رواية بقول ولا تقاطعني -23
عندل:يختي ذا العجر مدري وش ربي بلآني فيهم...منال:احمدي ربك انك منيب عجوز بس بيجي دورك ان شالله
عندل:ههه..على طاري العجر تراا امي وسلطعون واخوي احمد برا جالسين..والله الجلسـه ترد الروح
أبتسمت وفي بصيص امل..هه..حلوه بصيص..المهم حسيتها فرصه ارد شوي من كرامتي
جتني فكره..امممممممم.ماراح اقولها لكم هي مالها دخل بالانتقـآم..بس لها دخل بمستقبلي..
طلعنا برا وكانوا جالسيـن انا تغطيت وجلست جنب ام عبدالله..ياحبي لهاا..طالعت سلطان اللي كان ماسك بيده بيـآلة الشاهي مدري ليه حسيت اني لو بنتقم منه أبظلمه..لا!..وش تطليمنه..لا يامنال لاتدخلين قلبك..لازم ماتطلعين من هالبيت الا انتي مأدبته
احمد:الا وش اخباار الشغـل ياسلطان؟
سلطان يحط بيالته:الحمدالله مااشي
احمد ببتسامه:الوالد لو يدري انك قدرت تسوي هذا كله بعد موته ماأظن ينخاف عليك يالقوي
سلطان بضحكه :هههه شفت عاد من شابه اخوه فما جاب شي جديد
احمد:هههههههههه
مدري ليه احس اني مظلومه ليه يضحك مع الكل وانا لا؟؟...ههههههه حلوه انا لا
احمد:وأخبارك مع الموظفين ادري من خلوك فوقهم والله ماتخلي فيهم واحد صاحي
سلطان بـ ابتسامه:هه ظالمني يابوعبدالعزيز..بس لامني حطيت عيني على احد منهم.. اعلمه ان الله حق
احمد:شوي شوي..اهم شي لاتفصلهم..قطع اعناق ولا قطع ارزاق
سلطان:بس في نـآس حثـآله.."وطالعني"..مثـل؟؟؟؟؟
احمد يقاطعه:سلطـآن..حتى لو فيه نااس ماتحبهم..ماعليك منهم
سلطان والى الان يطالعني:انا مقدر اترك الحثآله..يقهروني!
جيت بقوم حاولت افتح فمي بأي كلمه بس مااش..آآه ياقلبي تحمل..بس ليه مقدر اهزء سلطان ليه مقدر اخذ بحقي..ليه مقدر؟؟..صدق انك غبيه يامنال
وانا ماشيه صقع كتفي بـ شي..
طالعت كان سلطان واقف:لاياحلوه!..سيدك بيروح قبلك
وطلــــع
اقلوكم طلعت رحي معه؟..لا..مب مره ثانيه..كانت غيرك اشطر ياسلطان..زاد كرهي وحبي له..وهالشي خلى في صراعات قويه دااخلي..احب قسوته يانااس..بس اكرهها خصوصاً لامنها صارت علي..
دخلت البيـت استغربت يوم شفته طالع من المطبـخ راح الصـآله وجلس..كان لابس برمودا بيج وتبيشيرت كت اسود..مب صااحي الجو بدا يبرد..بس احسن عشان يمرض ويحش شوي..بس لا..اخاف يمرض ويصير تكفير..ههههههههه
-اقول! ماودك ترقين فوق..موضعنا كذا شبهه؟؟
جا الوقت اللي ادر عليك فيه ياسليطين..:طب روحيي برآآ
قلت بـ ثقه بس اني اتناافض من جوا:مب على كيفك!..اسوي اللي ابي..
ياهووووو يامنال..مقدر انا ع القوه ذي..هههههااااي..حسيت فجـأه اني اقدر افجر بالعـآلم
واني لو انحطيت عند بوش ابهزمه..هههه..انا اوريك يابوش..انا ماطلعت كل دم فلسطين من خشمك مااأصير.....احم اقول ماأكن الطرب اخذني بعيد.تفآجأت انه مارد..الا ضحك..اففف يقههههههر
سلطان:تدرين لو اهفك طرتي..لاتحطين نفسك فـ مشكله منتي قدها
منال:طيب انت تدري؟ تدري انك جااي تفتل عضلاتك على بنت؟ وهذي مب مرجله
قـآم لي..وانا خفت بس وقفت مكااني..لا يامنال..لاتنسين انك وعدتي نفسك انك ماراح تخافين ولا انتي طالعه من هالبيت الا وانتي كااسره شوكته..قرب مني لدرجة صرت اقدر اعد شعرات ذقنه..بدا قلبي يدق واحس كل ضربااته تنسـمع..كل الرياض تسمع هالدقاات..دقاات خوف.اخاف يسوي فيني شي..وينقلب السحر ع السااحر واصير انا منكسره شوكتي
قرب لي وأبتسم :اشوف لسـآنك اختفى؟؟
منال:وخر عني..انت اصلا لو فيـ........"ماقدرت اكمل حسيت الدموع تجمعت بس..بس لا.." ..انت اصلاً لو رجـآل كان ماقربت لي كذا..وخخخخخر لحد يشوفناا
سلطان ضحك:هههههههههههههههههههههههه..ارحمك والله!..بس صدقيني هالفتره اللي بتجلسينهاا..ماراح تنسينهاا ابد
قلت:وانا بعد!..هالفتره اللي بجلسها هنـآ..ماراح تنسـآهاا
رفع جاحب وأبتسم..اقدر اقول ابتسم لي..مدري ليحسيت ودي اردها له..بس انا الحين متغطيه لو ابتسم لين ينشق خدي ماراح يدري..اصلاً لحظه وشو له ابتسم له مالت عليه..حتى مب محرم لي..وخرت عنه وطلعت فـوق
"غـلآ×طلآل"
دخلنا بيت اهل غلا عشـآن نسلم..دخلت هي قبلي واول ماسوت درب دخلت بعدها
غلا:طلال اذا تبي نحااش عادي ههه
طلال عقد حواجبه:ليه؟
غلا:لان عيال خالاتي فيه..
طلال:اللي اخوانك من الرضاعه؟
غلا هزت راسها بـ أيه:اذا ماتب يتدخل ومالك خلق عادي
طلال:لا بدخل عادي
أبتسمت له..
ودخلت هي عند الحريم وهو عند الرجـآل..
اول مادخلت سلمت عليهم وطبعـا من ملكت وانا اسمع كلمة مبرووك!..والحين كل خمش ثواني يجي احد يقولها لي..احس كرهت كلمه"الله يبـآرك فيك"..الله يبارك فـ ايامك".. بس لحظـه!..هذا مب خالد؟..الا هذا خالد..سلمت أبتسم لي
خالد:هلاا والله بالمعرس اسمح لي والله ماقدرت اسلم عليك بالزواج لاني جاي متأخر ولا لحقت عليك
أبتسمت له:خالد؟..وينك من زماان عنك..شخباارك..وشخبار مرتك؟
تغير ابتسامة خالد بس جاوب:الحين هي حاامل!..ووانت كيفك مع اختي لايكوون مزعلها هههه
ابتسمت ولا رديت عليه..ان اصلاً ماتستـآهل من يرد عليك!..اكرهك ياخالد لو اقول من اليوم لبكره اكرهك ماراح اوفيك حقك يالنـذل..
طلال:اختك؟
خالد:غلا تصير اختي من الرضااعه لاتقول ماقالت لك
داري! بس كأني اسأل نفسي هالسؤال مره ثـآنيه!!ههههههه غلا أختك؟؟.ان ماخليتك تندم يالخالد..مارأصير طلال!
طنشته وانا خلقـه كارهه..من اشوف وجهه تنسد نفسي..
"الوليـــد"
دخلت بيت خالتي وانا احس بشعور حلوو..بكـره عزيمة وف والعزيمه بس اهلها يعني حتى اهلي محد جااي الا امي ومنى..ومنى بعد ماأظن تجي..استقبلتني نوف
نوف:أهليـن الوليد؟؟
عطيتها بوسه على خدها وقلت وانا اتنهد:متعذب
نوف:ههههههههههههه ليش؟
الوليد:من اشوفك وانا احس بيني وبينك قيوود..احس بالقهر عذااب هذا..موت بطيء
نوف ترفع يدهاا وتلفها حول رقبته:انـآ كلي لك
الوليد يلف يده على خصرها وقرب لها اكثر:متى بس
نوف بدلع راح الوليد وطـي:أي وقت..مثل ماقلت لك كلـي لك!!!
- احم احم!!
دخلت خالتي ضحكت ووخرت عن نوف بس مسكت يدها وسلمت على خالتي:كيفك خالتي؟
ام نوف:الحمدالله بخير!..انت شلونك؟
الوليد:الحمدالله بس لو يجي بكـره اصير احسسن
ضحكت ام الوليد..والله انه جرئ بس هذا الوليد محد مايدري انه جرئ خصوصا ان يحس حركته مع نوف عاديه جداً..ولو يسويها فـ نص شارع ولا سوق عاادي
دخلـوا المجلس جلس الوليد وبعده نوف:سوري دخلت امي فوقت غلط
الوليد:عادي مب هي امك
نوف:هههههههه..ياحبي لك..عادي عندك؟
الوليد:في امريكا كانوا يسوون العن قدام اهاليهم
نوف:بس احنا بالسعوديه
"طـلآل"
طفشت خـصوصاً لما اشوف وجه هالمليـح خالدووه الله يقلعه!..رسلت مسج لـ غلا اعجلهاا
وأول ماركبنـآ السياره
غلا:ها ياقلبي انبسطت
مدري ليه كرهت غلا..من اشوف خالد العلـه اعتل كلي..آآه يالقهر..كرهت نفسي..ولاأبي ارد عليه قلت اختصر:ايه
سكتت شوي تطالع الشبـآك..ثمن قالت:امممممممم خالتي تسلم عليك
قلت وانا الف ورافع حواجبي من العصيبه:الله يسلمها
غلاك:طلوول وش فيك؟
طلال بعصبيه وبصوت عالي:خلاااص يختي ماتفهميـن؟؟..مافيني شي..لازم كثرة الحكي يعني؟؟
غلا:طيب انا آآسفه ارجعي ياكلمه
مدري حركتها يوم تقول آسفه استفزتني..انا من اشوف خالد احس اكره الديناا كلها..الله يااخذك يآخالد..الله يااخذك بس
"منــآل"
فتحت لابتوبي وانا من منتدى لـ منتدى..الحين الساعه 1 الليـل!..اخرتها دخلت تشـآت..مدري ليه اول مره ادخل..أسمع بمخااطره بس ماقد فكرة فيه ابدخل وأشوف
دخلت بـ أسم
"وحده"
جاني واحد يتميلح..ويقول انه اعجب بأسلوبي ذا الخراط اصلا ماتكلمت بس يقول انه يقصد اعجب بسكوتي..ودي اصدق بس ماش
وحده:
نعم يالاخوو؟
ملك العشق:
افا الحين الواحد لامنه مدحك تقولين نعم؟
وحده:
كيفي!..
أبتسمت حسيت ودي اتدرب عليه..عشان اطبق على سلطان
ملك العشق:
طيب مسـأ الخير
وحده:
نعم؟
ملك العشق:
اقولك مسا الخير تقولين نعم؟وش قصة نعم معك؟
وحده:
ياأخي قلت لك كيفي!انا كل شغلي نعم!
ملك العشق:
شكل رآسك يابس ومب سهل الواحد ياخذ معك ويعطي
وحده:
......................."لاتعليق"
ملك العشق:
اسمك ياقمر؟
وحده:
شايفني ولا شايفني يومك تقول قمر؟؟؟؟لالالا شكلك شايفني
ملك العشق:
ههههههه انا اخمن
وحده:
تبي اصف لك شكلي؟
ملك العشق:
اكون سعيد
وحده..ههههههه سعيد ولا حاتم؟..لا جد ذا من جده بوصف له شكلي:
اسمع انا عيوني صغاااار مره وخمشي من كبره مغطي نص وجهي..وحواجبي كثيييييفه مره وشعري لو تدخل يدك فيه ماتقدر تطلعها..وسمراا لدرجة لو يحطون وراي خلفيه سودا ماأبين..يعين بالعربي سودا ووووووووو
ملك العشق:
بس بس بس بس
وحده:
وشو خل اكمل لك؟
ملك العشق:
ارحميني..اموت تراا..انتي اللي ادورها..صدق انك ملكـة جماااال..
وحده عصبت منه:
اقول مب منك من أسمك ذا الخاايس..انا بناام
وسكرت كل شي..حتى الابتووب..حسيت بضيقه من اللي سويته..انا قبل ماأتجرء يمر لسااني على رجال اقوم اطقها سوالف معه..احس نفسي من عقب حركة هيفـآ صرت زبدة صيف.. ولا مفروض اخذ كلامه مزح اضحك ويمكن اعطيه ع قد جـوه
آآه بس.صدق انك ياهيفـآ قدرتي تغيرين اقوى طبع فيني اللي هو البرود
بس حفرتي قبرك بنفسك
"طـلآل"
كنت راقد على ظهري ع السرير واطالع السقف..هالانسان اللي اسمه خالد مدري من وين طلع..لو اقول اكرهه ماراح اوفيه نص حقـه..انا نسيت انه يقرب لـ غلآ..لوني داري ماأخذتها وقلبت المواجع..بس ربي كاتبه
حسيت بـ غلا تدخل..طالعت فيني بس ماقالت شي..أبتسمت اكيد شايله بخاطرها مني يوم اكلمها بالسياره بطريقه شينه..ماراح اراضيها الحين منيب راايق لـ أي شي.. بصرآحه مفروض ابعد عن خالد..هـه!..لا هاله الحين حـآمل؟
حسيت بـ غلا تنسدح جنبي..ولفت ع الجهه الثآنيه..الى الان وهي تستحي مني..طيب ياخالد شغلك عندي
طلال:غلآ!
غلا:همم!
حسيت ان ماودها اكلمها بس مب مشكله..لازم ترضى مب حلوه ازعلها وهي توها عروس
قمت على حيلي ومسكت يدها وبستها:ادري اني غلطان لاني هاوشتك بس عصبت شوي وأبيك تسـآمحيني
غلآ بدت دموعها تنزل:............
طلال:غلا والله آآسف ادري كلمتك بطريقه شينه بس..بس والله مب بيدي كنت معصصب
غلا بدت تصيح..وكأني صاربها:.........
طلال:لاحوول غلا يلله عاد لاتخليني احس بتأنيب الضمير تدرين اني ماأقدر على زعلك
استغربت من نفسي كلمة احبك اللي ع الطـآلعه والنازله اقولها عيت تطلع..واخر ماطلع معي اقولها مقدر على زعلك
ضميتها وهي هدت بعدها بـ شوي وخرت عني وقالت:لاعد تهاوشني غرفت عقلي
ضحكت:هههههههه..فديتك! خلاااص لامني عصبت ابسكت
غلا ابتسمت:اوكي كذا حلوين
طالعت فيها كانت تنااظر تحت هالانسـآنه تحرك فيني
"من بكـره"
طلعت من الغرفه وانا نشيطه مدري وش عندي...كنت ادور عندل نزلت تحت شفت ام عبدالله تتقهوى..
ام عبدالله:هلا بـ منال!
منال:هلا بك اكثر
حبيت راسها وجلست جنبها..:الا وين عندل؟
ام عبدالله:طـآلعه..كانك تبين تطلعين ترا السوق برآ
عقدت حواجبي:اطلع؟
ام عبدالله:أيه! جبت لتس سواق وسياره ..بس السياره كانت لـ سلطان قبل لايشتري حقته الجديده
منال:بـس!
ام عبدالله:لا بس ولا بطيخ..روحي شوفيها برآ بتعجبتس ان شالله
طلعت برآ أشوف هالسياره بعد ملاقط مع ام عبدالله اخرتها هزءتني وقالت اني مب معتبرتها ام.. المهم اني رحت أشوف هالسياره
كانت حلوووووووه..اتعب وانا اقول حلووه..الظاهر انها بي ام..مدري ترا هههه ماأعرف السيارات ابد انا
دخلت جـوا وانا احط جوآلي بجيبي لان ام عبدالله نقلتي رقم السوآق وقالت انه تحت امري يعني لو تطق معي اطلع بعد الفجر مايردني الا الجـوآل!
"غلآ"
قمت من النـوم بس ماتحركت كنت راقده في سرير واحس كل ماأتذكر ليلة امس ودي اموت.. بس ليه؟..كل هذا حيـآ..ههه صدق اني حياويه بزياده..طالعت فيه كان نايم جنبي ومعفس وجهه شكله يحلم حلم شين..صار لي الحين ربع ساعه راقده..قمت من سريري وتوجهت لـ الحمام اخذت دش..وبعدها رحت اصلي وأول مادخلت الغرفه شفت طلال جالس ومعه بلوزته بس مالبسها..ويطالع الارض ويهووجس..مدري ليه استحيت منه!..طالعني وأبتسم ثم طالع بلوزته ولبسها
حسيت الجوشوي متوتر..خصوصا اني مابديت اتكلم
طلال:فطرتي؟
غلا:لا..انتظرك تصحى
طلال:أوكي!..حطي الفطور بصلي واجيك
غلا:اوكـ
رحت احط الفطور وانا اجهـز السفره حسيت بـ يده تلف حولي..ماتحركت ولا علقت بس الى الان ماأخذت ع الوضع..
قال وهو مقرب فمه لـ أذني:امـس كآن ....
قاطعته انا احس وجهي ينبض..احسه صار يضخ الدم مب قلبي:بسم الله روعتني
ضحك ولا علق جلس ع السفره...ياحبي له شكله حوعان..مدري ليه حسيت بـ شوية غيره او قهر لانه جلس ولا حتى رمى علي كلمه..هههههه..طماعه انا ادري
×|الفصل الثـآلث عشـر|×
" كرهت الحال من صغري..فديت الموت لو يدري"
طلعت من غرفتي وانا لابسه عبايتي واحس من الفرحه ودي انفجـر من الضحك..هههه صق اني خبله لا جد شكلي استخفيت
المهم اول مانزلت سلمت على ام عبدالله جلست معها شوي طلعت من البيت ركبت السياره واحس اني اشم ريحة سلطان اللي حفظتها..كانت سيارته..الحمار تقول ام عبدالله انها ماكملت السنه معه..هههههههه..اهم شي حمآر..بس يقولون بس سبك حبك..اي حب أي خرابيط! انا حبيت واحد يكرهني لاأعرفه ولا يعرفني..بس احياننا أسأل نفسي! اقول اذا انا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك