بارت

رواية أشكي للي بين ضلوعي -26

رواية أشكي للي بين ضلوعي -29

رواية أشكي للي بين ضلوعي -26

تعويض انا جاهز يا بدر.....
بدر:مشكور يا عم...دوم انت كريم وما قصرت علينا....بس انا ما بغيت اطلقها كذا عشان تعرف اني ما ظلمتها وقلت يمكن يوم نبعد عن بعض تتقارب قلوبنا ونحن لبعض......
العم:هذا العشم فيك....
وراح العم وهو ميت من الفشيله....وراح لبنته ووراها العذاب بالشئ اللي سوته....وعلمها الادب والاصول.....
مسكينه كانت تتوقع ان ابوها يقول لها ان ولد عمك ويبيك وكانت تنتظر رساله او اتصال عشان تذله فيها......
مالقت الا رساله وحده من بدر......
كنت اتمنى اننا نتفرق على خير....بس تستاهلين اللي جاكي واللي بيجيكي وانتي طالق......
وطلقها بدر وافتك منها...واستااااااااااانست غادة وحست براحه لان هالافعى بتروح من بيتهم....
وخوال بدر(ابو فيصل_ابوخالد) مره ما عجبهم الوضع.... واستغربوا مره من السالفة اللي صارت.....
ابو خالد:الله يعوضك خير يا بدر.....
بدر:الله يجزاك خير يا خال....
ابو فيصل:بناتنا عندك انت أشر على اللي تبي واحنا حاضرين...وترى حنا اللي بنزوجك....
بدر:ما تقصرون يا خال....
فيصل:الحمدلله ان ما كان فيه عيال والا راحوا فيها.......
بدر:الحمدلله........
حس خالد بتاثر بدر...وتمنى هالشئ ما يصير لانه بين عوايل...وهالشئ يقهر مره لانه مع بنت عمهوالسالفة انتشرت وكلن درى بالسالفه........
اما فيصل حس ان الحرمه ما تنعطى وجه لانها بتشوف روحها وتسوي مثل ما سوت بنت عم بدر....
ومنصور حمد ربه ان السالفه انتهت على خير.....وحاول يكون مع بدر طبيعي ولا كان صار شئ...ولا كانه درى عن الموضوع

خالد:والله يا اسامه انك رجل نتمناه...بس الوالد عنده تعقيدات بالزواج...والا لوعليّ كان وافقت على طول....
اسامه:هذا اللي مرددني من اول...لاني ماني من ديرتكم فتوقعت الرفض...واختك الله يوفقها....
خالد:الله يوفقها بواحد مثلك...ولاتزعل منا....
اسامه:ابد لازعل ولا شئ.......
خالد:طيب فمان الكريم.....
اسامه:مع السلامه......
منصور:غريبه ليش ابوي رافض اسامه؟؟؟مع انه مره عاجبه.....
خالد:ابوي من الاستحاله يزوج احد برى منطقتنا....
منصور:والله ما عرفنا لا كان من المنطقه قال مهو قبيلي واصله مدري وين ولا كان برى قال لا مو من منطقتنا ما نزوجه....
خالد:الله يهديه..والا عهود ما راح تلاقي ازين من اسامه.......
منصور:الله يعين...ما تلاحظ من سحبت الخيط بدت الخطوبات ورى بعض.....
خالد:هههههههههه قال لا اله الا الله ...انا فاتحة خير عليكم.....
منصور:الله كريم....
خالد:يالله كلها كم شهر وتصير في العش الذهبي مع نفس الطابور....
منصور:مررررررره بعيده وانسوني.....
خالد:ما راح ننساك.....وتراني باصير وراك لين تعرس.........
منصور:طيب تر ى اليوم بيجي زوج خالتي ابومحمد ومعاه سلطان....وشكله مشروع خطبه....
خالد انقبض قلبه ما يدري ليش؟؟...وحس بضيق...يمكن دافع الغيره....وان هوحبيب زوجته الاولي..
منصور:ابو الشباب انا هنا....اقول ترى اليوم لازم نوقف مع ولد العم..
***************************

عهود:ما ادري مره متردده.....وش رايك جوري؟؟؟
جوري آه وش رايي بسلطان...خلوق حبيب...وسيم...يدخل القلب...يحب اللي قدامه....ما ادري ليش هالمواجع لازم ترجع....معقولةما خرج من قلبي وانا اقول لخالد طيش شباب...واثره داخل قلبي... ما ادري ليش حاسه انه حلم وبارجع مثل ما انا.......
عهود:جووووووري.....انا على اعصابي......
جوري:صراحه سلطان اللي اعرف عنه انه خلوق...ومررررره مؤدب وحبيب.... يمدحه فيصل كثير(فتحت اذانها غاده)....ومره مع فيصل...ملتزم بس مو مشدد...
عهود:انا استخرت وحسيت عادي...مافي أي شئ......
جوري:توكلي على الله وسوي الشوفه...حتى امه طيبة....يعني بتصيرن تحت ظل الخوال.....
عهود:والله حتى خالد يمدحه ويقول لانسافر الا وحنا ملكين....
غاده:وخالي وش يقول؟؟؟
عهود:ابوي ما قال شئ....بس امي تقول انه عاجبه.......
غاده:اجل توكلي على الله ووافقي......
عهود:باستخير مره ثانيه واشوف........
<<<<<<<<<<<<<<<
خلودانهارت من الصياح يوم عرفت انمافيه أي امل...وعرفت ان السبب قوي ولايمكن يتصلح أي شئ....
تنكدت ونكدت اختها عهود...لاهم عارفين يتكلمون مع بعض...ولا خلود عارفه تأقلم نفسها.....
خلود كانت تعيش صدمه ما توقعتها ولا واحد بالميه......
وعرفت انها ظلمت اختها وظلمتها كثير....وبالاخير اختها اللي انخطبت والكل مستااااااااانس وفرحان بهالخطوبة.....
وانا ولا احد عبرني ولا واساني....ولا قالوا لي ولا شئ........
خلود تعيش بحياة ضيقه وتحس ان الدنيا انقفلت بوجهها....ما تبي تتزوج اللحين بس اقل شئ تضمن سلمان اللي حبته ولا تقدر تستغني عنه......
عهود:ها خلود...الى الان ما اعطيتيني رايك.....
خلود ودموعها على وجهها:الله يوفقكِ يا عهود...اذا الكل مدحه ودامه قريب واصله منقى من الشوائب خوذيه ولا ترددي.....
حست عهودان اختها بحاله ثانيه...حالة كئيبة...منقى من الشوائب...يعني ما زالت كارهه الدنيا كلها... واكيد كرهت ابوي.....
حالة خلود كانت لا تسر لا صديق ولا عدو....تعلقت خلود بسلمان لدرجة الجنون....وهوبعد يحبها ومتعلق فيها.....
من طلعت على الدنيا وهي تشوف دلعه واهتمامه فيها...وتميزها عن غيرها......
كان المشاعر له...والحب له...والاهتمام له...محد يشاركه.....ولا احد ينازعه......
واللي خلاها تتعلق فيه...هو حبه القوي لها.........
عهود:خلود ما يصير اللي انتي تسوينه بروحك....طيب يمكن فيه شئ ضرر لكم والله ابعده عنكم ما تدرين وين الخير.....
خلود:أي ضرر....اساس الزواج الحب..واللي يحب يضحي واناوهو مستعدين نضحي بارواحنا لبعض... الله يقطعها من عادات.....
عهود:حرام عليكي يا خلود...انتي ادعي ربك انه ييسر لك الخير وين ما كان وصدقيني لايرد القضاء الا الدعاء...واذا سلمان فيه خير الله بيجيبه يوم من الايام بس انتي لا تهملين الدعاء.....ولاتهملين روحك...امي شوي وتبكي من حالتك واللي مجننها انها ماهي عارفه وش فيكي؟؟؟؟
خلود:طيب وش اسوي؟؟؟؟؟
عهود:تسبحي واطلعي معانا...حاولي تبعدين عن العزله ترى الشيطان تبدا تتسلط.....
خلودخوافه وتكره هالسيره:اعوذ بالله...خلاص اللحين اتسبح واحاول اخرج......
عهود:لا تطولين في الحمام تراه مجمع الشياطين....
خلود:ان شاء الله......
خلود بدت اول مرحلةاو مرحلة قبل البداية...وحاولت انها تقعد مع الناس...مع انها كارهه العيشه وكارهه بيت عمها وكارهه كل شئ فيه.........
*************************

فيصل:اسالك بالله من اللي كانت امس لابسه بنطلون جنز....
جوري:ليش؟؟؟؟
فيصل:من سال بالله فاجبوه.....
جوري:طيب ليش؟؟؟؟
فيصل:مية مرة قلت لك قولي لي من هي واقولك ليش؟؟؟؟
جوري:احنا يالبنات عند كلامنا ونقول...بس انتو يالعيال ما يندرى عنكم.......
فيصل:لا يا شيخه اللحين صار كلام حريم...وكلام الرجال ماله أي وجود.....
جوري:انا قلت لك باقول لو قلت ليش؟؟؟؟؟
فيصل:وانا قلت لك قولي اول وانا اقولك....
جوري:اجل بنطووووووول.......
فيصل:يا جوهره انا رجال وانا الكبير وانا اللي سالت اول واحد صح.....
جوري:صحين.....
فيصل:اجل قولي من هي؟؟؟؟؟
جوري:طيب بس باقولك احتمال هالشئ من صالحها......
فيصل:من صالحها وبقوووووووه......
جوري:والله العظيم.....
فيصل:والله العظيم......
جوري:ولو عرفتها ما راح- تنضر وتاخذ عنها فكره شينه.....
فيصل:يا بنت هذي يا بنت عمي يا بنت عمتي...واللي بيضرها بيضرني.......
جوري:طيب انت حلفت وقلت هالشئ من صالحها.....هي غاده......
فيصل انصصصصصدم واخر ما توقع انها غاده.....غاده الثقيله اللي ما تتكلم.....
اجل كانت تستحي مني وانا الخبل ما ادري عن شئ.....
جوري:واااااااااااو....السالفه كايده...وش في؟؟؟؟
فيصل:ماني معلم!!!
جوري:شفت انك ثور...قسم بالله انك نصاب...انا الخبله اللي قلت لك....يا...
فيصل:بس بس محد يمزح معاكي......
جوري:اشوى...وش السالفه بسرعه......
فيصل ما راح يقولها السالفه لان قطع على نفسه عهد بينه وبين نفسه ان سالفتها ما تطلع لاحد..... وبغى يلف السالفه بشكل خرافي......
فيصل:بصراحه انا من اول ودي اخطب من البنات بس امس شفتها وعجبتني مرررره وقلت هي اللي باخطبها وجيت اقولك بس ما تعلمين احد.....
جوري:ابووووووهم منت هين......
فيصل:بس عاد لاتحرجيني........
جوري:يا عيني على اللي يستحون.....ابشر بالسعد وانا اختك باروح اشاورها.....
فيصل بثقه وبغى يفضح روحه:ما يحتاج تشاورينها.....
جوري:وليش ان شاء الله.....
فيصل:أأأأ لا بس ايه.....اقصد ان فيصل في احد يرفضه.......
جوري:يا عيني على الثقه....من الحين شايف روحك ترى اقولها انك مغرور وما راحت توافق....
فيصل:طيب قولي بها مغرور.....
جوري:بس ترى اللي سويته غلط.....لا تقعد تقز...عيب عليك البنات كانوا واثقين ميه بالميه ان مافي عيال.......
فيصل:بس انا قايل لك شوفي لي الطريق......
جوري:طيب نروح نشاور العروس ونشوف وش رايها بالمغرور.......
فيصل كان متاكد ميه بالميه انها هي....لانها تركت ورقتها اللي كانت متردده تنزلها اولا وكان مكتوب اسمها بالنقليزي.....وكان بيتاكد انها هي نفسها اللي دخلت موب ورقه جت بالغلط.....
******************************

خالد استغرب من عادل...واحترمه عشان راشد معاه.......
فرح خالد اكبر فرحه بتوبة عادل....وعزمه عنده على العشا ورحب فيه اكبر ترحيب.....
عادل عرف ان اهل الخير كثاااااااار...بس هو غافل عنهم......
خالد خلا عادل يتعرف على منصور...ومنصور بدوره ما قصر على عادل بشئ....
وواظبوا اثنيناتهم على حلقات العلم......وكل واحد يكون عون للثاني لا كسل......
اشد بشر خالد عن زواجه وفرح مررررررررررررررررررره وبارك له ووصاه وقاله بحسبة اختي.... حس راشد بقوة العلاقة اللي بين خالد ولؤي وعرف ان الصديق الوفي طول عمره مخلص حتى لوكان ما يقابل الجسد الثاني.......
جوري قابلت لمياء...ولمياء فرحت لجوري بخالد وتمنت لها كل خير......
وصارت تدعي لهم وتبارك....جوري ماتت من المستحى على هالحب من لمياء......
جوري عطت لمياء رقم جوالها ووصتها انها تعتبر جوري مثل الاخت وما بينهم أي شئ......
عيوش عاجبتها جوري وحست انها من عائلة راقيه...بس ما بيت أي شئ...وذبحها الفضول تمنت لو تعرف اكثر عن جوري.......
تفارقوا لمياء و جوري على امل انهم يتقابلون والنفوس راضيه عن بعض.....
استانس خالد على جوري وهي تحكي لهعن العائلة وعن لطفهم.....وحمد ربه ان حتى زوجة المستقبل متعاطفه معهم......

منصور تاقلم مع عادل كثيييييييير....وعادل اللي جلس جلسه كامله وهو يحكي لمنصور عن حياته قبل.... وتمنى انمنصور يسامحه من قلبه على اللي سواه.......
منصور يضحك على عادل...لانه ما درى انه هو السبب ورى دخوله المستشفى بالعكس هالدرس علمني كثيييييييييييير وخلاني اعرف وين الدنيا ووين انا......
عادل استغرب...معقووووله خالد ما قالهعني وعن مشاكلنا مع بعض؟؟؟؟؟وبنفس الوقت اعجب بخالد... هذا اللي اشوفه احقر انسان يطلع كذا......
على اختلاف العمر انسجموا مع بعض....وصاروا مع بعض...ويذكرون بعض وتغيرت حياة عادل كثييييييييييييييير وحس بالسعاده المفقوده.......

فراس حب راشدكثير وهالشئ اللي طمن لمياء.....واستمرت حريته ببيت عمه بدون تسلط من احد.... واستانس انه يشوف اخته لمياء اكثر من قبل....وهي ماهي منقصه عليه بالحنان وتتمنى انه ما يدور هالشئ وان اللي ناقصه بتعوضه هي.........
*****************************

الف الصلاة والسلام عليك يا حبيب الله محمــــــــــــــــــد......
كلولولولولولولولولولولولولولولويــــــــــــــــــ ـششششششششششششششششش

والف الصلاة والسلام عليك يا حبيب الله محمــــــــــــــــــد......
كلولولولولولولولولولولولولويــــــــــــــــــــــ ــــــششششششششششششششششششششش

ونزلوا العروستين عهود وغادهمندرج بيت عمهم....والاحرااااااج بوجيهم.......
الفرحه بوجيه الكل.....والكل فرحاااااااااااااان عشان هالملكه اللي ما جت عالبال ولا عالخاطر....

وكلولولولولولولويييييييشششششششششششششششششششش

جوري:احلى عروستين بالكون...كلولولولولولولولولولولوييييييييييشششششششش شششش

وتمسك خلود الورد وترشه عليهم......وشريط الزفه شغال......
وكل الحريم فرحانات....واجتمع شمل العائلة بهالملكه.........
كان شكل العروستين ياخذ العقل.....والكوفيره اصرت انها تسوي لهم مكياج مبهرج حتى لوكانت الملكه عائلية......

خلود استاااااااااانست لاختها ولوان الحزن بوجهها......لكن فرحت لها من قلب....وحست انها غلطت بحقها كثير وان اختها تستاهل كل خير........
عهود كانت قوية في التحمل وكانت دائما تقول ان الزواج شئ ماهو مخيف واحنا طيبين والله بيعوضنا بالناس الطيبة.....وعوضها بانسانطيب خلووووووووق وحنوووووووووون لايق عليها.....
اما غاده فكانت مربوووووشه وخااااايفه....تحس انها جريئة وما تستحي...بننفس الوقت لوما سوت اللي سوته كان ما ناظر بوجهها ولا عبرها....واهون عليها انها تتجرا ولا يروح منها وتقعد طول عمرها بحسره....
تذكرت يوم تقول لجوري بلا حب بلا خرابيط....تناقض روحها وودها تقتنع بالكلام الي تقوله.....

انتهت الزفه وقعدوا بالصالة البنات والبحريم......
الكل فرحاااااااااان لهم وجوا يسلمون عليهم........
ام محمد:مبروك يا عهود.....
عهود ميته من الحيا قدام ام زوجها:الله يبارك فيكي......
ام فيصل:مبروك يا غاده......
غاده:الله يبارك فيك يا عمه.........
جوري:الف الف الف مبرووووووووك للعرايس(وتسلم عليهم)
خلود:الف مبروك يالغاليات.......(وتسلم عليهم).....
يوم جت خلودعند اختها نزلت دموعها غصبا عنها...وما تحملت وابعدت عنها شوي لا تصيح.....
عهود مسكت روحها لا تصيح هي الثانيه......
غادة اللي تمنت ان يكونعند اخت قريبة...احد تصيح معه.........

قعدوا البنات وانواااااااااااااااع الهيصه والفله والوناسه......وخربووووووها مع الحريم.......
الحريم استانسوا مره وحمدوا ربهم على هالملكه...وفرحوا بجمعة العائلة مره ثانيه....والنسب يقرب القلوب.........

الرجال ربشه عندهم....واللي راحوا فيها منصور وخالد وبدر....وفيصل حلف انه ما يتحرك...عرييييييس من قده.... وابلش خالد بيذله كل شوي يصب له قهوه.........

اما سلطان مستحي ببيت مهو ببيته يقوم ويقهوي....بنفس الوقت موب قادر يقعد كذا بلا شغل ولا مشغله......
والرجال رجعوا لسالفة الاولين وطريقة زواجهم....وصاروا يسبون بالرجال اللحين...والعيال حمدوا ربهمان مافيه احد من البنات يسمعهم والا راحوا فيها وطي من سب الرجال فيهم.......

غاده خاايفه مررررررره وحاسه انها داخله جو غريب....وعالم اغرب....ما تدري تترك صرقعتها والا وش بتكون حياتها......
وفيصل مات من الوناسه ان فيه احد معبره ويحبه....وهالشئ يوممنجا غاده اللي يحس انها ثقيله خلاه يحبها قبل لا يتكلم معها....ومو على أي حال يكون تفكير الرجل كذا...وهالشئ تحمد ربها عليه هي غاده لانه ما فكر باي تفكير ثاني.......

سلطان حس ان عهود ثقيله وعاقل...من كلام اخته ام رغد عنها.....ولولو اللي تقول هي فله فله بس فيها ثقل ماهو باحد......
عهود مستحيل تصير ربشه مع أي احد من اول مره........

تعشوا الحريم والرجال والعرسان يبون يشوفون عرايسهم......
العيال ما قصروا وضبطوا المجالس الداخليه وحده لعهود وسلطان ووحده لغاده وفيصل.......

غاده شوي وتصيح....اما عهود ما كانت تتخيل وحاسه ان الموضوع احراج لا غير......
يوم قالوا لهم ادخلوا....كل وحده ماسكه صيحتها,......
جوري تهدي بعهود....وخلود تهدي بغاده....احتااااااااسوا معهم.......
وفيصل وسلطان على ناااااااااااااااااار...........

جوري:عهود وين القوه والشجاعه...مافيها شئ بالعكس دامه بعيدعنك شوي تراها تهون......
عهود:والله باصيح....مو لعب...حاسه اني باموت من الصياح........
جوري:عاد لا تبلشينا...الكوفيره مشغووووووله وماهي فاضيت لنا.......
عهود:والله انك رايقه أي كوفيره أي خرابيط.......
جوري:عهوووووود والله ما راح يسوي شئ....راح يدخل معك خالد.......
عهود:بس ما يطلع يقعد معنا......
جوري:وش يقعد معكم؟؟؟هذي مي شوفه بعدين لازم تتأقلمون على بعضكم.......
عهود:والله ميته خوووووف.........
جوري:خلاص يقعد معكم شوي.......
عهود:ايه كذا اهون.........

<<<<
خلود:غدو يا قمر....ترى ان اخترب الميك اب مالي دخل فيك....ماني معدلته....عاد تخيلي فستان وتسريحه ومافي ولا شئ من المكياج.......
غاده:اسكتي...ماني فاضيت لك...قلعته المكياج......
خلود وهي تبتسم على غاده:يوووووو بعدين ينفجع من شكلك....ايش رايك ادخل بدالك......
غاده:نعم!! لا ارتاحي......
خلود:هههههههههه طيب ليش خايفه....والله الدنيا فانيه......
غاده:والله ميته خووووف ابغ بدر يدخل معاي.....ما ابي اروح الحالي.....
خلود:يالله عاد...تبين الدلع والغزل وفيه احد من اخوانك شلون تصيرين عروسه.....
غاده:خلاص بطلت ما ابي اصير عروسه.......
خلود:ههههههه هي غاده بسررررررعه قومي ينادونك.........
غاده قامت من الكرسي بخوف:ها...وشو؟؟؟لا تكفين مين!!!!
خلود:يالله ينتظركي بالمجلس دخلي بسرعه والا عمي بيدخل كي........
غاده:لا وشو؟؟؟طيب نادي جوري تجي معاي.......
خلود:يعنني عروسه...طيب نمشيها لكي...يا جووووووري تعالي بسرعه......
جوري:حتى ذي.....ابخلص من عهود جيتي انتي......
خلود تغمز لجوري:بسرعه فيصل توه كلمامك وقالها خلي غاده تدخل...وغاده تقول ابغ جوري تدخل معاي.........
جوري:ايه حتى دق على جوالي........
غاده:يووووو يممممممه....طيب شلون شكلي........
خلود:يجننننن بيخزي العين شوجنان شكلك.........
اطمنت غاده وراحت مع جوري وصارت قدام المرايه تناظر وبالموت دخلت........

عهود راحت مع ام رغد......وما قدرت تعارض....... وحاولت تكون طبيعيه قدام ام رغد بلا فشايل.....
اما لولو اللي طارت على المجلس تبي تشوف ردة الفعل من سلطان ولانها تبي تحرجه......
خلود تاكدت من انمكياج عهود ما اخترب......وعدلت لها شكلها عالطاير.....وعطرتها وخلتهاتدخل..... الحريم معارضات على فكرة العرسان يدخلون عليهم ويشوفون عرايسهم.... بس جوري وخلود ورى كل هاللقاء عشان يصيرون هم الاقوى وما يقدرون يعارضون الحريم..........
**********************

دخلت غاده وهي كلها خوف....خايفه من اللي سوته.....
وتندمت كثيـــــــــــــــــــــر...تمنت بهاللحظات هو فيصل تقدم لها من دون لايدري بحبها.....
حست انها صغيرة بنظره....وانها غلطت غلطة كبيرة.....
فيصل:وعليكم السلام ورحمة الله وبركاته.......
ابتسمت غاده لانها ما سلمت........
قام فيصل وراح عند غاده ومسكها مع ايدها ووداها للكنبة الكبيرة(يعني بيجلسون بكنب واحد)...
فيصل:مبروك عليك فيصل....
ابتسمت غادة وقالت بحيا:الله يبارك فيك..ومبروك عليك غادة.....
فيصل:الله يبارك فيك يا احلى عروسه......
غاده ودها تستهبل بس مي قادرة...وحاسه انها غلط تقعد مؤدبة......
جوري:مبروك يا خوي....
فيصل يسوي انه مؤدب قدام غاده:الله يبارك فيك.....
جوري:الله وش هالحلا...كل المعاريس اليوم حلوين........
فيصل:لا تعممين....غاده بس الحلوه من بينهم.....
غاده بغت تموت من الحيا....ذابحها فيصل.....
جوري:الله الله بدينا بالغزل...ترى موجودين......
فيصل:طيب وليش ما تروحين...وشو له رزة الوجه...ماني ماكلها.......
جوري:اروح يا غادة.....
رفعت غادة راسها وهي خايفه وتناظر بجوري نظرات توسل يعني لا تتركيني.....
جوري:خلاص يا قلبي ما راح اخرج...وباقعد على قلبك(وتناظر فيصل بنظرات تبي تقهره)
فيصل:طيب يا جوري...
جوري:افا من بدايتها تبي تروع غاده....
انحرج فيصل من غادة...ووده يذبح جوري على لقافتها وعلى نرفزتها.......
التفت فيصل على غادة ويبي يحرج جوري:يالله يا عروستنا نلبس الدبله....
جوري طاااااارت عيونها ما عندهم عادات تلبيس الدبل....وطقم الشبكة حبوا الحريم انهم هم اللي يلبسون العرايس.....
اما الدبل حركة مسويها فيصل...وسوى اثنين نفس الشكل تقريبا ساده مافيها أي شئ ومن داخل الخاتم مكتوب(فيصل_غاده) وتاريخ يوم الملكه......
كان شكل الدبل مررررررررره روعه وانهبلت غاده عليها.....
وقرب فيصل من غاده ومسك ايدها ولبسها الخاتم باليمين....وباس ايدها....وقام يتغزل فيها بصوت وااااااااااطي...وانقهرت جوري انها ما سمعت شئ وبنفس الوقت انحرررررررجت مررررررره وحست انها غلط بينهم......
رفع فيصل يده ولبسته غادة الدبلة...وانتظر فيصل انها تحبه موب لازم من ايده من أي مكان اهم شئ تعبر له عن فرحتها.....
بس غادة كانت مرررررررررررره منحرجة وماهي قادرة ترفع عينها...وفيصل يبي يخربها من اولها.......
دق جوال جوري وكان خالد.....استااااااااااااااانست مررررررررره انه ما نساها رغم هالزحمه......
وواعدها بغرفتها يتقابلون...حتى هم يحتفلون بملكتهم او يجددون الذكرى لان ما صار لهم وقت متملكين.......
جوري غرفتها حوووووووووووووووووسه من الكوفيرات والبنات وما قدرت توافق بس قالت له اشوف مكان مناسب.....
ونادت كل شغالات البيت وهي معهم ورتبوا الغرفه بثواني...الشغالات شغلهم سريع مو البنات يقعدون يومين على ترتيب غرفه.......

فيصل موب قادر يصبر انه ما يتطنز:ما شاء الله وش مزرعة الورود اللي براسك.....
انقهرت منه غادة وقالت بروحها:القروي ذا اللي ما يفهم...الورود غاليه وم من أي محل... ويقول مزرعه صدق عيال قرواه وما يفهمون......
وناظرت غاده وضحكت:وش المكتبة اللي بجيبك.....
وناظر فيصل والا اربع اقلام بجيبه....اثنين من اول وموجوده وحقت الطقم....
خلاص فطس من الضحك...واللي قهره ان العيال محد نبهه....النذاله عارفين وساكتين.......
فيصل عرف ان غادة شابكة خط
معه بالطنازة وهالشئ ما راح يتعبه لانها لو ما تحب الطناز بتتعب معه......
فيصل:هههههههه يعني وحده بوحده......
غادة:والبادي اظلم......
فيصل:ههههههههههههههههههههههههههه
غادة حست انها اتجرأت وانها مانت عليه بسرعه...نزلت راسها وحست باحراج كبير... لايظن اني ما استحي وجريئة.......
فيصل:عادي المزح...ترى انا احب كذا...وما احب السكوت....
غادة حست براحه واطمئنت اكثر.......
فيصل:يالله يا غادة احلويتي عن قبل...ما اتذكركي الا وانتي صغيره.....
غادة بنفسها:اكيد باحلو...والا فيه احد يقارن خشتي وانا صغيره بانا وكبيره......
فيصل احيانا يسال ما يلاقي جواب واحيانا يهستر بغادة......
بس غادة ودها ترتاح وتكون طبيعية....ومي قادرة.....
حست انها غبية وخبلة يوم اعترفت له بحبها....وتقول ليت الحب عذبني ولا انحطيت بهالموقف.... ما استفدت منه الا اني قلقانه وعلى اعصابي.....اللحين اكيد عهود مستانسه ومرتاحه لانها ما سوت شئ ياربي وش اسوي اللحين؟؟؟؟......
اكون طبيعية واضحك واتجاوب معه....والا ابقى على حالي والوم بروحي.....
فيصل:غادة ليش ما تجاوبيني؟؟....
غادة:ليش وش سألت؟؟؟
فيصل:اها...لا اجل بالك مو معي...ترى هالشئ يزعل...انا ما افكر الا فيك وانتي منتي معي....
غادة بدون أي مقدمات وحست انها انفجرت وطلع كل اللي بقلبها.....
غادة:حاسه اني سويت شئ غلط....واخاف تجرحني بكلمه وتعتبرني ما استحي......
فيصل انصدم من كلام غادة وتفكيرها....وعرف انها تفكر بالمواقف اللي سوتها واخرها اعترافها باللحب واخر ورقتين اللي اثرت بي...ورقة انها خايفة اني ما اتقبل الموضوع..... والورقة الثانية اللي ما تدري عنها وهي ان حبها لي سيطر عليها وتخاف من هالشئ.....وانها حاولت تفكر مجرد تفكير باحد ثاني ما رضى القلب الا بي.......
غادة حست بخوووووووف وبدت تتاكد ان فيصل فعلا ماهي عاجبته الحركات اللي تسويها......
وبدت تحس برجفه بايدينها ونبضات قلبها بسرعه تنبض.....
فيصل:يا غادة مافي احد بالدنيا سواء بنت تقول لولد او ولد يقول لبنت احبك وتكون عنده عادي.... حتى لو بين العكس قدام المحب...بس كون انه اعترف بالحب تراه هالشئ يحسس من اهمية اللي قدامه وبالتالي وجوده....واحنا ما عندنا مقابلات اوشئ يعني ممكن تحصل مثل هالموقف وتتعودين كل شوي على كلمة احبك او قصة حب....لا.....عندنا ممنوع هالكلمة تنقال...ولازم انت وخواتك واهلك وبنات عمك وبنات خالك والعالم كله ما يقول هالكلمة......
مع ان فيه حديث نبوي فيما معناه((ان المتحابين مالهم الا الزواج))
يمكن غيري يعتبر هالشئ جراءة او تعدي...او خرق لقوانين...مع انه بداخله مستااااانس ان فيه احد مهتم فيه......
بس انا غيرهم كلهم....انا احبك من زمان وخايف من هالخطوة...خايف اني اتكلم والاقي صد منك.... ما ادري اعترف للجوهره والا لا....بنفس الوقت ما كان عندي المؤهلات اني اتزوج.....
بس والله والله اني كنت انتظر كل يوم ورقة بفاااااااارغ الصبر...وكنت ازعل اذا ما لقيت شئ
واليوم اللي ما الاقي فيه شئ احس اني مقصر...بس ما ادري وش اقول و ما ادري وش اكتب.....
وانا مرررررررره مستانس اني انحبيت...ان فيه اشياء وميزات بي تخلي احد يعطيني وجه ويعبرني... وهالشئ سر بيني وبينك ومحد بيعرفه....لا مني ولا منك....
وناظر بغادة والا هي غرقانه بالدمووووووووع............
فيصل:وش فيك؟؟؟انا قلت شئ غلط.....
غادة تأشر بوجهها وتقول لا.....
فيصل:طيب وش فيكِ؟؟؟وش اللي مزعلكِ.....
غادة تمسح دموعها بالمنديل اللي بايدينها وحمدت ربها ان اللي مسوية المكياج خلته ضد الماء... يعني ان شاء الله وجههاما اخترب من الدموع.....
غادة:بصراحه...ما ادري عن تفكيرك...وهذا اللي كنت خايف منه....كنت خايفه مره تعتبرني ما استحي... اوجريئة.... تقارنني ببنات خالي...بس (وسكتت) وعيونها مليانه دموع وخوف واحراج...
فيصل:يا غادةكملي...والا بازعل عليكِ...انا قلت كل الي عندي بدون أي احراج.... لاني واثق ان هالشئ بيني وبينك.....
غادة تشجعت:كنت خايفه لو ما صار نصيب اقدر اقاوم مع الشخص الجديد...واخاف اقارنك فيه واتعب انا واياه....
فيصل:يا قلبي انتي...بس كذا...اجل خذي هالبوسه..والله تستحقين اكبر منكذا(ويقوم ويبوسها على خدها)
وغادة ميييييييييييته من الاحراج.......
كملوا احلى كلام....وكل واحد متفاجا من الثاني ان باقي ذكريات ما نساها......
ارتاااااااااااحت غاده لانه ماحط بباله هالافكار...وتحمد ربها لان مو كل مره تسلم الجره....
والمفروض الوحده ما تخلي مشاعرها تحكمها وتفكر بالعواقب قبل ما تبدا باي شئ........
لازم بعض كلامهم يصير فيه طنازة...بس فيصل قفل الباب ولا خلاهم يدخلون...وقعد للفجر وما خلاه يخرج الا الصلاة......
وبقية العائلة يقولون الله يستر اذا هذا اولها....اجل وش تاليها......
غادة كانت ميتة من الوناااااااااااااااااسه....وحست انها لقت الانسان الوافي الصادق اللي تمنحه عمرها وحياتها وتضحي كل اللي عندها عشانه......
وفيصل حس انه اتوفق في اختياره...وان ربي حقق مناه....وخاف ان اللي تحبه ما تكون غادة.... فمضطر انه يتزوجها لان غادة ما ضمن انها تحبه..............

سلطان:هلا والله....
عهود ابتسامه محرجه وما ردت عليه.....
لولو:الف الصلاة والسلام عليك يا حبيب الله محمد كلولولولولولولولويييييييييشششششششش
ومبارك العرس الاثنين ليلة خميس ليلة قمرة......
سلطان وياشر لها بانها تسكت ولا عبرته لولو......
سلطان:لولو ترى الرجال هنا ولا يطلع صوتك(بدت الغيرة)....
ابتسمت لولو:انا قلت يمكن مع العروس تنسى الغيرة شوي....
سلطان عصب من لولو:عيب..هالشئ عيب وانا عزابي وانا متملك...وش تبينهم يقولون عنك...ببيتهم حنا.....
لولو:طيب ولا يهمك وقالت بصوت واطي...الف الف مبروك للعروسين.....
ابتسمت عهود على خبال هالبنت...وشكل سلطان منحرج مررررررررره من هبالها.....
سلطان:لو سمحتي قلتي عروسين يعني مو عروسين واخت العريس......
لولو:وااااااااااو طردة محترمه......
وتجي ام رغد وتنقذ سلطان من النشبه اللي لزقت به....وتسلم على اخوها وتاخذ لولو معها.... ولولو ما تركت سلطان بحاله رمت عليه كم كلمه خلته ينحرج....بس عهود ما قدرت تحرجها ماهي عارفه شلون تحرجها.....بس قبل ما تخرج قالت لها:انتبهي على اخوي...ترى ذبحتيه....
عهود ماااااااااااتت من الاحراج......
عهود حست باحترام كبير بين ام رغد وسلطان...وحست ان سلطان رززززززززززه....وثقيل وهالشئ عجبها مررررررررره....بعكس غاده اللي تموت بالصرقعه والخبال.....
وحست بحب سلطان لاخواته...حتى هبال لولو حست انها ما اتجاوزت الحدود......
يعني فيه احتراااااام كبير......
اهم شئ عند عهود ان اخوانها وابوها سلموا عليها قبل لا تدخل....يعني الالوان اللي بالوجه بتخف دام مافي احد من اخوانها بيطتنز.......
سلطان:مبارك عليك........
عهود:الله يبارك فيك.....
سلطان:ما شاء الله وش هالحلا...وش بقيتي للبنات...
عهود استحت مرررررررررره ومي قادرة تتجاوب معاه خصوصا انه مو قريب منها....ولا تعرفه زين مجرد انها تعرف اسمه....
سلطان اتفاجا من نحف عهود...بالنسبه له....لانه يعتبر سمين مررررررررره عندها....
سلطان:والله يبغالي سمكره....لازم يا انا انحف يا انتي تسمنين......
عهود:ههههه انا ما اتغير...لو باكل لين بكره......
سلطان:مشكله والله...يعني انا انحف......
عهود:عادي...لايق عليكم يالرجال السمنه....
سلطان:لالالالالالا...... لايق عليكم...المفروض لايق عليك يا زوجي العزيز.....
عهود ماتت من الاحراج...استاهل انا اللي قاعده اجاوبه.....
سلطان مسك ايدها وناظرها بحنان وقال:وعد علي انك ما تلقين مني اللي ما تحبينه.... بس ابيك توعديني انتي بعد...ونكون على الوعدطول العمر.....
ابتسمت عهود وحست براااااااااااااحه كبيرة...على كثر ما امدحوا لها ما حست بالراحه اللي حستها بهاللحظات.....
يالله يالله رفعت عهود عيونها وقالت:اوعدك...
ونزلت راسها بسررررررررعه.......
سلطان:نبي نبني حياتنا على حب وتفاهم...صحيح زواجنا تقليدي...بس مو هالشئ اللي يمنع اننا ما نبني حياتنا على حب وتفاهم....مافي شئ يجي بالغصب والعناد....كل شئ حلو بالتفاهم حتى لوما اقتنع الطرف الثاني....
عهود انسحححححححرت بكلامه....امنياتها هالشئ يصير...كانت تبي تقوله هالكلام... كانت آمالها بعريس المستقبل انه يبدى بهالكلام...وكان عندها خوف كبير من انها هي اللي تبدا هالكلام......
عهود:على قولتك كل شئ بالتفاهم حلو...وانا هذي هي افكاري.....وما احب العناد والاصرار على رايك... ازين شئ اننا نتناقش ونعرف كل واحد وجهة نظره......
سلطان:عين العقل....هذا اللي ابي اوصله......
وبدت سوالفهم عن آمالهم وطموحاتهم...مع احراااااااج من سلطان كل ما ناظرها بكم نظرة والا قالها كلام غزل يذوووووووبها.....
عهود وسلطان حسوا انهم لايقين لبعضهم وافكارهم متقاربه مررررررررررره....... واكثر شئ خايف منه سلطان ان حب جوري يأثر على حياته الجديدة...بس عهود شاطره وفاهمه والدليل انها من اول جلسه حبها سلطان ووده يسولف معها اكثر....حس انها راقيه بتصرفاتها....
تعرف تتكلم وتشوق....اسلوبها مرررررره حلو......
وثقافة عهود هي اللي خلتها تكسب حب اللي قدامها من اول جلسة.........
كانت تقرى كثير عن كسب ود الاشخاص....وشلون توصل لقلوبهم عن طريق الكلام مو عن طريق الهدايا...لانكل شئ الواحد ينساه ويتلف الا الكلمة الطيبة تبقى بالروح وتروح وين ما يروح....
واخذ رقمها قبل ما يخرج.......بس ما قدر يطووووووول لانه محرج مره والبيت ماهو بيتها ولا بيته....
******************************

ابو خالد:السفر ما نأجله والدنيا مي طايره نزوجهم بعد ما نرجع......
ابو فيصل:والله براحتك يا بو خالد......
خالد:ايه عادي اهم شئ اننا متملكين...فالوضع غير حرج.......
فيصل:ما علي منكم انا ما عندي زواج....اليوم باخذ زوجتي وباسافر.....
ابو فيصل:اقول اعقل وخل عنكم هالخرابيط....كلكم بتتزوجون بيوم واحد.....
خالد:لا صعبة وشو بيوم واحد...ثلاث عرسان.....
ابو خالد:ايه ثلاث عرسان...اصلا زواجاتنا ماهي كبيرة....
ابو فيصل:حتى انا اشوف ماله داعي نسوي كم عرس اصلا حنا نفس المعازيم وشو له تعب الراس والصجة.....
ابو خالد:ونشاور ابو سلطان...وما اعتقد انه يعارض......
خالد:يالله الفال لمنصور وبدر اللي ما ادري متى يعرسون......
ابو خالد:أي والله...يبي لي ادور لهم عرايس عشان نفتك منكم يالعيال مرة وحدة.....
ابتسم منصور باحراج وما علق عالموضوع.....
بدر:انا جاهز بس وين العروسة؟؟؟؟
ابو فيصل:انت اشر باصبعك وحنا نجيبها لك...كم عندنا ولد اخت....
بدر:واحد وقاعد على قلوبكم......
الجميع:هههههههههههههههه
بدر يحترم خواله مررررررررره ويحبهم.....وهم بعد ما شافوا منه الا كل خير....وولد طيبب وراعي فزعات....وينحط على الجرح يبرى......
وودهم بالقرب منه......ومنصور موب عارفين متى يفكر بالعرس...مع انه سبق اخوه من قبل.... بس اللحين تراجع كثير....ورافض فكرة الزواج مره وحده........

غاده وفيصل انواع الهسترة واللقاءات الكثيرة خصوصا ان فيصل له غرفة فوق وهالشئ ساعد غادة انها تشبع من شوفته........

سلطان يتمنى يشوفها ويقابلها....بس منحرج مررررررررررره انه كل شوي يجي......
ومرتين شافها بعد الملكة.........
بس كسسسسسسر جوالها كل شوي وهو متصل.,........

خالد ما تغير ابد على جوري.....حتى انها حست انها هي بعد تملكت بنفس اليوم معهم......

خلود\ اللي حالتها حاله....كل وحده تهرج بخطيبها وسواليف...وش قالها وش ردت عليه؟؟؟؟ وهي ساكته لا تعليق مجرد توزيع ابتسامات......
وبس تدخل غرفتها تنفجر من الصياح.........

والسفر تأجل لان حجزهم كان انتظار....وطنشوه......
واللحين كل العائلة مستعده للسفر......بس يبون يسافرون باشكال جديدة وعرسان جدد.....
منزمان عن السفر الجماعي...ويوم يسافرون كل واحد متملك على وحده.......
ابو خالد يلمح لبدر على بنته خلود.....بس هو يفهم ويطلب......
وهي بتوافق وترضى بواحد مطلق واكبر عنها بكثييييييييير........

يتبع ,,,
👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -