رواية ثلاث سنين من شقى عمري -36

رواية ثلاث سنين من شقى عمري - غرام


رواية ثلاث سنين من شقى عمري -36

محمد: ايه .. انا متوقعه يوقف معاي .. نواف اخوي يحب الحركات هذي يحب الفزعات يحب الهواش
مشاري : بس حتى ولو هو اكبر منك ومايبيك تصير كـذا ..

محمد: المهم ماعلينا منه بس الحين علينا من الحلو اللي بنقابله الحين

مشاري : شفيك عادي كأنك اول مره تشوفه .. قلتلك ماعليك منه وانت جاي بس لعبوود

محمد: الله يعييين بس ..


في بيت ابوسعود .. في الصاله ..

الوليد : طيب خلاص ياغيداء هي تعرف مصلحة نفسها

غيداء : انا قلتلها اذا شفتك تذاكرين عطيتك بس ماأشوفها مسكت الكتاب

الوليد: كيفها والله كبيره وعارفه الصح من الخطأ

غيداء : بس انا اشوفها بعيني صغيره

غاده: حرام عليك انتي والا متى بتشوفيني صغيره

غيداء : اذا عقلتي وصرتي تذاكرين وتعرفين مصلحة نفسك

الوليد : عطيها جوالها خذي منها اللي تبين الا الجوال .. انا عن نفسي ماأقدر اصبر من دونه

غاده: ايه والله ياحبييلك حاول فيها

الوليد: والله جد عطيها جوالها واحرميها من شي ثاني

غيداء : بليز لاتناقشوني خلاص

غاده: غيداء انا ماخذته منك ماخذته .. والله حركتك بايخه

غيداء : تتحدين يعني

غاده: ايه اتحدى

الوليد: لابليز مانبي هواش بالتفاهم كل شي حلو

غيداء تقوم : هالجوال حلمي تاخذينه .. شيلي من بالك تاخذينه الا اذا خلصت اختباراتك

وراحت غيداء فوق ..

غاده تلتفت على الوليد: شفت كيف؟؟ .. وربي تقهر

الوليد: شوفي انا بجيب لك جوالك بس بشرط

غاده: وشوو

الوليد: خليك عاقله معاها وسوي اللي تقول لك عليه وذاكري زين .. اختك الكبيره لازم تسمعين كلامها

غاده: طيب والله اسوي اللي تبي بس ابي جوالي

الوليد: خلاص ولايهمك اليوم بالليل جوالك عندك يكون .. شتبين بعد ؟

غاده: ياااااحبيلك وربي انك احسن وليدوه بالدنيا

الوليد: ايه مصالح يادنيا مصالح

غاده: ههههههههههههههههه وربي احبك من زمان مو علشان الجوال

الوليد: ههههههههههه واناماأحبك

غاده: دوووب مافيك رومانسيه

الوليد: تاركين الرومانسيه لك حبيبتي

غاده: المهم خلاص تسوي اللي ابي

الوليد: ايه بس تنفذين الشروط

غاده: من عنوووني

الوليد: خلاص انا بطلع الحين واذا رجعت كلمتها

غاده: لااا انا ابي الحين

الوليد: انتي شفتيها معصبه تو كيف تبينها ترضى خليها بعد شوي اذا رجعت تصير هدت نفسها شوي اكلمها واخذه منها ..
ووعدتك مايجي بالليل الا هو معاااااك

غاده: يلوووووموني فيك ياأحلى عم بالدنيا

الوليد: خلاص عاد تراني استحي

غاده: ههههههههههههاااي لبى اللي يستحوون .. خلاص روح علشان ترجع بدري وتكلمها

الوليد: اووك .. يلا باااي واذا جاء ابوي قوليله اني طلعت

غاده: طيب

طلع الوليد بعد ماجلست غاده بالصاله طفشانه ماعندها شغل ومالها خلق تروح تذاكر ..
اخذت التلفون ودقت على فجر تضيع وقتها معاها ..





خالد يكلم مشعل بالجوال ..

خالد: طيب انا بجي بس بجيب ترووك معي اوكي

مشعل : حياااكم يلا ننتظركم

تركي : وشو بجيب تروك معاي شسالفه

خالد: ولد عمتي مزعجني من زمان يقول تعال معاي للاستراحه استراحتهم الاولى غيروها ويقول تعال شفها

تركي : طيب انا شدخلني

خالد: تروح معاي

تركي : لا الله يعافيك وش مو قعي من الاعراب انا

خالد: عادي تركي تراهم اصغر مننا كلهم بزران

تركي : ولو معليييش خلوود ودني بيتنا بس

خالد: موب على كيفك .. ياخي نروح نوسع صدرونا نشوي نستهبل معاهم ونرجع .. ماراح نطول

تركي : ماأحب اروح لناس غريبين

خالد: ههههههههه وشو ناس غريبين انا والله اول مرره بشوفهم اليوم

تركي : بس عندك ولد عمتك

خالد: تركي خلاص عاد والله مافيها شي ولك مني ثواني وربي مانطول

تركي : اوكي اوكي

خالد: بعدي والله

بعد ماوصلوا خالد وتركي للاستراحه ..

خالد: والله مدري هذي استراحتهم والا لا

تركي : بعد تدخلنا على ناس مانعرفهم الحين وتفشلنا

خالد: لا لا هذي سيارة ميشوو خلاص هذي الاستراحه يعني

تركس: يلا دخلنا

دخل خالد وتركي وقابلهم فارس ..

فارس : اهلا اهلا وانا اشووف نور جاي من بعيييد

خالد : ايه ترووك منوورنا والا ؟

فارس : هلا والله انت تركي ؟

تركي : ايه نعم

فارس : هلا والله .. سعيدييين بمعرفتك

تركي : وانا اسعد والله

فارس : ادخلوا كل العيال ينتظرونكم

دخلوا وسلموا ع العيال وجلسوا معاهم وفلوها ضحك ووناسه وتركي مره استانست عليهم وجلس معاهم ..

بعد فتره جلسوا العيال يلعبون بلاي ستيشن وكان تركي يلعب مع مشعل ..

خالد كان يشوف فيصل مبين انه طفشاان وضايق صدره .. من بين العيال كلهم ..

خالد: اقول فيصل

فيصل اللي كان سرحان ومانتبه له الا بعد فتره : هلا هلا

خالد: وين وصلت يالحبييب

فيصل : لا معاااك

خالد: انا شكيت ان الاسم غلط علي .. شكيت انك موفيصل

فيصل : لا لا انا فيصل .. سم ياخالد

خالد: سم الله عدوك .. شفيييك ياخي ضايق صدرك

فيصل : لا مافيني شي

خالد: على فكره يعني انت ممكن مابعد عرفتني واول مره تشووفني ماتدري عني صح

فيصل : ايه صح

خالد: فيصل انا اعرف الواحد من عيونه .. يبين انه ضايق صدره .. يبين انه متضاايق .. والله كل شي واضح لي من عيونك

فيصل : يمه منك اجل يالله برووح انا وش جلسني جنبك

خالد: هههههههههههههههه تعال وييين

فيصل : والله خوفتني

خالد: لا بس حبيت اخبرك علشان ماتكذب وتقول مافيني شي وانت فيك شي

فيصل : خالد انا اول مره اشوفك بس احس انك تفهمني

خالد: افهمك !!

فيصل : ايه احس لو بقولك شي بتفهمني باين عليك تفهم بسرعه وتحل مشاكل صعبه

خالد: هههههههههههههههههه حلووه احل مشاكل صعبه

فيصل : والله جد اكلمك

خالد: الله يررجك

احمد: ياهووووه فيصل

فيصل يلتفت : هلا

احمد: تعال يالشييين جاااء فلمك المفضل

فيصل : مالي خلق اشوفه الحين

احمد قام وجاء عندهم : عندكم شي انتم

خالد: وشو والله ماعندنا شي

احمد: مدري والله احس وراكم خبر وسالفه عظيمه

خالد: لا ماعندنا شي بس نسولف

احمد: غريبه فصول يفوت فلمه اللي يزعجنا فيه

خالد: مو يمك الولد رااح لبعيد

احمد يصرخ بوجه فيصل : اللي ماااااااخذ عقلك يتهنى به

فيصل : وجع انشاءالله حسبي الله عليك

احمد: هههههههههههههه الله لايبلانا هذا الحب ومايسوي يافيصل

فيصل : اقول انقلع والا ترى اقوم عليك واصفقك

احمد: يااشينك اذا عصبت اروح اشوف التلفزيون مع العيال احسن لي

خالد حس ان مكانه بينهم خطأ قام عن مكانه

خالد: شكلك تعبان يافيصل انا يقوم اخليك في حالك بروح عند العيال

فيصل : لا لا تعااال لاتروح

خالد: وشو بغيت شي

فيصل : ابي رقمك

خالد مستغرب : رقمي !!

فيصل : ايه اذا مافيه مانع يعني

خالد: ايه شدعوووا عادي والله

فيصل : يمكن تستغرب إني طلبت منك بس والله ياخالد من دخلت علينا وانا مرتااح لك مدري ليه وزاد علي يوم جيت وسألتني شفيك ..

خالد: تسلملي والله بس لاني شفتك واضح انك متضايق مره

فيصل : عالعموم خلاص هذا رقمي ويالله نقوم معاهم لايجلسون يبلشونا الحين

خالد: هههههههه يلا مشينا ..




نواف: عندي لكم خبر حلووو

الطلاب: وشو ياإستاذ

نواف : اليوم ماراح اعطيكم درس

الطلاب: ونااااسه والله نحبببك استاذ نوااف

نواف : ههههههه وانا احبكم .. بس مابي ازعاج ياحلووين خلاص

الطلاب : استاذ نبي نطلع برا الجو حلوو

نواف : ودي بس المدير بيرفض ..

الطلاب : استاااذ تكفى قول له يمكن يوافق

نواف : طيب طيب شوي اروح اسأله واجي .. لحد يطلع برا الفصل

طلع نواف وسأل المدير بالبدايه رفض بس مع اصرار نواف وافق ..
اخذهم نواف وطلع وياهم ولعبهم شوي واستانس معاهم وبعد ماخلصوا دخلهم فصلهم ..

وبعد ماخلصوا دوامات رجع للبيت تعبان من ازعاج هالبزران وسواليفهم ..

دخل الصاله .. شاف الهنوف جالسه هي وأمه ..

نواف : هنوووووووفه موجوده !!

الهنوف: هلا والله وغلا

نواف : متى جيتي ؟

الهنوف: الصبح جابني عبدالعزيز قبل لايروح الجامعه

نواف: وانتي ماعندك جامعه اليوم ؟

الهنوف : لا ماعندي شي اليووم

نواف راح وسلم على امه واخته وجلس جنبها : مبسووطه اجل

الهنوف: ايه والله راحه .. اييييه تعال كيف التدريس معاك

نواف : التدريس هبل فيني والله

حصه : يابعد عمري ياولدي

الهنوف : افا ليه شفيك ؟

نواف : والله البزران متعبيييين طفشت منهم

الهنوف : ههههههههه اللي سمعته من ابوي يقول ان نواف مايدرسهم بس يلعبهم

نواف : والله من الطفش العبهم ومليت كل يوم درس درس تعبت

الهنوف : ههههههههههه ماتنفع مدرس ياخوي

نواف: الله يعين بس .. واخبار زوجك مع الجامعه

الهنوف : والله ماشي الحال الحمدلله

نواف : يووووه من زمان عنه والله .. صار يسحب سحبات وربي قويه

الهنوف : ياقلبي اعذره وربي ينشغل

نواف : كل هذا شغل .. امس ادق عليه قال نواف انا مره مشغوول الحين .. ادق عليك اذا طلعت من الجامعه
وانتظر احد يدق وانتظر والله مادق ولا فكر الى يومك هذا

الهنوف: دق عليه طيب والله ينسى

نواف: ماعلي منه الدوب انا اوريه يدق هو والا مادقيت

الهنوف : اجل ابشرك بيجي يتغداء هنا

نواف : جد والله

الهنوف : ايه والله

نواف : حلووووو ..

حصه : عاد مو تروح تنام الحين واذا جاء مايلقى احد

نواف : والله بروح انام تعبان ابوي وينه ؟

حصه : ابوك بيتأخر اليوم ماراح يجي الا العصر

نواف : خلاص طيب مشعل ومحمد الله يكثر خيرهم

الهنوف : وشو يعني مو ناوي تجلس مع زوجي

نواف : ايه انا ناوي اسحب عليه وانام

حصه : اقول اعقل بس

نواف : بعدين يجي يتغداء معاكم مافيه غريب

الهنوف : رووح بنتغداء انا ورجلي وامي ومحمد ومشعل

نواف : هههههههههههه يلاا تمسون على خير

حصه : نواف وانا وش اقول لك تو

نواف : يمه والله تعبان بنام شوي اذا جاء صحوني

حصه : الله يصلحك بس .. يلا نوم العوافي

راح نواف فوق لغرفته ونام ..

وبعد ثواني جاء عبدالعزيز ..

في الصاله ..

حصه : الله يصلحه يلعب مع البزران ويجيني يقول تعبت

عبدالعزيز : مسوي يسترجع ايام طفولته

محمد: ههههههههههههه ايه عاد هو ماتهنى ابد

حصه : وانت شدراك عن اخوك انت على ايام طفولته مابعد جيت

محمد: لا هو يشكي لي ويقول لي

الهنوف : ماشاءالله كانه شكى لك وانا ماشكى لي والله مصيبه

محمد: ايه انا اقرب له انتي بنت وانا ولد

الهنوف : لاياشيخ .. مايفرق لابنت ولا ولد

محمد: المهم انه شكى لي وبس

حصه : ياقلبي ولدي وش قال لك يامحمد ؟

مشعل : ههههههههههههه ماما مصدقه يعني

حصه : ليه ؟

محمد: لا والله جد اتكلم انا شفيكم انتم

حصه : كمل قول ضيقت صدري

محمد: ايه دايم والله يقول لي انا ماتهنيت بطفولتي ابد .. اتمنى ارجع ولد صغير

عبدالعزيز : ماشاءالله الا متمتع ومتهني وزياده .. مايخلي احد من عيال المدرسه اول الا ويصفقه مايخلي احد بحاله عايش حياته عرض طول
.. مايهمه شي كل همه كان يلعب كوره وياكل بس ..

حصه : بس بس بسم الله علييييييه

الهنوف : ايه والله بسم الله عليه

مشعل تحمس مع عبدالعزيز : جد والله عزوز قول لنا وش كان يسوي اول

عبدالعزيز : والله كان مشاااغب مهبل بالاساتذه والمدير والطلاب ماينادونه الا ابو الفزعات

محمد: ههههههههههههههه حركتات اخووي

عبدالعزيز : ههههههههه والله اني اتذكر شكله قدام عيوني الحين كان بسادس يمكن .. دايم شعره كشه ونظراته تخووف واكمام ثوبه يرفعها .. عربجي بقوووه

حصه : ياعمري وليدي .. رووح يامشعل قوومه علشان نتغداء

مشعل : يووه ماأحب اصحيه والله يتعبني

الهنوف : انا اصحيه يمه ..

حصه : الله لايحرمني منك يابنتي

عبدالعزيز التفت على الهنوف وابتسم لها .. وراحت تصحي اخوها ..

صحى نواف .. ونزل تحت سلم عليهم .. والهنوف وحصه بالمطبخ يجهزون الغداء ..

نواف : هلا بالقاطع هلا ياأبوو السحباات

عبدالعزيز : هلاوالله .. الحين انا صرت قاطع

نواف : ايه والله صرنا ندق عليه ويقول انا مشغول .. والا ندق مايرد .. صار بزنس مان واحنا ماندري

عبدالعزيز : ياشيخ والله كل ماتدق علي اكون مشغول شسوي .. واقول بدق عليك وانسى ..

محمد: نواف يعني مسوي انت زعلان الحين ؟

نواف : ايه زعلان

عبدالعزيز : لا لا عاد كلش ولازعلك دبدوووبي

نواف : عزيز كم مره اقول لك لاتقول دبدووبي

عبدالعزيز : هههههههههه شسوي احب اناديك كـذا .. المهم بس اخبااارك مع بزرانك

نواف : الله ياخذهم والله قلق ياشيخ

عبدالعزيز : اقول عيال تتخيلون ان اخوكم هذا يوقف قدام الطلاب ويدرس

محمد: ههههههههه انا ابداَ ماأتخيل

مشعل : انا احس اذا خلص الدرس جاب له شنطة واحد من الطلاب ونام عليها

عبدالعزيز : هههههههههههههههههه يسويها

نواف : والله ساكت لكم .. ترى اذا قمت قمت

محمد: والله يانواف تو جالسين يقولون كلام عنك وانا اسكتهم اقول كلش ولا حبيبي نواف ..

مشعل : ايه واضح اول من فتح الموضوع انت ..

عبدالعزيز : قوموا بس هذي خالتي تنادينا للغداء يلا ..

قاموا العيال يتغدون ..
وبعد ماخلصوا طلع عبدالعزيز والهنوف .. وراحوا للبيت ..





غاده: خلاص انا بمووووت مافيني صبر

ساره: شدعوا كل هذا علشان جوال

غاده: ايه والله احس اني من دووون شي

ساره : احسن تعجبني غدو باللي سوته

غاده: جتنا البايخه الثانيه وربي حركه سخيفه

ساره: تعالي ابوي يدري انها ماخذته منك

غاده: ايه وقلتله امس قال انا كلمت غيداء والباقي عليها اذا تبي تعطيك والا مو لازم

الوليد: انا اقنعتني غيداء

غاده: وربي ماعاد اصدقك يكفي كذبت علي وعطيتني امل

يتبع ,,,
👇👇👇
أحدث أقدم