رواية ثلاث سنين من شقى عمري -44

رواية ثلاث سنين من شقى عمري -44

رواية ثلاث سنين من شقى عمري -44


وهذا الشي اللي كان مضيق صدر امها وماكانت تتوقع بيوم من الايام ان بنتها سحر بتصير كـذا ماكانت تتوقع بيوم من الايام ان وحده من بناتها تصير مثل سحر .. مو قادره تعتمد على نفسها وشكلها يقطع القلب ..


في الصاله ..

كانت سحر جالسه على كرسيها اللي خلاص صار هو ملازمها بكل وقت وبكل مكان .. الكرسي اللي صار صديق جديد لـ سحر ,,

ام سحر : سحر حبيبتي شفيك

سحر: ....

ام سحر : سحووره

سحر : يمه

ام سحر : لبيــه

سحر : يمه مها ماجتكم بالبيت

ام سحر : لا والله من سافرتي ماجت ولا مره

سحر كان خلقها ضايق من مها .. صحيح قبل ماتسافر كانت متهاوشه معها بس مهما كان حنت لـ مها واشتاقت لها .. مها صديقاتها من ايام طفولتها .. مها الانسانه اللي عاشت معاها عالحلوه والمره ..
مها اللي ماحبت شخص مثل حبها الصادق لـ مها بس للاسف مها ماقدرت هالشي من سحر .. حتى ماجت تزورها بعد عمليتها ولاحتى جت تواسيها عقب اللي صار لها ..

سحر : يمه عطيني جوالك بدق عليها

ام سحر : وجوالك ليه ماتدقين منه

سحر: يمه ابي اكلمها من جوالك من جوالي ماراح ترد علي لاني امس دقيت عليها ماردت

ام سحر : طيب ياعيووني هذا جوالي دقي عليها وكلميها .. يلا تبين شي

سحر : وين بتروحين

ام سحر : بروح اشوف ابوك وش يبي واجي ماراح اطول

راحت ام سحر ..

سحر اللي كانت ماسكه الجوال وتدق على مها ..

مها ردت : الو

سحر بشوق : هلا والله وغلا

مها : هلا ,, ميين ؟

سحر انصدمت من سؤال مها .. معقوله يعني نسيتيني يامها ..

سحر : انا سحر

مها ببرود : ايه سحر .. هلابك

سحر : شفيك يامها ليه كذا بارده معاي مو فرحانه يعني انك سمعتي صوتي مو فرحان هاني رجعت من السفر وسويت عمليتي ..

مها : الحمدلله على السلامه

سحر والعبره خانقتها : مها والله يشهد علي اني مشتاقه لك حيل .. مشتاقه اجلس معاك واسولف معاك .. مها شفيك علي ليه كـذا اسلوبك معاي .. توقعت انك اول من يدق ويتحمد لي بالسلامه .. توقعت انك اكثر وحده تفرح بخبر رجعتي بالسلامه ..

مها : اتوقع اللي بيني وبينك ياسحر انتهى

سحر : ومن قال لك انه انتهى

مها : سحر انتي اللي خليتي هالشي ينتهي بنفسك ..

سحر : ليه يامها وش سويت انا

مها : تركتيني في امس الحاجه لك ,, طلبتك وانا محتاجه ورفضتي تنفذين لي الطلب .. قهرتيني ياسحر والله حقدت علييك

سحر : يامها بس اللي طلبتيني شي انا تركته من زمان وطريق مابي ارجع له .. انتي طلبتي مني شي مايرضاه ربك ولا رسولك

مها : ماشاءالله رجعتي سحر ثانيه مو سحر اللي اعرفها .. سحر تكفين لاتسوين نفسك فاهمه وانك خلاص بتتغيرين وتتركين حركاتك انا اعرفك زين ياسحر

سحر : سحر اللي كنتي تعرفينها ماتت وراحت عن الدنيا ولاتتوقعين اني بكون نفسها شيلي من بالك يامها

مها : خلاص طيب وش تبين اجل انتي انا ابي سحر الاولى اللي اعرفها مادام انتي مو سحر وش تبين داقه علي

سحر : مها انا مو سحر الاولى اللي تقدر تمشي براحتها ومتى مابغت أي مكان راحت له بكيفها

مها بطنازه : ورجولك وينها والا ماتت مع سحر الاولى

سحر تنهدت : مها بطلبك طلب

مها : اطلبي

سحر : ابي اشوفك

مها : ههههههه شتبين فيني

سحر : ابي اشوفك وبس .. مها الله يخليك لاتردين لي هالطلب .. اذا تقدرين تعالي اليوم لـ بيتنا وانا انتظرك

مها : ماأقدر اليوم مره مشغوله

سحر : حاولي قد ماتقدرين

مها : طيب خلاص بشوف .. يلا مع السلامه

سحر بضيقه : مع السلامه

سكرت سحر من مها وهي تحس ان الارض مو قادره تشيلها تحس الدنيا ضاقت فيها على كبرها الكون الوسيع بكبره ضاق عليه وتحس انها اختنقت من بعد مكالمتها لـ مها



في بيت لطيفه ..


فارس كان بالمجلس ومعاه فيصل واحمد ومشعل ,,

فارس : حموود عطني الريموت لاأكسره على راسك

احمد : واذا قلتلك مابي اعطيك وش بتسوي يعني

فارس : قلتلك بكسره على راسك

احمد : لا صعبه على راسي لو تكسره على ظهري احسن

فارس بجديه : احمد

مشعل : ههههههههههه فرووس صاير شديد

احمد : ههههه من جد

فارس : عطني الريموووت

احمد : مابي مو غصب يعني

مشعل : فارس تبي اقوم عليه واخذه غصب

فارس: لا لا انا اللي بقوم واذبحه

احمد : يالله تعال اذبحني ارتاح من هالدنيا

فيصل : يووه انتم شفيكم صايرين بزران

مشعل : تكفى يالكبير

فيصل : خلاص والله اعقلوا .. احمد ليه ماتعطي فارس الريموت وتريحنا

احمد : شفيك ياحبيبي انا في بالي هواش ووناسه

فيصل يقوم : اجل تهاوشوا لحالكم انا طالع

فارس : لحظه وين وين

فيصل : والله راسي يوجعني من دون شي .. تجون انتم تزيدون علي

فارس : سلاامتك والله نستهبل شفيك

مشعل : اصلا فيصل من اول ماجاء وهو طفشان وماله خلقنا

فيصل : والله تدرون انا احس خلاص ماينفع لي الا خالد

فارس : مين خالد

فيصل : خالد ولد خالك

فارس : اييه خااالد .. اجل ماينفع لك الا هو

فيصل : مو عن شي بس يعجبني تفكيره يعجبني رايه في كل شي .. صح اني اول اخاف منه لانه يعرف كل شي ويخوفني .. بس الحيين صرت احب اشوفه واسولف معه

مشعل : ههههههههههههههه

فيصل : شفيك تضحك قلت شي يستدعي الضحك

مشعل : ههههههه اضحك عليك

فيصل : ليه وش قلت انا

مشعل : ماقلت شي ابد سلامتك

احمد : لحظه طيب مييين خالد ذكروني فيه

فيصل : خااالد اللي جاء مره او مرتين معنا

احمد : ماأذكره

فارس : خلوود اللي يخاف منه فيصل

فيصل : هههههههه ياحبيله

احمد : ايييه قصدك المزيوون والله

فيصل : ايووه المزيوون عليك نوور

مشعل : هههههههههههه فارس ماتلاحظ كل الاثنين عاجبهم خالد

احمد : ايه والله انه حلوو ومزيون

مشعل : بس مو ازين مني

احمد بطنازه: ايه عاد انت مشعل كل الزيين فيك

فارس : نصف الزين في خلق الله ونصفه فيك .. سبحان من خلقك

مشعل : لاعتاد خفوا علي تراني استحي

احمد : ههههههههه مشكلتك انك تصدق على طول

مشعل : اقوول انقلع يالدووب جامل طيب

احمد: هذا طبعي ماأعرف اجامل انا صريح

فارس : ماعليك منه بس انت احلى واحد بالدنيا واحلى من خالد

احمد: لا مايووصل لـ مستوى خالد

مشعل : ماتلاحظ انك ازعجتنا بخالد

فيصل : شرايكم طيب ندق عليه يجي يوسع صدره معنا

فارس : والله انا ماعندي مانع

احمد : فيصل انت دق عليه مو عند رقمه

فيصل : الا عندي بس ماراح اكلمه انا

مشعل يطلع جواله : خلاص انا ادق عليه وبقول له في اثنين ازعجوني يبونك

فيصل : اييه عاد لاتصدق وتقول كـذا

مشعل : ههههههه طيب

احمد : خله عالسبيكر ابي اسمع صوته بالجوال

مشعل : طيب طيب

دق مشعل على خالد ,,

خالد : مرحـبا

مشعل : مرحبا مليووون

خالد: هلابك

مشعل : كييف حالك خلوود

خالد : الحمدلله تمام وانت اخبارك

مشعل : تمااام .. اقول خلود

خالد : سم

مشعل : سم الله عدوك .. انت معزوم اليوم ولازم تحضر هالعزيمه

خالد : عزبمة إيش

مشعل : عزيمه وبس في ناس يبون يشوفونك

خالد : مشعل تستهبل علي انت

مشعل : شفيك شكلك مالك خلق

خالد : لا بس انت ماينفهم منك شي

مشعل : طيب انت وينك الحين

خالد : طالع برا البيت

مشعل : قريب عند بيت خالتي ام عزوز

خالد : لا .. ليه بغيت شي

مشعل :بإختصار ياحبيبي فيصل واحمد جايين عند فارس ويبون يشوفونك يسلمون عليك

خالد : قوول كـذا من اول جالس تلف وتدوور وعزيمه وناس عازمينك مسوي لنا زحمه

مشعل : هههههههههه شسوي ماأعرف اقول مقدمه

خالد : مو لازم مقدمه ماطلبنا منك تعبير

مشعل : ههههههههههههه طيب وش قلت بتجي والا بتسحب عليهم

خالد : لا شدعواا .. خلاص دقايق بس انا الحين اساسا ناوي ارجع البيت بس شكلي بجي عندكم مادام فيه ناس طالبتني تعرف يعني مانقدر نرد طلبيات مثل كـذا

مشعل : مشكله عاد تصدق نفسك وتحس انك بزنس مان

خالد : هههههههههه طيب خلني اجي واوريك شغلك

مشعل : هههههه يلا باااي ننتظرك

خالد : بااي

فارس : يااحبيله ماتوقعت انها راح يجي

مشعل : وليه مايجي شدعوا

فارس : لا يعني يكون مشغوول والا شي

احمد : المهم انه بيجي وبس

فيصل : واحلى شي نلعب بلاي ستيشن

بهاللحظه رن جوال فيصل وكان بجنبه

احمد بسرعه سحبه ..

احمد : ابي ارد على اللي يدق

فيصل : اقول عطني خلني اشوف مين طيب

احمد يغمز له : ميييين غير البشر ؟

فيصل بصوت عالي : احمد عطني الجوااااال

(( طبعا احمد كان يعرف عن غاده وانو فيصل يكلمها حتى كان يعرف ان فيصل مسجلها بجواله غير البشر بس كان يبي يستهبل على فيصل شوي ))

احمد يمد له الجوال : طيب اعصاابك ياحلوو

اخذ فيصل جواله وطلع براا ..

مشعل : الدووب ليش طلع برا

احمد : مسوي لي مايكلم الا في مكان هادي

فارس : اقول بس لايجلس يكلم بالحوش تطلع له امي الحين والا زوجة اخوي

احمد : هههههههههههههه احلى شي

مشعل : والله يصير اكشن خطير

في جهة ثانيه فيصل اللي كان جالس بسيارته اللي كان موقفها قبال البيت ..

فيصل : كل هذا عتب يا غدوو

غاده : ايه .. من جد قهرتني

فيصل : غاده الله يخليك افهميني

غاده : عطني عذر او سبب على غيابك هذا

فيصل : ماعندي سبب بس والله انشغلت هالاسبوعين

غاده : تنشغل يعني خلاص ماتدق ولا حتى ترسل مسج

فيصل : غدوو خلاص عاد والله ادري غلطت وحقك علي .. وانتي المفروض انك تدقين اذا شفتيني مادقيت

غاده : انا كنت اقول كل يوم بدق بكرا يمكن هو يدق بس ماشفت دقيت يعني اسبووعين وينك مو معقوله

فيصل : وانتي ليه توك تدقين

غاده : فيصل لاتعاتبني انا ماسويت شي غلط انا خفت انو فيك شي مابي ادق وانصدم من شي انا ماأبيه

فيصل : يابعد قلبي انتي .. طيب غدوو خلاص انسي اللي صار وانا اسف والله اسف قولي بس وش اللي يرضيك واناا اسويه لك

غاده : مابي شي

فيصل : يعني للحين زعلانه

غاده : اللي سويته يخلي الواحد لازم يزعل

فيصل : ياااقلبي خلاص قلتلك اسف وان شاءالله ماعاد تشوفين هالشي مني

غاده : ماتفيدني اسف بأي شي يافيصل

فيصل : بعدين تقدرين تزعلين على فيصل ؟

غاده : ........

فيصل : شفيك ساكته

غاده : مشكلتي يافيصل انو ماأقدر ازعل عليك لو تسوي أي شي .. لأني احبك

فيصل : لحظه انا مو مستوعب اخر كلمه قلتيها

غاده : هههههههههههه

فيصل : واخيررا نطقتي وقلتيها ياغاده وانا اتمناها من زمااان

غاده : شسوي ماعاد فيني حيل اكتم بقلبي

فيصل : ياعمري ايه خليك كـذا لاتكتمين ابد .. كل شي في قلبك خليه على لسانك

غاده : من عنووني

فيصل : تسلملي عنوونك

(( طبعا خالد وصل للبيت وشاف فيصل اللي كان جالس بسيارته ويكلم .. دخل داخل عند العيال وفيصل شافه وهو داخل ))

غاده : طيب فيصل

فيصل : لبـيه يارووح فيصل

غاده : تقدر تدخل الماسنجر الحين

فيصل : ليه

غاده : ارسلتلك اهداء وابيك تشوفه

فيصل : والله انا الحين برا البيت اذا رجعت دخلت

غاده : متى بترجع طيب

فيصل : مدري ياقلبي انا الحين جالس اكلمك بسيارتي لاني عند واحد من ربعي ودقيتي وطلعت اكلمك برا

غاده : خلاص اجل مابي اشغلك بس اول ماترجع دق علي

فيصل : من عيوني

غاده : مو تسحب علي وتنام

فيصل : ههههههههههههه لاتخافين ماراح اسحب شدعوا عاد

غاده : هههههههههه كل شي جايز يكون

فيصل : هههههه يااحبيلك .. اووكي قلبي انا بدخل عند العيال تامريني شي

غاده : سلامة قلبك

فيصل : الله يسلمك .. باي

غاده : باي

سكر فيصل من غاده ودخل داخل ..

فيصل : السلام عليكم

الكل : وعليكم السلام

سلم فيصل على خالد ,,

مشعل : يلا يافيصل هذا خالد اللي ازعجتنا فيه تبيه يجي

فيصل كان وده يقوم ويصفق مشعل وبان عليه انه متضايق من كلام مشعل ,,

خالد حب انه يغير الموضوع : المهم اخبااركم بس

احمد : تمام بشووفتك

خالد : الله يسلمك

مشعل : شفييك فصوول زعلت

فيصل : لا مازعلت ولا شي

جلسوا العيال سواليف وضحك ..

بعد نص ساعه تقريبا من وصول خالد كان فيصل منسدح ومعاه جواله بيده ..

فيصل : افف هالجوال ودي اكسره

احمد : شفيه بعد

فيصل : مخرف يحذف اشياء على كيفه

خالد : من متى وهو كـذا

فيصل : من يومين تقريبا

خالد : انا صارت لي هالسالفه مع جوالي بس كان يحذف حتى الارقام الصادره والمستلمه

فيصل : ايه نفس حالتي انا الحين يطلع عندي بالسجل انو اخر مكالمه من شوي جايتني صايره بالاخير والدعووه حوسه

خالد : كيف يعني

فيصل يمد له الجوال : خذ الجوال وشوف بنفسك .. يعني صاير عندي رقم احمد اخر شي وهو مادق علي واخر مكالمه صايره اخر شي بالترتيب



اخذ خالد الجوال واول شي طبعا فتحه كان السجل

خالد: يعني الحين المكالمه اللي صايره بالاخير هذي اخر وحده

فيصل : ايه

شافها خالد وكان الاسم ( غير البشر )

مايدري خالد ليه حس بالفضوول يدفعه لهذا الاسم .. يبي يعرف
فتح تفاصيل الرقم .. وياليتـــــه مافتحها ,,

خالد كان يعرف رقم غاده وحس بطعنه قويه جته بقلبه من اول ماشاف الرقم .. فتح عيوونه زين يمكن يكون غلطان برقم والا شي .. تجمد خالد بمكانه وباين عليه انه مستغرب

الكل مستغرب منه وجالسين يطالعوونه ..

خالد مو حاس بعمره ..

ماسك الجوال بقووه وعيونه مو نازله عن الرقم جالس يقراه مره ومرتين وثلاااث

مشعل : خلوود شفيك

خالد انتبه لعمره : هاه لا لا مافيني شي

فيصل : خوفتني جوالي فيه شي

خالد : لا ابد مافيه شي بس

مشعل : خالد بس ايش

خالد : هلا

مشعل : شفيك انت مو طبيعي ابد

خالد : مافيني شي والله شفيكم جلستوا تطالعون فيني

احمد : لان حركاتك من مسكت الجوال مو طبيعيه وجهك انقلب لوونه

يتبع ,,,,
👇👇👇
أحدث أقدم