رواية ماكل من يضحك مع الناس مبسوط ياكثرمن يضحك ونفسه حزينه -5

شي كل مااذكره يضيق صدري .. نرجع للواقع
بندر : هلا ام بندر شحالج ربج بخير
الريم : لا هلا ولا مسهله
بندر : افاا ليش زعلج مسود الويه
قالت له : ايه نعم
زوجهاا : اناااااااااااااااااااااا
بندر : اعترف شسويت بالبنيه
زوجها : يبن الناس والله ماسويت شي ..ريموه انا شسويت
قالت : من قال ؟
بندر : مو تقولين انه مزعلج
قالت : انا قلت مسود الويه انت شايف ريلي ويهه اسود
شوف بياضه ولا الثلج
زوجها : احم احم
بندر : شوي شووي
قالت : وين رحت وتركت حرمتك لعنبوو ماتستح على ويهك
مودر مره ببلاد غريبه بين الطوف بلا انيس ولا ونيس

قال لها بندر : ولللللللللل بالعه راديو انتي

خبطه زوجها : اذكر ربك عن تنظر حرمتيه

بندر قال : يكون زيين ع الاقل ترتاح من لسانهاا

زوجها : بهاذي صاادق

عصبت الريم : لاااااااااااااااا والله انت ويااه دورو من

تطبخلكمبعد جذيه

بندر وهو يحط ايده على كتفي حسيت بالاحراج : الله

يخلي حرمتي لي

الريم : معلوووم طاح كرتي اللحيين

احمد : هلا اختي مبرووك ان شا ء الله

قلت له : الله يبارك فيك

احمد : اختي عديني شرات اخووج ... ان زعلج

هالخايس وادري بيزعلج تخصصه التغليس سأليني انا

ماعنيت منه قليل ... عرفي ان عندج اخ هني عون وسند

الريم قالت : احم احم واخت مستعده تفلع رااسه

ضحكت : ماتقصروون والله من طيبكم

بندر : انزيين ممكن اعرف شبالاكيااس هااذي

الريم تبتسم : ريوووووق

بندر: زييييييييين وليه ماتكلمتي من اول وخذ الاكيااس

ع المطبخ بسرعه الي يبي يااكل يجي وان ماتبون

والله توفرون

قلت له وانا مفتشله : عييييييييب يالمفجووع

احمد ضحك : عاااااااااااااااادي متعوودين

حطينا الاطبااق ع السفره وكان في اكلات غريبه

انا بصراحه مااعرفهاا وبالنسبه لي كاانت اكتشااف ..

الفطور كان ممتع سوالف وضحك مااتوقعت

اني رح اندمج معاهم بسرعه

بعد الفطوور بندر واحمد دخلو المكتب

واناا والريم فضلنا بالصاله نتقهوى

* بنــــــــــــدر*

اخذت لي انا واحمد نسكافيه ودخلنا المكتب .. هذا مكاني

↚

المفضل عالمي الخاااص فيني ..

المكتب هيئته شرقيه مئه بالمئه كاثااث وزخرفه

وع الجدااار في لوحه كبيره تمثل الصحراء خياام

وقواافل مبتعده وطيور تحووم بالسماء ...

وع جدار ثاني معلق اسلحه بطريقه عشوائية

احب اقضي وقتي فيه لما ابغى افكر ابغى احس

اني بديرتي ... جلست اناا واحمد ع كرسيين متقابليين

احمد سالني : هاا شرايك بالعرس

قلت له وفاهم قصده : ماصار شي من الي تقصده ولا بيصير

احمد باستغراب : ماصار وفهمنهاا امامارح يصير مشكوك فيهاا

قلت له : انا وياها اتفقنا اننا نكون اخوان

احمد شرق بالنسكافيه : كح كح كح .. شووو

قلت له : الي سمعته

احمد : بالله هذي رمسة عقال

قلت له : هذا الي صار

احمد قالي : البنيه ماتضايقت من كلامك

قلت له : بالعكس طارت من الوناسه .... احمد انت اخوي

ومااخبي عليك شي البنيه ماتباااني ..

وافقت بس عشان ترضي ابووي وعمي مو لاني عاجبهاا

ياخوي انا وهي مانقعد مع بعض الا تهاوشناا ...

تصدق اننا بيوم عرسنا تهاوشنا وحكاه على سوايا حنااان

قالي: ههههههههههههههههههه

قلت له : اضحك وشعليك مو انت الي سمعت كلام

مثل السم

قالي : زعلك كلاامهاا

قلت له : مااخبي عليك حسيت بالاهااانه ... حسييت بالحزن

قالي : اسالك وتجاوبني بصراحه

قلت له : اكيييييد

قالي : تعجبك ؟

قلت له : منو حناااان خخخخخخخخ

قالي: ماقلت شي يضحك

قلت له : توني اقولك نتهاوش تقولي تعجبك

قالي: مو بشرط

قلت له : ريح نفسك الشيخ مالهاا بقلبي مكااان

قالي : والله انت ابخص بعمرك

قلت له : زيين ممكن اللحين نطالع دروسناا

*حـــــــــــــنان *

خخخخخ هالبنيه تحفه مدري كيف اندمجت معااهاا

ا حس نفسي اعرفها من زماان وحسيت بيني وبين نفسي

بلووم لاني ظنيت فيها ظن السوء ..وولدها يااي يجنن

تختوخ شووي وابيضااني وضحكته شي

كنت ماسكة الولد العبه : ياقلبووووو انتي يزنيي يزننني

الريم تضحك : خخخخ والله ولقيت لك معجبات يابندر

ضحت عليهاا : خخخخ مو أي معجبهاا الا حناان بنت عبدالله

يطول ولدج

الريم : عداااااال انتي بس الي تمنيين نظره من ولدي

قلت لها : ههههههههه القرد بعين امه

الريم : قرد ريلج

قلت لها : نعم نعم ترا مااسمحلك

الريم : وانا استأذنت عشان تسمحيين انا اوردي سبيته

قلت : وتعترفين بعد

الريم قالت : افكوورس انا ماخااف خخخخخخخخ

قلت لها : شرايك تسولفين لي عن نفسك يعني اذا

ماعندك مانع

↚

الريم : عندي دواس ينفع

قلت لها : من قاص عليك وقايل ان دمك خفيف

الريم : محد قال انا عارفه لاني مخففته بالماااي

قلت لها : ويك ويك بااايخه

الريم : شرات ويهج

قلت لها : هيييييييييييء (شهقه ) ببيتي وتسبيني

الريم : اوووبس نسينا تعالي بالممر اسبج ونرجع

قلت لها : خخخخخخخخخ والله مو بصاحيه

الريم : خخخ توك تدرين سمعي ياطويلة العمر انا اسمي

الريم راشد ال... طبعا تعرفي اني اماراتيه وهذا واضح من

رمستيه امم عمري 20 متزوجه من احمد ولد عمي

وربيع ريلج عندي بندر سمي ريلج امم ماكملت دراستي

اناماكنت شاطره اولا وثانياا عرست وحملت بسرعه

ماوحالي تهنى بالعرس هههه ام عندي اخيين

الكبير سلطان هذا معرس واقدر اقول عنه انه ابوووي

الي رباااني عقب موت الوالد الله يرحمه معرس له سنه

وماخذ اخت احمد شيخاني وعندي الاخو المينوون حمدان

قلبه ع الكل وحنون واااااايد وبنفس الوقت عليه غلااسه

ماتنطاااق هذا بعده عاازب وشكله جذيه بيعنس

ضحكت عليها : خخخخخخخخخ حلوه يعنس

الريم قالت : خخخخخ والله اني صادقه ها الصبي من يسمع

طاري العرس يودر الميلس ويطلع ركيض تقولين لاقعنه

عقرررب ...ومن في ايه ميثه عمرها 18

ماخذه ثاني ولد عمي تخيلي هو اصغر عن احمد بعشر شهور

قلت لها : ماشاء الله الله يحفظه بس لاحظت انكم خوان ماخذيين خواات

الريم ابتسمت : صح اوب يماعنده غيراخ واحد واحنا عندنا

البنيه لولد عمهاا وانتي سولفي عن نفسك

حنان : امم اسمي حنان عمري 20 يعني شراتك كنت

ادرس الين ماتزوجت ادرارة اعمال واللحين رح اكمل

انتساب عندي ثلاث خوات نور الكبيره هذي عمرها 22

ومتزوجه من عشر ة ايام تقريباا وماخذه تركي اخو بندر

وعندي ليلى هذي مرها 18 وتدرس تقنيه طبيه

ومريم عمرها 17 وهالسنه ثانويه عامه

الريم سالتني : ماعندك اخوان

قلت لهاا : لااااا .. كنت اتمنى يكون عندي اخو عزوه سند

وانا صغيره كنت اسمع البنات يتكلمون عن اخوانهم وعن

خوفهم علهم عاطفتهم غيرتهم بيني وبين نفسي

كنت احسدهم بصرااحه وقررت اني اكون لخواتي الاخ الي

ماانرزقنا فيه

الريم : يعني اسفه ع التطفل ابوج ماكان نفسه بولد ؟

ضحكت عليهاا : تصدقين مره سالنا ابوي هالسؤال قالنا

ليه اتمنى الولد واناعندي بناات يغنييني عن مية رجال

كملنا انا وياها سوالفناا الين ماطلع رجلهااا وراحت معااه

حاولنا نعزمهم ع الغذا لكنهم رفضوو

*عبد الرحمن *

كنت جالس لوحدي .. اخ الوحده صعبه والعجز اصعب ..

تذكرت رجلي حسيت بالالم والحسره صعب ان الانسان

يفقد جزء من جسده بهالبساطه

لكن هذا قدر رب العبااد ولازم نرضى ..

لاز ياعبد الرحمن ماتضعف لاازم تكون

اقوى من قبل لاازم ميبان عليك الانكسار لاجل اهلك ...

اهلك الي مالهم بهالدنيا غيرك

دخل ممرض من قسم الاطراف الصناعيه اخذ مقااسي

تكلم معااي وكان يرفع من معنويااتي وقالي ان العضو

رح يكون جاهز عقب اسبووع

بعد ماطلع كنت ابغى اناام .. يمكن هرب من مشاعر الحزن

الي تملكتني يوم شفت رجلي لاول مره وهي مبتوره

↚

وملفوفه بالشااش

اندق البااب استغربت من الي رح يجي .. دخل علي

ابتسمت اول ماشفته هلا والله هلااا بالنسيب

عبدالله : لا والله اهلا وسهلااا انت واحد ماتستحي

تعرف ذا الشي

قلت له : ليييييييييه

قالي : اللحين انا صاحبك من سنييين وفوق كذا قريب

ان شاء الله وتصير خال عيالي

قلت له : خخ خال عيالك .. املك عليها بالاول

قالي : والله اختك تدلع مو راضيه .... هذا مو موضوعناا .. ا

نت كيف تطيح بالمستفشى واناا ماادري ومادريت اليوم

الا بالصدفه يوم جيت الشركه وسالت عنك

قلت له : انت كنت مسافر و ..

قاطعني : وخير ياطير واذا مسافر من بعد المسافه ..

والله لو بالصين كان رجعت انا ماعندي اعز منك

ياا عبدالرحمن انت اخوي وصديقي الوحيد

ابتسمت : ماتقصر والله ياابومتعب بس انا طول الوقت

كنت بغيبوبه وماصحيت الا امس

قالي : المهم الحمدالله ع السلاامه واجر وعاافيه

قلت له : الله يعاافيك ويخليك لي

سالني : متى بيطلعونك من هني

قلت له : بعد يوميين .. لكن لازم اجي اراجع عشان

جلسات العلاج الطبيعي

قالي: اهاا طيب ليه الاصابه كبيره ؟

قلت له : ابد بترو ساقي

شفت الصدمه على وجهه : لاحول ولا قوة الا بالله ..

قلت له : ونعم بالله الحمدالله ساق ولا الاثنيين

وانا احسن من غيري

ابتسم لي : طوول عمرك قووووي وماتنكسر

تنهدت بالم : مااكذب عليك واقولك ان السالفه ماتفرق معي ..

الا والله اني احس بنفسي مكسوور وعااجز لكن مااقدر

ابييين مااا اقدر اقوول قدامي اهلي سويت

نفسي طبيعي وقمت اضحك لكن بقراارة نفسي انا

اتقطع اتقطع يااخوي

حط ايده ع كتفي : لييته فيني ولاا فيك ... عبد الرحمن

مو عيب انك تحس بالالم وصدقني فاهمك وحااس فيك

لكن خلك واثق من نفسك خل هالالم دافع لك بالحياة

دافع يخليك تنجز ووتفووق انت ماشاء الله من اشهر رجال

الاعمال واسمك يرن رن انت انقذت شركة

ابوك من الخسااره وكبرتهاا الين صارت الي هي عليه

اليووم وان شاء الله رح تستمر بالتقدم ومارح يووقف

بوجهك شي وانا رح اكون جنبك وكل الي وقفو معاك

باول الطريق رح يكونون معك اعتبرناا عقاازك الي

تستند عليه

ابتسمت : اشهد انك نشمي ياعبوودي

عبدالله : عبودي بعينك ان شاءالله احم احم هذاا

دلعي ماتقوله الا حرمتي

قلت له وانا افهم قصده : ان صاارت حرمتك

فتح عيونه : نعم لايكون بترجع بكلامك ؟

قلت له : والله لو تبغى تملك بها اليوم املكت لك

وخذها بيتك

الاخ ابتسامته من الاذن للاذن : لو بيي كان رحت جبت

الشيخ اللحين لكن انا ماارضى اخذ بنت مساعد كذا ...

لازملهاا عرس تتكلم عنه جده كلهااا

ابتسمت له : ماتقصر يابو متعب ..

وقف وقال : تامرني على شي

قلت له : وين خلك عندي

قالي : لا بروح البييت تعبااان ابغى انااام

قلت له : زيين الله يحفظك

قالي وهو مستحي : عبدالرحمن لاتفهمني غلط بس

عطي رقمي الاهل لو احتاجو شي او صارلهم شي

لاسمح الله

قلت له : تطمن في سواااق وفر خدمااتك

قالي : مالت عليك مع السلاااامه

↚

* بعد مرور 3 شهور *

عبد الرحمن لاقى بتدريباته ع الساق الصناعيه صعوبه

الا انه قدر يتفوق عليها ورجع لشغله بكل عزيمه ونشاط

احلام وليلى ومريم .. بدت دراستهم وبدأ معاها الكرف

تركي نور الاوضاع مستقره واخيرا ترك بعد شهر من زواجه

رجع للشغل بعد كلمتين بالعظم من جدته

( انت مو ناوي تروح شغلك كله لاصق بحرمتك

تركي : جدتي انا عريس

الجده : لك اكثر من شهر ترى اخرتها بتزهق منك

تركي يطالع نور : زهقتي

الجده نطت : ايه زهقت من بكره ارجع شغلك

تركي : امرنا لله )

سلطان وشيخه .. حتى الان مستقره حياتهم

حمدان انعدل وصار يداوم بالشغل حتى قبل سلطاان

الريم واحمد ... حياتهم ماشيه اووكي وولدهم مجننهم

بندر وحنااان الاخ والاخت مبسووطييين ع الاخير تعودو

على بعض وبندر يسمي حنان خويي (صاحبي ) لان

الحبييبه مو مقصره محسسته انهاا ولد بمعنى الكلمه

وصار يطالعلهاا من هالمنطلق لغاية يوووووم ...

كان احمد عازم الريم ع العشى وطبعاا مافي احد يكون

مع الولد الا حنان

الريم مستحيه : حنان والله مستحيه بس

حنان قاطعتها : لاتقولين كذا احنا زي الاخواات مابينا هالشي

الريم : ماتقصرين والله انا جبت لك كل الاشياء اللي

تحتاجينها وترى الاكل بالحافظه

حنان : ريم والله عارفه شفتها روحي واستانسي ولا اشوف

وجهك انتي ورجلك الا بكره سامعه ... يالله بسرعه رووحي

بعد لعب وجهد جهيد وبعد مانتف شعرهاا ناملها بندر

الصغيرون ... نام على حظنهاا حنان كانت تحسس وجهه

بكل نعوومه وشعرها نازل على وجهها قامت وبحركة عفويه

ترجعه ورى اذنهاا بندر كان يراقبها طوول الوقت لاول مره

شاف حنان ناااعمه ..لاول مره شاف انها انثى صورتهاا

وهي حاطه بندر بحجرها ونظرتهاا له انحفرت بخياله

بندر " من يصدق حناان حنونه كذا " قرب منهاا :

هاتي رح اوديه الغرفه

انحنى اخذه من عليهاا ماكان مركز .. تركيزه كله كان

على وجههااا

حنان : بندر خلاص يالله شيله

ابتسم بندر واخذه حطه السرير جات هي وحطتله مخدات

من الجوانب عشان لايطيح غطته بشرف

وتركت البااب مفتووح

طلعت هي ويااه الصاله اول ماجلست ع الكنبه فتحت

بكلتهاا عشان تلم الشعر الي طالع

بندر انتبهلها حنان رجعت تلم شعرهاا بالكااامل

بندر" ليه ترفعينه خليه مفتوح احلى " لكن طبعا ماتجرأ يبدي

رايه خاف يجيه شي منهاا

حنان : خير فيه شي

بندر : اقول ماتزعلي

حنان : هات الي عندك

بندر : اول مره احس انك بنت

حنان بنص عيين : سووري يعني لكن انا اول مره اشوف ان

عندك عاطفه وحناان حسيت هالشي من معاملتك لبندر

الصغير ولاطول الوقت احسك واحد من اخويااي

حنان حز بخاطرها كلامه لكن على ميين : والله عاد

احاسيسك خلها نفسك ماتهمني تصبح على خير

بندر : حنااااااان لحظه

حنان التفت له : اسمع يابن الناس لاتحط ببالك اني انجرحت

من كلامك قلت لك من قبل واقولها لك من جديد انت

اخر انسان ممكن يهمني بالكوون وترى انا اؤمن

بحريه الاراء عن اذنك

حنان بنفسهاا " هذا الي باااقي الاخ بندر جالس يقيم درجة

الانوثه عندي مالت عليه ... معقوله انا ماابان

انثى لهالدرجه ... خليك منه مابقي الا تفكرين بكلاامه

مغروور على ايه يااحسره وجععع انام احسن لي

* غرفة نور وتركي *

نور : انت كيييف تفهم اقوووولك وخر عني مو طاايقاااك

تركي : نور لاترفعيين صووتك

نور : ياااخي انقلع انقلع من قدام وجهي

تركي يمد ايده يبي يهديها : وخر ايدك لاااتلمسني

مو طايقتك مو طايقه لمستك

انت كيف تفهم ... مااتحس ماعندك مشاااعر

اقولك ماااااابغاااااااااااااااك

تركي عصب منهاا : وانا الي مايباني مره مابااه الف

وطلع قفل البااب وراه بقوة

نور خذت تحفة عندها ورمتها ع البااب وتكسرت

لقطع قطع زي قبلها الي انكسر

↚

*ســـــــــــــــلطان *

اخيرا رديت تأخر وايد بالشغل يلست ع القنفه عسب ارتاح

شوي شفت ملابسي ع الشبريه زااهبه ..

ياتني شيخه وعطتني الفوطه : تسبح الين ماازهب

لك العشى

قلت لها : انا شبعان من هالجمال

قالت: لا ماينفع العشى بتعشى اعرفك اكيد

ماطاح شي بطنك من الغذا

قلت : انا احبج يزوووي

شفت ابتسامتهاا بهتت وقالت انا بسير ازهب العشى

مااستوعبت اني ناديتها باسم اختها الا بعد ماطلعت من عندي

*حــــــــــنان *

سمعت جرس البااب يرن طالعت الساعه اللحين

الساعه 1 قمت من النووم

شفت بندر طالع فتح الباااب وكانت الريم

بندر : الريم خير فيه شي ؟

الريم بدت تبكي.. جريت عليهاا : ريم خير

الريم اول ماشافتني ارتمت بصدري قلت لها : شصاار

احمد صاارله شي

بكت : لااااااا

بندر : حناان خذيها دااخل عندك وانا بشوف احمد

الريم من وسط بكاهاا : لو سمحت بندر ماابى اشووفه

بندر وانا فهمنا انهم متخانقيين قلت لها : ولا يهمك بندر

رح نام عند صااحبك والريم بتقعد هني

بندر : زيين .. ان احتجتو شي اتصلواا

راح بندر وتركني انا وريم اعطيتهاا ملابس عشان تتسبح

ورحت اسوي لناا هوت شوكلت تمهيداا لجلسه كلاام طوويله

الجزء الحادي والعشرون

ليتني دم بوريدك أدخل القلب واشوف

هل انا ساكن بوسطه او احد غيري لفاه

ليتني حبر بيدينك اقلب افكارك حروف

اكتب اللي قد كتمته وما تبي غيرك يراه

ليتني ظل بنهارك ليتني بليلك طيوف

اسهر الليل بخيالك واسمعك لا قلت اه

*نــــــــــــور *

ارتمت ع السرير وهي تبكي دموعها غرقت مخدتهااا ..

اااااااااااخ ياااقلبي ... ليتك يااربي خذت عمري قبل لا اسمع

اااه ليه يااتركي ... طالعت من الشباك لقيت السياره موجوده معناااته انه ماطلع ... شكله بالحوش

.. لبست لي روب بيت ونزلت ...

كان جالس قدام المسبح وشكله سرحااان ناديته : تركي

تنهد من غير لا يتلفت : نعم جايه تكملين الهوشه هني

عضت ع شفتي وقلت : طلقني ... طلقني ياااتركي

التفت لي وهو مذهوول : اطلقك ؟ جنيتي ؟

قلت له وانا اتظاهر بالصلابه : الا عقلت لو سمحت زي

مادخلنا بالمعروف نطلع بالمعروف

طالعني والشرر من عينه : اهي لعبه ؟ نوور هذا زووواج

قلت : ادري واناا اعرف شقوول

قالي: وممكن اعرف ليه تبين تطلقين

قلت له وانا قلبي يعتصر : لاني مو قادره اتحمل العيشه معاك

قالي : نور انتي شاربه شي فيك يابنت الحلال سبتك

في الصباح مافيك شي ايش الي قلبك

قلت له : تعبببببببببت من التمثييييييييييييل

قالي: تمثيل ؟

قلت له وانا تقطع : ايه تمثيل لاتكون تصدق اني احبك

غلطااااااااااااااااان انا عمري

ماحبيتك ولا رح احبك ولا رح انسى يووم انك سبب عذابي

الي تعذبته من انا طفله اكرهههههك اكرهههههك

وهذاني اقولك طلقني احفظ قدرك وطلقني

تركي قال : وان قلت ماني مطلق ؟

قلت له : وترضى على نفسك تقعد مع وحده ماتباااك ؟

قالي : شتقولين لوووح مااحس

قلت له باصراار : برفع عليك قضية خلع

قالي : لا والله ومجهزه بعد الردود

قلت له : ماله داعي نطولها وهي قصيره انااا ابي

طلاااااااقي ومن بكره برد بيت اهلي

قالي : تبين تردين عند اهلك ردي لكن طلااق

لا تحلميين فيه حتى لاحج البقر ع قرونه مافيه طلااااق

↚

قلت له وانا اصرخ : يااخي مااااااااااااااااااابيك

قالي بكل برود : مايهمني المهم رغبتي ... لعلمك رح

اخليك معلقه لا متزوجه ولا مطلقه مو تركي الي ينلعب

فيه ياانووور

طلع وتركني غرقاانه وسط المي ... طلعت غرفتي

لميت اغرااضي بشنطه صح ماخذتها كلهاا .. لكن هذي

كفاااايه ....بعد ساعه رجع تركي

* تــــــــــــــــــــــركي *

اااخ ياااقلبي لين متى بتتعذب الين متى يجرحونك من

تحبهم .... ليه يااانور ليه العذاااب هذ ا كله ... طلااق

على طوول طلاااق ... ليه شالسبب انا شقصرت

شذنبي ...ليه مانسيتي الماضي زي مانسيته

ليييييييه ... ليه توهميني بحبك ليه

ماكملتي تمثيل ..ياااربي انا شسويت بدنيتي عشان

اتعذب كذاا .. هين ياانور ان ما رجعت لك الطاق طااقين

مااكون تركي واحلمي بطلااقك

فتحت البااب بعصبيه عليها وقلك وانا ارمي التذكره

ع الارض : هذي تذكرتك ياهانم الطياره عقب ساعه

لمي عفشك انا استناك تحت وهناك رح تلقين

اكبر يستناااك

شووي ونزلت والشغاله وراهاا شايله شنطتهااا

وركبنا السياره باتجاه المطار

في السياره طلعت لها شيك ورميت بحظنها قالت : شهذاا

من غير لا اطالعها : شيك

قالت لي : لاا توني ادري ...ليه الشيك

قلت لها : مصروفك كل شهر رح ارسلك مصروف

حطت الشيك ع الطبلون وقالت : خل فلوسك لك ماابيها

واهلي مو بعجزانيين عن مصاريفي

قلت لها وانا احاول اكتم الغيض الي فيني : انتي حرمتي

يعين مسئوله مني ومحد رح يصرف عليك غيري خذي

الشيك وحطيه بشنطتك

طنشتني وماردت : نوووور خذي الشيك بالطيب

اخذت الشيك وحطته بالشنطه وصلتها المطار اليين

مادخلت صالة المغادره

دقيت ع اكبر : اكبر انت في مطار

قال: ايوا باباا

قلت له : زيين نور كلو ساعه ونص يجي اوكي استنى انت

اكبر : زيين بااباا ... بابا تركي ماما نورانت في مشكل

تركي : اكبر بلا لقاافه .. ومع السلامه

*شيــــــــــخه*

ااااااااااااااااه ياسلطان لين متى بتعذبني اليين متى ...

تميت اجهز بالعشى حطيته

بالصينيه قمت امسح دمووعي الا وحست بشخص

يحظني من ورااي همس عند اذني وقال : والله انها زلة

لساان واني قصدتج انتي

قلت له : اتركين لو سمحت

لفني عليه وصرت مقابلتنه اول ماجات عيني بعينه

رجعت دموعي تسيل مسح دموعي بيداته وقال : تكفيين

الا هالدموع والله انها اشد عندي من طعن الخناجر

قلت له : مانسيتهاا ؟1

قالي وعيونه ع الارض : اكون جذاب ان قلت نسيتهااا

نزلت راسي وقلت بخاطري" ليتك جذبت ومااعترفت "

قالي وهو يرفع راسي عسب يشوف عيوني : ان ماكنت وفي

لهاا ولذكراها شلون بكون وفي معج ؟

و تأكدي ان لليازي ذكرى جميله وانتي لج الخفوق ونبضه

سالته : متأكد ياسلطاان ؟ متأكد انها بس ذكرى ؟

ابتسم بوجهي : ورب البيت انها ذكرى

ابتسمت له وهو بادلني الابتسامه وحبني ع جبيني

الا ونسمع : احم احمممممممممممممم

الا وابتعد عني سلطان بسرعه وانا وجهي صار طماااطمه

دخل حمدااان : انتو ماعندكم جناااااااح تغزلوو فيه براحتكم

مو بالمطبخ عيييب

↚

والله ماعرفت وين اودي ويهي من حمدان تلومت وايد منه

اما سلطااان قاله : ياااربي من ذا الصبي انت حد مصلتنك

علي كل شووي وطالعلي مااقدر اقعد مع

حرمتيه شوي الا وانت نااط تراك طفرتني

حمدان ضحك : خخخخخ حرمتك اصلاا الي قالت

ماتبي تقعد معاك صح شيخااني

فتحت عيوني منصدمه من كلامه اما هوو خذاله

خبطه ع راسه : مسود الوجه ماتستح تدلع حرمتيه

جدامي

قالي : عافنا الله تراها بنت عمي وبعدين حرمتيه حرميته

محد عرس غيرك ..

حليلج شيخااااااااااااااااااااااني شلون تحمليينه

سلطان : حمدااان عطني مقفاااك اشووف

حمداان قاله : مو بعاطنك شي وانا يوعاان وبتعشى معك

وبسهر بعد بجناحك

سلطان طفر منه : حمداااان

حمدان : ياخوي علامك تصارخ حد قالك اني اصمخ

اسمعك تكلم بهدوء امايه نايمه عن تصحى

سلطان قاله : هذا الصبي بلا احساااس

حمدان قاله : عيب عليك تقول عني جذاا انا كلي

مشاعر واحاسييس مرهفه صح شيخه

انا كنت ناقعه ضحك ماقدرت اارمس ابد سلطان محرج

وحمدان ثلج اخر شي سلطان قرر ينسحب

قالي : انا ساير جناحنا هاتي العشى شيخه

والتفت لحمدان والله ان ييت لاذبحك

قلت له : ان شاء الله

بعد ماسار حمدان رمسني بجديه : شيخه شلونه معااج ؟

ابتسمت : الحمدالله زييين

حمداان : شيخه ان صار شي او رجع لعاداته القديمه

قوليلي انا اخووج

قلت له : ماتقصر يابوشهااب ..ازهبلك العشى

حمدااان : انا تعشيت عند الميث بس قلت اطفر بريلج

شووي سيريله عن ينفجر

ضحكت : ان شاء الله

*حــــــــــنان*

خرجت من الحمام ( والجيمع بكرامه ) قلت لها : نعيمااا

الريم ابتسمت مجامله : الله ينعم بحالك ... وجلست

ع الطاوله حطيت قدامهاا الهوت شوكليت مالمسته

اكتفت بالنظر للفراغ الي قدامهاا من غير لاتتكلم ..

احترمت صمتها وماحبيت اتطفل عليها

لكني ماقدرت اسكت يوم شفت دموعهاا بدت تخونهاا

وتنزل ع خدودهاا

حطيت ايدي على ايدها وضغطت طالعتني وقالت :

تعرفين اصعب شي تحسه مره ؟

هزيت راسي بمعنى لاااا .. ابتسمت وقالت : ان شاء الله

ماتذوقين النار أي بقلبي ابد

سألتها : شصاار الريم ؟

قالت : شافهااا ...

قلت : منو هي

قالت : حبه القديم .. الحب الي عمره ماطاله

( حسيت بصدمه ) ابتسمت لمنظري وقالت : ماتوقعتي

ان احمد له غرامياات ؟

قلت لهاا : ايه احمد مبين عليه انه يحبك

قالت : وهو يحبني .. لكن الى الان حبها بقلبه مامااات

قلت لها: شدراك

قالت لي : العيوون فضاحه ياحنان العيون تبووح بخفاياا

النفووس العيون فضحت حبهاا له .. وعيونه كانت كلها

↚

شووق ولهفه حتى كفوفهم كانت مشتاااقه

قلت لها : تعرفييينهاا

قالت : اسمها ساراا ... امريكيه سعوديه ... تدرس بالجامعه

وكانت تحبه لكن احمد عمره ماصرح لهاا بمشااعره لهاا

وكان ينكرهاا كونه متزووج ولازم يحترم زواجناا ...

قلت لها : يمكن تظلمينه

قالت : حناان كل مره تعرف متى يكون قلب زوجهاا لها

ومتى يكون لها فيه شريك ... عارفه السهره كانت حلووه

وقمة بالرومانسيه اليين شافهاا تقولين حد صب ماي باارد

عليه التفت غصب عني صوب مايناظر شفت مره سبحان

الي خلقهاا حسيت ان شكلها مألووف بيااضهاا عيونها

الخضراء شعرهاا البنيوجسمها المرسوم رسم عارفه

اول ماشافته تغير وجهها الضحكه اختفت

عيونهاا امتلت بالدمووع حسيتهاا شوي وتطيح اقتربت

منا بكل ثقه سلمت عليه لامست يدها يده شفت

الشووق شفت اللهفه التفتت لي حسيتهاا بتاكلني

اكل بعيونهاا قالت لي : شلوونك مدااام فرصه سعيده

قلت لها : انا اسعد .. ماعرفتناا احمد

لو سمعتي هزت صوته : هذي ساراا يااريم

ابتست ابتسامه صفراء وانا بداخلي اتقطع : سارا اخيرا

شفتك سمعت عن واايد

قالت لي : وانا احمد حكالي عنك كثييير انت محظوظه

كثير برجل يحبك هالقد

قلت لها : بركت دعا الوالديين .... تفضلي ليش واقفه

قالت : لاا مااحب اقطع عليكم رومانسيتكم وبعدين

اصحابي مستنييني فرصه سعيده

قلت لها : اناا الاسعد

* بنــــــــــــدر*

انت اكيد مجنووووون ومو بصااحي شلون تقولهاا انهاا ساارااا

احمد قال : ماقدرت اجذب صدقني حتى لوجذبت الريم تعرف

قلت له : بعدك مانسيتهاااا بعدك تحبهاا

قالي : ماادري اول ماشفتهاا حسيت بالحنيين ... بندر انت

اكثر واحد تعرف شكثر كنت احبهاا

قلت له: هذاك قلت كنت يعني مااضي والمفروض يكون

انتهى

قالي: هذا الي كنت احسبه الين ماشفتهاا

صرخت بوجهه : والريييييييم ؟

قالي: احبهااا والله العظيييم احبهااااااا

قلت له: يااعيني عماره مو بقلب الريم بالدور الاول

وسارا بالثاني

قالي: لاتمصخر

قلت له : والله من غيضي اتمصخر .. الريم ماتستاهل

انك تجرحها انك تخونهاا بمشااعرك ... هذي زوجتك وام ولدك

قالي: صدقني والله احبها بس مدري سااراا حركة مشااعر فيني

قاطعته : حركة مشاعر غرووورك ... مافي رجل مايتمنى

تجيه بنيه بزين ساراا وتقوله احبببببببك وانت كنت واحد

من المحظوظيين القلاائل بالدنياا وجاتك

ساراا وعرضت حبها لك ..لكنك رفضته وتحب اذكرك شقلت

لهاا "سارا خلينا اخوان اناا مااحبج الا شرات الاخت "

تعرف شنو اخت يااحمد ؟ يعني محرمه عليك انت الي

حددت العلاقه مو احد غييرك واللحين تقولين تحس

بشووق وحنيين وهالخراابيط لااتخسر حرمتك عشان

شي ماايسوى يااااحمد

احمد ابتسم بسخريه : انت تشوف نفسك اهل للنصاايح ..

ليه ماتنصح نفسك قبل غيرك

تحب حرمتك وتموت عليهاا لكن ماعندك الشجااعه انك

تصاارحهاا ماعند الجرأه انك تلغي اتفااقك السخيييف معاهاا

قلت له : احمدددددددددد

قالي : شااحمده ..هذي الحقيقه وانت تدريبهاا زيين وانت

تعرف اني كنت اميللهاا ولو ماكنت الريم بنت عمي كان

خذتهاا عليها .. انا افكر اترتبط فيها

قلت له وانا معصب : مستحيل اسمحلك تسوي هاشي

مستحيل اسمحلك تدمر حياااتك بدينك

قالي وهو معصب : من انت عشان تسمح او لااتسمح ..

انت رحت ولا جيت مجرد صديق غربه كلها فتره وماعاد

اشوف رقعه ويهك

قلت له وانا متحسر : مشكور يجي منك اكثر وطلعت من

الشقه وتركته

ع الدرج لحقني ووقفني : بننننندر

↚

التفت : نعم الشيخ نسيت شي تبي تقووله ؟

حسيته متفشل مني ع الاخير : بندر والله اسف

مو قصدي مدري شفيني قمت

اعق الرمسه من غير مااثمنهاا

قلت له : احمد انا اخووك وابي مصلحتك لاتعلق

نفسك باوهاام ...لاتدمر زواجك انت والريم

قالي: ان شا ءالله لاتهتم بيصير كل شي زيين ... اطلع اللحين

قلت له : مااابي

قالي : كيفك نام بالشاارع

قلت له : بلللللل ماصدقتك ........ ورجعنا الشقه

جلسنا انا وياه متقابليين ...سالته : يبان علي ؟

سألني : شوووو؟

طالعته بنص عيين : تدري عن شنو اسأل

ابتسم : وليه ماتقوولهاا ؟

قلت له : يمكن لاني مو متأكد منهااا

ابتسم : اسأل قلبك ومارح يكذب عليك

قلت له : وانت سألته

قالي : بندرررر تكفى لا نفتح هالموضوع

قلت له : احمد انا خاايف عليك انت عندك مره تموت عليك كانت سندك بمحنتك

وشريكتك فرحتك وقبل هذاا كله بنت عمك لحمك ودمك

قالي: بندر لا تفكر ابد ان حبي للريم قل لا والله او اني

اشوف فيها نقص وسااراا تتميز فيه عنهاا لااا ابداا لكن

يوم شفت ساااراا صدقني حسيييت بالحنيين مو اكثر ولا

اقل عاارف لماا عصبت علي الريم وازعلت حسيت بسعااده

حسيت شكثر اناا مهم عندهاا وبنفس الوقت صرت خاايف

اني اخسرهااا

ابتسمت وانا مطمئن : لا تخااف مارح تخسرها بأذن الله

الريم عاقله هذي بس ثورة غضب ورح تهدأ

ابتسم لي : ان شاء الله ... واللحين ارمسني عن اللي

بقلبك وخلينا نسترد عزوبيتناا

قلت له وانا اضحك : مو بقلبي شي

قالي : معقوول توك تسال اذا باييين ؟

قلت له : انت وسوست لي اناا مااحب

قالي : جذااااااااااااااااااااااااااااااااااااب

قلت له : كيفك اذا ماتبي تصدق

قالي : اذا تحبها قولهاا .. اعتقد انهاا تحبك

قلت ليه : منو حنااان تحب ؟

قالي : ليه مو انسانه مو عندهاا مشااعر

قلت : عندهاا لاابوها امها خواتهاا لكن انا مستحييل

قالي: مااتهتم فيك ؟

قلت : عاادي مافي شي مبالغ فيه زي أي اخت تعتني بشؤون اخوهاا

عصب علي :رجع يقوول اخت ... يااخي انت مااتفهم

هاااذي زوووووجتك حرمتك يور وااايف ... قال اخت قاااال

بندر عندي سؤال ومتلووم منك بس

لازم اسالك اياه لاني قمت اشك

طالعته بنص عيين : اسأل اخ احمد اسأل انت مو وراك

شغله الليله الا انك تحقق معي

قالي: اول شي اوعدني انك مارح تعصب ولا تأذيني ابد

قالت : داام هذي المقدمه كلها معناته سؤالك باايخ شرات

وجهك اوعدك اخ احمد مارح اسويلك شي اسأل

وفكني ابي انااااااااااااام

قالي وهو يبتعد لجهة غرفته : بندر انت رجااال رجاااال ييعني يعجبوك النسواان مو انت فااهم صح

هي لحظات الي مااستوعبت السؤاال وقمت له : اياا قليل

الحياا صدق ماتعطي وجه ان مارااويتك ليه الاخ تسأل

لااكون بصبصت لك ياااادووب

دخل غرفته وطق البااب بالمفتاااح : انت صدق

ماينوثق بوعوودك

طقيت البااب بقووه : افتتتتتتح يالهرم

قالي: مو بفااتح ونام بليا مخده ولا بطانيه

*ســــــــــــــــــــــــــارا*

ماتوقعت اني رح القاه بالمطعم يالله شكثر يأثر فيني شكثر يسحرني ..

ليه كل ماقلت حبك مات يرجع وينبض بخافقي اقوى واقوى

طالعتني مايا

tell me who was the handsome man at the restaurant?

طالعتها بنص عيين .he was married

قالت لي : وشو يعني

صرخت بوجهها : شو يعني .. ماياا العبي بعيد اتركي الرجال بحاله انا

احذرك

قالت لي وهي تضحك : يخرب بيتك كل هيدي غيره شو ست سارا الهيئه

بتحبيه ؟

قلت له : اقولك متزوج تقولين احبه .. وبس لمعلومااتك مارح يطالع

فيك ابد لانه يحب زوجته كثير

قالتلي : لكن من نظراته لائلك مبين انه معجب

قلت لهاا : بيتهيألك انا كنت قدامه طوول الوقت عمره ماناظرني

فتحت عيونها : معقووله .... كيف قدر يقااوم هالجمال كله

قلت لهابحسره : ماشفتي حرمته كيف حلووه ؟

قالت : ايواا هي حلوه حلوووه كثير بس انتي احلى

قلت لها : لانك صديقتي تقولي هالكلاام

قالت لي : ياعمي ماعم اكزوب (اكذب ) عليك انتي بتطيري

طبنات العئل نسيتي هيداك الي اسمه طلااال العمى بالبو

(بقلبو ) مالاحئك قليل وانتي ولا انتي هناا

تضايقت من طااري طلاال اخر شي ناقصني اليوم ذكرى

طلوولوووه : دخيلك اذكري شي عدل

ماياا : وهيداا ما بيعجبك شو هالحظ الي عليك زلمه مثل

طلااال ادفع نص عمري ليبوص لي بصه

وانتي مو عااجبك صدا المثل يعطي الحلق للي بلا ودان

قلت لها : وتقولين امثاال بالمصري بعد .. اقول قوومي خلينا نمشي

↚

* مريــــــــــــــــم *

كنا جالسيين بالصاله الارضيه وطفشانييين ليلى مشغله

التلفزيوون وسرحااانه ع الاخير .. شكلها تفكر بالناس الي

بيجوناا وانا طفشت من القصه الي اقراهاا

ماحسينا الا والبااب الخارجي انفتح وانصك طبعا لانه

حديد فصوته يكون مسمووع

استغربت ابووي ونااايم وامي بعد نايمه من جااي

ناديت ليلى : ليلى ... ليلــــى ....ليلوووووووووه

التفت لي : وجع ليه الصرااخ

قلت لهاا : بااب الحوش انفتح وانصك

طالعتني بنص عيين : تلاقيينه اكبر نااسي شي وجاي ياااخذه

لسى برد الا وبااب الفله انفتح ودخلت علينا نووور

انا وليلى بصووت واحد : نووووووووووووووور

نور ابتسمت : مافي حمدالله ع السلامه

ليلى : شجاابك ؟ ووين زوجك ؟

نور : تعالي سلمي وبعدين حققي

رحنا سلمناا عليهاا ودخلت وقعدت ع الكنبه قلت لها : نور وين تركي؟

قالت : ماجاا معاياا

قلت لها : وانتي ليه جيتي مالك ثلاث اشهر من تزوجتي

قالت : اشتقت لكم

ليلى : نووير تهاوشتي مع رجلك

نور وهي توقف : ماصار بيني وبين تركي شي زي ماقلت لكم

اشتقت لكم وجيت ازوركم

ليلى : تزوريناا بذا الوقت

قالت : حبيت تكون مفاجاه

ليلى : اوكي نور بنعديها لك لكن بكره الصبح بيبااان كل شي

نور طلعت غرفتهاا وصكرت البااب بالمفتااح مما اضطر ليلى انها

تنام معاي بنفس الغرفه

ليلى وهي متمدده ع سرير حناان : اختك متهاوشه مع زوجهاا

هوشه كبيره

قلت لها : ادري السالفه واضحه .. لكنها ماتبي تقوول

سألتني : شتتوقعيين السبب

قلت لهاا : مااادري ربك العالم

قالت : غريبه ياترى شصاار

قلت لهاا : لو انا مكانك كان فكرة بالناس الي جايين بكره

عطتني هاذيك النظره : شقصدك ؟

قلت لها : حبيبتي الي جايين بكره جااين خطاابيين ...

التفت علي : شدرااك ؟!

قلت لهاا : سمعت امي وهي تكلم عمتي الناس جايين

يشوفونك شافوك بعرس نور وعجبتيهم وجاين بكره عشان

يشوفوك ع الطبيعه

قالت لي : وليه امي ماقالت لي هالكلاام كله ليه قالت ان

الحرمه صديقه قديمه لها

قلت لها : يمكن عشان لاترتبكيين

ليلى عصبت : لا والله .. وبعدين اناا مو موافقه

قلت لها : انتي شوفيهم بعدين وافقي او ارفضي

ليلى : ماابغى اتزوج انتي كيف تفهمي

قلت لها : اقول بلا دلع بنات بكره من تشوفينه تقولين روحو جيبوا

المملك

عصبت علي : مريووووووووم ترى مو ناقصه مصخرتك وجات

بتطلع من الغرفه

ناديت عليها : هي انتي ويين رااايحه

ليلى : بروح اقول لامي اني ماابغى اقابلهم

قلت لها : تستهبليين امي وابوي بسابع نومه من زماان

ليلى جلست ع السرير وهي معصبه :اوووف استغفر الله

قلت لهاا : ناااامي والصباح ربااح

* حنـــــــــــــان *

الوقت تأخر وصار لازم ننام قلت للريم : ريووم حبيبتي قوومي

ناامي اللحين

الريم : حناان والله مفتشله منك .. بندر ودر البيت عسبتيه

قلت لها : ولا يهمك عادي بعدين فكه من وجهه كل يوم وهو مقابلني

غمزتلي بمكر : اكيييييييييد

قلت لها وانا اضحك : الا اكييييييييديين ونص

قالت لي : حرام عليج بندر يحبج

طالعتها : شدراك ؟

قالتلي : احساااااااس

قلت لها : تكفيين عاااد ..

قالت لي: حلفيي انج مااتحبينه

عصبت عليها : ريييييييييم

ضحكت بصوت عالي : هههههه حنان ويهج صاير طماااط

صرخت فيهاا : ماااااااااااحبه ولا رح احبه بيووووووم ارتااحي

الريم وهي تشرب من الكوب الي قدامه : جذاااابه .. صحيح ان

علاقتكم يحكمها ارتباط سخييف لكن مع كل هذا انتي تحبينه

وهالشي مبيين عليج

قلت لها : لا والله كيف يعني ؟

الريم : ضحكتك لما يكون معاناا نغمتهاا مختلفه نظرت عيونك

له حتى لما تتكلميين

معاه وتكون لهجتك جافه وفيها تحدي فيها نووع من لفت

الانتباه تبين تقولين له انا هني

قلت لها : اسمحيلي تراك تتوهميين انا داخله انام .. غسلي

كوبك وتعالي ناامي

الريم : اهربي اهربي

اتمددت ع السرير: مابقي الا احب بندرووه وجه العنز

انا حناان بنت عبدالله احب بندرووه مااايصيييييييير

صحيت ع الفجر صحيت ريم صلت ونامت اما انا ماجاني نووم

ابد مدري ليه حسيت البيت فاضي سويت لي كاسه حلييب

وجلست اطالع التلفزيوون صدقوني مادري شيقولون مخي

مو معاي مو قادره اركز ابد

افكر باشياء واشياء كثييير اشوف الريم واحمد واتحسر على

وضعهم بينهم حب كبير ممكن يضيع بلمحة عيين .

.

استغرب من وضعي انا وبندر ماتوقعت بيوم ان عيشتي معه

↚

رح تكوون كذاا

بندر عالرغم من استفزازه لي واعتزازه بنفسه الي كان يوصل

لدرجة الغرور الا انه ماكان يقلل من احتراامي او يماارس اي

اسلوب فيه ذل معاااي وهذا حق لازم ينقال فيه

قطع حب لافكاري صوت فتحت الباااب كان هوو بندر تحتحن

ابتسمت من كل قلبي

والتفت : ادخل بندر مافي احد

اقترب ودخل وعلى وجهه ابتسامه : صبااح الخير

سالني : ها مااشتقتي لي ؟

مدري حسيت باحسااس غريب : تبي الصدق لااااااااا

زم شفاايفه : مالت ع ذا الوجه

سالته بتردد : وانت اشتقت لي؟

قالي : بصرااحه ايه فقدت كشتك المنكوشه ع صباح رب العالميين

درت وجهي عنه : مالت عليك وعلي يعبرك

قالي : طيب عن الهرج الفاضي رووحي جيبي ملابسي من الدولااب

قلت له : لييه ؟

قال لي: ابغى اتسبح

قلت له : اااوكي صبر تبي شي معيين

قالي وهو مبتسم : اترك الموضوع لذووقك

قلت له : زيييين

اتسحبت شووي شووي عن اصحي الريم طلعت لبندر ملاابس

كانت عبااره عن بنطلون جنز غاامق شووي مع تيشرت ابيض

وبلوفر صوفي بلون اخضر ومن الياقه ونهاياات الاكمام بشوي لونه

ابيض مع خط بنص الاكمام باللون الكحلي وماشي مع درجة

البنطلون وخذت له جزمه( وانتو بكراامه ) باللون الابيض والاخضر

والله ان ذا الولد عليه حركاات مطقم كل شي انا البنت مااحب

الكشخات مثله وطبعا اخذت معااي محفظته ونظارته الشمسية

مديت له الملابس وقلت وقلت : ان شاء الله يعجبووك

خذها : اكيد بتعجبني دامه من يدك يابنت عبدالله

حنان بنفسها " شفيه هذا اليوم مو طبيعي "

قالي : اسمعي انا برووح اتسبح عند احمد بعد نص ساعه

قابليني بالكوفي شووب

قلت له : لييه ؟

قالي وهو يبتسم : عازمك ع الفطور

قربت منه وقمت اتأمل وجهه بدقه قالي : شفيك

قلت له : شكلك مو مريض ؟

قالي : اووهووو حناان بلا استهباال

قلت له : انا استهبل او انت وين تعزمني والبنيه داخل

قالي : ادري انها دااخل وانا مو عازمك لسواد عيوونك احمد

بيجي يصالحه ومارح يكون شكلنا حلو بينهم .. ففكرت

نخليهم على رااحتهم

قلت له : اهاااا حلوه الصراحه

حط ثيابه بكيس : زيين لا تطوليييييييييين

*بنـــــــــــــــــدر*

رحت تسبحت بشقة احمد وغيرت ملابسي بتستغربون

ليه ماتسبحت ببيتي بقولكم مو حلوه البنت تصحى

وتلاقيني بالبيت مارح تاخذ راحتها ع الرغم ان في

حمامين ( وانتو بكرامه ) بالبييت

لقيت استشوارفي الحماام " وانتو بكرامه "

نشفت شعري مافيني حيل امرض خصوصا ان فترة الامتحاانات

بالجامعه قربت .. عجبني ذووق حنااان والله البنيه ذويقه

اخذت ورقه من دفتر الملاحظات وكتبت عليهاا :

اناا طالع مع حرمتي ومابنرجع الا عقب العشااا

رووح وصاالح حرمتك احسلك ترى حطيت لك المفتاااح

وخذلها معاااك باقه ورد فرحهاا فيهااا

وياريت تنظفون لنا البيت معااكم ولدكم هذره

في امان الله اخووك

حطيت المفتاح ع الطاوله وطلعت

نزلت الكوفي شووب هو يكون مقاابل بيتي انااواحمد بس لازم

نعدي الشاارع

دخلت جلست بطااوله انتظر حنااان شووي الا وتجي وحده

وتقرب من الطاوله اكثر

واكثر قالت بميااعه : hi

قلت لها وانا حاس بالقرف منهاا :? hi , cane I help you

"هلا ..اقدر اساعدك "

↚

ابتسمت وهي تجلس : can I have a sit?

"ممكن اقعد "

رديت علي sorry , I waited some one

"اسف بس انا انتظر شخص "

سالتني بوقاحه : is it a girl?

" بنت ؟"

قلت لها وانا ارفع ايدي و اوريها دبلتي : my wife زوجتي

قالت لي : she is a lucky women

" زوجتك مره محظوظه"

قلت لها " I think I am the lucky one

" اعتقد اني انا المحظوظ "

قالت لي :? anyway, Iam Marie and you

"على كل حال انا ماري وانت ؟"

رديت Bander

سالتني : Are you an Arab

" انت عربي "

جاوبتها : yes Iam

قالت :I did not know that the Arabs this Handsomeness and magic

" ماكنت اعرف ان العرب بهذي الوسامه والسحر "

قلت لها : thank you courtesy words

" مشكوره ع كلمات المجامله "

حطت ايدها على يدي وقالت : This fact, my darling

" هذي حقيقه .. يااعزيزي "

سحبت ايدي بسرعه منهاا " حريم ماتستحي"

ابتسمت وفتحت شنطتها وطلعت بطاقه : I wait your call

" انتظر انتصالك "

اووف جابتلي المرض جد وقحه شفت حناان واقفه عند الباب

ولمحتني وجايه جهتي* حنــــــــــــــــان *

اول مادخلت شفته جالس عطاوله لكن ماكان لوحده كانت

معاه وحده امريكيه حلوه لابسه تنوره قصيييره مع بلوزه

لاايقه عليها شعرها الاشقر مفروود بيني وبينك حسيت

بالقهر منهاا واكثر شي من بندر نسي الاخ انه متزووج وقام

يبصبص بالحريييم

كملت طريقي باتجااهه شفته يووقف ومبتسم

وجااي جهتي التقينا بنص المسافه قرب من وسوى شي

مااتوقعته ابداااااااااا قرب مني باسني ع خذي

وضمني لصدره وقالي : you late my love وحط ايده ع خصري

ولفني جهت البااب وصار يمشيني انصدمت الا ماعرفت شسووي

اول مره تصير معاااي لا وبمكان عام بعد وهذيك ام شعر اشقر تخزناا

خز ويلي اول ماقربنا جهت الباااب فكيت نفسي منه وسرعت بخطاااي

الين ماطلعت من المحل من غير مااحرك حتى شفاااتي واقوله أي كلمه

جيت اقطع الشارع من غير لا انتبه للسياراات كل الي ابغااه اهرب منه

واختفي عن عيوونه ماحسيت الا وايده تسحبني من ذرااعي

ومن قوتة سحبته اصطدمت بصدره لدرجة ان ريحة عطره حسيتها

ريحة تكتمني من قوتهااا

قالي : جنيتي انتي

ماتشوفين السياارات

قلت له وانا واصله حدي : اترك ايدي لاا اسويلك فضييحه

تركني قلت له وانا احس نفسي رح انفجر : انت كيف تتجرأ

ووو ماقدرت انطقها

طالعني وقال : شسوويت ؟

قلت له : الي بالكوفي ؟

قالي : اهاا عااادي هني اثنيين التقو لاول مره يسونهاا

وانتي حرمتي

قلت له : تستهبل انت

قالي ببرود : انا ماسويت كذا الا عشان اخلص من ام اربع

واربعيين الي نشبت لي مو حبا وطرباا فلا يروح بالك بعييييد

قلت له : تبي تتخلص منهاا تخلص بأي طريقه لكن

لاتستخدمني من ضمن طرقك

قالي : ان شا ءالله اسف عمتي حنان

قلت له وانا امشي : مدري وش عاجبهاا فيك جد معدومة نظر

قالي : ليه ماتقولين ان انتي الي ماعندك ذووق

التفت له : لو ماعندي ذووق ليه لبست ملابس ع ذوقي

قالي ببرود وهو يتقدمني : بالملابس ايه لكن بالبشر اسمحيلي معدووم

قلت له: ماايهمني رااايك .. وين بنروح

قالي : بنروح نفطر بالمحل الي باول الشارع وبنرروح الحديقه

نتمشى فيها

رحنا وفطرنا بالمحل خذينا لنا كابتشينوو ورحنا نتمشى بالحديقه

جلسنا ع كرسي وصرت اراقب الرايح والجاي

تدرون حياة الاجاانب غريبه عمليييين جداا احسهم

بااردييين بمشاعرهم بكل شي

بناات ورجال كل واحدي يركض والي يمشي ع اذنه سماعااات

نادرا مانشوفهم يتبادلون الابتساماات وهو يعدون من جنب بعض

لفت نظري رجل ومره شكلهم متزوجيين عمرهم تجاوز

الخمسيين كان يتمشو ويتكلموو تحسون السعاده بتطلع

من عيونهم

قالي بندر : تحبين نتمشى بدل الجلسه

من غير لا ارد مشينا صرنا نمشي ونمشي من غير لانتكلم

وقفت قدام ملعب الاطفاال مااقدر اقااوم منظرهم ابد بعضهم

يلعب بالرمله ولبعض يركض هني وهنااك وناس بالالعاب

مشغووليين فضلت اطااالع

* بنـــــــــدر *

لنا اكثر من عشر دقايق متسمرين قدام ملعب الاطفال

يتبع ,,,,

👇👇👇

تعديل المقال