رواية ثلاث سنين من شقى عمري -45

خالد : لا لا عادي مافي شي
فيصل خاايف من بعد ماشاف خالد وحركاته الغريبه من اخذ جواله .. قبضه قلبه جاء في باله على طول خالد ولد عم غاده اللي تكرهه وماتحب سيرته .. يمكن يكون هو اييه وشاف رقم غاده على شان كـذا استغرب .. لا لا بس ماأتوقع انه هو ايه مستحيييل غاده تقول هذاك الشخص ماتحبه وثقيل دم .. وخالد هذا غير
ايه لا مو هو وان شااءالله ..

كل هذا الكلام كان يدوور في راس فيصل ..

خالد : تفضل يافيصل جوالك

اخذ فيصل الجوال ..

خالد يقوم : يالله انا طالع

فارس : لحظه ويييين بدري خالد

خالد : خلاص فارس مشكوور .. يالله مع السلامه

طلع خالد من عند العيال ..

احمد : غريب هالولد شفيه

فارس : والله ماأدري من اخذ جوالك يافيصل وهو مو طبيعي

فيصل : من جد مدري شسالفته

احمد : يلا طيب ماودك نمشي

فارس : وين بترووح بعد

احمد : بنمشي والله انا تأخرت

مشعل : يابيخكم والله ماامدانا نجلس

فيصل : المره الجايه ان شاءالله

فارس : الله معاااكم

طلعوا فيصل واحمد من عند فارس ..

عبدالعزيز يكلم نواف : نواف وينك انا من زمان عند جدي

نواف : يلا انا عند الباب

دخل نواف ,,

طبعا كان فيه ابو سعود بالصاله وعبدالعزيز ,,

نواف : السلام عليكم

ابو سعود+عبدالعزيز : وعليكم السلام

نواف سلم على جده ..

نواف : شخبارك يالغالي

ابو سعود : الحمدلله بخير

عبدالعزيز : جدي احنا اليوم جايين نبيك بسالفه خطيره شوي

ابو سعود : وش عندكم

نواف : اول شي جدتي وينها

ابو سعود : جدتك نايمه

نواف: والبنات

ابو سعود : اكيد بغرفهم

نواف : والوليد وخالد

ابو سعود : شفييك نواف وانا وش يدريني عنهم

نواف : هههههههههه ايه جدي بشوف علشان مابي احد يكون موجود

ابو سعود : قول وش عندك خلصنا طيب

نواف : امممم مدري شلون ابدأ ياجدي

عبدالعزيز : ههههههههه انا اقوول عنك

نواف : ايه تكفى تريحني

عبدالعزيز : السالفه ياطويل العمر يعني تعرف نواف كبر وصار رجال ويبي يتزوج

ابو سعود يلتفت على نواف : صدق كلام عبدالعزيز

نواف : ايه ياجدي .. ماودك يعني

ابو سعود : لا والله بالعكس احلى خبر نسمعه ونفرح له

عبدالعزيز : زواجه ياجدي بيكون على يدينك

ابو سعود : على يديني انا

عبدالعزيز : ايه يعني العروس اللي يبيها نواف انت ولي امرها

ابو سعود : عبدالعزيز قول العروس بإسمها شوي شوي علي تراني ماإستوعبت

عبدالعزيز : هههههههههه ياحبيلك ياجدي

ابو سعود : بعدين مين اللي بيتزوج انت والا نواف

نواف : لا أنا ياااجدي اللي بتزوج

ابو سعود : طيب وش فيك ساكت قول لي مين العروس اللي تبيها

عبدالعزيز : يستحي نواف ههههههههه

ابو سعود : يلا عاد ماراح يقول لي الا انت نواف .. قول من اللي تبيها

نواف : جدي شفيك علي الله يهديك

ابو سعود : ليه

نواف : خلاص عبدالعزيز يقول لك انا ماراح اقول شي

عبدالعزيز : جدي حرام عليك خلاص يستحي خلني اقولك انا

ابو سعود : لا اجل اللي يستحون مايتزوجون

نواف : لا خلاااص اجل ماعاد نستحي

ابو سعود : هههههههههه يلا اجل قول لي

نواف : وشو يعني وش تبيني اقول

عبدالعزيز : ههههههه

ابو سعود : شفييك نواف يعني وش بتقوول .. مو انت تبي تتزوج

نواف : ايه

ابو سعود : طيب قول لي مين اللي تبيها علشان نخطبها لك

نواف : ايه

ابو سعود : اقوولك مين تقول لي ايه .. خاايف مني يعني

عبدالعزيز : ههههههههههههههه قلتلك ياجدي يستحي

نواف : غيداء ياجدي

ابو سعود : ههههههههههه ايه من زمان ابيك تتكلم وتقول

نواف : طيب ياجدي الحين ابي جوابك بس

ابو سعود : والله ماراح القى واحد مثلك يصير كفو لـ غيداء بس كل شي بيدينها يعني على حسب موافقتها وانا بقول لـ جدتك تسالها ونشوف

نواف : بس جدي مابي احد يعرف غير جدتي الى مايتم الموضوع

ابو سعود : انشاءالله بس انت فتحت لأبوك الموضوع

نواف : جدي تبي الصراحه

ابو سعود : اكيد يانواف

نواف : انا قلت لأمي بس هي مارضت

ابو سعود : كيف مارضت يعني

نواف : ماأدري ياجدي تقول غيداء ماتصلح لك .. ضيقت صدري بكلامها

ابو سعود : لا يانواف اجل انا ماراح اقول لـ غيداء الا بعد ماتوافق امك

نواف : لااا ياجدي

ابو سعود : شلون يعني تبي اقول للبنت وامك مو راضيه وابوك مايدري مايصير يانواف

نواف : طيب امي ماراح توافق

ابو سعود : انا اكلمها اليوم ماراح تلقى احسن من غيداء .. ومالك الا اللي يرضيك ياولدي

نواف يحب راس جده : الله يخلييك لنا ولايحرمنا منك

عبدالعزيز : وانا ياجدي ابي اتزوج بعد

ابو سعود : افااا وش قلت !!

عبدالعزيز : ابي اتزوج

ابو سعود : ياجعل تحرم علي الجنه ان خطبت لك والا دورت لك عروس

عبدالعزيز : هههههههه شدعوا ياجدي صدقت

ابو سعود : والله كل شي منكم ياعيال اليوم جايز يكون

عبدالعزيز : لا انشاءالله الله لا يجيب هاليوم اللي اتزوج فيه وبعدين ماراح الاقي مثل الهنوف الله يخليها لي

ابو سعود + نواف : امين

ابو سعود : ويخلي لي ام سعوود

عبدالعزيز : امين يارب ويخليك لنا

طبعا ابو سعود كلم حصه وحاول يقنعها وبالاخير رضت وكان سبب رفضها شي بخاطرها مارضت تقوله لأبوها ( غريبه حصه من جد )وقال لـ غيداء ورضت طبعا على نواف ..

والكل عرف بالخبر وانبسط وفرح له حييل ,, واتفقوا ان الملكه تكون بعد 3 اسابيع

رجع متاخر بالليل ودخل البيت كان البيت هادي الكل نايم ,,

راح لغرفته .. فتح الباب كان متوقع انها تكون نايمه ..

عبدالعزيز : الهنووف مانمتي

الهنوف اللي كانت جالسه عالكرسي وضامه يدينها لبطنها .. ساكته ماقالت شي

راح عبدالعزيز عندها وجلس : هنووفه شفيك

الهنوف : مدري ياعبدالعزيز بطني مره يوجعني

عبدالعزيز : سلاامتك من متى وهو يوجعك

الهنوف : من نص ساعه ابي انام مو قادره انام عبدالعزيز احس بموت

عبدالعزيز : بسم الله عليك ... قوومي معاي نروح للمستشفى

الهنوف : لا لا مابي مستشفى

عبدالعزيز : الهنوف قووومي مايصير تجلسين كـذا وبطنك يوجعك

الهنوف : خايفه

عبدالعزيز : الحمدلله تخافين من ايش انا العكس مره مبسووط

الهنوف : مبسووط على ايش

عبدالعزيز : قومي نروح المستشفى واحس اللي في بالي بيكون صح علي

الهنوف : هههههه لا مافي امل يكون اللي في بالك

عبدالعزيز : قوومي طيب نروح

طلع عبدالعزيز ومعاه الهنوف المستشفى ..

اول مادخلوا دخلت الهنوف على الدكتوره وفحصت عليها ..

عبدالعزيز اللي كان واقف على اعصابه لحظات خوف قلق فرحه ..

ويدعي ربه من كل قلبه انها تكون حامل ..

طلعت الدكتوره : انت زوجها

عبدالعزيز : ايه نعم بشري شفيها يادكتوره

الدكتوره : مافيها الا العافيه .. الف الف مبرووك زوجتك حامل

عبدالعزيز مو مستوعب : الهنوف حامل ؟

الدكتوره : ايووه .. ادخل تفضل عندها

دخل عبدالعزيز مبسووط ..

الهنوف جالسه على الكرسي

عبدالعزيز واقف من بعيد ويناظرها وعيونه تحكي فرحته ووناسته بهالخبر

الهنوف بادلته النظرات نفسها ,,

عبدالعزيز مو قادر يمسك نفسه راح وضمها لصدره ..

عبدالعزيز : الف مبرووك ياقلبي والله احلى خبر سمعته بحياتي

الهنوف : الله يبارك فيك

عبدالعزيز : شفتي صار اللي في بالي صح

الهنوف : وربي ماكنت توقعت ابد

عبدالعزيز : الحمدلله يااارب .. يلا ماودك نمشي

الهنوف : الا والله يلا

طلع عبدالعزيز مع الهنوف واول ماركب السياره اخذ جواله ودق على لطيفه وخبرها

والكل عرف بالخبر ..

في بيت ابوسعود ..

ساره : ياسلااااام وش هالاخبااار الحلوه اللي جتنا مره وحده

غيداء : يااحبيلها الهنوف ماأتخيل شكلها تكون حامل

ساره : هذي الدنيا يعني من يصدق انك انتي بتتزوجين قريب

غيداء استحت من كلام ساره لان الوليد وابوسعود كانوا موجودين ماكان ودها احد يجيب لها طاري زواجها وهو مابعد صار شي بس خطبه ,,

الوليد : عقبااالك ساروونه

ساره : اميييييين

ابو سعود : الله يوفقكم كلكم ويرزقكم اللي تتمنونه

الكل : امييين

في هالاجواء الحلوه والاخبار اللي تفرح الواحد .. الكل مبسووط وفرحان الا خالد ..

كان طول وقته بس يفكر بغاده وفيصل .. والافكار مو مخليته يرتاح ولو ثانيه .. احيانا يقول انه غلطان ومو هو رقم غاده واحيانا يجزم انه هو .. وحياته بس من شاف الرقم كلها ضيقه وتفكير ليل ونهار ,, حياته ملخبطه مو قادر يستوعب اي شي يصير حوله ..

محمد: وين مشااري تأخر

عبدالله : الحين يجي ماعليك

محمد: والله اني متحمس

عبدالله : المهم قلت لأخووك

محمد : ايه صح ذكرتني خلني ادق عليه

دق محمد على نواف

نواف: هلا حمود

محمد : اهلييين نواف وينك

نواف: انا توني طالع من عند عبدالعزيز .. بروح للبيت ابدل ملابسي واجي عندكم

محمد : اوكي اذا طلعت دق علي

نواف : اوكي

بعد مابدل نواف ملابسه طلع من البيت

طلع نواف ودق على محمد اخوه بس مارد ثوااني ويدق عليه مشاري

نواف : الوو

مشاري : هلا نواف

نواف : هلابك .. ميين ؟

مشاري : انا مشااري

نواف : هلا والله وغلا

مشاري : وييينك تاخرت

نواف: انا بالطريق الحين وين مكانكم فيه بالضبط

مشاري وصف لـ نواف المكان ..

وبعد ثواني وصل نواف ..

نواف كان مستغرب من المكان اللي هم جالسين فيه مكاااان مظلم وهاادي ومافيه احد

نواف شاف العيال مجتمعييين من بعيد ويسمع الهوااش

راح لهم بسرعه وشاف اخوه محمد مع صديقه سلطان اللي متهاوش وياه ويتضاربوون والعيال يحاولون يفكون بينهم

ومحمد اللي كان طايح عالارض وسلطان فووقه

نواف مسك سلطان وحااول يسحبه عن اخوه مع العيال بس ماقدر لان سلطان يدفه ويبعده عنه

محمد خلاص حس انه اختنق مو قادر يتنفس

نواف يوم شاف اخوه كـذا مسك سلطان بكل ماأوتي من قوه ودفعه على ورا ..

طاحوا سوا في الارض على بعض ..

وجلسوا يتضاربون

العيال مو حاسين بنواف وسلطان انهم داخليين في هواش بينهم لانهم كانوا مع محمد بعد الضرب اللي جاه من سلطان

سلطان صار يضرب بنواف بشكل هستيري .. حط حرته كلها فيه ..

وآهـ يانواف خلاص ماعاد يتحمل الضرب فدفع سلطان بكل قوووته

( طبيعي يدافع عن نفسه )

لكــــن للأسف سلطان تعكر بصخره كانت وراه وطاح على راســــه .. وجت الضربه قويــــــه ..

نواف حاول يستجمع قواه بعد ماتناثرت وتلاشت وقام وراح لاخوه ..

نواف : محمد يلااا قوووم معاي

محمد اللي مو قادر يتحرك يحس بخموول مو طبيعي

عبدالله : الله ياخذه عليه قووه عن مية رجال

نواف : ماعليكم منه خلاص كل واحد يرجع لبيته

مشاري : ياااعمري ياحموود خلاص انا بجيبه معاي

نواف راح لأخوه وساعده بالقومه : لا أنا بوديه معاي

ساعدوه العيال وركبوه السياره ..

عبدالله : اقول شباب انا اشووف الولد انه ماصار يتحرك

مشاري : احسسسن

عبدالله : الله يستر تعالوا نشوف

راحوا العيال عند سلطان

سلطان طايح على الارض

قرب عنده عبدالله : سلطاان

مشاري : قوموا بس خلووه بكيفه خلاص

عبدالله : لحظه خل نشوف الولد شفيه

سلطان كان ماينسمع له صووت بس صوت الاه تطلع منه بصعوبه

مشاري: انا عن نفسي بمشي انتم اجلسوا وتورطوا معاه والله يقولون انتم اللي مسوين له كـذا

عبدالله : روح خلاص انا مستحيل اخلي الولد كـذا لحاله

طبعا مشاري راح وجلسوا العيال مع عبدالله علشان يشوفون سلطان شفيه وبالاخير شالوه معاهم للمستشفى ..

نواف متورط بأخوه مايدري وش يسوي يوديه للمستشفى والا البيت هو تعباان مو قادر يتمحل نفسه علشان يتحمل اخوه اخذ جواله ودق على عبدالعزيز

عبدالعزيز : هلا نوااف

نواف اللي كان صوته موضح عليه التعب والارهاق : وينك عبدالعزيز

عبدالعزيز : شفييك نواف

نواف: مافيني شي .. بس وينك انا عند باب بيتكم اطلع عند الباب ابيك

عبدالعزيز : انشاءالله ثواني وانا عندك

طلع عبدالعزيز عند الباب وشاف نواف جالس بالسياره يوم راح عنده شاف محمد اللي جالس جنب نواف وراسه مرجعه على ورا ومغمض عيونه وواضحه اثار الضرب عليه

عبدالعزيز : سلامااااات نواف شسالفه

نواف: عبدالعزيز والله اني تعبان تكفى روح انت وياه للمستشفى

عبدالعزيز خاف من جد : وشو أي مستشفى شسالفه يانواف

نواف : انت خذ محمد معك وانا بجي بعدك

عبدالعزيز راح عند محمد : لا ان شاءالله مايحتاج مستشفى

حاول عبدالعزيز يساعد محمد ونزله من السياره

نواف : عزووز تستهبل وين تويده

عبدالعزيز : انزل بس ماعليك بدخله داخل يرتاح مايحتاج مستشفى ولا شي

دخل عبدالعزيز وماسك محمد اللي مو حاس بالدنيا

اول مادخل قابلته الهنوف وخافت يوم شافت اخوها بهالشكل

الهنوف : محمـــــــد

عبدالعزيز : تعالي بس ساعديني نجلسه يرتاح

الهنوف : محمد شفيييه ياعبدالعزيز

عبدالعزيز : مافيه الا العافيه

حاول عبدالعزيز يجلس محمد وخلاه ينسدح على ظهره ..

عبدالعزيز : هنوووووف روحي جيبي موويه بسرعه

الهنوف راحت بسرعه للمطبخ وجابت الكاس ..

الهنوف : عبدالعزيز شفيه اخوي شصااير

عبدالعزيز :قلتلك مافيه شي ..

محمد بتعب : اااه راسي .. رااسي

عبدالعزيز ضغط على راسه بيدينه

محمد: بس عزوووز يوجع

نواف بهاللحظه دخل وباين عليه هو الثاني التعب والارهاق ..

الهنوف قامت : نواف

دخل نواف وجلس من دون مايرد عليها وسند راسه على ورا

الهنوف بصوت عالي : عبدالعزييييز شسالفه نواف ومحمد شفييهم قول لي شفيهم

عبدالعزيز : والله مافيهم شي بس تعبانين شوي .. شفيك انتي ..

ممكن تروحين ترتااااااحين

الهنوف راحت عند نواف : نوااف شفيك قول لي لاتخوفني

نواف على وضعه الاول : مافيني شي بس تعبان وودي ارتاح شوي

عبدالعزيز : طيب يلا قوم انت ومحمد لازم ترورحون البيت وترتاحون يلا

الهنوف : لا خلهم هنا على بال مايريحون والله امي بتخاف اذا شافتهم كـذا

عبدالعزيز عصب من الهنوف : الهنووف خلاص اسكتي خلينا نعرف نتكلم شوي

يتبع ,,,

👇👇👇

تعديل المقال