رواية اشتقت لك لين صارت بي منك لمحات -43
فتحت ديم البآب لرندآ وشآفتهـآ آخر شيآكه وديم لآبسه روب نوم دآنتيل آبيض
رندآ : ديموه وش فيك تآخرتي ... [شهقت] انتي للحين مآلبستي ؟
ديم: انتي الي وش عندك لآبسه ؟
رندآ: هذي الي بتجلطني وش فيك نسيتي اللحين رآح يجوننآ صديقآت آمي مو اليوم آمي مسويه
عزيمه كبيره لصديقآتهـآ وهذي اول عزيمه يعني تبي تعرفهم عليك
ديم عصبت: طيب وليش ماقلتوآ لي؟
رندآ: آمي تقول انها قالت لك
ديم: لآ ماقالت طيب وانتي ليش ماقلتي لي
رندآ: انتي امس رجعتي متأخره من بيت آهلك واستحيت ازعجكم انتي وفيصل وبعدين قلت آكيد عندك خبر لآن امي وآثقه انها قالت لك
ديم: كم الساعه ؟
رندآ: اللحين بتصير 6
ديم: وش يمديني انا ماعملت شعري ولا رتبت لي لبس يوووه
رندآ: حبيبتي ديم معاك وقت لا تخافين الحريم ماراح يجون الا ع الـ 8 يعني عندك وقت وبعدين انتي قمر مايحتاج كل البلاوي الي يحطونها الحريم
ديم: صاحيه انتي انا عروس وخالتي تبي صديقآتها يشوفون زوجه ولدهآ يعني لآزم اصير توب
رندآ :خلآص لا تضيعين الوقت ادخلي خذي شاور ع الطاير والبسي بسسسرعه واذا تبين اساعدك بشي ناديني اوكي؟
ديم : اوكي
دخلت ديــم للحمآم وجلست تصيح عارفه انه هالحركه مقصوده من خآلتها نفسهآ تعرف السبب
الي مخليهآ قاسيه معاها بالشكل هذآ حآولت تتقرب منهآ بس خالتها رفضت نفسها تعدهآ بنت لها
فيصل سمع صوت صياحها دآحل الحمآم قآم من السرير ورآح لعندهآ طق الباب
فيصل: ديوم وش فيك؟
ديم ارتبكت مسحت دموعهآ بسرعه حآولت تصير طبيعيه فتحت الباب لفيصل الي كآن خايف عليهآ
ديم: هلآ قلبي
فيصل: وش فيك تبكين؟
ديم: لا مآبكي
فيصل: الا عيونك حمرآء وش فيك حبيبتي
ديم : قلت لك قلبي مآفيني شي يالله ياقلبي ماتبي تروح لمكتبك
فيصل: ماراح اروح الا لمن اتطمن عليك
ديم ابتسمت علشان ماتبي تخلي فيصل يشك .. وماتبي يصير بينه وبين امه مشآكل بسببهــآ ..
فيصل لبس ثوبه وديم ورآهـ تلبسه شمآغه ...
فيصل: ماتبين تنزلين معآي
ديم: لا انا بعد شوي بنزل
فيصل: اوكي قلبي توصين على شي من برى
ديم: سلآمتك انتبه على نفسك
فيصل : وانتي برضوآ انتبهي على نفسك
نــزل فيصل للصـآله وشاف البيت حالتهم حاله الانوآر وريحه البخور والخدآمات بكل مكآن ورندآ وآم فيصل على آخر شياكه
فيصل: ماشاء الله وش عندكم ؟
رندآ : ديم مآنزلت ؟
فيصل: لآ
ام فيصل: هذي الي هي شاطرة فيه النوم بس
فيصل: وش القصه؟
ام فيصل: صديقاتي يبون يجون لعندي وانا قلت لزوجتك من زمان وطالعها الى اللحين ما نزلت والحريم على وشك وصول
رندآ: يمه ديم تقول انك ماقلتي لها
ام فيصل : خوش والله تبي تكذبني بعد
فيصل: بس ديم صادقه انتي ماقلتي لها
آم فيصل : وانت وش عرفك
فيصل: لو كنتي قايله لها كان قلتي لها كان اعطتني خبر اوديها للكوفير قبلها بيوم
رندآ تطآلع لآمهـآ وعرفت وش تقصد .. فيصل تضآيق من حركة آمه وبرآئه ديم الي خبت عليه الموضوع علشان مايسوي سالفه مع آمه ..
آم فيصل انقهرت : ايه شكلي نسيت اقولها تعرف الوآحد اذا صار عند عزيمه ينسى
فيصل مقهور: ايه وآضح انك نسيتي
رندآ : خلاص فيصل طول بالك وروح للمكتب وانا بسآعد ديوم وان شاء الله بتجهز قبل مايوصلون الحريم
فيصل رمى شنطته المليانه اوراق على الطآوله : لآ اجلسي انا الي بروح اشوفهآ
رندآ : عآجبك يمه وهقتي البنت
آم فيصل: حتى انتي بعد
صعد فيصل من الاصنيصير ورآح وهو معصب على آمه حطت ديم بموقف سخيف
وهي مـآ تستآهل فتح البآب وشـآفهــا وقف بمكـآنه طآرت عيونه..
ديم شكلهآ ولآ شكل عروس لآبسه تنـــوره آوف وآيت ستريتش وتـوب لونه
تركوآز وفيه كمر مع تحت ومن عند الصدر ثلآث وردآت بالدآنيتل ملونه بدرجآت
التركوآز و لفت شعرهآ بالبكرآت
ديم : فيصل انت مـآ رحت ؟
فيصل: آآ بصرآحه مدري وش اقول عن تصرف آمي معاك
ديم : لا تقول شي عادي انا عاذرتها اكيد انشغلت ونست تقولي
فيصل انحرج من ديم وقلبهآ الطيب ..
فيصل: انا بسأل متى آمدآك تسوين كل هذآ
ديم : هههه اذكر الله
فيصل: ماشاء الله ..
ديم: ياقلبي انا سريعه باللبس والميك آب
فيصل: كل يوم آكتشف فيك شي
رندآ وقفت عند البآب ترددت خآفت تشوف ديم لسى مآخلصت ولآسيما فيصل مآنزل
طقت رندآ الباب وفتح لهـآ فيصل ... رندآ شهقت لما شـآفت فيصل
فيصل: وش فيك
رندآ : ههههههههههههههههههههههههه
فيصل: وش الي يضحك [ التفت يمين يسار ]
رندآ: فيصل شفت نفسك بالمرآيه
فيصل: لآ
رندآ: ربي رحمك ان امي ماشافتك او زباينك شافوك ولآ كان سحبوآ قضاياهم من المحآمي المعروف
فيصل : آدخلي ساعدي ديم وانا بروح اشوف المرآيه
رندآ : هههه اوكي
فيصل شاف المرآيه شهق : هههههههههه كله منك ياديم انتي والروج الاحمر عاد هذا كيف يروح ..
رندآ: افااااااااا حتى انتي ياحرم فيصل
ديم : رندآ جآبك الله تعالي شوفي الروج الاحمر مو رآضي يروح
رندآ: هههه لقافتك انتي و زوجك دآمك تعرفين ان فيصل فيه لا تحطين روج احمر
ديم: تعالي دبريني رندآ تكفين بلآش تريقه
رندآ : اعطيني الباودر والكونسيلر هههههه خليني نخفي العيوب الي مسويها اخوي المحترم
ديم : يجي يوم واشوف سعود مسوي فيك كذآ
رندآ: هههههه سعود آعقل من اخوي قليل الحيآء
دخلــــت ديم للمجلس ورندآ ورآهــآ وكـآن مليـآن حريــم وكلهم صديقآت ام فيصل
وكل وآحده اكشخ من الثانيه لآنهم من الطبقـآت الهـآي كلآس ... آم فيصل تفآجـأت بشكل ديم
وكيف قدرت تتجهز بذا الوقت قصير وكيف شكلها طالع تحفه
كل من شاف ديم ذكر الله و آم فيصل رآفعه رآسها بزوجة ولدهـآ كل الحريم انهبلوآ عليهــآ
آم فيصل: هذي زوجة ولدي فيصل ..
ام سعود : ماشاء الله عليهآ قمر
ام سلطآن : عرفتوآ تختـآرون والله
ديم منزله رآسها استحت من كلآم الحريم ..
آم مي : لا الله الا الله عليها زين وشياكه ماتنعآب والله
آم فيصل: الله يسلمكم ديم ماشاء الله اخلآق وزين
ديم رفعت رآسهـآ ورندآ طآرت عيونهـآ من كلآم ام فيصل ..
ام زيآد : وآضح البنت تطلع آمهـآ وام عبد العزيز من زمان نعرفهآ باخلآقها
آم نآيف : يابختك يا فيصل والله ..
ام فيصل : هههه الله يسلمكم ..
/
آلعنود: يالله يالدبـآ خلينـآ نروح للسوق
ريآنه : مانيب رآيحه
العنود : خوش والله مو انتي عروس كيف بتجهزين
ريآنه : مابي اجهز كيفي ؟ وبعدين احمدوآ ربكم الي وآفقت
العنود : واللحين شلون ؟
ريآنه: انا بتصل على عبير تروح معآك
العنود: بس ياريانه لازم تشوفينهم انتي وانتي الي تختارينهم على ذوقك
ريآنه: انا وآثقه بذوقكم انتي وعبير.. وبعدين لاتشترون غير بنآطلين وحجابات
تعرفين لآ عزآيم ولآ طلعآت وروحـآت
العنود : شلون يعني ؟
ريآنه: يعني اشتري الي تبين وخلآص فكيني ترآك رفعتي ضغطي ..
العنود : بس لآزم الملآبس تصير كشخه مو انتي عروس
ريآنه: عروس مع وقف التنفيذ
العنود عقدت حوآجبهـآ : كيف ؟
ريآنه : و لاشي بس لا تتكلفين حيل تعرين انا مآحب الاشياء الاوفر وبعدين حق مين أي اكشخ ليكون لابو الشبآب تريكي
العنود : تريكي؟ اسمه تركي
ريآنه: كيفي اسميه الي ابي
آلعنــود : الله يعينه عليك
/
سميرآ : الووو
فيصل: هلآ
سميرآ : جوآل المحآمي فيصل
فيصل: ايه فيصل معآك
سميرآ : استآذ فيصل كيفك ؟
فيصل : الحمد لله مين معآي ؟
سميرآ : انا وحده بصرآحة عندي مشكلة والكل نصحوني اروح لعندك فا إذا مـآعندك مـآنع اقدر اجيك اليوم ؟
فيصل: اليوم مشغول تقدرين تتصلين على المكتب وتآخذين موعد وقتهآ بكون جآهز ان شاء الله
سميرآ : بس انا مشكلتي ضروري احصل حل عليها هاليومين
فيصل: اليوم وبكرى ان مشغول تقدرين تجين السبت الاسبوع الجاي
سميرآ : على خير ان شاء الله ..
/
{ بعد المحبه علامك منت طــايقني ؟؟
وانــا علــى اشواقــي هي أشواقــي
اسلوبك اليوم يقتلني ويحرقنــي ..
سؤال؟ ابسألك وين أسلوبك الراقي !
حتى كلامك معى بالحيــل مقلقنــي
والشك في داخـلــي ماعاد ينطاقي ..
ان كان قصدك تقول ارحل وفارقني !
برحل ولكن مصير الحي متلاقي...
وان كان قصدك تغلا ...وانت عاشقني ؟
أبشرك ماتغـير شي بعماقي
وان كنت تمـزح ؟ أمانه معك روقني ..
تراي مكسور خــاطر وانكسر ساقــي ..
ديـم ترتب الغرفه وطلعت ملآبس فيصل وجلست تبخرهــم وتعطرهم .. فجـآءه
جـآهـآ آتصــآل من رقم غريب طآلعت للجوآل مآعرفته مآحبت ترد ورجعت ترتب
الملآبس الجوآل رجع يدق الجوآل وديم مآلقته له بآل .. وبعدين صوت مسج
آخذت ديم الجوآل وفتحت المسج طلع من نفس الرقم الي اتصل عليها
مسآء الخير مدآم ديــم ..
ياليت تبعدين عني انا فيصل وتتركينا بحالنا
لعلمك فيصل يحبني من قبل ما تتزوجينه
سوي فينآ معروف وآتركي فيصل لي ..
ديم وقفت مآقدرت تفهم أي كلمة مكتوبه نزلت دموعهآ بحرآره مع انها واثقه بفيصل ...
.... ديــــم ....
مين هذي وايش تبي مني ... مستحيل فيصل يخوني مع وحده ثانيه هذي غاويه
مشاكل وتبي تخرب بيني وبين فيصل وتدمر حياتنا اكيد بس انا ماراح اسكت لها..
مسحـت ديم المسج ورآحت غسلت وجههـآ وحست بصدآع ودوخه حآولت تنوم
بس مآجــآهــا النوم ..
دخل فيصل الغرفه وشاف ديم متمدده على السرير طالع للساعه كانت 12 ونص
عرف انه تأخر بالمكتب رمى شنطته على السوفـآ الي بالغرفه وبدل ملآبسه ولبس
بيجآمه كحليه آخذ وسآيد " مخدآت " وشرشف " غطآء مسك بآب الغرفه يبي
يطلع بس ديم شافته وجلست على السرير ..
ديم: انت جيت حبيبي؟
فيصل: آيه لا يكون صحيتك من النوم
ديم: لآ عآدي
فيصل: ديم انا من اليوم ورايح بنوم تحت بالملحق علشام ما زعجك
ديم طآرت عيونهآ : ليش؟
فيصل: قلت لك علشان مازعجك وانا من قبل مآتزوج اذا مسكت قضيه مهمه
احوس بالاوراق ومايجيني نوم الى الصبح ومابي اتعبك معاي
ديم: أي تعب فيصل وبعدين انت قلت قبل ماتتزوج اللحين اختلف الحال انت متزوج
فيصل: ياقلبي كل الي اسويه علشان قدري موقفي انا بشتغل الى الصبح ومابي
ازعجك بالنور واصوآت الآورآق ..
ديم جت في راسها كل الافكآر الشينه مآقدرت تتكلم
فيصل : تصبحين على خير ..سكر الباب وطلع
ديم رمت الوساده على الباب من القهر وجلست تصيح وهي تفكر بكلآم المسج و
تربط بينه وبين تصرفات فيصل الغريبه ..!!
بالملحــق فيصل جآلس والاوراق بكل جهه والانوآر مشغله جلس يكتب بالاورآق ويجمعهم
..... فيصــل .....
ياربي انا صحيت ديومتي من النوم مايصلح والله احسن شي اني اجلس بالملحق
كل مآصار عندي شغل علشان ماضايقهـآ بازعـآجي واورآقي ..
مـآقدرت تنآم ديم وفيصل مو جنبهآ لبست الروب واخذت معاها جلآل علشان
ماتشوف تركي وهي بالروب نزلت تحت وشافت لمبات الملحق مشغله عرفت ان
فيصل لحد اللحين مو نـآيم رآحت للمطبخ وصلحت له كوب شـآي اخضر ودخلت
عليــه شافته نآيم على الطآوله والاورآق متبعثره وطآيحه والتكييف عآلي وهو مو
حآس بالي حوله غرقآن بالنوم نزلت الكوب على الطآوله وجمعت الاورآق ورتبتهم
وغطته بالشرشف وقصرت على التكيف علشان ماياخذ برد وطفت اللمبات وطلعت
/
الدكتورة : مدام العنود للأسف انتي ماتسجيبين للعلآج
العنود: كيف؟
الدكتورة: انتي مو منتظمه على الخطه العلاجيه الي انا حددتها وبكذآ ماعتقد راح
يصير حمل
آلعنود : اساسا انا راضيه بالي يكتبه الله من غير علاج يادكتورة انا تعبت من
العلاج نفسيتي صارت زفت
الدكتورة: اذا انتي تبين الحمل لازم توآصلين
العنود: انا قررت اتركه واذا الله اراد يرزقني طفل فالحمد لله واذا ماراد قسمتي ونصيبي ..
الدكتورة :بس
العنود: شكرآ يادكتورة وعن اذنك ..
طلعت العنود وهي مقتنعه ان العلاج الوحيد هو الدعآء والله مايخيب رجاها كل شي
وله علآج وهي وآثقه بآن الله مايضيع تعبهآ ويرزقهآ على قد نيتهآ ..طلعت وهي
متمآسكه ومؤمنه بقضاء الله وقدره حتى هي انصدمت من نفسها لآول مرة تكون
قوية بالشكل هذآ طلعت ورآحــت لبيت آهلهـآ علشان تغير جو ..
/
{ في ذمتك ماكني البارح غفيت
في ذمتك ماكني البارح ((دفيت))
في ذمتك ماكن عيني البارحة غمضت عن غيرتي
وماكنها قبل الغموض كانت تشكل حيرتي!
وترسم لعطرك سيرتي..
مره نثر
ومره شعر
أخاف أضيعك بداخلي
وأدورك بداخلي
وألقاك بروحي
غفيت..
على طـآولة العشاء الكل متجمع .. ديم نزلت متأخره شافت فيصل جالس يتعشاء
استغربت اول مرة يتعشآء من غير ماينآديهـآ .. عصبت
آبو فيصل: هلا بنتي ديم تعالي تعشي يبه قلنا ماراح نتعشى الا لمن تجي ديم
ديم تناظر لفيصل الي ماكلف خاطره يشوفها جالس يآكل
رندآ : الا زوجك هالدب قال انه جوعآن ههههههههه
ديم اتبسمت .. فيصل سآكت مآعلق
آم فيصل : يالله سموآ وآكلوآ ..
ديم جلست بالكرسي الي جنب رندآ ..
رندآ وابو فيصل وآم فيصل استغربوآ من حركة ديم ما جلست جنب فيصل اول مرة
تسوي الحركه هذي واستغربوآ من هدوء فيصل وعدم مبالاة بالموضوع ...
آم فيصل: ليش ماتجلسين جنب زوجك ؟
ديم : لآ عادي كذا مرتآحه
ابو فيصل يبي يغير الموضوع : صبي لي من الشوربه يام فيصل
ديم ماشالت عيونها من فيصل .. فيصل باله مشغول بالقضيه الي هو ماسكهآ كل
تفكيره فيهآ بكرى الصبح راح تبدآء المحكآمه وفيصل بطيبعه حاله اذا مسك قضية
مهمة ينسى كل النآس وديم مو عارفه طبيعه فيصل كمحآمي
ديم : الحمد لله
فيصل رفع عيونه من الصحن يطالع لها
رندآ: ديم حبيبتي مآكلتي شي؟
ابو فيصل: صحنك مثل ماهو وش فيك يبه تعبانه ؟
ديم : لا بس شبعت
ام فيصل ترآقب فيصل
فيصل: تعبانه
ديم بجفآف : لآ .. عن اذنكم برتآح بغرفتي شوي
رندآ: فيصل قوم شوف ديم وش فيها
ام فيصل: خليه يتعشى وش فيك على الولد .. ديم مافيها شي هذا يسمونه دلع بنات
ابو فيصل: رندآ روحي لها
فيصل: لا آجلسي ديم تعبانه شوي واذا هي تعبانه ماتحب احد يجلس عندهآ ..
رندآ سكتت وهي مو فاهمه أي شي من حركآت فيصل وديم وماحبت تتدخل خآفت
من ردة فعل فيصل ..
صعــدت ديم ودموعهآ تسبقهآ كآرهه نفسها وكارهه الدينا كلها مو لآقيه تفسير
لاسباب صد فيصل عنها نفسيتها تعبانه وحاسه انها بتنفجر من التعب فتحت باب
الغرفه حســت بدوخه مسكت الجدآر علشان ماتطيح ..
.... ديـــم ....
ماهي حاله ذي وش فيه علي ما قد سويت الشي الي يخليه يزعل مني كل هالزعل
حتى ماكلف خاطره يصعد لي يتطمن علي .. يـآه انا برضوآ احس اعصابي تعبانه
لي يومين مآكلت رآحت للثلآجه طلعت كوكيز وبسكوت وصبت لها عصير جلست
بتآكل بس مـآقدرت نفسيتهآ مسدودهـ رجعت الآكل لمكـآنه وتمددت على السرير
اول مـآحطت راسهـآ على الوسـآدة نـآمت من غير مآتحس بنفسهآ ..
دخل فيصل عليهـآ وشـآفهـآ نآيمه جلس جنبهآ دخل يده بخصلات شعرهآ بآسها
وهي مآحست فيه غطآهـــآ علشان مآتبرد سكر اللمبآت وطلع ..
هلآ بـ ’ اللي نسي ’’ صوتـہ ‘‘ بأذني البآرحـہ ..
و عوّد ،
يبي يسمع معي كلّ الكلآم و يعترف .. زيي !
هلآ بـہ گثر ..
مآ آزوِّد غرآمـہ ..
و المحـہ زوَّد !
هلآ بـہ گثر مآ يلعب ..
بـ حسبتـہ وقتي ،
و غيي !
قبل لآ آقولّـہ جآگ الخفوق ..
بـ ’ ذمِّتگ : جوِّد ،
سبقني !
وقآل لّي :
جوِّد خفوقي ....
يآ بعد حيي !!
شوق: الو هلآ مشآري
مشآري: مشاري ساده من غير تدليع
شوق: هههه
مشآري: فديت هالضحكه وصاحبتهآ
شوق: وش سويت اليوم بالدوآم
مشآري: والله ضغط ياحبيبتي لدرجة ان الدكتورة ليلى الي كلمتك عنهآ بتسآفر الآسبوع الجآي وفيه دكتورة مو شآطره بتصير محلهآ
شوق: مشآري ممكن آطلب طلب ؟
مشآري: ولو حبيبتي انتي تآمرين ومشآري يقول لك حآضر ..
شوق: تسلم لي يالغآلي .. انا نفسي ادآوم بكرى عندكم
مشآري: جد؟
شوق: انت اللحين بحاجه كآدر طبي بقسم النسآء ومافيه عندك الا دكتورة وحده
وانا طفشت من جلسة البيت وش قلت؟
مشآري: وش اسوي فيك انا من جد انا افتخر اذا تفكيرك كذآ حبيبتي انا مقدر اقول لآ اكيد يشرفنآ
كلنآ انك تجين وتبآشرين بالدوآم ومن سعد حظي محبوبتي بتدآوم معي
شوق: يعني موآفق ؟
مشآري: وهذي يبي لها كلآم .. بس انتي قولي لعمتي صيته وخالي عبدالرحمن
شوق: مآراح يقولون لآ اذا عرفوآ اني معآك
مشآري: ارحميني تراني ماتحمل كل هالكلآم الحلو
شوق: ياعساني مـآ فقدكـ ..
/
{ مدري ...؟!
علام " الرياض" اليوم مرتبكه.
كن القلق .. ينتثّر فيها و يجمعها..!
ما كنها..؟!
الا..! عروسٍ "ليلة الشبكه" .كل ما ذبحها " الخجل" عضت اصابعها ..!
... ][ يوم زوآج ريــآنه ][ ...
عبير :ريانه جت الكوآفير
ريآنه: يالليل الليل خليهآ تدخل
العنود: ريانه وصلت الشوكولآته
ريآنه: ترآكم غثيتوني وش اسوي انا ارقص لهم يعني
عبير: هدي رنوش وش فيك معصبه
ريآنه : مدري عنكم نشبتوآ بحلقي
العنود: ريلآكس عروستنآ
ريانه: لاتقولين عروستننا قولي ريانه
عبير + العنود :ههههههههههههه
البنـآت تجمعوآ بالبيت بمآ ان العرس عآئلي طلع مرة رآقي ومرتب الحوش كله طآولآت
وكرآسي مزينآت بالورد الطبيعي والمسبح مليان بالونآت وآلحديقه فيهـآ بوفيه
العشــآء والسمـآعات الكبيره بكل مــكآن والـ Dj
شوق: وش فيك جود لآصقه فيني
جود : مستحيه مابي اشوف ام طآرق
شوق:هههههههههه الحرمه طاحت رقبتها وهي تلتفت تدورك
جود : لا انا ماراح اطلع ابي اجلس هنآ
شوق:ههههههههه
ديم: بنآت ريانه خلصت تعآلوآ نصور معهــآ ..
رندآ : يابختك ياتركي والله الزين صار من نصيبك
ريآنه : رندآ تكفين لاتجيبن لي طآري تركي
رندآ: هههههه تستحين
ريآنه عصبت: لآ تلوع كبدي
رندآ: ههههههه اجل كآن الله في عون مآي برذر
ديم : ايه ده ياحمآتي المصونه وش هالزين
ريآنه: ترآكم رفعتوآ ضغطي بكلآمكم
العنود: ريانه وش فيك من امس واعصابك نار
شوق: معذوره الليله تبي تنوم برى غرفتهآ
ريانه: تدرون ان الزوآج خيانه
البنآت شهقوآ على كلآم ريانه
آمل: كيف يعني ؟
ريآنه: اللحين امي وابوي يربوني ويتعبون علي ويجي الشين ياخذني كذا بكل سهوله
يعني كذآ بارده مبرده
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك