رواية اشتقت لك لين صارت بي منك لمحات -45
ام فيصل وش هالكلام الي تقولينه يابنتي فيصل زعلك بشي
ديم صرخت : لاتجيبين لي طآريه
ديم وهي شايله شنطتهآ الثقيله دآست على طرف عبايتها وطآحت بوسط الصاله والشنطة طاحت
من يدينها وتبعثرت الملآبـــــــــــس بكل مكآن وديم اغمى عليهآ
ام فيصل تصآرخ لما شفت شكل ديم كذآ صحت رندآ من النوم مفزوعه ونزلت وشافت ديم طآيحه
جلست تصيح ... دخل فيصل عليهم وشاف ديم مغمى عليهــآ وامه واخته يصيحون حولهـآ ...!!!
/
بسم الله الرحمن الرحيم
آلجــزء ][ 35 ][
" ألآخيــر "
: : :
فيصل جآلس وجنبه آمه بالمستشفى ورندآ وآقفه ..
فيصل: ليش آلدكتور طول عندهآ ...
آم فيصل: طول بآلك ياوليدي ان شاء الله ديم مآفيها الا العافيه
رندآ: ان شاء الله ..
بعد نص سآعه ..
فيصل: يمه خلآص انا بدخل اعصابي تلفت
رندآ: هذا الدكتور طلع منها
فيصل: دكتور ... دكتور ..
الدكتور: حضرتك جوزها للمدآم ديم
فيصل: ايه وش فيها يادكتور
آم فيصل: طمني
الدكتور: تفضل معاي علشان توقع على اجرائات العمليه
فيصل : عمليـــــــــــــه ؟ ليش
الدكتور : ايوه المدآم سقّطت الجنين
ام فيصل: ديم حـــــــآمل؟
آلدكتور: كآنت حآمل
فيصل: جنين ليش متى كآنت ديم حآمل
آلدكتور استغرب منهم : انتو مش عارفين انها حآمل
فيصل : لآ طيب هي كيفهآ فيها شي؟
الدكتور: بعد العمليه كل شي يتضح اللحين هي دآخله بنوبة اغمآء
رندآ تبكي: فيصل وش تنتظر روح وقع ع الاوراق خلهم يعملون العمليه
آم فيصل مسكت رآسها وجلست على الكرسي : وانا اقول البنيه نفسيتها تعبانه طلعت وحآم الحمل ياقلبي عليها
فيصل رجع لآمه ولرندآ بعد مآوقع على اجرائات العمليه وشاف رندآ تبكي وآمه متضايقه رآح وقف جنب الجدآر وكآن ساكت حتى انهم استغربوآ هدوئه
رندآ راحت لفيصل ومسكت كتفه: فيصل باين عليك انك تعبان روح ارتاح واحنا راح نجلس عندهآ ..
فيصل صرخ بآعلى صوته : انا الي ذبحتها كله مني انا السبب ..
اخذ يضرب بالجدآر الي ورآه مثل المجآنين وهو يصرخ لدرجة كل الممرضات تجمعوآ عنده والمرضى خآفوآ من صرآخه
فيصل جلس ع الارض ودموعه تنزل: يمه ديم ماراح تسامحني
ام فيصل تنآدي الدكتور: يادكتور تعال شوف فيصل
الدكتور: يالله ياستاذ فيصل تعال معنا
فيصل: مانيب متحرك ابي اشوف ديم
الدكتور: ياستاذ زوجتك اللحين يعملون لها عمليه تنظيف بسبب سقوط الجنين
فيصل: انا بجلس هنا لحد ماتطلع
رندآ : فيصل اعصابك خذ هذا المويا اشربه
فيصل رمى كوب المويا على الارض وحط يدينه على راسه
رندآ تناظر لأمها الي مو فاهمه السالفه بس سكتوآ لانهم لو تكلموا أي كلمة راح يطلع فيصل من طوره
/
تركي: ريانه انا طالع اشتري شوية اغراض للبيت
ريآنه: بروح معآك طفشت من الحكره هنآ
تركي: اوكي
ريانه: دقايق بروح ابدل ملآبسي انتظرني
تركي : بسرعه
ريانه: طيب لا تربكني
رآحت ريانه ولبست بنطلون جينز وبلوزة طويلة الى الركبه لونها ابيض ومع تحت
جايه طبقتين ولبست حزآم سخيف مرة لونه ازرق فيه لمعه ولفت حجآب باللون
الآبيض .. لبست شنطتها وتذكرت تركي الي يستنآها برى فتحت الشنطة و حطت
كحل وقلوس باللون الوردي وطلعت
تركي ماشافها بس سمع صوت باب غرفتها.. تحرك وفتح الباب حق الشقه يستنآها برى
طلعت ريآنه رفع تركي عيونه وشافها ظل يطآلعها من فوق لتحت
تركي: البنطلون هذا مرة ضآيق ممكن تغيرينه
ريآنه رفعت حوآجبها : خير ؟
تركي: الي سمعتيه
ريآنه: ياسلآم هذا البنطلون مو ضيق بالعكس
تركي: اقول لك ضيق ومآسك على جسمك غير كذآ ماتطلعين والكل يشوفك بالشكل هذا انتي ليش تشترينه من الاساس؟
ريآنه : انا وش دخلني كله من العنود
تركي: وش دخل العنود
ريانه: مآلك شغل .. اعطني المفتاح برجع للشقه
تركي: بتدبلين ذا البنطلون [ يأشر عليه ]
ريآنه: لآ مآ راح اطلع
تركي: احسن
ريآنه رصت على اسنانها من القهر كآن ودهآ تذبح تركي .. ليش يتحكم فيها
بالشكل هذا .. ماتعودت احد يعاملها بالشكل هذا الكل كآن مدلعها بالبيت لانها
اصغر العنقود وربي حطها بين يدين تركي
ريانه فتحت الباب والتفت ورآها شافت تركي نزل من الاصنصير" اللفت"
...... ريـــــــــــآنه ......
ياسخفه ياناس حتى ما كلف خاطره يجي ورآي يتطمن علي انا دخلت ولآ لآ .. قال
ضيق البنطلون ياكرهه ياناس يبي يفرض شخصيته ياحووول يحسب نفسه عنترة زمآنه .. ياربي هو ليش
تزوجني علشان يعذبني ويحكرني بالشقه هنآ حتى ماطرى على باله ينزل معاي
يتمشى فيني مآغير اتمشى لحالي وهو لحاله اذا نمت هو صحى واذا صحيت هو
نآم .. ياربي ارحمني وريحني ..
دخلت غرفتهآ وفتحت الشنطة بتطلع بيجآمه مريحه لانها كرهت كل ملآبس
الطلعات جلست على الارض تتأمل الشنطة
ريآنه [ ياربي كل يوم اقول برتب الشنط ولما اشوفها اتكيسل واقول بعدين ]
جلست تحوس بالشنطة تبي تطلع لها بيجآمه ماحصلت كل البيجامات لبستهم
وغسلتهم بالمغسله مآفيه غير قمصآن النوم الي اشترتهم العنود لها .. مسكت
قميص ستآن لونه وردي القميص قصير الى الركبه ومع ورى فتحه كبيره يصير
ظهرهآ طآلع مع ورى بشكل كبير .. مسكته وجلست تضحك كثير لما تذكرت العنود
وكيف تشرح لها طريقة لبسهم قدآم تركي
ريآنه [ مادرت اني ماشوفه غير قليل .. مالي الا البسه وآمري لله البيجآمات كلهم
مو فيه .. بس اتخيل شكلي غلط بالقميص ههههه يالله ياريانه جربي وش ورآك ]
دخلت الحمـآم ومعاها القميص علشآن تبدل ملآبسهــآ ..
رجع تركي وفتح الباب ومعاه الآكيــآس حط الاكياس على الطآولة التفت يمين يسار
ماشاف ريآنه دور عليها بكل مكآن ماحصلهـآ ..
تركي [ آكيد بغرفتهآ ..]
طل من الغرفه بس مآسمع صوت و الغرفه ظلآم ومافيهآ نور ..
تركي [يمكن تكون طالعه ... لا وين
تطلع وشنطتها وجوآلها بالصاله .. انا لازم ادخل اشوفها ..]
دخـل تركي للغرفه وشافها ظلآم ماغير اللمبآت الي ضوئها خفيف مشغله التفت
على الغرفه ريحتهـآ مررررة رآيقه غمض تركي عيونه يشمهآ مرة اعجبته نسى
نفسه بعدين طآلع على التسريحه فيها علبه بآرزه باللون الزيتي مكتوب عليها
باللون الذهبي من برى ريآنه و تركي فضوله ما منعه يفتحهآ شآف فيهآ خآتمين
كل خآتم مكتوب فيه اسمآئهم ريانه تركي وتآريخ الزوآج .. وقراء المكتوب على
العلبه كآنت هديه من ديــم سمع صوت باب الحمآم انفتح سكر العلبه بسرعه بس
مآقدر يطلع من الغرفه لان ريانه شافته ..
ريآنه شهقت لما شافت تركي بوسط غرفتهآ بس نست انها لآبسه القميص الوردي القصير
وشكلها مرة حلو ونعوم تركي انذهل ماتوقع يشوفها بالشكل هذا شعرهآ الناعم
وريحة عطرهآ وقميصهآ الستآن القصير وشبشبهآ على شكل دبدوب صغير مآقدر
يتكلم كان يطالعها وكأنه يفحصهآ بنظرآته
ريآنه مآتحملت عصبت على تركي ونست شكلها ونست ايش هي لابسه من العصبيه الي فيها
لآن تركي بوسط الغرفه
ريآنه: وش عندك هنآ ؟
تركي : آآآآ..مدري وينك انادي عليك ماحصلتك
ريانه: يعني وين تحصلني اكيد بغرفتي ولآ اضيع يعني
تركي يطالعها من فوق لتحت ..
ريآنه :خير وش تطآلع [ بعدين تذكرت قميصهآ ]
ريآنه صرخت صرخه قوية
ريآنه: وآآآآآآآآآآآآآآآآآآآآآآآآآآآآآآآآي اطلع برى ياقليل الادب
تركي سد اذانه من صرآخها وطلع بسرعه من غير مآيتكلم ورآح لغرفته وسكر
الباب ..رمى نفسه على السرير
وجلس يفكر بشكل ريانه الانثوي مرة اعجبها وجذبته بشكل كبير بس لسانها
الطويل وحركات العنّآد تخليه يبتعد عنهآ ويحس انه غلط بالاختيار ..
/
سعود اتصل على جوآل فيصل الي كآن مع رندآ
آم فيصل بصوت قصير: رندآ طلعي الجوآل برى لا يقوم فيصل
رندآ طلعت برى غرفة فيصل وردت على الجوآل
سعود: هلا فيصل وينك فيه اشغلتني
رندآ بصوتهآ الهآدي : هلآ سعود
سعود : رندآ ؟
رندآ: ايه
سعود: وين فيصل ؟
رندآ مآقدرت تتحمل آكثر بكت
سعود: وش فيك ؟ فيصل فيه شي؟
رندآ: فيصل بالمستشفى
سعود: بالمستشفى ليش؟
رندآ: هو وديم كلهم بالمستشفى واحنا مو عارفين
سعود: يالله اللحين انا اجيكم
رندآ: سعود لاتقول حق بيت عمي ابو عبدالعزيز عن ديم والي صاير هنآ
سعود: آكيد يالله اللحين اجيكم
سكرت رندآ الخط ورآحت لغرفة فيصل قبل مآتفتح البآب جآء الدكتور
الدكتور: لو سمحتي انتم آهل المدآم ديم؟
رندآ: ايه وش صاير لها ؟
الدكتور: لا مو صاير الا كل خير المدآم اللحين تحت الملاحظة
رندآ: نقدر ندخل اللحين ونشوفهآ ؟
الدكتور: لا بعد 24 ساعه ان شاء الله راح نطلعها بغرفة لحالها
رندآ : اللحين هي كيف وضعهآ ؟
الدكتور: الحمد لله المدآم احسن بس الباقي عليكم انتم ..
رندآ: كيف الباقي علينآ ؟
الدكتور: اللحين المدآم تمر بحآله نفسيه سيئة جدآ نتيجة الصدمه العصبيه الي
تعرضت لها علشان كذآ انتم لآزم تطلعونهآ من حآلتها النفسية ولا بتتطور الحآله
وبتصير اكتئآب الله يبعدهآ عنه ..
رندآ : آكتئـآب .. لآ ان شاء الله كل شي راح يتعدل ويصير تمآم ماقصرت يآدكتور
الدكتور : ولو هذا وآجبنــآ ..
دخلت رندآ على غرفة فيصل وشافته على السرير فآقد الوعي وآمه جالسه جنبه على الكرسي ودموعها ما وقفت رآحت رندآ لعندهآ بآستها
رندآ: يمه ابشرك ديم احسن
ام فيصل: طلعت من العمليه؟
رندآ: ايه الحمد لله
ام فيصل قآمت من الكرسي
رندآ: وين يمه؟
ام فيصل: بروح اتطمن عليها
رندآ: يمه ديم تحت العنآيه المشدده
ام فيصل : ليش ؟ مو تقولين انها احسن
رندآ: لا بس هي لسى تحت تأثير البنج وبعدين نفسيتها زفت يقول الدكتور لازم تطلعونها منهآ
آم فيصل : بروح اشوفها انا قلت مآقدر اصبر
رندآ: اوكي خلينآ نروح نشوف الدكتور قبل هو يأذن لنا او لآ ..
ام فيصل: انا بروح له انتي اجلسي عند آخوك يمكن يقوم اللحين ومايلاقي احد جالس عنده وانا بروح اشوف ديم
رندآ: خلآص يمه الي تبينه يصير ..
جلست رندآ على الكرسي جنب فيصل وهي تطآلع له
..... رنــــدآ .....
ياليتني ماشفتك يافيصل بالشكل هذا .. لآول مرة احسك ضعيف وتايه ومو عارف
كيف تتصرف ..لآسيمآ انك اخوي الكبير مصدر القوة لي اشوفك قدآمي متمدد على
السرير وحالتك يرثى لهآ .. يالله ايش السبب الي خلى ديم تزعل من فيصل وكآنت
بتروح لبيت عمي آكيد السبب كبير الي سقطت الجنين بسببه فيصل مآقد تأثر
بالشكل هذا الا ان الموضوع كبير بالمرة يارب تفك عنهم وترجع الميآة لمجآريهآ ..
دخل سعود على غرفة فيصل رندآ عدلت حجآبها وتغطت عن سعود ..
سعود طآرت عيونه لما شاف شكل فيصل كذآ .. وقف شوي مو مستوعب الي صاير له ..رندآ تطالع
عيون سعود الي لمعت من شاف صديقه واخوه و ولد عمه طآيح بالمستشفى وهو مو عآرف أي
شي ..
سعود بصوته المبحوح : ايش الي صاير له؟
رندآ قآمت من الكرسي وقربته لسعود ..
رندآ: اجلس وانا بقول لك الي صار وابيك تسآعدني مثل ما انت عارف ابوي مسافر لدبي وتركي مو عندنآ
سعود: ولو يارندآ من غير مآتقولين بس ابي افهم ايش الي خلى فيصل بالشكل هذآ آمس اتصلت
عليه كآن طبيعي ليش اليوم اشوفه بالمستشفى ؟
رندآ قالت له الي صار وانها هي نفسها مو عارفه السبب ..
سعود: ولآيهمك يارندآ انا معآكم وماراح اقصر بشي
رندآ: مآتقصر
دخلت ام فيصل عليهم وعيونها حمرآء
رندآ: يمه شفتيهآ ؟
ام فيصل صوتهآ رآيح : ايه ياقلبي عليها مو حاسه بشي حولها وشكلها مرة ذبلان وضعيف يكسر الخآطر ..
سعود: ماتشوفون شر ياخالتي
ام فيصل: هلا بك سعود الشر ما يجيك اعذرني ماشفتك
سعود: معذوره ياخالتي
ام فيصل: رندآ روحي للبيت اللحين ابوك راح يجي بعد شوي خليه يرتاح وينوم واذا صحى من النوم قولي له
رندآ: لآ يمه انتي روحي وانا بجلس عند فيصل وديم
ام فيصل: مقدر اروح و اتركهم تكفين يابنيتي روحي
رندآ: طيب يمه اذا تبين شي اتصلي علي
سعود: خالتي انتي روحي وانا بجلس عندهم انا توني جاي من برى وانتي من امس هنا ارتاحي
ونامي كم ساعه وبعدها ترجعين تلاقين فيصل ان شاء الله قايم ..
ام فيصل: والله ودي ياسعود بس قلبي مايطاوعني والنوم ماراح يجيني نوم وانا اشوف فيصل و
زوجته هنآ ..
سعود: على كذآ انا بوصل رندآ وارجع هنآ
ام فيصل: ماله دآعي يايمه ترجع
رندآ: سعود السوآق تحت ارجع معاه وبعدين طريق البيت بعيد عن المستشفى
سعود: الشغالة معاك ؟..
رندآ تفاجأت من سؤآله حست بخوفه عليهآ رغم الحزن الي شايلته بقلبهآ الا انها انبسطت على سؤآله ..
آم فيصل: ايه ياولدي معاها الخدآمه لانه ماراح تركب لحالها
سعود: يالله خليني اوصلك تحت
رندآ: لآ ارتاح انا بطلع لحالي
سعود: ولو يارندآ لآزم اوصلك لبآب السيارة
رندآ طلعت هي وسعود من الغرفه وهم يمشون بالممر
رندآ: سعود ممكن اشوف ديم مآراح اطول بالكثير خمس دقآيق
سعود: اوكي انا بجلس هنا اذا طلعتي بتلآقيني هنآ ..
رندآ: آوكي عن اذنكـ
سعود: آذنكـ معآكـ ..
دلخت رندآ وشافت ديم والآجهزة حولهآ بكت ماقدرت تتحمل تشوف شكل ديم وهي بغرفة وفيصل
بغرفة ثانيه حست انها مخنوقه بآست جبين ديم وطلعت
سعود شآف دموعهآ ..
سعود عقد حوآجبه : بلآش دموع يآ رندآ ادعي لهم انتي بالسلامه
رندآ مسحت دموعهآ بالمنديل: الله يقومهم بالسلامه ..
/
جـود رمت اللاب توب على الارض وضمت وسادتها وهي تبكي بعد مآشافت الصورة على الايميل ...
.... جــّـود ...
مو معقول الي صاير مين الي ارسلي الصورة على الايميل كيف عرفني وعرف
خطوبتي من طآرق ..وانا ماقلت لآحد.. المشكلة انا بعد ماشفت الصورة خلآص طآرق طآح من
عيني ومستحيل ارتبط فيه بعد اليوم حاط نفسه مثل الملائكة المطهرين انا كيف
صدقته يعني معقوله شاب ومسآفر ومو معآه احد لاحسيب و لآرقيب .. بس هو
عارف ان الرقيب هو الله يعني مآ خاف من الله قبل مايسوي العلاقات المشبوهه مع
البنات الاوروبيآت كيف البنآت الاماراتيات يقولون لي الولد محترم ومايطالع احد
اكيد اغتروآ فيه مثل ما انا اغتريت فيه لازم احط حد للموضوع علشان مآياخذ وقت
آكثر من اللآزم ..لازم طآرق يعرف اني كشفته على حقيقته .. !!
نزلت جود تدور على فآرس بالبيت كله شافته يمسح سيارته بالفوطه برى بالحوش وهو يغني
ويرقص من حآلة ..
جود: فآرس
فآرس مايسمع لها يمسح سيارته وهو يغني
فآرس :آدعي علي بالموت ولآ سمّني بس لآتفارقني دخيل الله وتغيب
جود: فـــــــــــــــــآآآآآآآآآآرس
فارس فزع من صوتهآ : آي فقعتي طبلة آذني
جود: اترك كل شي من يدينك وتعال بكلمك بموضوع
فآرس شاف جود كآن باين ان وراها سالفه كبير .. رمى الفوطه على السيارة ورآح ورآها دخلت جود
وسكرت باب مجلس الحريم على فآرس
فآرس يمزح: يعني تبين تحشريني هههههههه
جود بصوت مخنوق: فآرس انا مآبي طآرق
فآرس سكت شوي يبي يستوعب الكلآم الي قالته
جود تطالع بفآرس الي سكت .. جود تنتظر ردة فعله
تنتظره يصارخ يهاوش عليها ..
فآرس: كيف يعني ماتبينه ابي افهم
جود: يعني انا مابيه
فآرس: حبه حبه علي ابي تشرحين لي ترى انا عقلي اليوم متنح
جود: فآرس خلاص انا مابي ارتبط مع طآرق رجاء قول له الخبر
فآرس: بس كنتي موافقه عليه ومحد اجبرك وش غيرك
جود: كنت شي واللحين شي ثاني
فآرس: ليش طيب على كيفك هي الولد طآير من الفرحه حتى النوم مو قادر ينوم من الفرحه ..
جود تبكي : خلاص يافارس لاتعور قلبي
فارس: فهميني ليش رفضتيه بين يوم وليله كذآ يعني
جود: اعذرني ماراح اقول لك ..
مشت جود وفتحت الباب بس فارس منعها ومسك ذراعها بكل قوته
جود: آي تعورني بعد يدك عني
فآرس: ماراح ابعدها الا لمن تقولين لي السبب
جود: ماراح اقول الا اذا طلب طآرق بس اعذرني ولا تضغط علي ..
مشت جود وراحت تركض على الدرج وهي تبكي وفآرس مو فآهم أي شي من الي صآير لهآ ..
فآرس وقف محتآر طلع الجوآل من جيبه واتصل على طآرق
طآرق: آهلآ وين الغيبات
فآرس: والله مشغول ياطآرق
طآرق: وش اخبار احم احم
فآرس سكت مو عارف ايش يقول
طآرق: الووو؟ فارس وش فيك؟
فآرس: خلآص طآرق
طآرق: ايش الي خلآص
فآرس مقدر يقول آنعقد لسانه توتر آكثر
طآرق: فآرس انت وينك انا راح اجيك
فآرس: بالبيت
طآرق: دقآيق وانا جآي لك ..
/
فيصل فتح عيونه وآمه جنبه وسعود جآلس قدآمه ..
فيصل بصوت هآدي: ديم .. ديم .. وينها ؟
آم فيصل قآمت وقفت عنده وباست راسه ..
سعود: ديم طيبه وطلعت من العمليه
فيصل مسك رآسه حس انه ثقيل مرة وعيونه مآيقدر يفتحهم كآن فيه ارق وتعب واعصابه تعبانه .. حآول يقوم من السرير
ام فيصل: وين تبي يمه اجلس
فيصل: بروح اشوف ديم
سعود: يافيصل انت تعبان وديم اللحين لو بتروح لها ماراح تحس فيك
فيصل: الا بتحس فيني انا لازم اوقف جنبها
ام فيصل: ياولدي انت ....
فيصل: خلآص يمه قلت لك بروح اجلس مع ديم
سعود: يالله انا بروح معآك
مسك سعود فيصل واسنده عليه وام فيصل ورآهم
وصل فيصل للعنآية المشدده ودخل لعندهآ
اول مآشافها نزلت دموعه بآس يدهآ وجلس عندهآ
سعود: ياخاله فيصل تأخر والدكتور يقول نص ساعه آكثر شي ويطلع
ام فيصل : انا بدخل اشوفه
سعود: وخليه يطلع علشان يرتاح بالبيت
ام فيصل: مع اني عارفه انه ماراح يرضي بس بقوله
دخلت ام فيصل عليه وشافته جنب ديم
ام فيصل: يالله ياولدي اطلع
فيصل : ماراح اطلع بجلس عندهآ
ام فيصل: بس يافيصل الدكتور يقول ممنوع تطول هنآ
فيصل بعصبيه: ماعلي منه انا جآلس عندهآ يعني جآلس
طلعت ام فيصل من الغرفه بعد ما استسلمت لما شافت فيصل كيف صرخ بوجههآ
سعود: وش صآر
ام فيصل: مو رآضي يطلع
سعود: يوووه وش نسوي الولد تعبان
ام فيصل: هو يبي يجلس عند ديم خله ياولدي انا بروح وبرجع ان شاء الله بعد نص ساعه وانت بعد روح ارتاح من الصبح وانت واقف على رجولك
سعود: عادي ياخالتي انا بجلس هنآ لحد مآترجعين انتي وتجلسين عندهم
آم فيصل: الله يعطيك العافيه ياسعود تعبآنك
سعود: ولو ياخالتي وش هالكلآم الي تقولينه انا معتبر نفسي ولدكم
آم فيصل: وانت صادق انت اللحين بحسبة آخو لفيصل وتركي
سعود: خالتي ماراح تقولين لبيت عمي ابو عبدالعزيز؟
آم فيصل: الا بس مو اللحين لمن تصحى ديم ونشوف وش الي خلاها بتترك البيت
وتزعل من فيصل كل هالزعل يمكن تنحل الامور بينهم وانت تعرف مانبي نكبر
السالفه وعمآمك لو يعرفون ان فيصل زعّل ديم وربي ماراح يتركون الموضوع
يعدي كذآ..
سعود: زين انا بسكّر جوآلي علشان مايتصلون علي
آم فيصل: على خير يالله انا بروح تبي اجيب لك شي معاي ياولدي
سعود: لا مشكورة ياخاله
/
نجلآء جالسه بالحديقة تشرب كوب شآي وخلودي نآيم على رجولها .. دخل عبدالعزيز عليهم
نجلآء: هلا حبيبي ..
عبدالعزيز: هلا بك .. وش عندهم الحلوين هنآ
نجلآء: اوص خلودي نآيم ترى اتعبني على مانام
عبدالعزيز: يالله انا بشيله لغرفته
نجلآء رفعت خآلد له بس رن جوآل عزوز ..طلعه وشاف الرقم بعدين التفت على نجلاء .. نجلاء تراقب كل تصرفاته
عبدالعزيز: لحظة شوي حبيبتي معي مكالمة مهمه
نجلاء رفعت حوآجبها : آوكي
طلع عبدالعزيز يكلم برى البيت
نجلاء تضايقت من تصرفات عزوز الي زودهآ .. شالت خالد وصعدته لغرفته
ونومته هنآك ورجعت للصاله تشوف من القزآز اذا عبدالعزيز رجع او لآ .. بس
ظنها خآب لسى يتكلم برى وبالوقت المتأخر رآحت للغرفه لبست بيجآمتهآ وسكرت
النور وتغطت دخل عزوز على الغرفه
عبدالعزيز شاف نجلاء نايمه عرف انها تلعب عليه رآح وجلس جنبها على السرير
باس خدهآ .. نجلاء غمضت عيونها قلبها عورهآ
عبدالعزيز: انا عارف ان الحلو مو نآيم
نجلاء طنشته
عبدالعزيز شآل نجلاء بين يدينه
نجلاء تصرخ: نزلني .. نزلني
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك