رواية ثلاث سنين من شقى عمري -40

رواية ثلاث سنين من شقى عمري - غرام

رواية ثلاث سنين من شقى عمري -40


فيصل : يسوي لك شي يعني يوم انك تكرهينه
غاده : اول عليه حركات ترفع ضغطي

فيصل : حركاته مثل ايش ؟

جلست غاده تسولف لفيصل ايام اول وحركات خالد اللي ترفع ضغطها ومواقفها اللي معاه ..


حصه وعيالها بعد ماوصلوا للبيت ..

ابونواف كان نايم ونواف طلع من بعد مانزل امه ..

محمد كان جالس بالصاله مع مشعل ..

رن التلفون ..

محمد: الـو

الهنوف : هلا والله

محمد : اهليين هنووووفه

الهنوف : هلابك

محمد : اخبااارك واخبار عزوز

الهنوف: الحمدلله بخير .. محمد عندك امي

محمد: شفيك نفسيتك زفت

الهنوف : مافيني شي عطني امي

محمد: طيب دقيقه

مشعل : شفيها

محمد: مدري صوتها متغير وباين عليها مالها خلق احد وتبي امي

مشعل : مدري شفيهم حتى عبدالعزيز ماتلاحظ اليوم اذا قالوا له ليش متأخر يغير الموضوع ويقول راحت علي نومه مدري ايش .. احس فيهم شي

محمد: والله مدري عنهم .. انا بروح انادي امي

جت حصه ..

حصه : الو

الهنوف: هلا يمه

حصه : هلا حبيبتي

الهنوف : يمه بتنامون الحين

حصه : لا والله ابوك نايم بس اخوانك ماعندهم نية نوم

الهنوف : الله يعافيك اجل خلي واحد من اخواني يجي ياخذني

حصه : ليه الهنوف حبيبتي شفييك

الهنوف: مافيني شي يمه بس ودي انام عندكم اليوم

حصه : عبدالعزيز وينه

الهنوف : طالع مابعد جاء

حصه : خلاص طيب انتظريه لين مايجي وش يجيبك عندنا

الهنوف : يمه خلاص ابي اجي وبس

حصه ضاق صدرها : خلاص انشاءالله كلها ثواني واخوك عندك

الهنوف : يلا انتظره .. مع السلامه

حصه : مع السلامه الله يحفظك ..

محمد: شفيها يمه الهنوف

حصه : مافيها شي رووح جيبها عندنا من بيتها

محمد : لييه طيب

حصه : ماعليك خلاص روح وبـس

محمد: انشاءالله

قام محمد

مشعل : لحظه برووح معك

طلع مشعل مع محمد ..




في بيت لطيفه نزلت الهنوف من غرفتها ومعاها عبايتها ..

لطيفه : الهنوف

الهنوف التفتت على خالتها : هلا والله

لطيفه : وين رايحه ؟

الهنوف : بروح عند امي

لطيفه : لييه

الهنوف : يمكن انام عندهم

لطيفه : ليه عبدالعزيز قال لك شي

الهنوف : لا والله

لطيفه : اجل شفيك

الهنوف : مافيني شي ياخالتي بس تعبانه شوي وودي ارتاح عند امي

لطيفه : براحتك حبيبتي بس من بيوديك

الهنوف: محمد اخوي بيجي الحين

لطيفه : تعالي طيب نجلس بالصاله لين مايجي

الهنوف : لا ياخالتي روحي ارتاحي وأنا بجلس كلها دقايق وبيجي

لطيفه : لاعادي بجلس انتظر عبدالعزيز لين مايجي

الهنوف : خالتي اكيد هو بيتأخر روحي ارتاحي ونامي بس

لطيفه : اجل اذا طلعتي سكري الباب لاتنسين

الهنوف : انشاءالله من عيوني خالتي

راحت لطيفه تنام وجلست الهنوف تنتظر اخوها ..

ثواني ويرن جوالها ..

الهنوف : هلا محمد

محمد : يلا اطلعي انا عند الباب

الهنوف : يلا انا طالعه باي

طلعت الهنوف وركبت ..

الهنوف : ماشاءالله ومشعل جاي بعد شعندكم

مشعل : ابد والله ناس فااضيه وتبي تطلع تتمشى

الهنوف : ياحبيلكم ونواف وينه اجل

محمد: بسم الله ماأمدانا نوصل من الاستراحه وطلع ..

مشعل : بتنامين عندنا انتي ؟

الهنوف : شرايك انت ودك والا ماودك

مشعل : اكيد ودي مايبي لها كلام هذي

الهنوف : خلاص اجل بنام

مشعل : وناااااسه من زمان مانمتي تدرين هذي اول مره تنامين من تزوجتي

الهنوف : حرام علييك نايمه قبل كذا

محمد : ايه نايمه قبـل

مشعل : بس مره والا مرتيين

محمد: اجل تبي تنام على طول عندنا تراها تزوجت يالحبيب

الهنوف : والله اشتقت لبيتنا ودي انام بغرفتي ودي ارجع ايام أول

مشعل : ليه ماعجبتك العيشه مع عزيـز

الهنوف : لا مو على كـذا بس اشتقت لبيتنا وغرفتي

محمد: ولايهمك خلاص نخلي عزوز يجي يسكن عندنا

الهنوف: هذا اللي ناقص بعد

محمد: ماتبين عزوز ؟

الهنوف: شفييكم على عبدالعزيز انتم اليوم خلاص

مشعل : لا لا انتي فيك شي مو طبيعيه

الهنوف : مافيني شي والله

محمد : هههههههههههههه خلاص قفلوا طيب

مشعل : اقول حمود شرايك ننزل الهنوف ونطلع

محمد: وين تبي تطلع

مشعل : أي مكان والله مابي ادخل البيت طفشان

محمد: انا دايخ صراحه مالي خلق طلعات ابي انااام

مشعل : ياليتني طالع مع نواف بس

محمد : هههههههه تكفى كأنه بيرضى تروح معه

مشعل : وليه مايرضى

محمد: وش يبي فيك انت وثقالة دمك

مشعل مسوي معصب: حمووود

محمد: ياعيووون حمود

مشعل : تراني استحي

محمد: لبى اللي يستحوون فديتهم والله

مشعل : محمد خلاص عاد

محمد : ههههههههههههههههههه

الهنوف : مو لايق عليكم الكلام حلو .. خلوهم على هواشكم احسن

محمد: يلا بس ترانا وصلنا انزلوا

نزلت الهنووف

مشعل : تكفى حموود ناخذ لنا كوفي ونرجع

محمد: مشعل والله دايخ فيني النوم .. بكرا وعد مني اطلع انا وياك ونروح احلى كوفي

مشعل : نشووف وعدك تنفذه والا لا

محمد: بنفذه انزل بس قبل أنام عليك في السياره..

بعد مانزلوا .. دخلوا بالصاله ..

محمد : مااامي

حصه : لبيه ياروح امك

محمد : انا بروح انام تبين شي

حصه : سلامتك .. نوم العوافي

محمد : الله يعافيك .. يلا تصبحون على خير

راح محمد فوق لغرفته ..

حصه : يلا مشعل حبيبي روح نوم

مشعل : وشو يمه طرده يعني

حصه : لا مو طرده روح لغرفتك .. اختك ابي اكلمها شوي

مشعل : انشاءالله .. راح مشعل فوق

حصه : يلا يابنتي قولي لي شسالفه

الهنوف: يمه مافيني شي وبعدين الله يهديك كان مابينتي عند مشعل ان فيني شي

حصه : عادي ماعليك من مشعل الحين .. قوليلي شفيك مو من عادتك تجين تنامين عندنا وعبدالعزيز بالبيت

الهنوف : يمه مدري بس حسيت انه ودي اجي لبيتنا ماقدرت اجلس بغرفتي

حصه : ليه باحبيبتي

الهنوف : يمه والله مدري

حصه : شلون ماتدرين يالهنوف .. صاير شي بينك وبين عبدالعزيز قولي لي ياعمري لاتخبين شي

الهنوف : لايمه بس صاير بيني وبينه سوء تفاهم لا أقل ولاأكثر

حصه : اليوم متأخرين علشان كـذا يعني

الهنوف: ايه

حصه : طيب مايصير تجين عندنا المفروض تجلسين في بيتك وتتفاهمين معاه اذا رجع

الهنوف : مابي يمه اشوفه

حصه : قلتي له انك بتجين

الهنوف: لا

في هاللحظه رن جوال الهنوف وكان المتصل عبدالعزيز وحطته ع السايلنت على طول

حصه : مين

الهنوف: وحده من صديقاتي

حصه: المهم مايصير تطلعين من بيت زوجك من دون ماتقولين له حبيبتي

الهنوف : يمه شسوي لأني اذا قلتله اكيد بيرفض ويقول لاتروحين

حصه : الهنوف هذا زوجك ولازم تسمعين كلامه وتنفذين اوامره

الهنوف : يمه طيب انا ابي انام عندك مو شي حرام يعني

حصه : ادري ياقلبي بس لازم يكون عنده خبر

الهنوف : اذا دق علي قلتله

حصه : تزعليني انتي كـذا

الهنوف : ليه يمه

حصه : انا يهمني رضا زوجك وطاعته زوجك هو اهم ماعليك بالدنيا

الهنوف : يمه تكفين لاتناقشيني بهالموضوع .. والله تعبانه راسي يوجعني مالي خلق نقاشات

حصه : طيب حبيبتي روحي ارتاحي الحييين علشان اصحيك صلاة الفجر

الهنوف : انشاءالله ( وباست امها على راسها ) تصبحين على خير يالغاليه

حصه : الله يحفظك يابنتي

راحت الهنوف بسرعه لغرفتها واخذت جوالها ودقت على عبدالعزيز وكانت خايفه عارفه انه بيعصب عليها ليه ماردت عليه

عبدالعزيز بنبره حاده : توك عرفتي ان عندك زوج ؟

الهنوف فاجأها رد عبدالعزيز وسكتت

عبدالعزيز : وينك ؟

الهنوف : عند اهلي

عبدالعزيز : وبكل برود تقولينها .. وش موديك عند اهلك ماعندك بيت انتي

الهنوف : بس مافيها شي اذا رحت عندهم

عبدالعزيز بعصبيه : مامنعتك انا بس كان قلتي لي انك بتروحين عطيني خبر قبل تسوين أي شي .. يعني تروحين ولاكأني موجود مو زوجك انا .. والا خلاص تبريتي مني

الهنوف : ليه معصب طيب

عبدالعزيز : وتسأليني ليه معصب .. تطلعين من البيت من دون أذني
وتقولين ليه معصب .. الهنوف لاتستغبين وتسوين نفسك ماسويتي شي

الهنوف : بس انا طلعت ورحت لأهلي مارحت لأحد ثاني

عبدالعزيز : حتى أهلك يكفي انك طلعتي من البيت .. وانا عارف وش سبب الطلعه هذي وصدقيني مو من مصلحتك انك تسوين هالشي

الهنوف : .....

عبدالعزيز : يعني وين بتروحين مصيرك ترجعين لزوجك مهما رحتي

قاطعته الهنوف : انا ماقلت اني رايحه خايفه منك والا شي

عبدالعزيز بعصبيه زايده : بس خليني اكمل .. انتي اصلا تزوجتي بدري انتي مو قد مسؤلية زواج يالهنوف

الهنوف : عبدالعزيز وش هالكلام الجديد اللي صرت تقوله .. واهلي مازوجوني الا وهم عارفين اني قد المسؤليه والحمدلله

عبدالعزيز : المهم بس لايكثر كلامك وانا دقايق وبكون عندك

الهنوف : بنام عند اهلي

عبدالعزيز : ماأتوقع اني شاورتك قلتلك بتنامين والا لا .. انا قلت دقايق وبكون عندك جهزي عمرك

الهنوف : عبدالعزيز

عبدالعزيز : عندك اعتراض

الهنوف : حرام عليك بتمنعني حتى من اهلي .. انا ابي انام طيب ليه ترفض

عبدالعزيز : الهنوف

الهنوف : هلا

عبدالعزيز : انا اذا قلت شي لاتقولين لا واسمعي كل شي اقوله لك ونفذيه .. جهزي عمرك .. ((وقفل عبدالعزيز الخط ))

الهنوف : اووووووف منه ويقفل في وجهي بعد مو على كيفه مابي ياربي شسوي الحييين

بعد ربع ساعه دق عبدالعزيز على الهنوف دقه وسكر

الهنوف: اكيد انه وصل

نزلت الهنوف تحت وهي نازله بالدرج قابلها أخوها نواف اللي كان توه راجع ..

نواف : الهنوووف شسالفه

الهنوف ضايق صدرها : وشو

نواف: وين رايحه وعبدالعزيز شفيه ليه كذا معصب

الهنوف : وين شفته فيه انت

نواف : تحت جالس بسيارته بسم الله خوفني بسلم عليه ومعصب علي ويهاوش

الهنوف : مدري شفيه .. المهم انا برووح سلمني على امي

نواف مستغرب : انشاءالله .. انتبهي لنفسك

الهنوف : انشاءالله

طلعت الهنوف وركبت السياره ..

عبدالعزيز : بدري

الهنوف : قابلني نواف وسلمت عليه وطلعت ماطولت

عبدالعزيز : ايه ماحسيتي شايفتني سواق عندك جالس ساعه برا

الهنوف بصوت عالي : عبدالعزيز حرام عليك من اول مادقيت علي نزلت وسلمت على نواف بس والله ماجلست حتى 5 دقايق

عبدالعزيز : اشوفك قمتي تهاوشين وتعلين صوتك

الهنوف خلاص ماعاد تتحمل أي نقاش وخاصه مع عبدالعزيز وكلامه اللي يضيق الصدر وهواشه عليها

الهنوف ودموعها اعلنت استسلامها : عبدالعزيز بس خلاص والله حرام عليك ارحمني شوي شفيك علي انت .. هاوشتني وهزأتني وسويت كل شي .. خلاص ريحني واذبحني راحه لك وراحه لي

عبدالعزيز سكت من بعد ماشافها تصيح ماحب يزيد عليها ..

وصلوا البيت .. ونزلوا

الهنوف على طول اول مادخلت راحت لسريرها ونامت وهي تصيييح

عبدالعزيز مايدري وش يسوي يحس انه ضغط عليها وقسى عليها مره
ضاق صدره حيل وراح ينام وهو وده يذبح عمره مو يذبحها هي ..




حصه قامت الفجر وراحت غرفة بنتها ..

دخلت الغرفه وماحصلت احد ..

حصه : بسم الله وين راحت بنتي

طلعت من الغرفه .. وراحت عند ابونواف

حصه دخلت الغرفه ومبين على وجهها صاير اسود ..

ابونواف: شفيك حصه

حصه : مدري الهنووف مالقيتها بغرفتها

ابونواف : وين راحت يعني

حصه : مدري والله خايفه عليها

ابونواف : زي ماقلتلك اكيد عبدالعزيز جاء واخذها مستحيل يخليها

حصه : تتوقع كـذا يعني

ابونواف : مايبي لها تفكير وين بتروح يعني .. روحي صحي العيال بس يروحون يصلون

حصه : انشاءالله

راحت تصحي عيالها ..

في غرفة نواف ..

حصه : يلا نوواف ياأبووي صلوا وخلصوا وأنا اصحي فيك

نواف : انشاءالله يمه

حصه : يلا مابي اطلع الا اذا شفتك جالس

نواف قام : يلا هذا انا جلست

حصه : يلاا استعجل الله يوفقك يمديك تصلي

نواف يقوم : انشاءالله

راحوا العيال وصلوا ..

بعد مارجع نواف وقبل لايدخل غرفته ..

نواف : اقول يمه

حصه : هلا

نواف: اختي الهنوف شفيها

حصه : ليه

نواف : مدري احس بينها وبين عبدالعزيز شي

حصه : لا يانواف تطمن مافيهم شي الحمدلله

نواف: مدري صراحه بس انا شفت عبدالعزيز بالليل عند باب البيت واقف ينتظر الهنوف ومره معصب علي

حصه : انت شفته بالليل ؟

نواف: ايه يمه استغربت انا وش جاب الهنوف عندنا

حصه : ايه هي راح يجيها اخوك محمد على اساس بتنام عندنا ويوم صحيت مالقيتها

نواف: ايه عبدالعزيز جاء اخذها انا شفته

حصه : الله يعين روح نوم ولاتفكر بهالشي

نواف يقوم : يالله بروح انام

حصه : الله يحفظك


يتبع ,,,
👇👇👇
أحدث أقدم