رواية خطاي إني وفيت وأنت للجفا عنوان -17

رواية خطاي إني وفيت وأنت للجفا عنوان - غرام

رواية خطاي إني وفيت وأنت للجفا عنوان -17


غلا:يااااي صراحة ماعرفت إن تفكيركم كذا كان ماكلمتكم

شهد:من حقك سنه رابعة
غلا:عين الحسود فيها عوووود
شهد:عيني باردة
شوق:كل الناس تقول عن عينها باردة
شهد:لااااا شخبارك مع ندى؟؟(بسرعة تفصل مثل ناس اعرفهم)
شوق:تمام بس ما احتك فيها كثير الي يشوفنا مايقول عايشين في بيت واحد بس أختها عسل أنشاء الله أجمعكم معها
غلا:الحمد الله سفره دايمه
شوق:ماكلتي شي
غلا:حرام عليك من كل شي كلت بنفجر وزني زايد
شهد:أحلى عليك المتن
غلا:يعني انا دبه
شوق:لا بس وجهك أمتله وصار آحلى
شهد:الحمد الله الله يديمها عليكم انا بغسل وبروح عند أمي حصة بقعد معها
شوق:بدوا بحركات النص كم تبي تسحب البساط من تحت رجولنا وتصير هي المدلـله
شهد:والله انك هبله
شوق:ادري من زمان من شفتك وانا هبله أحنا بنروح جناحي أذا خلصتي تعالي عندنا
شهد:اوكي
راحت شهد وقعدت عند أم الوليد
أم الوليد: هلا هلا تو مانور البيت
شهد وهي مستحيه:بوجودك وبوجود أهله
أم الوليد: أخبارك مع فيصل ليكون ماذيك قولي لي وانا اوريك فيه
شهد:لاااا مو ماذيني
أم الوليد: ترى ولدي آذيه ولسانه طويل
شهد توهقت ماتدري وش ترد أو تقول فابتسمت
أما فوق عند شوق
غلا:أقول شوق أسيل وين؟؟
شوق:شكلها نايمه تلاقينها سهرانه مع خالد أمس طايح لك سهر معه
غلا:ياحليلها تعلقت فيه
شوق:الا قولي بيخربها
غلا:خليه يأخذ فيها اجر
شوق:والله تكسر خاطري بس أنشاء الله أحنا مانقصر معها..بس تدرين اخوي خالد صاير كئيب من عادته يحب الضحك والوناسه الحين صاير شخص ثاني
غلا:يمكن عنده ظروف؟؟
شوق:الله اعلم المشكلة مايبي يكلم احد فيصل اقرب إخواني له الي يشوفهم يقول أعداء من يقعدون مع بعض يتهاوشون

غلا:غريبة من يوم أحنا صغار وفيصل مع خالد بس يمكن موت مشاري الله يرحمه اثر فيه
شوق:كلنا متأثرين بموت مشاري بس مو لهدرجه صرنا كئيبين وماننطاق ترى الدنيا فانية وكلنا بنموت
غلا:قمتي تقولين حكم الا شخبار سعود اخو بندر؟؟
شوق:كلمت أمس نور وتول فاق من الغيبوبه بس المسكين صار مشلول شلل مؤقت فابيسفرونه عشان يسوي العملية وعمليه ثانيه تجميلية بالوجه
غلا:مسكين بس حرام عليه جمال يهبل
شوق:أي مشاء الله عليه آحلى أخوانه عيونه بحالها حكاية
غلا:الله يشفيه
شوق:آمييييييييين
غلا:مافيه أخبار عن بندر؟؟
شوق:دق بس مارديت عليه وبعدين أرسل انه بيسافر خلال الأسابيع الجايه ويبي يشوفني!!
غلا:بالله عليك ماحنيتي له؟؟
شوق:حنيت بس ماقدر أسوي شي الحب مايكفي الاحترام والإخلاص لازم يكون موجود وهاذي الأشياء مو متوفرة في بندر
غلا:الله يهديكم
شوق:تدرين ودي أغير رقمي عشان مايدق علي
غلا:شالحركات أنت بعد تراه زوجك ولازم تتفاهمون يمكن أنتي فاهمه الموضوع غلط
شوق:أي غلط البنت قالت بندر بأذني سمعتها.... وبدت شفايفه ترتجف والله كنت ساكتة عن بلاويه الي قبل وظلمه لي بس يطلع للحين يكلم انا مارضى لنفسي ..ومسحت دموعها قبل ماتنزل..
غلا:خلاص هدي مو زين لك الانفعال الا أخبار البيبي
شوق:آآه تمام بس أخاف يصير له مثل أسيل
غلا:فال الله ولا فالك وشو فيك اليوم شئم ..ماقلت لك انخطبت وكملت السالفة...
.................................................. ....................
أما تحت عند أم الوليد
شهد:انا بقوم أشوف الخادمة شنو مطلعه حق الغداء وراجعه لك
أم الوليد:بجي أساعدك
شهد:والله ماخليتك
.................................................. ..........

دخل الصالة توقع مايشوف احد أو بيشوف أمه شافها قال لازم اخرعها مشى شوي شوي ولما وصل عندها قال بوووووو
شهد وهي تلف: بسم الله خرعتني والله قلبي وقف
فيصل:بسم الله على قلبك..السلام عليكم
شهد:وعليكم السلام
فيصل:أخبارك؟؟
شهد:بخير أنت أخبارك؟؟
فيصل: الي يشوف هالوجه لازم يكون بخير
شهد:اوكي بخليك بروح عند البنات
فيصل:الحين انا طالع من الشغل عشان اقعد معك تروحين وتخليني!!!
شهد:انا جايه عشان اقعد مع شوق
فيصل:افااا ماتوقعتها منك
شهد: اوكي وهذي قعده ..وقعدت الا بطلعت أم الوليد
أم الوليد:فيصل اشعندك مارحت الشغل
فيصل:هاااه لا ولاشي بس نسيت شي وجيت أخذه وشفت شهد وقلت اسلوف معها ونتفق على العزيمة الي بنسويها بدل العرس
أم الوليد:اجل اخليكك
م بروح أريح ..وراحت غرفتها
قعد فيصل على نفس الكنبة بس بعيد شوي
فيصل:تدخلين النت
شهد:لامو واجد يعني مو مثل أول
فيصل:أي خليك كذا أحسن
شهد:بس أحس بالزهق ماعندي شي أسوي الإجازة
فيصل:انا كنت متعلق بالنت قبل أيام الدراسة في الأمارات بس ألاحين مع الشغل بطلت
شهد:أي اذكر كل كنت أشوفك بالمسنجر وتسؤلف لي عن غرامياتك وزعلك مع حبيباتك وانا كنت أعطيك الحلول عشان تراضيهم
فيصل:وش درأني انك شهد بنت طلال حرمي حالياً تدرين الدنيا صغيره أنت تحسبين خذتك عشان عرفتك بالمسنجر صح شخصيتك حلوه ومؤدبه وكنتي تتكلمين معي بحدود واذكر صديقي الي سرق أيميلك ورسلك بعدها غسلتي أشراعي بالمسنجر وانا والله ماكنت ادري بسالفة بس تبين الصراحة انا كنت حاط عيني عليك من قبل شفتك بصدفه 3 مرات لما صرتي تتغطين عنا وغير انك صديقة الطفولة بعد ماشفتك لما كبرتي ماقدرت أشيلك من بالي أسرتي تفكيري وأخذتي قلبي
شهد:الحين ليش تقول لي كل هذا؟؟؟
فيصل:أبين لك مشاعري المدفونة أنت ماكنتي حاطه عينك علي ادري أني حلووو وأنحب
شهد:ياوااااااااثق بس من ناحية تنحب تنحب
فيصل:المهم انا اتفقت مع أهلي بنسوي العزيمة بعد أسبوعين وبعدها أنسافر أسبوعين بعدين دراسة
شهد:أسبوعين مايكفي!!!!!!!
فيصل:ليه أنتي ماخلصتي تجهيز
شهد:الا بس أحس أسبوعين قليل
فيصل:لان مافي وقت أحنا اتفقنا متأخر وإذا بأخر بتجي الدراسة بعدها مانقدر أنسافر الا بعد 4 شهور ومو حلوه شهر العسل بعد 4 شهور
شهد:الي تشوفه..طيب وين بتسويها؟؟
فيصل:بما أنها عائليه أقول نأخذ قاعه صغيرة
شهد:اوكي انا بروح للبنات فووووق
فيصل:اوكي انا بعد بروح الشغل الحين تلاقين الوالد قالب الدنيا
شهد:انتبه على نفسك
فيصل:وأنتي بعد باي
شهد:بااااي
.................................................. .......

راحت شهد فوووق عند غلا وشوق
شوق:تو الناس ماكان جيتي أكيد لحستي بعقل أمي
شهد:لاااا كنت قاعدة مع فيصل
شوق:فيصل هنا!!!!
شهد:لأتوه رايح
شوق:الخايس وانا أقوله اقعد لا تروح الشغل شهد بتجي يقولي لا انا بروح عندي شغل مهم سلميلي عليها
غلا:الحب الحب
شهد:ماقلت لكم عرسي بعد أسبوعين
غلا:أسبوعين!!!!!!!
شهد:أي شفتي مايكفي
شوق:وين بيسويه؟؟؟؟
شهد:بياخذ قاعه صغيره
غلا:وليه بعد أسبوعين!!!!
شهد:لأنه توه يقرر ولان بعد شهر دراسة وهو يبينا أنسافر شهر العسل وإذا تزوجنا بعد شهر بتجي الدراسة ومانقدر أنسافر الا بعد 4 شهور
شوق:والله اخوي يفكر..وأنتي عندك فستان يناسب للمناسبة
شهد:أي شاريه فستان فخم بلبسه بما أن مافي طقطقه ولاشي
شوق:والله حرام لازم يكون فيه طق مشاري مات والحي أبقى من الميت يعني اهو مايبيكم تفرحون انا بكلم أهلي
شهد:والله ماله دااااعي
غلا:ياقنوعه بعدين كلام شوق صح بعدين لاتنسين هذا أول عرس بعايلتنا
شهد:الي تشوفونه انا مالي دخل
شوق:أصلا انا بتكفل بكل شي بالكوشة وتزين الطاولات والخ
شهد:ريحتيني على اقل خذتي شي
الا بدقة الباب
شوق:تفضل
دخلت أسيل:السلام عليكم good morning )خالد معلمها أول ماتدخل على احد تسلم(
الكل:وعليكم السلام good morning
سلمت على عمتها
شوق:روحي سلمي على غلا وتأشر على غلا وشهد سوت أسيل نفس ماقالت لها عمتها وقعدت جنب عمتها
شوق:فطرتي
أسيل:اممم
غلا:ياقلبي تجنن تعالي ..وتمد يدها لها
أسيل بكل أدب راحة عند غلا وقعدة جنبها
غلا:ربي يسلمها
شهد:قمررر
شوق:أكيد طالعه علي
غلا:صااااارررررررروووووخ
الكل:ههههههههههههههههههههههاااااااي
غلا:أقول شهد يالله مشينا تأخرنا على البيت الساعة 12
شوق :تغدوا معي
غلا:لاااا عاد زودناها
شوق:مرت اخوي
غلا:ترى هي ودها تقبل حبيب القلب
شهد:ههههاااي يا بايخه الجايات أكثر ياقلبي
شوق:وعد المرة الجايه
غلا:أنشاء الله وبعده طلعوا وراحوا بيتهم
.................................................. .......................

في المستشفى عند سعود
بندر:كيف أصبحت
سعود:الحمد الله بس راسي يوجعني
بندر:الدكتور يقول شي طبيعي
سعود:بندر متى بسافر؟؟؟؟
بندر:قول متى بنسافر
سعود:ليه من بيروح معي!!!!!
بندر:اناااا
سعود:ومرتك!!!!؟؟؟
بندر:ماعليها شر وإذا تبي تجي معي حياها الله
سعود:ومتى السفر؟؟
بندر:هاليومين بيردونا علينا بعدها نحجز يعني أسبوع بالكثير ومسافرين
سعود:الله يسهل مارحت الشغل
بندر:انا مأخذ أجازه مرافق مريض
سعود:كل على حسابي
بندر:ماتبيني باروح
سعود:خلك مونسني
بندر:ترى ربعك كلهم بيجون العصر يزورونك
سعود:حياهم الله عاد قول للوالدة تجيب القهوة وحلاه
بندر:لا توصي حريص هي بتجي بعد الغداء وبتجيب القهوة بس إذا جو ربعك ماراح أكون موجود بجيب لك فهد عشان يضيف ربعك ويساعدك
سعود:خذ راحتك تعبتك معي
بندر:لاتعب ولاشي لو ماكان ضروري وأبي أخلص منه ماكان خليتك
.................................................. ..................
في بيت أبو نايف جالسه غلا وشهد وأم نايف
أم نايف:طيب ليه ماقالوا لنا
شهد:أهله نفسهم مايدرون هو قالي واليوم بيتفق مع أبوي
أم نايف:الي يشوفه طالت ملكتك ومسخت صار لكم 6 شهور لو مو أخوه متوفي وان خاف من الكلام كان تصرفنا معهم
شهد:وشوله هالكلام؟؟
أم نايف:بعد هذا الكلام الصح ..غلا دقي على نايف وقوليله لاينسى نواف خل يجيبه من بيت عمك
غلا:الا بنات عمي من زمااااان عنهم
أم نايف:روحي لهم انتوا قاطعين فيهم الله يرحم جدتكم هي الي كانت مجمعتكم ولا انا كل ماشوف حريم أعمامكم ويسألوني عنك وانا أتعذر لهم
غلا:بنشوفهم بعد أسبوعين بعرس شهوده
أم نايف:أم حق وصل لو صديقاتك كل أسبوع أنتي عندهم
شهد:انا بروح غرفتي بختار الفستان الي بلبسه
غلا:بجي معك ..أمي إذا جهز الغدا نادونا
أم نايف:خدامتكم مو أمكم
غلا:محشومه وتبوس رأسها
.................................................. .................

فووووق.....
فتحت شهد الدولاب واحتارت وش تختار
شهد وهي ماسكه فستان باليد اليمين وفستان باليد اليسار:غلا ذهبي ولا وردي
غلا:انا أقول الذهبي أفخم يناسب عرس
شهد:بس هو عزيمة مو عرس
غلا:أنت ليه متشائمة وشو الفرق بين العرس والعزيمة زفه كوشة ومسكه ورد وفستان وبوفيه وطاولات كلهم نفس الشي
.................................................. ..............
العصر من نفس اليوم....
راح بندر بيت أبو الوليد بدون مايعطي خبر لشوق يبي يحطها قدام الأمر الواقع طبعاً أهل شوق ماتدخلوا بين شوق وبندر عشان يحلون النزاع الي بينهم(كبيره الكلمة على الموقف بس مخي فاضي مافيه كلمه تناسب يمكن تأثرت بالأخبار(
فيصل:حيا الله من جانا من زمان عنك ياخوي
بندر:مشاغل الدنيا تدري مع سعود اخوي
فيصل:الا شخباره الحين؟؟
بندر:الحمد الله على كل حال
فيصل:أنشاء الله أنزوره اليوم مع الوالد
بندر:حياكم الله ممكن تنادي لي شوق
فيصل:تأمر أمر وإذا تبي تدخل لها تفضل ماعندنا احد غريب هي بجناحها
بندر:اوكي شورتك وهداية الله
فيصل:تفضل وراح معه عند جناح شوق..تفضل انا بخليك الحين
.................................................. .............

دخل بندر صالة الجناح ماشاف احد دخل غرفة النوم وكانت فاضيه قعد على السرير وكان مقابل الحمام ...شوي وطلعت شوق من الحمام شوق أول ماطلعت من الحمام وشافت بندر انصدمت غمضت عينها وافتحنها تحسب نفسها تحلم من كثر ماتفكر فيه صارت تشوفه قدامها...
بندر:أخبارك شوق؟؟
شوق مو مصدقه أنها تسمع بندر وش جيبه غرفتي:نـــعــم!!!!
بندر:أقولك أخبارك؟؟
شوق بجفاف:بخير
بندر:شوق لازم نتفاهم..
شوق قعدة بلا مباله على الكنبة:مافيه شي نتفاهم عليه وإذا ممكن تطلع لان مافي شي نفاهم عليه
بندر وقف وهو معصب تطردني!!:على العموم الله يسامحك بيجي يوم الي بتعرفين فيه انك غلطتي فيه علي
شوق بستهزء:أي الله يسامحني ويساااامح الجميع..
بندر:انا بسافر مع اخوي عشان يتعالج وأتمنى انك تفكرين انا ماراح ابرر لك نفسي بس انا تغيرت عشانك بس أنتي ظلمتيني وانا متمسك فيك للآخر
شوق:صراحة أبدعت تعرف تمثل دور البراءة أتذكر ولا أذكرك بشهر العسل اوووه وهي تحط أيده على فمها أسفه قصدي بشهر النكد لما كنت تكلم صديقتك أو خويتك أو عشيقتك اختار الي يريحك كنت تعاملني كأني مغفلة محد جبرك تأخذني ولأحد جبرني أعيش معك خياناتك أو نزواتك الي ماراح تنتهي تدري إني صرت أكرهك واكره اليوم الي عرفتك فيه واكره كل شي يذكرني فيك انا نفسي صرت اكرهها منك
بندر:لاتعبين نفسك سمعت بما فيه الكفاية مع السلامه وطلع.....
أول ماركب السيارة ودعس على الأخر وصل البحر وحط رأسه على السكن.....
بندر حس إن احد خذ قلبه وعصره تكرهني حس بندر إن شوق شي عزيز عليه وما يبي يخسرها ....اااه يا قلبي خنتني حبيت بعد فوات الاااوان البنت إلي خسرتها يوم كانت ملكي وسعادتنا في أيدي ضيعتها وجرحتها رغم أنها كانت تبيني والحين أنا إلي أتعذب............
بندر مايدري وشو يسوي دق على صديق عمره وكاتم أسراره(نايف)
نايف:السلام عليكم ومرحبتين كبار
بندر بضيق باين على صوته:وعليكم السلام هلا
نايف حس من صوت بندر انه فيه شي:بندر فيك شي
بندر:نايف متضايق حدي ومدري شسوي ... ونزل من السيارة
نايف:أنت وين؟؟؟
بندر:عند البحر
نايف:في أي جهة؟؟
بندر:عند مطعمـ اوشيانا
نايف:اوكي 5 دقايق بالكثير وانا عندك
بندر:أقول بلا سرعه إنا ماراح أطير خذ راحتك
نايف:أنشاء الله طال عمرك يالله سكر
بندر:يالله بااي
عشر دقايق ونايف وصل عند بندر
سلم نايف على بندر وجلس جنبه وعم الصمت نايف كان يبي بندر يتكلم من نفسه
بعد فتره تكلم بندر وهو ماحرك عينه من البحر:مدري شسوي والله احترت!!!
نايف :وشو ألي حيرك؟؟
بندر:شوق ماتبي تسمعني تخيل اليوم رحت لها البيت وطردتني مدري شسوي إنا مابي أسافر وهي زعلانه مني والله محتاج لها
نايف:اسمع يابندر الغلط منك من أول أنت كنت تكلم وأنت متزوج وأنت كنت مأخذها نحاسه وهذا كل انقلب ضدك أنا مابي أزيدك بس ألي صار لها مو شوي أنت وصلت فيك تكلم بشهر العسل يعني الشك صار داخلها وهو يبي لها فتره الين ماتنسى اوتتناسى
بندر:بس أنا تركت سارة من زمان وأنت تدري سارة دقت علي تبي تعزمني وبس
نايف:شوف مالك الا انك تكلمها إذا رجعت من السفر
بندر:مقدر أنا يمكن أطول بسفر وأبيها تكون معي
نايف:والله آمرك عجيب قبل كنت بس تبي تفتك منها والحين ميت عليها(نايف كان يبي يحسس بندر بغلطه وحركته انه تزوج عشان ينتقم مو حركة رجال عاقل(
بندر بعصبيه:نايف لاتزيدني بعدين انا كنت قبل اكرها والحين غير ..هدأ شوي والله يانايف العشرة تغير
كل واحد فيهم سكت وماتكلم قام بندر ومشى ووقف قدام البحر
قام نايف ولحقه:شوف يابندر مالك ألا النسيب
بندر:من تقصد خالد لاااا يأبوك أخاف منه
نايف وهو يضحك:هههههههه أنت تخاف من احد
بندر:لاااا والله شكله شري
نايف:حرام عليك تراه طيب
بندر وهو متردد خايف نايف يعصب عليه:ليه ماتخلي أختك تكلمها أهي اعز صديقاتها
نايف:هو حل معقول إنشاءالله أخليها اليوم تكلمها وإذا مانفع مالك إلا فيصل تراه عقله كبير وبيفهم لأنه كان طايش مثلك
بندر:روووح بس ياشريف مكة
نايف:ليه عندك شك أني أعقل منك
بندر:لا ماعندي شك اسمع أنا بروح أتسبح بعدين بروح عند سعود وأنت كلم أختك ورد علي اوكي
نايف:امررررر
بندر:يالله فمان الله
راح بندر بيتهم عشان يتسبح ويروح لسعود لمستشفى
ونايف رجع البيت ونادى على غلا
غلا:سم
نايف:تعالي معي الغرفة أبيك بموضوع
غلا وهي خايفه ماتدري وشو يبي منها نايف:اوكي
نايف بنظرة غضب:سكري الباب
غلا خلاص راحت فيها :نايف ليش أطالعني كذا أنا ماسويت شي
نايف يبي يلعب بعصابها :متأكدة أخت غلا مأسويتي شي
غلا وهي فيها الصيحة:والله العظيم ماسويت شي وربي
نايف خلاص مات ضحك على شكل أخته
غلا وهي منقهره:يامعفن ياشين حركاتك وقفت قلبي
نايف:اصغر أعيالك تقولين لي ياشينك أنت وجهك يالضفدع
غلا:أقول والله انك فاضي أنا ورأي شغل عرس أختك مابقى له شي والشغل فوووق رااسي
نايف:قعدي بس أبيك بموضوع
غلا:من جد ولا تلعب
نايف:قعدي بس
غلا:وهذي قعده

نايف:اممم شوي الموضوع شوي معقد ومركب وداخل في بعضه
غلا قاعدة وتسوي حركات بوجها
نايف بصرخة:غلا والله بكفخك أكلمك جد أنا بحالي مدري شلون بفتح معك الموضوع
غلا بخبث:عرفت تبي تتزوج
نايف ماسك أعصابه مايبي يصرخ عليها شكل أخته غبية إذا هي كذا شلون بتحل الموضوع:لاااا مابي أتزوج سمعيني ولا تقاطعيني,, بندر يبيك تصالحينه مع شوق
غلا فكت عيونه صارت سميد<= شخصيه كرتونية
نايف :لاتتكلمين خليني أكمل ادري بندر غلط من البداية وزواجهم كان غلط من الأول بس هو تغير والي تحسبه شوق بحق بندر غلط سمعيني يا غلا أنا أخوك وعمري ماكذبت عليك أنا مو موقف ادافع عن صديقي وأنتي تدافعين عن صديقتك أحنا نبي نصلح بينهم وقالها سألفت سارة من أول إلى أخرها ....أنا ماغطي عليه هو غلط بس هو قطع علاقته بهذي البنت من شهور ولو بندر مو معه الحق ماكان تدخلت أو خليتك تدخلين هذي حياة زوجيه ومفروض محد يدخل فيها ألا الزوجين بس حالهم كذا غلط وكل واحد فاهم الثاني غلط أنا عند الصح أقول صح وعند الغلط أقول غلط
غلا:وانا اشهد رايتك بيضه ياخوي أنا بسوي ألي اقدر عليه وبرد عليك
نايف:الله يرضى عليك بس بسرع وقت يعني خلال هاليومين لان بندر بيسافر مع أخوه للعلاج ومايبي زوجته تكون زعلانه عليه وهو مسافر وهو مايبي أهلها يدخلون عشان ماتهتز صورته قدامهم ويقول أنا بندر ماقدر بنتهم بندر تغير وخل حركاته القديمه وشاري شوق بحياته
غلا:أنشاء الله بكلمها اليوم وبسوي ألي اقدر عليه...تبي شي ثاني
نايف:لاااا تسلمين أنا بطلع الحين بروح ازور سعود أذا بغيتوا شي call me
غلا k brother
نايف: bay sister وطلع
راحت غلا عند شهد تشوف وشو تسوي
غلا:what do you do??
شهد: thinking
غلا:بشنو تفكرين؟؟
شهد:أبي اشتري فستان عرس
غلا:شنووووو؟؟؟
شهد:ليش مستغربه كل بنت تتمنى تلبس فستان عرس
غلا:أنا معك وهذا من حقك بس مافي وقت
شهد:أنا بشتري فستان جاهز ماراح افصل بلاقيه بسهوله
غلا:تعرفين محل اوكي وعنده فساتين أعراس
شهد:مدري بس أفكر اختار التصميم من النت لمصمم مشهور أو من الكتلوج وهم بيرسلونه لي..
غلا:ظنك يمدي؟؟؟!!!
شهد:أتوقع قومي خلنا نصلي بعدين ندخل النت على موقع زهير مراد أو أيلي صعب
غلا:اوكي وطلعت وراحت غرفتها توضت وصلت المغرب ودقة على شوق
شوق:هلاااااا والله ارحبوووووو
غلا:مرحبابك غلاتي
شوق:أعلومك
غلا:أعلومنا نفس ماهي بس صار في حوسه الأخت شهد تبي فستان عرس
شوق:مايمديها
غلا:بتختار من النت وهم بيرسلونه
شوق:الله يعين أنا بعد شوي بروح اشتري لا أسول فستان وإذا مدا الوقت بروح محل تنظيم الأعراس
غلا:محل التنظيم خليه بكره نروح جميع
شوق:اوكي أحسن عشان غلا تختار الألوان
غلا:ألا أي قاعه بتسونه
شوق:يقول فيصل قاعه....... بحي........
غلا:اعرفه حاضره فيها عرس مره فخمه

شوق:يقول فيصل البطايق بعد 4 أيام تطلع يعني تمدي توزعونها على العايله اسمعي فستاني بشتريه معك خبرك أنا صايره دبه ومآبي يبين علي عند أهل بندر أخاف يدرون أني حامل
غلا خذتهم السوالف وتوها تذكر سألفت بندر:شوق بالليل لاتغلقين جوالك أبيك بموضوع مهم
شوق:قوليه الحين بالليل بغلق الجوال بندر يسوي لي إزعاج من كثر مايدق غير انه جاني اليوم
غلا:بلا عناد قلت لك لاتغلقين أبيك بموضوع ضررررووووري
شوق:قولي الحين؟؟
غلا:شهد تنتظرني بندخل النت عشان ندور الفستان وإذا تأخرت بتاكلني
شوق:بس عشان مرت اخوي بروف بحالك
غلا:مااااااااااااااااااالت عليك يالله باي
شوق :بااااااااااااااااي
فتحت الباب ودخلت
شهد:سنه انتظرك
غلا:كنت اكلم شوق أشوف الترتيبات
شهد:آآآآآآآآآآآه إذا كذا عادي خل ندخل النت من عندك
غلا:اوكي جيبي الاب توووب
دخلوا النت ...
شهد:دخلي msn وسوي بحث شرايك زهير أول ولا أيلي
غلا:أيلي لأني أحب تصاميمه وإذا لقيت لي فستان بأخذه
دخلوا على موقع ايلي صعب وقعدوا يتفرجون على الصور
شهد وهي تصارخ:هذا هو رووووووووووووووووووعه صح
غلا:صرااااااااااااحه خياااااااااااااااااال ولونه ارووووع وشكل ألمسكه غريب بس اختاري طرحه غير
شهد:اوكي..اختارت شهد الطرحة وعجبت غلا
غلا:انا محتارة بين الفستان الفوشي والأخضر الستان واتركواز
شهد:انا أقول الأخضر حلووو يكفي انه سعودي بعدين أنتي بعرس شوق كان لون فستانك فوشي على تركواز
غلا:شورتك وهداية الله أشرايك نختار حق أمي
شهد:والله فكره بس أخاف أحنا قاعدين نتعب حالنا ومايقدرون يرسلونه لنا بخلال اسبوع
غلا:عطيني جوالي بندق عليهم
شهد:خذي
غلا خذت الرقم من الموقع ودقت على الفرع الي بلبنان ردت عليها وحده
اللبنانية:أهلا وسهلا دار أزياء أيلي صعب
غلا:هلا والله
اللبنانية:آمر حبيبتي
غلا:انا من السعودية واخترت فستان من الموقع بالنت وأبي اعرف تقدرون ترسلون الفساتين لنا
اللبنانية:أي حبيبتي أنت بتئولي لي شو رئم الفستان وشو مئاسك وخلال أسبوع أنشاء يكون عندك
غلا:انا مختارة أكثر من فستان
اللبنانية:ألك تكرمي
قالت غلا لها أرقام الفساتين والمقاسات وطبعا ادفع على رقم الحساب وعطتها رقم جوالها عشان تتواصل معها
اللبنانية:أهلا وسهلا شي تاني حبيبتي
غلا:لا تسلمي بس يمكن اطلب فستان ثاني بكره بكون معك على اتصال
اللبنانية:تكرمي
غلا:بااااي
اللبنانية:بااااي
شهد مستغربه:أي فستان بتاخذين بعد؟؟؟

غلا:حق شوق
شهد:آآآآآآآه شرايك نختار الورد من النت أنجيبه من براء آحلى
غلا:أقولك يابنت البطره ماعندنا ورد هنا بعدين فستانك سعره يكفي 7 آلاف دولار لو درت أمي بتنجلط بتقول لك لبست ساعتين بيقعد بالدولاب
شهد:أقول سكتي ولاتقولين لحد وخل ننزل ونوري أمي الفساتين

يتبع ,,,
👇👇👇
أحدث أقدم