رواية ماكل من يضحك مع الناس مبسوط ياكثرمن يضحك ونفسه حزينه -6
ماتوقعت ان حنان تهتم بالاطفال ابداا فكرت ان عاطفتهااتجاه بندر بحكم الاحتكاااك فيه مو اكثر لكن إلي اشوفه اللحيين
هالبريق بعيونهاا وهالابتسامه غييير قلت لها : مادريت انك
تحبين الاطفال هالقد
التفتت علي : مافي مره بالدنيا ماااتحب الاطفال
ولا تتمنى يجي يوم تضم ولدها لصدرها
قلت لها : بس في حريم مايتمنون هالشي
ردت علي وقالت :المره الي ماتمنى تكون ام مو طبيييعيه ابداا
قلت لهاا: حتى انتي تمنيين الامومه
ردت علي بضحكة سخريه وقالت : نسيت انك ماتشوفني مره
اسفه للشعورك بالصدمه لكن حتى انا كنت اتمنى اني اكون
ام بيوم من الايام
سألتها : كنتي ؟ واللحيين ؟
قلت له : عشان اكون ام لازم احب ابو ولدي ويكون اختياااري
سألتهاا : وانااا طبعاا مو هالشخص
طالعتني بتحدي : اكييييييييييييييييد
حسييت بغيض بقهر لكن مسكت اعصااابي عن اتهووور
" هيين يااحنان ان مااجبت راااسك وخليتك تموتين علي
مااكون بندر "
قلت لهاا : انا مو عارف شايفه نفسك على ايه
قالت لي بعصبيه : شتقصد؟
قلت لها : المره الييحقلها تخير بين الرجال لاازم تكوون مره
عن حق وحقييقجمال رقه انوثه دلااال شياكه لسان زي الشهد
وانتي ابد ماافيك أي شي من ذي الصفااات بالعربي انتي ممكن
تكونيين أي شي الا انك تكونيين مره
عصبت علي رفعت ايدهاا تبي تخنقني لكنها ترااجعت ومشيت
قدااامي معصبه ضحكت من كل قلبي على شكلهاا ..خليها تستااهل
هي وطولت لسانهاا
* الريـــــــــــــــــــــــــــم *
صحييت مالقيت احد ... استغربت وين رااحت لقيت ورقة مكتوب
عليهاا :
"انا رحت مشوار مع بندر ورح اتأخر خذي رااحتك البيت بيتك
واذا بتستبحي افتحي الدولاب وخذي ملابس "
غريبه وين راحت هي ويااه هالوقت .شفت بندر ناايم دخلت
تسبحت لقيت حنان مجهزه مكينه القهوة سويت لي قهوة سمعت
خشخشة مفاتيح قمت جري صوب الغرفه عسب اييب شيلتيه دخلت
يبت الشيله طلعت من الحجره وانا اقوول ويين رحتي الا انصدمت
بااحمد بنص الصاله ابتسم اول ماشافني قلت له : خير شتبي
قالي : مافي صباح الخير بالاول ؟
مارديت عليه اقترب صوبي ومد ايده بباقة ووورد حلووووه وجا
يبي يحبني ع خدي دفرته بعييد عني : لااااتقرب مني
قالي بعتب : مب طايقة قربي
قلت له : زيين انك فهمتها بروحك
قالي : اريااامي زعلج ماله أي اسااس
قلت له وانا محرجه : لا والله ماله اسااس انت ماشفت نفسك شلون
كلتها بعيوونك ماشفت نفسك شلون تميت قاعد معاااي وكل شووي
تخزهاا انت مابقى الا انك ترووح وتقعد معااهاا وتودرني
قالي : هااذي اوهاااام
قلت له : اوهااااااااااام ؟ تنكر انك كنت تحبها ؟ تنكر انك كنت تبي
تزوجهاا ولوماا تدخل بندر كانت ع ذمتك اللحيين ؟ مو هذي هي
سااراا الي قلت لي ان مشاعرك لهاا هي وحدهااا وان اناا كنت
↚
مجرد تحصيل حااصل ؟ مو هااذي هي ساراا الي بعز مرضك هذيت
بسمهاا ؟!!!!
قالي : ريماني حبيبتي سمعيني
صرخت بوجهه : لاتقول حبيبتي انت مااتعرف الحب .. الي مثلك يحب
يااخذ مايعطي
احمد قالي: هالكثر ماخذه ع خاطرج ..عطيني فرصه ادافع عن نفسي
قلت له : ماايهمني . وانا اخلاص برد بلاادي وهنااك بتطلقني وريلك
فوق رقبتك
احمد حرج علي وقال : رده للبلاد مافيه واللحين برتديين معااي البيت
قلت له : مو برااده
* بنـــــــــدر *
ماشاء الله مو مشي عليها الا ركض وصلت قبلي للشقه وصارت تدوور
ع المفتاح وين حاطته بجيبهاا قلت لها : حناان بلا هبل خلينا نرجع
حنان معصبه : انقلع من قدام وجهي لا اذبحك
قلت لها : بلا طولة لساان
حناان : اوووووووووف
الا وسمعت صوت الريم واحمد وهم يتهااوشوون وسمعت الريم
وهي تطلب الطلاق
حناان بخوف : شفيها جنت هااذي
قلت لها : حناان المفتااح ويين
اخيرا لقيت المفتاح بجيب جاكيتها الداخلي فتحت البااب بسررعه
تنحنحت عشان الريم بعديين دخلناا
قلت السلام عليكم رد الكل السلاام انتبهت لباقة الورد المرميه
ع الارض
طالعت ااحمد : شفيك صوتك واصل لااخر الدنيااا
احمد قام يتنفس بعصبيه والريم كان مبين عليها انها واصله
لخشمهاا
طالعت حنان وقلت : حنان لو سمحتي سويلنا شااي
حنان هزت راسهاا بكل طوايعيه قلت لاحمد والريم : انت وياها
اجلسوا قدامي
احمد قال: مو فاضي عندي شغل
قلت له : شغلك يتأجل
الريم قالت بغيض : خله يابندر يمكن يبي يلحق ع حبيبة القلب
طالعتها بلوووم اما احمد : سامع شتقوول
قلت لها : ام بندر الله يهدااك مايصير هالكلاام
جلس كل من احمد والريم ع كنبه كانت الكنبات متقابله وكل
واحد لاف وجهه لجهه
كان نفسي اضحك على شكلهم لكن الموقف مايستحمل جات
حنان ووزعت الشاي علينا وبعدين جلست جنبي طالعت فيها
وابتسمت رغم كل اختلافاتنا هوشااتناا الا اني انا وياها نقدر
ناخذ اوسكااار افضل ممثليين ..عندنا قدره نحافظ على مظهرنا
قدام النااس لدرجة أي احد يشوفنا مستحيل يشك بطبيعة العلاقة بيني
وبينها.... رجعت للمتخاصميين وقلت: ممكن تفهمونا ليه الصراخ
احمد بغضب : الاخت تبي ترد البلاااد عاافتني
قلت له : احمد هدي اعصابك مو كذا التفاهم
التفت للريم وسألتها : الريم ليه تبي تردين ؟
قالت لي بحسره : وليه اتم هني ؟ شيقعدني ؟
حنان قالت لها : زوجك وولدك ياريم
الريم قالت : انا باخذ ولدي معااي والي بيني وبن احمد انتهى خلااص
احمد قال : بهالبساااطه ؟ ترمين كل الي بيناا بلحظة غضب ؟
انتي ناسية ان بيناا طفل شبيكون مصيره امبينا ؟
قلت له : ولدي انا بربيه بروحي ... والله يخليله خواله مارح يقصرون
معاااه واذ تبي تشوفه مارح امنعك هذا حقك
احمد سألها : يعني خلاص مصررره ؟
قررت اوقف مهزلتهم : بس عاااااد جا دوري اتكلم سكتوا الاثنيين
ومحد فتح فمه بكلمه
طالعت الريم وقلت لها : ام بندر انتي تشوفين ان الحل للي بينكم ترجعين
للامارات وتتركيين كل شي معلق هنااا ؟ وانت " يقصد احمد " ماتعرف
تفاهم بالعقل بس تبي ترمي غلطتك على غير
اسمعوني زيين انتو الاثنيين تنقلعون اللحين بيتكم ومااشوف وجهكم الا
لما تصفون حساباتكم وولدكم بيقعد عندناا يالله عطوني مقفااكم
الريم : انا ماابي ارووح واقعد معاه بمكن وااحد مو طااااااااايقته
حنان ضغطت ع يدهاا : مو كذا ياريم
الريم وقفت وصرخت : حنان الي ايده بالمااي لو كنتي مكاااني
وشفتي لهفة بندر لمره غيرج لو شفتيه ويده بيدهاا وعيونه
تااااكلهاا وطول وقته وتركيزه عندهاا شبتسوويييين ؟
بيكوون عندج عاااادي ؟ وانتي تعرفيين زييين انه كان مستعد
بيوم من الاياااام انه ينهي زوااجكم بس عسبتهااا
حطت حنان عيونها بالارض لانها مالقت اجااابه احمد رد عليها
وقال : هذا كله مااضي والله ماااضي
صرخت فيه الريم : واللي بالمطعم لا يكون بعد مااضي ؟
احمد : ريم انا احبج والله احبج وساراا ماضي بحيااتي وانتهى
والله انتهى
الريم ابتسمت بسخريه وطالعتني : تذكر يابندر يوم ماتركني
وانااا بشهري التاسع ورااح يشوووفهااا ..
وكنت خلاص اتوجع بربي وهو مااحد ... لو مااييت انت واسعفتني
كان ممكن اموووت ويموت وولدي هو وييين كاان؟!! ...
كان عندهاااا..
تذكر انت كنت الشااهد يوم قالي انه يحبني وان سارا مااضي
وانتهى .... بذاك اليوم قلت لك ماابي ارد له ابي ارد بلاااادي
عند اهلي قلت لي عندج ولد اللحين ومفروض ماتسلمين
من اول صعوبه تواجهج وهذا هو احمد هني اضمنه لج مارح
يقصر صووبج ورح يرمي سارا وكل طوايفهاا ورى ظهره
لكن يابندر مااصار هالشي .. ضمانك مافااد ياابندر ماافااد ...
↚
سمعنا صوت بكى بندر الصغير الريم وهي رايحه له لفت وطالعت
احمد : لو سمحت جهز اوراقي واوراق ولدي .. وراحت للغرفه
احمد طلع من البيت معصب جيت ابي اللحقه مسكتني حنااان : خله
هو محتااج يعيد حساابااته
هزيت راسي لها بالموافقه
* بيت ابو نور *
موعد الافطاار الكل جالس ع السفره ابو نور وام نور لى الان
مايعرفون ان النوري رجعت البيت
ليلى وهي تكلم امهاا : يمه الناس الي بيجون اليوم ليه ماقلتي
انهم خطااب ؟
ام نور : منو قالك
مريم غصت : انا يمه سمعتك وانتي تكلمني عمتي امس
ام نور : تصنطين مرييييييوم ؟
مريم : لا والله انا كنت ماره بالصدفه
الا وان نور داخله عليهم : السلاااااااااااااااااااااااااام عليكم
ابو نور وام نور المفاجأة الجمتهم
ام نوور : بنتي وتضمهاا لصدرهاا : شلونك يابنتي شخباارك متى جيتي
نور : خخخ جيت امس حبيت اسويها مفاجأه
ابو نور الي مامشيت عليه الكذبه : وين زوجك
نور وهي تبوس راس ابوها وبارتباك : ماجا معااي عنده شغل
ام نور باستنكار : خلاك تجي من الرياض لجده لحااالك؟
نور : ايه مافيها شي كلها ساعتين بالطياره
ابو نور وهو يوقف : نور تعالي ابييك
راحت هي وابوها المكتب جلسو بكرسين متقابله قالها : نوور شجابك ؟
قالت له : يبا قلت لك وحشتوني وجيت اقعد كم يوم عندكم ماتبوني
ابو نور: احطك بعيوني يااانور لكنك ماجيتي بالرضاااء انتي
جاية زعلانه ؟!
نور : يبا انا مو زعلاانه
ابو نور معصب: نور انا مو بزر قدامك وخذ نفس وكمل بهدوء
ياابنتي أي زوجيين تصير بينهم مشااكل والامور ماتحل بهاذي
الطريقه لازم تقعدي وتتكلمين مع تركي بهدوء يابنتي انتو
توكم باول الطريق
نور استجعت شجاعتها : يباا اناا طلبت الطلاق
ابو نور بصدمه : شنووووووووو
نور ودموعها ع خدهاا : يبا انا مااقدر اقعد معااه لحظه
اكثر انا مو بطاايقته
ابو نور : نور هذا زواج مو لعبه قبل كم يوم كنتي ميته عليه
وتشكرين فيه اللحين تبين الطلااق ؟ يضربك؟ يهينك؟ مقصر
معااك بشي ؟
نور تهز راسها : لا لااا
ابو نوور : دامه لاا شالسبب .. لاتقوليين لي تلومينه علي صاار
لك وانتي صغيره لان هالعذر مااصار يمشي علي ابد
نووور : يباا انااا ...
الا و ينفتح الباااب وجااء صوووته : انتي شنو ياااانور ؟
* طـــــــــلال *
اااخ هالكرااتين كسرت ظهري .. يارب يكيف الاس تنقل كل يوم من
شقة لشقه ماصدقت رتب اغرااضي وحطيتهاا بمكااانهاا ...
خلوني اعرفكم بنفسي انا طلاال ال.. طالب سعودي بمرحلة الماجستير
ادرس بزنس واعزب ناس كثير يقولون اني مملوووح وان ملامحي
شرقيه امية بالميه ... بيني وبنكم انا واثق اني مملوح لان مافي بنت
استعصت علي الا اجيب رااسها الارض الا وحده غلطتي اني حبيتهاا
واعطيتها قلبي لكنهاا رمته بوجهي عشان وااحد متزووج وفوق كذا
عمرهاا ماسمعت منه كلمة احبك قال تحس بحبه ..ااخ ياسااراا
لعبتي فيني ولعب فيك صدق لاقالو الدنيا سلف وديين
كنت نازل اجيب اغراض لبيتي وانصدمت يوم شفت احمد طالع
من الشقه الي قبالي معقول يكون ساكن هني ؟ طالعني من
فووق وتحت وقالي : شتسوي هني ؟
كرهت نظرته : انا سااكن هني
قال وهو يعدي من جبني : اكملللت
طنشت ومارديت عليه بعد خمس دقاايق نزلت لقيت الناااس
متجمهره ماعرفت شصااار ؟ قربت منهم شكله حاادث سمعت
البواااب وهو يصرخ : احمد احمد
رحت جهته جري صحيح ان انا وااحمد علاقتناا زي الزفت لكن
الدم الي بعروقي حن له رحت شفته متغطي بالدم قربت
منه : احمد احمد رد علي
لكن ماارد ابد وصلت سياارة الاسعاااف ....حملته وانااا رحت معاااه
*عبد الرحمن *
اليوم الجو كااان حلووو فقررننا نفطر بالحديقة خصوصا وان اليوم خميس يعني
اجاازه بعد الفطور جلست انا وامي واحلام نتقهوى اما ريان ورواان قاموو يلعبو
كوره او بالاحرى يتهاوشون
رواان : اقوولك مو بفاول
ريان معصب : الا فااااول
روان : لا يااشيخ تضحك ع ميين
رياان : اوووف اللحين من الولد انا ولا انتي اقولك فاااااااااول يعين فااول
روان : مو عشانك الولد بتسويلي فاهم انا اختك الكبيره وككلامي يمشي عليك
رياان : من جدك انتي ؟
امي عصبت عليهم : رواانوووه ريااانوه ....التفتو لها وكل واحد عيونه تلوم
الثااني .... انقلعوااا قداااااااامي جو البيت
روان : يماااااا
امي عصبت بزياده : رواااان بلا كثرت هرج داااااخل ... وتهاوشوو دااخل
لااوصيكم كسروا البيت
ريان كان يطالعني بنظرات ترجي لكن ماقدرت اسوي شي هزيت كتفي
ان مالي صلااح... مشو الاثنيين وهو مستسلمين لدااخل البيت
امي سألتني بعد ماراحو : عبد الرحمن شكان يبي فيك عمك
سالتها : كيف عرفتي انه جا هنااا ؟!
قالت لي : زهراء قالت لي يوم رجعنا من عند الجيران ... ماكنت بتقولي انه جااا ؟
شيبي منااا ..شذكره فينااا ؟
بلعت ريقي بصعوبه : ولا يهمك يمه الموضوع مايستااهل
امي طالعتني وكلها نظرات شك : عبدالرحمن لو الموضوع مايستاهل
ليه وجهك مقلووب من امس ؟!
سكت وانا اتذكر كلاامه :
ابو مطلق: انا جيت عشان نتمم عرس احلام ومطلق
↚
سالته باستنكار : أي عرس ؟
رد علي بجفاء : شنو أي عرس البنت لولد عمهااا
قلت له : أي ولد عم هذااا ... ماتذكرتناا الا اللحين وقت ماتبي تزوج ولدك
وينك عناا من سنييييين
رد علي : بلا فلسفه وكلام مسلسلااات فااضي انا اقول العرس عقب شهرين وترى
بندفعلها 25 الف وقولهاا تسحب من الجامعه ماعندنا بنات يشتغلن بالطب
قلت له : اوامر ثانيه طال عمرك
رد علي وهو مقهوور : تتمصخر ياعبد الرحمن ؟
رديت عليه : والله ماادري من يتمصخر انا او انت ؟ جاينا عقب ست سنيين
وتبي تبيع وتشتري باختي وانا انفذ شالي جرى بمخك ياعمي .. اختي لعلمك
مخطووووبه وملكتهاا الخميس الجاااي وولله تقعد بلا عرس طول عمرهاا ولا
اعطييهااا ولدك ابداااا ... ولدك الي مابقى بيت بجده مارفضه لصيااااعته وضيااعه
جاي تبي توهق اختي فيه ليه عشانه ولد عمهااا يخسى يطول شعره منهاااا
عمي عصب : هذا شورك ولاا شوو..
قلت له وانا اوقف مسنود ع عكاازي : اختي شورها عندي ... ومو ولد سعود
الي يكون شوره عند حريييم
طالعني بتفحص وقال : هذا اول مو عقب ماصرت ناااااااقص
"يعاااايرني ...يعايرني باعاقتي " قلت له بكل عزم : نقص الجسم يتعوض
ياعمي لكن نقص العقل ماله أي عووض ....
عمي قال : هيييين ياولد ال
قاطعته : عمي تراك ببيتي ومالارح اسمحلك تغلط ع امي
عمي حرك فمه بازدراء : انعم واكرم .. لابارك الله فيك وفيهاا
رجعت للواقع ع صوت امي : عبد الرحمن وين سرحت
قلت لهاا : لا بس تذكرت اشغال عندي بالشركه ...
امي بلووم : تهرب ياولد مساعد
قلت لها واا اوقف وابوسها ع رااسها : يمه لاتشغلين بالك بشي وطالعت احلام
وقلت : اسمعي يااابنت ترى عبدالله يبي يملك
احلام ردت : يملك احد مااسكه
قلت لها : يابنت اتكلمي زي النااس الرجال يبي الملك الاسبووع الجاااي
وقفت احلاام على حيلهاا : نعم نعم يحللللللللللللللللللللللم
قلت لها واناا اجرهاا من اذنها : تأدبي يااابنت لاتفضحينا عنده
احلام : ااااااخ دحمي حبيبي اترك اذني
زدت من قوة الجر :اللحين بتملكين الخميس
قالت لي باصرااار : لااااااا مافي ملكه الا قرب العرس عاجبه ولا باطقاااق
زدت الجر وبعدين تركتهاا : خلاص بقوله مالك نصيب عندنا .. ومشيت وسبتها
سالتني : يعني ايه
قلت لها وانا ماشي باتجاه البيت : يعني بروح اخطبله وحد ثااااانيه يتزوجهااا
صرخت : لااااااااااااااااااااا
درت عليهاا وشفت وجهاااحمر وحاطه يداتها على فمها : ودام لااااااا ليه ماتبين
تملكين .. جد ماتنعطن وجه ... اسمعي الملكه يوم الخميس وماابغى نقاااش
شقلتي تمت سااكته ...مااسمعت شقلتي ؟
هزت راسهاا وقالت بخجل وصوت ماسمعته مافهمت غير من حركة
الشفااايف ... ان شاء الله
*بنـــــــــدر*
سمعت البااب ينطق رحت اشوووف منووو فتحت الباااب كان جوني بوااب العماره
كان شكله مرتبك ويلهث سالته : What happened to you
جاوبني : Ahmad , your friend
سالته : What happened to him
قالي : he was collided by a car while he crossing the road
حسيت الصدمه شلت كل جزائي ماااحسيت بنفسي الا وانا اوقف تاكسي وطيران
على اقرب مستشفى من غير حتى لااقول للريم او حناان اول ماوصلت المستشفى
سألت عنه بقسم الحوادث ودلوني ع الغرفه رحت لمكان مادلوني شفت الدكتور
طالع سالته :? is he ok
سالني : do you know him ?
جاوبته : yes, I do he is my friend
قالي : He had suffered light bruises and broken leg greatness except that he is fine
تنهدت براحة : Praise be to God, can he leave the hospital
قالي : after to days
قلت له : thank you
استنيت الين ماطلعوه من غرفة الحواادث وحطوه بغرفه خااصه اول مادخلت كان بدأ يفوق
قلت له : حمدالله ع السلاامه
ابتسم بتعب : الله يسلمك
قلت له : خوفتنا عليك
قالي: السموحه بندر
قلت له : ولايهمك
قالي : قلت لهاا
قلت له : لا ماقلت لحد اول مابلغني البواب طيراان عليك
سألني : وينه
سالته : مين ؟
قالي : طلال
قلت له: طلاااال ؟
قالي : ايه قابلته من بعد ماطلعت من عندك سكن قباالك
قلت له : من جدك انت ولا تهلووس
احمد رد : اقولك قابلته من بعد ماطلعت من عندك تكفى شوفه
طلعت من الغرفه دورت عليه مالقيته رجعت له : مو موجوود
قالي : غرييبه
قلت له : انت ارتااح اللحين وانا بمرك بالليل .. تامرني ع شي
قالي: مشكور وماتقصر ياابو احمد
قمت اتلفت كاين ادور على شي سألني : شدور
قلت له : ادور ابو احمد وينه
قالي : خخخ محد ابو احمد غيرك يالاثول
قلت له : ومن قال بسمي ولدي احمد
قالي : غصب عليك مو رضى منك انا سميت ولدي عليك وانت تسمي علي
قلت له : خل امه ترضى علينا بالاول
قالي : رح ترضى رح ترضى يااخوي
قمت: انا مااشي
ناداني : بندر
التفت : لبيه
قالي : لبيت حاج ان شاء الله ... لا تقول للريم علي صااار
قلت له : لييش .. ؟
قالي : ماله داعي
قلت له : برااحتك في اماان الله
↚
* حنـــــــــــــــــــــان *
بس دخلت اشوف الريم شلونهاا وبندوور شفيه يبكي ورجعت لقيته مختفيه ..نفسي
اعرف هذا وين يرووح .. اوف منه .. جلست ع الكنبه وجات الريم تجلس معاااي
وبندر الصغيرون يلعب ع الارض
سألتني : وين بندر
قلت لها : ماادري فجاة اختفى
حسيتها منحرجه : حنان انا اسفة
سألتها : تعتذرين عن شنو ؟
الريم : يعين اطفلت على على حياتكم وصدعتكم بمشاكلي انا واحمد
قاطعتهاا : الريم شهالكلام احنا اخوان ولازم نوقف مع بعض ..لو المشكله بيني
وبين بندر مو كان عملتو نفس الشي معانا
الريم ابتسمت : اكيد .. الا انتي مو قلتي بتطلعين تيبين اغراض مااشوفك شريتي شي ؟!!
قلت لها : والله انا ماكنت ابي اشتري شي هذي سلمك الله خطه من بندر عشان
انتي ورجلك تصفون حساباتكم مع بعض من غير ماتحسون ان في احد يراقبكم
ولا تحسون بحرج من وجودنا معكم وانا احمد الله اننا جيناا بالوقت المناسب
ولا كان مداكم متطلقيين
الريم فضلت سااكته ... سالتها : تحسين طلبك صح ؟
جاوبتني : حناان النار ماتحرق الا رجل واطيهاا
قلت لها : وبتتخليين عن رجلك وولدك بكل هالبساطه
تنهدت وقالت : تعبت ماعاد فيني قوة اتحمل اكثر من جذية
قلت لها : ضعييفه
طالعتني بعيون مفتوحه كملت ولا كأني مهتمه بحالة الصدمه الي هي فيها :
انتي وحدة ضعيفة مفروض تكونيين اقوى من كذا وتدافعين عن حقك في احمد انتي
حرمته وجودك بحياته طبيعي اما هي مجرد نزوة عابرة يمكن الزمن خلاه يحن لهاا
لكن انتي لازم تكونيين قوية وتشدين احمد لك لازم تعرفين ان رجلك الان حاسس
بشتاات وصراااع بين حاضر وماضي وانتي بطلبك قدمتيه لها ع صحن من ذهب
الريم ماجوبتني التزمت الصمت .. قلت لها : ياقلبي عقلك براسك تعرفين خلااصك
الريم قالت : حناان لاتفكرين سهل علي اقول لاحمد طلقني .. انا احس بالموت يوم
انطقهاا احمد حب الطفووله والمراهقه عمر قلبي ماخفق لرجال غييره ولاحتى اثار
اعجباابي كل مشااعر الحب الاعجااب كانت لااحمد .. لكن يوم يوصل الوضع
لكراامتي مستعده اتنزل عن حياتي ومااتنازل عنهااا
قلت لها : تكفيين بلا شعارات افلام ابيض واسووود قال كرامتي !! سؤال احمد
احمد خانك معااهااا بعد وعده لك قاابلهاا حسيتي ان لها لسى مشاعر بقلبه ؟
الريم : لاااااا
قلت لهاا : تدرين ماعندك سالفه .. ريموه عقلي زين ولاتضيعين رجلك من ايدك
الريم ابتست وهي تطالع السقف بعد ماحطت راسها ع الكنبه : عجيب امرناا نحن
البشر سهل عليناا نعطي غيرنا النصاايح والمواعظ لكن يوم نصير احنا بحاجة
للعون للمساعده نعجز عن اننا نساعد انفسنا وان جاتنا النصيحه من الغير صعب
نتقبلهاا ونطلع فيها امية عيب وعيب
عضيت ع شفاايفي ماعرفت شقوول
اعتدلت في جلستهاا وصارت مقابلتني : تعرفيين
قلت لها : شنووو
قالت : اليوم لما يلستي قرب بندر وتبادلتو الابتساامه كان شكلكم رووعه .. وليه
احس ان صار شي امبينكم ... الظاهر في شرارة حب انولدت
طالعتها بنص عين : انتي شكل مشاكلك ضربت ع عقلك
قالت لي وهي تقرب مني : بذمتج ماصار شي امبينكم يوم طلعتواا ؟
بلعت ريقي : الا صاررر
صرخت : شنووووووووو؟ تكفين قولي لاتخليني ع اعصابي ؟
قلت لهاا انا اتذكر الي صار وحاطه ايدي ع خدي : باااسني وضمني
لصدرة قدام الناس بالكوفي شووب
الرين منصدمه : حلفيييييييييي
قلت لها : لا اكذب عليك انتي وجهك
قالت لي : طييب ويين بااسج ع جبهتج ولا خدج ولاااا وبشنو حسيتي
عصبت عليهاا :ريمووووووووووووووه
الريم ضحكت علي : خخخخخخخخخخخخخخخخخ
قلت لهاا : لايروح بالك بعيد وحكيتها بكل الي صار من طلعنا لين رجعتناا
الريم : مالت على ذا الوجه
قلت لها : بلا طولت لسان
الريم وتقرب مني اكثر واكثر ويصير وجههااا بوجهي : انا ابي افهم انتي
ماتعرفين تمسكين ذا اللسان شووي لعنبو الريال مايروم يقولج كلمه الا
وتردين عليه بالف
قلت لها وانا مبوزه : يعني تبينه يغلط علي وماارد
قلت لهاا : لا ابد غسلي شرااعه لاتخلين له ولا تبقين له
قلت لها : تمصخريين
قالت لي : حناان الرجل يبي كلمه حلوه ابتسامة دلع مو قوارة راس
قلت لها :لااااااااااااااااااااااااااا؟
ردت علي : حنان بندر يبي يتقرب منج يبيج تحسين انه مهتم فيج يبي يلفت نظرج
له حسي فيه الثلج الي ع قلبج خليه يذووب
قلت لهاا : يتهيالك
قالت لي : لو ناظرتي بعيونه كان حسيتي بهالشي عيوونه يااحنان تقولج اشياء
وااايد بس فتحي عيوونج لاتمين مدمغه جذيه
قلت لهاا : شكلك متاثره وايد بالافلام
قالت لي : كييفج عااد .. بص نصيحه مني ثيااب الاصبيااان هااذي ودريهاا عنج
تراج مره لبسي تكشخ من هالهدوم الي تاارسه دولاابج وحطيلج مكيااج ترى
مكياجج يفتحوون فيه صوااالين لعنبو كله بقرااطيسه وصح شعرج وايد حلو فليه
خليه يشوفج بنيه من صج
قلت لها : انا كذاا يبي يحبني يحبني كذاا مارح اتغير عشاان ارضيه
قلت لي: يعني تبينه يحبج ؟
قلت لها : ممكن تسكرين ع هالموضوع
ضحكت : خخخخخخخخ كيفج
* طـــــــــــــلال *
أول مادخلوو احمد للطوارىء والكشف المبداي علهي ان مافيه شي خطير قررت
الانسحاب خصوصا بعد ماشفت صديقه بندر ... رجعت البيت رميت نفسي على اول كنبه وسندت رااسي طلعت من صدري تنهيده تحمل جرح سنيين اااخ صدق
لاقالو جرح القلوب ماله دوى نزلت راسي وطالعت الارض شفت الكرتووون الي
حاطه فيه الالوان حقتي رحت جبت الاستاند وحطيت عليه لوحه جديده وطلعت
الالوان مسكة الفحمه وبديت احدد وجه . وجه الي جرحتني وعذبتني ...بديت
بتحديد وجههاا نزلت لعنقهاا رجعت اارسم عيونهااا ... عيونها الي غرقت بحرهاا
خاااااااااااااينه ايه خااااينه كلهم خاااااااااااااايناااااااااااات قمت اشخبط ع الرسمه
حسيت باني مااسك موووس وجالس اشرط وجهها صدقووووني هذاا هو
احساااسي الي حسيته وانا اشخبط ع اللوحه احسااس ولد لي السعااااده
احساااسي اني اجرحهاا احسسها بالالم الالم الي مايسوى شي قدام المي
قداام عذاابي عذااابي واناا اشوفهاا تتبعه وتبعد عني عذااابي وانا اشوف
شووق عيونهاا له عذاااابي يوم سمعتهااا تقوله احبك .... تحبه وانااا وين
رحت انا الي كنت اتبعهاا زي ظلهاا انا الي وقفت جنبهااا بازمتهااا مو هووو
مسكت اللوحه حذفتهااا ع الارض جلست ع الارض مسكت رااسي من كثر
الووجع الي حسيته اااااااااه شفيك ياااطلال جنييت كل هذاا تسويه فيك بنيه
موقلت بتنسى .. مو قلت بتعلم قلب شلون يقسى ااااااه
* حمــــــــدان *
بما ان اليوم اجازة ماصحيت مبكر خذيت راحتي بالنوم لين حوول العشر
تصدقون مفتقد القوه من صبح الله وللشغل .. خذيت لي شور ع السريع
لبست لي بنطلوون جنز ومعااه تيشرت لايق عليه خذيت البوك والنظااره
↚
لقيت الكل مجتمع بالصاااله ويتقهوون
قلت السلااااااام عليكم
الجميع رد السلام : وعليك السلام
سلطان : اشوف الشيخ كااشخ على وييين ؟
قلت له : وانا اشرب فنجان قهوة ع السريع برووح مع الشباااب صوب البحر
سلطاان : اهاا
شيخه قالت : ليه مااتروح معهم سلطاان
سلطان طالعهاا بنص عيين : شيخه شفيج من صبح الله تين تخلصين مني موب
طاالع يالس على قلبج
رزيت وجهي : على قلبي احلى من العسل قلتها لك لان حرمتك مابترووم
تقولهاا قدامنااا
شيخه يااحرام احترق وجهها كالعااده وانا خذت لي فلعة بقوطي الفااين من امي :
انت مااتستحي ماتعرف تحشم حد
نقعت ضحك : خخخخخخ فديت عجوزي المعصبه
امي : عجزت ركبك ان شاء الله
التفت لسلطاان : سلطان تعال معااي كل الشباااب تعرفوون وناااسه والله حتى ثاني
يااي معاااي غير جووو مالاعت جبك من وجوه نااااس قلت عباارتي وانا
اطاالع شيخه
شيخه حرجت علي : حمداااااااان يووز عني
سلطان قالي وهو يطوووق شيخه بذرااعه من كتفهاا : حاصلك انت شرات
ذاا الوجه السموووح
قلت له : الله يهنيكم ببعض عن اذنكم توصونا على شي
الكل سلاااامتك
سلطاان قااام بعد :و انا بطلع ببدل ثيااابي
شيخه : بتطلع ؟
سلطان : ايه بفكك مني وطااااالع بروح اخلص شغلاات عندي
سالته : المشرووع السعوودي
قالي: اييه
شيخه قالت : انزين انا بتمرين ميثه وبطلع معاااهااا بروح السووق
قالها : زيين تبين فلوووس
شيخه : لا ماتقصر معي
قلت لامي : اللحين بنت ماتعرف تقعد ببيتها كل يووم وهي بمكاان اخرتها
ريلها بيردهااا لناا
جاني صوت ميثه : انت خلك بعيد عند ريلي واحناا بسلاام
قلت لها : الله مو باذن عليج الا رادارااات
ثاني : اذكر الله عن تنظر حرمتي
قلت له : مو بذااكر وسير قدااامي
امي : خله بالاول يسلم وياخذ فوالته
ثاني وهو يحبها ع رااسها : شلونج عمتي
امي : الحمدالله .. اقرب ياوليدي
سحبته من ذراعه : مااااااااله حاجه طوووف قداامي
ثاني : خلني اسلم على اخووك
قلت له : سلااامك وصله صح سلطاان
سلطااان يضحك : خخخخخخخخ وااصل
قررنا نطلع بسيااره وحده ولان سيارة ثاني مادخلهاا دخل البيت كانت اختيااارناااا
طلع ثااني مكان السواق وانا كنت لاف عسب اطلع يمه سمعت صووت يزقرني
حمداااااااااااااااااان التفت عسب اطالع من يزقرني
* تركــــــــــــي *
الليله الي فاتت كاانت اصعب ليلة تمر بحيااااتي اكثرها الم كثرهاا حيرة
صعب تكوون متعلق بانسااان وفجاة يختفي من قدامك من غير مبررات من غير
اسباااب فجاة الصوره تطلع سراااب ماقدرت اتحمل لاازم اعرف وش صار وش
الي قلبهاا مستحيل اصدق كذبتهاا تمثييل نور مااتقدر تمثل كل كلمه كانت تقولها
كنت احس فيهاا نظرات عيونهااا حمرة خدودها لو غازلتهاا مستحيل كل هذا يكون
تمثيل في تمثييل ... تعرفوون لما اقلعت الطياارة حسيت قلبي انتزع من بين
ضلووعي مااعرفت شسووي رجعت بيتي الغرفه فاااضية مافيها احد كل شي فيها
يذكرني بهاا ريحة عطرها تملاء المكاااان بقايا اغرااضهاا صورتها بكل زااوية
وين ماقلبت بصري شفتهااا عزمت اني لازم اعرف السبب اخذت لي شنطه صغيره
حططيت فيها ملابس احطتيااطاا وعلى طوول للمطاار عرفت ان مافي رحلاات
الا الساعه 6 الصبح وبعد انتظاار جلست طول الليل ع الكرسي انتظر وجات
لحظة الفرج تاخر رااكب وانا طلعت مكااانه اول ماوصلت جده رحت بيت عمي
استقبلتني مرت عمي : هلاا يااتركي
سلمت عليهاا : هلا عمتي شخباارك
عمتي بابتسامه هي تجلس ع الكرسي : انا الحمدالله .. نور مع ابوها بالمكتب
تركي اعرف زين انكم متهاوشيين بس ياولدي مو كل ماقلت لك ودني بيت ابوي
ماصدقت وحطيتها على اول طياارة مايصير هالكلاام وفوق كذا ماكلفت نفسك
توصلها بنفسهاا ارسلتها لحالها من الرياض لجده
والله افتشلت من عمتي : اعرف اني غلطان يوم ارسلتها لحالهاا لكن ياعمة
اعذريني نور زوودتهااا
عمتي : حتى ولو انت الرجال لازم تكون اعقل واركز وماتخلي غضبك يصيطر
عليك وان لك حق عن بنتي بتاااخذه وان لها حق عندك بنااخذه لهاا ..شوف ياتركي
انا ماكلمت نور اصلا هي ماقالت انها متهاوشه معااك مع ان هالشي وااضح وانا
تركتها لابوهاا هو الي يقدرعليهااا واللحين ابغاااك تقوم وتدخل عليهم
وتتواجهوون وتتصاافووون
قلت لها: هم بالمكتب
ابتسمت : ايه رووح
وقفت قدام الباااب سمعتهااا وهي تصرخ حيت بالغصه الي خانقتهااا سمعت
عمي وهو يسألهاا عن سبب طلبها الطلااق
فتحت البااب على طووول وسالتها : انتي شنو ياااانور ؟
شفت الصدمه بعيونهاا الحروف ضااعت منهااا
عمي : تركي ؟!!
التفت له : شلونك عمي
عمي : الحمدالله والتفت لنور ... قدامه اللحين قوليله ليه تبين الطلاااق
نور بدت دمووعهاا تتجمع بعينهاا لكنها حبستهاا وقاامت بتطلع : ابي طلااقي
وخلااص محد له شغل فيني وحطت
ابي طلااقي ياااااتركي طلقنييييييي
صرخت فيها : عطيني سبب وااحد تبين الطلااق عشااااانه
نور وهي مواجهتني وطالعتني بنظرة كلها اشمئزااز : اكرهههههههههههههههك
↚
مااطيقك وان كنت من صلب ابووووك عطني طلاااااقي
عمي صرخ عليها : نووووووووووور تأدبي
ضحكت بسخريه : صدق انك لووح بلا احساااس ..
ماقدرت اتحمل كلامهااا
اكثر رفعت ايدي ابي اضربها ماحسيت فيها
الا وهي دافنه راسها بصدري وبدت تبكي طوقتهاا بذرااعي اتأكد ان هذا علم
عمي خرج من الغرفه وتركناا مع بعض ...
نور فضلت تبكي قلت لهاا : شفيك علميني شصاار
نور قالت : تكفى خليناا ننفصل
رفعت راسها بيدي : طيب عطيني سبب وااحد بس سبب
قالت وهي تبتعد عني : انا مااصلح لك
مسكتهاا من ذرااعهاا شديتهااا باتجااهي : ماتصلحييين ؟
اذ انتي ماتصلحين اجل من يصلح لي ؟
قالت لي وهي تحاول تفك ايدها مني : انا اقووول
قلت له : والسبب
ماردت علي قلت لهاا وانا اضم وجهها بين ايدي : انتي الانسانه
الي اخترتهاا بنفسي انتي الوحيده الي حبيتهاا انتي الشخص
الوحيد الي مهماا جرحني مااقدر ازعل عليه انتي نوور حبيبتي
زووجتي مستحيل افرط فيك
دفتني بعيد عنهاا ودموعهااا غرقت وجههاا
وصرخت : وانااا نوور العقييييييييييييييييييييم
* سارا *
اليوم صحيت مالي مزاااح لاي شي .. حاسه بطفش فضييع اخذت لي شورا ع
السريع ... تذكرت موعدي مع ماياا ... اوووف لازم ارووح اعرفها زي البزران
لو اعتذرت رح تسويها ساااالفه مالهااا اول من تاااالي ... موعدنا كان ع قريب
الظهر متفقين نتغذى سوى وبعدين رح نروح معرض رسم ...لما كنت اتكلم انا
ومااياا عن المعرض خطر على بالي طلااال .. كان مهووس جداا بالرسم وبصراحه
هو رساام ممتاااز جداا استغرب دخوله مجال الهندسه المعمااريه الي زيه مفروض
يدرس فنون جميله ..يارتى شلونه اللحين شمسوي .. شفيك ياااساارا ليه تذكرينه
ناااويه تذبحينه هالمره مو كفااايه لعبتي فيه وبعوااطفه اللحين حنيتي له حنيتي
لطلاال الي كان يعاملك زي الملكه ماكان يرفضلك طلب كان يحميك ويوقف جنبك
طلااال الي وقت ماطحت ياهو الوحيد الي مد لك يده بالوقت الي الكل تخلى فيه عنك
طلاال نفسه الي ذبحتيه بيدينك لجل شخص مملووك لغيرك .. اصحي يااساارا
لاترجعي ثاني مره لاوهااامك خلااااااااص الين متى رح تعيشين بالوهم
طلعت من البيت مخنووقه تمشيت شووي بالشواارع الين مااوصلت للمطعم الي
متفقين نتغذا فيه جلست انتظر تقريبا نص ساعه الين ماجات الست مايااا
كان مبين عليهاا الانبسااط ع الاخير شكلها شاربتلهاا شي مروقهااا مو العااده يعني
مايا : هااااااااي
رديت : هاااي تاخرتي ؟
ماياا :اخ لو تعرفين ساااراا اليوم احلى يوم بحيااااتي كلهااا
سألتها : why ?
ردت : I met him
سألتهاا : منووو؟
جاوبتني : my dreaming man
ابتسمت بسخريه : جد ماعندك سااالفه
سالتني : ليش ؟!!
جاوبتهاا : كل مره تقوليين نفس الكلاااام وماتقعدين معه اسبووع الا ومغيرته
شكل فرسان احلاامك لهم مليون شكل ولووون
قالت لي بجديه : صدأيني هالمره غير اااه لو شفتيه ياااسااار اا يأبر البي مااحلى
كله رجووله وسحر ياااااااااااي عنجد بيعئد
سالتهاا : وين شفتيه ؟!
ردت علي : شفته بكوفي شووب بالشاارع الخاامس" او ل ماذكرت الشارع
الخامس حسيت بمغص ببطني " كان جالس ع طاااوله لحاالوو رحت وجلست
معااااه وعطيته رقم تلفوووني
قلت لهاا : شكله داااخل مزااجك ع الاخييير
سألتها : شو اسمه ؟ ومتى رح اتعرف عليه
ردت : اسمه بندر
اول ما سمعت الاسم انصدمت : بنــــــــــدر؟
سالتني : شوبيك يااعمي ؟ تعرفيه ؟
رديت : طوويل وخشمه وااقف وعيونه فاتحيين وجسمه ريااضي
ردت علي : ايه .. اخ من عينيه ياااسااار بيجننوو
قلت لهاا : ماري انطونيت انتي بتلعبي بالناااار
زمت شفايفها : لا تناديني بهالاسم ... ناديني ماياا او ماري
طنشتهاا وكملت : الي شفتيه اسمه بندر ال.. هذا صديق المقرب وهو الي جاني
ذاك اليوم وهددني ان مابعدت عنه بنفسي رح يخلي اندم
بصدمه : هوووو؟
رديت : ايه ورجعت بذاكرتي لذيك الليله ورنت كلمااته باذني
بندر : اسمعي زيين سااراا ابعدي عن احمد بنفسك صدقيني
ان حطيتك ببالي رح تندمي !!
- شرح تسوي يعني
بندر: مااعتقد ان ابوكي يعرف عن عن جيمس ال X- boyfriend
- مايهمني ان عرف او لااا
- بندر : واحمد ؟ شرح تكون ردت فعله لما يعرف انك قضيتي ليلتين بمنهااتن
- بشقة جميس لوحدكم ؟ وانك سبق وتعالجتي من ادماانك ع الكحووول وانتي تحت 18 ؟
- رح اكذبك ؟ ماعندك أي اثبااااات ع كلاامك
- بندر طلع ظرف من جيبه وطلع الصور الي فيه ورماهاا بوجههاا : هذي
صورك مع جميس ذكريااتك المشرفه شووفي وضعيااتك فيهاا مافي رجل
محترم يقبل يوسخ اسمه مع وحده زييييك ..اووه وصورك بثيااب السبااحه
من الفاشن شوو سهل الواحد يجيبهاااا
- نذل
- بندر : اسمعي ياابنت النااس اناا عمري ماتمنيت افضح احد ودام ربي سااتر
عليك ماابغى افضحك ابعدي عنه الرجال متزووج وزووجته على وجه
ولاااده انتي لسى صغيره وحلووه والمستقبل قدامك
مايا : بس انتي ماألتيلي انه مجوز
طالعتهاا : متزوج ؟ او ل مره ادري شكله عريس جديد
مايا : الهيئه هيك .. تعرفي هو احلى من مرته بكتيير
سألتهاا : شفتيهاااااااا
↚
ردت : ايه شفتهااا
قلت لها : ودامه طلع متزوج ابعدي عنه واشتري دمااغك
مايا باصرااار : لاا ياااقلبي الزلمه عااااجبني وطالماا عرفت من يكووون
رح اخليه يجن فيني ورح افرجيه كيف يقولي لااا
ناديت الجرسون عشان نطلب الغذاا : انتي مجنوووونه
*ثانــــــــــــي *
من يوم ماطلعناا صوب البحر الين ماوصلنااا وهو ماايرمس الا كلمات بسيطه
ايه .... لاا .... صرناا حزت الغذاا الشبااب ربشه وهو لحااله من زووي
مبين ان تفكيره مو معاناا ابد .... شليت له صح من الغذاا ... يلست ينبه
قلت له : ماتبي تاااااكل
تم سااكت ومااارد علي قلت له : حمدان هذي مو بحاله
صد صوبي طالعني بنظرات كلهاا الم ورجع صد صوب البحر وسألني
قد شفت يوم قلبك مذبوح قدام عينك ؟ حسيت يووم ان كل شي ممكن تمناه
عندك والي تباااه حرموووك منه
قاطعته : حمداااااااااااان
قالي: ثاني خلني اطلع الي بقلبي .. ثاني انا ماكنت احبهاا انا كنت اموووت
بالارض الي تمشي عليهااا ... لو طلبت روحي والله ارخصتهاا لهااا .. ليه
يحرموني منهااا ؟!! انا رحت اطلبعاا بغيتهاا حلااالي ام عياالي ...
قالو العذر والسموحه ابن عمهاا موب مرخصنهاا ... ليه يعطونهاا لرااعي سكر
وعربده ؟!!( وصد صوبي يطالعني ) ليه يفضلونه علي وهو مايستااهل حتى
ظفرهااا ...هي هي ماابغته يااثااني بغتني اناااا ليه يااثاااني قووولي لييييييه ؟
شفتهاا اليوم وشفت الصبي الي تزقره هذاك كان مفروض يكون ولدي اناا
ولدي رااشد .. ولدي انااا " قالهاا وهو يضرب على صدره بقبضة ايده " سمته
حمدان ع اسمي تعرف انه يضربهااا يوم يرد سكرااان ااخ لو اطوله وربي
اقصب رقبته
رديت عليه : بس يااحمدان البنيه ع ذمتك غيرك مايوز تطريهااا
صرخ بوجهي : احبهاااا ... والله احبهااا ... وعمر حبهاا مامااات بقلبي
والله ثم الله لوما مخافت الله كان دفنت عمري يوم عرسهااا
قلت له : قصر حسك عن يسمعونك الشبيبه .. اسمعني وانا اخوك البنيه واعرست
وصارت حرام عليك والي خلقهاا خلق غيرهاااا
رجع يصد صوب البحر ومارد علي
*نـــــــــــور *
اخيراا نطقتهاا اخيراا قلته الحقيييقه الي عذبتني .. حسيت النار الي بدااخلي بدت
تهداا ملامحه وجهه ماكانت تقول شي ماقدرت اقرأ ردت فعله فضل سااكت شووي
وبعدين قرب مني ضمني لصدره ومسح ع شعري وقال : العياااال عطيت الله ان
بغى عطانااا ولو كنا اثنييناا عقيم وان بغى حرمناا لو كنا سليميين تشبت بثووبه
حسيت نفسي رح اقطعه وطالعت بعيووونه وقلت :
لا تكذب على نفسك مافي احد مايتمنى العيااال انت اليوم تقول هالكلام تجبر
خااطري بكره رح تتركني تدور السند تدور العزووه تدور الي يشيل اسمك
قالي: انتي عندي اهم من كل هذاااا
دفعته عني : لااا تعطف علي .... كل شي اقدر عليه الا اني اشوف الشفقه بعيووونك تركي الله يخليك خلناا ننفصل
هزز راسه بمعنى لااا : مو بكيفج انا طلااق ماارح اطلق ... خذ نفس وكمل .. نور
حيااااتي اناا ابيك انتي ابي اكمل حيااتي معااك ... الاولاد ماايهموني كثر مااتهميني
انتي وبعدين الطب تطور احنا ممكن
قطعته : لاتقول احناا قول انتي حدد السبب الفعلي علااااج ماالي علاااج
قالي: ليه تقولين كذاا ؟!! نور احنا كل يوم نسمع عن اكتشاف جديد وقبل هذا كله
في رب اسمه الكريييم
جلست ع الكرسي منهااره بكيت بحراااره . بكيت الم النقص بكييت من صدق الحب
الي اشوفه بعيوون تركي قرب جنبي حط ايده علي شعري وبدأ يمسح عليه
وقال:نور خلااص يااقلبي .... امسحي دمووعك ... ورفع رااسي
وسألني : لو كنت مكانك وانا العقييم كان تركتيني ؟!!! هزيت راسي بمعنى لاا
ابتسم وسأل ليه ؟
قلت له : لان ماافي شي بالدنيااا يسوااااك عندي بس
حط ايده على فمي يمنعني اكمل .. وقال : من غير بس انتي بعد محد يسواااك
رن جوال تركي رفع شاف المتصل كان عمتي : هلااا يوباا ... لااا مافينا الا العاافيه
احناا خرجنا نتمشى .. لاا بنفطر برى وبنمر السووق في امااان الله
قلت له : عمتي قلقااانه ؟!!
ابتسم تقوول طقت ع بااابنا ومحد رد والسيار ماشفتها خافت نكون تعبانيين ولا شي
سألته : بتقولهم ؟!!
جاوبني : هذا شي خااص فينااا .. واللحين يااحلوووه قومي جيبي عفشك وخليناا
نرجع بيتنااا وانا بستناك برى مع عمي
ابتسمت : ان شاء الله ..
واحنا طالعيين من المكتب شفنا امي وابوي بالصاله يتقهوون
امي : تعال تركي تقهوى
تركي وهو يقرب : ان شاء الله .. نور بسرعه
ابوي سالنيي : ها نور اشوف رضيتي ؟!!
حطيت عيوني بالارض ماعرفت شقوول
ابوي : ماابيه ماابيه وكلها نص سااعه الا وانتي رااضيه عليه وشاقه ضحكتك وجهك
امي : عبدالله بس احرجت البنت حرام عليك .. نور يمه اطلعي جيبي اغرااضك
ماصدقت امي قالت كذا ورحت بخطى سريعه لجهة الدرج
↚
ابووي نادى :نووور بسرعه ترى تركي متحرقص مو قاادر يقعد زين حتى
تركي مسكين شرق بالقهوة وانااا ماتشوفون الاغبااااري
الجزء الثاني والعشرون
حب يغيب وصاحبه مابعد غاب
وحب يدوم وصاحبه في غيابه
وحب يذوب خافقا مابعد ذاب
وحب يداوي صاحبه من عذابه
وحب بلا معنى وحب بلا اسباب
يبقى غريب وينتهي في غرابه
×.. بنـــــــــــــدر..×
بعد ماطلعت من عند احمد رحت قضيت كم شغله عندي متعلقه بالجاامعه ..
تقريبا صار الوقت وقت الغذاء قررت ارجع البيت وانا واقف قدام بااب شقتي
تذكرت كلام احمد عن طلال حسيت ان من واجبي اني اشكره علي سواه
استدرت طقيت على باابه مره واثنيين ماكان في رد شكله مو بالبيت فما
كان قدامي الا اني ارجع بيتي طقيت الجرس ودخلت ماحبيت افتح البااب
فجأة يعني ممكن الريم ماتكون متحجبه فاحرجهاا واحرج نفسي ..
اول مادخلت شفت حنان كانت جاي باتجاه البااب شكلها كانت ناويه تفتحه
لانها حاطه حجاابهاا ع راسهاا ..
دخلت وقفلت الباااب : السلام عليكم
حنان ردت وهي تخلع حجابهااا : وعليكم السلاام ... وين كنت ؟
قلت وانا اجلس ع الكنبه : عندي كم شغله قضيتهاا وجيت
قالت وشكلها مضايقه : كان صعب عليك تقولي قبل ماتطلع انك طاالع ؟
تبين شي اجيبه لك ؟ تامرون ع شي ؟
سالتهاا : كنتي تبين شي ؟
ردت : لااا
قلت لها : اجل دام ماتبين شي ليه تصدعين رااسي بكلامك
حسيتهاا عصبت : السالفه مو سالفة احتيااجااات
قلت : اجل ؟111
ردت : السالفه ياااسيد احتراااااااام احسن انك مسويلي اعتبااار وان لي وجود
بذا البيت مو رجل كرسي .. يعني لو طلعت برى البيت من غير لااخبرك اني
طالعه كان بيعجبك هالشي ؟
رديت عليهاا : كان حشيت رجولك حش
طالعتني باستهزاء : لااااااا
قلت لهاا بلهجة حدااة : لانسيين اني رجاال وانتي مره مع اني اشك الصراحه
حنان ردت علي بمصخره : تصدق حتى ان بعد اشك برجولتك
حسيت بالدم يغلي بعرووقي ابي امسكهاا انتف شعرهاا اذبحهااا اسلخ
جلدهاا اناا تجي هالبزر تشكك برجوولتي اناا بندر بن محمد ال... ينقالي هالكلاااااام
وقفت ع حيلي مشيت اتجااهااا حسيت بغضب الدنيا كله فيني والي قهرني
اكثر نظرة التحدي الي شفتهاا بعيووونهاااا قربت منهاا و…
×... مريــــــــــــم ... ×
حاسه بيني وبين نفسي بخووف .. ليلى لو تزوجت رح يفضى البيت رح اكون
لحالي مع امي وااابوي رح اكوون وحيده .. شيعني تبينهاا تسوي ترفض العريس
وتقعد جنبك .. متى رح تفهمين ان انتي غير وهي غير .. لاتضحكين على
نفسك وتعطينها امل كذاااب ... ادعي ربك يوفقك اختك بدل افكاارك السودااء
صرنااا قريب المغرب الناس رح يجوناا بعد الصلاة ... امي متوتره وعلى اعصاابها
هالشي واضح جداا من اشراافها ع كل التفااصيل الدقييقه .. كانت تتمنى نور
تكون معااهاا يعني تونسهاا لكن مايصير نور جات زعلاانه ولازم ترجع بيت
زووجهاا اما العروس فهااذي حكااية .. خبري بالبنااات لما ينخطبون يلبسون
ويتشيكوون على سنقة عشر ماعداا اختي العزيزه الي الى الان ماااتسبحت ..
الحبيبه بعدها تشتغل على البحث الي عندهااا
دخلت عليها حجرتهاا : ليلى وش ذا ؟!!
من غيرماترفع راسها من ع الكومبيوتر ؟ وشوو ؟
رديت عليها : البيجااامه !! مو ناوية تغيرينهاا ؟!!
ليلى : ليه؟! احد جاينااا ؟!
فتحت عيوني ع الاخير : ليلوووه اشفيك ذااكرتك انمحت ؟!!
قومي غيري الناس بتجي تشووفك وانتي لسى مااجهزتي
ليلى رجعتلها الذاكره : اهاا .. تصدقي نسييت
قلت لهاا : مصدقه من غير لا تقوليين .. قومي غيري مابقي ع الاذان شي
واخيرا دخلت الحلوه تتسبح .. دق موبايلها وكانت احلام رديت عليهاا
احلاام : الوووووو تصدقين انك نذله ومااتستحييين كله اناا ادق عليك
مالت عليك يالبخيله ترى والله المكافأة تكفي تقدرين تسددين فيهاا الفااتوره
ولا اقولك بس عطيني رنه اناا رح اتصل بس احس انك معبرتني
كله انااا اتصل .. ماتتكلمي اشفيك ساكته ولاكلااامي مو عاااجبك
فطست عليهاا ضحك: خخخخخخخخخ
احلام انتبهت للصوت : مااالت مرااااايم
قلت لهاا : على وجهك ان اشاء الله
احلام بصوت يتصنع الغضب : ممكن اعرف ليه تردين ع تلفون صحبتي
قلت لها : والله كيفي مو هي اختي ؟
قالت لي : لا يكثر هرجك عطيني ايااهااا
قلت لها : ليلى تتسبح
ردت : طيب لاتسبحت خليها تتصل علي
قلت لهاا : مايمديهااا اعرفكم بتقعدوون تدقونها سوالف ومارح تلبس
سالتني : طاالعين
جاوبتهاا : لاا جاينااا نااس .. ماقالت لك ليلى ؟1
احلام بأهتمااام : شنووو ؟
جاوبتهاا : ليلى اليوم جااين نااس يشوفونهااا
صرخت : شنووووووو
قلت لها : مالت خرمتي طبلة اذني
حسيتها تضاايقت : ليه ماقالت لي
جاوبتها : اهي بنفسها مادرت الا امس بالليل
احلام : ااوكي خلاااص اكلمهااا بالليل ان شا ءالله
×.. عبد الرحمن ..×
اول ماقفلت السمااعه كان شكلهاا مره متغير ... سألتهاا امي : احلام شفيك
احلام : هااا ... ابد ماشي
امي ماقتنعت : وجهك تغير ستين لووون صار شي على ليلى واهلهاا
طبعا ماقدرت مااشغل راداارتي
احلام قالت بنبرة حزن : ليلى اليوم بيخطبوونهااا
امي تغيرت ملامحها وجهها وماعلقت حبيت اكسر الصمت
قلت لاحلام : وانتي ليه زعلااانه
احلام بلعت ريقهاا بصعووبه وقالت : بصراحه احنا كنا... وماعاد كملت
قلت لها اكمل كلااامي وانا حاس بغصه خانقتني : تخطبونهاا لي؟صح ؟
امي تنهدت بحسره : والله ماتمنيت بنيه لك غيرهاا ماشاء الله عليها ادب
واخلاق واصل
قلت لهاا : وانتي تهقين يمه ان اهلهاا بيوافقوون علي ؟!
امي : وليه مايوافقون .. انت كاامل والكامل الله
قلت لهاا وانا انااظر برجلي : يمه انااا معاااق .. رضينا ولا مارضينا معاااق
فيني نقص .. وبنتهم زي مااقلتي ماتنعاااب .. اكيد يبون لهاا وااحد احسن مني
بلميون مره
امي : الرجال مايعيبه شي ياوليدي وانت ماشاء الله ماعليك زود
ابتسمت لها : لاني ولدك تقولين هالكلام لكن لو ان احد بمثل وضعي تقدم
لاحلام كان رضيتي ؟ " ماردت علي كملت كلامي " يمه الي ماترضينه لبنتك
لا ترضيه لبنات النااس
تنهدت امي بالم ومااعلقت ع المووضع
اما اناا بدااخلي كااان في الم يقطعني تقطييع .. مااكذب عليكم انا فعلاا
كنت ابي اخطب ليلى من كثر ماسمعت عنهاا من احلام اعجبتني واااايد
وفوق كذا اهلها ناااس يثاقلون بالذهب لكن بعد ماصار لي الحادث عدت
حسااباااتي بدل المره الف بنت الناس مالهاا ذنب تعيش بقية عمرهاا مع وااحد
عااااجز صحيح ان عندي طرف صنااعي واقدر اسوي كل شي من غير مساعدة
احد لكن مع كل هذاا اناا شخصاندرج تحت مسمى معاق او بشكل منمق اكثر
ذوي الاحتياجات الخاصه
↚
× .. حنــــــــان .. ×
غبيييه ... متخلفه ... مجنونه ... في وحده تقول هالكلمااات " اشك برجولتك "
مالت على ذا اللسااان الي يبيله قص ... اشهد ان لا اله الا الله اكيد بيذبحنيييي
لا تبينه يصفق لك انتي وجهك ... بس يااحنااان خلق قويه لاتبينيله خوووفك
عن يتماااادى ...... طالعته بنظراااات تحدي وانا بداخلي احس قلبي بيوقف
من الخووف عمري ... مااشفت بندر معصب بهالشكل .... عيوونه احس
الشرااار بيطلع منهااا ... قرب مني صاار يقرب اكثر واكثر واناا بحركة تلقائيه
ارجع على ورى صرت ارجع وارجع الين مااخلااص مااعاااد في مكاااان ارجع
صدمت بالجدااار الي وراااي قلت له : وخر عني
حطت يداته ع الجدر بشكل محااصرني وسألني : شراايك تتأكدين اذا اناا رجااال او لاا؟1
قلت له : عمر الرجوله ماكانت بالطق
طالعني بمكر وقال : ومن قااال اني رح امد يدي ؟!! مو اناا الي امد يدي على حرمه
وصار يطالعني بنظرات كانت متفحصه .. فهمت كلاامه فهمت مغزااه دفعته بكل
مااقدر
وقلت له : ولا باحلاااااااااامك الي تفكر فيه
طبعا بندر بسبب حجم جسمه ماتحرك الا كم خطوه يادوب قدرت اتحرك الا انه
سحبني من يدي الين مااضربت بصدره وطوقني بيدينه من خاااصرتي فماصرت
اقدر اتحرك قرب مني حاولت ابعد برااااسي .. حاولت افك نفسي لكن ويين واانا
بين يدينه شد علي وقالي : لاتحاااااولييين ... مافي فاااااايده
قلت له : اتركنييييييييي ماااطيييييييييييييييييييقك
قالي : مو ضرووري مشااعرك مااتفرق معااااي
جيت ابي ارد حط ايده ع فمي يمنعني من الكلام وهمس بذني : لو بغيتك والله
مامنعتيني وهذا انتي شفتي شقدر اسوي فيك .. لكن مو اناا الي يثبت رجولته
بهمجية الحيوااان .... واضيفي لمعلوماااتك انتي ماااتهزين فيني اشعره
فمابالك برغبة بالعربي انتي ولاااشي بحياااااااتي ولو اخر وحده ع الارض
مااشتهيتك محد يشتهي الشين بعد ماطال الزييين اصلا حراام يحسبوونك على النسوااان
حسيت بكلماااته سكاااكين تقطع بقلبي انا ولاااشي .. مااسوى شي ..
كان له علااقااات مع غيري قبل الزوااج بغيت اصرخ بوجهه
اقول شكثر اهو نذل وحقييير ... بغيت ابكي على حااالي ....
ليه بلحظه فكرة ان بندر يميل لي غبييييييييييييييييييه
غصب عني نزلت دمووعي ... حسيت بالاهاانه لاول مره بحياااتي
حسيت بجرح كبييير بقلبي ....
شفت نظرات صدمه بعيووونه .. اول مره يشووف دموعي من تزوجنا ابكيت
الا يوم وداعي لاهلي وبحظن ابوي وغيرهاا مابكيت واللحين ابكي لا وقدااامه
وبحظنه ذراعاااته بدت تترخي من حولي قالي بصوت فيه
امصدووم : حنااان تبكيين ؟
صرخت بوجهه وانا امسح دمووعي : حنااااااااااااان بشر ياااااابندر
ولا هااذي بعد شاااك فيهاااا ؟!!!!!!!!
وعلى طوول ركضت الين غرفتي دخلت وقفلت الباااب
×.. الريـــــــــم ..×
طلعت من الحمام " وانتو بكرامه " شفتها ع الباااب مستنده وتمسح دموعهاا
حسيت بخووف سألتها : حناان فيك شي ؟!
جاوبتني : لااا ابد بس دخلت بعيني غباااار وااايد تحرقني برووح اغسلهااا
بيني وبينكم ماطافت علي سالفة الغباار بس ماجيت اكثر اسئله مهماا كان
الواحديحق له بخصوصيه
قلت لها : زيين
قالت لي وهي تعدي رايحه تغسل عيونهاا : ترى بندر بالصاله
اخذت شايلتي ولفيتهاا زيين واخذت معااي بندوور الصغيرووون
طلعت الصاله لقيته جاالس ومبين عليه بعااالم ثااني مره تنحنحت عشان
يحس بوجوودي رفع بصره وابتسم بويهي اشرلي بدينه اني اييب بندر
الصغير عطيته اياااه ويلست بعيييد
قلت له : بندر لوسمحت ابيك تكلم احمد ييب جوازي عسب ارد البلااد
قالي : ليش بتردين ؟
قلت له : خلاص مااعااد لي مكااان هني ارد بلاادي احسن لي
قالي: المسائل ماتحل كذاا ياام بندر انتي اللحين زعلاانه صبري الين
ماتهدى اعصاابك وتفكريين بهدوء
قلت له :بس انا
قاطعني : لاتبسبسين ااناا مو اخوج " هزيت راسي بمعنى ايه " اجل قضبي ارضج
طلعت حناان من الغرفه واتجهت للمطبخ من غير لاااتتكلم ..قمت اساعدها
بتجهييز الصحون ... كان عااملة مكروونه بشاميل .. وحنان فنااانه فيهاا
يلسناا كلناا ع الطاوله ماعدااا بندور الصغيروون حطيته يلعب بالالعااب
لانه ماكل خلااص
حنان : لاااااااااا
قلت لهاا : حنااان وربي انج تحبيينه الا تموووتين عليه
قالت لي : تعرفين ان ماااعندك سالفه
قلت لها : الا عندي ونص ماشفتي نفسج وانتي تطاالعينه بغيتي تااكلينه بعيووونج
حنان ردت : يتهيألك انا مااطيقه ولعلمك تهاوشت معاااه
قلت لهاا : ادري مبين عليكم انتو من يلسنا ع الطاوله مارمستو بكلمه وهذا
مو طبيعي ابد وحتى هو حسيته متلوووم منج
حنان تنهدت .... صدقوني يوم اقولكم احس حنااان ضاايعه
وهالشي مبين من نظرات عيونهاا
سالتني وهي متردده :الريم شرايك فيني ؟!
سالتها : شقصدج ؟! من أي نااحية ؟!
جاوبتني : يعني شكلي ؟!
حبيت استهبل عليها لاني فاهمتهاا : شلون يعني ؟!!
جاوبتني : يعني اناا حلوه ؟!
قلت لهاا اغايضهاا : مقبوله
حسيتها تضاايقت وقالت بصوت شبه مسمووع: يعني عشان كذا مااعجبته
طبعاا انا سمعتهااااا : منوو الي مو عاجبته
اربكها السؤال وقالت : ولاا احد ....... ولاااحد ... ورجعت تكمل غسل الصحون
اقترب منهااا دورت وجههاا جهتي وقلت لهاا : حنااان انتي مو بس حلوه انتي
تهبلييين عيونج السود الوسااع شعرج الحريري لون جسمج محد يعرف بيضاء
ولا سمرااء وفوق كذا قلبج الطيب وتسالين اذا حلووه انتي ماتشوفين
عيال الحمرا شلون ياكلونج بعيونهم
سالتني : اجل ليه مو شاايفني ؟
قلت لهاا : خخخخخخ صدقيني هو شاايفج ومو شاايفج
قطبت حايااتهاا : شلوون يعني ؟!
قلت لها : حناان بندر شرات أي رياال بالدنيااا يبي يشووف مره كاملة الانوثه
قدام عينه بكلماااتهاا تشفي قلبه وشوفتها تسر عينه وصوتها يطرب قلبه
بندر يعرف شخصيتج بكل حذاافيرها يعرف حنااان المستريله بس حنااان الانثى
وين موقعهااا ؟!! فهمتي ؟!!سمعيهااا مني وانا اختج
حاافظي على طيرج لايطيرعنج...
وريلج ماااشاء الله ماعليه قاااصر الف من تربع وراااه
× .. طـــــــــــــــــلال.. ×
اليوم كان جد مرهق ومتعب تسبحت بسرعه ولبست هدوومي عشان الحق الافتتااح
اليوم رح يفتتح معرض للوحااات وانا مشااارك فيه نزلت بسرعه طبعاا فاتني للاسف
الافتتاح لكن اهم شي لحقت ع المعرض
الزورا كانو راضيين جد ع الوسوماات الي شاايفينهااا وفرحت اكثر ان رسووماااتي
لاقت صدى طيب جدااا وبالعكس جاتني عرووض للشرااا باسعاار مااتوقعتهاا
واكثر شي مااتوقعته شووفتهااا ... اهي نفسهاا بالبدااايه حسبت نفسي اتوهم لكن
يووم قربت جهتي عرفت انه واااقع واني مااتخيل
قالت لي بصوت مرتجف : مرحبااا طلاااال
جاوبتهاا : هلااا ساراا شلونك
سارا جاوبتني : زينه ... وانت
جاوبتهاا : الحمدالله عن اذنك ورااي شغل
نادتني : طلااال
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك