رواية هروب من الواقع -9
حتى جدتي قامت ترقص معنا...
كان بنا نوم ونعسانين ...بس
(مايغلب النعاس غير السعاده والفرح)..
وهذي قاعدتي عشان اهجر النوم.....
طلعنا على الساعه (8) صباحا تقريبا من بيت الجده..
متجهين لشقق (جوهرة الياسمين)...وقعدنا نتفرج
بصبح رايق ...ونسمات الهواء العليله,...والشوارع الضيقه..
والجسور...والبوفيات ....والسيارات تعدي...
أشواق:آمال سبحان الله يالفرق بين جو الطايف وجده..
آمال:أي والله ..تبين الصدق ..ياليت نقدر ناخذ جو الطايف
ونحطه بجده...
أشواق:هههههههههههههههه أي والله
آمال:مدري احس الطايف زينه بس جده اونس ..
وقفنا بموقف السيارات ...بعد السوالف...والضحك ..
وقفنا ونزلنا ماشاالله..جيش ...
بس كنا بنشاط مايعلمه الا الله...
خذينا الشناط ودخلنا الشقه...يعني مو ذاك الوسع بس نظيفه..
به ثلاث غرف وحمام (الله يعزكم) وصاله صغيرونه...
على فكره كلنا نحب الفنادق الراقيه وتقريبا اغلبنا جربه...
بس خوذوه قاعده لو تسكنين قصر ...مايزين الرحله والسفر
إلا (حلاوة النفــــوس) من جد ...
دخلنا يا(كومة هالبنات) بشقة اهلي والله ولا شاورنا أحد نبي
ننام كلنا بغرفه وحده ...الصدق ان هالغرفه كبيره اللي نبيه
وبه قعده وكراسي ...ورى السريرين...
حنا ماهمنا ...واتفقنا ماننفصل نبي ننام سوى..
نشميه: أنا مالي دخل ابي انام هنا ورى السرير ..وتضحك
هههههههههه
آمال: هذا اللاب توب...
أماني:الله ياسلام خلونا ندور شبكات ..
وتاخذ أماني اللاب توب حقه وتفتحه..وتقعد على السرير
اللي تحت المكيف...وتمدد..
سماح تركض بسرعه لمه ....وتقمز على السرير بقوه..
أماني وهي تضحك:يامل العمى والوجع يالبقره
وش هالقمز...اصبري
سماح:به شبكات؟؟؟
أماني :وخري وخري يديك اشوف ههههههه
سماح:لا والله ....اقول بسرعه شوفي به شبكات ولا لا؟
أشواق وهي واقفه عند الباب حق الغرفه:والله انكن
فاضياااات..
أماني :اقول طسي بس انتي ياتفكير العجوز..
نشميه :هههههههههههههههههاي..
أشواق:انا ماقلت لا احد يقول لي بهالسفره تفكير العجوز؟؟
وجع يوجع لعن الله ابوكن ولابوكن...
آمال :هههههههههههههههه ياحرام
منيره:ماهي لمنا مير ابد قاعده والسماعات باذانه
وترقص بهبال وماهي يم العالم كله...:graaam (157):
سماح :وااااااااااااااااااااااااااا الله
وتمسك المحمول تبي تسحبه من أماني..
أماني :اقول تقلعي يالشينه طسي..
سماح وهي ميته من الضحك على شكل اماني
اللي شوين تاكل المحمول ...:graaam (250):
نشميه :ههههههههههه انتن يالمهبل..وش بلاكن
...%أماني تاخذ المحمول وتركض به ..وتقمز على السرير
الثاني ..وسماح وراه..
ويدورون ويدورون...
حنين:ههههههههه خبلات من صدق::graaam (260):):
حياتي ابتسامه 25-08-2009 03:52 AM
رد: هروب من الواقع قصة واقعية لبنات هربوا من المنزل
:آمال:اسمع صوت خالتي نوره..شكله جت لمنا..:graaam (234):
أشواق:أي والله شكله جت..
وتقرب اشواق من الباب البني حق الغرفه اللي يطل على الصاله
سكتوا البنات ...وأماني وسماح قعدوا على سريرهم بهدوء زي
ماكانوا..
والمحمول ما شاالله على رجولهم متمسكينن به..
خالتي نوره دخلت علينا بالغرفه ..يالله يابنات يالله
يالله قومن..قومن ننام مانمنا..\
وتعرفون نظرات الأمهات له معاني
(تهديد...به عقاب ترى بعدين..يالله قومن ...شغلكن
مو هاللحين )
أشواق:لا لا يمــــه ياخيّك خلينا بهذا...
نشميه:يمه كلها يومين بقن خلينا..
نوره:اقول قومن اقووول لا أعيده
آمال وحنين :امانه خالتي خليهم امانه
منيره:ياربي يمه وش هذا حنا طالعين نتمشى
ولا ننحشر..:graaam (136):
قومن ياقليلات الحيا...قومن يالله للشقه..
أماني تعمل روحه نيمه...
راحت عندها خالتي نوره ..
وهي خلاص بينفقع وجهها صاير احمـــــــر:graaam (125):
خالتي نوره:أمااااااااني قومي شيطان..
أماني كانت منسدحه على السرير على بطنه..وخالتي نوره
تضربه على رجولها...
والبنات فاطسين ضحك على هبالة أماني...
نوره:اماني يامل الوجعه ان شاالله ياللي ماتستحين:graaam (125):
طااااخ على رجولها ...قومي ...يالله
أماني لا حياة لمن تنادي..
وحنا متنا ضحك...
خالتي نوره مسكت شنطة المحمول وطاااااخ على ظهر أماني..
اماني قامت تضحك وتفتح عيونه
وتعمل نفسه حزينه...:graaam (320):
أماني :امانه يمــــه تكفين خلينا..
البنات :ههههههههههههاي
خالتي نوره تشده مع رجوله من السرير قومي يابنت
الـــ......يالله
وقاموا البنات مع امهم وشالوا اغراضهم وراحوا..
قعدنا طفشانين بالحيل ..
بعد خمس دقايق ..
دقت أشواق علي...
آمال:هلا والله هلا أشواق..
أشواق:شوفي حنا بس نحتري امي تنام ونجي لمكم..
خلاص؟؟
آمال:طيب بس بسرعه..
أشواق:اكيد اكيد..حنا طالعين نفله ماحنا قاعدين
وفعلا ماطولوا البنات وجوا عندنا..
وقعدنا نضحك ..ونقامز....
منيره:شوفوا مانبي طفش نبي نضحك ونسولف..
آمال:ونطلع ....ماحنا قاعدين
نشميه:ايه والله خلونا نطلع فرصه ماتكرر..:graaam (236):
خصوصا انه أحمد وخالد طالعين سوى..
الجوهره:يوووه اخاف اطلع...وبعدين وين نبي نطلع..
آمال :ننزل تحت للأسواق...عادي نستانس ونمشي..
أشواق:يالله يالله امشوا ..
سماح :اصبروا كلكم لبستوا العبايات ..اصبروا:graaam (165):
وتلبس عباته بسرعه...
حنين:امشي يالله يالجوهره..
الجوهره:مدري خايفه....تخيلي لو شافني احمد
والله غير احفر قبري وادفن روحي اقول خلاص انا مت..:graaam (9):
نشميه:ههههههه يالله ياشيخه ماتكرر..
الجوهره بتردد :يالله..يالله بس اصبروا البس عباتي.
آمال:احلى ياقوي ...ايه خليك كذا من اول..
أماني:ايه فسديها ايه ههههههههههاي رفيقة سوء.
آمال:انثبري ...ههههههههه امشوا بس
راح الوقت.....
تقريبا كانت الساعه تسعه ونص وقته..
نزلنا من الدرج ركض....
كان هدوووووء مابه احد غير اصواتنا اللي لجّــة المكان..
العاملين طفشوا مننا...ومن اصواتنا..
وحنا نركض بالممرات وازعجنا الناس..
الجوهره:لا لا والله ماقدر خايفه ابي ارجع..
نشميه:خوااافه..ماهم جاييين الحين
الجوهره:لا لا عادي احتريكم بس لاتتأخرون..
حنين:طيب خلاص..
راحت الجوهره وكانت روحتها به خيره ....
لان العاملين دقوا على شقتنا يبون يشتكون لابوي مننا..
واتصلوا على شقتنا بس الحمدلله ردت عليهم الجوهره..
واعطتنا خبر...وحنا فرحنا انه محد دري ..
كان به مطعم على اليسار,,,ورى السكه ومواقف السيارات..
ورحنا ركض ...
لا لا الا هبالة نشميه ...أكبرنا واخبلنا..
دخلنا المطعم...مابه احد..
وحنا ميتين جوع...
نشميه:هاه وش ناخذ لنا..؟؟
أشواق:مدري خلنا نشوف..
به اللي يبيع سوري..:شو بدكن تاخذوا؟؟
آمال:مدري دقيقه..
حنين :تحتارون ليه...!
أنا ما أشوف غير ورق هالعنب والعصير الطازج..
توهم ماعملوا شين...من صباح الله خير جايات
ومطعم بعد...!!!!
آمال:خلاص عطنا صحنين ورق عنب ...واكواب عصير
كوكتيل على عددنا...
سماح:لا تنسون الجوهره..
آمال:عارفين ياست سماح تعلميننا يعني..
سماح:اذكركم انطمي بس..
أماني:هههههههه يازينهن يوم يتخانقن,...
آمال:انثبري ههههههههههههاي
مشوا البنات كلهم بسرعه لأنهم خايفين يلقطونهم احمد
وخالد وهم راجعات...ثم عاد يلعنون ابو جدف اللي خلفوهم..
وركض بهبال ...يمكن وقته ماحسينا بأنفسنا..من الوناسه..
احيانا الواحد ينسى انه كبير...او ينسى عقله..
وهذي صورة المكان اللي قعدنا به بالطايف..
حياتي ابتسامه 25-08-2009 04:03 AM
رد: هروب من الواقع قصة واقعية لبنات هربوا من المنزل
ورجعنا وقعدنا شوي بالغرفه نسولف ...
حنين:خلونا ندق عليهم طيب يجوننا..
أشواق:ايه والله خلونا ندق عليهم..احسن نقول لأحمد واحمد
يقنع خالد يجيبنا ونتمشى معهم..
نشميه:دقي دقي آمال بسرعه..
آمال:طيب طيب اصبري...سماح طشي لي جوالي هذاهو على
السرير عندك...ايه جنبك
طشت سماح الجوال على آمال...
آمال:الو ...سلام
احمد:هلا ...نعم هههههههه وش تبين؟؟
آمال:أمانه احمد الله يخليك تعالوا خوذونا معكم
أحمد:طيب طيب يالله شوين ونجيكم..
آمال:صادق؟؟
أحمد:وش رايك ...يعني عمري مزحت معك ههههههههه؟؟
آمال:طيب ...نحتريكم..
وفعلا بعد 10 دقايق جوا خالد واحمد...
احمد دق على جوال آمال ..
أحمد:شوفي خمس دقايق مانزلتن والله مااوقف فاهمات..
آمال:يالله هذانا نزلنا ..
وبسرعه خطفنا عبيّـــنا ونزلنا...
وكان معهم الجمس..
بالمرتبه الثانيه ركبوا أشواق على الباب ورى خالد وعقبه نشميه
بعدين آمال وجنبه الجوهره..
والمرتبه اللي عقبه به أماني وسماح ومنيره وحنين..
السايق أحمد وجنبه خالد..
طلعنا لم القرود ...وتمشينا شوي ...ورقصنا وصفقنا وحنا
بهاللمه الحلوه....
وجابوا لنا العيال الغدا سمك...ورز طبعا..
ورجعنا وتغدينا كلنا سوى..
وعقبه هم ناموا كلهم...والبنات زي ماقالوا نفذوا كلمتهم..
وناموا مع بعض على سرير واحد ...
أما انا ...ماحبيت اضيع وقتي بالنوم ...
قعدت وخذيت لي دش وعقبه قعدت مع اهلي لانهم صحيوا
وجت لمنا خالتي نوره جايبه معه فطور جابه محمد...
(مايدرون اننا حنا تغدينا وخلصنا)
......كان الجو بالحيل زين عل الساعه 3 عقب الظهر..
كلنا استعدينا للوناسه...وقومت البنات اللي كأنهم ذبايح
من التعب..
لبسنا ....وحنا ميتين فرح ...خالتي نوره جابت كيكات و(ترته)
وحلويات ...وزينا قهوه وشاهي والتمر طبعا...
هذا كثر سلالنا وعفوشنا...
والفراش والحصيره....
المهم انتم اكيد عارفين طلعات العوايل السعوديه يجهزون مثلنا
نقول نطلع من البيت اثنين ونص الظهر ...
ومانطلع الا اربع العصر...
خالتي نوره:آمال امشي معي به بشقتنا اغراض
أبيك تشيلين معي ...امشي انتي وسماح..
آمال:يالله يالله ابشري..
فتحت خالتي نوره باب الشقه ودخلت..
خالتي نوره:تعالي آمال هنا الاغراض..
امشي امشي ...
وكان محمد طالع من الغرفه الثانيه ولابس سروال وفنيله داخليه
(اللبس اللي ينلبس تحت الثوب كل سعودي يعرفه)
وقفت آمال بالغرفه ...
أشواق:اقعدي آمال اقعدي..
قعدت آمال على الارض ...
مر محمد ووقف قدام الباب ورجع..
محمد:وين أمي...اشواق وينه امي؟؟
أشواق:هذاهي عند الحمام..
خالتي نوره:وش تبي يامحمد..؟
محمد بهدوء:يمه انا مابي اروح..
خالتي نوره:ليه ؟؟!! امش تونس معنا...
محمد:ابي اقعد بالبيت مانمت للحين..
سكتت خالتي نوره ...ومشينا كلنا ونزلنا الاغراض..
طبعا كلنا طلعنا الا محمد اللي كان يبي ينام..
خالد وهو بالشارع:يالله احمد يالله قداااام..
أحمد:ايه يالله امش ههههههههههه
سعود:أقول خالد لا تتحداني بالسباق...هاه؟
خالد:أقول هذي الهلي ترى ...ههههههه
سعود وهو يركب الكامري:وهذي كامري هاه افتح عيونك
أحمد:ههههههههههههههههه وركب السياره.
أحمد:يلتفت على الجوهره:هاه جبتي الشاهي؟؟
الجوهره:طبعا ايه ..
احمد:زييييين زين ...
مشينا كلنا سوى ...ورى بعض كلنا الجمس والكامري
والهايلوكس..وال(بي إم)..
خالتي نوره:ابو احمد ابو احمد..
ابوي:هلا..
خالتي نوره:بالله دق على هذولي الخبول المهبل
سعود وخالد...شفهم يتسابقون
ابوي:هذولي يبي لهم دق روس هاللي مايفهمون..
ويمسك جواله ويدق على سعود..
سعود:هلا هلا بابو احمد..هههههههه
ابو احمد:انت خبل انت..
سعود:والله وناسه صراحه الطلعه يبه كذا وخصوصا اننا
مانسرع ...ابد ابد..
هههههههههههههههه
أبو احمد:اتركوا الجنان ياوليدي عنكم انتم بوسط البلد..
سعود:ابشر ابشر يابو احمد مايصير بخاطرك الا الطيب..
ابو احمد:ابشر هاه ...اشوف الحين والله لاكسر راسك..
ويقفل من سعود ويدق بخالد...
خالد اول ماشاف رقم ابو احمد ...
خالد:ياساااتر عمي ابو احمد الله يستر..
اكيد الحين محاضره..
البنات هههههههههههههههههه
نشميه:رد رد عليه خلنا نسمع المدح..
خالد:يلعن هالشكل
ويرد خالد..
خالد :هلا عمي..
ابو احمد:هاه ياخالد وانا ابوك وش قلت لك انا؟؟
ماقلت خليكم راكدين..
خالد:ابشر ياعمي ابشر ههههههههه بس كنا نمزح..
ابو احمد:والله وزين هالمزح...أحد يمزح بالسياره..
صاحين انتم؟؟
البنات اللي مع خالد ماتوا ضحك عليه..
خالد وده يكفخهن..
خالد:طيب طيب ياعمي خلاص..
ابو احمد:امش ورانا ولا اشوفكم تلفون لايمين ولا يسار..
خالد:طيب طيب ابشر..
ابو احمد:يالله ويطبق السماعه..
خالد:هلا هلا عمي مع السلامه:graaam (141):
منيره:كيف المحاضره؟؟
خالد:شي تهبببببل يازينه زيناه ..بس وش دخلك انتي.؟
انطمي بس ..
نشميه:ياخي الله يقطعك غير هالفنان ..مالقيت غير (حجاب)!!
خالد:هاه وش رايك ياحنين بهالفنان..؟؟
حنين بهدوء وخجل:زين ..
خالد:خلاص هاه سمعتي زيييين..
مشينا بالطريق..وقفنا عند واحد يبيع فاكهه(فواكه)..
ونزل ابوي وسعود وخالد يجيبون لنا..
وشوين يذوقون خالتي نوره ويرجعون يذوقون امي..
وراح الوقت وحنا عند حق الفاكهه..
ازين شي انه جابوا عصير توت طبيعي ..
أما أحمد راح لخوالي عشان يدلهم على مكاننا..
وصلنا للشفا وفرشنا ...وش اقولكم..
لعبنا حنا يالبنات وتقهوينا كلنا..وخالتي نوره تروح لأبوي وتذوقه
الكيك..وتنادي سعود وخالد وناصر اللي من جوا وهم يلعبون
كوره..
جنبنا ناس..بخيمتهم..
سماح:نبي نركب خيل..سعود ياسعود خلنا نركب..
سعود:الحين نبي نروح للجبل ونرقى ولا جينا يكون خير..
سماح:المهم تخلينا نركب..
سعود:قلت لك خلاص يامغثه ..لا جيييييينا..
ركبوا الوغدان كلهم..
أشواق:ابي اركب مالي دخل ابي اركب..
صلينا المغرب ورجعنا....
سعود جا وفعلا خلى سماح تركب خيل..
أشواق راحت لخالد..
أشواق:خالد ابي اركب خيل...
خالد ماوده :اصبري يابنت اصبري شوي..
اشواق:مالي دخل ابي اركب.
خالد:اقول اصبري..
أشواق :طيب ابي اركب..
خالد وهو يقوم عليه معصب:تفهمييين انتي ولا لا؟؟
لألعن ابو اللي جابوك تفهمين..ولا كلمه خلاص انا قلت لك
شويييييين ...وجع..لا كف الحين اصحيك..
أشواق وهي ترجع بخوف ورى:طيب استغفر الله:graaam (202):
خلاص..
خالد ماوده ابد يخلي البنات يركبون ولو الهوى له يحشرهم
....
خالد:امشي يا زفت امشي..
أشواق كأنه مدحها خالد فرحانه أهم شي تركب
وجت وهي فرحانه وتضحك..
خالد يقول للهندي:وخر انت وخر وش تبي..
ابعد هناك..
أشواق:شوي شوي اصبر خالد لا تدف..
خالد:اقول بسرعه اركبي ..
الهندي جا يبي يجر الخيل..خالد بعصبيه وهو يجي لم الهندي
ويقرب منه ويرز صدره..:graaam (75):
خالد:خير يالحبيب وش تبي...خله انا اجره...
استغرب الهندي وخاف وسكت..
قام خالد يجر الخيل...واشواق منحنيه وخايفه..
خالد بدا يزيد السرعه..
أشواق:خالد وش بلاك انت شوي شوي..
خالد:احسن ..تبينه يالله اركبيه ...ويزيد السرعه
أشواق:خااااااالد ياشيييينك..
خالد :احسن احسن تبينه يالله....
حنين:ههههههههههههههههاي يااشواق تموتين ضحك..
أماني:ههههههههههههه شوفوا شلون شكله ههههههههههاي
مضينا ليله حلوه حتى الخناق به كان يونسنا...
طلعنا عقبه للدبابات وركبنا ...وطحنا انا واماني من الدبابات:graaam (95):
ولعن جدفنا خالد....
وبعده رحنا لسوق (الخيمه)اكيد يعرفونه كل اهل الطايف...
وكانت به احداث حلوه....تشوفونه بالجزء القادم
باذن الله..
تحياتي لكم ...
أختكم:حياتي ابتسامه:graaam (276):
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
&&&الجـــــــــــزء الثامن&&&
موعد الاحباب..... }:graaam (264):
سقى الله موعدك يا زين
سقى الله موعد الاحباب
سحابٍ ما همى من عين
و لا جادت به الاحزان
سحابٍ ما طـرٍ هتـان
سقى الله في العمر ليلـه
ظهر في صفوها بـدرٍ
قمرها و وجهك الفتـان
ألا ليت الفجر مـا بـان
ترى فرقى الأحبه شيـن
سهرنا و الهوى واحـد
و صرنا و الفراق إثنين
حبيبي قلبي اللـي كـان
و فينا و الزمن خـوان
صبرنا و السؤال سنيـن
سقا الله روض خلانـي
رحلت و ما رحلتوا بعين
و لا روحٍ و لا وجـدان
نسيتوا بداركـم إنسـان
نسيتوا و ما نساني البيت
الفنان محمد عبده
مرَت الأيام بسرعه ...وكأن كل الأحداث اللي عشناها كانت مجرد
أحلام صنعناها من خيالنا...:graaam (200):
أو سراب ماكر .....
#فعلا أكثر شي يوجع القلب هو الذكريات ...:graaam (74):
واللي يوجع أكثر هو (فقداننا لصاحب الذكرى)...
ماكان باليد حيله ..وأقنعنا أنفسنا بإنه الواحد لازم يعيش واقعه
ويرضى به(زي ماهو)...
لأننا مانقدر نغير القدر ...
ومستحيل نخلي الذكرى حاضر نعيشه..
كنت من البدايه ما أحب اجلس لحالي واعتزل العالم..
عشان ما اتذكر الماضي ..ولا اعيش الذكريات الزينه..
لأنها توووووجع ...
بعد ماوصلنا للمنطقه اللي نعيش به ..:graaam (20):
أحب اقولكم باختصار ..وصلنا بتاريخ
يتبع ...
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك