رواية برد وجفا ونسمة هوى -16


رواية برد وجفا ونسمة هوى - غرام

رواية برد وجفا ونسمة هوى -16

بجيب معي لعبه جديده..خلاص أروح..!!ماردت عليه وبنته وكتفت ايدينها بزعل وهي ماده بوزها الصغير..وكان شكلها يسلب العقل والروح..
وأول ماشاف عبد الرحمن شكل بنته..ماقدر..
على طول خذها بحضنه وهو يضحك عليها..
عبدالرحمن\فديت بنيتي اللي تعرف تزعل..حبيبة قلب أبوها والله..عمري ريوف لاتزعلين أنا بجي بسرعه..
ريوف\مابي.....مابي مابي مابي..أنا ماأحبك..
عبدالرحمن\أفا..ماتحبين بابا..خلاص أنا زعلت..!!وبعد عنها..وخري عني...ماأحبج..
تضايقت ريوف من زعل أبوها وماهانها..وحبته على خده برقه...ونزلت عيونها..
مات عبد الرحمن عليها..لكنه حب يتغلى شوي..
ومسح البوسه من خده..وهي مسوي نفسه معصب
عبدالرحمن\لا خلاص أنا زعلان..
ريوف بدلع وهي مغمضه عيونها\بابا..
عبدالرحمن وظابط الوضع\لالالا لاتحاولين بابا حبيبك زعلان..
رقتب منه ريوف وضمته بقوه ولأنها صغيره ماوصلت يدها الا صدره..
ريوف\بابا..خلاث..لاتزعل مني..انا ريوف..
عبدالرحمن\أول بوسيني..
وباسته ريوف..
عبدالرحمن\وحده ثانيه
وباسته ثانيه
عبدالرحمن\بقوه..
وباسته بقوه..
عبدالرحمن\اقوى..
وهالمره ماتركته باسته بقوووووووووه وطولت لمن حمر وجهه..
ريوف وبتعب\خلاااص بابا..انا تعبت..
عبدالرحمن طار عقله من تصرفات بنته العفويه وماقدر الا انه يضمها لصدره

وبعد دقايق وهي لسه بحضنه
عبدالرحمن\ريــوف..
ريوف\هممممم
عبدالرحمن\خلاص حبيبتي..بروح اللحين تأخرت..!!
ريوف\طيب ثيلني معاك..!!
عبدالرحمن خاف أنها تبي تروح معاه..وتضايق كثير شكل بنته مش هادته الليله..
عبدالرحمن\وين اشيلك..!!
ريوف\ودني الصاله..بلوح العب مع روز..
فرح عبدالرحمن..وعلى طول ماكذب خبر حملها.. ووداها الصاله ..ونادى روز تهتم فيها لمن يجي..

غبي..غبي..انا غبي..
كيف بدخل اللحين..!!

هذا الكلام اللي كان يدور في بال الوليد ..!!
توه يتذكر أنه اذا طلع مايقدر يدخل لأنه مامعه أحد..
تضايق حييل..ودق على الشباب..
ويود درى طلال تطنز عليه وقال له دخل نفسك بين عايله وسوي نفسك جاي معاهم..وسكر منه وهو ميت قهر..
ليته ماجاببهالجوال اللي بيخليه ينلطعساعه لمن يجون..
مرت ربع ساعه وهو على هالحال
كرامته ماتسمحله أنه يدخل ين الحريم ويقول هذيلا أهلي..

ويوم حس نفسه أنه مكبر السالفه قام وهو مصمم يتنازل شوي عن غروره ويدخل مع أي أحد..

وبالفعل تحرك بسرعه..وشاف حريم مع عيالهم الصغار بيدخلون المجمع.
وعلى طول دخل نفسه معاهم..
ويم تعدى البوابه..ماااااااااات ضحك على نفسه..
ماتوقع يجي يوم وينحط بهالموقف...لكن محد قاله يطلع عشان جوال...
يستاهل اللي جاه..


كنت واقفه جنب قسم كانتون..عشان أطلب لي..
ولأن زحمه عليه تنرفزت وبديت اعصب..
لين متى بظل أنتظر في الطابور..!!
ياربي كأني في مدرسه بسنه أولى بعد..!!
كلهم كلوا..واكيد خلصوا بعد..الا أنا..عاندتهم وقلت ماأبي مثلهم فاست فود..
أبي كانتون..ومالي شغل فيهم..
باخذه يعني باخذه..
وظليت انتظر..وانتظر..وانتظر...لمن سمعت أحد يهمس باسمي..!!

..جمـــانـــــه..


بعد مالبست احسن لبس ..طلعت وهي تسبق الزمن..
كل شي حولها يحسسها أنها ماسوره.مملوكه..
مملوكه لحبه..
السماء مطرت عشان تعيش معها الجو
والطيور اعلنت أنسحابها من الساحه..
والورود تفتحت عشان تروي ظماها
اللحين بتبدى معركتها..
وياغالبه..والا مغلوب عليها..

دخلت المطعم اللي يشتغل فيه ..عشان تشوفه..
صح هي جات بدون موعد..لكن قلبها كان دليلها وماتقدر تستحمل بعده .ولازم تحط النقاط على الحروف..

كان يوسف توه مبدل ملابسه ولابس القحفيه عشان يرجع شقته..وتوه بيطلع الا شافها قدامه..
تفاجأ منها..!!
شاللقاء الغريب..!!
اول مره سيلينا تسويها وتتجرأ وتجي لحد مكان شغله..!!
ظلوا واقفين والصمت سيد الموقف.
ولمن طال الأنتظار
مشى يوسف ومشت وراه وهي طايره..
لكنها مش طايره وناسه..
طايره تعاسه وحزن..
يكفي أنها شافت نظرة الامباله من يوسف..
وهذا كفيل أنه يحرقها ويدمرها..
.
.
جلسوا على كراسي الحديقه اللي كانت قريبه من المطعم..
وبدوا يتناقشون بهدوء..
لمن تملل يوسف..


Ya..compilite iam lissoning..!\يوسف وهو متملل

\jozif iam not jokeing ..show me plesse..\سيلينا

\يوسف ونفذ صبره
Silina..that sit..ican not give as any thing..!!ok..do not tray agine understand..!!
\سيلينا برجا
Jozif..iam mad about you..iam realy love you..plesse git it me

\يوسف يوم سمع كلمتها حب أنه ينهي النقاش البنت بدت تتولع فيه أكثر..وهو مصيبته أكبر من الحب وجنونه..هوماجاء لــ هالديره عشان يحب..هو جاء وهو مظلوم..ويبي يرجع بأسرع وقت..هو مايقدر يعطيها شي..الحب كان لفجر وبيظل لفجر..لكن كيف يفهمها..!!
No silina no forgite.. you no ican not take the love..Ido not care explaine else ..
\سيلينا ويأست منه..
Ok..iam go no but remember……Ineed you...!!
.
.
بعد ماتركته لوحده...
قام وهو متألم..وزي الطير المجروح..
ماكان وده يقسى عليها بالكلام ..هو يعرف أنها تحبه..وتموت فيه..
لكن هو مو للحب..
هو عايش مشتت..غريب..لحد اللحين ماأستقر ولا عرف الأستقرار..
وهي تتكلم عن الحب..!!
هو يعرف الحب..ويعرف المعاناه اللي عايشه فيها..
لكن روحه..وقلبه..وعمره..يفديه لــ فجر..
صحيح انه ماله امل في رجعته وطنه..وكل شي متسكر حوله..
ومو معقول بعد 11 سنه يرجع..
لكن قلبه يقول انه بيرجع..
بيرجع لأرضه..
وبيموت فيها مثل ماحيا فيها..
اهم شي انه بيرجع..
ويكفي عنده هالشي..
أما سيلينا..فمستحيل ينكر وقفاتها معاه..
يكفي أنها شغلته بعد ماكان تايه..
وهالمعروف مستحيل ينساه..وبيجي يوم اللي يرد هالمعروف لكن بطريقته الخاصه..

وبين هالتفكير رجع لشقته وأول ماحط المفتاح شافه مفتوح..
فعرف أنه لؤي رجع..
دخل المطبخ وخذ له علبة ماي..وطلع لغرفة النوم..

وأول مادخل شاف لؤي نايم..
وفصخ جاكيته بتعب ..
وضحك على شكله وهو نايم..
وعشان ينرفزه أكثر..
جلس على السرير الصغير بكل قوته وأنسدح جنب لؤي ..
وعلى طول تخرع لؤي وقام وهو منزعج من هالأقتحام الغريب..
ويوم شاف يوسف شكله..
أطلق ضحكه طويله ومتواصله..
لمن شرق من كثر الضحك..
لؤي وهو مفول\عدال لتطيح ضروسك.!!
يوسف وهو يطلع أسناسه اللي زايدته جمال\والله ياحبيبي ماراح تلقى مثل أسناني..موووت حره..
لؤي وفرك عيونه\وبعدين أنت ليش دفش ومليق.ياأخي اذا بتجلس ..اجلس بهدوء..مو خبل كأنك مفجوع على القعده..
يوسف\والله سريري مثل ماهو سريرك ..وكيفي يبه..أسوي اللي أبيه.وانثبر وكمل نومك يالطفس..
لؤي\وانا اللي بنتظرك يعني أكيد بنام مع هالويه..سلام..ولف وجهه..

يوسف بهدوء\لؤي..
لؤي ومغمض عيونه\ها..
يوسف\ويعاه..
لؤي\أخلص شتبي..
يوسف ويطالع السقف\تقابلت مع سيلينا..
لؤي ولف وجهه \أحلــــــف..
يوسف\والله..
لؤي\وين..ومتى..وش صار..وش قلتها..وهي شقالت لك...وكيف راحت..!!
يوسف\ههههههههههههههههههههه شوي شوي علي..
أسمـــــع ولف عليه..

الوليد\شتسوين هنا..!!
جمانه\يعني شسوي..ماتشوفني واقفه انتظر ..!!
الوليد وتوه مستوعب\أها..أحم.شخبارك جمانه..!!
جمانه\بدري عليك..!!
الوليد\شنوا..!!
جمانه\قصدي الحمدلله..
الوليد\طلبتي والا لسه..!!
جمانه\أيه..وانت..!!
الوليد وتذكر انه طلال طلب له..لكنه بيطلب ثانيه عشان يجلس معاها شوي
الوليد\اللحين بطلب لي..
.

وظلت جمانه تطالع في الوليد وهو يطلب..وكان ودها تساله لكنها أستحت..
ويوم اتعبت ..قوت نفسها وكلمته
جمانه\لقيت تلفونك..!!وعلى طول أسألت..وكيف دخلت..!!
الوليد\أيه لقيته..وكيف دخلت..مع الحريم..يعني كيف بالله عليك..!!
رمت عليه جمانه نظرة شك..وهي منقهره منه.!!
وفهمها الوليد..وكان بيضحك لكن حبس ضحكته..وسوى نفسه معصب
الوليد\جمانوا ياحماره..بلا هالنظرات اللي مالها داعي.!!قلت حريم ..مو اللي في بالك.!!
جمانه بغرور\ وليدوا...شدراك عن اللي في بالي..!!
الوليد\اعرفك زين..وبلا هالغيره..!!
جمانه وأنحرجت\أنـــــــا..!!أنا أغار..ومن منوا..منك أنت..!!ههههههه ضحكتني ..لاتصدق نفسك كثير..
كلام جمانه أكيد لــ الوليد انها تغار ..
الوليد بهمس\متأكده..
جمانه وخلاص بتموته\أيه..وضربت رجلها بالأرض..متأكده..ولفت وجهها عشان تاخذ طلبها..
والوليد خذ طلبه هالوقت..
ومشوا للكراسي..
لمن وقفوا لمكان النساء..
الوليد\طيب أنتي ليش معصبه..!وابتسم بمكر..هدي شوي..مو زين لك العصبيه..!!
جمانه\ومين قالك أني معصبه..أقول وليد..روح هذا مكان نساء..
الوليد\واضح..انك مش معصبه..يكفي تورت ايدك..لانطيح الصينيه بس..
ماتت جمانه منه ورصت على اسنانها \سخيـــف....ومشت.
الوليد\جمانه
جمانه\نعم
الوليد\وانتي أسخف..ومشى بسرعه قبل مايسمع ردها وتقهره..
.

غلا\شفيك تأخرتي..!؟
جمانه وهي تحط الصينيه\مالك شغل..
غلا\جمــانه
جمانه\نعم
غلا\أنقلعي..وكملت غلا اكلها.
جمانه\غلوه والله مالي خلقك لاتخليني أدوس في بطنك..
غلا وتركت ألكل ولفت عليها\لا والله..دوسي احد ماسكك.!!
ابتسام زهقت منهم كل يوم هالسمرحيه لازم تشوفها..
ابتسام\أقول شرايكم تفصخون العبي وتشمرون وتتضاربون..
غلا+جمانه\أووووووف
ابتسام\ههههههههههههههه كلوا أحسن..

كان فرحان اليوم..
لسببين..

الأول: كان توه مخلص صفقه تربحه ملايين وبشخطة قلم كسبها..
والثاني:لأن صديقه مبارك بيجي اليوم..ولازم اللحين يروح عشان يتسقبله بالمطار

طلع بسرعه من الفندق وهو يلبس نظاراته الشمسيه اللي مستحيل يفصخها..
واذا فصخها لازم يلبس نظارته الطبيه ..
وزين أنه كان مأجر له سياره خاصه ولا زحمة الشوارع..

مبارك\قول والله..
تركي\والله
مبارك\تركي..لي ساعتين أنطرك وانت مبرد..
تركي\سوري بو الشباب الله أنشغلت الصبح..وتوني مبدل وجيتك..
مبارك\المهم بلا أعذار..تعال بسرعه يالله
تركي\أوكي..سلام..وقفل منه..


وبظرف ربع ساعه وصل المطار ودخل بسرعه.
وشاف مبارك ماسك شنطته وواقف ناحية الأستقبال وداق سوالف مع الموظفه الهنديه..
ظحك عليه تركي وقرب منه...
تركي\وانت مازهقت..
لف عليه مبارك وسلم عليه وحضنه..
مبارك\طالع عليك ياولد العالي ياللي مابقى هنديه ولا أجنبيه وماطيحتها
الموظفه\!..what
مبارك\وييه..وش نقول لها ذي اللحين..nothing..bay honey..
تركي ويمسكه من بلوزته\أمش أمش لا هوني..ولاغيره..
مبارك\فشلتنا..وش بتقول عنا اللحين..!!
تركي\يعني أنت مهتم فيها..أقول طير..
مبارك\المهم شخبارك أنت...!!
تركي\تمام..جيب الشنطه..
مبارك\بتسرقها
تركي\مالت عليك..بحطها ورى..
مبارك وهو يركب السياره\أوكي..
دخل تركي الشنطه..وركب السياره..
مبارك\وش مخطط عليه اليوم..
تركي\لا اليوم مافي شغل..اليوم بسهرك سهره معتبره..
مبارك يبتسم بخبث\أمووت أنا في سهراتك.. تفهمني على طول..
تركي\هههههههه شسوي بعد لازم أفرغ عواطفك قبل ماتخرب شغلنا..


ياهند دقي على البنات..طالعين لي من وقت ..اللي مايستحون هايتين بالشوارع..
هند\يايمه..شفيها يعني عادي..خليهم يغيرون جو..
الجده\احنا ماعندنا بنات يهيتون بالشوارع لنص الليل
هند\يمه توه بدري حتى ماجات الساعه عشر..
الجده\ماعلي منك..تدقين عليهم يعني تدقين..
هند وعشان تهدي أمها كلمت البنات
جمانه\الوا..
هند\هلا..وينكم فيه..
جمانه\بالسياره تبين شي يمه..!!
هند\ايه تأخرتوا..متى بتجون..
جمانه\اللحين بنجي..
هند\خلص يالله مع السلامه
جمانه\مع السلامه..
سلطان\شسالفه..!!
مانه\أمي تقول تاخرنا
سلطان وخذها فرصه\ايه تأخرنا والسبب أنتوا..مانتعطون وجه في السوق.
ابتسام\وعاد أنت ماصدقت على الله تمسك علينا شي..
سلطان وتوعد فيها\هييين يابسوم تعالي وقولي لي.سلطان طلعنا..بذبحك ان قلتيها..
ابتسام بثقه\ومين قال أني بقول ..خلااااص توبه..
سلطان وتنرفز\وبعد..وتقولينها بوجهي يابنت محمد...أوريك..
ابتسام\هههههههههههههه ياقلبي على هالعم اللي يعصب بسرعه ويرضى بسرعه..
ابتسام\سلطان..
سلطان ولازال معصب\شتبين
ابتسام\والله أحبك..
سلطان ناظرها وابتسم وعشان يخفف قهره\حبتك القراده..قولي آمييين
غلا+جمانه\آمييييييييييييييييين..
ناظرتهم ابتسام وهي منقهره منهم..وهم على طول ا سكتوا لأنهم تفشلوا.
ويوم شافهم سلطان ماقدر يمسك نفسه اشكالهم تضحك لأنه يخافون من ابتسام..وعلى طول ضحك بجنووون ..

وكلها ثواني وجمانه وغلا طنشوا ابتسام وظحكوا وراه

يتبع ,,,,
👇👇👇
أحدث أقدم