيف اجل من ورآي .. الله يصبرني هذا واحنا لسى
بمرحلة العلآج كيف لو اصير عقيم اكيد بيطلقني ..
طلعت من كـآرفور بس ضآري كآن اسرع منهآ لحقهآ ومسك يدهآ بكل قوته.. لدرجة انها عورت يد العنود ..
العنود: اتركني
ضاري: وين بتروحين؟
العنود ساكته وصدت عنه
ضآري: اركبي بالسيارة علشان نتفاهم
العنود: على ايش نتفاهم واقف تسولف معاها ولآ كأن معآك زوجتك
ضآري بدآء يعصب : العنود مو قدآم الناس نتهاوش خلينآ نروح للسيارة
العنود: يعني همتك النآس.. لو همتك كآن ماوقفت تضحك مع البنت
ضآري صرخ بوجه العنود ولآول مرة يطلع خلقه عليهآ .. حتى العنود فزعت من صرخته .. والنـآس
الي يدخلون ويطلعون وقفوآ يطآلعون فيهم ..
ضآري مولع مثل النار وعيونه حمرآء: يالله اركبي
ركبت العنود وهي ساكته ..توقعت ضآري راح يوضح لها شي يبين لها شي ..بس استغربت من
هدوئه كآن هادي وساكت وما نطق باي كلمة ... وصلوآ للبيت وهم طول الطريق هــدوء ماغير
صوت العدآد حق سرعه السيارة يطلع صوت لآن ضاري كآن يمشي بسرعه ..
نزلــت العنــود للبيت ..وضـآري حرك السيارة مشى وتركهآ ..
دخلت العنود ورمت نفسهآ ع الكنبه وهي منهآرة من البكي اول مرة يصرخ بوجهها من تزوجوآ ..
معقولة تغير علي بذا الشكل او يمكن انا تسرعت بالحكم عليه كان المفروض علي اسمعه قبل كل
شي .. بس شفته والي شفته مو سهل علي نازل لعندهآ كنهآ حبيبته قال أيش خايف تتعور ..
ضـآري اتصل على مشـآري وشرح له الموقف ..
مشآري: العنود تقول كذآ ؟
ضآري: حتى انا يامشاري مو مستوعب تخيل من سافرنآ وهي ماقد غارت او شكت فيني وبيوم وليله تنقلب كذآ ..
مشآري: اكيد نفسيتهآ تعبآنه
ضآري: انا هذآ الي مصبرني على حركتهآ .. عارف انها مجروحه من كلآم الدكتورة .. وصايره
حساسه بشكل كبير وانا احاول اداريها وماكدر خاطرهآ .. حتى لما ركبنآ السيارة ما فتحت
الموضوع كله علشآنها
مشآري: ماشاء الله عليك يا ضاري قدرت تعالج الموقف بطريقة صحيحه .. اكيد هي اللحين
مصدومه ومو عارفه كيف تتصرف .. يعني متلخبطه بس اصبر عليها كم يوم وبترجع العنود مثل اول
واحسن
ضآري: الله يسمع منك وانا اللحين برجع للبيت بس ماراح اتكلم معاها ابيها تحس بغلطهآ
مشآري: وآكيد لما ترجع تلآقيها تنتظركـ تبي تعتذر لكـ
ضآري: ان شاء الله .. الله يسمع منك
بعد مـآسكـر ضاري من مشآري رجع للبــيت وهو متحمس على مايشوف ردة فعل العنود آكيد
وآقفه تنتظره او يمكن مرتبه له جلسه علشان يتناقشون فيها بالي صار اليوم ..
دخل ضـآري البيت ولكن انصدم لمـآ شاف العنود نـآيمة على السوفـآ الي بالصاله وهي لآبسه
عبايتهآ .. شكلهـآ تكسر الخآطر .. وآضح انها تعبانه ومتضآيقه ..ومن رجعت للبيت ماتحركت ولا
غيرت حتى عبايتها..
وقف ضآري يتأملهـآ .. لآحظ كيف وجهها صاير اصفر وذبلآن من كثر البكي .. جلس على ركبه وقرب
لهآ باس جبينهــآ .. العنود فتحت عيونهآ بكسل ولما شافت ضاري قدآمهـآ .. قآمت من السوفـآ
وماقالت له أي شي ..
لبست بيجـآمتهـآ الحرير لونهآ ليموني ورفعت شعرهآ ... وانسدحت ع السرير واعطت ظهرهـآ
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك