رواية ثلاث سنين من شقى عمري -46

رواية ثلاث سنين من شقى عمري -46


رواية ثلاث سنين من شقى عمري -46

محمد : انا ابي البيت الله يخليك عبدالعزيز ودني الحيين
عبدالعزيز : ان شاءالله من عيوني يلا قوم معاي

قام محمد

عبدالعزيز : يلا نواف ماودك تقوم معي

نواف : يلا انا جاي

طلع عبدالعزيز ومعاه محمد ونواف ,,

والهنوف ماتدري شسالفه .. ضاق صدرهاا ماتدري شتسوي قالت ادق على مشعل يمكن يكون عنده خبر ,,

دقت الهنوف على مشعل ,,

مشعل : هلا والله وغلاااا

الهنوف :هلا مشعل

مشعل : هلا والله

الهنوف : كيف حالك

مشعل : الحمدلله بخيير شفيك هنو كانك ضايق صدرك

الهنوف : لا مافيني شي بس بسالك عن محمد ونواف

مشعل : شفيهم

الهنوف : انت وينك الحين

مشعل : في البيت

الهنوف : وامي موجوده

مشعل : لا امي نايمه لييه بغينتي شي

الهنوف : وانت وش تسوي لحالك

مشعل : يعني وش اسوي جالس العب بلاي ستيشن وطفشان

الهنوف : خلاص اجل روح كمل لعبك ..

مشعل : يلا باااي يااحلى اخت بالدنيا

الهنوف : باايات

بعد ماسكر مشعل من الهنوف ثواني ويدخلون عليه محمد ونواف ,,

محمد على طول راح فوق

ونواف دخل للصاله ..

مشعل : اف اف سلاامات شفيك

نواف : مافيني شفيك

مشعل : نواف شفيه وجهك ليه كـذا كله جروح

نواف :ماعليك جروح بسيطه ايام وتروح

مشعل : لا جد قول لي وش فيك .. حتى هنوف تو تكلمني باين عليها متضايقه

قام نواف : مافيني شي صدقني بس انت روح لـ محمد شوف يمكن يحتاج منك شي

مشعل مايقدر يقول شي : طيب ان شاءالله

نواف بعد ماراح لغرفته ينام

راح مشعل لأخوه محمد ودخل عليه ..

مشعل : محمد

محمد التفت عليه بعيوونه من دون مايتكلم

مشعل قرب عنده ..

مشعل : محمد شفيك شصاير

محمد : تهاوشت معه يامشعل

مشعل : مييين

محمد: سلطان

مشعل : والله .. يعني هو اللي مسوي لك كـذا

محمد : ايه تهاوشنا وكل واحد اخذ حقه

مشعل : وهو وينه الحين

محمد : مدري اناماحسيت بنفسي ضربني ضرب ماعاد احس بنفسي

مشعل : يااعمري ... الله يااخذه يخوف هذاك الانسان

محمد: بس نواف عطاه حقه وزياده ومدري شصار عليه

مشعل : اهم شي انك بخيير

محمد : الحمدلله

مشعل : تبي اجيب لك مويه والا شي تشربه

محمد : لا مشكوور بس سكر الباب والانوار ودي انام

مشعل : انشاءالله .. نوم العوافي

طلع مشعل وسكر على اخوه الباب وراح ينام ..

في صباح اليووم الساعه 7 الصبح تقريبا ..

رن التلييفون في بيت حصه ..

حصه صحت على صوت التليفون..

حصه : الو

..... : الو .. السلام عليكم

حصه : وعليكم السلام

.....: بيت ابو نواف

حصه : ايه نعم من بغيت ياأخوي

......: نواف موجود

حصه : ايه بس نواف نايم الحين مين يبيه ؟

......: معاك مركز الشرطه

حصه : الشرطه

الضابط : ايه يااختي نواف متهم بقضيه قتل

حصه : قتل .. لا ياأخوي انت غلطان

الضابط : والله ياأختي احنا عندنا شهود والشخص المجني عليه نقلوه للمستشفى بس توفى بسرعه الضربه كانت قويه عليه وتوفى الله يرحمه ونواف هو الجاني

حصه لسانها انعقد ماتدري وش تقول مو مصدقه كلام الضابط تحس انه يلعب معها ويمزح

حصه والدمعه بعيونها : ياأخوي صدقني انت غلطان بالرقم .. نواف ولدي والله اعرفه زين مستحيل يسوي شي مثل كـذا

الضابط : عالعموم لازم الحين ابو نواف ونواف يحضرون عندنا بالمركز ونشوف القضيه

حصه : انشاءالله .. مع السلامه

سكرت حصه من الضابط بعد ماأعلنت دموعها استسلامها .. ياربي شصااير شسالفه .. نواف معقوله يسوي جريمه ويقتل .. لا مستحيل راحت حصه وصحت ابو نواف وقالتله انو الشرطه داقين وطالبينه هو ونواف .. ( تعرفون قلب الام عاد )

بعد ماصحى ابو نواف اللي كان مستغرب ..

و نواف اول ماصحى عرف بالسالفه وان سلطان توفى ..
ومافي غيره سبب للوفاة لانه هو اللي دفعه بقووه واكيد تسببت دفعته في موته ..

نواف كان طبيعي وماكان مبين على وجهه انه مستغرب او شي

ابونواف : يانواف شسالفه شصاير

نواف : مدري يبه خلنا نروح ونشوف

راح ابونواف ومعاه نواف ..

اول مادخلوا مركز الشرطه اخذوا نواف اثنين من الضباط ..

وابونواف دخل على الضابط ..

ابونواف : السلام عليكم

الضابط : وعليكم السلام .. ابو نواف ؟

ابونواف : ايه نعم سلامات ياأخوي شصاير

الضابط : والله ياأبونواف ولدك نواف عليه تهمه بقضيه قتل عمد

ابونواف : وانتم تتهمون الواحد من دون ماتتأكدون من صحة الخبر

الضابط : ياعزيزي احنا عندنا شهود وحتى المجني عليه المتوفي نطق بلسانه قبل لا يتوفى وقال لنا كل شي

ابونواف مصدوم مايدري وش يقول بالضبط

الضابط : ونواف الحين اخذناه للسجن ماراح يطلع الا اذا تنازلوا اهل المجني عليه

ابونواف وقف : شلوون يعني وولدي الى متى يضل بالسجن

الضابط : اللي يقتل ياأبونواف وش جزاءه ؟؟

ابونواف : بس نواف مو قاصد هالشي انا متأكد

الضابط : اللي عرفته من الشهود ان ولدك دفعه بقوه وطاح على رقبته ..
مما سبب له الوفاة
وهذا شي عمد ياأبونواف وولدك ينفذ عليه حكم القصاص الا اذا تنازلوا اهل المتوفي

ابونواف : لا ياحضرة الضابط الله يخليك وش هالكلام اللي جالس تقوله ..

الضابط : هذا كل اللي عندي والشهود موجودين متى مابغيت تشوفهم وتسألهم ناديناهم لك وانت تشوف بنفسك

ابونواف: ماأدري وش اقولك ياحضرة الضابط انا الا الان مو مستوعب شي نواف ولدي متى سوى هالشي كيف ووشلوون

الضابط : هالكلام كان امس بالليل الساعه 2

ابونواف : طيب انا ابي اكلم نواف شوي مايصير تاخذونه مني قبل لاأشوف شسالفه منه واسمعها

الضابط : تفضل عنده بس ماراح يطلع من السجن

راح ابونواف عند نواف اللي كان جالس بالسجن مو مستوعب هو الثاني اللي جالس يصير

ابونواف : نواف

نواف رفع راسه لأبوه

ابونواف : خيبت ظني فيك ياولدي

نواف مايقدر يقول شي او يحتج بأي شي لانه هو فعلا غلطان ويدري بغلطه اللي سواه من دون مايحس

ابونواف: كل هذا يصير وانا ماأدري ليه ماقلتلي .. تروح تتهاوش مع عيال الناس وهذا كبرك يانواف .. اتوقعها من الكل وماأتوقعها منك

نواف بعد كلام ابوه حس بالدنيا تدور حووله ..
حس انه خلاص ياحياة ياموت .. يايتنازلون عنه او خلاص مصيره الموت دموعه نزلت غصب عنه

نواف : يبه صدقني لو بيدي ماسويت هالشي يبه انا غلطت واعترف بغلطي يبه والله انا ندمااان

ابونواف: وش يفيدك ندمك .. نواف انا الحين وش اقول للناس .. ولدي واكبر عيالي متهم بجريمه قتل .. وش اقول لأمك ولدك مسجوون .. وش تتوقع تكون ردة فعلها .. جااوبني يانواف ..

نواف ماسك الحديد بيدينه بقوووه ويضرب راسه فيه ..

ابونواف : لاتضرب نفسك .. خلك على حالك .. وادع ربك يفرج لك يااكريم

نواف : يبه الله يخلييك لاتحسسني بالقهر والله انا ندمان يبه يعني تتوقع فيه احد يتمنى ينسجن والا يقتص منه .. يبه طلبتك خلك بصفي لاتصير انت والدنيا كلكم ضدي ..

ابونواف مو قادر يتحمل منظر ولده ودموعه اللي تسيل على خده .. دموع رجال تنزل بكل قهر وحسره

راح من عند نووواف ووطلع ورجع للبيت ..

اول مادخل قابلته حصه ..

حصه : شصار ياأبونواف

ابونواف خايف من هاللحظه كيف بيخبرها عن ولدها وش بيقول ..
كيف يبداء معها ( ماينلام ابونواف هو بنفسه مو مستوعب كيف بيقنع زوجته انو ولدها مسجون وماراح تشوفه )

حصه : ابونواف جااوبني شفيك

ابونواف باين عليه الضيقه والحزن : حصه كلنا نؤمن بالقضاء والقدر

حصه : نوااااااف شفيه .. ولدي وييينه

ابونواف: حصه هدي بالك وربك يفرجها انشااءالله

حصه تمسك ابونواف مع ثوبه : قوول لي نواف وييينه ولدي شصار عليه

ابونواف: بمركز الشرطه

حصه : وش يسوي هناك ليه جالس عندهم

ابونواف : دخلوه بالسجن

حصه : بالسجن !! ليييه نواف وش سوى علشان يدخلونه نواف ماسوى شي

ابونواف : ياحصه اذكري ربك وهدي بالك شوي

حصه : لا اله الا الله .. قولي لاتحرق اعصابي ليه نواف بالسجن

اخذ ابونواف حصه مع يدينها وراح وياها بالصاله اللي فوق وجلس يقول لها كل شي بهدوووء وبأسلوب حلوو

طبعا مشعل كان عند غرفته وسمع كل شي دار بينهم ..

راح بسرعه لغرفة محمد ..

مشعل : محمد قووم بسررعه يلاااا

محمد : وشوو


مشعل : نواااف يامحمد نواااف

محمد : شفيييه

مشعل والدمعه بعيونه : مدري ابوي من شوي راجع من مركز الشرطه يقول انهم سجنوه عندهم

محمد على طول تذكر سالفة سلطان

محمد : وليييه طيب

مشعل : مدري قووم معاي نشوف الله يخليك والله اني خايف

محمد: الله يستر لايكون على سالفة سلطاااان

طلع محمد ووراه مشعل للصاله ..

حصه اللي كانت تصيح وابونواف جالس يهديها

محمد ومشعل ظلوا واقفين يشوفون امهم ودموعها اللي تقطع القلب ..

حصه بنبرتها الحزينه : نواف مو مجرم علشان يقتل ياأبونواف والله ولدي مو مجرم

ابونواف : لحظه ياحصه خلته يسوي فيها شي مو بقصده يسويه

ابو نواف التفت وشاف محمد ومشعل واقفين ..

ابونواف بهدوء : محمد

محمد : سم يبه

ابونواف : متى اخر مره كنت مع اخوك

محمد : امس بالليل

ابونواف: انت عندك علم باللي صاير صح

محمد : لا يبه انا ماأدري شسالفه

ابونواف: لا يامحمد انت عندك علم وعارف بكل شي

محمد : ومن قال كـذا

ابونواف : بالمركز كانوا الشهود اللي شاهدين على اخوك قالوا لي انهم يعرفونك وانت موجود وقت الحادثه

محمد : .......

ابونواف : حصه انتي روحي الحين وصلي لك ركعتين وادعي ربي يفرجها صياحك ودموعك ماراح تفيدك

حصه : انشاءالله

بعد ماراحت حصه ,,

ابنواف : ممكن تقول لي يامحمد كل شي صار بالضبط

محمد بدأ يقول لأبوه كل شي من اول السالفه الى نهايتها ..


الهنووف وقفت مصدومه : نواااف

عبدالعزيز : ايه نواف

الهنوف : ومن هم علشان يمسكون نواف .. عبدالعزيز هذا نواااف مايسوي كـذا

عبدالعزيز : الهنوف لاتقولين مايسوي كـذا .. نواف غلط وهو يعترف بغلطته مانقدر ننكر شي احنا مانعرفه

الهنوف ودموعها على خدها : يعني كيف ياعبدالعزيز الى متى واخوي يجلس بالسجن

عبدالعزيز : لين مايفرجها ربك

الهنوف : يابعد عمري مابعد كملت فرحته بالخطبه يجوون ويسجنونه

عبدالعزيز : حبيبتي هذا قضاء وقدر ونواف غلط وهذا ثمن غلطته

الهنوف : شلوون يعني كأنك تدافع مهم ومبسووط انه مسجون

عبدالعزيز : شدعوووا يعني .. الهنوف بالعقل يعني تتوقعين اني بفرح بخبر مثل هذا ..

الهنوف : ماأدري عنك

عبدالعزيز : بس انا اقول هذا قضاء ربي ومانبي هالدموع والله ماراح تفيد ..
وماراح ترجع نواف وتطلعه من السجن لو صدق دموعنا بتطلعه والله كان اجلس طول يومي اصيح

الهنوف : عبدالعزيز طيب واذا اهله مارضوا على نواف وماتنازلو وش يصير

عبدالعزيز : .......

الهنوف : جااوبني وش يسوون فيه

عبدالعزيز : الهنوف لاتتفاولين انشاءالله بيتنازلون وبيطلع نواف

الهنوف : الله يااخذ من كان السبب .. حسبي الله ونعم الوكيل ..

عبدالعزيز : خلاص هنوو انتي ارتاحي الحين مايصير ترهقين عمرك وربك يفرجها .. نواف مو محتاج غير دعائنا انا وياااك والكل

الهنوف : الله يفرررج له يارب ويوفقه دنيا وآخره ..



الكل انصدم من هالخبر .. نواف يصير مسجوون .. الى متى .. وايش بيكون مصيره ..

غيداء كانت عليها الصدمه اقوى .. كانت مبسووطه وتنتظر يوم ملكتها بفارغ الصبر .. بس للاسف جاها الخبر وخرب عليها فرحتها وتنكدت من سمعته ..

في غرفة ساره ..

ساره : غيداء والله مايصير خلاص عاد كافي هالدموع

غيداء بين دموعها : ساااره شفيها هالدنيا علي .. مايمدينا ننبسط بالخبر اللي يفرحنا ويجي خبر ينكد علييينا .. ليه ياساره

ساره : استغفري ربك ياغيداء .. كلنا ضايقه صدورنا ..
بس وش بيدينا احنا مانملك شي الا الدعاء .. انتي بدعاائك ودعاائي ودعاء غيرنا انشاءالله ربي يفرجها

غيداء : ساره تدرين وش اللي ذابحني .. اذا الاهل ماتنازلوا وش بيصير مصيره

ساره : غدوووو لاتخلين هالشي يجي في بالك .. انشاااءالله انهم بيتنازلون ومثل ماقال ابوي انهم طيبين وبيرضون ويتنازلون

غيداء : الله يسمع منك ..

في هاللحظه دخلت ام سعود ..

ام سعود : يالله بنات تعالوا الغداء جاهز

ساره : يلا غدوو

غيداء : الحمدلله شبعانه مو مشتهيه شي

ام سعود : غيداء قومي والا ترا زعلت عليك

غيداء : جدتي الله يخليك اعذريني

ام سعود : بكيفك بس انا قلتلك ترا بزعل .. وطلعت ام سعود ..

ساره : قووومي بس وتعوذي من ابليس وقولي لاإله الا الله .. وربك كريم

تنهدت غيداء وقامت مع ساره ..


كان منسدح على سريره .. يحس الدنيا تدور فيه .. يحس بجسمه بس بالدنيا وعقله وروحه مو موجودين .. كان يتمنى بهاللحظه انه يصير كل اللي سمعه حلم ويصحى منه ويتلاشى كل شي ..

قام خالد من سريره وراح واخذ لها شااور وطلع ودق على تركي

تركي : هلا وغلا

خالد : اهليين

تركي : هلابك

خالد : تركي وينك الحيين

تركي : بالبيت .. بغيت شي خالد

خالد : الله يخليك تعال ابيك مرني ونروح انا ويااك اقرب كوفي

تركي : من عيووني اطلع من البيت واجيك

خالد : اوكي انتظرك .. مع السلامه

تركي : مع السلامه ..

ثواااني وجاء تركي وطلع خالد معاه ..

وراحــوا للـ كوفي ..

تركي : شفيك خالد عندك شي بتقوووله

خالد تنهد : والله تعباان ياتركي

تركي : سلامتك من الاه .. شفيك قول اللي عندك

خالد : اول شي ياتركي نوااف

تركي : نواف ولد عمتك

خالد : ايه

تركي : شفيه ؟

خالد : انا بالضبط ماأدري شفيه بس اتهموه بقضية قتل وسجنوه

تركي قضية قتل !!

خالد: ايه .. والله ماأتخيل هالشي وللحين ماإستوعبته يعني ياتركي اي واحد يقتل جزااءه قصاص صح والا لا

تركي : ايه صح

خالد: يعني نواف وش بيصير مصيره .. تركي والله اني ماأنام بالليل اذا تذكرت انو ممكن تصير نهايته قصاص

تركي : خالد شهالكلام .. بعدين هو صدق قاتل واحد ؟

خالد : مو قتل بسكين والا مسدس بس هو كان متضارب مع واحد ودفعه بقوه وطاح ومااات ويعتبر انو عمد

تركي : ايه بس فيه فرق لما يتعمد وياخذ المسدس ويطلقه على واحد .. وفرق انو يدفع واحد ويطيح ويموت ..

خالد : بس كلها عقابها واحد

تركي : لا انشااءالله انت تفائل بالخير واهل الميت بيتازلون وبيطلع من السجن

خالد : ودي اروح له بس ماأدري كيف اواجهه احس اني ماراح اتحمل

تركي : لازم تروح واذا تبي رحت معاك انا .. وشفناه وسلمنا عليه .. ونهديه ونريحه

خالد: ياتركي مو بس هذا اللي مضيق صدري ومنكد علي عيشتي بالدنيا

تركي : وش عندك بعد

خالد : آآآهـ ياتركي شي انا مو مستوعبه وماأتوقع انت بعد بتستوعبه

تركي : وشو طيب قوول

خالد : خرب كل شي كنت اخطط له راح كل شي في بااالي كرهتها ياتركي وربي جاني احساس ودي اذبحها

تركي : خالد لاتتكلم بالالغااز .. ميين اللي كرهتها

خالد : وفيه غيرها معذبتني

تركي : قصدك بنت عمك الله يرحمه

خالد: ايه بالضبط

يتبع ,,,
👇👇👇
أحدث أقدم