رواية ثلاث سنين من شقى عمري -43
محمد : هلا وغلا
عبدالله : هلابك .. ويييينك ياحلوو
محمد : اجتمعوا كل الشباب
عبدالله : اييه من زمان بس باقي مشاري
محمد: اوكي يلا دقاايق وانا عندكم ان شاء الله
عبدالله : ننتظرك حبيبي
محمد : اووكي يلا بااي
محمد يقووم : يلا انا برووح للشباب بيباااي
بعد ماراح محمد نزل نواف تحت بالصاله وكان فيه حصه ومشعل ..
دخل نواف : السلام عليكم
حصه : وعليكم السلام
نواف : جلس جنب امه ..
نواف : اقول يالغاليه
حصه : سم ياأبووي
نواف : عندك شغل الحين
حصه : لا والله ماعندي شي .. ليه بغيت شي نواف
نواف: ايه ودي اكلمك بشي مضيق صدري من زمان
حصه : سلامتك ياولدي وش اللي مضيق صدرك
مشعل : نواااف اذا تبيني انا اقوله على لسانك تر ماعندي مانع .. يعني اذا انت خايف وتستحي تتكلم
نواف : حلوو انك تكلمت وانتبهت لك .. والله ماشفتك يالله رووح لغرفتك لو سمحت
مشعل : وليه اروح انا بجلس مع مامي مشتااق لها
نواف : مشعل لايكثر كلامك ورووح يلا
حصه : مشعل حبيبي قووم واسمع كلام اخوك
مشعل يقوم : لعيوونك يمه والله بقووم .. بس يمه طلبتك قبل لاارووح اذا طلبك نواف أي طلب وافقي عليه واهم شي غيداء لاتردييينها
نواف بصراخ : مشعلوووووه
مشعل : هههه اسف والله اسف
نواف : انقلع عن وجهي يلااا
مشعل راح فوق ,,
حصه : شفيك ياأبووي شسالفه
نواف : يمه خلاص انا تعبت وانا كاتم هالشي بقلبي والحيين بقول لك
حصه : يااربي يانواف خلاص قول بسرعه تراك طفشتني
نواف : يمه ماودك تفرحين بزواج واحد من عيالك
حصه : اكيد يانواف وانشاءالله افرح فيهم كلهم
نواف : طيب واذا قلتلك نواف ولدك في باله انه يفرحك بزواجه
حصه : والله بيكووون احلى خبر اسمعه من احلى ولد بالدنيا
نواف : يعني راضيه على هالشي
حصه : اكيد راضيه ومستحيل امنعك من شي انت تبيه وشي يفرحني ويفرحك
نواف : وانا يمه ماراح اتعبك واخليك تدورين لي عروس
حصه تغمز لولدها : شلوون يعني
نواف : ههههههههههههه يعني العروس جاهزه
حصه : يعني حاط عينك على وحده يانواف
نواف : ايه يمه ومن زمااااااااان بعد
حصه : من زمان .. وليه توك تتكلم وتقول
نواف : مدري بس يعني جت ظرووف منعتني من اني اقولك وحسيت نفسي صغير على انو اتحمل مسؤليه وللحين بعد احس نفسي صغير بس خلاص مافيني صبر
حصه : طيب ماقلتلي مييين
نواف : غيداء
حصه : مين؟؟
نواف : شفيك يمه .. غيداء بنت خالي سعود الله يرحمه مافي احد غيرها
حصه : لاا يانواف
نواف : وشو اللي لا يمه
حصه : غيداء ابد ماتنفع لك
نواف : لييييييييه ماتنفع لي
حصه : البنت ماتصلح تكون زوجتك يانواف انا اقولها لك من الحين
نواف : يمه ليييه طيب ليه ماتصلح عطيني سبب يقنعني
حصه : نواف افهمني خلاص ماتصلح لك وبس .. انا ادور لك غيرها
نواف يقوم : لا يمه انا هذا اللي عندي ومابي غيرها .. بتفرحين ولدك وتخطبين له اللي يبيها حلوو .. وغير هذا يمه تكفيين لا
حصه : لحظه يانواف اجلس واسمعني
نواف : يمه انتي ضيقتي صدري الحين كيف تبيني اسمعك
حصه : ليه ضيقت صدرك .. نواف انا اقول لك الشي اللي يهمك ولـ مصلحتك
نواف : خلاص طيب انا طالع وفكري باللي قلتلك
حصه : تعال لحظه خلني افهمك
نواف : يمه الحين ماأقدر تكفين خلاص .. وطلع نواف ضايق صدره حيل من سمع كلام امه ,,
رهف تقوم : معليش بنوتاات والله ازعجتكم بسواليفي البايخه
ساره : لا والله شدعووه
غيداء : بالعكس وسعتي صدرونا
ساره : كرري زيارتك عاد مو تقطعييين
رهف : ان شاءاالله .. دقي بس على خالد شوفي
ساره : هو مارد عليك من شوي
رهف : لا مايرد
غاده : شكله بيسحب عليك
رهف : لاعاد مايسويها
ساره : انا ادق عليه واشووف
دقت ساره وبرضوو خالد مارد عليها
ساره : مااايرد
رهف : يااربيه وينه يعني
غيداء : ماعليك ندق مره ثانيه وبيرد الحيين
ثواني ويدق خالد ..
رهف : عطيني ارد عليه
رهف : اهلين خالد
خالد : هلا وغلا
رهف : وينك
خالد : خلصتي
رهف : ايه
خالد: خلاص دقايق وانا عند الباب جهزي نفسك
رهف : انشاءالله باي
خالد : باي
ساره : وش يقول خلود
رهف : بيجي الحين
غيداء : خلاص اجل تعالوا ننزل تحت على مابال مايجي
رهف : لا بنات خلونا هنا احسن
ساره : مافيه احد تحت يلا بس تعالوا ننزل
نزلوا البنات في الصالة ..
وكانت ام سعود بالمطبخ وكانت تدري بوجود رهف راحت ساره لها ..
ساره : ماما تعالي سلمي على رهف قبل لاتروح
رهف : والله فشيله احس شكلي غلط
غاده : عادي والله تتفشلين من جدتي شدعوه
ام سعود دخلت : ياحيالله رهف
رهف : هلا والله خالتي .. شخبارك
ام سعود : الحمدلله بخير .. انتي شخبارك واخبار امك واختك
رهف : الحمدلله ياربي كلهم بخير
ام سعود : الحمدلله .. سلمي عليهم حبيبتي
رهف : انشاءالله يبلغ
ام سعود : يلا اجل انا اخليكم بروح انام .. تصبحون على خير
البنات : وانتي من اهله
رهف : ياربي وينه خالد تأخر احس مالي داعي مره تأخرت
ساره : ياربيه انتي ليه شايله هم والله عادي
رهف : فشيله ياساره عاد اذا كان صاحبك عسل لاتلحسه كله
غيداء : ياحبيلك خلاص الحين خالد راح يجي
ثواني ويرن جوال رهف ..
رهف : هذا خالد يدق
ساره : الطيب عند ذكره
رهف قامت : يالله بنات تامروني شي
البنات : سلاااااامتك
ساره : كل ماضاق صدرك يارهف لايردك الا خالد دقي عليه وهو ماراح يرفض انك تجين عندنا
رهف : من عيوووني .. مع السلامه بنات
البنات : مع السلامه ..
بعد ماطلعت رهف ..
غاده : ياحبيلها رهف مره طيووبه
غيداء : بس ضيقت صدري صراحه
غاده : لييه
ساره : يعني علشان حالتهم قصدك
غيداء : ايه والله حرام مايستاهلون انا قهرني ابوها
ساره : الله يعيينهم بس
غاده : بس مو ملاحظين انها مره متعلقه بـخالد
غيداء : يحق لها
ساره : وبعدييين شفيها اذا تعلقت فيه عادي اخوها لو تحبه وتموت فيه
غاده : شفيك انتي طيب شبت نارك ماقلت شي انا
ساره : لا بس كأنه يهمك هالشي
غاده : يابيييخك ساره .. انا اروح انام احسن يلا بس تصيحون على خير
ساره : ههههههههههه احلام سعيده
راحت غاده فوق غرفتها ,,
غيداء : ماودك نروح بعد احنا ننام
ساره : الا والله
غيداء : يلا طيب قومي انا مره دايخه قومي قبل لاأنام عليك
ساره : ايه عاد اتورط فييك يالدووبا
غيداء : ههههههههههه قوومي بس
نواف اللي كان يدق على جوال الهنوف وماردت .. ودق ع البيت ..
عبدالعزيز : الووو
نواف : اهلييين
عبدالعزيز : هلا والله وغلا
نواف : هلابك
عبدالعزيز : عاش من سمع هالصووت وييينك ؟
نواف : عاشت ايااامك حبيب قلبي
عبدالعزيز : انا بقوولك شي وانت مالك خياار بس اللي عليك تقوول تم
نواف : ههههههه شعندك
عبدالعزي : قول تم طيب
نواف : تم
عبدالعزيز: تجي عندي الحيييين
نواف : والله ودي بس عندي اشغال الى راسي
عبدالعزيز : وش اشغالك عاد .. تصحح دفاتر طلاب .. والا تحضر درس ياأستاذ نواف
نواف : ايه تطنز لولا الاساتذه والمعلمييين كان ماطلعت على الدنيا
عبدالعزيز : هههههههههههههه الله يخليك لنا .. المهم بس انت قلت تم خلاص لازم تجي
نواف : طيب بس مو الحييين
عبدالعزيز : ليه شعندك الحييين
نواف : ماعندي ش خلاص بشووف .. بس عطني الهنوف شوي اكلمها واجي ان شاءالله
عبدالعزيز : شتبي في زوجتي ؟
نواف : مشتااااااااق لها ابي اكلمها .. فيها شي بعد
عبدالعزيز : هههههههه لامافيها شي .. يلا دقيقه اناديها لك
نواف : انتظرك
راح عبدالعزيز ونادى الهنوف تكلم نواف ..
الهنوف : اهليين
نواف : هلا والله
الهنوف : هلابك .. كيف حالك ..
نواف : الحمدلله بخير .. اقول الهنوف
الهنوف : هلا
نواف : متى اخر مره رحتي بيت جدتي
الهنوف : مدري والله بس من زمان
نواف : ليه مارحتي لهم طيب
الهنوف : انشاءالله بروح قريب ليه يانواف
نواف: لا ابد بس متى مارحتي وشفتيهم سلمي عليهم
الهنوف : لا أبد انت مو طبيعي اليوم يانواف
نواف: هههههههه لا والله مافيني شي بس عادي ابيك توصلين سلامي بس
الهنوف : انشااءالله يبلغ
نواف: لاتنسييين تكفين
الهنوف : من عيووني
نواف: تسلمين لي والله
الهنوف: انشاءالله لعيوونك اليوم بقول لعبدالعزيز نروح لجدتي علشان اوصل سلامك ويكون حار احسن
نواف: ههههههههههههههه يجيك السلام من جهه وتوصلينه من جهه ثانيه..
الهنوف : شفت كييف
نواف: ياحبيلك .. عطيني عزووز اكلمه شوي
الهنوف : اوكي يلا مع السلامه
نواف: مع السلامه
اخذ عبدالعزيز التلفون : هلاا
نواف: عبدالعزييز خلاص تراني هونت
عبدالعزيز : اقول لايكثر بس انا نتظرك
نواف: والله ودي بس خلاص ماعاد يمديني
عبدالعزيز : مو شغلي محد قال لك كلم اختك وضيع وقتك معها
نواف : طيب طيب خلاص دقايق وبمشي ماراح اطول
عبدالعزيز : انت تعال الحيين ويكون خير
راح نواف عند عبدالعزيز ..
في الصاله كانوا جالسين والهنوف في المطبخ تسوي القهوه مع خالتها لطيفه ..
عبدالعزيز : والله ياحبيبي فيك شي بس مو راضي تقول صح
نواف : عبدالعزيز ضاايق صدري
عبدالعزيز : سلاامتك من الضيقه ماعاش من يضيق صدرك
نواف : عبدالعزيز شكل اللي في بالي من زمان وقلتلك عنه ماراح يتم
عبدالعزيز : وشو يانواف
نواف : غيداء
عبدالعزيز : شفيها غيداء
نواف : عزووز انا رحت لأمي وقلتلها عنها على اساس تخطبها
عبدالعزيز : طيب حلووو ليه ضايق صدرك
نواف : تدري وش قالت امي والله شي قهرني
عبدالعزيز : وش قالت
نواف : تقوول غيداء ماتصلح لك .. انا اموت واعرف لييه اقول لها عطيني سبب تقول ماتصلح لك وبس
عبدالعزيز : طيب نواف مافكرت انها تكون مخطوبه
نواف عصب : عبدالعزيز بسسسسسس
عبدالعزيز : شفيك عصبت
نواف : لاأسمع منك هالكلام
عبدالعزيز : اقولك انا يمكن ماقلت أكيد
نواف : والله عاد لو تصير مخطووبه لأسوي شي مافي احد سواه قبلي
عبدالعزيز : اسمعني طيب والله انت ماتضمن الدنيا سريعه يمكن تنخطب اليوم قبل بكرا .. انا عندي لك فكره بتريحك
نواف : وش فكرتك
عبدالعزيز : تروح لجدي انت بنفسك مادام امك تقول انها ماتصلح لك
نواف : كيف طيب اروح وامي مابعد قالت لابوي شي وحتى هي نفسها مارضت عالبنت
عبدالعزيز : عادي مافيها شي يانواف انت سو اللي في بالك علشان ترتاح صدقني
نواف : بس اخاف يزعل ابوي والا امي
عبدالعزيز : اذا كانوا يبون سعادتك وفرحتك ماراح يمنعونك والا يزعلون
الهنوف طبعا قبل ماتدخل سمعتهم وماحبت تدخل وتقطع عليهم السالفه فجلست برا تسمع اللي يدور بينهم
نواف : والله مدري متردد
عبدالعزيز : لاتتردد لو تبي رحت انا وياك اليوم او بكرا
نواف : لو الود ودي خليك زواجي اليووم والحين بعد
عبدالعزيز :هههههههههههههه شدعووه
نواف : جد ياعبدالعزيز اكلمك
عبدالعزيز : خلاص اجل بكرا اجي عندك ونروح انا وياك نقول لجدي
نواف : والله جد
عبدالعزيز : ايه والله
نواف مبسووط قام وحب راس عبدالعزيز : ياااحبيييلك
عبدالعزيز : ههههههههههه مصالح يالدووب مو لله يعني
نواف : والله احبك بعدين لاتقول يالدوب
عبدالعزيز : يالبى قلبهم الحساسين .. خلاص من عيوووني
نواف : هههههههههه يلا انا تأخرت على محمد اخوي
الهنوف دخلت : لحظه لحظه بدرري
عبدالعزيز : وييينك كل هذا قهوه
الهنوف : لا بس جلست مع خالتي شوي وراح علي الوقت
نواف : مشكووره والله خلاص بطلع
عبدالعزيز : خذ لك فنجال واطلع .. وبعدين وش عندك مع محمد
نواف : شغل بسيط متى ماخلصت منه قلتلك .. يلا مع السلامه ولاتنسون جدتي
طلع نواف ..
عبدالعزيز : مالك داعي الهنوف
الهنوف : شسوي عبدالعزيز والله راح علي الوقت ماحسيت
عبدالعزيز : قومي طيب مع امي نتقهوى شوي معها علشان نمشي لجدتي
الهنوف : انشاءالله
طبعا سحر من بعد عمليتها اللي مانجحت صارت مشلوله شلل نصفي ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك