رواية ثلاث سنين من شقى عمري -32

رواية ثلاث سنين من شقى عمري - غرام


رواية ثلاث سنين من شقى عمري -32

مشعل : شصار عليه ماقالك وين دخل بالجامعه
فارس: لا يقوول ماقبلوني وجلست بالبيت .. والله هو عاد ماهمه يقول بالبيت اريح لي

مشعل : نفس حالتي اجل

فارس : بس انت عالاقل اشتغلت بالشركه هوو بالبيت ينام وياكل ويصحى وهذي شغلته

مشعل: الله يعينه المهم انت اخذت رقمه

فارس : ايييه

مشعل : عطني الرقم خل استهبل عليه بشوف هو يذكر صوتي والا لا

فارس : سنتييين والله مااتوقع يذكر

مشعل : عطني ونشووف

اخذ مشعل رقم فيصل من فارس ..




في بيت ابوسعود ..

بالصاله كان خالد جالس مع جده والوليد ..

خالد: اقوول جدي

ابو سعود: هلا خالد

خالد: شصار على عمي فهد

ابو سعود: والله مدري للحين ماكلمني بعد هذيك المره

الوليد: ليييه شفيه فهد

ابو سعود: ياحبك للقافه ياوليدي ابد مافيه شي

خالد: ههههههههه

الوليد: لا عاد وشو شسالفه شفيييه

ابو سعود : مافيه شي بس قبل فتره داق علي يقول متى تجتمعون كلكم

الوليد: ليه شعنده

ابو سعود: مدري والله

الوليد : طيب يلا نجتمع خل نشووف شيبي

ابو سعود: انشاءالله الخميس الجاي بناديه ونشووف شعنده

الوليد: اتحمس للاشياء اللي يسويها فهد مدري ليه

خالد: انا مدري ليه احس اذا كبرت يالوليد بتصير نفس عمي فهد بالضبط

الوليد: ههههههه لا مابي صراحه انا ودي اصير مثل سعـود الله يرحمه ..

ابو سعود + خالد: الله يرحمه انشاءالله

ابو سعود: عاجبتك شخصيه اخوك

الوليد: ايه والله احب اصير مثله اذا كبرت بس احس مافي امل

خالد: ههههههههههه حلوو عارف نفسك مستحيل تصير مثله الله يرحمه

ابو سعود: لا انشاءالله تقدر تصير ليه لا

الوليد: ايه اورييك ياخويلد واول شي بسويه بغير اسمي سعود

خالد : هههههههههههههههههه






في الشركه عند ابونواف ..

ابو نواف: مشعل يلا يااأبوي ماجبتك تنسدح على الكنب وتلعب بجوالك

مشعل : يبه تعبت

ابو نواف: وش تعبت مابعد سويت شي

مشعل: طيب آآمر يبه شبغييت

ابونواف: خذ هالاوراق وودها عند عمك ابوناصر واطبعها

مشعل : يوه مشوار وليه مانطبعها هنا

ابونواف: شفيك الله يهديك الطابعه عندي خربانه يلا روح لانتأخر

مشعل : انشاءالله يبه بس وين مكتبه فيه

ابونواف: مشعل حرام عليك لاتهبل فيني

مشعل : والله يبه مااعرف مكتبه وين

ابونواف: مشعل مكتب ابوناصر اول ماتطلع يجيك عاليمين

مشعل: ايييه عرفته

ابونواف: الله يصلحك .. يلا استعجل

مشعل : طيب كم نسخه اطبع

ابونواف عصب : مشعل

مشعل : سم يبه

ابونواف: خلاص لاتكثر اسأله روح عنده وهو بيعلمك كل شي

مشعل : انشاءالله

راح مشعل لمكتب ابوناصر ..

مشعل دخل : السلام عليكم

ابوناصر : وعليكم السلام هلا بمشعل هلا والله

مشعل : هلابك شخبارك عمي

ابوناصر: بخير جعلك بخير ارتاح يامشعل ارتاح

مشعل: تسلم .. بس مستعجل والله ابوي يبي الاوراق

ابوناصر: عطني انا اضبط كل شي وانت رووح لأبوك وانا اذا خلصت خليت ابوعامر يجيبها

مشعل : خلاص الله يعافيك .. مع السلامه

ابوناصر: مع السلامه

طلع مشعل من مكتب ابوناصر وراح لأبوه ..

مشعل دخل : والله تعبت كرفتوووني

ابونواف : وين الاوراق

مشعل : قال ابوناصر انت روح وابوعامر بيجيبها

ابونواف : لا يامشعل روح لاتخلي ابوعامر يجيبها

مشعل يجلس عالكرسي اللي قبال المكتب : يبه تعبت والله حرام عليك ابوعامر وش شغلته

ابونواف: انا خلاص يامشعل من اليوم ورايح ماراح اخليك تشتغل معاي

مشعل: افا ليه يبه

ابونواف: ماشاءالله عليه ابوناصر ولده ناصر ماعمري شفته جالس ..
طول وقته يشتغل ويساعد ابوه .. ومايجلس طالع من دور لدور وداخل من مكتب وطالع من مكتب ..

مشعل : ماشاءالله عليه شسسوي انا

ابونواف: قوم بس نطلع الحيين ونرجع العصر

مشعل : يوه بنرجع العصر

ابونواف: ايه برجعك معاي تكمل شغلك اليوم ماسويت شي ابد

مشعل : الله يعييييييين ..

طلع ابونواف من الشركه ومعاه ولده .. وراحوا للبيت ..

دخل مشعل الصاله ..

كان فيه محمد ونواف ..

نواف: هههههههه شفيييك شكلك مكروووف اليوم

ابونواف: والله طول الوقت منسدح عالكنب ويلعب بجواله ..

مشعل : حرام عليك يبه

نواف: وهذا اللي مزعجنا اذا كبر بيساعد ابوه ويريحه من الشغل

مشعل : ياأخي شسوي والله تعب تعال جرب الشغل وتشووف

محمد: اقول يبه ماودك انا اشتغل معاك

ابونواف: لا الله يعافيكم مابي ولا واحد .. خلوني لحالي بس

نواف: شنسوي يبه مارزقك الله عيال قد المسئوليه

ابونواف: هذي المشكله ثلاثه ومافيكم واحد يبرد القلب

مشعل : خلاص انا زعلت وماراح اروح للشركه بعد اليوم

ابونواف: اقول بس وين امكم

محمد: امي توها طالعه يبه

ابونواف: وين طلعت

محمد: مدري بس شكلها راحت لخالتي لطيفه

ابونواف: حتى زوجتي ماتجلس في بيتها الله يعين بس

العيال : هههههههههههههههههه




في بيت لطيفه


لطيفه : هلا والله تو مانور البيت

حصه : الله يسلمك يااأختي والله اني جيت قبل يجي ابونواف .. طفشت من ذا البيت قلت اجي اشوف بنتي

لطيفه: جايه علشان بنتك بس

الهنوف : ههههههههههههه

حصه : لاعاد شدعووه

الهنوف : يمه ومن جابك

حصه : الله يخلي زوجك

الهنوف: عبدالعزيز !!

حصه : ايه

لطيفه: بسم الله توه راجع من الجامعه .. ( التفتت على الهنوف ) هو مو فوق الحين ؟

الهنوف: لا جاء من الجامعه وعلى طول طلع

حصه : ايه هو دق عليه يسألني عن مشعل قلتله تعال ودني عند امك

لطيفه : ياحبيله وليدي ياعساي ماانحرم منه

الكل : امييين

حصه يرن جوالها هاللحظه ..

حصه: هلا نواف

نواف: هلا والله .. يمه وييينك

حصه: انا عند خالتك بغيت شي

نواف: لا سلامتك بس ابوي يسال عنك

حصه: ابوك رجع

نواف: اييه من زمان رجع

حصه : خلاص كلها دقايق وراجعه

نواف: تبين اجي امرك

حصه : لا الله يعافيك فارس بالبيت بخليه يجيبني .. مع السلامه

نواف: مع السلامه

لطيفه : وانتي بس تكرفين في عيالي واحد يوديك وواحد يجيبك

الهنوف: ههههههههههه

حصه : يعني تبيني اخلي ولدي يجي وولدك بالبيت جالس

لطيفه: ايه قوليله يجي انا ولدي ماراح يطلع من البيت

الهنوف: هههههههههه ياحبيلكم وانتم تتهاوشون

حصه تقوم : وينه بس يلا بطلع انتظره

لطيفه : عيالي فدوه لك كلهم والله

حصه : الله لايحرمني منك ولا منهم

لطيفه : اجلسي لين مااناديه ..

راحت لطيفه تنادي فارس ..

فارس نزل وركب مع خالته ووداها لبيتها ..





في بيت ابو سعود ..

ساره جالسه بالصاله طفشاانه مع غيداء يشوفون التلفزيون

رن جوال ساره ..

ساره ردت : هلاااا نوافووه

نواف: هلا وغلا بأحلى خاله بالدنييااا

ساره: شعنده الاخ يمدح

نواف: ماعندي شي سلامتك ساروونه

ساره: ههههههههه اول مره اسمعك تقول سارونه

نواف: اقول بس

ساره: هلا

نواف: اممممممم مدري شقول

ساره: خير شعندك

نواف: شخبارك

ساره مستغربه : الحمدلله تمام شفيييك انت

نواف: واخبار غاده

ساره: تماام

نواف: وغيداء

ساره : نواااف شفيك بسم الله عليك

نواف: فيها شي اذا سألت عن بنات خالي

ساره : لا ابد مافيها شي

نواف : ماجاوبتيني شخبار غيداء

ساره : اكيييد بخير مادامها عندنا

نواف: والله ماأتوقع

ساره: خييييييير وشو ماتتوقع

نواف: يوم كانت عندنا احس كانت مبسووطه

ساره : انت وش تبي تووصل له الحين

نواف: ههههههههه ابي سلامتك

ساره: ايييه واضح عليك

نواف: لاوالله بس حبيت اتطمن عليها من زمان عنها

ساره: مين تتطمن عليييه

نواف: شفيك انتي على بنات خالي

ساره: هههههههههههههههه إيه تتطمن على بنات خالك والا بنت خالك

نواف: ياليتني جنبك الحين بس

ساره: شبتسووي يعني

نواف: بذبحك

ساره: هههههههه ماتقدر على سارونه

نواف: بس بس لاتاخذين مقلب في عمرك

ساره: يالدوووب طيب جامل شوي

نواف: انا صريح مااحب اجامل

ساره: مايمديني عالصريحين انا

نواف: المهم ساره

ساره: هلا

نواف: الولييد وينه

ساره: والله مدري دق على جواله

نواف: دقيت على جواله مقفل

ساره: اجل دق على خالد اسأله وربي انا من زمان ماشفته الدووب طول وقته نايم والا برا البيت

نواف: خلاص خلاص ماقلتلك قولي قصة حياته

ساره: ههههههههههههههههه

نواف: ههههه يلا مع السلامه وسلمي على اللي عندك

ساره: ههههه يوووصل يلا باااي

ساره سكرت من نواف ..

ساره: غيداااااء

غيداء : هلا

ساره: يسلم عليك نوااف

غيداء : نواف !!

ساره: ايه نواف شفيك

غيداء : الله يسلمك وياه .. لا مافيني شي

ساره: وربي هالعالم مدري شفيهم يعيشوون حياتهم بالالغااااز

غيداء: هههههههههه من اللي عايش حياته الغاز

ساره: مدري والله بس شفت شي كثير بحياتي

غيداء : وش شفتي قوليلي عاادي

ساره: بعدين اقولك بس بسألك سؤال قبل

غيداء: وشو

ساره: مو ملاحظه غاده ماعاد صارت تجلس معانا طول وقتها بالغرفه

غيداء ضاق صدرها : الا ملاحظه ومدري شفيها وربي خايفه

ساره مستغربه : خايفه من ايش

غيداء : مدري احس وراها شي

ساره: اقول بس لاتفكرين هالتفكير

غيداء: الله يعين وبس

ساره: اميين ولايهمك سارونه كلها ايام وتعرف شعندها

غيداء : الله يقووويك






في بيت حصه الساعه 6 الصبح ..

محمد جالس بالصاله وماله خلق احد وعيونه نصها نوم ..

حصه : يلا يامحمد تعال افطر لاتتأخر على اخوك بيروح بدري

محمد: مابي فطوور

حصه: اقول قم بس من امس ماأكلت شي يلا تعال

محمد: يمه مابي تكفين

دخل ابونواف ..

ابونواف: الفطور جاهز

حصه : ايه يلا كل شي جاهز

جلس ابونواف على طاولة الطعام مع حصه .

حصه : قول لمحمد يجي يفطر مو راضي

ابونواف: محمد وليه ماتبي تفطر

محمد: يبه مو مشتهي والله

ابونواف: تعال اجلس وتشتهي يلا

محمد: انشاءالله

ابونواف يلتفت على حصه : مشعل وينه اجل

حصه : والله تعبت وانا اصحيه ماقدرت عليه

ابونواف: يعني ماراح يروح معاي اليوم

حصه : ايه مسكيين خله يرتاح عاد

ابوناف: هو اشتغل علشان يرتاح

محمد: يبه انا اجي اشتغل معاك بس ارتاح من الكليه الخايسه

ابونواف: هذا كلام اخوك قبل كان يقول ..
ابي ارتاح من الدراسه وابشر بالشغل وماشفته يشتغل معاي الحين

محمد: لا انا غيره صدقني

ابونواف: لا اجلس بكليتك بس احسن لك

حصه : الله يعينك انشاءالله مابقى شي وتتخرج

محمد: يووه متى يجي هاليوم

حصه : هذا نواف تخرج وانشاءالله انت بتلحقه

محمد: ايييه وينه نواف امس تأخرت علشانه

حصه : صحيته بيجي الحين

ابونواف: امس مدير المدرسه داق علي

حصه : شيبي

يتبع ,,,
👇👇👇
أحدث أقدم