رواية ثلاث سنين من شقى عمري -9

رواية ثلاث سنين من شقى عمري - غرام


رواية ثلاث سنين من شقى عمري -9

نواف: بالله عليك يعني فيه غير ام منصور نحكي عنها


الهنوف: هههههههههههه من حبكم لها تحكون عنها

مشعل يتطنز: افااااا عليك هذي ام منصور اذا ماحبيناها مين نحب

حصه صدقت مشعل: بعدي والله مشعل ايه كذا خلك رجااااااال

نواف والهنوف: هههههههههههههههه

الهنوف: ايه اكيد بتحبها هي تموووت فيك

مشعل: وووووووووووووع من زينها عاد

حصه: مشعل وين كلامك من شوووي

مشعل: يمه الله يهديك صدقتي يعني

محمد جااااااا يركض من براااا

محمد وهو يلهث: عيااال عيااال

حصه: شفييييييك محمد

محمد: ام منصووور فتحت لها الباااب ودخلت

مشعل: بسم الله الرحمن الرحيم لاذكرت القط جاك ينط

الكل: ههههههههههههههه

حصه: خلاص عاد يالله بلا ضحك روحوا لغرفكم يلاااا

ركضووو العيال فوق قبل لاتدخل ام منصوور ويبلشون
واولهم مشعل لانها اذا شافته ماعاد تركته نشبه . . .

دخلت ام منصووور

حصه: هلا والله ام منصور تفضلي حيااك

ام منصور: الله يحييك ... وش اخبارك واخبار عيالك

حصه: الحمدلله كلهم بخير وصحه تفضلي البيت بيتك
ام منصور جلست عالكنب...

حصه: بشرينا عنك ياام منصوور

ام منصور: الحمدلله بخيـــر
جلسوا يسوولفون شوي مع بعض واستأذنت ام منصور وراحت بيتها
مشعل يطل على امه من فوووووق

مشعل: يمه راحت

حصه: ايه الله يصلحكم راحت

مشعل: شباااااب يلا انتم احرار الحين

نزل مشعل لامه : هاااه شخبارها ام منصوور

حصه تناظر ولدها : وانت شعليك منهااا

مشعل: لا تناظرين كذا يمه تحسبين اني مهتم فيها والا احبهااا

حصه: ههههههههههههه ناوي تحب وحده اكبر من امك

مشعل: مدري عنك

حصه: الله يصلحك ياولدي ويهديك واشووف 10 من عيالك انشالله

مشعل : لامابي عشره عااد ماني فااضي لهم
رن تلفوون البيت...

مشعل راح ورد وحصه راحت تشوف اشغالها بالمطبخ


مشعل: الووو .. مرحبا مشعل يتحدث

فارس يقلد صوته بطنازه: الووو مرحبا مشعل يتحدث

مشعل: ههههههههه ماتعرف تقلد

فاارس: هههههه اخبااارك يالدب

مشعل: تمام التمام

فارس: وينك ماترد على جوالك لي ساعه ادق

مشعل: سووري فروس جوالي فوق

فارس: المهم انت فاضي الحين

مشعل: ايه ليه بغيت شي

فارس: ماودك امرك نروح نتمشى شوي

مشعل مطير عيونه: تمرني

فارس: ايه شفيك

مشعل: تعال تعال انت وين فيه الحين

فارس: بالرياااااااض

مشعل: ووووووالله متى جيت يالدب ولاقلتلي

فارس: توني جاي مع تركي طفشت من الشرقيه ياشيخ

مشعل: قوول مشتقالي والله

فارس: عاااااش واثق اقوول بس جهز حالك دقايق وانا وتركي عند الباب

مشعل: اوكيــــه باي

فارس: باي

مشعل راح وبدل ملابسه وطلع برى يحتري فارس وتركي يجوون
دقايق الا سيارة فارس توقف عند الباب

تركي فتح الدريشه : يلااا ياشيخ تأخرت علينا

مشعل وهو يسكر باب البيت: تعرف تكذب بعد توكم جاين يالدب

ركب مشعل ورا بالسياره وسلم عليهم

مشعل: تو مانورت الريااااض والله

تركي: اكيد بوجوودي

مشعل بمزح: انت شدخلك انت وخشتك انا اقصد فارس

فارس: ههههههههه هذي مشكله الواثقين

وجلسوووا سواليف وضحك




قضت الاجازه وايامها الحلووه انطوت ايامها بسرعه وبلمح البصر
اليوم هو اول يوم من السنه الدراسيه الجديده
في جامعة الملك سعود بنات

مها: هااا بنات ايش رايكم بالجامعه

الهنوف: مره حلوه بس تتعب كبيـــــــــره

مها: تحملوا عاد بعرفكم على صديقاتي تعالو معي

ساره: يلا مشينا

راحو البنات مع مهاااااا

سحر: هلااااا مهاااوي اشتقت لك يالدوووبا

سلمت مها على سحر وصديقاتها الباقيات

مها: تأشر عالبنات: هذولا صديقاتي اعرفكم عليهم

سلمو عليهم وتعارفو فيما بينهم

مها: سحووره شوفي هذي بنت عمتي الهنووف

سحر: ماشالله تهبل قمر

الهنوف: تسلمين ياقلبي

وجلست مها تعرفهم عالبنات وحده وحده
جت غيداء من بعيد وهي تهاوش وتسب

ساره: شفييييييك انتي معصبه على اول يووم

غيداء: هالانسانه والله وقحه المفروض مايدخلون ناس اشكالها للجامعه

مها: هههههههههه مين تقصدين

غيداء: هذيك الدلووعه اللي مسويه في شعرها كيرلي وماخلت كرستاله ماحطتها في شعرها الحمدلله والشكر كأنها رايحه لزواج

مها: انشالله اللي لابسه تي شيرت فيه صور تويتي

غيداء: ايووه هذيك هي

مشاعل(صديقة مها): ايه ترا هذي من العام وشعرها كذا ماتغيره

سحر: هههههههه متعودين عليها ماعمرها غيرت تسريحتها

غيداء: الله يصبرني لااروح اذبحها الحين

الكل: ههههههههههه

مر اول يوم من الدراسه عالكل طبعا اول يوم لازم يكون كئيب وسخيف من بعد الاجازه الصيفيه

في بيت سعود:

دخل ماجد وهو يرمي شماغه عالكنب: اوووووف شهالحر

سعود: ماجد شفيك عسى ماشر

ماجد: الله ياخذ ذا الرياض وحرها انا خلاص قررت اسافر ادرس براا

سعود: هههههههه شوي شوي طيب شسالفه شكلك متهاوش مع احد
ماعمري شفتك معصب من الجو

ماجد: اليوم عاد بزياده وماشالله هالجامعه الخايسه تجيب المرض

ام ماجد: ايه ماقلتلي كيف الجامعه معاك

جا ماجد وجلس جنب امه: اقولك تجيب المرض

ام ماجد: ليييه

ماجد: وووع شينه

سعود: الله يصلحك انت مايعجبك العجب ولاالصيام في رجب
رن جوال ماجد

ماجد يرد: نعم

محمد: نعم؟؟ شفييك الا الان معصب

ماجد: الا بكرره

محمد: روووووق ياحبيبي روق

ماجد: وين اروق وذا الحر ذبحني بالجامعه

محمد: حرام عليك مجود مو لهالدرجه حر بس انت تحتر بسرعه

ماجد: مادري كيف بصبر فيها

محمد: هههههههه شي طبيعي اول يوم بعدين تتعود عليها صدقني

ماجد: الله يعين بس



اليوم الكل كان مجتمع في بيت ابوسعود.....

في الصاله دخل ابوسعود عالحريم سلمو البنات عليه

ابوسعود راح وجلس جنب ام سعود....

ابوسعود: اقول لطيفه عندي لك بشاااره

لطيفه: بشر يبه

انتهــــــــــــى البارت

ايش تتوقعوون البشاره اللي راح يقولها ابوسعود للطيفه؟؟


البارت التاسع



لطيفه: بشر يبه

ابوسعود: شريت لك فيلا بالرياض

لطيفه: يبه طيب عبدالعزيز شغله بالشرقيه

ابوسعود: وعبدالعزيز لقيت له وظيفه هنا وكل شي تمام

لطيفه من الفرحه قامت وحبت راس ابوها: ربي لايحرمني منك يبه

حصه: ايه عاد تصيرين تجين عندي واعرفك على ام منصور

ابوسعود: وهذا تفكيركم يالحريم

الكل: ههههههههههههههه



في جهه ثانيه من بيت ابوسعود مها كانت بالحوش تكلم صديقتها سحر ومادرت الاراسها في صدر واحد طويل عريض

مها طاحت عينها بعين عبدالعزيز

مها بدلع: وربي سوري ماشفتك

عبدالعزيز: لاعادي وعطاها ظهرها وكمل : نادي امي الله يعافيك

مها من الفرحه الارض موشايلتها وبصوت واطي: تامر امر





في بيت لطيفه ....

عبدالعزيز كان جالس يطالع التلفزيون ..

طفش منه ورمى الريموت اللي كان بيده وراح لامه بالمطبخ

لطيفه: ها عزوز شعندك

عبدالعزيز: سلامتك

لطيفه: ماتبي اسويلك شي تاكله

عبدالعزيز: مشكووره يالغاليه

لطيفه جلست عالطاوله اللي بالمطبخ : عندك شي تبي تقوله صح

عبدالعزيز: شدراك يمه

لطيفه: باين من عيونك تعال يابوي اجلس وقل اللي عندك

راح عبدالعزيز وسحب الكرسي وجلس عند امه


عبدالعزيز: يـــمه

لطيفه: نعم ياروح امك

عبدالعزيز: مافي غير هالوقت المناسب اللي اقولك فيه

لطيفه: يلااا قول طيب...

عبدالعزيز يلتفت براسه يمين ويسار

لطيفه: لاتخاف مافي احد غيري وغيرك بالبيت وفارس بالرياض الله يحفظه من بيكون فيه

عبدالعزيز: مدري يمكن

لطيفه: وش اللي يمكن تراني خفت

عبدالعزيز: ههههههههههههه لاتخافين مافي احد

لطيفه: يلا عبدالعزيز قل اللي عندك

عبدالعزيز: يمه ابي ..... امممم مدري شقولك

لطيفه: يلاعاد تكلم زي الناس

عبدالعزيز: يمه تكفين افهميني من دون مااتكلم وريحيني

لطيفه: بسم الله شلون تبيني افهمك كذا يلاا عاد تكلم

عبدالعزيزبسرعه: ابي اتزوج

لطيفه: ههههههههههههههههه

عبدالعزيز استحى: يمه ليه تضحكين

لطيفه: هذي الساعه المباركه متى نصدق عبدالعزيز يبي يتزوج
خلاص الحين فهمتك

عبدالعزيز: بعد ايش فهمتيني

لطيفه: المهم بكرا في زواج لصديقتي بدور لك البنت الحلوه اللي تناسبك

عبدالعزيز: لا لا يمه

لطيفه: وش اللي لا

عبدالعزيز: هااه لا قصدي يعني

لطيفه تناظره بنص عين: حاااط عينك على وحده

عبدالعزيز: حلوو فهمتيني

لطيفه: ومن سعيدة الحظ

عبدالعزيز: الهنوف بنت خالتي حصه

لطيفه قامت : كلولولولوووووووووش الف الصلاة والسلام عليك ياحبيب الله محمد كلولولووووووووش

عبدالعزيز: يمه شفيك الله يهديك

لطيفه: ماشالله الهنوف اخلاق وادب وذوق وجمال

عبدالعزيز: ادري والله ادري اجل ليه ابيها

لطيفه: وانت شدرااااااك عنها هاه

عبدالعزيز تورط: هاه لا بس يعني اكيد بتكون ذوق وادب مادامها بنت خالتي حصه

لطيفه: خلاص ولايهمك اليوم ادق على خالتك واسالها



محمد والهنوف يتسابقون مين يرد عالتلفون اخذت الهنوف السماعه ويسحبها محمد منها

الهنوف: اوريييييك يالدب

محمد: ههههههه ويرد: الو

لطيفه: الو....السلام عليكم

محمد: وعليكم السلام هلا خالتي

لطيفه: شخبارك محمد

محمد: الحمدلله بخيــــــر

لطيفه: محمد الله يعافيك امك قريبه

محمد: دقيقه شكلها بغرفتها بروح اناديها لك

راح محمد ينادي امه جت حصه وجلست تكلم لطيفه

محمد والهنوف راحوا يتهاوشووون برااا وبعد ماخلصو هوشتهم وهم داخلين سمعو امهم تقوول

حصه: والله يااختي عبدالعزيز رجال وماينرد خلاص انشالله برد عليك الاثنين .... مع السلامه

محمد: وش الساااااالفه وش اللي ماينرد

حصه: شعليك بسوالف الحريم

محمد: برووح ادق على خالتي

حصه: محيميد اعقل

محمد جلس عند امه : طيب قوليلي شسالفه

حصه: سالفه ماتخصك شتبي فيها

محمد: ههههههه ادري تخص هالحلوه اللي جنبي

الهنوف تناظر محمد: وانا شدخلني بعد

محمد يقلد صوت امه: (عبدالعزيز رجال وماينرد )

اكيــــــــــــــــد تخصك ههههههههههههه

حصه: محمد بتطلع برا والا شلووون

محمد : اكيد بطلع اخليك تاخذين رايها

الهنوف ميته من الحيا: انت شقاعد تخربط

محمد قام : سلاااااااااااامتك

جلست حصه ونادت الهنوف: تعالي الهنوف هنا ابيك شوي

راحت الهنوف وجلست جنب امها: هلايمه

حصه تمسح شعر بنتها: ماشالله عليك يالهنوف كبرتي وصرتي حرمه ومابقى الا نشوفك عروسه

الهنوف ماردت على امها ونزلت راسها للارض

حصه: الهنوف اليوم في واحد خاطبك

الهنوف بخوف: مين؟؟

حصه: عبدالعزيز ولد خالتك

الهنووف فرحت بس ماحبت تبين لأمها انها مبسوطه

حصه: شوفي فكري وصلي استخاره وبشوف رايك بعد 3 أيام

الهنوف: انشالله وراحت بسرعه لغرفتهااااااااا





نواف: هلااااااا بالمعرس

عبدالعزيز: يمه منك مااسرع جاك الخبر

نواف: طبعـــا اخوها الكبير ولازم موافقتي

عبدالعزيز: لا احلف ياشيخ

نواف: تبيني اخليها ماتوافق

عبدالعزيز: نواف ترا مااحب هالحركات

نواف: ههههههههههههااي وانت صدقت على طوول

عبدالعزيز: نواف طلبتك قوول تم

نواف: اممممم تم

عبدالعزيز: شوف روح للهنوف وحاول تعطي وتاخذ معها يعني جس النبض عندها يعني اوووه مادري وشلون اعبر خلاص

نواف: ههههههههههه شكلك خايف

عبدالعزيز: من جد خااايف

نواف: افاااااا كل هذا مسويته اختي وبأعز ناااسي لا ماراح اسكت عنها برووح اذبحها

عبدالعزيزك هيييييييه عاد اعقل والله لأذبحك انا

نواف: هههههههههه





ماجد: هلا وغلا بكل الحلا

هند: هلافيييك

ماجد: أخبار الحلوين

يتبع ,,,
👇👇👇
أحدث أقدم