رواية بقول ولا تقاطعني -24
لاتحسبونها 8 ريال؟؟..لا..8000..
"يـآسر"
نزلت من السياره وانا مبسوط بس تعبان لاني من صباح الله وانا برآ البيت..ورحت زرت ليآن شوي..
دخلت البيت لقيت مبعاد جالسه وهي حدها مبسووطه:السلآم عليكم
ميعاد نطت من الكنب وراحت له وهي تمشي بشويش..وبهدوء يناقض نطتها اللي تو..:يسووري اخوي؟
ياسر:ههههه خير للهم اجلعه خير
ميعاد:عندي لك خير..بتنطط من الفرررررررحه
وهو يجلس ويمد عصاته قدامه:هههههههههههههه ياملحي وانا انطط
ميعاد:ههههههههه
ياسر:ايش؟؟..لاتقولين لقيتي لي دكتور حق عيون مثل ماقلت لك ياميعاد ماأبي اسوي عملياات مره ثانيه
ميعاد بتكشيرة احباط:طب ليه ماتبي؟
ياسر:بس خلاااص هذا اللي كتهب ربك..ولا راح اعترض..صار لي الحين 6 وبكمل الـ 7 سنين اعمـى ولا شكيت من شي
ميعاد:اممممممممم..بس مب هذا الخبر اللي جايه اقوله لك
ياسر ميل شفته وهو مبتسم وكأنه حااس:ايش عشان ابارك لك
ميعاد:هههههههههههههههههههه كنك دااري.."بصوت عالي من الفرح"..انا حااااااااااااامل!!
ياسر ضحك ونااسه:ههههههه الله يبشرك بالخير ياشيخه..مبرووووووووك
ميعاد:ههه الله يبارك فحياتك
ياسر من قلب:آآآآآآآآآمين
ميعاد:عقبآل ليان ان شالله
ياسر من قلب مره ثانيه:آآآآآآآآمين..يعني بصير خال؟
ميعاد:ايه..شفت عااد..يلله اجتهد وخلني اصير عمه..وكااني جبت ولد بخليه يتزوج بنتك
- السـلآم عليكم
ميعاد+ياسر:وعليكم السلآم
ام ياسر:اجل علمتي ياسر؟
ياسر:ايه يمه مبروك
ام ياسر:الله يبارك فيك..عقبالك
ياسر:انا ماأنسى يوم ملكتي يمه قلتي ان شالله ابارك لك يوم ولادتك هههههههههههه
ام ياسر:انا قلته؟
ميعاد:ههههههههههه..اتخيلك ياياسر وان تحاامل!!
ام ياسر:انا قايلته؟..لالا غلطان
ياسر:ايه بس ماقدرت اعلق لان ابوي جا..وربي يمه ان طول ملكتي ابي اضحك بس خفت اتفشل عند النااس
ميعاد:ههههههههههههههههه
×
×
جلست وانا مالي خلق هالمعزومين عند امي..بس هالمره غير جايين معاهم بناتهم..من ملكت على ياسر وانا معد اتحمل اجلس مع الناااس..بس ابي اكلمه هو..وأسولف معه هو..معد اتحمل اصير جالسه بين ناس كثار..
ام ريان:ليان حبيبتي! روحي جيبي العصير خلصوا من الشاهي الحريم
أبتسمت لـ أمي:ان شالله..
أول ماجيت وانا ماسكه الصينيه اللي فيها العصيرات أشرت لي امي اجلس مع بناتهم..لاحوول هذا اللي كان ناقصني..اجلس مع علل..
رحت وجلست جنبهم وهم سوالف عن بعض الافلام اللي ماتستهويني و لا يتكلمون عن الجامعه
وحده منهم نطت وسألتني:الا صدق ليونه انخطبتي؟
أبتسمت على هالطاري:ايه..وملكت بعد
قالت بفرحه مدري صدق ولالا:مبرووووك..من جد مبرووك تستااهلين كل خير والله
ليان:الله يبارك فيك..
تكلمت الثانيه بتردد وهي تطالعني بنظرات زي الشك بس مدري كيف اسميها:وو وهـ..وهو صدق اعمى؟..يعني اقصد
قلت بسرعه قبل لاتكمل:ايه اعمى..
وابتسمت عشان ماأبين لهم اني مب رااضيه لان البنت اللي بيجيها واحد زي ياسر امها بتصير داعية لها ليلة القدر
قالت وحده:اوووو ياليـآن..طيب انتي لسه صغيره ليش مارديتيه لين ما يجيك واحد كامل
ليان:يـآسر في نظري كاامل..والكامل الله!
الثالثه:اسمه ياسر؟؟
ياليـل الخرفاان..مدري ليه ودي افقع وجيههم..افففف:أيـه!!
الاولى:ايه سمعت انه ياسر بن فلان الفلاني..خساره عاد خطبك ولد الفلاني بس انه اعمي
ليان:لو سمحتي يا فيّ..انا ادري ان رجلي اعمى بس مب لازم كل كلمه والثـآنيه تقولين لي..تراي والله ماأرضى عليه وانتي تقولينها بهالنبره
الثانيه:انا جايبه شي من عندي؟..هذا كلام النااس كلهم
ابتسمت بعذوبه:ادري
رن جوالي وكان ياسر..يالله مررررره فررحت يوم شفته متصل
طلعت برآ ورديت عليه ليفت ورا البيت وجلسة على زلفة مجلس الرجآل..
ليان وهي تتنهد:أتصلت في وقتك
ياسر:هههه حااس انك متضايقه وش فيك ياقلبي؟
ليان تلعب بأظافرها:كله منك!
ياسر:افاا؟..وش سويت؟
ليان:من ملكت عليك وانا معد احب اجلس مع احد
ياسر:..............
ليـآن:ياسر!
ياسر بأرتباك :........ليه؟؟
ليان:بس..انت غطيت عليهم كلهم!..صرت مأأحب الا اجلس معاك
ياسر:هههههههههههههههههههههههههههههه..وانا على باالي انك الحين مستثقله دمي
ليان:لاشدعوه!..ان اكوس شخص بالعاالم..وربي يايـآسر اني صرت اسولف مع النااس واذا احد قال عني شي اقدر ارد..انت رجعت فيني شي مدري وشو
أبتسم ياسر ابتساامه هاديه..مايدري ليه تقصد "اذا احد قال عني"..تقصد "اذا احد قال عنك":الحمدالله هذا فضل ربي
ليآن:ياسر اخاف اطول معك وتهزئني امي..وأخاف اسكر منك وتصكني غلقه..وش مسوي فيني
ياسر:فديتك! لاتسكرين
ليان عصبت بأستهبال:تأمرني اعصي امي؟
ياسر يقلد البنات بالدلع:كيـفي!..زوجتي وانا حررر
ليان:هههههههههههههههههههههههههههههه..
ياسر:ههههه يلله ليونة قلبي..اول مايروحون النااس اتصلي علي.."كمل بهمس"..خبرك مقدر اصبر عنك
ليان أبتسمت ومعد صار للحيآ أي اثر عليها لانه مجرد تلفون:ان شالله..طيرااان قبل لايعتبون الباب..ابتصل..اول مايقولون مع السلآمه
ياسر:ههههههه ياسااتر
"منـآل"
- تشتغلين؟
ام عبدالله:احنا مقصرين بشي معتس؟
منال:لا..حشى!..بس انا أبي اشتغل..خالتي الله يخليك لاتحرموني من الوظيفه
ام عبدالله:هو على حسب الغرض..وش تبين بها؟
منال:ابقضي وقتي..احس نفسي جالسه كذا لاشغل ولا مشغله وانا يومي عند عمي كنت 24 ساعه كرف
العنود:خلااص بشوف لك وظيفه بالبنك..اكيد سلطان عنده واسطه لك
أبتسمت:مشكوووووووووووووووووووووووووره
ولو ان ماكآن ودي ان سلطان هو اللي يلقى لي الوظيفه بس معليش..همها وظيفه
"طـلآل"
كنت متكتف وأطـآلع فلم من اختيار غلا..الفلم رومنسي وينااسب جلسه زي جلستنا..مدري ليه ضايق خلقي لان شهر العسـل اللي بنروح راح يكون مجرد اسبـوع في جده وغيرها من البنات يروحون بالاشهر فبلآد برا..اللي تروح ماليزيا او فنيسيا او وحده من جزر تاليند..بس وش اسوي هذا اللي ربي قدرني عليه حاليـأ من بعد زحمة العرس..جده..بس شي احسن من لاشيء
جده حلوه واهم من كذا فيها بحر ع الاقل تغيير جو عن المطاعم وغير..
حسيت بها متوتره..من امس بالليل وهي متوتره..قبل ايام الملكه تعجبني لانها كانت جريئه نوعاً ما..صحيح واضح انها تكتم الحيـآ في قلبها بس حلوو..ههههههه الحين معد تقدر تكتمه
رفعت يدي وحطيتها فوق كتوفهاا..اخذت نفس..او تنهيده بصو عاالي..هههههههههه لو تشوفون وجهها..وربي ان الدم كله تجمـع..ههاااي..احلى شي لما ترتبك الحرمه.. احب اشوف وجه غلا لامنه حمممر..
طالعت السفق بعيوني وميلت شفتي وانا افكر..اممممم الحين متى الوقت المفروض تحمل فيه الحرمه.. اففف والله اني غبي ماقد قريت عن هالشي بس لااازم تحمل غلا..لازم لازم لازم.. بس اظن هالشي يختلف من بنت لـ بنت..
غلا:انت شكلك مب مع الفلم ابد
طالعت فيها:هاه؟
غلا حطت يدها على فمها تمنع ضحكه مدري وش عندها ليه تضحك:وش فيك؟
غلا:اتميلـح عندك شي؟
طلال:هههههههههههههههههههههه
"ليـآن"
أول ماطلعوا العلل علطوول رحت لغرفتي ورميت نفسي ع الكنبه..واتصلت على ياسر بس ماكان في رد..اتظر اكتملت دقيقه بس مااافي رد..
مسكت الجوال و انا اهز..ياربيه الظاهر انا اللي مقدر اصبر عنه..قمت عن الكنب وخليت جوالي عليه..اتجهت للتسريحه وطالعت نفسي..مررت ثواني!..أبتسمت..من قال اني شينه؟؟.. يمكن مبب بمستوى بنات عمي وغيرهم بس مب شينه..لحظه انا ليش حكمت على نفسي..مفروض انا احب نفسي..مثل ماأنا..الاهم من كذا..ياسر حبني..وهذا اهم رآي..واهم رايي انا نفسي..عضيت سبابتي وانا اتذكر يوم يقولي.."لو يحطون قدام ملكة جمال انتي احلى"..آآخ بس احبك يمه لانك ولدتيني..
آآآآمممم..الله يوفقني يااارب
رن جوالي وانطلقت له كاان
المتصل>>ياسر
ليان:آلوو هلا ياسر وينك؟
ياسر ابتسم:.....بسم الله عليك..يوم اتصلتي علي كنت بالحمام
ليان:اهاا
ياسر:راحوا الناس؟
ليان:ايه! وأخيراً
ياسر:ياخووفي تملين مني بس
ليان بنعومه:مستحيـل!
ياسر:ماقلت لك
ليان:لا ايش؟
ياسر:طب يمكن قلت لك؟
ليان:وشو طيب انت قل وانا اشوف اذا قلت ولالا؟
ياسر:طيب يمكن اصير قلت لك ويصير خبر قديم
ليان:يوووه ياسر!..قل لاتصير كذا
ياسر:هههههههههههه..اوكي..بصير خآآل..يمديك؟ ههههه
ليان:امااااانه ميعادوه الشينه حاامل؟..والله .."ماتدري وش تقول"..مبروووووك
ياسر:الله كل هذي فرحه..لوه انتي الحامل
ليان: ليش يعني لهالدرجه انا انانيه؟؟.."وكملت بفرح"..ماتدري قد ايش مبسووطه..اصلاً اتذكر ميعاد لما كنا بالمدرسه كانت تقول انها ماراح تجيب عيال..ههه لانها ماتواطنهم
ياسر:ماتقدر من زماان وهي متشققه ع العيـآل
ليان:الله يرزقها بولد حلوو يشبه خاله
ياسر:لاا بيصير شين اجل
ليان:افاا!..انت لو يحطونك عند ملك جمال صرت انت احلى
ياسر:هههههههههههه..لو سمحتي حقوق الحكي محفوظه
ليان تقلده بـ دلع:زوجي وانا حررررره
ياسر:هههههه..لا انتي من جد قلوده
ليـآن:هههههههههه
"من بكـــره"
طلعت من غرفتي وانا توني مسكره من نجد..تذكرت كلامها
نجد:أحسن لك والله..بدال لاتجلسين تطرين من هم..اوكي قلبو الله يوفقك
صادقه نجد!..لازم القى طريقه اصرف فيها على نفسي وارد الدين اللي علي.. حسيت بـ صوت نحهحه حافظتها مثل اسمي..
- منـآل موجوده؟
فـز قلبي من مكانه وهو يقول منال:أ..أيه
طلع الدرجات وجـآني..كان متوجه لي فألاخير جلس:السلآم عليكم
رفعت حواجبي استغراب..بس الحمدالله انه مايشوفني لاني متغطيه:وعليكم السـلآم
سلطان:عندل قالت لي انك تبين وظيفه صح؟
هـزيت راسي.ولاتكلمت فرك يده وطالع فالارض ليه احسه متوتر؟..مدري يمكن لاني متغطيه ماأشوف زين
سلطان:طيب انا ان شالله كلمت واحد من الربع يلقـى لك شغل في بنك البلآد..بس حبيت اقول كانك بتتراجعين
قلت وانا اصلب ظهري:لا شكراً..رايي ماراح اترجع عنه ماراح اصير ثقل عليكم
طالعني..انتظرت يقول لاعادي!..انتي مثل اختي..انتي بنت ثانيه لنا..حصل خير!..اي شي..بس آآخ يالقهر.قـآم ونزل تحت
شلت الغطى عني بقهـر ودخلت غرفتي مره ثانيه..متى يجي هالمحامي العله..حشى كل هذا سفر؟..لوه بيهاجر
"الوليـد"
كنت واقف معها وهي طـآلعه من محل ملابس ومعها مدري كم كيس من دخلنا السوق وهي ماغير تشري..ههه..خل توسع صدرها يكفي انها ماراح تسوي زواج زي البنـآت
نوف:الوليد انا احمد ربي انك زوجي
الوليد ابتسم وبانت اسنانه:ياعمري انتي..وانا سجدت لـ ربي سجود الشكر لانك مرتي
نوف:يااخي لو ماكنا في مكان عام كان عطيتك بوسه بس آآخخخ يالقهر
الوليد:لاتذكريني انا المقهور
دخلت محل كله حريم وانا انتظرتها بـرآآ..ماأدري ليه احس نفسي مبسوط ان ربي عطاني وحده مثل نوف..البنت اللي كنت تمناها
رن جوآلي المتصل>>مريم
ياليل الخرفان..مارديت واتصلت مره ثانيه بس مارديت
"مـنـآل..وبعد يومين"
طلعت من البيت وانا متوجهه للسياره..ركبتها وقلت للسواق يمشي بي مدري وين نروح أتصلت على نجد أشوف اذا اقدر امرها او لا..بس الظاهر انها ماتقدر..
جلست افتر فالشوارع من غير هدف..وقفت عند محل كوفي عند مفروشات العبدالواحد واخذت لي موكا باارد يبرد علي..مدري ليه احس نفسي فاتره ..بارده!..مدري احس نفسي من غير مشاعر ولا أحاسيس..بس احسن المشاعر ماتجيب غير عوار الراس والمشاكل لـ صاحبها..بس احسها فتره وتمر..
دق جوآلي رقم غريب..مارديت..وجاني مسج وهالمسج خلاني ارد ع الاتصـآل تدرون وش مكتوب فيه؟
"ردي علي انا سلطان!"
من وين له رقمي؟..بس علطوول اول ماكرر الاتصال رديت..
منال:آلوو
سلطان:آلو هلا منال..كيفك؟
استغربت من الاحترام اللي نازل فجـأه بس رديت:تمام
سلطان:شوفي انا لقيت لك شغل..وظيفتك جاهزه ..بس انتي وين الحين؟
منال:طالعه ليه؟
سلطان:اوكي انا في البنك الحين تعالي
عطيت السواق الجوال عشان ياخذ الوصف..وبعدها رحنا لـ البنك اللي بشتغل فيه..طبعاً كل شييّ معي تحسبـا لـ أي طارئ
"غلآ"
مدري ليه فجأه صرت استحي من طلال ههههههههه بس الحمدالله عدت على خير والله كل ماقرب لي احس نفسي بمووت..تنفست وانا اطالع هالبحر قدامي..لفيت ورا لقيت طلال واقف عند السياره ويلكم بالجوال..أبتسمت وش كثر احبـه..رفعت راسي للسمـآ وانا احمد ربي انه رزقني بروج غيري يتمناااه ..الحمدالله يارب انك فضلتني على كثير من خلقك..الحمدالله!.. لفيت له مره ثانيه الظاهر اشتقت له..هههه..كان مسند جسمه ع السياره ومعطيني ظهره يعني وجهه ع الشـآرع مابان الا كتوفه وشعره اللي طالع من تحت الكاب الاحمر..
سرحت بتفكيري يوم ثاني ليله انا غبيه يمكني خوفته علي يوم اصيح..ولا كل ماقرب لي اجلس اتنافض مالت علي..اصلاً خالتي ام ماجد قالت لي انه زوجي خلااص معد فيه شي اسمه خوف.. بس من يسمع..
- اللي واخد عألك
لفيت له وكان يطالع البحر وهو مبتسم..بس مابانت عيونه من النظاره..قلت وانا اطالع مثله: ابد..محدش
طلال:ماجعتي؟..تراني جعت والله
غلا:توني شاربه عصير..اصبر شوي بس
طلال وهو يجلس ع الحصـآ بملل ويتحلطم:ياربييييييييه!..كل يوم تجلس تقول ماأبي كل ابو دايم لين قلت لها شي تجلس تقول لا.."وطالعها"..غصب يعني غصب؟؟.."وأخذ حصى ورماها ع البحر"..والله حاله
ضحكت عليه غلا:ههههههههههههههههههههههههههههههههههه..بسم الله عليك..وش عندها الشغاله؟
طلال:ههههههههههههههههههههههههههه..انا شغاله الله يكرمك بطاعته
غلا:مدي وش دخل بس يلله..امش ناكل لنا شي قبل لاتطلع لك نخله فراسك
طلال:هههههههه..يلله
"منـآل"
دخلت البنك ومدري وين اروح فكرت اددق على سلطان بس مادري..ماودي..بس ماأمدى الفكره تدخل راسي الا اشوفه جاي اتجاهي..كان لابس ثوب وشمـآغ..النظاره حاطها عند جيبه قهر كان ودي اشوف شكله بالنظاره
سلطان:امشي معـي
اهنيك على اخلاقك ياسلطان..ksa بحـت..مشيت وراه ووصلني لـ مكتبي..احم احم..كانت جنبي وحده متحجبه ..ومعها وحده بالكمتب..
سلطان:هذول هم اللي بيعلمونك الشغل اذا بغيتي أي شي أسـأليهم..او اتصلي علي وانا اشوف
مدري ليه حسيت ودي اقوله الله لايحوجني لك...بس احترمت نفسي..لالا الصراحه خفت على مشاعره ههههه
هزيت رآسي ودخلت..كني طالبه جديده داخله مدرسه اول مره تدخلها وتشوف بناتهاا..
طلـع سلطان بس :سلطـآن!
وقف ولف علي وهو ماسك جواله الظاهر كان بيدق بس اني عطلته..سكت شوي وانا ادور بنظراتي يمين ويسـآر..بلعت ريقي:لا..ولا شي
قرب لي :وش بغيتي؟
لفيت عنه بعد ماقلت :لا خلااص
قال بنبره لمست فيها حنـآن..او يمكن اتوهم..:خـآيفه؟
لفيت له وطالعته..صدق سألني؟..مهتم اذا انا خايفه ولالا؟..ماأمداني ابحر بأحلامي الا قال بـ سخريه:اصلاً يوم دخلتي بيتنا مالمست الخوف داخلك..شلون بتخافين هناا..روحي شوفي شغلك
ورآآح..عصبت منه هالادمي..يقهــر..اكررررهه..افف ليش كذا يقولي وش اني مسوية له؟؟ دخلت وبديت تاعلم ع الشغـل كانت اللي تشاركني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك