بداية

رواية حسبتك عديم أحساس وصرت كل احساسي -11

رواية حسبتك عديم أحساس وصرت كل احساسي - غرام

رواية حسبتك عديم أحساس وصرت كل احساسي -11

مشاعل مو مصدقه وش قال:
الكل ساكت ينتظر جوابها الكل عارف اسلوب مشاعل وطريقه تعاملها مع الناس اللي ما تعجب احد انتظااار طال
مشاعل بقرف: وهذا سؤالك
زياد واهو حاط عينه في عينها يبي يكسر خشمها: ايه ولا عندي غيره ولو سمحتي ابي جواب
مشاعل : يمكن لاني اخذت الحقاره منك
زياد اعجبه جوابها: والله كفوو اذا ماخذته مني فأنتي ام الذوق
خالد يبي يلطف الجو اللي صاير الشرارات تطير فيه طيران: ايوه يا شباب عاملين ايه بابا فين بابا هنا هنا هوو نبي نكمل يا شباب
زياد وعيونه ما نزلت عن مشاعل: كمل وش ورانا
مشاعل بنظرات حقد لزياد: جالسين يا خالد جالسين
في ومي ونوف كانو مبلمين ولا تكلمو ولا كلمه لان الجو كان حامي بين هالاثنين وكل واحد يستنى من الثاني كلمه عشان ينفجر بس لحد الحين الاعصاب ممسوكه ومافي اشياء تطير في الهوا شعر يدين رجلين>>>>>تستخف دمها الاخت
كملت اللعبه في جو كله قطرات ندى مليان رومانسيه لناس ومليان توتر لناس ثانيه اجواء غريبه حلوه بنفس الوقت سؤال بجواب مضى الوقت لحد ما
ابو احمد بصوت عالي:يا ااااااااااااااااحمد
احمد بصوت اعلى: سم
ابو احمد: يله يا بوي مشينا قول لامك وخواتك يتجهزون
في الخيمه_
ابو فهد: اجل مشيالك
%%في الملعب وعز الوناسه واللعب رجع احمد __يله شباب بنمشي
خالد بقهر: حسافه توها اللعبه تحلوووو
في: من جد لسى باقي عندنا اسئله ما نسألت _كانت تناظر زياد بناظرات خلته يبتسم
مشاعل بغرورها المعتاد: مها يله قومي خلينا نروح لبيتنا انا طفشت هنا
في: والله واحنا بعد من بعض ناس
مشاعل التفت عليها وبحقد: من قصدك
في برد قوي: اللي على راسه بطحا يا قلبي يحسس عليها
نوف خوافه ما تحب المشاكل: قولو لا اله الا الله
في ومشاعل : لا اله الا الله
خالد: يله نوف تبين تروحين مع ابوي والا تجين معاي
نوف: لا بجي معاك
قام الكل وانتشرو يجهزون نفسهم عشان يطلعون من الاستراحه
%%مي كانت في عالم ثاني دنيا غريبه كانت تحب هالمكان من زمان بس صارت تحبه اكثر بعد ما صارت لها مواقف حلوه مع شخص تحبه ويمكن تموت على الارض اللي يمشي عليها طايره في عالم وردي خيالي ماشيه وكأن المسافه اميال والوقت والدقايق تمر عليها دهور بس ودها لحظاتها معاه تنعاد والا حتى الوقت واللحظه توقف%%
في دخلت جو غريب اول مره تحس بأحاسيس كانت تتكلم عنها اختها مي عن الحب وعن عوارضه حست فيها بس الى الحين مو مستوعبتها او بالاحرى ما تبي تصدق
يتبع>>
انها حبت شخص لانها شايفه كيف الحب معذب ناس واولهم اختها لانه مو حاس فيها لانه حب من طرف واحد
Ooنوف واحمد كل واحد منهم تمنى انه يطير بحبيبه يروح لدنيا بعيده في وقت قريب كل واحد منهم عبر عن مشاعره صرح باللي في قلبه واكتشف ان الطرف الثاني يبادله الشعور اه ما اجمل هذا الاحساس احساس كشروق شمس على شخصين تغيرت في ليله دنيتهم وعلاقتهم ببعض oO
Ouزياد وحاله ما يعلم فيه الا ربه تناقض فيض من المشاعر تجول في مخه احاسيس ما قدر يسيطر عليها زياد معروف بأنه ما يسلم قلبه بسهوله بس كيف انه يحب بنت وتدخل قلبه ثنتين غيرها هذا لا يقبله لا عقل ولا قلب بس حط في باله خلود اول لازم يخلص موضوعه معاها يا انها تكون له شريكه درب وحياه يا انهم يتفارقون تاركين لبعض بصمات حلوه وذكريات احلى يحملونها باقي العمرOO
&&بعد ما دخلو الشباب السيارات عشان يركبون اهلهم ويتوكلون على الله&&
نوف جالسه تناظر شالها الزهري ريحته ينبض بها قلبي افداك بكل ما املك : ه ا نعم
مي: بسم الله عليك يله خالد يقول وينها والا بمشي عنها
نوف ارتاحت ان مي ماخذت بالها من الشال: ها ايه طيب يله قولي له جايه بس بروح اشرب مويه من المطبخ
مي : طيب استعجلي تراه ذبحني اتصالات
نوف ما كانت رايحه تشرب مويه مثل ما قالت احمد مرسل لها مسج يقول
تعالي في المطبخ قبل ما تطلعين ابيك ضروري
حيبيب قلبك حمودي
ضحكت من قلب عليه يدلع نفسه بعد اروح اشوف وش يبي مني
دخلت المطبخ وكان هدوء الكل ركب سيارته وناوين يمشون
: عرفتك ما ترديني
نوف بخوف وخجل: ما قدرت يله وش تبي مني تأخرت خالد بيذبحني
احمد واهو يقرب منها: يخسي يلمس شعره منك وانا موجود اذا راح انا موجود اذا ما كفتك سيارتي احطك بعيوني واسكر عليك
نوف بخجل بعد ما استوعبت الكلام: اذا ما كفتني سيارتك وش شايفني دبه مثلك
احمد ما قدر يمسك نفسه وضحك عليها دايم تفهم غلط:ههههههههه الله يقطع بليسك يا نوف
نوف ياحلو اسمي منك تسوي نفسها معصبه :اجل انا دبه >>ومدت البوز
احمد يبي يحرجها عطاها ابتسامه:يا عيوني انتي والله لو انك دبه وما تدخلين من هالباب >>واشر على باب المطبخ>> انا راضي وعاجبتني
نوف طاااح وجهها اه من كلامه حلوو: طيب وش تبي >>تبي تصرف الاحراج
احمد واهو يطلع من جيبه ورقه: خذيها واذا رحتي اقريها على راحتك
نوف طيرت عيونها على الورقه: ايش هذي
احمد برومانسيه: هذا شوي من اللي بقلبي
نوف من الاحراج طارت بتطلع من الباب وقف : لحظه استني
نوف طلعت راسها من الباب: نعم
احمد: الله ينعم عليك بس >>>شال طرحتها من الارض وشمها
نوف ما قدرت تسوي شي غير انها راحت تسحبها منه وانحاشت سرعتها مليون
احمد منجن عليها وعلى هبالها:ههههههههههههههههههههههههههههههههههه الله يعني على هبالها بس تجنن
نوف كانت طايره مو مصدقه ان احمد يحبها الا باين عليه يموت فيها مثل ما اهي تحبه خذت شنطتها اللي كانت مستحيل تنساها في اغلى شيين عندها شاله ورقه من ريحته طارت ركبت سياره خالد
خالد معصب: لا وش رايك تطولين زياده وش رايك
نوف مو معاه سرحانه اذا صح الوصف طايره بالهوا:..............
خالد ولع : اكلمك وش فيك ما تردين
نوف اخيرا انتبهت: ها معاك اسفه والله اسفه
خالد هدت اعصابه شوي ما يحب احد يخليه يستنى مثل السواويق: اوكي بس لا تتعودينها
نوف:هههههههههههههههههه مشكور
خالد : ولا يهمك يله مشينا
نوف: مشينا
دق جوال نوف
نوف: هلا فوفو
في: يا الدبه وشلون تطلعين قبل ما اودعك
نوف تستهبل: والله خالد عصب علي >>تناظره وتضحك
في: انا اوريه خالد>>نوف السوسه كانت حاطه سبيكر
خالد: ها يا فيوووو وش بتسوين
في ارتاعت: يمه من وين طلعت انت
خالد بخفف دمه: طلعت من الارض شايفتني فقع طالع من بطن امي خخخخخخخخخخخ
في: هه تخفف دمك يا خوي
خالد بثقه: دمي خفيف من يوم يومي
في تبي تتدلع على نوف: انا زعلانه منها لا تخليها تكلمني
نوف تبي تراضيها: فيووويوو
في بدلع: نعم اصلا ما ابي اكلمك
نوف: لا تزعلين تكفين قلبووو انتي
في بدلع: طيب
نوف: انشاء الله اشوفك قريب
في بستغراب: تونا شايفنكم وين قريب معه
نوف: ليش ما دريتي ان نهايه الاسبوع بنروح الدمام
في استانست بهالخبر: من جدك
نوف: ايه والله توه ابوي يقول للرجال
في تحمست: ايوه
نوف تكمل كلامها: ايوه وخلاص اتفقو الاربعاء نمشي مع بعض حتى عمي ابو سعد بيجي معانا
في راح فكرها مع زياد يعني بيكون قدامها ما تبي تشوفه ما تبي: اييه اوكي يله مع السلامه
نوف : شف شف
خالد: نعم
نوف: لا اكلم نفسي
خالد ببلاهه: خخخ طيب
نوف تكلم في: والله اللي ماخذعقلك
في توها تصحى من سرحانها: اجل انتي
نوف فهمت انها ما تبي تفتح الموضوع قدام خالد حبت تسكر الموضوع:اوكي اجل اشوفك الاربعاء بااي
في: اوكي
خالد بصوت عالي: وسلمينا على ميويه
في: يوصل ابو خلود
نوف: مع السلامه قلبو
&&خالد اول واحد مشى للرياض لان كان عنده موعد مهم بنعرفه بعدين والباقي على وشك يطلعون من الاستراحه&&
ركبت مها ومشاعل ومتعب سيارتهم الجمس يستنون ابوهم وامهم اللي جالسين يسولفون
مشاعل بطفش: اف متى يخلصون اهلكم متنا برد
مها هاديه على غير العاده: اهلكم مو كنهم اهلك بعد
مشاعل بنفس الطفش: اهلكم والا اهلنا ما تفرق يله نبي نروح البيت تراني قرفت من هالاستراحه ومن هالعايله كلها
متعب يناظر اخته نظرات استحقار: اقول ليش ما تنطمين وتحترمين نفسك
مشاعل تصرخ: وانت وش دخلك بزر وتتكلم
متعب بنبره استهزاء: شوفو من يتكلم على الاقل توني اتأكد اني اكبر منك بعقلي يا ذكيه>>>وعطاها ظهره
مشاعل بغت تنفجر منه: اقول بس اسكت>>>>>>>>>صك البزر اللي مو عاجبها عليها
مها كانت في عالم ثاني اه منك يا خالد وش سويت فيني غيرتني بأسلوبك معاي ما توقعتك كذا ابدا وكل الكلام اللي يقولنه عنك غلط في غلط
مشاعل واهي تعطي مها كوع في جنبها: انتي وسرحانك هذا مو عاجبني لي انا وياك جلسه طويله بس خلينا نوصل البيت
مها بألم: أي عمى عورتيني وبعدين ما بيني وبينك كلام
يتبع>>
مشاعل : وليش وش اللي تغير
مها واهي تلعب في الخاتم اللي بيدها: اشياء كثيره
مشاعل تحاول تسحب منها الكلام:اشياء مثل
مها لاحظت طريقه اختها تبي تسحب منها كلام ماتبي تقوله:قلتلك اشياء وبس
مشاعل طفشت من اختها راحت حطت أي بود في اذنها وجلست تتسمع على اغاني فيه تركت مها في عالم رمادي تدور فيه على نور يمكن كان خالد بالنسبه لها هذا النور اللي بيطلعها من الظلام اللي اهي عايشه فيه الحين يارب ياخالد تكون حاس فيني يارب&&
ابواحمد واقف عند سيارته يكلم ابوفهد: ها ياابو فهد اتفقنا
ابو فهد : خلاص يا خوي اتفقنا
ابو احمد: انا قلت لابو سعد وماراح يروح عنده عرس واحد قريبه ملزم عليه يجي وما قدر يتهرب يقول يمكن يلحقنا بس زياد ولده بيجي معانا
ابو فهد: خلاص الله يكتب اللي فيه الخير
ابو احمد:وابو ماتعب بيجي انشاء الله وانا بقول لعبد العزيز اذا يقدر ياخذ اجازه ويلحقنا
ابو فهد: خلاص انا بدق على فهد بعطيه خبر اننا جاين عشان يحجز لنا كم شقه
ابو احمد: خلاص توكلنا على الله يله فمان الله
ابو فهد: فمان الكريم
**في جهه ثانيه من الاستراحه**
ام فهد: ها يا ام احمد بتكلمين البنت
ام احمد بتردد: والله مدري احسها لسى صغيره
ام فهد مع محاوله اقناع: لا صغيره ولا شي ما بقى شي وتخلص توجيهي تتزوج واهو ما عنده مانع يخليها تكمل
ام احمد بتردد واضح: خلاص يصير خير لازم اكلم ابوها اول وبعدين اكلمها ما ابي افتح عيونها على الموضوع يصيير خير
ام فهد : طيب اسأليه وقولي لي لا تتأخرين على الحرمه
ام احمد: طيب يله فمان الله
ام فهد: فمان الله
**انطلقت كل العوايل لبيوتها على امل انهم يلتقون يوم الاربعاء في رحله للمنطقه الشرقيه **
في بيت ابو فهد%%
نوف كانت تستنى على نار كان خالد جمبها طول الوقت سوالف وضحك بس اهي تبي توصل البيت بسرعه البرق تبي تشوف احمد وش كاتب هل صدق جزء من احساسيه لي مكتوبه في هالورقه الحمد الله ان صبري عليك جا بفايده يا احمد حاس فيني الله يخليك لي
نوف طارت على غرفتها قفلتها ولعت ابجورتها عاشت بجو هادي شغلت الاستريو حقها على اغنيه ((عشان الحب))لراشد الماجد لانها تعشقه ومجمعه كل سيدياته الجديده والقديمه غيرت بجامتها ولبست قميص قصير وعليه دبدوب زهري وفكت شعرها الحريري وطلع شكلها كيوت جهزت نفسها تقرى وش اهدها من كلام وكلمات حب من احمد فتحت رسالته بهدوء غريب
طررررررررررررررراخ
نوف بخوف ونفسها سريع : ميــــــ يين
خالد: انا خااالد افتحي
نوف من صوت متقطع: ووش تبي روعتني ما تعرف تطق الباب زي الناس
خالد: طيب اسفين افتحي
نوف فتحت له الباب: نعم
خالد ببتسامه غبيه:نعامه ترفسك
نوف : الحين صاجني وجاي غرفتي ليش
خالد بنظره جديه: كنت بسألك عن شي
نوف بهتمام غريب اول مره تلاحظ اخوها يقلب جد بهالسرعه: طيب سكر الباب وتعال
خالد سكر باب الغرفه وجلس على الصوفا كبيره ومنفوشه ولونها احمر بعد ما تنهد واخذ نفس عميق: نوف ابي اسألك عن مها كم سؤال
نوف لاحظت جديه اخوها: طيب تفضل تبي تسأل عن ايش
خالد وعيونه تدور في الغرفه يدور نقطه يركز عليها عينه عشان يتجنب يحط عيونه في عيون اخته: نوف وش رايك بمها
نوف بستغراب: من أي ناحيه
خالد لازال مركز عيونه على نقطه في سقف الغرفه: من كل النواحي
نوف رفعت رجليها على السرير تربعت : بصراحه كالشكل مها تعتبر احلى بنت في العائله
خالد رفع عيونه : .......
نوف تكمل كلامها: ايه حتى احلى مني ومن مي وفي بس مي وفي شخصياتهم تكمل جمالهم بس مها....
خالد بنتظار: ايييه
نوف : مها شخصيتها مش ولابد يعني
خالد لاحظ تردد اخته: ايه كملي الكلام بيني وبينك
نوف ارتاحت شوي : يعني تعاملها معانا مو حلو على الاقل اهي احسن من مشاعل الله ياخذها ما اوطنها في عيشه الله مشكلجيه وحسوده ووحده
خالد مع تكشيره: وحده ايش
نوف بخوف: الله يستر عليها وعلينا
خالد ما حب يشكك اخته في شي: طيب مشكوره على المعلومتين اللي مالهم فايده
نوف انقهرت : مالت عليك الشره مو عليك الشره على اللي دخلك
اصلاااا
نوف مسكته من كشته وسحبته اهو يصرررخ : اييييييييي يا الدب فكيني اييي يمه الحقيني
جت ام فهد طااايره : عمى وش صاير
نوف: ولدك صاير وقح
خالد بتألم : أي أي يمه خليها تفكني عندي طلعه شباب خربت التسريحه
ام فهد تضحك وتندب على حال ولدها: وش تسريتحه يا حسره كلها كشه لا راحت ولا جت
نوف فرحانه: تعيش امي اخيرا اا
خالد بألم وجهه مليون لون: طيب يمه هذا كلامك ضحكتي بنتك علي وانتي فكيني عجبتك اشووووووووووف
نوف تذكرت الورقه: يلللللللله اطلع>>دفته برا الغرفه وسكرته
رجعت لعالمها لاحمر نوف معروفه بنت قمه الرومانسيه ممكن تسوي جو وخيالها تدخله في كل اجزاء حياتها فهذا العالم الاحمر من خيالها فتحت الورقه بكل هدوء

سيده قلبي

اتعبني التفكير من وين ابتديك وشلون ابكتب ما يجملني معاك
يا زهره الريناد يا خوفي عليك خايف عيون الوقت يغريها بكاك
يا غايبه وينك بضمك واحتويك بسقيك من نبعي غلا واشرب غلاك
انتي لوحدك بالهوى مالك شريك ياسيده قلبي عسى قلبي فداك
تجرين في دمي مثل جرى السليك لامن جرى ياعنتره وصلو عداك
كلك على بعضك كذا مفتون فيك اقسى علي مسامحك يسعد مساك
دام الحنايا شعب ما غيري مليك تبدى لك الطاعه وتبحث عن رضاك
ما ابيك تبدين الندم لا..لا ماابيك الا بخير وصدري والدافي سماك
يا نجمتي والدمع ساهر يحتريك ماليله خانك ولا ليله نساك
مره بغيت اجففه والثم يديك خفت اني اتعود ويقتلني شذاك
من يومها سربه على غصنك يجيك مثل العبير اللي يجيني من هواك
وانا ابتسم لك وارسمك بالشعر (هيك) ورده تذوب الوانها ورد بشفاك
ما انتي مثل غيرك على شان انتهيك قلبي شطب كل( الصبايا)وابتداك
بك الجاذبيه تجذب احساسي اليك اجيك ومتمغنط مبرمنجي وفاك
ان قلت احبك مثل حب والديك عز الله اني ما خذلت الاجفاك
لالا تظني عاشقك لحظه نسيك الا اذا ظلك نسي يمشي وراك
ياللي خذيتي القلب جاه الله عليك من وين ما رحتي خذي روحي معاك
احمد
للشاعر المبدع((منصور الحربي))
حظنت الورقه ما توقعت ان هالكلام احمد يكتبها لها طول عمرها تقرى كتابات احمد واشعاره لانه معروف بشاعر العائله تقرها لما تروح عند مي وفي بس ما توقعت ان هالابيات لها اهي حضنت مخدتها الحمراء ونامت مبتسمه...
في هالوقت في البحرين&&& ترقبووو البارت الخامس
في هالوقت في البحرين
خلود طلعت مع صديقتها فاطمه لمول السيف
خلود: ايه انا وصلت انت وينك اييوه عرفتوه خلاص استناك بالكوفي باااي
سكرت جوالها وجلست على طاوله
خلود واهي تتكلم وماسكه راسها وتخفي ألمها: ايوه كملي يا فاطمه
فاطمه انتبهت لشكل خلود التعبان: خلود لايكون رجعلك الصداع اللي يجيك العاده
خلود تحاول تصرف: ها لا بس الم خفيف مسكن وارتاح معاك نسيت العلبه بالسياره
طلعت فاطمه حبه مسكن وجابت لها علبه مويه كلت الحبه وارتاحت نسبيا: طيب قولي وش صار مع ولد عمتك
فاطمه مع تنهيده: وش اقول بس
خلود حز في نفسها انها ما تقدر تساعد صديقه عمرها: خلاص ارفضي ما يقدرون يزوجونك غصب احنا وين فيه
فاطمه بوجه مهموم: وش اقول بس انا قلت لا بس هالمجنون صاير في كل مكان القاه يدور وراي ما صرت ارتاح
خلود: كل مكان
فااطمه واهي منزله راسه: شوفيه جالس على الطاوله اللي جمبنا
خلود تفاجات: من جدك
فاطمه: ايه انتي عارفه البحرين صغيره وكل ما شافني واحد من اخوياه دق له وعلمه وجا نشب فيني كرهته اكرررهه
خلود قامت من الكرسي ناويه شر: طيب استنى هنا لا تلحقيني مو ناقصين فضايح
فاطمه: لالا وين بتروحين
خلود بنظره حازمه: بوريه ان الله حق لا تتحركين
وراحت تمشي في خطوات واسعه وثابته وكلها ثقه وقفت على الطاوله وضربت بيدها بقوه عليها: انت وبعدين معاااك
يتبع ,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -