رواية اسيرة البدر -20
ابيت بوبدر .:.
.:. كانت سلوى بدارها .. امجابله المنظره وتسال نفسها بحزن .:.
سلوى : ليش يا ربي صار لي كل هذا ؟ هل انا ملعونه مثلا ؟ هل انا سويت شي يغضبك ؟ استغفر الله لو سويت اي شي .. والحمدلله ان انكتبت لي حياة يديده من بعد سالفة مقتل بوبدر .. بس منو اللي بيرضى فيني كزوجه الحين ؟ منو بيتزوج وحده قاتله ؟ شكلي بعيش بقية عمري وحيده مالي شريك ولا انيس .. امنه والله يرحمها .. وليلى مردها بتتزوج وبتلهي بحياتها .. غدير وتزوجت وقست علي من بعد مقتل ابوها .. واكاهي الحين حامل وربي يسعدها ان شالله .. نايف حاط في باله يخطب الدانه ومرده بيعيش في بيت بروحه مع مرته .. البدر مسكين عايش بضيقته .. امي انا وايد غربلتها معاي .. وخليفه راح بنصيبه وبيصير ابوه ومستانس حده .. ماكو غير اني اسلم امري لله .. انا ما عندي احد يواسيني غير الحمام اللي عندنا بالبيت .. هذا اهو شكلي بعيش معاهم للابد
***************
.:. وبالمستشفى .:.
سال جوزيف الطبيب يتطمن : شو يا حكيم ؟ كيف ساندرا ؟ منيحاا ؟
الطبيب : اممم .. للاسف كسر بالساقين
تضايق جوزيف : شو هايدا الحكي ؟؟
الطبيب : هذا اللي صار .. استعجالها وهي تركب الدري هو اللي وصلها لهالحاله
سال جوزيف مستفهم : وشو العمل هلا ؟
الطبيب : حاليا بنجبس لها الريلين لشهرين تقريبا ليمن موعد العمليه ان شالله
انصدم جوزيف : شوو ؟ عمليه !!
الطبيب : اي اكيد عمليه .. هذا كسر مو لعبه .. ومو اي كسر !!
.:. الله ما يطق بعصا .. وهذي هي جزاة الاناني الحسود الحقود بالدنيا .. نفس طبع ساندرا تماما .. ومن يدري شنو ممكن يصير لها اكثر لو استمرت على نفس الموال الحقير .:.
***************
.:. بمطعم منت .:.
.:. وبالوقت المحدد .. كانت الدانه تنتظر نايف على طاوله مسجله باسمه .. كانت تتسائل عن السبب اللي يخلي نايف يطلب مثل هالطلب .:.
شافت الدانه ساعتها مستفهمه : اممم .. وينه نايف ما وصل ليما الحين ؟ تاخر عن الموعد 20 دقييقه تقريبا
.:. وبعدها .:.
.:. شافت جدامها تنتظره بس ما بين .. تنهدت ونزلت راسها بالطاوله .. تمللت من الانتظار .:.
.:. وفجاه .:.
.:. حست ان اكو شخص واقف عند طاولتها .. ارفعت راسها تشوف منو ؟ وانصدمت وما استوعبت .:.
سالت متعجبه : بدر ؟ انت شتسوي هني ويم طاولتي ؟
كان منصدم هو الثاني : انا اللي شاسوي هني ؟ او انتي اللي شتسوين هني ويم طاولتي ؟
دانه : سلامتك .. هذي طاولتي وانا اللي يت قبل
تمسخر بدر : شغل بيبيات اهو ؟ اقولج هالطاوله محجوزه لي انا !!
عصبت دانه من هالاسلوب : شتقصد بشغل بيبيات ؟ عبالك اقص عليك يعني ؟
وطلعت موبايلها : الحين بتصل لنايف عشان تساله بنفسك ان هالطاوله محجوزه لي انا
وسالت مستفهمه : بس شنو رقمه ؟ ما اعرفه .. عطني اياه !!
استغرب البدر : نايف !! تقصدين اتقولين انج تنتظرين نايف ولد داليا ؟
دانه : اي
تعجب البدر وما فهم شي : وشرايج اذا قلتلج اني انا هم انتظر نايف وعلى هذي الطاوله ؟
حست الدانه ان السالفه مدبره : شنو يعني ؟ تقصد تقول ان نايف متعمد يجمعنا انا وانت بنفس المطعم وعلى هالطاوله ؟
تنهد بدر : اكيد .. وهذا دلليل كبير ان الشيخ نايف ليما الحين ما شرف المطعم
.:. سكتت دانه .. ما علقت بشي .. منبطه جبدها على هالحركه .:.
.:. وبعدها .:.
سال البدر بابتسامه : على العموم .. ممكن اقعد عالكرسي يا بنت عمي ؟
شافته لثانيه وبعدها لفت عنه : كيفك
***************
نيوف انت الحين من صجك سويت جذي ؟؟
نايف ( بابتسامه ) : اي والله
سالت سلوى مستفهمه : وشاللي خلاك تسوي جذي ؟ وانت كنت مخطط تخطب الدانه ؟
تنهد نايف : بعد الكلام اللي سمعته من البدر امس لما كان يكلمج بضيق حسيت نفسي بكون انسان نذل وهم حقير لو تجاهلت اللي سمعته ان البدر يحب الدانه ورحت خطبتها .. وبعدين هذا ولد عمها وهو اولى فيها
ابتسمت سلوى بسعاده : والله انك كبرت بعيني يا نايف بعد هاللي سويته الحين
ابتسم نايف بالمثل : تسلمين يا سلوى
***************
.:. كانوا قاعدين بالمطعم مجابلين بعض .. ابتسم البدر للدانه بس هي سوت نفسها ما تشوفه .. لكنها كانت مستانسه من داخلها .:.
سال بدر يستأذن : ممكن امسك ايدج يا الدانه ؟
بحلقت بعيونها : خير الشيخ ؟ شقلت ؟ ما سمعتك !!
ابتسم بدر وبسرعه مسك ايدها : ادري اني ما استحي واسف بس ابي امسك ايدج
عصبت وسحبت ايدها : انت شفيك مينون ؟
بدر : مينون فيج
انبطت جبد الدانه : بدور عن السخافه
استانس بدر على كلمة بدور : دانوه انا من صجي والله .. شفيج انتي ؟
عصبت دانه : اسمي الدانه لو سمحت .. وشنو هذا اللي من صجك ؟
سال بدر : لا والله .. شمعنى انتي تقولين لي بدور وانا ساكت عنج ؟؟ هاا ؟
دانه ( مناحسه ) : عاد انا كيفي
قلدها بدر : وهم انا كيفيي
تنرفزت هالمره من قلب :Offfffff تراك وايييد ملغتتتت علي .. اشتبي مني ؟ هاا ؟
نطق بدر بجديه : احبج
ما استوعبت : ها !
كرر مستانس : احبج يا بنت الناس .. احبج
تظاهرت الدانه بلا مبالاه : انت كذاب
بدر : والله احبج
كررت الدانه : كذااب
سال بدر : يعني تبيني اصرخ جدام هالعالم واقولج احبج ؟
دانه ( بسخريه ) : والله يا روميو ؟ ok عيل اشوف سوها !
.:. وبعدها .:.
قام البدر و وقف على الكرسي مثل الميانين .:.
شاف الدانه ونطق بصوت عالي مسموع : احبج .. احبج يا اسيرتي احبج .. احبج يا الدانه احبج
.:. انصدمت الدانه وما توقعت ان البدر يسوي جذي .. التفتت يمين ويسار وشافت الناس امبحلقين بالبدر ويضحكون عليه .. تفشلت الدانه ونزلت راسها منحرجه من قلب ولو ما كانوا بالمطعم كانت بتقوم وبدوس ابطنه من هالشي اللي سواه .:.
دانه ( بشويش ) : التفت وشوف شسويت يا المينون .. ماكو احد وما التفت علينا .. فضحتنا الله يفضحك .. فضحتنااا
ما اهتم بدر : بلعنه الناس ما يهموني .. كل اللي يهمني الحين هو انتي
.:. ما علقت الدانه بشي .. وسكتت منحرجه من عمايل البدر اللي تفشل .:.
.:. وبعدها .:.
.:. قرب منها ومسك ايدها وقومها من الكرسي وسحبها معاه .:.
تحلطمت الدانه : هييه .. انته ياا المينون ! على وين بتوديني ؟
.:. سحبها من ايدها بابتسامه وركبها بالسياره .:.
كررت معصبه منه : سالتك وين بتوديني ؟
ابتسم بغمزه : بخطفج يا اسيرتي
***************
.:. ابيت بوليلى .:.
سال ابو ليلى مستفهم : انتي ليما الحين تكلمين نايف وسلوى ؟
ليلى : اي .. ومثل ما قلتلك يبه .. ما راح اقطع علاقتي فيهم لو شنو
رد ابوها : انا واحد تعبت منج ومن عنادج وراسج يابس اكثر من امج .. شوفي انا ما بمنعج منهم بس ابيج اديرين بالج على نفسج منهم
ابتسمت ليلى : هذول اهلي وبيخافون علي اكثر من ما بخاف على نفسي
التفتت الدانه يمين ويسار تسال : احنا ليش وقفنا هني ؟؟ انت يا البدر شناوي عليه ؟
رد بابتسامه : مثل ما اتشوفين .. ياين المحكمه نملج
انصدمت الدانه : انت شتقول ؟ انت اكييد استخفيت ؟
فتح باب السياره بحماس : بستخف صج لو ما تزوجتج الحين
ما استوعبت الدانه : بدور انت من صجك يا المينون ؟
هز راسه ايجابيا : اي يا الدانه من صجي والله .. وليش مينون ؟ احبج وابيج تكونين مرتي .. ما تتصورين شكثر ندمت لما رفضتج بالبدايه ! والله يا الدانه لو كنت ادري انج اسيرة البدر جان ما ترددت للحظه من انج اتكونين مرتي .. يعني اكو واحد بنت تحبه كل هالحب ويرفض هالشي ؟؟ قسم بالله كنت مينون ومتخلف بعد .. ولا تظنين اني ابيج الحين بسبب عملية التجميل .. انا حبيتج قبلها .. والله حبيتج قبلها وما كنت ادري انج بلبنان ساعتها !
ادمعت عيون الدانه سعاده : تدري شنو بخاطري الحين ؟
سال بابتسامه : شنو بخاطرج ؟ امري !
دانه : خاطري ادوس ابطنك .. ابرد حرتي فيك بالكلام اللي قلته لي قبل
ضحك البدر : اخذي راحتج .. ضربيني .. دوسي ابطني .. اذبحيني .. سوي فيني اللي بتسوينه بس اهم شي انج ما اتخليني
ضحكت الدانه بالمثل : با المليغ
.:. ابتسم البدر وبعدها قعد يدور شي بالسياره للدانه .. شاف ميداليه متلصق فيها قلم .. مسكها وكسر القلم وتمت الميداليه بس وكانت على شكل خاتم .:.
سال بدر : اعطيج شي بس ما تضحكين ؟
استفهمت : okبس شنو هالشي ؟
مد ايده للدانه بابتسامه : امممم .. عطيني ايدج .. هذا خاتم الخطوبه المزيفlol
ضحكت الدانه وعصبت بعبط : يا العبيييط .. اتلبسني ميداليه بصبعي ؟ افاا يا البدر ما هقيتها منك والله
بدر : فديتج والله .. كنت اتغشمر معاج .. الحين اوديج للسوق واشترلج احسن خاتم بالوجود
ابتسمت دانه : تسلم يا البدر .. ادريبك ما تقصر
مسك ايدها وسال : عيل شرايج تنزلين معاي الحين نملج ؟ بتصل لعمي وبقوله وبشرح له وما اتعقد بيرفض .. نملج بدون ما نسوي عرس .. مثل ما انتي عارفه الوالد توه متوفي .. شرايج يا الدانه ؟
.:. ما قدرت تنطق من كثر السعاده .. شافها البدر بابتسامه وحس انها موافقه .:.
سال مستنتج : افهم من سكوتج هذا انج موافقه ؟
نطقت بصعوبه : احبك يا البدر
.:. ابتسم البدر واستانس وحس نفسه بيطير من الوناسه .. الدانه قالت له احبك وهي معاه وجدامه .. هذا معناته ان الدانه موافقه عالبدر .:.
نطق البدر بسعاده : هم انا احبج يا اسيرتي
***************
*****
انتي بعدك حلوي و صرتي احلى
شو هالصدفة مافي أحلى
و قلبي يشوفك ياما استحلى
ئوليلي كيفك انتي
انت بعدك انت و ما بتتغير
محيرلي قلبي و محير
و بعدو قلبك طفل صغير
طمني كيفك انت
*****
مشي نتزكر عدروب و يمرجحنا الغرام
ليش بعدنا و كيف اادرنا ننسى هاك الأحلام
يا ليل ال بعدو ناطرنا عمفارق هالأيام
مشي نتزكر عدروب و يمرجحنا الغرام
ليش بعدنا و كيف اادرنا ننسى هاك الأحلام
يا ليل ال بعدو ناطرنا عمفارق هالأيام
يا رب تدوم ايامنا سوى
و يبقى عطول جامعنا الهوى
يا رب تدوم يا رب تدوم
يا رب نعيد هالحب اللي كان
و أحلى بكتير من الماضي كمان
يا رب نعيد يا رب نعيد
بحبك بحب عيونك لما بتحكي
و كيف بترسم هاك الضحكة
خلي راسك فوق يبكي
يملك هالدنيا كلا
*****
بحبك امبارح انت اليوم و بكرا
اشتقتلك ما عندك فكرة
صعبة بعمري تصبح زكرى
يللي من الدنيي أغلى
*****
مشي نتزكر عدروب و يمرجحنا الغرام
ليش بعدنا و كيف اادرنا ننسى هاك الأحلام
يا ليل ال بعدو ناطرنا عمفارق هالأيام
مشي نتزكر عدروب و يمرجحنا الغرام
ليش بعدنا و كيف اادرنا ننسى هاك الأحلام
يا ليل ال بعدو ناطرنا عمفارق هالأيام
*****
يا رب تدوم ايامنا سوى
و يبقى عطول جامعنا الهوى
يا رب تدوم يا رب تدوم
يا رب نعيد هالحب اللي كان
و أحلى كتير من الماضي كمان
يا رب نعيد يا رب نعيد
*****
يا رب تدوم ايامنا سوى
و يبقى عطول جامعنا الهوى
يا رب تدوم يا رب تدوم
*****
مع مرور الايام والشهور والسنين .. يا ترى شصار بشخصيات القصه ؟
داليا .. سافرت لبنان وبتستقر هناك مع اهلها ..
سلوى .. لانها وحيده بهالدنيا .. ما كان عندها خيار غير انها تسافر مع امها لبنان .. وتزوجت واحد لبناني كان متزوج من قبل بس ما عنده عيال ..والحمدلله عايشه ومتطمنه معاه ..
خليفه .. بعد ما حملت غدير يابت بنت وسمتها لطيفه .. ومن يومها وهو مستانس وعلاقة بمرته تغيرت للافضل ..
غدير .. نفسيتها ارتاحت لما عرفت ان سلوى سافرت لبنان مع امها للابد .. وشكها بان خليفه على علاقه بسلوى اختفى .. بس للاسف الكره اللي بقلب غدير لسلوى ما مات ..
نجلا .. كل مالها وتخترب اكثر وتصيع .. وتجاربها القبليه للاسف ما تابت منها .. ليمن يه اليوم اللي انفضحت فيه جدام الناس وسمعتها صارت بالقاع .. وابوها ذبحها من الضرب وحبسها بالبيت و وراها العين الحمرا .. ليمن ارضخت للامر الواقع ..
نور .. بعكس نجلا تماما .. عايشه حياتها مثل ما هي ما تغير شي .. بس انخطبت وانفصلت عن خطيبها باقل من اسبوع بسبب سمعة نجلا .. المسكينه مالها ذنب بس الناس ما ترحم ..
خالد .. وايد صيف بجامعة قطر وتقاديره ابد مو شي ليمن يه اليوم اللي انطرد فيه من الجامعه ودور له على شغل ..
فواز .. امه سفرته لبرا عشان تعالجه من هالينون اللي فيه والحمدلله مع مرور الايام اتحسونه عقل .. وتفكيره بالدنيا بدا يتغير للاحسن .. وهالشي خله امه تستانس لحاله ..
لميا .. استانست لتحسن اخوها فواز .. وبالوقت نفسه تزوجت .. واستقرت مع ريلها بامريكا يشتغل هناك ..
محدين .. المسكين ما قصر مع البدر والدانه وكان له دور فكاهي بالقصه .. وعايش هالمحدين حياته وبمكتبته .. وكان يتصل للبدر بين فتره والثانيه يسال عنه lol يسوي له رنه ويسكر ..
ليلى .. مثل ما هي .. تشتغل مع اخونا نايف بالبنك وعلاقتها معاه من احسن ما يكون والحمدلله ..
نايف .. نسى فكرة الزواج وما كان يفكر بشي غير شغله واهله .. ليلى معاه بالشغل وهالشي يسعده .. وكان يوميا يتصل لبنان يسال عن امه وسلوى يتطمن عليهم ..
ساندرا .. الكسر اللي بساقها كان عنيف .. وسوت عمليه وفشلت وما تقدر تمشي الحين الا بعكازات .. هذي جزاتها بالدنيا من كل الاشيا الخبيثه اللي سوتها .. سبحان الله .. الله ما يطق بعصا .. حالتها النفسيه بعد هالحادثه تعيسه وصارت 24 ساعه بالبيت ما تطلع ..
جوزيف .. تقريبا مثل ساندرا .. 24 ساعه بالبيت مجابلها ويشوف طلباتها او اذا كانت محتاجه لشي ..
البدر .. ملج على الدانه من هذاك اليوم وخذاها اليوم الثاني وسافروا .. حياته حلوت بعد ما تزوجها .. ما كان يتصور انه بيحبها كل هالحب هذا .. كان طول الوقت يناديها اسيرتي وهي بدورها تستانس ..
الدانه .. اللي يشوفها يقول انها اسعد انسانه بالعالم .. قربها من الحبيب كان مثل الحلم بالنسبه لها واخيرا تحقق .. كانت تحب البدر وتعشقه اكثر من اي شخص يحب بالوجود .. وحياتها حلوت اكثر لما انجبت سعود اللي استانس البدر عليه وحس نفسه بيطير من الوناسه ..
سال البدر بعبط : اقول دانوه حبيبتي .. شرايج انسميه نجم ؟
ضحكت الدانه على هالعبط : يا العبيط يا بدور .. بالله عليك شنو نجم ؟ تبيه ليمن يكبر ان شالله الصبيان بالمدرسه يتمسخرون عليه ؟
بدر : عادي فديتج ما فيها شي .. انتي الدانه وانا البدر و ولدنا النجم
دانه : عااااد بدور .. عن العبط !
فكر البدر : اممم ..okشرايج في القمر ؟
عفست الدانه الويه : شنو القمر ؟ ولدي مو ابنيه عشان اسميه قمر !
وسالت بجديه : شاسميه عااد ؟ انا من صجي الحين وانت تستعبط ؟
مسك ايدها بحنيه : اسف حبيبتي .. اتغشمر معاج والله
وسال بابتسامه : شرايج نسميه على اسم المرحوم ابوي الله يرحمه ؟ اممم انا ادري ان ابوي مات وترك عنه فكره بشعه بس هذا ما يمنع من اني اسمي ولدي على اسمه .. ها .. شقلتي ؟
ابتسمت له : بس المحبه عمرها ما كانت بالاسامي يا البدر .. انا تمنيتك تقول سعود .. وايد احب هالاسم هذا .. وانت براحتك !
ابتسم البدر : اللي تشوفينه حبيبتي .. خلاص نسميه سعود
وسال متعمد : والحين ما تبين تقولين لي شي يا الدانه ؟؟
سوت نفسها مو فاهمه : اقولك شي ؟ مثل شنو يعني ؟؟
البدر : تسوين نفسج مو فاهمه ها ؟؟
ضحكت الدانه :ok خلاص بقولك ولا تزعل
ابتسم البدر :ok وانا منتظر
ابتسمت له : احبك يا ...
سكتت بعدها ومسكت ولدها بابتسامه : احبك يا سعود
عصب البدر : وانا ؟؟
ضحكت عليه : اتغشمر معاك والله .. وهم احبك يا البدر
استانس بدر :me 2
.:. وبعدها .:.
.:. رنة نغمة مسج موبايل البدر .. مسك موبايله وفتح المسج وقراه بينه وبين نفسه .:.
البدر ( وهو يقرا المسج ) : بتضن اني ابخليك تتهنا مع هالحئيره اللي اسما الدانه ؟ انتوا السبب بالعزاب اللي انا فيه هلا .. دانه السبب بكل شي .. هيااا السبب !! الناس صاروا بيشوفوني بشفئه بسبب هيدي الدانه !! انت اكيد عرفت من انا ؟ انا عذابك يا البدر !!
THE END
اممممممم كان بمقدوري اني اكتب اكثر من جذي بس اعتقد ان كل شي اذا زاد عن حده ينقلب ضده .. واعتقد ان النهايه بالشكل هذا مفهومه للكل .. بدات القصه بمسج من || اسيرة البدر || وانتهت بمسج من || عذاب البدر || واعتقد ان الشخص اللي دز له هالمسج مكشوف .. وبالنهايه اتمنى ان القصه نالت على اعجابكم .. وانا متقبله اي انتقاد او تعليق منكم .. وبالنهايه نتعلم شي يديد .. يعطيكم العافيه ..
تحياتي " LORENA "
الكاتبه
لورينا قطر
نقلت القصه
العضوه
نجمة بحر
! غموض بنيه !
اللهم لك الحمد حتى ترضى وإذا رضيت وبعد الرضى ,,, اضف تعليقك