رواية ثلاث سنين من شقى عمري -48

رواية ثلاث سنين من شقى عمري -48


رواية ثلاث سنين من شقى عمري -48

فيصل : اكييد ياروح فصولي


خالد اللي كان واقف عند الباب من سمع اسم فيصل من غاده .. حس برجوله مو قادره تشيله .. خلاص من بعد هاللحظه تأكد انو فيصل اللي يجلس معاه ويسولف وياه يكلم غاده ويحبها وهي تحبه .. الشيئين اللي خلاه يتأكد .. شاف رقمها بجواله وسمعها وهي تكلمه (( ياعمري خالد طول حياته هموم وصدمات مايتحملها ))

جلس عالارض وسند راسه على الجدار .. وده يصرخ ويصحى من الحلم اللي كان يتوقع انه يعيشه .. كان يأمل نفسه انه حلم ومو واقع ..

جلس خالد فتره عالارض مو حاس بنفسه .. الافكار اخذته لبـعيد ونسته نفسه والمكان اللي هو جالس فيه ..

بعد تقريبا نص ساعه ..

الوليد اللي كان توه راجع وداخل للبيت .. رقى فوق وهو رايح لغرفته شااف الشي اللي صدمه واستغرب منه ..

خالد اللي كان جالس عالارض وعند باب غرفة غاده وشكله مو طبيعي ..

الوليد قرب عنده ونزل جسمه له : خالد

خالد اللي كان سرحان ومو حاس بأحد حوله

حط الوليد ايده على كتف خالد وهزه : خلووود

خالد انتبه : هلا هلا معاك

الوليد : خالد شفيييك .. وش اللي مجلسك هنا ..

خالد استوعب المكان اللي هو جالس فيه وقام: مافي شي سلامتك

الوليد قام معه ومسكه مع يدينه : ممكن تجي معاي بغرفتي

خالد منزل راسه : ليه شبغيت

الوليد : ابيك شوي

خالد : بعدين اجي معك الحين مره دايخ وودي انام

الوليد : ثواني بس ماراح اطول معاك

خالد : لا لا خلاص بعدين .. برووح انام انا تصبح على خير ..

راح خالد لـغرفته وترك الوليد اللي مو مستوعب شي .. شكل خالد مو طبيعي وربكته مو طبيعيه .. ومكانه اللي جالس فيه استغرب منـه الوليـد حيل ..

في بيت لطيفه ..


عبدالعزيز جالس وجنبه الهنووف وحاط ايده على بطنها ..

عبدالعزيز : الحين هالبيبي ليه مو راضي يتحرك

الهنوف : هههههههه عزووز مو الحين توه بدري عالحركه

عبدالعزيز : متى يعني ناوي يتحرك ويخلينا نحس فيه

الهنوف : كلها شهر وشوي انشاااءالله

عبدالعزيز : ومتى يجي هالشهر مافيني صبر انا

لطيفه اللي كانت جالسه وتشوف عبدالعزيز والهنوف .. تشووفهم بإبتساامه حلوه .. وهي مبسووطه حيل ..

الهنوف : الايام سريعه بتروح واحنا مو حاسين فيها

لطيفه : وبيجي اليووم انشاءالله اللي اشوفكم بنفس مكانكم وجلستكم هذي ومعاكم ولدكم

عبدالعزيز يرفع ايدينه : امييييييين
طبعا فهد اختلاطه قليل جدا باهله .. انشغل بحياته عن ابوه وامه واخوانه

وعرف بسالفة نواف ودخووله السجن وضاق صدره عليه وزاره بالسجن وماحاول ينساه ..


بـــــين هالاحداااث اللي صايره .. فرح .. ألم .. ضيقه .. ندم .. قهر .. حب .. مأسآه .. كل واحد عايش باللي صاير له بدنيته ..

وراضي باللي انكتب له ..

ام سعود + ابو سعود : عايشين حياتهم ويحاولون يسعدوون عيالهم واحفادهم

فهد : عايش حياته بعيد عن الناس .. يزور اهله وماينساهم

حصه : حياتها حزن من بعد ماغاب عنها نواف .. اكبر عيالها .. وتدعيله كل يوم يفرج ربي همه

لطيفه : مبسوطه بحمال الهنوف .. وسعادتها مع عبدالعزيز

ام سحر : تسوي كل شي علشان تسعد بنتها المقعده

خالد : من طلع على دنياه والهم صاير مثل ظلـه .. يحاول يبعد فيصل عن غاده بطريقته الخاصه

عبدالعزيز : مبسووط وراضي .. بس يكدر عليه فرحته نواف كل ماتذكره

نواف : بين اربع جدران عايش .. كل تفكيره على غيداء خايف انها تروح منه وهو محبوس مو قادر يسوي شي

الوليد : حياته طبيعيه .. بس دايم يتساائل في نفسه عن خالد وحركاته اللي كان يشوفها منه بإستمرار

محمد : حاس بذنبه اللي سواه .. انه هو سبب دخول اخوه السجن .. تمنى انه ماقال له عن سلطان .. وكره اليوم اللي عرف فيه سلطان

فارس : حياته الاولى اللي عايشها هي نفسها ماتغيرت .. مجتهد بدراسته ويتمنى يحقق حلمه وينادونه الدكتور فارس

مشعل : عايش حياته بوناسه بس كل ماتذكر اخووه يتكدر عليه الجو ويضيق صدره

فيصل : ضاايق صدره من خالد وتصرفاته معاه .. كل ماحاول يقرب من خالد ابتعد عنه

تركي : يحااول يخفف عن خالد حزنه وهمومه .. ودايم يحط في بالـ خالد ان الدنيا ماتوقف عند غاده

الهنوف : تحمد ربها على حياتها مع عبدالعزيز بس سالفة نواف طبيعي تضيق صدرها .. وتفكر بأخوها ليل ونهار

غيداء : تعلقت بنواف حيل على انها ماعاشت معاه ولا ثانيه بس مجرد خطبه .. تصيح كل يوم وتدعي ربها يفرج عليه همه .. وكانت دايم تحط في بالها انها تروح وتزوه من دون ماأحد يدري بس كانت متردده مره ..

غاده : حياااة تافهه تعيشها .. كل همها فيصل ومطنشه بدراستها .. وناسيه الشخص اللي يموت باليوم الف مره علشانها

ساره : حياه اعتادت عليها .. ودااايم على بالها نواف اللي مستحييل احد ينساه ودايم يفكرون فيه

سحر : تغيرت حياتها للأفضل من بعد مارجعت صداقتها مع مها

مها : تقبلت سحر ورضت عليها وصارت تاخذ منها كل شي يفيدها وتحاول تترك حركاتها وحقدها على الناس

هيا وبناتها : حياااتهم المعتاده ..


بـعــــد مـرور خـمـس شـهــور ,,

في بيت ابو سعود .. غرفة ساره ..

الهنوف جالسه مع غـيداء اللي حالها مايسر أحد .. تحاول تخفف عنها

الهنوف : وبعــدين معـك يعنـي مـو راضيه تعطيـنا ابتسامه حلوه

غيداء : الهنوف مو بكيفي وربي

الهنوف : الا بكيفك وكل شي بيدينك بس انتي معقده الامور وتشووفينها صعبه .. هونيها وتهون .. وانتي ادعي ربك وربي مايضيع احد

غيداء : ونعم بالله

الهنوف : يلا اشووف قومي معاي ننزل تحت وابتسمي واضحكي للدنيا تضحك لك

غيداء : ودي والله بس كل ماتذكرت نواف احس ماتستاهل الدنيا نضحك لها

الهنوف : والدنيا بعد ياغيداء ماتستاهل الضيقه ودمووعك

غيداء : الله يعيين .. قومي يلا ننزل

الهنوف : يلا

نزلت الهنوف مع غيداء ..

ام سعود ولطيفه وساره وغاده .. جالسين بالصاله :

لطيفه : هلا والله غيداء .. وينك كل هذا تغلي

غيداء تسلم على عمتها : لاوالله ياعمتي شدعووا

لطيفه : شخباارك واخبار الجامعه

غيداء : الحمدلله كل شي تمام

لطيفه : الله يعينكم ويوفقكم

غيداء : امين

ساره : اقوول الهنوف مااودك تولدين احس انك طولتي

الهنوف : وانا وش بيديني لو الود ودي ولدت اليوم قبل بكرا

ساره : بس على كبر بطنك ماشاءالله شكلك بتجيبين لنا عشر تواائم

الهنوف : بسم الله علي .. فال الله ولافالك تخيلي عاد معاي عشره

غاده : ههههههههههه اتبرع انا اشيل معاك اثنين منهم

ساره : وانا بشيل اربعه لو تبين

ام سعود : بسم الله عليها .. انشااءالله تجيب لنا ولد ونسميه ناصر على ابو عبدالعزيز

لطيفه : لا والله على حبي لناصر بس اسم ناصر موب حلو يسمونه اللي يبونه مو لازم ناصر

ام سعود : بس اللي اعرفه ان عبدالعزيز وده بهالاسم

الهنوف : ايه عبدالعزيز يقول لي ياخالتي اذا ولد ناصر انشاءالله

ساره : انتي الحين جيبي لنا البيبي وبعدين فكري وش تسمينه

غيداء : سمعت انو اذا كانت بنت بتسمونها غيداء علي

الهنوف : ههههههههههههه ابشري

ام سعود : يلاا بس قوموا نتعشاء قبل لايجي عبدالعزيز واحنا مابعد تعشينا

لطيفه : ايه الهنوف متى قال لك عبدالعزيز بيجي

الهنوف : والله مدري ياخالتي .. تبيني ادق عليه

ام سعود : لا لاتدقين نتعشى اول بعدين دقي

لطيفه : يلا اجل نتعشى قبل لا يجي


في المدرسه الثانويه ( بنات )


غاده كانت جالسه مع فجر وتسولف لها عن فيصل

فجر : ايييه وانا اقوول ليه ادق عليه ومايرد علي

غاده : ههههههههههه شتبـين فيه خليه في حاله

فجر : انا بخليه لك لانه ماعاد يهمني اصلا

غاده : وليه ماهاد يهمك والا لقيتي لك واحد غيره

فجر : مو واااحد ولا اثنين

غاده : الله يرجك وانتي كل خلق الله متعرفه عليهم

فجر : شفتي كيف .. فجووره اجتماعيه

غاده : ماشاءالله عليييك .. انا عندي فصوول عن الف شخص

فجر : يااااااعيني .. ويين غاده اللي ماكانت تحب فيصل

غاده : هذاك اول .. والاول تحول فجووره

فجر : ايه صح تعاااااااااالي

غاده : وشو

فجر : وش اخبار ولد عمك هذاك اللي ماتحبينه

غاده : ييييع وش ذكرك فيه

فجر : مدري جاء على بالي

غاده : والله مدري عنه ..

فجر : ماتزوج ؟

غاده : لا مابعد يااليت يتزوج اليوم قبل بكرا ونرتاااااح

فجر : هو مره جاء واخذك من المدرسه

غاده : ايه الله لايعيد هذاك اليوم .. وطلعتي معاي وشفتيه

فجر : اييييييييه ذكرت سيارته كانت لكزس على ماأظن

غاده : اييه

فجر : ياااملحه يجنن هذاك الولد

غاده : يجنن في عينك

فجر : والله حلووو حرام عليك

غاده : ايه حلو بس انا اشووف اشين واحد بالدنيا

فجر : ماعلي منك عطيني رقمه بس

غاده : خير وش تبين برقمه

فجر : بسوولف ويااه

غاده : لاياحبيبتي دوري لك غيره

فجر : لييه مهتمه مو انتي ماتحبينه

غاده : ايه ماأحبه بس يضل ولد عمي

فجر: طيب واذا صار ولد عمك

غاده : يعني تبيني اعطيك رقمه بكل سهووله مستحييل يافجر

فجر تقوم : يووه انتي باايخه بجد

غاده : تسلميين مو ابيخ منك

فجر : رووحي بس لاتتأخرين على الحصه

غاده قامت : ياااصبر الارض اللي تمشين عليها يافجر

فجر التفتت : ايش ايش .. عيدي كلامك اللي قلتيه

غاده : ماقلت شي سلامتك

فجر عصبت من غاده

فجر : طيييييييب ياغاده انا اورييك والله اذا ماخليتك تندمين ماأكون انا فجــــــــر

(( غاده وفجر علاقتهم علاقه مصالح ووناسه .. يوم واحد راضين على بعض وعشره متزاعلين .. ))


في بيت لطيفه .. الساعه تقريبا 1 الظهر ..

فارس توه داخل للبيت راجع من الجامعه وكان الجوو حر وطفشاان ..

دخل وحاط شماغه على كتفه ..

لطيفه اللي كانت في الصاله جالسه على اعصابها مو قادره تجلس وهي تردد .. الله يهوون عليها ياارب

فارس : السلام عليكم

لطيفه : وعليكم السلام هلا والله

فارس : مين اللي الله يهون عليها

لطيفه : الهنوف بالمستشفى الحين ياعمري من الصبح عبدالعزيز وياها بالمستشفى

فارس : ولدت ؟؟

لطيفه : لا مابعد الله يهوون عليها

فارس : اميين

لطيفه : تبي غداك الحين ياأبوي

فارس : لا مو مشتهي شي .. تبين اوديك يمه للمستشفى

لطيفه : لا وش يوديني الحين .. انشاءالله اذا ولدت بالسلامه رحت لها

فارس : انشاءالله .. يلا اجل انا بروح ابدل ملابسي وانزل

لطيفه : الله يحفظك

اخذت لطيفه الجوال ودقت على عبدالعزيز ..

عبدالهزيز : هلا يمه

لطيفه : بشر ياأبوي شصاار

عبدالعزيز : مابعد صار شي يمه للحين

لطيفه : طيب مادخلت عندنا

عبدالعزيز : تهاوشت انا ويااهم مو راضين يدخلوني

لطيفه : الله يعيينها ويسهل عليها

عبدالعزيز : يمه والله اني خايف يصير لها شي

لطيفه : بسم الله عليها

عبدالعزيز : طولت ماولدت .. لها داخله الحين ساعتين ونص

لطيفه : اخاف انه مو وقت ولادتها بس .. يعني توه مابعد نزل راس الولد

عبدالعزيز : والله مدري يمه لاتسأليني بهالشغلات انا مدري شسالفه

لطيفه : ههههههههه الله يصلحك ويهديك .. روح لها طيب شوف الحين

عبدالعزيز : انشاءالله .. مع السلامه

لطيفه : مع السلامه

بعد ثواني من انتظار عبدالعزيز طلعت له الدكتوره ..

الدكتوره : مبروووك المدام ولدت وجابت بنوته حلووه .. الحمدلله على سلامتها

عبدالعزيز : الله يسلمك ياادكتووره .. وينها طيب اقدر اشوفها

الدكتوره : ايوه تقدر بس هي تعبانه شوي .. تفضل تقدر تشوفها

عبدالعزيز : يعطيك العافيه دكتوره

دخل عبدالعزيز على الهنوف ..

جلس جنبها وباسها على راسها ..

عبدالعزيز : الف الف الف مبروووك .. احلى شي بالدنيا انو صار بيني وبينك رابط مشترك خخخخخ

الهنوف بصوتها التعبان ومو فاضيه لمزحه : هههههه الله يبارك فيك

عبدالعزيز : وش اخبارك الحين

الهنوف : الحمدلله بخير

عبدالعزيز :شخبار البنوته ماشفتيها

الهنوف : والله مدري حطوها على صدري شوي بعدين خذوها ماأمداني اشوفها زين

عبدالعزيز : انا بجلس شوي وبروح اجيبها

الهنوف : طيب امي درت

عبدالعزيز : ايه صح ذكرتيني خليني ادق على امي اول وادق على خالتي ابشرها

ودق على أمه ..

لطيفه : هلا والله .. بشر ياأبوووي

عبدالعزيز : ابشررك يمه ولدت الهنووف بالسلامه

لطيفه : الله يبشرك بالخير .. الحمدلله على سلامتها

عبدالعزيز : وجاابت بنوته حلوه تشبه لك يمه

لطيفه : ماشاءالله عليك شفتها

عبدالعزيز : هههههههه لا والله مابعد شفتها .. انا الحين عند الهنوف

لطيفه : ياعمري عليها .. شخباارها

عبدالعزيز : الحمدلله بس تعبانه شوي

لطيفه : الله يكون بعونها .. والحمدلله ولدت بالسلامه

عبدالعزيز : ايه والله الحمدلله .. يلا يمه انا بدق على خالتي حصه ابشرها

لطيفه : خلاص اجل انا بدق على جدك وجدتك

عبدالعزيز :يلا فمان الله

لطيفه : مع السلامه .. سكر عبدالعزيز ودق على حصه

حصه : السلام عليكم

عبدالعزيز : وعليكم السلام هلا والله خالتي

حصه : هلاوغلا ..

عبدالعزيز: شخباارك ووش اخبار بنتك الهنوف

حصه : بنتي !!

عبدالعزيز : ايه

حصه : الحمدلله بخيير .. شفيك عبدالعزيز انهبلت

عبدالعزيز : هههههههههه لا ياخالتي ماإنهبلت بس حبيت ابشررك

حصه : بشر ياعبدالعزيز

عبدالعزيز : الهنووف ولدت

حصه : الهنوووف !! .. متى ولدت ووش اخباارها بنتي وينها الحين

عبدالعزيز : هدّي ياخالتي .. توها والده الحييين والحمدلله هي بخير الحين وجابت بنووته حلوه تشبه لك هههه ..

حصه : الحمدلله على سلامتها .. انت بالمستشفى الحين

عبدالعزيز : ايه ياخالتي

حصه : وامك عندك ؟

عبدالعزيز : لا والله بروح اجيبها بعد شوي والا اقول لفارس يجيبها

حصه : اجل انا بصحي مشعل والا محمد واجي انا وياه

عبدالعزيز : خلاص انتظرك

حصه : مع السلامه

عبدالعزيز : مع السلامه

راحت حصه بسرعه لغرفة مشعل وشافته نايم وراحت لمحمد كان جالس بغرفته مابعد نام

حصه دخلت : حلوو ياأبوي انك مابعد نمت قووم ودني الله يخليك

محمد : ويين يمه ؟

حصه : اختك ولدت وجابت بنت وبرووح لها بالمستشفى

محمد : يااحبيلها الهنووف ولدت .. متى يمه ؟

حصه : من شووي .. يلا ياأبوي قووم نروح انا وياك يلا

محمد يقوم : يلا بس ابدل ملابسي وانزل

حصه : يلا لاتتأخر انتظرك تحت

محمد : انشاءالله دقايق بس

بدل محمد ملابسه وركب السياره مع امه ..

ووصلوا للمستشفى

محمد يدق على عبدالعزيز :

عبدالعزيز : هلا والله وغلا

محمد : هلا والله بزووج اختي وأبو عيال اختي وولد خالتي

عبدالعزيز : ههههههههههههه من كثر عيال اختك ترا كلهم بنووته وحده صغنوونه

محمد : هههههههههههه الف الف مبرووك الحمدلله على سلامتها

عبدالعزيز : الله يسلمك عقباال مانبارك لك

محمد : امين .. المهم عزوز كم رقم الجناح وبأي دور

عبدالعزيز : انت بالمستشفى الحين

محمد : ايه انا وامي

عبدالعزيز : حلوو .. الدور الرابع جناح 211

محمد : اووكي دقايق واحنا عندك

ثواني ودخل محمد ومعاه امه على الهنوف ..

حصه راحت عند بنتها وجلست على السرير : الحمدلله على سلامتك ياحبيبتي الف الف مبرووك

يتبع ,,,
👇👇👇
أحدث أقدم