رواية بين ثنايا الايام -10
بيت مشعل ..
** مشعل **
كنت نايم بغرفة رغد .. في امان الله .. بس مو مرتاح .. احس شي يدغدغ خشمي .. فتحت عيوني .. لقيت رغد بوجهي .. تدغدغ خشمي بريشه .. وفاطسه ضحك .. مسحت على راسها .. باستني .. وقالت لي : صباح الخير
قلت لها : صباح النور حبيبتي .. الساعه كم الحين
ناظرت بالساعه ... اللي بيدها ... وقالت لي:امممم الساعه 2 الا 45 دقيقه
عدلت جلستي .. وقلت لها : 2 وشو الظهر .. نمت كثير .. تعالي بشوف
ضحكت عليها .. وقلت لها : ناظري الساعه .. متأكده 2 الا 45 دقيقه
ناظرت .. وقالت لي : لا لا صح .. العقرب هذا الساعات .. والثاني الطويل الدقايق
مسكت خدها وقلت لها : مايحتاج تلبسين ساعه
قالت لي : وش معنى رهف تلبس
ذكرتني برهف .. بروح لها .. بشوف وش صار عليها ذي .. قمت عن رغد .. بس هي لحقتني .. وقفت عند باب غرفتنا
انا ورهف
قلت لها : رغد وش فيك .. ابي ادخل
هزت راسها .. يعني لا
لا حول وهذا وقتك رغد .. قلت لها : رغد حبيبتي .. انا مابدخل بكلمها .. انا بدخل اتروش ياقلبي
قالت لي : وماتقدر تتروش الا هنا .. البيت كبير ما شاء الله
قلت لها : رغد بعدي خلاص .. لا تعصبين البابا
قالت لي : وش معنى هي ماتعصب عليها
ايه هين ما اعصب عليها .. وش دراك انتي بس
قلت لها : خلاص انا بروح مابدخل .. بس بزعل منك
مسكت يدي .. وقالت لي : لا لا .. خلاص
طاحت دموع من عيونها
** رهف **
وش هالازعاج اللي برا .. الواحد مايقدر ينام ابد .. هذا والبيت كبير ..صوت مشعل .. وبنته رغد ..بس هذا صوت صراخ.. ليكون بيحط حرته .. في هالصغيره.. قمت من السرير .. رحت عند الباب .. قربت اذني عشان اسمع وش يقولون
سمعتها تقول وصوتها عالي : انت صرت ماتحبني .. تحبها هي اكثر
لصقت بالباب اكثر .. ابي اسمعه وش يقول
قال لها : لا طبعاً .. انتي بنتي وقلبي وروحي وحبيبتي وبنت الغاليه .. مستحيل احب شخص
اكثر منك .. واليوم بتجي ماما فاطمه
حبتك القراده ان شاء الله .. يعني انا اللي بموت عليك الحين
قالت له : احلف بتجي .. هييه .. هييه
قال لها : والله .. يللا بعدي بابا .. عشان بجيب لك هديه اليوم
اللي قاهرني.. قليلة ادب ويدلعها .. بدال مايسنعها
قالت له : ابي الوان .. ولوحة رسم
مسويه فيها هالبزره .. مواهب الحين
قال لها : من عيوني .. يا احلى قمر .. عطيني بوسه
بعدت راسي عن الباب .. لانه حاول يفتحه .. بس مقفل .. فتحته بالمفتاح .. ورجعت على السرير بسرعه
** مشعل **
كانت منسدحه على السرير .. بس ادري انها صاحيه .. اجل الجني اللي فتح الباب .. انا بروح بكلمها .. وكَأن شيءً لم يكُن .. بس عشان بيجون اهلي .. وما ابيهم يشوفون حالنا كذا .. ولا انا كنت بسحبها من شوشتها .. وبرميها مع الدريشه على حركاتها امس .. ههههههه امزح .. مو لهذي الدرجه .. حتى لو انا مااحبها .. مهما يكون هذي زوجتي .. رحت لعندها وجلست على حافت السرير .. كانت مغمضه عيونها بقوه .. يقالك نايمه الحين ..يللا بسايرها .. هزيت كتفها .. وقلت لها : رهـف .. رهــــوفــه .. رهـــوفـه قومي
ماقامت .. عاجبتها مسرحية النوم .. قلت لها : قومي اهلي بيجون .. مو حلوه يجون يشوفونك نايمه
فتحت عيونها على طول .. مسكت يدي .. قالت لي : والله مشعل .. بيجون اليوم
حسيتها استانست مره ..وهذا شي اسعدني .. هزيت راسي لها .. يعني ايه
قامت من السرير .. وقالت لي : الحين بجهزحالي .. وناسه مشعل .. من زمان انا ابي اشوفهم
قلت لها : اوكي .. انا الحين بروح السوق .. بجيب اغراض
قالت لي : ايه طيب ..,, ناظرت للساعه وقالت ,, هم الساعه كم بيجون
ناظرت انا بعد للساعه .. وقلت لها : تقريباً الساعه 1 الظهر
** رهــف **
قبل ما يطلع .. قال لي كلام ماتوقعته .. ولا حسبت له اي حساب
قال لي : بخري البيت
مو هنا المشكله .. المشكله كمل كلامه .. وقال لي : عاد رهـوف .. ملينا من اكل المطاعم .. وامي مستحيل بتجي من اول يوم .. وبتطبخ .. عشان كذا ابيك اليوم تطبخين لنا
قالها وطلع
.
.
.
. يـــــــــــاربــــــي .. ما اعرف اطبخ انا ..الا اذا كان يبي يغديهم .. اندومي وبيض .. فأنا مستعده .. جات الساعه 9 .. يا انزل اطبخ يا اشوف حل ..هههههههه .. لا تقولون مجنونه اضحك لحالي .. بس تخيلت اهل زوجي .. يتغدون اندومي وبيض ..هههههههه .. اضحك على خيبتي والله .. جلست على الكرسي افكر .. وافكر .. لقيتها
بيت مشعل .. الساعه 11:00 صباحاً
_______________
** مشعل **
رجعت من السوق .. ومعي كثير اغراض .. اول مادخلت من باب الصاله .. جاتني رغد تركض .. حطيت الاغراض على الارض .. وحملتها
حطيت يدي بالكيس .. وطلعت لها كيندر سروبريز اللي تحبه
باستني وقالت لي : احبك بابا
قلت لها : وانا بعد
طلعت لها الالوان ..ولوحة الرسم .. عطيتها اياهم .. ونزلتها
قلت لها :اكيد بترسميني
ضحكت .. وراحت تركض
المهم ركبت انا فوق ..لقيت باب الغرفه مفتوح .. دخلت .. الظاهر ماحست لي رهف
كانت ماسكه سماعة التلفون .. وتكلم .. كان هذا الكلام اللي تقوله : يمه انتي جهزي الاكل اللي قلت لك عليه ولا عليك .. لا عاد السلطه انا بسويها .. بخلي السواق يجي ياخذهم الساعه 12ونص .. ان شاء الله .. طيب .. طيب .. الله يحفظك .. مع السلامه
.
لفت وشافتني اناظرها ..وقفت وقالت : مــشــعــل
قلت لها : ياسلام ..تكلمين مين
قالت لي : مشعل عاد .. انت تدري
قلت لها .. وانا حاط يدي على خصري : وش ادري
قالت لي : اني اكلم امي بعد مين
سكت وجلست اناظرها .. قالت : مشعل لا تناظرني كذا .. كاني مسويه جريمه
قلت لها : كاني قلت لك .. انتي اللي تطبخين .. ماهو امك
قالت لي : ويعني مافيه فرق .. بيني وبين امي .. كله اكل
قلت لها : قولي ماتعرفين تطبخين
قالت لي : ايه ما اعرف اطبخ
ايه قولي من اول
قالت : انا كنت مشغوله بدراستي .. مو فاضيه اتعلم الطبخ .. والخياطه .. وهالشغلات
احد طلب منها مبرر؟
السياره على طريق الدمام ..الساعه :1:00 مساءً
___________
** نجود **
جديده عليكم صح ؟
لا تخافون .. من اليوم ورايح بغثكم ..يااه وحشتني الدمام .. فديتها وفديت ريحتها .. مشتاقه اشوف مشعل .. ورغوده حبيبة قلبي فديتها ..بس بصراحه متحمسه ابي اشوف .. زوجة اخوي رهـف .. شينه او حلوه .. رشيقه او دبه .. بيضا او سمرا ..احلى من ام رغد .. اولا .. لفيت على خالتي ام مشعل .. كانت تبكي وصوتها مسموع .. تضحكني خالتي .. كل مره نسافر .. تبكي قبل ما نوصل ونشوف الاهل .. حطيت يدي على يدها .. وقلت لها : خالتي .. وش فيك تبكين
قالت لي .. وهي تمسح دموعها : لا يابنتي .. هذي دموع الشوق ..للديره و البيت والاهل
شاعره خالتي فاطمه
قلت لها : ماعليه خالتي .. الحين بنوصل
.
وفعلاً وصلنا الى بيتنا .. كان السواق ينزل .. الشنط ..والاغراض .. دخلت انا البيت
صرخت بصوت عالي : انـــــــــــــــــــــــــا جـــــــــــــــــــــيـــــــــــــــــــــــــــ ــت
نزلت من الدرج بنت حلوه .. تهبل .. قطعه من القمر
جات لي وقالت : الحمد الله على السلامه .. هلا وغلا .. تو مانور البيت
سلمت علي .. وباستني .. وقالت لي : انا رهف زوجة مشعل
قلت بعفويه : الله زوجة اخوي تجنن .. خالــــتــــي .. تعالي شوفي العروس
جات خالتي ام مشعل .. وحضنت رهف بقووه .. وباستها ..قالت لها : الله يابنتي .. شحلاتك.. ماتوقعناك كذا ابد
نزلت راسها رهف مستحيه ’’ الظاهر هي من النوع اللي يستحي بسرعه ’’
قالت لنا : والله الحلا اخذناه من طيب اصلكم .. وش فيكم واقفين .. تفضلوا استريحوا
بصراحه حبيتها هالرهف من اول نظره ..جلسنا بالصاله
قالت خالتي ام مشعل : اقول بنتي وينه مشعل وحشنا مره
قالت رهف : يتروش .. شوي وبينزل
قالت ام مشعل : ومالقى يتروش الا يوم جينا
ضحكت رهف وقالت : مسكين ينتظركم من زمان .. بس لان راح يجيب اغر ....
قاطعتها وقلت : الله الله .. خالتي ترا الحين مشعل مو مثل اول .. لقى من يدافع عنه
نزلت رهف راسها بحيا وقالت : لا بس هذا الصدق
قالت ام مشعل : يوووه نجود اللي يسمعك تقولين لقى من يدافع عنه بيقول حنا دوم نتهجم على مشعل
قلت وانا اضحك : مو قصدي كذا
قالت رهف : بتسوونها سالفه ههههههههههه خلاص مابدافع عن احد
قلت لرهف وانا ابتسم : واخيراً بتصير عندي .. اخت بعمري
قالت لي : انا من زمان .. اقول لمشعل ابي اشوف اختك .. وامك
مثلي يعني .. حتى انا كنت ابي اشوفها
قالت خالتي ام مشعل : والله نجود هناك اذتني .. كل شوي تسالني .. تتوقعين زوجة مشعل كيف شكلها .. كيف اخلاقها .. بس طلعتي حلوه واخلاق .. وصغيره ههههههه .. تدخلين القلب على طول .. ولا تشرهين علينا ماجينا من بداية زواجك .. بس لان مشعل قال ماله داعي تقطعون سفرتكم بأولها وهو مافيه عرس ولا شي
قلت انا : ايه خالتي .. قلت لك مشعل ماراح ياخذ له عجيز وشينه
قالت خالتي : صدقتي والله .. خل اقوم اتصل في عماتك .. عشان يجون يتغدون معنا
يوم راحت خالتي .. فكيت شعري وقلت بمرح : وش رايك في شعري
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك