رواية الله يبقيك لعين ترجيك -21
نواف: اووووف ... كلبة ذي مو انسانفواز: حتى انا شكيت في الموضوع ... وصلت السقف ورجعت من الألم
نواف: ههههههه
قلت لك ... هنا ما ينفع ... كل يوم في شخص بيخرب عليك ... ما لك الا ايطاليا
فواز: على يدك ... ضبط لي الموضوع هاليومين ... وشكلي برجع البيت
نواف: احسن لك
فواز: وابوي وامي؟؟؟
نواف: تحجج بعرس ربى ... وانه حوسة وما تقدر على الروحة والرجعة من الفندق ... وانها كلها يومين وتسافر
اليوم الثاني ... رجعوا فواز ورؤى لبيتهم وتركوا الفندق ... رؤى حطت اغراضها في الجناح وهي مستعجلة تبي تطلع
فواز: ويييييين؟؟؟
رؤى: فواز بلا مصاخة!!! لا تقول انك ما بتخليني اروح المشغل واليوم عرس ربى؟؟؟؟
فواز: اممممممممممم ... افكر!!!
رؤى: فواااااااااااااااااااااز
فواز: طيب روحي
رؤى: اووووووووف ... ما بغيت ... يالله باي
فواز: رؤى
رؤى: تكفى لا تغير رايك!!!
فواز: حبيت اذكرك انك ما سألتيني عن لبسك !!! وما راح تطلعين فيه بالليل ... لا تقولين لي الميك اب وما ميك اب ... بتغسلينه اذا رجعتي
رؤى: اووووووووووووف
فواز ... فستان زواج ربى مفصلته من زمان ... وابي البسه
فواز: ادخلي البسي كم فستان وانا اختار
رؤى: البنات مستعجلين وبيروحون عني!!!
فواز: كلميهم وقولي لهم اني بوصلك
رؤى: الله ياخذك ... رمت عباتها واغراضها ودقت على لينا وقالت لها ... وطلعت لها كم فستان ... وقالت في نفسها ما راح تقول له أي واحد ودها تلبسه ... لانها تعرفه بيعاند وما راح يختاره ... خليه كذا يمكن يختار الفستان اللي ابيه
طلعت له بمجموعة الفساتين: يالله أي واحد البس؟؟؟
فواز: انا كم مرة قايل لك لا تطلعين لي قطع القماش كذا!!! روحي البسيهم!!!
رؤى: اووووووووو وف
دخلت ولبست له اول فستان وطلعت: ها ... شلون؟؟؟
فواز: عارضة ازياء فاشلة ... لو تشتغلين من اول يوم ... لا من اول ثانية بيرفدونك
رؤى: فوااااااااااااااااااااااااااااز ... متفرغ حدك
فواز: والله مو المشكلة فيني ... المشكلة في زوجتي اللي مخلية عندي وقت فراغ
رؤى: المهم .. هذا زين؟؟؟
فواز: من طريقتك عفت الفستان ... غيريه
رؤى: اووووووووووف
وكل شوي تطلع بفستان ...ويسوي فيها نفس الشي ... زهقت بقوة من تغيير الملابس كل شوي ... وباقي اخر فستان ... هو اللي تبي تلبسه ... مفصلته مخصوص لعرس ربى ... يا ربي يعجبه ولا يتفلسف على راسي
طلعت بالفستان ... فعلا رائع ... حلو مرة وناعم ولونه على بشرتها طالع جنان
رؤى: لا تقول لي مو حلو؟؟؟
فواز: امممممممممم
رؤى: ها
فواز: اممممممممممممممم
رؤى: فوااااااااااااااااااااااز
فواز: غيريه مو حلو!!!
رؤى: حرام عليك ... هذا اخر فستان عندي
فواز: طيب انتي اللي مشينة الفستان ولا موديله حلو
رؤى: نعععععععععععععععم ... انا مشينة الفستان!!!
فواز: طبعا ... واقفة فيه من غير نفس ... وعافسة وجهك ... شلون يطلع الفستان حلو.؟؟؟؟؟
رؤى: اووووووووووف ... والمطلوب؟؟؟
فواز: تعرضين الفستان مثل عارضات الازياء ... تروحين وترجعين وتتفنين وانتي تلفين ... واهم شي الابتسامة تشق وجهك
رؤى: تححححححححححححححححححلم
فواز: وانتي تححححححححححححححلمين تروحين العرس بهالفستان
رؤى: فواااااااااااااااااااز
فواز: رؤؤؤؤؤؤؤؤؤؤؤى
رؤى: اوووووووووووف ... الله ياخذك
هي معصبة عليه بقوة ... بس مالها مفر من الموضوع ... تعرفه اذا عند وقال ما اخليك ... ما راح يخليها ... فعلا سمعت كلامه
بدت تمشي وتروح وترجع ... وهي طبعا توزع ابتسامات مثل عارضات الازياء ... وفواز جالس يناظر فيها وهو يبتسم
رؤى: ها ايش رايك
فواز: ماشي حالك ... يعني مو بالمرة بس يالله بطوفها لك
رؤى اللي ما صدقت: طيب يالله بسرعة ودني المشغل
فواز: تتأمر حضرتها بعد ...طيب بسرعة غيري ملابسك
في الليل بقاعة الرجال ...
واقفين الشباب حول سلطان اللي الضحكة شاقة وجهه ...
نواف: هيييييييي سلطان فشلتنا
سلطان: لييييييش؟؟؟
نواف: اسنانك كلها باينة ... قلنا دكتور اسنان ... بس مو تسوي لنا دعاية اسنان
الشباب: هههههههههههههههههه
رن جوال نواف وبعد شوي عن الشباب ..
نواف: هلا جود
جود: هلا نواف ... وينك؟؟؟
نواف: في العرس
جود: طيب تقدر تمرنا ... ابوي مسافر والسواق سيارته خربانة مدري ايش فيها
نواف: من عيوني ... كم جود عندنا
حود: تسسسسسسسسسسسلم
نواف: تسلم لي عيونك
رجع للشباب: فواز عطني مفاتيح السيارة
فواز: وين بتروح؟؟؟
نواف: بروح اجيب امي نورة والبنات ... ما في احد يجيبهم
فواز: خلاص انا بروح ... خلك مع الشباب
نواف: اوكي
في السيارة ...
نورة: يا فشلتنا فيك يا فواز ... جود ما قلت لك اتصلي على نواف؟؟؟
فواز: افا ... يعني تعزين نواف اكثر مني!!!
نورة: لا والله يا ولدي ... معزتكم وحدة ... بس انت معرس وفشلة يعني
فواز: لا فشلة ولا شي ... واذا معرس يعني ... على رجلي نقش الحنا ما اقدر امركم؟؟؟
ام محمد: الله يحفظك ويخليك يا ولدي
فواز: ولا يحرمنا منك يمه
فواز: الا وينها شهد؟؟؟
جود: كالعادة ما تسال الا عن شهد!!!
فواز: طبببببببببببببعا ... اختي بالرضاعة
رغد: واحنا بنات البطة السودا؟؟؟
فواز: ههههههه لا والله كلكم غالين ... بس شهد غييييير
نورة: الله يهديك يا جود ... ضيعتي الرجال ... سأل سؤال دخلته بموضوع ثاني ... شهد تعبانة ماتقدر تجي
فواز: الله يساعدها ... هي باي شهر؟؟؟
رغد: بعد اسبوعين تدخل السابع
فواز: الله يسهل عليها
الكل: اميييييين
وصل اهله الفندق ورجع على طريق بيت اخته شهد ... هو حس بالموضوع بس ما حب يبين قدامهم انه عارف ... وصل وضرب الجرس
الخدامة: ميييين
فواز: انا فواز ... ماما شهد هنا؟؟؟
الخدامة: يس ... وفتحت له الباب
دخل فواز وانتظرها ...
شهد: هلا والله بحبيب قلبي ... ولا ما ترضى اقولك اياها ... اكيد بس تبي تسمعها من رؤى
فواز وهو يسلم على اخته: تخسي رؤى جنبك
شهد: حرام عليك ... لا تقول كذا على رؤى ... ليش مو في العرس؟؟؟
فواز: انتي اللي ليش مو في العرس؟؟؟
شهد: مالي مزاج
فواز: ليش؟؟؟
شهد: فواز ... قلت مالي مزاج ... خلاص
فواز: بندر؟؟؟
شهد: .....................
فواز: وبعدين معه !!!
شهد: الله كريم
فواز: طيب خليني اكلمه
شهد: لا لا لا لا ياخوي ... اعرفه بيعاند
فواز: طيب ايش المشكلة ... قولي لي ... يمكن اعرف احلها
شهد: لا ياخوي ... لا تصدع راسك ... مشاكل بسيطة وتنحل
فواز: أي مشاكل بسيطة ... تعرفين كم شهر صار لك وانتي على هالحال؟؟؟
شهد: الله كريم يا فواز
فواز: طيب قومي البسي واوصلك للعرس
شهد: مالي نفس يا خوي ... عفت كل شي
فواز: مو كلام هذا ... قومي انبسطي وفرفشي
شهد في نفسها: لو تعرف يا فواز ليش ما ابي احضر الزواج ... كان قمت وذبحت بندر
فواز: يالله ... قومي ... ما بروح الا وانتي معي
شهد: ياربي عليك ... من يومك حنان
فواز: اذا انا حنان ... نواف ايش يطلع؟؟
شهد: لا نواف هذا خله على جنب
فواز: خلي عنك السوالف وقومي البسي ... ساعة لين تجهزين
شهد: لا لا لا لا لا حامل وساعة مايصير ... نص ساعة وانا جاهزة
بعد يومين ...
اليوم طيارة فواز ورؤى ... طبعا رؤى بس عرفت بالسالفة واستلمت فواز ... مو على كيفك تقرر .. وانا مابي اسافر معاك ومن هالكلام ... وفواز مطنشها عالآخر
باقي عالطيارة ساعتين ... لازم يتوجهون للمطار ... سلموا عالكل ... ومنيرة دموعهها تنزل وما وقفت
فواز: يمممممممممممه ... الله يخليك مابي اروح واخر شي اشوفه هو دموعك!!!
منيرة: الله يحفظم يمه ... انتبهوا لنفسكم ... كل واحد يحط باله عالثاني
نواف: لو كل واحد حط باله عالثاني ... كل واحد بينسى نفسه ويضيعها
الكل: ههههههه
عبدالعزيز: نواف ... احترم مشاعر امك
نواف: امرك
عبدالعزيز: رؤى ... خلاص عرفتي للجهاز!!!
رؤى: ان شاء الله يا عمي
عبدالعزيز: انتبهي له يا رؤى
فواز: يبببببببببببببببببببه انا الرجال توصي رؤى علي
( فواز يتحسس من مرضه بالمرة ... ولا يحب احد يحسسه انه غير عن الناس )
عبدالعزيز: وليش مستعجل على رزقك؟؟؟ جاي دورك ... بس رؤى وصيتها عليك بكلمتين ... اما انت اذا بوصيك على رؤى بتطوفكم الطيارة
نواف: لا يبا تكفى ... ما صدقنا نفتك من وجيهم ... تطوف علينا الطيارة بعد
فواز: شووووووف ... قليل خاتمة
نواف: توك تعرف!!!
الكل: ههههههههه
طول الطريق للمطار ... فواز ونواف سوالف وضحك ... وسافهين رؤى اللي قاعدة ورا ... وهي كالعادة معصبة ومطرطعة منهم ... بس هم ولا معتبرين لها وجود ... وصلوا المطار ... ودخلوا وكملوا اوراقهم ...
نواف: كل شي اوكي ؟؟؟
فواز: ان شاء الله
نواف: يالله بالسلامة ان شاء الله ... تروحون وترجعون بالسلامة
فواز: الله يسلمك
سلموا على بعض وحضنوا بعض ...
همس له نواف: طمني عليك على طول
فواز: اكيييييييد ... وانا اقدر!!!
نواف: لا تلين قلبك ... خلك رجال عشان تتأدب!!!
فواز: بحاول
نواف: بذبحك ... اذا بيلين قلبك مالها داعي الحوسة كلها وهالمصاريف
فواز: لا ان شاء الله ما يصير الا الخير
فكوا بعض: يالله رؤى بالسلامة
رؤى: بدري ... زين انك افتكرت اني واقفة وراكم وانتظركم
نواف: يا ربي على طوالة اللسان ... بتركبين طيارة ... افرضي طاحت الطيارة ومتي ... عالاقل خلي شي اذكرك فيه بالخير
رؤى: شكرا ... ما ابيك تذكرني بشي
نواف: ما منك فايدة اصلا
فواز: ما عليك منها ... يالله مع السلامة يا خوي
نواف: مع السلامة
بعد ما راح نواف ... التفت فواز على رؤى
فواز: ممكن تكلمين نواف باحترام؟؟؟
رؤى: مو شغلك ... اكلم اللي ابي بالطريقة اللي ابيها
فواز: طييييييييب يا رؤى ... ان ما خليتك تندمين!!!
رفع راسه ... وشاف بندر زوج اخته شهد ...
انتظري هنا لا تتحركين لين ارجع
رؤى: شايفني بزرة!!!
فواز: كل كلمة عندك بعشر ... اووووووووووووووف
راح لبندر وسلم عليه ... بندر واقف مع مجموعة شباب ... اشكالهم ابد ما عجبت فواز
فواز: هلا بندر ... شلونك؟؟؟
بندر: بخير
فواز: مسافر ولا تودع احد؟؟؟
بندر: انا سألتك عشان تسألني؟؟؟
فوازماعجبته طريقة بندر بس مشاها: انا رايح لايطاليا يا بندر
بندر: وانا مسافر مع الشباب
فواز: ممكن كلمتين على جنب
بندر: انا مستعجل ... الطيارة بتطير
فواز: ما راح اعطلك
بندر: طيب
على جنب ...
فواز: اسمع يا بندر ... حالك مو عاجبني
بندر: عجبك ولا ما عجبك ... ايش علي منك؟؟؟
فواز: اسمععععععني للنهاية ... انا ماهمني حالك ... ولا عطيتك اهتمام اصلا .. بس اللي هامني في الموضوع هي شهد ... شهد يا بندر
بندر: اووووووووف ... ايش فيها بعد؟؟؟
فواز: دمعة من عينها ... فيها موتك يا بندر ... سامع؟؟؟؟
بندر: ..................................
فواز: صدقني ماهمني شي ... ولا تقول ما يقدر يسوي شي ... قلت لك ما همني الا شهد ... مستعد اسوي أي شي ولا اشوفها متضايقة
بندر: المطلوب مني؟؟؟
فواز: الكلام اللي قلته لك ... هو انذار ... واعتبره الاول والاخير ... مرة ثانية ما بتكلم ... بتصرف على طوووووووووووول
رجع فواز لرؤى وهو متضايق حده ...
رؤى باستغراب: فواز ... انت تعرف الاشكال هذي
فواز: هذا بندر زوج شهد
رؤى: شهد مين؟؟؟
فواز: كم شهد تعرفين ؟؟؟ شهد اختي !!! ما شاء الله عليك كل موضوع لازم تطولينه ... حتى وهو قصير
رؤى: ياربي عليك ... مو قصدي ... بس استغربت ... انا شايفته من قبل .. شكله مررررررررررررررررررررررة متغير
فواز: امشي بس وانتي ساكتة ... خلينا ندخل احسن من الوقفة هنا
رؤى تلف في السوق الحرة ... وفواز واقف على جنب ... ضاق صدره على شهد بقوة ... طلع جواله وارسل لها مسج
( زوجك وين مسافر ؟؟؟ )
ثواني وتتصل شهد...
فواز: هلا شهد
شهد: وييييييييييين مسافر؟؟؟
فواز: انا اللي اسألك!!!
شهد: ومن قال لك انه مسافر؟؟؟
فواز: شفته في المطار
شهد بحزن: ما قال لي انه بيسافر
فواز: شفته ... وسالته ... قال لي انه مسافر مع ربعه ... ولا قال لي وين
شهد: هذا البلا ربعه ... الله يستر بس ... اكيد سفرة من سفراتهم المشبوهة
فواز: ايش اللي مصبرك عليه ... اتركيه
شهد والدمعة بعينها: ما اقدر
فواز: ليش طيب؟؟؟
شهد: ...........................
فواز: تحبينه؟؟؟؟
شهد: ايه
فواز: حبتك القرادة ... فيه شي ينحب!!!!
شهد: لا فواز لا تظلمه ... هو ما كان كذا ... هو تغير بعد ما تعرف على هالشلة الفاسدة
فواز: هذا معناته انه عنده استعداد ... ولا ما انجر وراهم
شهد: المهم ... انت وينك فيه ؟؟؟
فواز: واقف انتظر الست رؤى تخلص من الفرارة في السوق الحرة
شهد: ايش فيك معصب طيب ؟؟؟
فواز: يا حبكم يالحريم للسوق ... يعني ناقصها اغراض داخلة السوق الحرة!!!
شهد: لا والله حلو التسوق فيه ... تشوف اشياء غريبة
فواز: ايش يقنعكم بس ... يالله شكلها خلصت ... تامريني على شي؟؟؟
شهد: سلامتك ... تروح وترجع لنا بالسلامة ياخوي ... الله يحفظك
فواز: بس بس بس ... مكلم جدتي ... مو شهد
شهد :ههههههههههههه يقطع شرك يا فواز
فواز: المهم ... روحي نامي ببيت اهلك ... لا تقعدين بروحك بالبيت
شهد: اوكي ... مع السلامة
رؤى: مين تكلم؟؟؟
فواز: مو شغلك ... خلصتي!!!
رؤى: مو شغلك
مشت وطنشته واتجهت للبوابة ...
في الطيارة
جلست رؤى جنب الشباك ... وفواز على طرف ...
ولا واحد منهم يكلم الثاني ... بس استقرت الطيارة في الجو ... فتحت رؤى شنطتها وطلعت الاي بود تبعها ... وحطت السماعات في اذنها ...
فواز فتح عينه ... والله لو لوح جنبها كان التفتت عليه
فواز: رؤى
رؤى: ..........
فواز: رؤى
رؤى: ..........
فواز: ايش فيك ما تردين ( غباء شلون تسمع وهي حاطة السماعات في اذنها )
هزها فواز: رؤى
التفتت عليه ووطت الصوت: نعم
فواز: ان شاء الله طول الرحلة بتحطين لي هالسماعات في اذنك؟؟؟
رؤى: طبعا ... ايش تبيني اسوي مثلا؟؟؟
فواز: خوش شهر عسل والله
رؤى: هههههههههه مصدق عمرك والله
فواز: رؤى مو معقول اول رحلة لنا مع بعض تكون كذا!!!
رؤى: ايش تبيني اسوي مثلا ... اسوي نفسي خايفة من الطيارة وامسك فيك مثل البنات اللي بالروايات؟؟؟؟
فواز: ليش انتي تقرين روايات؟؟؟؟
رؤى: في بنت ما تقرا رويات!!!
فواز: ليش انتي بنت؟؟؟
رؤى: لا بقرة!!!
فواز: خخخخخخخخخخخخخخخ ... اعترفتي بنفسك
رؤى: حماااااااااااااااااااااااااااااار
فواز: شكررررررررررا
رؤى: لا موحمار ... ثور
فواز: ان ما تأدبتي بيجيك كف يسنعك
رؤى: والله اذا انا بقرة ... انت بتصير ثور!!!
فواز: حطي السماعة في اذنك ابرك لي ... كلامك سم
رؤى: احسن لي انا بعد ... ما احب اسمع صوتك
قلب فواز بالمجلات ... وتفرج له على فيلم ... ولسه باقي على الرحلة ... ياربي ما اقدر اقعد كذا ... خليني ارفع ضغطها احسن لي
قرب فواز منها ... وحط راسها على كتفها
دفته رؤى بقوة: هيييييييييييييييييي انت
فواز: وججججججججع ... مو في بيتكم احنا ... طيارة هذي
رؤى: اسال نفسك !!!
فواز: ايش سويت؟؟؟
رؤى: لا تقرب مني ولا تلمسني!!!
فواز: طيب ابي انام!!!
رؤى: نام نامت عليك طوفة
فواز: ما ااعرف انام من غير ما اسند راسي!!!
رؤى: وما لقيت غير كتفي؟؟؟
فواز: في غيره وانا قلت لا؟؟؟
رؤى: خلاص اذا ما تعرف مو لازم تنام!!!
فواز: طيب جاني النوم ايش اسوي؟؟؟
رؤى: اشغل نفسك باي شي!!!
فواز: شوفي يا اما تقعدين وتسولفين معاي ... يا اما تخليني انام على كتفك!!!!
رؤى: اوووووووووووووووووووووووووف ... الله ياخذك ... نام احسن لي من سوالفك البايخة مثلك
حط راسه فواز وهو يبتسم ابتسامة النصر ... مستعد يستحمل كلامها اللي مثل السم بس اهم شي يرفع ضغطها ... وفعلا نام ...
اعلنت الرحلة عن الهبوط ... وطلبوا منهم يربطون الاحزمة ويرجعون لمقاعدهم ...
رؤى في نفسها: مدري اخليه وما اصحيه ... خليه يطيح على راسه ويتكسر وافتك منه ... بس لا المضيفة بتفتر وبتشوفه وننفضح ... خلني اصحيه احسن ... بس شلون اصحيه؟؟؟ اممممم
اممممممممم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك