بداية

رواية بين ثنايا الايام -12

رواية بين ثنايا الايام - غرام

رواية بين ثنايا الايام -12

حنان
هذي البنت مدري وش اقول لكم عنها .. ما اتكلم عن الجمال لا .. اخلاقها مدري كيف .. صحيح ما احكم عن الشخص .. من اول مره اشوفه فيها .. بس ما كلمتني ولا كلمه .. ولا ابتسمت معي حتى .. ويوم اختها كلمتني .. راحت دفتها عشان تسكت .. ماعلينا
شعرها لونه بني .. مثل لون عيونها الصغيره .. شعرها مو ناعم .. شكله خشن .. قصير لكتفها تقريباً .. بشرتها سمرا .. بس جسمها وااو .. بالطول والرشاقه محطمه على الكل
اشوى للحين محد غلبني في الشعر .. يللا الحمد الله .. يقولون الشعر تاج المرأءة .. هههههههه كاني صرت مغروره ........ خلونا من وصف البنات .. عشان نروح نتغدا
^*^
/
\
/
\
/
^*^
المهم خلصنا غدا .. وجات ام مشعل بالقهوه والشاي .. وجلسنا نسولف
سالتني ام حنان والهنوف : الا اقول رهف .. انتي كم عمرك وبأي سنه دراسيه
قلت لها وانا مبتسمه : بكمل الـ 18 سنه قريب .. وانا بثالث ثانوي
سمعتني ام مشعل وانا اقول بثالث ثانوي .. وقالت : غريبه .. اجل كيف مشعل يقول .. نجود صديقة رهف بالدراسه
من قالت ام مشعل هالكلمه .. قالت نجود : ايه خالتي .. تذكرين يوم ادرس بمعهد الانجليزي .. السنه اللي راحت .. رهف درست معي ..عشان كذا مشعل قال انها صديقتي بالدراسه
لحظه .. في شي غريب .. انا لا درست بمعاهد ..وما اعرف حتى انجليزي في المدرسه يالله امشي حالي.. ولا اعرف نجود قبل نهائي .. بس ليه نجود بتقول كذا .. معقوله انا فقدت الذاكره ؟ .. وربي شي غريب !!

بيت ابو يوسف .. الساعه 4:30 مساءً


** يوسـف **
كنت منسدح على السرير .. مو قادر اقوم .. احس نفسي للحين مانمت .. ناظرت للساعه .. معقوله نايم من الساعه 2 الفجر الى الساعه 4 العصر .. 14 ساعه .. خل اقوم احسن لي .. وهالخايسه هيفا ناشبتن لي في البلعوم ..ازعجتني .. كل دقيقه .. داقه علي
# احمدH # يتصل بك
~~)(~~خبروه اني على وصله حيت
وان تفارقنا ترى موتي دنا ~~)(~~
هذي هي دقت مره ثانيه .. شكلي بغير نغمة خالد عبد الرحمن .. كرهتني فيها .. او شكلي بمسحها من جهازي نهائي .. خل اشوفها وش تبي .. ولا بقهرها عشان تحل عني .. بسوي نفسي مو عارفها
رديت عليها : الووو .. مين ؟
قالت لي : انا هيفا انا من غيري انا
ماصخه وربي
قلت : على العموم انا ما اعرفك .. الظاهر غلطانه
قالت لي بدلع : يوسف حرام عليك .. انا وش سيت لك
هذي ماتفهم اني خلاص ما ابيها
قلت لها : الله يرحم والديك .. كم ادفع لك .. وتتركيني في حالي
قالت لي : انا احبك يوسف .. وانت تحبني .. مستحيل نترك بعض ببساطه
صحيح البنات ماعندهم كرامه
قلت بصراخ: رقمي .. خلاص انسيه .. ولا ترى بغيره .. لا تدقين ماراح ارد عليك
قفلت في وجهها
# سالمR # يتصل بك
~~)(~~خبروه اني على وصله حيت
وان تفارقنا ترى موتي دنا ~~)(~~
يا الله .. وهذي رنا دقت .. اقفل الجوال احسن .. ولا ماراح يسكت الحين

غسلت ونزلت تحت .. شافتني امي طالع
قالت لي : وانت هذي سالفتك كل يوم .. لا شغل ولا مشغله .. تنام تصحى تطلع .. تجي باخر الليل .. متى بتشتغل .. وبتتزوج
بسم الله .. الواحد ناقص .. يصحى من النوم .. وعلى طول قرقره
قلت لها : يمه لا تقرقرين .. فوق راسي من الصبح
قالت لي : أي صبح الله يهديك .. الساعه 4 العصر .. الواحد مايدري يقولك صباح الخير ولا مساء الزفت
ماعندي رد عليها .. مشيت فتحت الباب عشان بطلع
قالت : توك صاحي .. صليت ؟
قلت لها : اووووه يمه .. خلاص عاد .. وش قاهرك انتي .. بتحملين ذنبي
طلعت وخليتها .. لاني لو بقيت .. بتجلس تقرقر لليل .. اعرفهم الحريم .. مايشبعون قرقره

صديقي عنده شقه .. نجتمع فيها كل يوم .. نخطط فيها لسرقه جديده .. لا تخافون موسرقة بيوت محلات وخرابيط .. عادي يعني .. موشي خطير
دخلت سلمت .. وجلست ادخن
قال لنا عبد العزيز.. هذا واحد من الشباب : الليل راح ننظف محل جوالات
قلت انا : ننظف أي واحد فيهم ؟
قال عبد العزيز : الربيعي
قال حمد : بس الربيعي .. معروف .. يخوف شوي .. خلونا ننظف محل عادي
قلت له : وانت على طول جبان .. خلك مثل عزوز .. وياسر.. ماتبي تجي معانا .. خلك هنا .. ومالك نصيب في هالتنظيف
قال حمد بتردد : لا بنظف معاكم طبعاً
قلت انا :
يــــــــــــللا شبـــــــــــــاب مــشيـــنــــــا

***** نهاية الجزء السابع *****

...:::][ الجزء الثامن ][:::...


بيت مشعل .. الساعه:4:30 مساءً

** رهف **
طلعوا البنات الحديقه .. وانا جلست اسولف مع شجن
قالت لي : رهف
قلت لها : سمي
قالت : سم الله عدوينك .. بس ابي اسالك .. انتي تعرفين تطبخين
انا ما اعرف اطبخ نهائي .. بس استحيت اقول لها لا .. فقلت لها : يعني .. خفايف بس
قالت لي : تصدقين .. انا في بداية زواجي .. ما كنت اعرف اطبخ ابد .. حتى زوجي لاعت كبده من اكل المطاعم .. بس الحين .. صرت خيال بالطبخ
قلت لها : ما شاء الله .. شكلك الحين فنانه
قالت بأبتسامه : وش رايك اعلمك
قلت لها وكنت مستانسه : والله شجن يسعدني هالشي .. انا ابي اتعلم الطبخ
قالت : خلاص من عيوني .. متى ماحبيتي .. نبدا دروس الطبخ .. انا جاهزه
قلت لها : تسلمين .. ربي يخليك
قالت: الله يسلمك
جات نجود .. وقالت : رهف قومي اطلعي معانا
قلت لها : طيب
بعد ماقمت .. قالت نجود لشجن : تعالي انتي بعد معانا
قالت لها شجن : لا ابي اجلس .. برا فيه هوا قوي .. واخاف ماجد يمرض
قالت لها : خليه مع خالتي فاطمه
قالت : لا لا ادري فيه شيطون وبيتعبها .. لفت على وليد وقالت : ليه جالس هنا .. اطلع العب مع رغد
.
.
.
.
طلعنا الحديقه انا ونجود ووليد .. وكانوا عند البركه .. هنوف وحنان ورغد
قالت لي نجود : الجو يصير حلو بين العصر والمغرب
قلت بمرح : بين العصر والمغرب .. كملي الاغنيه
قالت لي : ايه والله ماناقص الا اغني بعد ههههههههههههههه
ضحكت معاها .. ورحنا جلسنا مع البنات الباقي
قالت حنان : اشوف تأخرتي .. ماصارت هذي تنادين على رهف .. حشى تسوين محشي
قالت نجود : يللا عاد كلها الا دقيقه
قالت الهنوف : ايه صحيح ما تأخرت
للمره الثانيه اشوف حنان تدف الهنوف اذا تكلمت .. انا مستغربه وشلون نجود ماتلاحظ
قالت لي حنان : انتي سنه ثالث ثانوي
قلت لها : ايه
قالت وهي تفكر : غريبه ليه متزوجه بدري
’’ وش دخلك ؟ تزوجت بدري .. ماتزوجت .. شي راجع لي ’’
قلت لها : تعرفين يعني ثانويه عامه وابي نسبه .. وماعندي احد يذاكر لي
عشان كذا تزوجت ,, ضحكت ضحكه مصتنعه ,,
الهنوف ونجود : ههههههههههههههههههههههههههههههه ومشعل هو اللي بيذاكر لك هههههههههههههههههههههه
قلت لهم : تتخيلون عاد مشعل مدرس خصوصي ههههههههههههههههههه
قالت حنان بضحكه بارده : هههه نجود تعرف تنكت زوجة اخوك
قالت لها نجود بمرح : ايه خفيفة دم رهــوفه طالعه علي
قالت حنان : مره
،، صح .. انا ابي اعرف .. ليه نجود قالت الكلام اللي قبل .. لخالتي فاطمه .. ابي اسالها .. بس مو قدام هذيلا ,,
شفت نجود تأشر بيدها وتقول لي : وين سرحانه
قلت لها : تعالي نجود ابيك شوي
قالت لي : اوكي
رحت معاها بعيد شوي .. مو عارفه وش اقول لها
قالت لي : وشو رهف .. فيه شي مضايقك
قلت لها : لا ابد
قالت : اجل
قلت لها بتردد : نجود انا متى درست معك بمعهد انجليزي ؟ ما اذكر
قالت لي وهي تضحك : اهاا ولا انا اذكر
’’ اجل وش السالفه ’’
قلت : بس انتي قلتي
قالت : ايه انا قلت .. هذا مشعل .. وصاني مية الف مره .. اني اقول انك صديقتي في الدراسه
تفاجأت ليه مشعل يخليها تقول كذا .. مافيه سبب .. غريبه ؟
قلت : وما سألتيه عن السبب
قالت : ما رضى يقول لي .. انتي اسأليه الليله
هزيت راسي بموافقه
قالت لي .. وهي تناظر يمين وشمال : بس رهف .. امممممم بسألك سؤال ملقوف شوي
قلت : اسألي
قالت وهي تحك راسها : هو مو ملقوف شوي .. الا مره
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -