رواية ثلاث سنين من شقى عمري -33

رواية ثلاث سنين من شقى عمري -33

ابونواف: يقول ولدك يدخل عالطلاب مايدرسهم يلعب معهم
محمد: هههه يوسع صدورهم
حصه : الله يصلحه
ابونواف: امييين
نواف يدخل : صبااااااااااح الخير
الكل : صباح النور
محمد: من شوي نسولف عنك
نواف يجلس جنب اخوه : وش تقولون عني بعد

ابونواف: انا ماقلتلك عن المدير داق علي

نواف: مدير مدرستي

ابونواف: ايه

نواف: اووف شيبي بعد

ابونواف: يقوول ولدك مو وجه تدريس بس يدخل ويلعب مع الطلاب مايدرسهم

محمد: هههههههههههههههه الله يرجك يااخوي والله انك فله

نواف: هههههه وهالمدير ينقل كل شي

ابونواف: اعقل عاد ووقت الجد جد ووقت المزح مزح

نواف: والله اني ادرسهم بس بوناسه يعني مااحبهم يطفشون

حصه : يلا بس تراكم تأخرتوا

ابونواف يقوم : الحمدلله .. يلا انا ماشي

حصه: الله يحفظك

طلع ابونواف ..

نواف: مشعل ماراح يروح مع ابوي اليوم

حصه : لا نايم ماراح يروح

محمد: يلا قووم تأخرت على الكليه

نواف: روح شغل السياره دقيقه وانا عندك

قام محمد: عطني المفتاح

اخذ محمد مفتاح السياره وراح سلم على امه وطلع .. وبعدها طلع نواف ..

ابو سعود يكلم فهد ..

ابوسعود: خلاص ياولدي اليوم كلهم بيجتمعون عندي

فهد: خلاص انشاءالله بعد العشاء انا عندكم

ابوسعود: خلاص ننتظرك

فهد: يلا يبه تامرني شي

ابوسعود: ابي سلامتك

فهد:الله يسلمك ويخليك فمان الله

ابوسعود: فمان الكريم

ام سعود: هاه شصار عليه

ابوسعود: خلاص بيجي اليوم بعد العشاء

ام سعود: انا اجل بروح اقول لبنتي لطيفه ماقلتلها

ابوسعود: قلتي لحصه

ام سعود: ايه

ابو سعود: خلاص اجل دقي على لطيفه

دقت ام سعود على لطيفه ..

في بيت لطيفه .. عبدالعزيز كان جالس بالصاله هو والهنوف ..

رن التيلفون ..

عبدالعزيز رد : مرحـــبآ

ام سعود: هلا والله .. السلام عليكم

عبدالعزيز : وعليكم السلام هلا وغلا

ام سعود: هلا والله باللي نسانا من تزوج

عبدالعزيز : افا ياجدتي والله ماعاش من ينساكم

ام سعود: والله تزوجت وماعاد صرنا نشووفك

عبدالعزز: شسوي عاد الهنوف خربتني عليكم وماصرت اجيكم

ام سعود: لا والله ماأتوقع انه من الهنوف

عبدالعزيز : هههههههههههههه

ام سعود: الله يصلحك بس امك وينها

عبدالعزيز : موجوده

ام سعود: نادها لي

عبدالعزيز : انشاءالله

عبدالعزيز : هنووفه امي وينها

الهنوف: بالمطبخ

عبدالعزي : روحي ناديها تكفين

الهنوف: من عيوني

عبدالعزيز بابتسامه : تسلملي عيوونك والله

راحت الهنوف ونادت خالتها لطيفه .. ورجعت تجلس مع عبدالعزيز

عبدالعزيز: ناديتيها ؟

الهنوف: ايه بتجي بعد شوي

عبدالعزيز : ياحبيلها جدتي تقول من تزوجت نسيتنا وماصرت تجي

الهنوف: لا بعد ويقول الهنوف خربتني عليكم

عبدالعزيز : هههههههههههههه ياحبييلك جدتي تدافع معاك

الهنوف: انت اصلا مو انشغلت عن جدتي بس انشغلت عن العالم كلهم حتى امك وزوجتك

عبدالعزيز استغرب من الهنوف: انشغلت عن زوجتي !!

الهنوف: ايه

عبدالعزيز قام وراح جلس بجنبها : الهنوف انا انشغلت عنك ؟

الهنوف: لا تسألني هالسؤال الله يخليك

بهاللحظه دخلت لطيفه .. وجلست تكلم امها ..

الهنوف: انا بروح فوق تبي شي ؟

عبدالعزيز : لحظه وين رايحه اجلسي

الهنوف: بروح انام وربي تعبت امس مانمـت زين

عبدالعزيز: اوكي نوم العوافي

الهنوف: الله يعافيك

جلس عبدالعزيز يقرا بالجريده ينتظر امه تخلص

لطيفه بعد ماسكرت من امها ..

لطيفه : جدتك عازمتنا اليوم عندها فهد خالك بيجي وطالبنا نجي

عبدالعزيز : خالي فهد شعنده

لطيفه: مدري والله

عبدالعزيز : ياربيييه الله يستر بس

لطيفه : ماعليك انشاءالله مافيه الا كل خير

عبدالعزيز : الله يعين

لطيفه : رووح نام ارتاح علشان نروح العصر بدري

عبدالعزيز : انشاءالله .. فارس وينه اجل ؟

لطيفه : طالع ..ليه بغيته في شي ؟

عبدالعزيز يقوم : لاخلاص .. تامريني شي بروح انام

لطيفه : سلامتك يالغالي .. نوم العوافي

عبدالعزيز : الله يعافيك

راح عبدالعزيز وطلع فوق لغرفته ..

دخل وشاف الهنوف جالسه عالسرير ومعاها جوالها ..

عبدالعزيز : مانمتي

الهنوف: لا مافيني نوم

عبدالعزيز : ماقدرتي تنامين علشاني مو جنبك صح

الهنوف: .....

عبدالعزيز راح وجلس جنبها : هنووفه شفييك علي

الهنوف: مافيني شي

عبدالعزيز : تقولين انشغلت عن زوجتك وامك .. الهنوف مافي شي بالدنيا بيشغلني عنك

الهنوف: عبدالعزيز خلاص وربي كلمة مدري شلون قلتها انساها

عبدالعزيز : طيب بنساها بس شفيك باين عليك متضايقه من شي

الهنوف ابتسمت له : مافيني شي عزوز صدقني

عبدالعزيز : عساااي ماانحرم منك يارب

الهنوف: ولامنك

عبدالعزيز : هنوفتي

الهنوف: هلا

عبدالعزيز : خالي فهد بيجي اليوم

الهنوف: خالي فهد ..!! شيبي يجي ياعبدالعزيز

عبدالعزيز : مدري هويبينا نجتمع اليوم عند جدي مدري شعنده

الهنوف: مابي ارووح انا مابي اشوف هالانسان

عبدالعزيز : مايصير لازم نروح نشوف شعنده

الهنوف: مابي والله اخاف منه مابي

عبدالعزيز: تخافين وانا موجود ؟

الهنوف: مابي اروح الله يخليك

عبدالعزيز : هنوو ياروحي لاتخافين مايقدر يسوي لك شي

الهنوف: طيب شيبي هو اكيد عنده شي

عبدالعزيز: انشاءالله خير .. ماعليك بس تعالي ننام الحين ونرتاح لان العصر بنمشي

الهنوف : ياربي الله يعين

في بيت ابو سعود ..

في الصاله كانت حصه مع عيالها موجودين مع ابوسعود وام سعود ..

ابوسعود: وين لطيفه تأخرت

نواف: انا دقيت على عبدالعزيز يقول احنا بالطريق

ابو سعود: ايه علشان ادق على فهد لانه قال اذا جوا كلهم دقوا علي اجي

في هاللحظه يدخل عبدالعزيز ولطيفه والهنوف وفارس

عبدالعزيز : السلام عليكم

الكل : وعليكم السلام

سلمت الهنوف عليهم وطلعت فوق عند البنات

في غرفة ساره ..

دخلت الهنوف ..

الهنوف: اهليييين

غيداء : هلا والله وغلا

سلمت الهنوف على ساره وغيداء ..

غيداء: يااختي صرنا نشتاقلك كثير

الهنوف: هههههههههه والله انا اكثر

ساره: يالدووبا ماودك ترجعين لحياة اول

الهنوف: كيف حياة اول

ساره: يعني تصيرين مو متزوجه

الهنوف: حلووه اصير مو متزوجه

ساره: والله جد

الهنوف: لا والله عادي

غيداء: يوووه ياشينك كـذا

الهنوف: لييه شفيك

غيداء: مره احسك كبيره

الهنوف: ايه عاد مو تكرهوني

ساره: ههههههههههه لاتخافين ماراح نكرهك

الهنوف: اقول مااأشوف غاده وينها من زمان عنها

ساره: بغرفتها ماعاد نشوفها حتى احنا

الهنوف: كل هذا علشان ثالث يعني

غيداء: والله مادرت عن ثالث هالبنت مره فالتها وماهمها احد

الهنوف: الله يعينها والله

ساره: طيب شرايكم ننزل تحت نشووف شعندهم هم واجتماعهم

الهنوف: وين تنزلين كل العيال موجودين

ساره: عادي بيجلسون بالمجلس هم يلا بس تعالوا

نزلوا البنات تحت بالصاله .. وغاده كانت بغرفتها تكلم فيصل كالعاده ..

غاده: وربي قلق من الظهر مزعجيني

فيصل: ماعليك لاتردين اذا طقوا الباب كأنك نايمه

غاده: ودي والله مالي خلق

فيصل : ياقلبي تحملي عاد مايقدرون يصبرون عنك

غاده: اييه واااضح

فيصل : ههههه ياحبيلك والله

غاده: اقوول فيصل

فيصل : ياعيوون فيصل

غاده: اممممممم لا خلاص

فيصل : غدوو لاعاد قولي شكنتي تبغين

غاده: خلاص والله ماعندي شي بس كـذا حبيت اقول اسمك

فيصل : لا والله غدو شعندك

غاده: فيصل حبيبي خلاص والله ماعندي شي

فيصل : لحظه لحظه وش قلتي من شووي

غاده: هههههههههههههههههه

فيصل : عيدي اللي قلتيييه يلا

غاده: وشو ماقلت شي

فيصل : غاااده يلا عيدي اللي قلتيه

غاده: قلتلك فيصل خلاص ماعندي شي

فيصل : لا لا في كلمة ماقلتيها

غاده: خلاص فيصل لاتدقق على كل شي

فيصل مسوي زعلان : خلاص طيب

غاده: فيصل زعلت

فيصل :لا

غاده: اجل شفيك علشان الكلمه يعني

فيصل : خلاص غاده

غاده: ماكنت اتوقع انك بتزعل على شي تافه زي كذا

فيصل : غاااااده قلتلك مازعلت شفيك انتي

غاده: طيب شفيك عصبت مو متعوده منك هالاسلوب

فيصل: شسووي لك طيب

غاده: شكلك من جد معصب.. اوكي اخليك الحين ادق عليك بعدين

فيصل : اوكي يلا باي

غاده : باي

سكرت غاده جوالها ..

ياربيييه شفيييه شكله مره زعلان لازم ارسل له مسج اخذت جوالها وكتبت هالمسج ..

(( فيصل وربي مااحب اشووفك زعلان ومتضايق مني .. وماتوقعت انك بتزعل من شي تافه .. خلاص وربي اقول اللي تبي بس لاتزعل .. رضاك اهم شي بالنسبه لي .. لاتزعل من غدو ولاتشيل بخاطرك عليها .. اذا راضي رد علي ياقلبي ))

ارسلت غاده المسج لفيصل وبعدها بدلت ملابسها ونزلت تحت وخلت الجوال بالغرفه ..

في الصاله ..

البنات موجودين ساره والهنوف وغيداء وام سعود وبناتها لطيفه وحصه ..

دخلت غاده عليهم ..

وجلست معاهم ..

الهنوف: هلا وييينك من زمان ماشفناك ياحلووه

غاده: شفتي عاد انشغلت بالدرااسه تعرفين يعني ثالث

غيداء: والله كأنك دريتي عن ثالث بس

غاده: وربي اني اذااكر ومجتهده طفشت من كثر ماأنا متحمسه

الهنوف: اهم شي لاتتحمسين مره خليك عاديه بس ذاكري كويس

غاده: والله افكر ساعات واقول اهم شي انجح وبس

الهنوف: اعقلي بس فكري بالنسبه بس اهم شي تكون عاليه

ابو سعود بهاللحظه يدخل ..

ابو سعود: يلا فهد وصل ويقول ابيكم كلكم بالصاله .. تغطوا يابنات علشان يدخلون العيال

ام سعود: شعنده ؟؟

ابوسعود: مدري والله يلا بس تغطوا

تغطوا البنات ودخل ابوسعود وفهد والعيال وجلسوا بالصاله ..

الكل كان مجتمع بهاللحظه الا عيال فهد

فهد: بصراحه انا ماحرصت على هالجمعه إلا لأنو عندي شي أبي أوصله لكم ..

وشي بالنسبه لي مااأقدر اخليه يتأخر اكثر

ابو سعود: قول اللي عندك يافهد كلنا نسمعك

طبعا العيال كلهم كانوا مستغربين ..

وفهد كان وهو يتكلم كل نظراته على عبدالعزيز

فهد: مدري شلون ابدا معاكم مدري شقوول بالضبط ..

أحس كلامي مو راضي يطلع ودي افهمكم الشي اللي بداخلي من دون ماأتكلم ..

انا سويت شي بحياتي من دون مافكرت بالعواقب اللي راح تجيني وتضرني ..

وتضر الشخص اللي سويت له هالشي .. انا ماادري بهذيك اللحظات عقلي وين كان موجود ..

كنت اسوي شي من دون ماأحس ..

اسوي شي من دون وعي يعني انا مدري ساعتها قلبي وين راح .. عقلي وين اختفى ..

مدري شقوول مدري وش اخلي ..

لو بجلس من اليوم اتكلم واقول عن الشي اللي اسويه انا .. ماراح يكفيني وقتي اقول اللي عندي كله ..

انا ماحسيت بالذنب وحسيت بتأنيب الضمير الا يوم حلمت حلم من جد خوفني ..

وماقدرت انام نومه هنيه من بعده ..

حلم خوفني حيييل .. حلمت فيك ياعبدالعزيز ..

الكل مستغرب وسااكت بهاللحظه

عبدالعزيز بعد فتره تكلم وقال : حلمت فيني ..!!

فهد: ايه حلمت فيك ..

قام فهد وجلس قدام عبدالعزيز ..

فهد بصوت يقطع القلب : عبدالعزيز انا ظلمتك صح .. وماخليتك بحالك وجرحتك وقهرتك ..

وحست دنياااك ..

وكنت بغصبك على شي انت ماتبيه .. انا كنت بجبرك على شي انت ماتتمناه ..

عبدالعزيز انا انسان مااأفكر الا بنفسي ومصلحتي .. مافكرت بحياتك وسعادتك قبل كل شي

عبدالعزيز : بس ياخالي لاتقول هالكلام انت ماسويت شي

فهد: انا سوويت كل شي .. عبدالعزيز انا مابي منك شي .. مابي من حياتك والله ولاشي ..

الله يوفقك ويسعدك مع الهنوف ويحقق لك كل اللي تتمناه .. بس ابي منك شي واحد

عبدالعزيز : آآمر ياخالي قول اللي عندك ..

فهد : عبدالعزيز سااامحني .. بس ابي رضاك علي .. انا ماأدري عن الدنيا يمكن ياخذني الموت بأي وقت .. ابي اروح عن الدنيا والكل راضي علي ..

ابو سعود يقوم : فهد شهالكلام اللي اسمعه منك .. طويل عمرك انشاءالله

فهد:انا من بعد الحلم خلاص مابي شي غير رضاك ابيك تسامحني وبس

عبدالعزيز ماتحمل هالموقف خاله جالس قدامه ويترجاه: خالي بس والله مسامحك وانت ماسويت شي

فهد اخذ عبدالعزيز وضمه لصدره ..

فهد بصوته المخنوق: والله ماتوقعت ردة فعلك كـذا .. والله اصيل ياولد اختي .. كنت متوقع انك بتقول ماراح اسامحك .. الله يخليك لعين ترجيك ..

عبدالعزيز يحاول يفك خاله اللي متعلق فيه مره : بس ياخالي كافي تراك تقطع قلبي كذا

العيال والبنات وام سعود والكل مستغرب وضاايق صدره مع هالموقف اللي من جد يضيق الصدر ..

فهد بعد عن عبدالعزيز : اهم شي راضي على خالك

عبدالعزيز بابتسامه : راضي ومستحيل اشيل بخاطري عليه

ابتسم فهد له وقام وراح عند الهنوف ..

فهد: واتمنى وصلك الكلام اللي قلته لعبدالعزيز

يتبع ,,,,

👇👇👇

تعديل المقال