رواية اطلالي ملت وقوفي -26
إنسانه منبوذه ومكروهه مثل مايصور لك عقلك.. فيه ناس مايعرفونك بس ما يتقبلونك بسبة سمعة أبوك مع إن مالك ذنب... وفيه ناس تحبك وتحترمك لأنك أنسانه مره طيبه ويظلون يحبونك سواء عرفوا ظروفك أو لأ....؟
"كنوده وهي تحكي بهدوء وكأنها نست موضوع مصعب": يوم الأربعاء كنت بالسوق مع فواز يبي يشتري لنفسه ملابس وأخذني معه وماأدري كيف غـلـط وأخذني معه...
ولما خلصنا وقفنا عند كشك الدونات نشتري_ وكان فيه رجال واقف قدامنا ومعه طفل عمره سبع سنوات.. الطفل شد ثوب أبوه وهو يأشر له على الكشك يبي دونات.. توقعي وش سوا أبوه؟
"سكتت وهي تدافع عبراتها" سحبه من فانيلته ورماه على أمه بعيد وقال له(أنقلع مافيه دونات).. سحايب أنا مو بس أنهبلت وأنجنيت إلا صرخـــت بوجه الرجال وقدام فواز والناس اللي واقفه.. قلت له(حرام عليك ليه تكسر بخاطر ولدك..ليه تعامله كذا!) الرجال طارت عيونه يحسبني مجنونه وفواز عصب علي وسحب يدي وطلعني برا السوق ومابقى كلمة سب وشتم إلا وقالها لي............؟
ومره كنت جالسه بغرفة الإنتظار بالمستشفى وماسكه الكرت وأنتظرهم ينادون برقمي المكتوب عالكرت.. نادوا برقمي ووقفت قبال الشباك الصغير عشان آخذ الورقه.. وفيه عجوز قدامي واقفه وماسكه الكرت وكانت الموظفه السعوديه تكلم العجوز بصوت عاااااالي تقولها:(صارلنا ساعه ننادي برقمك وما تردين.. هذي مو مشكلتي, أجلسي لما تخلص الأرقام ونناديك...؟)
"ياحرام بزر اللي قدامها وتبي تعاقبه"!! والعجوز تبررلها بأنها ماسمعت زين وماحد نبهها وعلمها..!!
أنا أنهبلت شلون عجوز ضعيفه تنهان قدامي..
مسكت الموظفه هزأتها وخليت المعطف الأبيض اللي لابسته أزين منها.. والعجوز تسكتني وتقول أمسحيها بوجهي..!!والموظفه طق فيها عرق من القهر لأني فشلتها قدام الناس.. رميت الرقم بوجهها وطلعت من المستشفى......
سحايب: ورحتي مع مصعب بسيارته تتمشون صح؟
"كنوده بضيق": سحايب أتركي سالفتي مع مصعب للأيام.. يمكن تستمر علاقتنا لسنتين زياده ويمكن نفترق خلال شهرين.. الله أعلـــم..
"سحايب وهي قايمه": أستمرت العلاقه وإلا أنتهت.. راح أكون وراك لما أكرهك فيه وأخليه حقير بعينك زي ماهو كذا قدام نفسه..
كنوده: وين رايحه أجلسي بدري الوقت..
سحايب: وين بدري الساعه صارت عشره ونص وبكره وراي مدرسه..
كنود: o.K سلمي عالشله بالمدرسه والله أشتقت لهم..
سحايب: حتى هم مشتاقين لك ودايم يسألوني عنك.. نسيت أقولك إن درر بتسوي أحتفاليه بالسنه الهجريه الجديده وراح نتجمع إحنا(شلة الإيزي) ببيتها وش رايك تروحين معي..
"كنوده بحماس": والله فكره!! .. بس ياليت توافق أمي..
سحايب: أمك خليها علي أنا راح أقنعها وإنشاءالله توافق..
¡¡¡¡!!!!¡¡&iex cl;¡!!!!¡¡¡¡!!!!&iex cl;¡¡¡!!!!¡¡¡& iexcl;!!!¡¡¡!!!¡¡&ie xcl;!!!¡¡¡
[الـــجــــــــ الحـادي عشـر ــــــــــــــزء]....
يـــوم الـخـمـيــس...
(1/1/....142هـ)
®[كـذا بسهـولـة تـروح لـواحـد ثـانـي..
قدام قلـبـي وعـيـني.. إيـدك بـإيـده..
كـذا بسهـولـة تسويهــا و
تنـسـانـي..
طـيـب .. وأنــا !!,, والـهـوى وأغلـى مواعـيـده...؟
الـلـه يجـازيـك .. تقهـرنـي وتجفـانـي
ذوقـتـنـي عـبـره ودمـعـه .. وتنهـيـده..
مـا فيني أمشي طريق الـحـب وحـدانـي
وأعـيـد مــوال ذبـحـنـي
بـتـنـكـيـده..
كـنـت أنـت.. ليتك تـعـرف وش كنت يالجـانـي...؟!
كـنـت الـغـلا والـحـلا في سـعـده وعـيـده
كـنـت الغريب الحبـيـب القـاصـي الـدانـي
الـلـي تلـويـت في قـربـه قبل جـيـده..
على شـانـك اللي يخـصـك صـار من شـانـي
واللي نـقـص من غـلاك.. بـعـمـري أزيـده
مـبـروك من قلـبـي.. ومـبـروك بلسـانـي
مـبـروك والـلـه يهـنـي سعـيـد بسعـيـده..]®
"درر وهي تسكر دفتر الصراحه": حلو إنك جبتي الدفتر معك ياسميه كنت راح أنفجر لو ما كتبت اللي بخاطري..
سميه: أنا قلت أسويها مفاجأه تحسبآ لأي خبر طاريء يوصلنا..
"ميريام وهي مبتسمه": وتـــزوج علـــي يـا درر.. خلاااااااص راح وراحت أيامـه.. إبدأي رحلة البحث عن بديل وكالعاده (حب من طرف واحد)..!!
ميار: وش ردة فعلك أمس بالليل لما سمعتي أخوك سلطان يبشر أمك بأن علي خطب بنت عمه؟
درر: بصـــراحه شعور لايوصف.. دخلت غرفتي وأنا ميته ضحك على طيحة حظي مو معقول اللي يصير بحياتي (من أحب واحد يتزوج ويتركني)..
سحايب: ما عرفتي وش تفاصيل زواجه وكيف أختارها وكم عمرها,, حلوه وإلا شينه..!
درر: أنتظر الأخبار من مندوبتي طفطف.. بعد شوي تجي وتجيب الأخبار معها لأنها تبي تسأل وتستفسر..
"ميار بضيق": ياخوفي أرجع للبيت وألقى أمي تبشرني بزواج يزيـــد..؟
ميريام: يخرب بيتكم شوهتوا سمعة شلة (خلك إيزي ياعزيزي) ولا وحده فيكم حظها حلـو ..
درر: من زينك ياثلجـــه يعني إنتي اللي مكشخه شلتنا؟ بارده ومطنشه على طول الخط..
"أبتسمت سميه": الله لا يغير علينا وإنشاءالله تظل أيامنا كلها حلـــوه وإيـــزي..
(دخلت الخدامه الغرفه ونادت درر عشان لطيفه تبغاها عالتليفون)..
درر: عن أذنكم بنات ثواني وراجعه خذوا راحتكم البيت بيتكم..
ميار: لا تطولين ترى أنا بعد ساعه أرجع للبيت..
"درر وهي واقفه عند الباب": بدري أجلسي ساعتين زياده..
ميار: ما أقدر لو إن صلاح اللي بياخذني عـــادي يخليني أجلس على راحتي بس المشكله فيصل اللي جابني هنا ونفسه بطرف خشمه وسمح لي أجلس ساعه بس ولازم أطيع أوامره...
"طلعت درر وألتفتت سحايب على كنوده وهي تهمس": غريبه ساكته وهاديه وين الجنون..
"كنوده وهي تشرب العصير": بعد شوي يطلع بس خلينا نتحلى بالأول..
(دخلت سناء الغرفه وسلمت على البنات وهي لابسه جلابيه وشايله بنتها رهف)..
ميريام: كيف حالك سناء..؟
"سناء وهي جالسه وتتلفت عالبنات": بخير أنتم تعرفوني..؟
ميريام: أنتي زوجة سلطان أخو درر..
سناء: صح أنا.. ما عرفتوني بأسمائكم..؟
"ميريام وهي تأشر على البنات وحده وحده": ميار.. سميه..سحايب..كنوده "تداركت نفسها" أأأقصد هنــادي وأنا ميريام..
"سناء بذهول وهي تأشر على كنوده": هذي لها أسمين! وش معناه أسم كنوده..؟
"أبتسمت ميريام": لا أسمها هنادي.. بس وهي صغيره أهلها يدلعونها (هنوده) ومع النطق الكثير صاروا يقولون لها(كنوده) وراح عليها الأسم هذا..
"سناء وهي عاقده حواجبها وتناظر كنوده": وأهلها يوم الله قدرهم ودلعوها ما خلوا أسمها على حاله بدل ما يقلبونه ويحرجونها قدام الـنـاس..!
"سكتت وهي مبتسمه ورجعت كملت": الحين بنتي ندلعها (رهوفه) ومع النطق الكثير نصير نناديها (رحوفه) ويروح عليها الأسم هذا ويتعلق فيها (قالتها وهي تضحك)...
"ألتفتوا البنات على كنوده يشوفون ردة فعلها وكانت كنوده تطالع سناء وهي معصبـــه.. وسحايب غمزت بعينها لكنوده وهمست لها": تكفين طنشيـها ولا تحطين عقلك بعقلها تراها بزر و......
"قاطعتها كنوده وهي تناظر سناء وتتكلم بصوت عالي": إنتي كم عمرك؟
سناء: عشريـــن سنه.. ليه تسألين؟
"كنوده بإستهزاء": عمرك عشرين بس؟ ومتزوجه وعندك طفله؟
سناء: نصيبــي أنا تزوجت وعمري 18 سنه.. خطبني سلطان و وافقوا أهلي وعجبني وعجبته وتزوجنا..
"إلتفتت ميار على سحايب وهي تلعب بشعرها تحطه على وجهها وتضحك على أسلوب سناء.. وسحايب حاطه يـدها على فمها وتكتم ضحكتها.."
"كنوده وهي تسترخي بجلستها": ويوم الله قدر أهلك وفرحوا فيك وزوجوك! ما أنتظروا ثلاث سنوات لما تكبرين وتصيرين حرمــه سنعه وناضجـه..!!!
"ميريام وهي تكح وتبتسم عشان تلطف الأجواء": كنوده تقصد إنك لو أنتظرتي بعد زواجك ثلاث سنوات أستانستي بحياتك بعدين فكرتي تجيبين أطفــال......
"تقاطعها كنوده وهي تتكلم بصوت حاد": ماجبت طاري الأطفال ياميريام لاتألفين كلام من عقلك_ أنا قصدي واضـــح..
"ألتفتت على سناء" إنتي أهلك بعقلهم لما زوجوك وإنتي بــزر؟
"شهقت سناء وهي فاتحه عيونها عالآخر وتأشر على نفسها": أنــا بـــزر؟
"سحايب وهي تضرب كنوده بكوعها وتصر على أسنانها": فضحتينـــا إنتي تغلطين عالحرمه في بيتها عيييييب عليك أسكتي ولا تفشلينا؟
"كنوده مسويه نفسها بريئه": هي اللي بدت بالغلط..
"قامت سناء وهي شايله بنتها ومعصبه": الشرهه مو عليك..الشرهه على درر اللي مصادقه بنت مثلك..!!!
"طلعت سناء ودخلت درر وهي مصدومه وتناظر البنات بذهول وهم يضحكون بشكل هستيري": وش جاب سناء عندكم..؟
كنوده: وين أخوك سلطان بالله عليك ناديه أبتفاهم معه؟
"درر وهي واقفه وحاطه يدينها على خصرها ومتضايقه": أكيد طلعت خبالها وسوالفها الغبيه عشان تفشلني وتحرجني قدامكم؟
كنوده: سناء كذا شخصيتها من تزوجها سلطان؟ وإلا تجيها حالات دفاشه مستعصيه؟
"ضحكت ميار وهي تصفق": حلوه هذي مستعصيه ..!!ههههههههههههههههههههههه
"درر وهي تجلس": ومن القراوه داخله عليكم بجلابيـه هذا بدل ما تكشخ لأنها أول مره تقابلكم؟..
سميه: يمكن دخلت الغرفه بالغلط وما تعرف إننا موجودين..
"درر بقهر": لأ تدري.. المفروض إنها تروح لأهلها اليوم وأنا قلت لسلطان إن صديقاتي راح يجوني وما أبيها تكون موجوده وهو متفهم لدفاشة زوجته!!!
"سحايب وهي تمسح دموعها من الضحك": مكياجي خرب من كثر الضحك..
"ميار وهي ماسكه دفتر الصراحه وتهوي على وجهها من الضحك": خلاص طنشيها من كل عقلك معصبه بسببها؟
ميريام: وينها لطيفه ماراح تجي..؟
درر: لأ تقول مافيه أحد يجيـبها وعطتني أخبار عرس علي بالتفصيل..
"ميريام بحماس": وش قالت لك عنه؟
درر: طلع الأخ عـلـي خاطب أحلى بنات عمه.. من جمالها ماينادونها إلا (السندريـــلا).. وأهله من سنـه تقريبآ حاجزينها له وهو مبسوط وعاجبه إختيار أهله والملكه الأسبوع الجاي.. وراح يبدأ يجهز شقته من اليوم وحدد موعد الزواج بأول الصيف...!!
ميريام: أوف أوف هذا مره مستعجل عالعرس.. وش سالفتـه؟
ميار: عشان ما تطير منه السندريـــلا!!!
سحايب: درر وش فيك تسولفين عن زواجه عادي وكأنك مو زعلانه.. إنتي مستوعبه أن علي طـــااااار خلاص وتزوج وحده غيرك..؟
"درر وهي تحاول تبتسم": ليه أزعل بالعكس راح أدور على غيره.. أنا قلت لكم من قبل عن وجهة نظري بمسألة الحب من طرف واحد..
سميه: وقصايدك فيه الكثيـره اللي دفتر الصراحه..؟
"درر وهي منزله راسها للأرض": عادي تظل ذكـرى حلوه أحتفـظ فيها..
ميار: والصدفه اللي صارت بالعرس؟ والكبكات حقته اللي لقيتيها بمجلس الرجال..؟
سحايب: والطاقيه واللفه حرف(A) اللي تلبسينها بأيام الإمتحانات؟ وأغانيك اللي تغنينها دايم وتذكرك فيه؟
سميه: معقوله كل هالذكريات هذي وما حزت بخاطرك باللحظه اللي سمعتي فيها إنه راح يتزوج..؟
ميار: بس الحلو بزواجه إننا راح نرتاح من أغنية درر المشهوره (ياعلــي صحت انا بالصوت الرفيع)...
ميريام: بنات وش فيكم مكبرين الموضوع.. قلب درر متعود على الصدمات.. أنتظروا أسبوع راح تنسى علي وتحصل لها على حب جديد وكالعاده من طرف واحد..
(رفعت درر رأسها وعيونها تدمع.. صرخوا البنات وألتموا حولها وهم يحاولون يسكتونها ويهدون من زعلها)..
سميه: تبكين عشانه ياغبيه والله إنه ما يستاهل دموعك..
سحايب: خلاص يادرر_ هذا وهو مادرى عنك تسوين بحالك كذا كيف لو كان خطيبك وفسختوا الخطبه..!!
كنوده: الظاهر إن خبال سناء أثر على عقلك.. تبكين عشان رجـــال؟
ميار: بكره أجي وأبكي على صدرك وأقولك لزيز طـــار مني.. ونقعد نبكي أنا وإنتي سوا على حبنا الفاشـــل..
"درر وهي تناظرهم من بين الدموع": أنا ما أبكي عليه راح ألاقي غيره_أنا أبكي على حظي المايل ليه لما أحب واحد يتزوج ويتركني..!!
"ميار وهي تحط يدها على كتف درر": وش تسوين عاد هذا حظك وإحنا مو أحسن منك..
"ميريام وهي تمسك خدود درر": فكي هالضيقه خلاص إيـــزي.. إحنا جايين نحتفل مو عشان نبكي ونحزن..؟
(قامت ميريام وشغلت المسجل على أغنية(قوه قوه) لماجد المهندس_ وقاموا سحايب وكنوده يرقصون ودرر تمسح دموعها وتصفق وميريام تصفر لهم وميار واقفه وتلفح بشعرها.. كانت الأجواء روعه واللي خلاها أروع لما جلست سحايب تغني أغنية محمد عبده(مهما يقولون) وكان صوتها يجنن والشله يرددون معها الأغنيه"...
*[مهمـا يقـولـون مهمــا صار مهمــا تـــم..
أنت البدايــات وآخر ساحل ومينــا..
في هـرجـة النـاس للعـذال لاتهتـم..
لـو هــم يحسـون فينا ماحكو فينـا..
منا الوفــا ياوفــي الــروح يتعـلـم..
وكل التعابيـر تبحـر من شواطينـــا..
أهـــواااااك ماهــي مواويــل بها أترنــم..
ترى المواويــل هي اللي تبكيــنـا..
حبيب عمري حياة القلــب خــل الهــم..
تقســى الليالي ولـكــن ماتقسينــا..
وأن كان جدد جدايد حبنــا أقـدم.. ولاعــاش راس على الدنيـا يبكينـــاااااا..]*
"سميه وهي تصفق": وااااو رووووعــــــه...
"درر وهي مبتسمه": آآآآهـ ياسحايب ذكرتيني بأغانينا أنا وطفطف بالإجازه..
ميار: إنتي ما عندك إلا أغنيه واحده (ياعلـــي)..
درر: لأ أغنيتي هذي ماأغنيها بالبر لأن طفطف تعصب علي..
ميار: حتى لطيفه طفشت من أغنيتك..
"ضحكت درر": أتذكر بالبر كنا قاعدين أنا وطفطف وأسماء,, وشابين النار برا مخيمنا وأخذنا نص مواعين المطبخ عشان نغني ونطبل عليها..
وكان وقتها الماطور حق المخيم اللي بجنبنا طافـي خربان وهذولا الناس يقربون لنا مره و أغـنـيـــاء..
ميريام: أغنياء ويخيمون ليه؟ هذا بدل ما يسافرون برا وإلا ياخذون شاليه..
درر: هم بــدو وبحياتهم ماطلعوا من الرياض.. المهم إحنا قاعدين من جهة هذا المخيم سوالف وضحك ووقتها كانوا اللي بالمخيم محتاسين لأن عندهم عشاء والماطور حقهم طافي(مشكلـه).. وكل شوي تمر من جنبنا سياره كشخه إلا هـمـر إلا BMW إلا لكــزس.. وحنا فاتحات عيوننا عالآخر,, بغض النظر عن فخامة السيارات كانوا الشباب اللي فيها حلويييييين تحسون جمالهم على قد فلوسهم (قالتها وهي تضحك)..
"ميار بحمــاس": صارت أكشنات؟؟
"درر وهي تآخذ نفس عميق وتتنهد": آآآه أنا وطفطف متنــا على السيارات!! وكل ما شفنا سياره نقعد نصاااارخ.. طفطف من الحماس فتحت شعرها وترقص وأنا أغني لها وأسوم خربتها وقعدت تطبل.. إذا قربت لنا سياره سكتنا وإذا راحت كملنـا..
"كنوده وهي مستانسه": تدرين لو إني معكم ألحق السياره وأتعلق فيها!!
"أنفجروا البنات بالضحك.. وكملت كنوده وهي تضحك": عاد أنا لما أشوف شباب حلوين تضيع علومــي.. أقول درر وين بيتهم أبروح أخطب لنفسي منهم,, وإلا أقولك أروح أخطب لك إنتي بدل علي اللي تزوج وخلاك..
"ضحكت درر": هههههههههههههههههه طفطف حيل أعجبوها ولما رجعنا للبيت ضاق خلقها وكان ودها إن الكشته تطول شوي عشان تضبط حالها عند أهلهم.. وأنا من غبائي كنت وقتها غاضه البصر على بالي أحترام ووفاء لـ<علي>...
(دخلت الخدامه للغرفه وقالت لدرر إن فيه رجال برا ينتظر أخته)..
ميار: أكيد أخوي فيصل..
"درر وهي طالعه": أنتظري أبي أنادي أخوي راكان وأسأله عن السياره..
"ألتفتت كنوده على سحايب": يمكن ياسر جاء ياخذنا قومي بسرعه آخاف يعصب ويمشي ويخلينا..
سحايب: لأ ياسر ماراح يجي يآخذنا إلا عالساعه 12..
كنوده: لما جابنا كان كاشخ ومتعطر وين بيروح؟
سحايب: بندر عازمه على العشاء بمطعم هو وأخوك فواز..
كنوده: الشاعر بندر شخصيآ عازم فواز أخوي؟ ياااااي يابختهم بيجلسون مع الشاعر على طاوله وحده..
سحايب: والله إنك ماخذه مقلب بالشاعر بندر تراه بالتلفزيون شي وبالواقع شي ثاني..
"درر وهي داخله الغرفه": مـيــار أخوك اللي ينتظرك برا..
"ميار وهي قايمه تلبس عباتها": بنـــات أستانسوا عني ok والله كان ودي أطول بالسهره معكم بس مو بيدي..
ميريام: ماعليه ميور نجتمع بيوم ثاني وتعوضين عن هذا اليوم..
"سلمت ميار عالبنات وطلعت بسرعه عشان تلحق على أخوها فيصل.. وجلسوا البنات يكملون سوالفهم وضحكهم"
€..€..€..€..€..€..€..€..€..€..€..€
وفـــي الــسـوق كانوا لجين وراويه يجهزون للملكة واللي تحددت الأسبوع الجاي..
راويه: الحين إنتي أشتريتي الفستان وش ناقصك بعد؟
لجين: باقي الجزمه وأبي أشتري أكسسوارات للشعر.. بعدين تعالي خلينا ندخل المحل هذا عشان أشتري لك فستان وإلا نسيتي نفسك..؟
راويه: لأ أنا مابي أشتري راح ألبس بدله ناعمه أحسن..
لجين: راويه حبيبتي مايصير كذا إنتي لازم يطلع شكلك حلو بالحفله أقل شي قدام عمامي وخوالي وإلا تبينهم ينقدون عليك؟
راويه: مايهمني رأيهم فيني وبعدين أنا ثانويه عامه ومو متحمله الثوب اللي علي عشان أتحمل تفاهات الناس..
لجين: راويه وش فيك؟ شكلك متضايقه ومو طايقه أحد.. على فكره أنا ملاحظه عليك من أمس وإنتي متملله حتى قدام الناس اللي بيخطبون مانتي قادره تخفين ضيقتك والسبب الدراسه..؟
راويه: ...........
لجين: قلت لك اليوم روحي لصديقاتك وأستانسي معهم ورفضتي عشان ما تنشغلين عن الدراسه..
راويه: ...........
لجين: المشكله إنك عنيده وبصعوبه تقتنعين.. الحين خلينا نتسوق وبس نرجع للبيت نتفاهم,, أبشوف وش آخرتها مع دراستك..
§,,§,,§,,§,,§,,§,,§,,§,,§,,§,,§,,
رجعوا سحايب وكنوده من بيت درر مع ياسر وفواز بالسياره.. ولما نزلوا فواز عطى كنوده مفتاح البيت عشان ترجع لأن أمه وأخوانه ناموا ببيت خالـــه وما بقى غير كنوده بالبيت,, وجلس فواز عند ياسر بالديوانيـــه يلعبون (بلاي ستيشن)....
دخلت سحايب غرفتها ولما بدلت ملابسها راحت للصاله عشان تجلس عالــTV وسمعت صوت كنوده تناديها من الشباك بصوت عـــااااااالـــــــــي...
"سحايب بخاطرها": الله يهديك ياكنوه تدرين إن اللي في البيت نايمين ليه الإزعاج؟ بس عناد فيك ماراح أرد..
"علا صوت كنوده وصارت تنادي ياسر وفواز وتصارخ بشكل هستيــــــري..
سحايب إنشغل بالها وراحت للشباك_فتحت فمها بتنادي كنوده لكنها أنصدمت لما سمعت كنوده تقول; حــــــراااااااااامــــــي!!!!!
راحت سحايب تركض للديوانيه.. فتحت الباب بقوه وهي خايفه لقت ياسر جالس بجنب الـTV يعدل الأسلاك..!!
سحايب: ألحق على كنوده تقول.......
"يقاطعها ياسر بإنفعال": أنقلعي داااااخـــل فواز بدورة المياه روحي قبل مايجي...
"تكلمت سحايب بصوت أشبه بالصراخ": أقولك كنوده في بيتهم حـــراااااااامـــــي.. حـــرااااااامــــــي روح ألحق عليها إنت وفواز..
"فواز كان واقف عند الباب وسمع كلام سحايب وراح يركض لباب الشارع وهو ينادي ياسر..
فــز ياسر من مكانه ولحق فواز... ثواني ورجع وهو ماسك عصا خشب طويله وعريضه..
دخل البيت وفتح باب السيب اللي تحت الدرج وصعد على الطوفه بيلحق بفواز اللي صعد على الطوفه من جهه ثانيه بالبيت عشان يحاصرون الحرامي بدون مايحس فيهم.. فتشوا بكل البيت عن الحرامي بس مالقوا إلا (جزمه) بجنب البراد الخربان اللي بآخر الحوش وباين إن الحرامي دخل البيت وطلع عن طريق البراد...
ياسر: ليــه ماتخلون لمبات الحوش شغاله على طول حتى لو البيت مافيه أحد..؟
فواز: ماأدري بس أكيد أمي هي اللي طفت اللمبات قبل تطلع وإنت تدري إن زوجة أبوي عند أهلها والبيت فاضي لكـــن ما حسبنا حساب لهالشيء إنه بيصير..
ياسر: المفروض ما تترك أختك لحالها بالبيت وإنت تدري إنها مريضه_ روح شوفها لا يكون صارلها شي..
فواز: صحيح ذكرتني بكنوده أبروح داخل أشوفها..
"دخل فواز البيت ونادى كنوده وفتح كل الغرف وهو يناديها ولا لقاها.. بالأخير فتح باب الحمام لقاه مقفل وعرف إنها داخلــه.. ضرب الباب وحاول يفتحه لكنه عجز.. خــاف عليها وصار يضرب الباب بقوه وهو يناديها ما ردت ولا فتحت.. جن جنونه وصار يضرب الباب بجسمه يحاول يفتحه وعجز.. سمع قفل الباب يفتح وتم يناظر ويترقب وهو متوتر.. فتحت كنوده وهي بحالــه يرثــى لها من التعب طاحت عالأرض وأغمـــى عليها"...........
*''*"*''*"*''*"*''*"*"*"*"*"*"*
يـــوم الجـمـعـه...
(1/2)
فـــي الصبـــاح..
كانت أم يزيد تكلم أختها أم ميــار.. ولما خلصت من المكالمه جلست مع عيالها بالصاله وهم من عاداتهم يجتمعون بعد صلاة الجمعه..
مرام: يمه شخبار خالتي وميار..
أم يزيد: بخير وتسلم عليكم ..
"يزيد وهو ماسك فنجان القهوه": والله أشتقت للقعده مع خالتي _شكلي راح أسافر للرياض عن قريب,,منها أشوف خالتي ومنها أقعد مع أصدقائي وأنبسط معهم..
"أم يزيد وهي تتكلم بجديه": ومنها تتعود على أهل الرياض وتآخذ عليهم لأن عروستك راح تكون من بنات الرياض..
"رفع يزيد حاجبه بتعجب وكملت أم يزيد": أنا نويت أخطب لك وحده من بنات خوالك..
"نطق يزيد بثقل": قصدك عذاري؟
أم يزيد: لأ.. قصدي مـيــار!!!!
"عدل يزيد جلسته وهو فاتح عيونه عالآخر": اييييييش ميااااااااااار..!!!!
أم يزيد: وش فيك أخترعت أنا قلت شي غلط..؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك