رواية خطاي إني وفيت وأنت للجفا عنوان -10
نور: كذاب حتى أمي تقول لها محد فأهمني غيركفهد:اوو على طاري أمي ترها تبيك
نور: رجلي على رجلك
فهد يكلم شوق:العذال بيني وبينك
نور: بااااااي شوق
فهد: بااااي يا قلبي
شوق: ههههههه بااااااااااااااياااااااات
بعد ما طلعت نور وفهد شوق دقت غلا صار اغلب تواصلهم
با التلفون بحكم أن شوق انقطعت عن الجامعة
في ها الوقت غلا كانت قاعدة لحاله أخوها نايف طالع مع بندر وأمها طالعه مع نايف وشهد تكلم حبيب القلب"مازولا"فيصل
يدق جوال غلا وترد: هلا والله وغلا
شوق: هلا فيك وينك؟؟ يا القاطعة
غلا: كلنا قاطعين
شوق: حلوه هذي
غلا: آآآه يا شوق أحس بملل فضيع ما عندي احد قاعدة اكلم الجدران
شوق: وين شهد عنك؟
غلا: أخوك مو مقصر أربع وعشرين ساعة يكلمون بعض
شوق: خليهم يعشون حياتهم
غلا:أولا.أنت رحتي بعدين شهد صرت أنا بحالي لهدرجه أنا كريهه ومحد يبيني
شوق:أنت وش تقولين هذي قسمه ونصيب وأنت ما يعيبك شي تدرين يا غلا لو أنا مكانك كان تمنيت أني مو متزوجة وعايشه في بيت أهلي معززه مكرمه
غلا: تدرين أنا بعض الأحيان أغار من شهد لأنها اصغر مني وبتتزوج
شوق: غلا أعرفك اكبر من كذا بس يمكن كل إلي حوليك راحو وتحسين بفراغ هذي مو غيره هذا افتقاد اشخص أنت تفسرين شعورك غلط
غلا: شوق غيري الموضوع
شوق: طيب ما راح تسافرون
غلا:لا حبيب القلب فيصل مو راضي لشهد تسافر بيفتقدها
شوق: والله خطير يتحكم بعد
غلا: وش أخبار أخوك خالد للحين على حاله
شوق: مدري ليش كاره الدنيا على أن مشاري كان غالي علينا كلنا بس أحس خالد متأثر أكثر
غلا: الله يعينه
شوق: لا ولي أكثر من كذا يبي يسافر ويبيني أقول ل ماما وانا عارفه ماما ما راح تستحمل احد من عيالها يفارقها يكفي مشاري فقدته للآبد
غلا: هذي حكمت ربك عسى أن تكرهوا شي وهو خير لكم
شوق: غلا اخليك بندر جاء
غلا: قصدك قرقوش اوكي اخليك فمان الله
شوق: فمان الكريم
بندر: السلام عليكم
شوق: وعليكم السلام
بندر: أخبارك
شوق: نفس مانا ما تغير فيني شي قعدت البيت تقصر العمر
بندر: اوكي طلعي محد مانعك
شوق: كل شي عندك بسيط تدري تحسسني بعض الأحيان أني مو متزوجة منك وبعض الأحيان تنشف ريقي إذا قلت بروح مكان
بندر: ههههه أنا كذا
شوق: الأخ مروق
بندر وهو يمسك يد شوق: ولي يشوف الحلو ما يروق
شوق وجها احمر من حركة بندر اول مره يسويها:شكلك مريض اليوم
بندر لا كنت:مـ .................."تقطع كلامه شوق"
شوق: جوالك يرن
بندر وهو منقهر لأنها أقطعت كلامه: ما أبي أرد
شوق: يمكن مكالمة مهمة
بندر وهو يطلع الجوال من جيبه ويشوف الشاشة"دلوعتي"ويطالع شوق ويقول:معاك حق مكالمة مهمة لأنها دوليه "وطلع من الصالة"
"شوق بعد ما طلع بندر وبصوت مقهور ادري حبيبت القلب"
= طلع بندر من البيت عشان محد يسمعه وهو يكلم وركب السيارة لكن انقطع الاتصال ورجع بندر ودق على"سارة"
سارة:احبك احبــك احبـــك
بندر: الناس تسلم وعليكم السلام
سارة بدلع:أسفه حبيبي السلام عليكم بس من زود ما احبك ها الكلام صارت اول شي أتمنى أقوله لك
بندر: سارة تدرين وش نهايتنا؟؟؟؟ !!!
سارة: ادري بنتزوج!!!
بندر:سارة بقولك شي بس بدون انفعال سارة أنا بصراحة.... "تقطع كلامه سارة"
سارة:ادري بتسوي فيني مقلب مثل كل مره وتقولي امــــــوت فـــــيك
بندر وهو معصب: تدرين أني ما أحب احد يقاطعني
سارة: سوري حبيبي كمـــــــل
بندر ببرود:سارة أنا متزوج !!
سارة وهي مو مستوعبه وش قال بندر: نــــــــــــــعم ؟؟؟؟!!!!!
بندر: إلي سمعتيه
سارة: بندر أنت تتكلم جد ولا تمزح
بندر بكل جديه: سارة أنا ما امزح أنا متزوج من أربع شهور
سارة: وانا وسنين عمري ألي ضيعتها معاك والأيام ألي أملتني فيها إننا بنتزوج.... وليش اكذب على نفسي وأقول أيام هذي سنين.... تدري أنا كم عمري.. تدري كم سنه ضيعتها عليك وأنت تكذب علي.... ليش وعدتني؟؟؟؟؟؟؟
بندر:سارة الكلام ما ينفع أنا أهلي ما كانوا راضين أتزوج وحدة تدرس بالخارج عادات أهلي ما تسمح لهم
سارة وهي تصارخ: بس أنا بنت نـــــــــــــــــاس
بندر وهو ماسك أعصابه:أنا ما قلت انك مو بنت ناس بس ما اقدر أقول لهم وحدة درست معها وأبي أتزوجها
سارة: وحبنا وين راح؟؟
بندر: أنا متزوج
سارة: تحبها
بندر: أحاول أحبها !!
سارة: تحاول ؟؟
بندر: سارة هذي آخر مكالمة بينا وأرجوك لا تتصلين علي...
سارة تقطع كلام بندر: لا تكمل كلامك ترى أنا بنت ناس وما أرضى على نفسي بالمذلة ذليتني بما فيه الكفاية.."وسكرت سارة الخط"
بندر وهو مرتاح أنا كل شي انتهى آآآآآآآآآه هم ونزاح تعبت من عيشة شيء بنور وشيء با الظلمة
"بعد أسبوعين"
في بيت أبو الوليد كان خالد جالس مع أمه و أبوه
خالد:يبه!!
أبو الوليد:ســـــــــم
خالد:أبي أسافر
أم الوليد:ليه تسافر ماجانا من ورا السفر خير
خالد: أبي أكمل دراستي
أم الوليد: أنت تبي تذبحني شكلكم تبوني أموت يكفي مشاري تبيني أفقدك يمه أنا ما استحمل فراقكم أنا أم حسو فيني انتو حياتي وبعدكم مماتي
خالد: يبه
أبو الوليد بعد صمت:سو إلي تبيه
أم الوليد:بس أنا مو راضيه
خالد:يمه أنا مو صغير أنا عمري 26 وبدخل 27 يعني افهم بعدين الموت حق و مشاري مات بالسرطان مو مرض معدي أنا مقدر اقعد في السعودية واذا ما تبين أسافر بره بروح الأمارات أو الكويت
قامت أم الوليد من مكانها:سو إلي تبيه
خالد وهو يقوم ويحب راس أمه: إذا كنتي راضيه
أم الوليد وهي تضم خالد:انتوا أغلى ما عندي وشلون ما أرضى عليكم راضيه عنك دنيا وأخره
)خالد ما راح يسافر عشان يكمل دراسته هو يبي يسافر لان ما يبي يعيش مع زوجة أخوه لأنه ألى ألان ما يدري أن شهد مو غلا لأنه يعرف غلا بشكل بس..... وبعد موت مشاري حس أن الدنيا ضده كل ما يتعلق بشي يفقده(
في هذا الوقت شوق قعده مع بندر في صالة الجناح
بندر يقرا جريده وشوق قاعدة على النت وتسمع غنيت محمد المازم: آه لو تدري بشعوري غيبتك تنهي حضوري .
.وغرفتي تنسى وجودي رغم انها امزينه
هذي ليله في السنه
ادري لو كنت اتغلى والا ناوي تعتذر....
جيتك تسوى حياتي ياللي مابعدك عمر
انا مازعلت عينك لو نيسيت اسأل حنيني..
بس ابيك الليله يمي لو الأماني ممكنه
هذي ليله بالسنه
كل اصحابي بقربي شفتهم الا انت لا ...
دمعتي تسأل عيوني وين الي قلبه سلى
ماابي كل الهدايا فرحتي وأنت معايا ..
صرت ادور عن وجودك في كل ورده ملونه
وهذي ليله بالسنه ..
وبين كل فتره بندر يطالعها من فوق الجريدة يحس بشي غريب إذا شاف شوق..شوي ويدق الباب قامت شوق وافتحت الباب كانت الخادمة وماسكه باقة ورد وصندوق كبير خذتهم شوق وقرت البطاقة كانت الهدية من "غلا" مكتوب با لبطاقة:
كل سنــــــــه وإنته بخير وعيد ميلادك سعيدكل سنه وأنت يا غالي أجمل أيام العمركل سنه وحبك في قلبي يا بعد عمـــري يزيدكل سنه وإنته رفيقي وصاحبي وأغلى البشرليش تسألني وتدري إنه الجــواب عندي أكيديعني معقـــــــــوله أنا أنسى يوم ميلاد القمرحافظ التــــــــاريخ والله مهما كنت عنك بعيدمستحيل أنساه لــــو ينسى النحل ريح الزهر
بندر:من مين؟؟؟
شوق: من غلا
بندر: وش المناسبة
شوق:طبعاً ما راح تعرف لأنه شي مو مهم
بندر: لا قولي يمكن يصير مهم
شوق:صار عمري21
بندر: كبرتي سنه لا بتزوج عليك أنا أبي وحده صغيره
شوق:آآآآآآآآآه أنت تبيها من الله
)وقف بندر) شوق:على وين
بندر: مواعد نايف أنتي بتطلعين اليوم
شوق:مدري إذا بطلع بدق عليك
بندر: أفضل انك ما تطلعين
شوق ما ردت بس من داخل تغلي على بندر كل ما أحاول احبك ارجع و أكرهك "غير بندر ثيابه وطلع"
بعد ساعتين بندر دق على نور
بندر: أنت ما تفهمين
نور: غبية أنا... فهمت بطلعها من غرفتها وبخليها بغرفتي وبقعد معها
بندر:لحظه بس.. أنا أبيك ترتبين معاي
نور:ومين بيقعد مع شوق؟؟؟
بندر:!!! خلي ندى تقعد معها
نور: هههههاااي ضحكتني ندى ما تحب شوق
بندر: مااالت عليها
نور: ببخلي فهد يقعد معاها
بندر:لااااااااا الا فهد السانه طويل
نور:بس ها المرة تراك أشغلتني..
بندر: مردودة سمعي صوت القطار تووووت تووووت
نور تكلم نفسها:أوريك يا بندروه أنا تسمعني صوت القطار وراحت تسوي ألي قال لها بندر وخلت فهد يقعد مع شوق بغرفته ألين ما تجي....
بعد نص ساعة أرجعت نور غرفتها وفي بالها فكره
نور:فهد اطلع بره أبي شوق بسالفة
فهد:ماني طالع أبي اعرف السالفة
نور: اقووووول اطلع هذي سوالف كبر ولا بعلم عليك بندر
فهد:أنا ما أخاف منه بس عشان شوق بطلع..."وطلع"
شوق تلف على نور:وش السالفة
نور: شفت مكياج وقلت بطبقه عليك
شوق:هذي سألفتك قلت ورآك شي
نور:بليييييييييييييييز
شوق:أمري لله كل ولا زعلك
بعد ما حطت نور لشوق المكياج قالت: يجنن عليك الموف
شوق:تسلمين تدرين عندي فستان توني شاريته نفس ألوان بروح ألبسه وأوريك
نور وهي مرتبكة: أنا بروح أجيبه
شوق:شدعوه ما ابي اتعبك
نور:لااااا انا بجيبه
شوق: أحسن ريحتيني
جابت نور الفستان وألبسته شوق وكان روعه عليه لون الفستان تدريجات البنفسجي والموف وكان حرير
نور:واااااو
شوق:تسلمين
نور:يالله من غير مطرود أبي انام
شوق:عقب ما لعبتي فيني تبين تنامين على العموم تصبحين على خير
طلعت شوق من غرفة نور..ونور كانت تراقبها..أفتحت شوق الباب وكان ظلام وهي متاكده أن النور كان مفتوح بس كان في نور خفيف مثل الشمعة وشوي وتنفتحت الاباجوره وكان واقف جنبها بندر شوق انصدمت *_* مشى بندر باتجاه شوق ومسكها من ايدها لعند الطاولة ألي كان فوقها كيكه.. عطا بندر شوق علبه
و شوق ما كانت قادرة تتكلم من المفاجأة أفتحت العلبة وكان فيها عقد الماس ناعم مرة
بندر: كل عام وأنتي بألف خير ممكن ألبسك العقد
شوق:تهز رأسها"ممكن"
بندر وهو يتامل جمال شوق :العقد حلو بس انتي الي محليته
وقطعوا الكيكه
شوق بصوت واطي:بندر!!
بندر:عيون بندر
شوق وهي مبسوطة:هذا أحلى يوم في حياتي
ابتسم بندر لأنه قدر يكسب قلب شوق وطوا الليل صفحه جديدة في حياة شوق وما ندري الحياة شنو بتعطيها.....
في اليوم الثاني الصباح:~
شوق تصحي بندرمن النوم:بندر قوم
بندر:ماراح اروح الدوام .
شوق بخوف:لية ماراح تروح الدوام تعبان فيك شي؟؟
بندر:هههههه مافيني شي
شوق:طيب ليش ماتبي تروح الدوام؟
بندروهو يبتسم:بعدين بتعرفين"وقام"
شوق:ووين رايح؟
بندر:بروح اتسبح
شوق:اوكي بروح أجهزلك الفطور.
بندر:لامابي فطور
شوق:طيب اسوي لك شاي اوكافي.
بندر:لاتسلمين(ودخل الحمام(
قعدت شوق بالصالة حتى طلع بندر من الغرفة كان لابس بنطلون جينز وبلوزة سماوي ..
بندروهويقعد:أخبارك؟؟
شوق وهي تضحك:تمـــام.
بندر:ليش تضحكين؟؟
شوق:مدري احسك اليوم غريب !
بندر:أهاااا قلتيلي .
شوق:لية ماراح تروح الدوام
بندر: ماتبين اقعد معك؟
شوق وهي مستغربة تصرفات بندر:هاااا
بندر:أقووول قومي البسي عبايتك .
شوق:ليــــة ؟؟
بندر:انتي روحي لبسي
شوق:اوكــــي
بعد خمس دقايق طلعت شوق من الغرفة وهي لابسة عبايتها وقام بندر من الكنبة واخذ جوالة والمفاتيح والبوك وقال:مشينـــا
"وطلـــعو من البيت"
في السيارة ................. شوق: وين بتوديني من على الصباح؟
بندر:الحين تشوفين .
على طريق الكورنيش بندر حاط غنيه هاديه والجو صاير رايق...وقاعدين يتاملون البحر بسكون وكان الدنيا مافيها هموم
شوق:الله وشكثر مشتاقه للبحر
بندر:ليه كنتوا دايم تروحنا
شوق:اخواني يحبون دايم يطلعون صيد وخبرك لاني وحيدتهم فامتاثره فيهم
بندر:على فكر من اقرب واحد لك من اخونك
شوق:كل واحد له شخصيته وكل واحد احب فيه شي
بندر:طيب تكلميلي عنهم
شوق:الوليد شخصية الاخ الكبير الي دايم تستند عليه وتحس مهما طحت يكون جنبك.....خالد...شخصيه حنونه ساعات يكون غامض وساعات تحسه كتاب مفتوح من كثر مايكون صريح...فيصل...هذا حاله خاصه مرح يحب الوناسه دايم داج ودلوع امي....مشاري...آآآه هذا الشخص الي دايم كنت اشوفه اقوى اخواني والي يفرض شخصيته بمجرد دخوله....تدري!!
بندر:وشو؟
شوق:ساعات احس زين اهلي ما قالو لي انه مريض لاني ماكنت راح ارضى تغير صورته الي كانت ومازالت قويه
بندر:الله يخليهم لك ومايحرمك منهم
شوق:تسلم...وانت بندر كلمني عن نفسك ؟
بندر:وش تبين تعرفين
شوق:كل شي
بندر:طيب اسئلي وانا بجاوب
شوق:تراني بخليه تحقيق هههه
بندر:ههههههه اوكي
شوق:وين كنت تدرس؟؟؟ وش تخصصك؟؟ وليه ؟؟
بندر وهو يضحك:هههه.. لندن ..ادارة اعمال.. عشان اساعد الوالد
شوق:وشلون كانت الحياه هناك؟؟ومين كان معاك؟؟
بندر:حلوه بس موبسرعه تتعودين خصوصاً لو كنت طول عمرك بالسعوديه..وكان معاي صديق عمري نايف والشله..
شوق:من متى تعرف نايف؟؟
بندر:من ابتدائي ماتخيلين وش قد هذا الشخص قريب مني مره احس يفهمني من غير متكلم
شوق بخاطرها(اتمنى اصير مثله):طيب ماصادقت بنات؟؟
بندر(انت ادورين وتلفين عشان توصلين لهذا الشي):هههههههههه
شوق:ليش تضحك اكيد فيه!!
بندر:لا مافي حتى لو فيه ماراح اقولك
شوق:ليه
بندر:يمكن يجي يوم واقولك كل شي...وانت كلميني عن نفسك
شوق:وش تبي تعرف؟
بندر:أي شي...وش تحبين..."ويفكر"..طيب اسمعي تغيرت شخصيتك عن قبل الزوج
شوق:بيني وبينك أي
بندر:ههههه وشلون
شوق:احس اني اركد قبل كنت يعني داجه اضحك مع هذا واسولف مع هذا..بس الحين مدري وش فيني؟؟"استوعبت انا وش قاعده اقول للي مسبب لي هالشي "
بندر:طيب ليه تحسين بهاشعور
شوق تستعبد:مدري..يمكن يجي يوم واقولك كل شي
بندر:هههههههههههههه يلعن ابو اتقليد الي كذا
شوق في خاطرها:الله عليك وانت رايق والله انك محيرني ..بس الله يدوم هذا الوناسه علينا...
كملو دوران على الكورنييش بعدين دخلو جوفريز وافطرو وكملوا سوالف وضحك ...وحس بندر بشعور غريب ما عرف يفسره
في بيت أبو نايف الكل مجتمع ما عادا نايف.....شوي ويدخل نايف يصارخ عليهم:حــــــــــطو المباراة بدت ..
غلا:أحنا ما نبي نشوف المباراة
نايف يسحب الريموت كنترول من يد غلا :أنتي مو مهمة المهم أنا أشوف المباراة
غلا:وجعة يالدفش
نايف عطاها أشكل وطنشها وحط على السعودية الرياضية وقعد يطالع مباراة الهلال مع الأتحاد وكل شوي يصارخ حتى شهد و غلا اندمجو معاة شوي ويدق جوال شهد التفتت غلا عليها و أبتسمت شهد قامت من عندهم توها بترد ألا أخوانها يصارخون كان في هجمة للهلال ضد الاتحاد
فيصل:الووو
شهد:هلا وغلا
فيصل:هلا فيك زود أخبارك؟؟؟
شهد:بخير دامك بخير
فيصل:شعندكم؟؟
شهد:؟؟ماعندنا شي..
فيصل :أول مارديتي سمعت صوت صراخ ؟
شهد:ههههههه هذا نايف يتابع المباراة مع غلا..
فيصل:اووووه
شهد:عــلومك ؟؟
فيصل:مشتـــــااااق
شهد:مشتااق لمين؟!!
فيصل:مشتااق لك يا روحي ..
شهد:انا قاعدة أكلمـــك.
فيصل وده يذبحها:أنتي تبين تذبحيني ؟؟؟
شهد بصوت وااطي:بسم الله عليك
فيصل وهو يتنهد:تحبـــــيني؟؟
شهد وهي مستحية:أي
فيصل:أي وشو؟
شهد:أي على ألي سألت علية.
فيصل:أي سؤال نسيتـــة؟؟
شهد بدلــع:فيييصــــل خلاص..
فيصل:فديـــــت ألي يقـــــول فيـــصل..
شهد:ههههههه
فيصل:فديــــــت هالضحكة
شوي غلا و نايف يصاارخون قووووووول
فيصل:أنتي قاعدة في الأستاد
شهد:لا عندنا ناس متعصبة نادي الهلال والهلال مسجل قووول .
فيصل:وأنتي تشجعين أي نادي ؟؟
شهد:بكل فخر ما أشجع غير المنتخب السعودي
فيصل:يــــاويــــل حالي..
شهد:ههههههه تســـلم..
فيصل:شهد قلبي أخليـــك اسمع احد يناديني.
شهد:فمان الله أنتبه على نفسك.
فيصل:تخافين علي؟؟
شهد:يا لله مع السلامة .
فيصل:ههههههه عـــاش مصرف مع السلامة.
................ ألا غلا ناقزة في وجه شهد قلتي له عن السفر ؟؟
شهد:لا ما ذكرت!
غلا وهي معصبة:احلفي والله بذبحك.
شهد:ترى رجيتينا بسالفة السفر ..
نايف:هـــاي أنتي وياها شعندكم؟؟
غلا وهي موصلة حدها:ألأخت ما قالت حق عريس الغفلة عن السفر..
نايف:ترى صدعت بروسنا هذي السالفة ..
غلا:انا أبي أسافر.
أبو نايف:سفر أختك
نايف بخبث:ما عليك أنت عطني الجواز و الإقامة وأنا أسفرها أذا كانت مضايقتكم!!
الـــكــــل يضحــــك ماعدا غلا:ههههههههه
غلا تقصد نايف:أوريك يا لقرد بروح أنام ابرك من شوفت وجيهكم..
أبو نايف:افااااا
غلا تحب رأس أبوها:ما قصدتك بابا أنت روحي..
في اليوم الثاني الصباح<<<<في بيت أبو عبد الله
عبد الله:نوررررر
أم عبد الله:شفيك البنت نايمة..
عبد الله:احد يروح يقومها..
بندر:أنت شعندك طلعت ورجعت تصارخ
عبد الله:ووين نور؟؟
أم عبدا لله:راحت الخدامة تقومها..
أبوعبدالله:شعندكم من على الصباح؟
عبدا لله:انا أبي نور
نور وهي تنزل من الدرج خير وش صاير يالله صباح خير؟...
طلع عبدا لله من جيبة الجريدة ..."وقام يسوي فيها حركات"..
نور:شفيها الجريدة؟؟
عبدا لله:فيها شي أنتي تبينه !!؟
نور وهي ميتة من الخوف:النتــــــايج!!!
عبدا لله وهو يأشر عالجريدة:اااي
نور:مآبي اعرف..مآبي خايفة
سحب بندر الجريدة من عبدا لله وفتحها ويكلم نور:أنتي وش اسمك واسم أبوك ويضحـــك..
نور:والله انك رااايــــق..
فتح بندر الجريدة:وجعة كل هذا حرف النون !!لقيتــة نور محمد الـ....وتغيرت تعابير وجهه نور وهي خايفة وتصيح:لاااااااااااااااا تقول بندر أكيد النسبة مو حلوة!!؟
بندر وهو يطالعها بنظرات عتب:ماتوقعت منك كذا.
نور و هي علامة تعجب!:والله انا شديت حالي بس هذا علمي ولأمتحانات كانت صعبة..
بندر وهو يضحك بصوت عالي:يلعن أبو الدفرة, 96,65%
نور وعلامة التعجب كبرت في وجهها:هاااااا.
أم عبدا لله:كلووووووووووووووولوش
بندر يغمز لنور:مبروك يالدفرة 96,65%
نور من الفرحة راحت لمت بندر وباست راسة .
عبدا لله:الحين أنا أجيب الجريدة وبندر هو ألي ينباس..
نور تحب عبدا لله على خده وراحت أبوها على يده وراسه ..
أبو عبدا لله:رفعتي راسي يا بنتي..
نور راحت لمت أمها وقعدت تصيح...
عبدا لله:انا أبي البشارة .
نور:آمر عيوني لك؟؟
عبدا لله:تسلم عيونك..أنتي ألي تآمرين الهدية ألي تبينها بجيبها لك...
أبو عبدا لله:وأنا ألي تآمرين فيه بجيبلك..
بندر:وأنا ماراح أزيد عنهم أنت الغلا وطلباتك أوامر..
نور:أنا ألي أبية منك توديني الشالية...
بندر:تحت آمر سموك
أبو عبدا لله:يالله يابابا روحي نامي.. و ياشباب على الشركة.
بندر:انا بأخذ أغراضي من الغرفة ولاحقكم..
................راح بندر.:. الجناح ولقى شوق توها صاحية من النوم..
بندر:صباح الجوري ياآحلى جوري.
شوق بكل رقة:صباح النور
بندر:على طاري نور اطلعت نتيجتها ..
شوق بحماس:بشـــــــــــر؟
بندر تغيرت ملامح وجهة..
شوق:خوفــــتني
بندر وهو شااق البسمة:96,65%
شوق:لا من جدك تستأهل نور أبجيب لها هدية..
بندر:نور طلبت مني أوديها الشالية أنتي شرايك..؟
شوق:....حلوة
بندر:اوكي انا بروح الشركة تآمرين على شي ؟؟
شوق:لا تسلم أنتبة لنفسك..
بندر توه بيطلع ألا تناديه شوق
شوق: بندر
بندر:سمي
شوق: حبي فطرت
بندر وهو يبتسم ويطالعها بكل حب:لا بفطر بالشركة
قعدت شوق على الكنبة وتفكر في بندر.....ليش تغير 180درجة بدون مقدمات معقولة صار يحبني !!!!؟؟؟؟؟ ونسى إلي كان يكلمها قبل ولا للحين يكلمها ؟؟؟؟ والله أني أحبة وأموت فيه.....آآآآوف أقوم أتسبح أحسن انا لو بقعد أفكر بينفجر مخي بندر أنسان غريب متقلب المزاج مرة يطالعني بنظرة حب ومرة يطالعني بنظرة أحتقار آآه يا ربــــي ...
وقامت شوق تسبحت وتعدلت وراحت تبارك لنور على النجاح
طلع بندر من البيت وركب سيارته (الجيب بورش) وحط كاسيت عبد المجيد عبد الله وقعد يسمع أغنية الحب الجديد.................
أيش جــابك من بلـــدك لا بــــلادي أيش ألي خـــــلاك تســـــكن فــــي فــــــــــوادي...أحــــــــس شي فـــــــــــي مــــــوهجتي لـــــك غـــــــــير عادي كـــــــــــــل ما أشوفك يزيــــد ....يــــــــــــــاذا الحــــــــــب الجـــــــــــديد يعتصر قلــــــــــــــــبي و يأخذ ما يــــــــوريد ..............
وجاءت على بالة شوق والله هذي الأنسانة ذوق وصبرت على جفاي بدون سبب وتحملتني .......وأقل شي يفرحها انا قسيت عليها كثير وبدون سبب حطيت فيها ذنب مهو ذنبها ....... تذكر بندر شكل غميزات شوق وهي تبتسم والله هالأنسانة قمر الا آحلى من القمر و ما حس بندر في نفسه ألا واقف عند باب الشركة
فـــــــــــــي الشــــــــــركــــــــة :~
عبد الله كان عند أبوه ودخل عليهم بندر
بندر:الســـلام عليــــكم
عبد الله+أبوعبدالله:وعلــــيكم الســــلام
دق الباب وكان السكرتير ....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك