رواية شغب بنوته -15
ريماس : اجل انتوا وش يابلاش يابلاش معناها مجانا
هيام : اقول فاضين حنا نتكلم عنه
ريماس : أي والله الا وشلون العطله معكم
هيام : الحمد لله الا كم بقى على عرس اختك
ريماس : اسبوعين ونص
هيام : ياااربي طيب أي صالون بتجيبون
ريماس : ريماس انا ماراح اخلي العامله تلعب بوجهي بحط بنفسي مكياج خفيف
هيام : اممم تتوقعين ؟؟
ريماس : أي احلى ولا بعد ويكون بعلمك حتى المعرسات خطأ يوم انهن يعتمدن على مكياج الصالونات يوحش
هيام : أي تحطلك طبقات من الاساس والبودره والظل الله لايوريك مدري يحسبن العاملات ان المعرسات لوحه الوان
ريماس : أي بياضها يصير يحوم الكبد والحمره تحطلك الوان فاقعه ولاحمرة الخدود تقل احد معطيها كف والظلال تقل متورمتن عيونها حتى المعاريس يتوحشون يقولون موب ذي الي شفناها يوم نجي نخطبها
هيام : أي والله صادقه اصلا انا كثير شفت معرسات يحطن لهن بنات عمهن او قريباتهن وخفيف
ريماس : أي على الاقل مايخرب وجيهن بالعكس يصيرن مررره نعومات
: طق طق طق
ريماس و هيام : مين
: انا ندى افتحن
(فتحنا لها وسلمنا عليها وجلسنا )
هيام : ريماس صح بقى على عرسك من اخوي سنه بس
ريماس : بس الملكه
هيام : لاحبيبتي الملكه يعني عادي يشوفك وعادي تروحين معه المطعم تسولفين معه
ريماس : لاتربكيني وبعدين ماابي اتزوج من اخوك
ندى : عادي بقى سنه على ملكتك
ريماس : تقل ماادري ادري انه سنه بس ماابيه ماابيه
هيام : اقول لأمي ...
ندى : اقول ياهيام اسكتي حتى انت الدور جايك
(تصبغ وجه هيام وتحول الى اللون الاحمر )
ريماس : واذا قلت لامك يعني امك او انا او امي بيدهن شي
ندى : صلن على النبي واذكرن الله بدل هالتشائم
البنات : لا اله الا الله محمد صلى الله عليه وسلم
هيام : ندى بالله عليك من هو زوجك المستقبلي
ريماس : يعني وبرايك اكيد اخوي فيصل
ندى : وانت ياريماس تقل اسئلتك
ريماس : هههه احسن الله يعينك على اخوي
هيام : اصبرن واسمعني ريماس زوجة اخوي وندى زوجة اخو ريماس وانا زوجة اخو ندى
ريماس : اجل تقل تبادلنا اماكن
ندى : أي صح توني الاحظ سبحان الله
هيام : يعني انا اسكن بالكويت وريماس بالرياض وندى هنا صح
ريماس : وانا اجلس بروحي
هيام : لامعك عايشه ونوف و اسيل وجواهر وخلود و بنات خالي
ريماس : من ذولي اسيل وجواهر وخلود
هيام : بنات عماتي ماعمرهم جو هنا بس هالسنه بيجون
ريماس : لايكون بفترق عنك ياندى
ندى : أي صح ليش ؟؟؟ نفترق ؟؟
هيام : ياعبيطات اكيد لانكن ببتزوجن هذي اخر سنه تجلسين ياريماس هنا اممم انصحك تودعين كل صديقاتك
ندى : وانت ياهيام نسيت حالك حتى انت ودعي صديقاتك بعد سنتين
( صمت )
ندى : ليش ساكتات تكلمن
هيام : امممم وش رايكن نقول مواقف اول يوم بالعرس
ريماس : خلاص انا ابدا كان في واحد مررره مستحي من زوجته فيوم دخل عليها فصخ بشته وعلقه بالمعلاق ومن كثر الحيا قالها بنروح المطعم ونزل حق السياره فنتظرها وانتظرها بس مافي فايده طولت وراح صعد لها وقال يالله ونزل بعدها انتظر وانتظر طولة البنت وصعد مره ثانيه وقال بسرعه ونزل وانتظر هالمره كثير عاد يوم صعد المره الاخيره قال يالحبيبه خلصينا عاد هي ضحكة ضحكه نعومه وقالت انت لابس عباتي ههههههههه(قصه حقيقيه)
هيام : ههههههههههههه يعني بدال مايلبس بشته لبس عباتها
ندى : هههههههههههههه رهيبه القصه اجل انا عندي بعد كان في وحده
هيام : لا لا لا تقصن علينا فاضي حناخاف بكرى تتفشلن وتسون اكود مصايب اقول بس اهجدن
: طق طق طق
البنات : مين
: انا عايشه
(فتحت لها وبعد التسليم جلسنا )
ريماس : غريبه اليوم اجتمعتن اكيد وراكن شي
هيام: انا اتصلت على البنات عشان يجن
ريماس : وانا اقول وش السالفه اجل الحمد لله زين الي سويتيه ياهيام
هيام : شكرا شكرا
( بعد 5 ساعات من السواليف والمزح ونسيت اقول اننا نزلنا وسلمنا على الحريم ونمنا وراحة عايشه )
في اليوم الي قبل العرس بيوم
ريماس : بنات طلبتكن ابيكن تساعدني
ندى : سمي
هيام : تفضلي فضفضي
ريماس : انا مقرره اني اسوي مقلب بأخوي فيصل تكن ساعدني
هيام : يالله خل نبدا
ندى (بتردد): اخوك موب عصبي
ريماس : لا حده باااااااااارد ويونس
( وبدين بالتخطيط وقررنا انروح غرفته العصر لانه بذاك الوقت يكونون الشباب موب موجودين)
(((((وحنا نمشي متجهين لغرفته ))))
ريماس : اوششش ولاصوت
هيام : قعد اقولها عن فستاني
ريماس :ذا وقته تتكلمن عن الفساتين اسكتن لايصيدنا احد
0(وصلنا للغرف وفتحناها وفي داخل الغرفه )
ندى : يععع وش ذي الغرفه صدق شباب
هيام : ورينا الشطاره لاتزوجتيه سنعيه
ريماس : اووش اقول بس هيام وين العلك عطيني اياه
هيام : تفضلي
ريماس :زاد من فضلك يالله انتن باشرن بالمقالب الي حقة اخوانكم (وبدية اعلك العلك )
ندى : هاه لا مايحتاج انا ناقصه ضرب
هيام : انا مقدر اخون اخوي
ريماس : اجل انا بسوي كل المقالب طيب وياويلها الي تقول عني لاصلخ جلدها فاهمين
البنتين : طيب طيب
ريماس : الحين بعد ماحطية العلك داخل دشداشة اخوي من الداخل انتن علمني وين دشاديش اخوانكم الي حقة العرس يالله ياشينكن اسرعن
هيام : ذي دشداشة اخوي
ريماس : العلك الثاني بسرعه
هيام : هاك
ريماس (وبديت اعللك ولصقت العلك داخل مخباته )
ندى : وذي دشداشة تركي
ريماس : بنات قلن لي وين احط العلك له
ندى : انصحك في المخباة الامامي لانه ابد مايستخدمه
ريماس (بمكر) : هههه قصدك داخل هالمخباة بلونه يالله بنات باشررن ودورن قلم بسرررعه
(ودورنا ولقينا قلم صبوره اسود )
هيام : بس ماتحسينها قويه
ريماس : ماعليك الشباب يستاهلون عشان مره ثانيه يعرفن يحرمن خواتهن من الروحه للملاهي وابيوت الخالات
ندى :ذا صوت اخوي تركي اعرف صوته وش انسوي
ريماس : بسرررعه بسرعه ردي ثوبه
(وردينا ثوبه )
ريماس : تحت السرير بسرررعه بسررعه
(وانخشينا تحت السرير )
(وانفتح الباب واقلوبنا قنااابل )
تركي : هههههههه عقبالك يازياد
فيصل : وانا ليش نسيتوني
زياد : انا مااقول غير الله يعين الي بتاخذك
(هيام بهمس خفيف لريماس )
هيام : ريماس ندى بتعطس الله يخليك وش اسوي لو يدرون اخوانا بيذبحونا
ريماس : امسكي خشمها
: ززز زززز ززز(صوت احد جلس فوق السرير من جهة ريماس
فيصل : لاتكفون بصراحه الي بياخذنكن محضوضات الا مايتن عليكن
: شكك شك (انفتح الباب )
: هلا شباب جبت لكم اكل يجنن من احلى مطعم
فيصل : زين الي جيت ياراشد لحق عليهم يسبوني ويقولون الله يعين الي بتاخذني
راشد :ههههههه أي والله لان بصراه صوت شخيرك يتعب الراس
فيصل : عاد تكفى انت ماتشخر وانا ولد ابوي اشهد انك اول الي يشخرون
( تحت السرير)
ريماس (مشاء الله صوت زياد يجنن بس سبحان الله عكس شكله )
( ندى على الحمد لله راحة عطستها بس الخوف مالي قلوبنا )
زياد :ههههههههه رهيبه وش بترد عليه
تركي : وش رايك اكيد ابقوله غلطان (طبعا الظاهر تركي وزياد فاكين الكمبيوتر المحمول (لابتوب)
فيصل : وش السالفه ياشباب
راشد : اتركهم انصحك تجي تاكل معي
تركي : في واحد يستعبط حاط موضوع عن السياراة ونوع حاملها عاد طلعة انا مغرور وزياد طلع مشخص فأنا برد عليه واقول غلطان انا موب مغرور لكن صح عليه زياد مشخص
راشد : وانا وش طلعة
زياد : انسان كذاب
راشد : لا اكيد هو الكذاب
فيصل : وانا ؟؟
تركي : مايدري وش السالفه
فيصل : اقول اتركوا هالمواضيع بس دشوا احسن لكم منتديات كرة القدم
تركي : يععع كرة القدم اصلا انا وزياد نكره الرياضه
فيصل : اجل وش تحبون
زياد : السياراة ووش نزل منها والوناسه
راشد : اجل من هو الي يلعب بنادي النصر برياضة الفروسيه
زياد : الفروسيه غير كرة القدم
راشد : اجل انقلب حال الناس البنات يحبن كرة القدم وذولي يكرهونها
(وانسدح فيصل بقوه على السرير وحنا يلي تحت السير حول نصيح الا شوي ومسماسكين )
فيصل : اففف متى تتزوج ريماس وتفكنا
(ريماس : هنا انا ودي اقوم واضربه خير انشاء الله تقل قاعدة على قلبه ولا بعد يفشلني قدامهم اجل يستاهل اكثر من المقالب الي بعملها له
راشد : الا وش صار على صديقك محمد
فيصل : الحمد لله اجرة العمليه بس ناطر الاجرائات ويرد الديره
راشد : تطلع معي يافيصل
فيصل : وين ؟؟؟
راشد : ابي اتمشى اشم هوى
فيصل : يالله انا طالع معك
ززززز (قام فيصل من السرير )
تركي : وانا منتوا ماخذيني
راشد : حياك بس انت دايما مع زياد
تركي : لازياد الحين بينام
فيصل : صج يازياد الحين بتنام
زياد : أي
راشد (بمزح): اجل انتبه لاتبلل السرير
زياد : اقول بس فارقنا باين مين الي امكن يبلله انا ولا الي اربع وعشرين ساعه عصاير
راشد : أي على الاقل انا اكل افرح امي موب انت قليل ماتاكل
تركي : لا صدق مشاء الله جسم زياد يجنن موب انت يالدبي انت والعصقول الي جنبك
فيصل : انا عصقول اجل انت وش تصير
تركي : بس انا اكثر واحد جسمي يشبه زياد
( انا التفت لهيام وناظرتها بنظره يعني يالكذااابه بس مشاء الله صوت زياد رجولي وخشن )
راشد : يالله خلوا الولد ينام وانت امشوا وراي
تركي : يالله يابو الشباب توصي على شي
زياد : سلامتك
شك شك شك (انصك الباب وكلهم اطلعوا )
ززززز (انسدح زياد )
( وانا اطالع البنات ننتظر متى ينام )
ريماس (بهمس ) : عطينا اشاره لانام اخوك
هيام ( بهمس ) : ابغمز لكن اذا نام
(ودقايق واغمزة لنا وطلعة كل وحده اشوي شوي مدون أي صوت انا الا ولى طلعت من جهة اليمين وندى طلعت من جهة اليسار واخير شي هيام انا بالغلط دست على شي وطلع صوت فتلقائيا لفينا نناظر قام ولا لا بس ياليتني مالفيت خقييييييييييييييية قدام الولد شكله يجنننننننننننننننننننننن اقل شي ممكن لقول عنه انه حلووووووووووووووو المشكله اخته ناظرة نظراتي الي عية تلف يمين وشمال هذا وهو شكله وهو نايم حلو اجل وهو مفتح اعيونه ويبتسم كيف ؟؟؟؟؟)
هيام ( الي هي اخر وحده ): يالله امشوا
(مشينا بشويش وي وطلعنا الحمد لله وركض على غرفتي ومحد شافنا ومحد درى عنا )
ندى : هيييييييييييييييييي لا
هيام + ريماس: بسم الله الرحمن الرحيم
ندى : جوالي جوالي طاح اكيد لو شافه تركي ذبحني تكفون جيبوه
ريماس : متأكده دوري بجيوبك زين
ندى : موب موجود (وهي بها الصيحه )
ريماس : خلاص الحين بسرعه هيام تروح تجيبه
هيام : واذا قام وش بقوله
ريماس : قوليله ان امي تبيك تحت
هيام : اففف انشاء الله بس انتوا تعالوا قريب مني فاهمين
البنات : انشاء الله
( رحنا والحمد لله توهم ماجوا ودخلت هيام الغرفه وحنا جالسين بعيد عن باب الغرفه ننتظرها ودار بيننا حوار )
ندى : ياعيني اجل شكلك خقيتي عنده
ريماس (بكبرياء ) : لاشين
ندى : اجل ورى بتلتي تناظرينه
ريماس : لا بتلت اناظروه ولا شي اصلا انا كنت اناظر هيام
ندى : أي هيام مشاء الله هيام بصوب وعيونك بصوب
ريماس : اقول بس اسكتي ناظري هيام جت معها جوالك
هيام : السلام عليكم ورحمه الله وبركاته
ريماس وندى : وعليكم السلام ورحمه الله وبركاته
هيام : هاك اخذي جوالك ولا عاد تحطينه بجيبك
ندى : انشاء الله
ريماس : شرايكم بنات نروح نطلب لنا من البقاله اكل
هيام : اجل الله يعين اخوي بتسمنينه من كثر مشاء الله الاكل الي بتاكلينه
ريماس : والله يعين تركي شكلك (وبغزة ندى عشان تقولي شي بعدها قالت : أي صح الله يعين تركي ..اا..ببب..بتخلينه يناظر و جهك دايما
ريماس : عطيني شي سنع موب تجلسين تمدحينها
ندى : هههههههه يازين كلامكم لاتهاوشتن اقول بس صح جوعانين خل نطلب شي
هيام : وانت مع ريماس تخافين تحرجك طيب الله يعين فيصل بتخلين غرفته تلمع من النظافه
ريماس : اقول بس اسكتن اكيد انتن جوعنات عشان كذا تحطن الحره بالي قدامكن اقول يالله كل وحده تقول وش تبي اليوم على حسابي
هيام : مادمه على حسابك فجيبيلي اكل اكله لاجعت ابي بطاطس ملح وخل
ريماس : وش رايكن بلاطلبات جانبيه نسوي حفله مثل قبل يوم كنا صغار نجيب بطاطس كبير ونفتحه مع كل الجوانب و كل وحده عصير وش رايكن
هيام : اممم حلوه الطريقه
ندى : أي انا موافقه
ريماس : نجيب أي بطاطس
ندى : خليهن اثنين كبار
ريماس : يالله اختارن
هيام : انا اقول بطاطس ملح وخل
ندى : انا فلفل
ريماس : وش رايكن الي بالكتشب احلى
ندى : لا احل الفلفل
ريماس : امري لله ملح وخل وفلفل طيب وش تبون عصاير
ندى : انا عصير كوكتيل شركة ندى الي زي اسمي
هيام+ريماس :هههههههههههه
ندى : ورى تضحكون
هيام : لانك تبين الي زي اسمك
ندى : عادي اهلي انا كله يجيبون عصاير ندى ليش انتوا وش يجيبون
ريماس : انا ان جابوا جابوا نادك
هيام : انا مره نادك ومره ندى ومره المراعي ومره...(ريماس مقاطعه )
ريماس : بأختصار منوع
هيام : صح
ريماس : انا بروح اطلب
هيام : طيب تكفين جيبي ككاو
ريماس :أي نوع من الشقلاطه
هيام : ههههههههههه وش شقلاطه انت ووجهك الناس يسمونها شوكلاته
ريماس : كيفي اسميها الي اسميها
هيام : وهالمره ليش مسميته شوقلاطه
ريماس : شقلاطه موب شوقلاطه
ندى : باختصار لانها ..
ريماس : خليني اقول انا القصه لان ...
ندى : خليني انا لانه لو قلتيها ياريماس بنجلس بلا اكل اقول بس ياعمري جيبي أي شقلاطه لنا ومع السلامه
( جرة هيام معها وراحت نزلت واتصلت )
في غرفة ريماس
ندى : هي تسمي الشقلاطه شقلاطه لانها
هيام : لايكون انت بعد اتسمينها كذا
ندى : أي لان القصه بيني وبينها احصلت
هيام : قوليها
ندى : كان جدي الله يرحمه يحب ريمااس حيييل طيب ودايما يدلعها يوم كانت صغيره رغم شغبها وحركاتها وعنااادها وانا طبعا يوم كنت صغيره بالخيل ياشقرى بكل شي اقلدها حتى بالحركات والاسلوب والتهاووش مع عيال عمي المهم ريماس كانت تحب الشقلاطه حيل بالذات الشقلاطه الساده
هيام : معلومه حلوه اقولها لاخوي زياد عشان يهك عليها لازعلوا ويجيب الشوكلاته يراضيها
ندى : هههه شفتي شلون طالعته
هيام : الظاهر عجبها ولا بعد يوم سولفوا الشباب عن جسمه عطتني نظره يعني ياكذابه
ندى : اجل جربي عايريها به يعني مثلا قولي ابقول لاخوي انك تقولين عنه انه موب حلو
هيام : هههههههه
: طق طق طق بناااااااااااات افتحن جت الطلبيه
(دخلت و حطيت الاغراض على الارض وفتحناها زي ماكنا صغار )
هيام : ريماس تكفين قوليلي اخوي حلو ولا لا
ريماس : كح كح كح
ندى (وهي تضرب ظهري : غصت غصت جيبي العصير
هيام : هاك اشربي ياريماس
(بعد ماغصيت )
هيام : هو حلو ولا لا بس ابي كلمه وحده
ريماس: طيب انا بس ابي كلمه تركي حلو ولا لا
ندى :ههههههههههههه
هيام : وانت انشاء الله ليش تضحكين حتى انت خطيبة فيصل
ريماس : جاوبي ياهيام
هيام : سؤالك بايخ
ريماس : باين من اول من سألة انا ولا انت
هيام : المهم صكوا الموضوع
ندى : بنات الله يعين بكرى العرس
ريماس : الله يعين المعاريس موب حنا
هيام : أي الا على فكره ياريماس امي تقول لاتتكشخين ياريماس مانبي احد يخطبك حنا نبيك لولدي
ريماس (ذي وش يسكتها ) : ندى وش بتلبسين انت وهيام بعرسكن
ندى : منيب مفكره الحين لان من الحين لما العرس سنتين
ريماس : ليش انشاء الله عروسكن بعدي ماابي مالي دخل تعرسن ياقبلي يامعي
هيام : اهجدي يابنت قلت لك لانه هذي اخر سنه له هو واشد عشان كذا عائشه تقريبا بنفس السنه بتعرس
ريماس : مالي دخل ابي اصير اخر وحده
هيام (بمرح): اجل تبين اخوي ياخذك لاعجزتي لاياعمري اخوي شاب يبي يتزوج حاله حال الي كبره
ريماس : بس انا صغيره عمري 18 سنه وانت اكبر مني لاتزوجتن انت ياهيام عمرك 21 و ندى 19 وش الفرق بيننا
هيام : عادي ناظري عائشه بتتزوج وهي عمرها 17 (ندى تطق كوع هيام )
هيام : ايييي الا اجل كم عمرها
ريماس : اايييييييي ياسلام سلم عايشه صدق بتعرس نفس السنه الي بعرس بها بس هي اكبر مني بسنتين يعني عمرها بيصير 20 اه ياكذوبات
ندى : طالعي الجنوبيات الي في السعوديه يعرسن وهن عمرهن 14 و13 سنه وانت 18 تحسين عمرك صغيره
هيام : أي صدق
ريماس : أي غريبه
هيام : لاغريبه ولاشي ذا الصح
رماس : اجل تزوجي تركي السنه الجايه
ندى : اسمعي لاانت الاولى ولا الاخيره وكثير بنات اعرفهن تزوجن وهن اعمارهن 16 سنه يعني كبرك والي اصغر منك بالجنوب متزوجات
ريماس : انا موب قصدي العمر انا قصدي ان ابي اتزوج بعدين منيب متزهبه حق الحمل والولاده
ندى : عادي احملي لاصار عمرك 25 سنه موب لازم الحين
هيام : صح كلام ندى
ريماس : وبعدين وشلون اوافق بين الدراسه والبيت
هيام : عادي اخوي شاطر واذا تبين يدرسك
ريماس : وبعدين مامليت من شوفت اهلي
ندى :ههههههههههههههههههههههههههههه من الي قايله مليت من اهلي ياشينهم محد يعطيني وجه
هيام : اخوي اذا تبين يقابلك 24 ساعه انا اقوله قابلها 24 ساعه وش رايك
ريماس : اممم وبعدين ....(هيام مقاطعتها )
هيام : ريماس انت بس تدورين اعذار خلاص تزوجيه وفكي حاللك بلى هالاعذار وبعدين اخوي بيدللك وبعدين هو مررره طيب وحنون علي وانا اخته اجل زوجته وش بيسوي بها وقسم بالله انه موب لانه اخوي اقول كذا
ريماس : اخر اخر جمله
هيام : تفضلي
ريماس : اخاف يصير مغرور ومتكبر ويعذبني ومن وقدامكم طيب
هيام : لايكون شايفتنا بالروايات والتمثليات يطقها وثم يعذبها ومدري وشوا وغامض وقدام اهله طيب لاياحبيبتي اصحي هالروايات كذبيه ونادر ماتشوفينه بالواقع
ندى : موب كل الروايات كذبيه بعضهن تحاكي الواقع بطرحها لقصص الي من الخيال والممزوج بالحقيقه
ريماس : خليتيها ياندى طبخه
((((( استغفر الله . استغفر الله استغفر الله . استغفر الله ))))
ندى : من عندها قصص عن الاستغفار
ريماس : انا
هيام: قوليها
ريماس : وصارة لي يعني حيقيه
ندى : أي كملي
ريماس : وقسم بالله يابنات اني اذا بغيت اتوفق لارحة السوق اقرى دعاء السوق الي هو ((
)) واكثر من الاستغفار وسبحان الله مرره القى اشياء حلوه وتناسبني والكل يقوول مرره شياكه وربي مااكذب ومااتعب وانا ادور الي ابي ولاصار لي موقف صعب استغفر واذا احترت بشي استغفر واذا بغيت شي بس مو من المعصيات القى هالشي او احسن واذا ضاع شي استغفر لما القاه والقول دعاء اذا ضاع مني شي وبسرعه القاه مع الاستغفار الي هو (( اللهم ياجامع الناس بيوم لاريب فيه اللهم اجمعني بضالتي )) وكثيييير يابنات حتى الم البطن او الظهر كل شي يابنات بشكل ماتصدقونه
ندى : طيب بأي صيغه تقولينها يعني انت تقولين سيد الاستغفار ولا بس استغفر الله ولا استغفر الله واتوب اليه ولا ايش
ريماس : افتحو اذانكم واحفظوها (( استغفر الله الذي لا اله الا هو الحي القيوم واتوب اليه ))
هيام : وانا والله في قصص كثيره عن الاستغفار منها ..... في واحد هو وزوجته تعبوا وهم يدورون حل عشان يجيبون عيال تخيلي 15 سنه واهم من مستشفى لمستشفى ومن بلد الى بلد تخيلي وادويه كثييره بس مافي فايده لكن سبحان الله مره من المراة الزوج وهو يصلي جماعه قال الشيخ وهو يقرا عليهم هالايه قال تعالى (فقلت أستغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا)سورة نوح0 ورغم ان الرجال كان دايما يسمع هالايه الا هالمره انتبه لها زين ولمعانيها واول ماخلص من صلاته راح لزوجته وقالها الايه وبدوا يستغفرون ويستغفرون بكل وقت قبل النوم وهم يتعشون وياكلون وكل وقت وبكل مكان الا اكرمكم الله الحمام فسبحان الله اسبوع اسبوعين والله رزقهم وحملة زوجته و جابوا اعيال ( قصه حقيقيه )
ريماس : سبحان الله
ندى: سبحان الله وانا عندي قصه حقيقه وحده ماتزوجة وماانخطبت وودها تتزوج وسبحان الله جلست تستغفر دايمما دايما بعد شهر تم خطبتها
ريماس : الله اكبر
هيام : لا اله الا الله وانا بعد عندي قصه صدقيه في ناس كانوا يقرون كتاب عن فوائد الاستغفار فكل وحده قررة تستغفر عشان شي ومن هالناس كان في بنت وامها ققرن يستغفر عشان يلقن شغاله فسبحان الله ماكملن الا اسبوع ويوم ردن للبيت لقن الي ابوها والي زوجها جايب خدامه
ريماس : سبحان الله..................................
هيام : الله اكبر
(نمنا وفي يوم العرس وحنا البنات متأخراة بالقومه لان امس سهرنا )
: طق طق طق قومن فوتن صلاة العصر والظهر والمغرب قومن بدا العرس
ريماس : (وانا خايفه لاني اخرة الصلاة ) بنااااااااااااات قومن الحين بالمغرب انا برح اتوضى
ندى (وهي متوحشه) : لا اخرنا الصلوات قومي ياهيام
هيام : اليوم الفجر جتني العمه
ندى : اجل انا وش الي جلسني عندك ابرح اصلي
( بعد الصلاة والتوبه لله لاننا اخرنا الصلاة صدق اننا موب ناويات بس غلط اننا نسهر وننام الفجر ونأخر الصلوات الباقيه )
ريماس : هيام قومي بدلي والبسي ملابس العرس قومي
لايرحون عنا قومي
( غيرنا ملابسنا ولبسنا ملابس العرس انا فستاني لونه تركواز شكله جنان الكم جبنيز وضيق مع الخصر والصدر ووسيع مع تحت ومخلية له ذيل وبه اشياء حركات كثيره ونسيت اقول اننا خلينا فساتينا زي بعض )
: يالله انزلن يابنات ترى كل الرجال راحوا الا زياد وتركي وبعد تركي شكله الحين بيروح وفيصل راح مع ساره من زمان اخلصن
ندى : قوليله خل يوقف على الاقل بنستشور شعورنا
: يووه اجل توكم ماخلصتم وبعدين مهوب فاضي ينطركن
ريماس : ندى تكفين وين المشط
ندى : هناك على الطاوله
هيام : لالالالالا ياغبي ياشعري اهجد خلني اصير لو مقبولة الشكل
هدى : منتن رايحات
هيام : خليه ينتظرنا تكفين وقوليله ترى معنى ريماس
ريماس : انا فاضيتن لك لا قوليله ريماس راحت الا هيام وين نعلتي
هيام : هناك تحت السرير
ريماس : مالقيتها
هيام : اصبري خل اعدل كشتي ثم اجيب لك اياها
ندى : وين الظل ياهيام
هيام جنب قراطيس الفشار
ريماس : الله يعافيك ياندى خلصي من المشط ترى شعري ماكديته لالالا تملى فستاني من المعجون
هيام :ذا وقت تفريش ياريماس
ريماس : وش اسوي عشان اسناني تبيض
هيام : فركيها بليمونه
ريماس : يووه ياندى وين المشابك حطيتيها
اش اش اش (صوت السشوار )
ندى : وش تقولين
ريماس : المشابك
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك