رواية هوى قلبي -11



رواية هوى قلبي - غرام


رواية هوى قلبي -11

أم راشد:مارد عليك
أبو راشد:لا مغلق
أم راشد وهي تصرخ:ياويل حالي على ولدي وينه إيش فيه
أبو راشد:قومي يامره نامي والصباح انا بكلمه
أم راشد:انا بدق على الشقه والله ماارتاح إلا وانا داريه عنه
أبو راشد:معه فيصل وهم يذاكرون ولو في شي كان دق فيصل
أم راشد تبكي:لالا ولدي فيه شي (إنزلت للأرض)أبوس رجلك ابي ولدي ولدي فيه شي
أبو راشد دق على الشقه والتليفون يرن ولا احد يرد وبدا الخوف يلعب بقلبه ..معقوله يروح منه ثاني ولد؟؟


بأمريكا

شجون:حمد ابي عيالي
حمد:بتطلعين بكرا وبتشوفينهم والله يوفقك إنت و زايد

دمعت عينها ... حست إنها مشتاقه له مووووت

شجون:حمد ما أبغى أتطلق الله يخليك
حمد تنهد: ما رح تتطلقون

شجون إنصدمت من أخوها لانه غير أفكاره بيوم واحد و هي مو قادره تفهم إيش ناوي عليه

شجون:حمد إنت متأكد من اللي تقوله
إبتسم حمد:إيه
شجون دنقت راسها و قالت بصوت يرجف
شجون:ارجع له وهي بحياتنا؟
حمد: هذي حياتك يا شجون

*طلع من الغرفه عشان يرد على المكالمه اللي جايته ..وهي ختها الأفكار و ودتها ..حمد براسه شي ..وما كان بيدها غير تقول ..الله يستر منك ومن أفعالك يا حمد*




بغرفة البندري

البندري:وجع يالنحيس يامشعل
الجود:طيب خلاص خلاني أنام
البندري:بعد إيش بعد ما خلاني أترجاه
الجود:بعد إنت ما قصرتي فيه
البندري:إسكتي ونامي
الجود:ليه طيب
البندري:كذا
الجود:تعالي البنو نلعب بأعصابه وترسلين له مسج أبي أشوف كيف وهو معصب منك يرد ولا لاء
البندري:يخسي إلا هو انا الحقه وأركض وراه
الجود:بس ساره كل يوم تنيمه بمسج
البندري:كيفها الوصخه

بعد عشر دقايق

البندري مسكت جوالها:الجود إيش ارسله
الجود ماتت ضحكه:ههههههههههههههههههههههههههه الله يلعن أبو الغيره شتسوي بقلوب البنات
البندري: إنجلعي ..خلاص أرسلت له ذي


أمريكا


زايد:يادكتور مو لازم تبدا العلاج بالكيــ ـماـو وي <-- قالها وهو يسحبها سحب
الدكتور:لا ليه الكيماوي
زايد:عشان السرطان *ونزل راسه*
الدكتور:اي سرطان ..المريضه شجون ما فيها سرطان وبدت تتحسن من المخدرات وهذي الإشياء

زايد كانت أحلى صدمه بحياته

زايد :ههههههههههههههههههههههههههههههههههه قول والله يادكتور ههههههههه
الدكتور:والله
زايد:بس سمعتك تتناقش إنت والدكاتره
الدكتور:إيوه وانا إستغربت يوم قلت لي تعرف عن مرضها بس انا قصدت بالسرطان المريضه اللي بالغرفه اللي جنبها
زايد:الله يبشرك بالخير


______بغرفة مشعل______

توه بينام إلا وسمع صوت مسج قرر يصفط المسج لين الصبح بس كان يبي يكلم محمد لانه مقهور من البنو
إنصدم من المرسل قبل ما يقرا المسج

المرسل:هوى قلبي

***(( أضيع ))
بدنيتي وأرحل إذا شفتك علي زعلان
وأبيع الكون من شانك وحياتي لك أخليها
رجيتك لا تخليني إذا كثرت بي الأحزان
أبيك تكون بجنبي وكل الناس ما أبيها***



تنهد مشعل وأرسل لها

***تعبت ارد الموج والبحر مجنون
وعجزت اطفي النار والجمر غابه
رجيت بعض الصبر والعزم مدفون
بأرض المصير الي لحفني ترابه
لو في يديني شي ما عشت من دون [ الغالي ]
الي مارحمني غيابه ***



____جنان____
بدا التلفون يرن
لجين:نعم
جنان:ابيك ضروري
لجين:اوووف إيش بعد؟؟
جنان:بمكانا مثل كل مرا فاهمه ولا تتأخري
لجين:جنان
جنان:بكره نتفاهم ...باي

تحيــــــــــــاتي ...

أنووثه الخيــــــــــــــال

الفصل الحادي عشر

في بيت أبو راشد

بو راشد:يا مره بروح الشغل وبعدين أكلمهم
أم راشد:لاااا ولدي فيه شي ألحين تحجزلي اروح له..وينك ياضناي
بو راشد:حرام عليك طول الليل وإنت تفاولين عليه
أم راشد:أبي ولدي الحين الحين تجيبه

أبو راشد قرر يتصل على فيصل

ابو راشد:فيصل وانا أبوك إيش فيه صوتك ونواف وينه
أبو راشد:إيش ....حادث....ليه ماخبرتنا....الحين جايكم
أم راشد:ياويييييييييييييل حالي على ولدي .قلتلك وما صدقتني ولدي بيروح من يدي أاااه يا نواف يا يمه لاتلحق أخوك يا يمى


ريان بدت ترجف وإقعدت على الدرج ..مستحييييييييييييييل من فتره قريبه كان مكلمها



طارق & فتون

فتون: حبيبي يعني أروح لها لحالي
طارق:إي انا مشغول ولا إيش رايك انا افتح لك الباب واطلع
فتون:ليه تطلع إقعد معنا
طارق:لا وين أقعد بسوي فيها إني بزورها وإنت كأنك جايه قبل الموعد ف أسوي عمري منصدم وافتح لك الباب وأطلع
فتون :أوكي حبيبي براحتك


___ام أحمد & ام عبدالله____

ام أحمد:والله ياإختي بنسافر انا و أبو العيال وقلت مالي غيرك أتركهم عندك
ام عبدالله:هذولا عيالي
ام أحمد:لا انا اللي يهمني البنات يكونون عندك و الشباب خليهم يصرفون عمرهم
ام عبدالله:لا والله ما يصير كلهم عيالي و الفتره اللي بتغيبونها مو سهله يعني شهر وأعتقد شهر واللي تهتم فيهم الشغاله لا بصراحه صعبه وبعدين هذولا عيالي وانا قلت وقررت وما بتراجع البنات والشباب كلهم يجون

*بهالوقت جا عبدالله وقعد و سمع أخر جمله من اللي قالتها أمه*

عبدالله يأشرلها بأصبعه إنو مين
همست له امه ..*خالتك ام احمد*
عفس وجهه عبدالله


ام عبدالله:الله يحيهم وانا إختك ما بينا هالكلام..مع السلامه

*صكت السماعه*

عبدالله:يمه لا تقولين بيجون يتغدون هنا
ام عبدالله:لا بيجون الإسبوع الجاي يعيشون عندنا لان امهم وأبوهم مسافرين
عبدالله:لااااااااااااا لااااااا انا بسافر بعد .. يمه الله يرحم والدينا و والديك بستأجر لهم فندق بس لا يجون
ام عبدالله:عبدالله ما هقيتها منك وبعدين هذولا بحسبة إخوانك و شي ثاني اطلعهم من بيتهم لان مافي احد ينتبه عليهم تجي تقولي فندق عيييييييب هالكلام يوسف ما رباك كذا
تضايق عبدالله وحط كوب الحليب وطلع من البيت


_____بالجامعه_____

البندري:إيش فيها ريون ماجات
مزون:ماأدري بس الحين بكلمها وانا بروح محاضرتي بتبدا
العنود:مع إنها قالت بتجي
الجود:يمكن راحت عليها نومه
المزون:إسكتو شوي
المزون:هلا ريوون وينك يالخايسه
المزون:إيش فيك يا ريون ليه تبكين

راحت البندري إسحبت الجوال

البندري بخوف:ليه يابعد حالي تبكين إيش فيك
ريان:لحقي علي يالبندري (تبكي بصوت أعلى) نواااف مات
البندري بصدمه:نواف مااااات لا لا كذابه
المزون قعدت على الكرسي وهي بلا وعي
البندري خنقتها العبره:كذابه
ريان تبكي :و ا لله هئ هئ والله
المزون بدت ترجف:لا نواف ما مات كذابين لا (وبدت تبكي)
ريان:والله العظيم لحقووو علي بموووت فيني ولا فيك ياخوي لا تروح مالي غيرك البندري تعالو والله ابيكم
البندري بدت تبكي:ريون أحنا جاين

(سكرت الخط وبقت ساعه تناظر بالجوال ..يعني نواف راح؟؟..هو أخوها وغالي عليها..لفت للبنات وقالت وهي تمسح دموعها حنا عوون لريون الحين لاتزيدون عليها وشافو الجوري توها تدخل وركضو قالولها إن تقول لسواقها يستنى ..لبسو البنات العبايات ولبسو مزون المنهاره عبايتها وطلعو)


____بـــأمريكـــــا_____

زايد قام فجأه من نومه...
فتح عينه و ناظر بالغرفه كانت بااارده من دونها و يحس بفرااغ محتاج حنانها ومحتاج كلماتها اللي تواسيه صار الهم فيه كبير هم شجون و هم بناته وهم لجين وهو الغربه وحمد و ناني و أكبر هم دراسته اللي فاتته كثير منها
تنهد و رجع دفن راسه ب المخده يحس إنه تعبااااااااان لف على جهتها المتعوده تنام فيها ..حط يده على المخده و غمض عينه و بدا يهمس *وحشتيني يا شجون..حرام عليك والله ظلمتيني..وحشتيني حبيبتي ..ااااه يا شجون لو تدرين وش فيني ...لا تتركيني....*


قام وقف ومشى بخفه لانه سمع شي يهمه



_____جنان & لجين_____

لجين:إيش
جنان تحرك العصير:اللي سمعتيه
لجين وقفت بعصبيه: كذابه
جنان:براحتك انا اللي علي بلغتك
لجين:كيف عرف
جنان:تعرفت عليه صدفه و نسيت ذاك الدفتر اللي كاتبين فيه كل شي معه وهو قرا الكلام ومعه الورقه

لجين مسكت راسها وبدت تشد عليه

لجين:اه يا راسي الله لا يبشرك بالخير
جنان:ههههههههههههههههه ليه مو إنت كل شي بالنسبه لك عادي وحتى لو عرف خليه يعرف
لجين:هذا حبيبي و خربتي علاقتنا بكذا
جنان:هههههههههههههههه حبيبك؟؟ طيب يصير خير



____ببريطانيا_____

ذوق:ليه خوفتهم خلاص حالته صارت زينه والحمدلله زال الخطر واللي فيه بس جروح الحمدلله وكسر بالرجل اليمنى
فيصل:ماأدري من حسيته بيتشهد وانا ميت خوف
ذوق:بكلم عمي وبقوله لايجي وإنت روح إرتاح
فيصل:لا بدخل عنده



__دخل فيصل لغرفة نواف__

فيصل:ألف الحمدلله على سلامتك يابو فيصل موتني خوف والله
إبتسم نواف:تسلم يابو نواف
فيصل:الله الله عليك من جبتلك إسم المزون إخترعت وقمت ترجف ههههههه حتى بمرضك مخرعتك
نواف:(كح كح<<يكح) الله يقطع سوالفك (تنهد) وحشتني والله أخر صوره مرت قدامي قبل ما يغمى علي صورتها وانا اودعها
فيصل:ماطلبت الحين اكلمها واقولها نواف يحبك
نواف:ياليت
فيصل:إحلف
نواف:والله بس ابي أسمع صوتها
فيصل ضحك بخبث:تدلل يا نواف

_فتح جوال نواف وخذا رقم *مزون الروح* وضحك_

نواف:فيصلوووو قلنا بس اسمع صوتها
فيصل:طيب طيب وانا قلت غير كذا
نواف:والله لو تقط لي السماعه لأذبحك
فيصل:هههههههههههههههه والله كنت بسويها وبقول نواف يبيك



____بغرفة ريان_____

ريان تبكي:هئ هئ أه يا نواااف ليه رحت
الجوري:ريان حبيبتي خلاص حرام اللي تسوينه والله تعذبينه كذا

*المزون حالتها تقطع القلب والبندري تواسيها*

المزون:مستحيل إنتو كذابين نواف حبيبي ما راح (هئ هئ) نواااااااااااااااااف
البندري تبكي:الله يخليكم خلاص
الجود والعنود يبكون بصمت

بدا جوال المزون يدق وهي النغمه العامه اللي حاطتها *الاماكن*

المزون:خلي اللي داق يمووت مو راده
البندري:بس هذا رقم خارجي

بدت دقات قلب المزون تزيد

الجود:ردي يالمزون
المزون تناظر فتح الخط نفس فتح خط رقم نواف وبدت ترتجف

_رجع الجوال يدق من جديد_



______بشركة بو راشد_____

بوراشد:بو محمد ياخوي شوف ولدي عمم بكل المستشفيات عندك وجيبلي حالته بالضبط
بو محمد:أبشر ياخوي هذا ولدي بعد وانا بدور بنفسي
بو راشد:كلمتني ذوق وقالت إنه بخير بس قلبي مو متطمن هذا ولدي يابو محمد
بو محمد:خلاص ياخوي 5 دقايق بالكثير وتكون عندك الأخبار
بوراشد:انا مو لاقي حجز إلا بكرا
بو محمد:بخلص ورقك من السفاره هنا و بدقايق بعطيك رقم الرحله
تنهد بو راشد:اااه ياخوي
بو محمد:هونها و تهون ياخوي مافيه إلا كل خير إن شالله


______بغرفه نواف______

فيصل:أدق لها وماترد شفت انا كنت بخدمك بس إنت حظك منحوس
نواف تضايق شوي
فيصل:نرجع نتصل وبفتح لك السبيكر وإسمع إنها ماترد
نواف:طيب لا تصكر إلا لين ينقطع
فيصل:بعد هالرنه بقفل ومالي دخ..

(ماكمل كلامه إلا صوت وحده تشهق وتبكي)

المزون:أ....ل...و ..(هئ هئ)ألو
فيصل يناظر بنواف ونواف يأشرله ليش تبكي؟ وإن خلاص سمع صوتها وبغى فيصل يقفل الخط
فيصل:الو السلام عليكم

نواف يناظره ويأشره إن خلاص إنهي المكالمه

فيصل يسويله بإيده إنه بيقولها

فيصل:إختي انا زميل نواف و مت
قاطعته المزون:(هئ هئ) خلاص راااح عرفنا إنه توفى (تبكي بصوت أعلى) إنت ليه ما حميته مو إنت زميله ليش خليته يروح ليه ليه مابلغتنا من قبل ما يتوفى (بدت تصارخ وتبكي) هو مات بس قلبي اللي ينبض بإسمه بعمره ما بيمووت راح حبيبي مني راح (وبدت تبكي بشكل يقطع القلب) ليه ما مت إنت بداله

نواف إنصدم هو حبيبها المزون تبكي عليه ..المزون تحبه ..لا ومحسبته ميت

البندري إسحبت الجوال:أسفه أخوي بس معليه من الصدمه تتكلم كذا
فيصل:مين معي
البندري:انا بنت عم (بغصه) نواف
فيصل:أها

(فيصل يأشر لنواف مين هاذي ..ونواف قال بصوت عالي هذي البندري)

البندري إنصدمت

البندري:إيش ..مين...هذا صوت أعرفه انا
فيصل:إي هذا نواف والحمدلله هو بخير مين قالكم إنه مات

وقفت البندري وهي مصدومه

البندري:إيش نواااااااااف ما مات عطني أكلمه الله يخليك
ريان إرفعت راسها وهي مصدومه ..والمزون كأنه ماي بارد وإنكب عليها

البندري إفتحت السبيكر

البندري:ألووووووو
نواف بتعب:هلا البندري

ريان ركضت للتليفون و المزون نفس الشي

ريان:نواااف حبيبي نوااااف إنت حي الحمدلله يا ربي *ورجعت تبكي*
نواف:ريان حياتي إلا دمعتك يا قلبي خلاص والله كذا تتعبيني
المزون وهي تبكي:نوافي إنت بخير..فيك شي..إيش صار لك..تتألم..إيش فيك حبيبي قولي

نواف نقز قلبه من لهفتها ومن صوتها ومن كلمة حبيبي..وفيصل ميت ضحك

نواف:أه يالمزون
المزون:يا عيون المزون نواف انا أحبك والله العظيم أحبك ادري إنك ماعدت تحبني بس والله أحبك (ضمتها العنود وبدت تبكي)
نواف سكت ما حب يعلق .. هي بعد جرحته وتوها تتذكر تقوله
فيصل:لو سمحتو خسرتوني
البندري:ههههههه معليه إعذرنا ولك البشاره بسلامة نواف
فيصل:إذا لي البشاره تكلمو لين ما تشبعون هههههه
البندري:بتوصلك قريب إن شاالله مع السلامه




____بغرفة ريان______

البنات ميتين ضحك على غبائهم لا وريان لابسه أسود

البندري:قسم بالله إن اشكالنا روعه
مزون وهي تبكي:ما يحبني شفتوه كيف سكت
ريان:لا يحبك
مزون:لا مايحبني
البندري:إلا ماسمعتي تنهيدته من قلب وقال (المزون) وهو بينسدح من الشوق على السماعه
العنود:إي والله
الجوري:لا لا انا بقلد صوته
الجود:إسكتي إنتي الله يعافيك كنتي تحت عند خالتي إشلون سمعتيه
الجوري:إي والله صح
الجود:هئ هئ هئ هئ قولو مين متصل عليييييي
البنات:مين
الجود:الهنوف و راسله مسج تقول طمنوني خير فيكم شي ؟؟
البندري:إصفطيها
الجود:اصلا ما أخسر 25 هلله عليها
الجوري:هههههههههههه الله ياخذك اللي يسمعك يقول إنك فقيره و جوالك ما تشحنينه إلا بــ عشره
البندري:هههههههههه لا ومحولتها من السواق ولا الشغاله
البنات:ههههههههههههههه



____بالمستشفى_____

فيصل:إنت غبي ولا وشو
نواف:ماقدرت اقول شي
فيصل:ليه إيش اللي ماقدرت
نواف:فيصل لو سمحت لا تتدخل فيني

فيصل كان بيتكلم بس دخل بو محمد

نواف:عمي
بومحمد:نوافوو كذا إتطيح قلوب أهلك..السلام عليكم
نواف وفيصل وهم يضحكون:عليكم السلام
بو محمد:سلامات يا بو خالد سلامات
نواف:هههه الله يسلمك وإنتو كل واحد مسمي ولدي إسم
بو محمد:أخبارك فيصل
فيصل:ميت نعس وتعب وكل شي مو هذا الغبي تعبني تعب مو صاحي
بو محمد:تسلم ماقصرت يالغالي
نواف:فيصل روح إرتاح الحين وإنت جاي جيب لي أغراض لاني بطلع مو مطول
فيصل:لا الدكتوره ذوق بنت عمك تقول ما تطلع
نواف:ليه ذوق هنا
بو محمد:إي هنا مع وجهك لا تسوي فيها ماتعرف
نواف:قالولي بتروح كندا
بومحمد:كانت بس الحين هي هنا.. وتعال كلم أبوك وأمك


______بأسبانيا_____

فهمها الدكتور كل شي بالتفصيل
لاريسا:بكرهك يامتعب ليش هيكq mal
لاريسا:لازم إنتئم منك (أنتئم<<أنتقم)

متعب إستلم شهادته وشال أغراضه وطيارته بكره ف راح للفندق عشان إذا لاريسا طلعت ما تلاقيه



يتبع ,,,,
👇👇👇
أحدث أقدم