رواية بين ثنايا الايام -9


رواية بين ثنايا الايام - غرام

رواية بين ثنايا الايام -9

* الريم *

اخيراً ردو ..بس وش فيهم ساكتين .. لايكون داقه عليهم عشان يسكتون

** محمد **

ليه ساكته ؟.. داقه عشان تسكت ؟

** الريم **

الحين بيتكلمون اولا .. ما الظاهر خل اقفل عنهم .. واقفل الجوال مره وحده

قفلت الجوال وحطيته تحت مخدتي .. واخذت شنطتي وطلعت من الغرفه

** محمد **

اووف خساره قفلت

بدق عليها انا هالمره

وبعد مقفله الجوال .. ليكون انا غثه


المدرسه..الساعه 9:30صباحاً
_____________


** رهف **

كنت انا والريم .. تو راجعين من الفسحه .. وقفنا عند الباب ..

الا الريم تقول لي : مادريتي .. بأخر الاخبار

قلت لها بحماس : وشو

قالت لي : الليله ملكة هند

قلت لها : والله .. هند اللي معانا بالفصل ماغيرها

قالت لي : ايه

جلست ادور هند بعيوني .. لقيتها .. ابتسمت معاها .. جات لي على طول

قالت لي : رهووفه .. ماباركتيلي

قلت لها وانا اقلدها : ماباركتيلي .. انتي قلتيلي عاد

قالت لي : والله مامداني .. انتي تدرين حنا علمي .. حصه ورا حصه .. حتى انا قلت قبل الفسحه بقول لك .. بس انتي طلعتي مع الريم بسرعه

حضنتها وقلت لها : مبروووك

قالت لي : الله يبارك فيك .. شفتي لحقتك .. يللا عقبال الريم

قالت الريم : لا لا انا بخلص ثالث اول

قالت لها هند : انا ابي الفكه .. الحين خلاص لا تزوجت هالسنه .. ماراح اكمل مدرسه .. ياي وناسه

قهرتني بصراحه قلت لها : لا حرام .. دارسه كل هالسنين .. عشان بالنهايه ماتكملين

قالت الريم : هنوده والله حرام

قالت هند وهي تضحك : والله ماتدرون بمعاناتي .. اولاً اهلي خلوني ادخل علمي غصب .. ثانياً بكون متزوجه ومو فاضيه .. ثالثاً الليله لازم تجون والا بزعل

قلنا لها : ان شاء الله نجي

وراحت .. لفيت للريم وقلت لها :حرام صح

قالت لي : قهر .. تدرين .. حتى امل .. تزوجت السنه اللي راحت .. وتجي المدرسه عادي .. الحين ماراح تكمل هالسنه

خليت الريم ودخلت الفصل بسرعه .. رحت لها .. امل وحده معانا بالفصل .. احب اجلس معاها .. شاطره .. تزوجت .. ومستواها للحين ماتغير .. والحين بتترك المدرسه .. مو معقول

جلست على طاولتها

قالت لي : هههههههههههههه رهووف .. وجهك مايبشر بالخير .. ماتجلسين على الطاوله كذا .. الا اذا عندك موضوع يخوف

قلت لها : من جدك انتي بتتركين المدرسه

قالت لي : ههههههههههه مو قلت لك

قلت لها : لا جد .. ليــــــــــــــــه

قالت لي : الحين الوضع تغير .. والله لو ماحملت .. كان مابترك المدرسه .. بس لازم اتفرغ .. للولد اللي بجيبه

قلت لها : عادي .. لماً تولدين .. بيعطونك اجازه

قالت لي : لا تنسين التربيه

دفيت كتفها .. وقلت لها : يللا عاد اللي يشوفك يقول باقي لنا مية سنه .. كلها الا اشهر

ضحكت وقالت : وش اسوي بعد

قلت لها : براحتك .. بس مو تقولين بعدين .. رهوف مانصحكتني

قالت لي : تعالي اليوم الاربعاء؟

قلت لها : ايه

حسيتها تضايقت .. فسألتها: ليــه ؟

قالت لي : اليوم يجون اهل زوجي يتغدون معانا

قلت لها : وين المشكله

سكتت .. قلت لها : قولي لي عادي .. حنا صديقات

قالت لي : اهل زوجي مايحبوني .. بدون سبب .. ويبون المشاكل معي ومع زوجي .. الحين حملت على بالي .. بيحبوني .. لاني بجيب لهم ولد .. لكن نفس الشي

قلت لها : وزوجك

قالت لي : لا انا وزوجي سمنه على عسل .. تخيلي ولا وحده من اهل زوجي تحبني

خوفني هالشي.. عورني قلبي .. ليكون اهل مشعل مابيحبوني .. مو بعيد اذا رغد ماتحبني .. لا مافيه شخص .. يكره احد بدون سبب

قلت لها : متأكده بدون سبب

قالت لي : قسم بالله بدون سبب .. ينرفزوني ويقهروني .. ويفشلوني قدام الناس .. بدون سبب

قلت لها : طيب قولي لزوجك

قالت لي : مااحب .. يصير مشاكل بين امه وخواته

قلت لها : الله يعينك .. ودام زوجك يحبك ماعليك

دخلت المدرسه .. ورجعت انا مكاني .. امل خوفتني مره .. طول الحصه وانا افكر بكلامها .. المهم انتهى الدوام .. طلعت ابي اشوف جاني مشعل اولا .. لانه قال لي بيجيني اليوم .. ماجا .. شافتني الريم

وقالت لي : ماجا لك السواق

قلت لها : لا زوجي بيجيني اليوم

مرو خمس دقايق وماجا .. بس اللي جا هو خالد .. جا ياخذ الريم من المدرسه .. كنت احاول ما اناظر في خالد .. ما ابي اشوفه.. ما ابي اتذكر شي مستحيل وصار من الماضي .. انا حتى بالبيت احاول ما اذكره ..

قلت للريم : خلاص الريم .. انتي روحي .. اكيد عنده شغل بيتأخر شوي

قالت لي : اخاف مايجيك .. وتتورطين .. تعالي معي

مســـتـــحـــيـــل .. اركب في سيارة خالد ..

بس انا بصراحه خايفه تروح الريم .. واجلس لحالي .. ومحد يرجعني.. كله منك يامشعل .. احد ينسى زوجته .. قسم بالله مو حاله مع هالبيت .. مره يتغدا عني .. مره ينساني بالمدرسه
مرت نص ساعه .. والبنات راحو .. والمدرسه صارت فاضيه .. والريم واقفه .. تحاول معي عشان اروح معاها ..

قلت لها : خلاص ريوم .. بجي معك

رحت معاها .. وركبت هي قدام .. وركبت انا ورا

قالت الريم : خالد .. هذي رهف .. بنوصلها بيتهم

قال : وشو .أأ .. اهااا .. ايه .. طيب

لف علي وقال لي : عبايتك

كنت متوتره .. مسكت عبايتي بقوه .. وقلت له بخوف : هاااه .. وشو .. وش فيها عبايتي

قال لي : ابد قفلتي عليها باب السياره

ياربي انا غبيه .. فتحت الباب .. عدلت الوضع .. وقفلته

سالتني الريم : كيف وصف بيتكم

ماكنت اعرف .. ولا ادل بيتنا

فقلت لها : ودوني بيت اهلي



** الريم **

وصلنا بيت ابو يوسف .. اللي هم اهل رهف .. نزلت رهف .. جلست تدق الباب خمس دقايق .. محد فتح

قلت لها : يمكن اهلك طالعين

قالت لي : بس هذي هي سيارة اخوي محمد

قلت لها : اجل تعالي معنا البيت

وقفت شوي ساكته .. بعدين جات معي .. كنت مبسوطه ان رهوفه جايه معي .. من تزوجت ماجات لي

دخلنا البيت .. سلمت رهف على امي .. بعدين رحنا غرفتي

دخلت اختي الصغيره ساره الغرفه .. وحضنت رهف .. سارونه تحب رهف مره .. وكانت دوم تروح تلعب مع اخوها سعد .. المهم جلسنا نسولف شوي

بعدين قالت لي رهف : ريوم جيبي جوالك .. بدق على اخوي محمد .. لان سيارته بره .. اكيد بالبيت

عطيتها جوالي .. ودقت عليه .. مره .. ومرتين .. وثلاثه .. رد عليها .. قالت له يجيها عشان يرجعها البيت .. 10 دقايق وجاها .. باستني وطلعت .. مع اني كنت ابيها تجلس معي تتغدا .. بس قالت لي زوجها مايدري انها في بيتنا .. وتخاف راح لها الحين المدرسه .. ومالقهاها .

اخذت الجوال .. بشوف رقم محمد .. الفضول ومايسوي



بيت مشعل .. الساعه 7:00 مساءً



** مشعل **


هذي رهف .. ماعندها غير هالسالفه .. من تعصب مني تروح تنام .. وانا اجلس مثل الخبل لحالي .. يعني الانسان ماينسى .. طفشت .. صار لي ساعتين .. جالس بالصاله على هالكنبه ..اكيد الحين صحت .. مو معقول للحين نايمه ..او يمكن القهر يخليها تنام كثر .. هالانسانه غريبه

.

ركبت فوق .. فتحت الغرفه .. لقيتها عند المرايا .. تحط لها مكياج .. اكيد حست انها غلطت .. يوم تطنشني وتركب تنام .. والحين تبي تراضيني ..عشان كذا تتعدل .. بس ما التفتت لي يوم دخلت .. كانت تحط لها مكياج ازرق فاتح ..مخليها مره ناعمه .. جات بتحط لها لون احمر كثيف .. مسكت يدها .. استغربت هي .. قلت لها وانا مبتسم : لا الالوان هذي انا ما احبها .. خليه ازرق بس


جلست تضحك .. تضحك .. وتضحك .. ما وقفت ضحك

انا تفشلت .. قلت لها : ادري ان الالوان هذي على الموضه .. بس انا ما احبها

زادت في الضحك .. فتحت الدولاب .. طلعت منه بدله .. باللون الازرق والاحمر .. كانت بتدخل الحمام ( الله يكرمكم )

بس لفت علي وقالت : مشعل انا متعدله الحين .. عشان بروح ملكة صديقتي .. وضحكت

قهرتني .. بايخه .. قلت لها : بالله .. وليه ماقلتي لي

قالت لي : كنت بقول لك .. بعد ما اخلص

قلت لها : ويمكن انا ما ارضى

طنشتني .. ودخلت الحمام ( الله يكرمكم ) .. شوي وطلعت .. كانت البدله .. مره تجنن .. وعليها احلى .. بس هي قهرتني .. وانا الحين بقهرها

قلت لها : على العموم .. روحي بدلي .. لاني مابخليك تروحي

وقفت متخصره لي وقالت : بس انا ابي اروح

قلت : وانا زوجك ومو راضي

قالت لي :بس انا بروح

وكانت بتطلع .. سحبت يدها .. وقلت لها : نـــــعــــم وين رايحه

قالت لي : بروح ملكة صديقتي .. اترك ايدي

قلت لها : ومن بيوديك

قالت : انت وش عليك .. او اقولك .. اللي تبيه

كانت لابسه عقد لولو .. سحبته بقوه بدون ماتفكه .. انقطع .. وطاحت حبات الولو على الارض

دخلت الغرفه .. وقفلت الباب بالمفتاح .. من جدها ذي .. تقفل الباب بوجهي كذا .. مافكرت انا وين بنام

لـــكـــن الصــبح يــصيــر خــيــر


***** نهاية الجزء السادس *****

اتمــــــــــــــــنى اشوف الـــــــــــردود بليــــــــــــــــز
تحياااااتي
دلوووعه مررره

يتبع ,,,,
👇👇👇
أحدث أقدم