رواية كابرت بفراقك مع اني تألمت -42
صلت وهي خايفه من اللي حولها ماهي متعوده تشوف ناس كذا هي ماعمرها طلعت برى الشرقيه الناس اللي جنبها الشورتات الشعر والالوان عيونهم واشكالهم تحس انها تشوف فيلم فجاه لمحت وجه مشتاقه له كثييييييييير وودها تركض له وتضمه بس هو حقق اللي توده وجاها ركض وحضنها والناس تطالع فيهم
سعود : وحشتييينيييييي مشتاق لك موووووووووت
ساره وعيونها بدت تغرق: وانا اكثر والله اني متوله عليك
سعود اللي ابعدها عنه وجلس يمسح دموعه: شغلي معك مو اللحين بالبيت
غاصت بملابسها ساره من الحيا ومسك ايدها وبدا يجرها معه وهي تمشي وراه ومنصاغه له
دخل اغراضها للبيت اللي يسكان فيه امه قالت له ياخذ له بيت لانه تزوج وبياخذ ساره معه ومايكفيهم بيت هم وعيالهم
جلس جنبها وحاوطة كفوفه وجهها
سعود : ادري متضايق انك بتبعدين عن ديرتك معليش تحمليني وان شاءالله بنرجع بسرعه للسعودية
سكتت ساره وتذكرت اهلها وبدت تنزل دموعها
سعود ضاق الكون بعيونه ونزل عينه بالارض: من بكرى احجز لك تذكره ع السعودي هانا مستعد اروح معك ارجعك واتطمن عليك وارجع هنا وقام بيحجز لها على طياره للسعوديه
توه بيرفع السماع هالا صوته وقفها
ساره : سعوووووود
سعود التفت لها من غير مايقول شي
ساره قربت منه وحطت ايدها على ايده وبهمس: لو تروح لاخر الدنيا انا بظل معك وماراح ابعد عنك
سعود خايف انها تجامله: جد ولا تجامليني
ساره : انت تشوف بعيوني مجامله
سعود جلس يناظر بعيونه
ساره مسكت ايده وحطتها على صدرها: عقلي يبي يرجع بس هالقلب وش اسوي فيه يبيييك
هنا سعود راح في خرايط امها وقرب منها وباس قلبها
ساره خجلت وقامت منه
سعود بخباثه: وليه البكا اللي مساع هاه
ساره تذكرت ورجعت تبكي
سعود جلس جنبها وحضنها : ساره وش فيك
ساره برجفه: امي ياسعود امي
سعود اللي حضنها اكثر ووده لو يدخلها بقلبه ويسكر عليها مايبي احد يجرحها وهو يدري عن امها اللي كانت دايم تهينها ماحب يتدخل سكت وهو ضامها
ساره: امي ياسعود رضت عني امي ياسعود بكت لفرقاي امي ياسعود حضنتني وبكت علي
مافيه اعظم من رضى الوالدين تحس براحه عجيبه من تشوف الحب في عيونهم وخوفهم عليك فما بالك دموعهم اللي تنزل علشانك ولا وقدام عينك
رفعها سعود من حضنه وناظرها: مو هذا اللي تتمنيه
ساره هزت راسها باايه
سعود: طيب وليه الدموع
ساره ناظرت فيه وعيونه حمرا: فرحانه انها رضت علي
سعود يمزح مايحب يشوف دموعها : وانا يوم شفتيني مابكيتي
ساره ناظرت فيه مستغربه
سعود يمثل الزعل: افى مو فرحانه بشوفتي
ساره بحركه جريئه وسريعه باسته بخده : والله مشتاقه لك موووووووت
سعود : اخ ياقلبي تكفين بعد بوسه بس ابيها هنا < وياشر على شفاته
وقفت ساره دلاله انها مااتمت لطلبه لاكنا يد سعود اقرب لها وسحبها لحضنه وباسها بشفتها بقوه وساره استجابت له وذابت بحضنه ناسيه نفسها باانفاس سعود المتوله والمشتاقه لها
.......................................
يحبهاااااا يانوره يحبهااااااااا
نوره : كرهيه فيهاااااا
رنا: مو شايف غيرها مايبيها الا هي
نوره : سوي أي طريقه يكرهها فيها
رنا: كل شي اقدر عليه سويته
نوره : فكري في طرق كثيره
رنا: والله راسي بينفجر اه يافهد اه ليتك لي مو لها
نوره : اهدي وان شاءالله بنلقى حل
رنا: هذي كلمتك بنقلى حل وبنلقى حل
وقفلت الجوال بوجه نوره اللي اعتادت على تقفيل الخط بوجهها والسبب رنا اللي منقهره ع فهد اه ليتك معي يافهد تبوسني انام ولتمسني انا وتنام معي انا اااااااه بموت
واكلت لها حبتين منوم عساها تنام لاكن من وين تنام وتخيلات افنان وفهد مع بعض وتحت سقف واحد بتجلطها وبتقرب بموتهاااااااا
...............................
جلست من النوم وتحس اللي امس حلم مو حقيقه
مانامت طول اللي والصباح تفكرويوم غفت عينها حلمت فيه
معقوله زوجي تاركني مع سايق وطلال لاحقني خايف علي معقوله طلال يحبني وتركي راميني مايدري عني اااااه ياطلال واااااااااه ياتركي واااااااه يالجين واااه ياضناي ياليت ابوك طلال ولا تركي ليتني رفضته ومت ولا واقفت عليه يوم ارتاح والف لا معاه يلعب فيني وانا الغبيه اصدقه لاكن نفس ماهو يلعب حتى انا بلعب وياانا ياانت ياتركي
وقفت على رجولها وتعلن عن شخصية الجمود اللي بتمثلها وراح تنفذها قدام تركي
لاجل تحافظ على نفسها مو تركي اللي يجرحها ويهينها ع الطالعه والنازله
.....................................
جلس من النوم وجسمه مكسر والم براسه مو صاحي زودو عليه الجرعات وصار مايقدر يتركهم اغلب اوقاته معاهم بو جراح : هاه تركي عساك استانست معنا
تركي: شلون استانس وانا جسمي احسه متكسر
بو جراح وبعدك ماشفت شي تبيني اشوفك تهرب نفس سعود واسكت لازم ازيد جرعات عليك: لالالا بس هذا بالبدايه لانه نوع جديد
تركي: والله ماذابحني الا انواعكم اللي كل يوم شكل
بو جراح: ان شاءالله باقي لك نوع وتعرف اللذه عدل
تركي وراسه يدور : وين الحمام خذني له ماني شايف شي
بو جراح باابتسامه خبيثه: انا اخذك افى ماظلبت شي
وراح معه ودخل وقفل على نفسه وبدى يتروش يمكن يخف صداعه
ومره عليه شريط من يوم ياخذ الحبوب والبودره يستشقها وكلامه للجين وهو مو بوعيه ونومته الى اللحين
تركي: خليتها تروح مع السايق لحالها ااااااااه يالجين والله ماني بعقلي والله والمشكله لو مااكلها اموووووت واحس بطرق براسي
كمل يتحسر عليها وطلع بسرعه ودق عليها
رد عليه صوتها اللي ينسيه همه
لجين: نعم
تركي: افى الحلو زعلان
لجين: ليه ازعل
تركي: اسف ع اللي صار
لجين: شصار
تركي: لجين لاتتصنعين
لجين وهي تحس ان ترك عارفها:جد ماني عارفه ليه تعتذر
تركي: لاتكابرين ادري تتصنعين البرود اقصد اني رضيت لك تروحين مع السايق لحالك
لجين : ههههههههه تطمن حبيبي مو السايق اللي خذاني
تركي عصب وبدت الشكوك تجيه: مين اللي خذاك تكلمي
لجين: مايدخلك
تركي والشرار يطلع من عيونه : تكلمي يابنت الكلب
قفلت لجين الخط بوجهه
وراحت تلبس ملابسها لانها توها متروشه
تركي: انا اوريك يابنت الكلب والله لااعلمك ورجع له الم راسه
تركي: بو جراح يابو جراح
بو جراح من بعيد والابتسامه شاقه وجهه: هلا امرني
تركي: راسي بينفجر ماني قادر استحمل
بو جراح وعطى تركي الحبه القويه : خذ هذي بتريحك
تركي يناظره وبالموت يفتح عينه من الالم: اكيد مو نفس اللي قبل تزيدني
بو جراح : ابد بتشكرني عليها وبتطلبها كل وقت
خذاها تركي وبلعها من غير مويه ودقايق ورجع نام
وبو جراح دق ع اخوياه وطلب كميات زياده لتركي
والله لاخليك تحرم تتعدا مني
ع الغدا في بيت بو فهد
بو فهد وام فهد وافنان وحمودي وريم وفهد
.
.
.
فهد: يما وين تركي مااشوفه يجينا لاهو ولازوجته
ام فهد: مادري والله امس سالت زوجته تقول تعبان
فهد: لايكون زوجته تستحي مني
افنان: لا يمكن انا السبب خلاص من يوم ورايح انا اكلي فوق ادري ثقلت عليكم انا وخواني
بو فهد: افى يابنتي عيب عليك بس عيب بيتك انتي الداخله واحنا الطالعين وعلى فكره بيتكم كسرناه كله وبنبنيه من جديد لكم ماعليك منه تركي قليل خاتمه هو اول معنا بالبيت مانشوفه لو يبي فصلنا خلينا النسوان لحالهم والرجال لحالهم بس هو ماله عذر
افنا انحرجت من كلام بو فهد ونزلت راسها مستحيه منه: مشكور عمي
ريم : كسرتوه والعابي
محمد: لالالا انا ابي الكوره ليه تكسرونه
فهد : اغراضكم اليوم بيجبونهم العمال من هناك ولاتخافون حتى العابكم جبناهم
قامو يركضون بسرعه ويبوسون راس وخد بو فهد وام فهد
الكل : هههههههههههههههههه
ام فهد : والله مايطلعون من بيتي ماحد مالي عيني غيرهم مكانكم هنا ياافنان تسمعيني مالكم طلعه ولاتقولين ثقلنا ماثقلنا تراك الا بنتنا ومكانتك الجوري وزووود
فهد: تكفين فهميها ازعجتني كل تقول اخواني ثقلو وثقلو
داست ع رجله
فهد يمثل الالم: ااااااااخ يما لا ماتزعجني
الكل: هههههههههههههههههههه
..........................................
مجتمعين على الغدا هم بعد الا رنا
فيصل: وينها رناااا
ام فيصل: صار لها فتره ماتتغدا ولا تجلس معانا ع وجبه
بو فيصل: انا خايف عليها
الجوري : تبوني اروح اناديها
فيصل: انتي مايدخلك انا اخوها اشوفها وقام وتاركها مليانه جروح
بو فيصل استغرب رد فيصل ع الجوري وماعلق وام فيصل ماحبت تبين انها انتبهت على كلام ولدها علشان ماتجرح الجوري
ام فيصل: اكلي يابنتي اللحين بتجيك رنا وبتاكل اكلك هههه تموت بالبرياني
الجوري بابتسامه : لا والله شبعت
ام فيصل: يوه مااكلتي شي
بو فيصل: لايكون تستحين مني التفت للام فيصل خلاص مره ثانيه غداي بالمجلس خلي الجوري تاكل براحتها
الجوري: لالالالالالالالا مالي وجود من دونك الله يطول بعمرك انا القايمه وانت القاعد
وعلشان عيونك بخلص صحني
بو فيصل ابتسم : مره ثانيه اذا قلت شبعت بقولهم يجبون غداي بالمجلس
الجوري: توووووووووبه اصلن انا ميته جوووووع وبدت تاكل تغصب نفسها
تحس الوحيدين اللي قاعده بالبيت علشانهم خالتها وعمها مامنهم صراحه
نزل فيصل وكله ضيق: ماتفتح عجزت اطق الباب
بو فيصل: يمكن نايمه
فيصل: والله لو ميته بتسمع الطق
ام فيصل : خلها ترتاح
فيصل التفت للجوري: وانتي بسك شفيك اكلتي السفره كلها
ومشى تاركها بقايا روح
ام فيصل : هههههههه ماتشوف نفسك اكلت علينا الاكل كله وبعدها تقول لبنتي قومي
بو فيصل يغير الموضوع: الا تعال ماقلت لي متى بتسافر لشهر عسلك
فيصل: ههههههه شهر عسل أي كنسلتها ماني رايح وراي اشغال بروح للرياض بعد يومين
الجوري: وجامعتي
فيصل: مالي شغل
الجوري قامت من مكانها: دايمه
وراحت فوق لجناحها تلملم بقايا جروحها
ام فيصل: البنت تبي تكمل دراستها
فيصل: وانا قلت لها لا
بو فيصل: بس شلون وجامعتها
فيصل: تسجل بالرياض
ام فيصل : انتهت فترة التسجيل
فيصل: مو شغلي
بو فيصل: لاتفشلني بعمك مو كافي مو ماخذها تسافر
فيصل: لاتخاف انا الجوري زوجتي وانا حر فيهااااا
سكتو ماقدرو يتكلمون هو وزوجته حرييين
.................................................. ..
الساعه 4 العصر
فرغت كل اللي بقلبها ومن التعب نامت وجلست الساعه 4 على طق جدتها ع الباب
الجده: لجين يابنتي وش فيك لايكون صار فيك شي
لجين بتعب: لا يما اللحين انزل لك
الجده: نزلي ابيك بموضوع تحت اوك
لجين من ورى الباب والرجفه بشفايفها تبكي وسانده نفسها ع الباب: ان شااااء الله اج يييك
وراحت الجده وكملت بكي ماهي قادره ترضى بتصرفاته ولا قادره تكرهه وحركت طلال امس وترتها اااااااااه ياقلبي شكل الله كاتب لي الشقا طوول العمر ولمست بطنها اللي بدى يكبر وداخل ع الشهر السابع واللي يحذرون منه الاطباء لان جسم الجنين يتكون فيه وهي مهمله نفسها حتى الحديد اللي عطاها الدكتور ماصارت تاكله
لبست ملابسها وبسرعه نزلت لجدتها وشافتها تقرا قران
انسدحت بحضن جدتها وبدت تبكي
الجده تقرا عليها وتمسح على شعرها وعلشان كذا اتعلى صوت لجين بالبكا
الجده خافت على بنتها وروحها وقفلت القران
الجده: وش فيك يابنتي
لجين: من زمان عن حضنك
الجده:ههههههه أي خلاص نستيني اللحين حضن زوجك اغناك عني
لجين: رفعت نفسها: مرتااااااااحه يايما معه وكملت وشافيها ترجف وتنزل دموعها وتبوس ايد جدتها مرتااااااااحه معه ومستانسه احس بحسدي نفسي من فرحتي فيه
الجده على نياتها صدقت وحضنت بنتها: الحمد لله اقدر اموت وانا مرتاحه
لجين تعلقت فيها وانفجرت بكي: لا يما خليك تكفين والله اموت بعدك
الجده : بسم الله عليك عندك تركي وان شاءالله انه بيدير باله عليك
لجين : بعد عمر طويل الله يطول بعمرك وولدي من يربيه
الجده: انتي عنده
لجين طرت الدموع من عيونها: ههههه لا انا بخليك انتي تربينه انا بنشغل
الجده: مهما كان حنان الام والابو غيييييييير
لجين : ان شاءالله انا وانتي بنربيه
الجده: وابوه ان شاءالله
لجين قرصها قلبها كانه ينبها انه يمكن مايكون موجود تركي يربيه معاها
لجين بكتمه : ان شاءالله
...................................
صحت من النوم والوقت عندهم 8 الصباح
جلست ع المنبه سعود للجامعه
وهي بين احضانه
ساره : سعووود سعوووود
سعود : ممممم
ساره تحط ايدها على خده وتقرصه بخده وباانفه وهو يلف راسه متعذب وفتح عينه معصب
بس يوم شاف ابتسامته ابتسم وروق
ساره وهي قريبه منه: ان شاءالله مانت ناوي تروح للجامعه
سعود يرجع يغطيها ويقرب منها اكثر ويحضنها : اليوم انا اووووف مالهم دخل فيني
ساره وترجع تكشف البطانه : لا والله احلف يلا قوم جامعه
سعود ويرجع يغطيها: ماعليك بكرى اداوم
ساره وترجع تكشفه بطفش: قوم انا ابي اسجل بالجامعه
سعود : اوف منك ويحط اصبعه على راسها
هالراس اليباس والعنيد
ساره: طالعه عليك
سعود باسها على خدها بسرعه : هههههه ياحظي
ساره قامت منه لان شكله بيتهور : يلا انا داخله اتروش
سعود : تلقين الفطور تحت فطري واجيك في خدامات هنا أي تبينه طلبيه منهم اوك
ساره من بعيد: تتوقع يقبلوني بالجامعه
سعود يجلس ع السرير: يحصل لهم ساره حرم سعود ويرفضونها
ساره: اهم شي حرم سعود هاه
سعود يغمز لها: أي شخصيه هامه
ساره : واحلى شخصيه
سعود بحركه بنفض البطانيه بسرعه منه: هذي اللي تبيني اكلها
ساره بسرعه دخلت الحمام
سعود + ساره : ههههههههههههههههههههه
...................................
الساعه7 المغرب انتظرته ماجاها ولاعطاها أي اهتمام
شنو ماتدرس بالجامعه ع كيفه يدري ان وقت التسجيل انتهى
والله مااعديها له مصخها كثيييييير بيعاند انا بعد بعاند معه
ولبست وكشخت ونزلت تحت وباايدها عبايتها
شافت ام فيصل باستها ع راسها: مساك خير يالغاليه
ام فيصل: مساك نور بنتي مشاءالله ماغلط فيصل يوم اختارك
الجوري بحيا: تسلمين يالغاليه
ام فيصل: وين بالعبايه
الجوري: طفشت هنا لحالي قلت استاذنك بروح لبيت اهلي
ام فيصل حست بالفشله من بنتها اللي من جات الجوري
ماجلست معاها: افى بس لاتستاذنين ولا شي وانا سالتك قلت
يمكن تطلعين مع فيصل بقولك تقولين له يجيب لي دوا من الصيدليه
الجوري : امريني انا اجيبه لك
ام فيصل: لاوالله مااتعبك خلاص اقول له وهو يجيبه
الجوري : لا والله لاتعب ولاشي انا بمر باخذ لي كم كريمات
ام فيصل: بعطيك علبه وابي نفسها
الجوري : اوك بنادي لك الخدامه تجيبها لك
راحت الجوري تنادي الخدامه وقالت لها ام فيصل عن مكان
الدوا وطلع دوا مسكن للعظام
الجوري: بس هذا اللي تبينه
ام فيصل : ايه بس جعلك سالمه
الجوري وتبوس أيد وراس أم فيصل: الله يسلمك فمان الله
ام فيصل :وقفي تبخري انا طلبت منها تجيب لك عود
وقفت الجوري وحست انها جد عروس مدلـلـه من خالتها
ووصل العود اللي سبق ريحته شوفه وبدت تتبخر وبخرت خالتها وسلمت عليها وطلعت
كانت داقه ع سايقهم يجيها
كريم : كيفك جوري انتا خلاص صير حورما
الجوري: هههههههههه أي خلاص
كريم: وانتا جيب بيبي صح
الجوري مغصها بطنها لانها متأكده ماراح يجي اليوم اللي تحمل منه
كريم انتبه لسكوتها : وين هزا صديق مال انتا مافي يجي
الجوري وتذكرت ان كل وحده انشغلت بهمومها: روح بيتنا وانت ساكت
كريم : هزا جوري مافي تغيير زواج جيب بيبي سيم سيم
الجوري: هههههههههه قاعده على قلبك
.......................................
كانت لابسه وكاشخه وفهد مو مخليها تكمل كشختها
وبعدين فهود روح والله بتخترب كشختي كل وقت بقعد احط لي روج
فهد اللي شافيفه صارت نفس لون شفايف افنان كل وقت يبوسها بشفتها
: هههههههههه بس اخر وحده
قمات افنان وهي لابسه تنوره قصيره وبلوزه بلوك روماني ايد كات وايد من غير كم
ومسكته من ايده وطلعته وقفلت الباب
فهد : ههههههههههه معليش انتظرك الساعه 10
افنان: واه مانت صاحي شنو 10 اليوم انا بنام عند خواني
فهد من ورى الباب: اوك انا قاعد لك هنا وماني رايح
وجلس بالصاله التابعه للجناح
افنان: فهد بلا جنان ويلا روح تحت
فهد : مالت عليك بموت فيك انا بنزل تحت ماني ميت عليك دوري اللي يجيك مره ثانيه
بعد ربع ساعه
افنان كانت تكلمه وهي تتمكيج وخلصت ورشت لها عطر وطلعت فتحت الباب شافته بمكانه غافي : ياحرااااااام حياتي مسكين يكسر الخاطر
وراحت تصحيه بس طلع مو نايم لانها عارف بتقرب اذا شافته
وحضنها وباستها برقبتها
افنان : فهد والله ماني نازله ابعدها فهد وهو يضحك وقام وتركها : هههههههههههه الساعه 10 هاه ودخل الغرفه بيتروش
افنان : حتى 10 الصباح تحلم بنام عند خواني
فهد: بقول لامي
افنان : لاياشيخ
فهد : ههههههههههههههه
افنان : والله انت مجنون وبتجنني
فهد: أي مجنون فيك
افنان طلعت بسرعه وهي تحمد ربها على نعمة السعاده معه راحت لغرفة ريم ومحمد اللي كانت بجنبهم ماشافتهم وسمعت سوالفهم مع خالتها ونزلت لهم وعلى وجهها الابتسامه
سلمت على ام فهد : مساك خير خالتي
ام فهد اللي فرحت بطلت افنان وكشختها: مساك عافيه يابنتي
افنان: ازعجوك صح انا باخذهم عنك
مسكت ايدها ام فهد : والله انهم مونسيني خليهم معي
افنان: خلاص اوك ريم حمودي لاتتعبونها اوك عيب
ام فهد : ماعليكم منها
ابتسمت افنان وراحت للمطبخ تجهز الكيكه اللي مسويته للجوري ولجين اللي بيجونها اليوم تمنت لو ساره معاهم وخنقتها العبره ونزلت دموعها على صديقتها
شوي رن الجرس وفتحت الخدامه وصوت الجوري بدا يعلى
واااااااااه قرف مووووووووت وانتو سنه على ماتفتحون
ام فهد: بدينا بالكذب توك رنتيه
جلست جنب امها وسلمت عليها
الجوري: وين زوجة اخوي
افنان وبايدها الشاي والقهوه: الله زوجة اخوك من بعد ماكنت فنونوووه
الجوري: ههههههههههههه اهم شي اناديك وتسلم عليها وتبوسها محلووووووه
افنان : مو نفسك يادوبا حليانه بجد
ام فهد : ههههههههههه كلنا حلوين بس جلسو خلونا نتقهوا
افنان + الجوري: ههههههههههههه
الجوري: بوسه ريموه الملسونه مشتاقه لك
ريم تقرب منها وتبوسها
حمودي من غير ماتقول له راح وباس الجوري
الجوري: وااااااااااه عاد الا حمودي يفمهمني اني احبه وابي ابوسه
افنان : ههههههههههههه بسك بوسات وشربي قهوتك
الجوري: تسلمين
وبدو يتقهووووووون
.........................................
الساعه 10 الكل تجمع عند افنان وكملو سوالف وكلعادة ماقدرت ترد على تسؤلاتهم عن زوجها
والله من زمان عنه اخوي
لجين تغير الموضوع: بتسافرون شهر عسل
افنان : انا ماقال لي فهد
الجوري: وانا لا
لجين: يوووووه ليه
الجوري: يقول وراه اشغال
افنان تحط عينها بعين الجوري: مرتاحه معاه باامانه
الجوري بلعت غصتها : وش شايفتني لجوووون
لجين هي الثانيه تبلع موس: انا مرتاااااااااااحه الحمد لله
افنان: تصدقون واضح عليكم
الجوري غرقت عيونها: انا بصراحه لا
لجين كانت بتقول بس قطعتها أفنان : كنت حاسه علشان كذا سالتك
(لجين وانا متى بيحس احد فيني اه ياليل الشقا بس)
الجوري اللي قطع عليهم صوت جوالها
وتوترت: افنان هذا هو
افنان : مين
الجوري: فيصل
لجين برتباك: ردي عليه
الجوري: ماقلت له اني بروح لبيت اهلي
افنان: طيب ليه ماقلتي له
الجوري: الاخ بياخذني للرياض وانا زعلانه عليه
لجين: اكليها اللحين طيب دي لاتخلينه يعصب زياده
الجوري طيب اخاف يهاوشني
افنان: ويهاوشك غبيه انتي ردي لايزيد
الجوري رمت الجوال بعيد عندها: ماني راده مايبيني يطلقني
لجين: يوووووووه سكتي لاتسمعك خالتي
افنان خذت الجوال وردت : هلا
فيصل استغرب الصوت وكمل: الجوري وينها
افنان : بالحمام تكرم تبي شي انا اوصله لها
فيصل لا بس قولي لها ابيها ترجع البيت لاتتاخر اوك
افنان: ان شاءالله تامر
فيصل بذوق: اسفه بتعبك معي
افنان بابتسامه: افى ولو ماطلبت شي
فيصل برتياح: فمان الله
افنان: فمان الكريم
الجوري بعد ماقفلت : هاه شصار
افنان: ياحليله رايق
لجين : ههههههههههه وانتي مخترعه ع الفاضي
الجوري: اعرفه والله معصب بس يوم ماسمع صوتي سو نفسه مروق
افنان : ماعليك تراه يقول لي خليها ترجع لي البيت لاتتاخر
الجوري: مابعد اشبع منكم تركيه يولي
لجين: ترى الرجال مايحب البنت تعصي كلمته
الجوري : خليه يولي
افنان: لاوالله وتطيح براسي انا بكرى اذا تطلقتي يلا قدامي اشوف
وبدت تجرها وتلبسها عبايتها وعند الباب : حلاة الضيف خفيف هههههه
الجوري: والله وبيتي وتطرديني
لجين: هههههه اللحين صار بيت افنان
افنان : ههههههاي
الجوري : بتجيني وبطردك
افنان: علشان حياتك اطردك
طلعت الجوري بعد ماسلمت عليهم وقالت لسايق ياخذها للبيت
وصلت عند باب البيت وجات بتنزل بس نست ان خالتها طالبه منها دوا وشكلها محتاجته يوووووووه كيف نست رجعت ركبت وقالت للسايق ياخذها لأقرب صيدليه
نزلت وخذت نفس الدوا اللي تبيه وخذت لها هي حبوب منع حمل ماتبي تحمل منه وهو مايبيها وارجفت مجرد مافتحتها في السياره وخبتها بشنطتها ووصلت البيت الساعه 11 ونص
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك