بداية

رواية تعبت اشكي -26

رواية تعبت اشكي - غرام

رواية تعبت اشكي -26

موسيقى عذبه..
العنود الله الله كل هذا بصوتي ياحظي ......وتوها بتتكلم الا تسمع صوت عمر وهو
يصارخ..وراحت معا أختها للصاله
عمر النذل الحقير كيف يكلمها !!!مين يفكر نفسه هذا1!صحيح أن أبوي ماندري وين
هوى داره بس مو معناته أنه يقلل من شأنا ويكلمها !!لا ويهدد ..وليه ماقلتولي من
زمان!!
أم حنين عمر أهدى شوي اللي يشوفك يقول السالفه صاير لها مده ..!!توه اليوم
مكلمها..
عمر والله أنه مايستحي ولا يعرف الأدب ...خله يكلم مره ثانيه يشوف وش بسويله!!!
حنين عمر...خلاص السالفه بالنسبه لي أنتهت ومالاداعي تذكرها مره ثانيه..
عمر بالنسبه لك أنتي أنتهت ...لكن أنا لا مانتهت..وبعدين أي شي يصير مره ثانيه لازم
تقولون لي مش تخلوني الأطرش بالزفه...
العنود هههههههههههههاي حلوه ذي الأطرش بالزفه...
عمر سخيفـــه ماأتوقع قلت شي يضحك...
العنود أهدى ياأخوي وصل على النبي أتغشمر معك...
عمر وماله خلق للعنود روحي زيـــن من حلاة التغشمر اللي تعرفينه...
حنين العنود تراك فاضيه...وداخله عرض ....
العنود أفا أفا ماهقيتها منك ياحنين بس معليش هالمره سماح...
ولفت على عمر وبدت أتنرفزه بحركاتها وتمسك شعره وتمطه وتلعب فيه ..وتقرص فيه
وتضربه على الخفيف برجلها المجبسه<<خبله هالبنت
العنود عموره ...
عمر ..............
العنود عمرمر...عمورتي يالزعلانه أنتي.....يالله عاد والله مايسوى سالفة هالفيصل عشان
نكدر خلقنا ...أبتسمي ياجميل ..يالله عاد أبتسمي...وبدى عمر يبتسم على خفيف..أيوه
أيوه أمووت أنا على اللي يبتسمون من على جنب...وحنين وأمها يطالعون العنود اللي
تسوي حركات أستهباليه وتضحك...لالالا أبي أبتسامه كامله ماأبي وحده على نص
...أيوه أيوه أيـــوه بــــرفوا بـــرافوا .وأخيرا ضحك عمر ...وضحكوا
معاه أهله...
أم حنين ياعل هالضحكه متفارق شفايفكم....
ياترى هل بتتحقق دعوة أم حنين !!!
ماأظن لأن هذه الريح اللي تسبق العاصفه...
توه مسكر من أخوه أبو حنين وطلب حنين لولده فيصل وطبعا أبو حنين ماصدق على الله
أن حنين بتتزوج !!ومن مين !!من فيصل اللي يشتغل في شركة أبوه مدير ماليه ..يعني
هذه الشركه وراثينها من أبوهم الكبير لكن ظروف أبو حنين الماليه خلته يسحب حقه من
الشركه..ويضيعها في الحرام...وجاء الوقت اللي أبو حنين يعوض الفلوس اللي خسرها
عن طريق بنته المسكينه حنين...حب المال والحقد عمى قلب بوحنين ..وخلاه يوافق
على هالصفقه الرابحه مئه بالمئه...
أتفق بو فيصل مع أخوه أنه يجي بأقرب فرصه لأنه حاليا خارج السعوديه ...طبعا في
البدايه عصب فيصل لكن أبوه ريحه وقاله كلها أيام وحنين لك..لاتستعجل..وأخيرا فيصل
بيتحقق مراده ..وبيحافظ على كبر يائه وغروره ..وهو من يوم مادرى بسالفة حنين وهو
يتوعد فيها لأنها بس فكرت ولو مره وحده بمتعب..لكن لحد الان النار اللي بقلبه
ماطفت..يحس بالخيانه والمهانهز.زلاتلومنه !!عمره ماحد قاله لا !! حتى أبوه وأمه اللي
جابته ..كانت طلباته دائما تجي على طبق من ذهب...كل شي يبيه يستجاب فورا ....

مرت الأيام بطيئه على ناس وسريعه على ناس ثانين..بطيئه على عشاق ينتظرون نظره من
حبايبهم ..تريحهم وتسعدهم طول اليوم اللي مبتعدين فيه عن بعض..لكن عذاب الأنتظار
من الطرفين كان بلسم صافي على قلبهم لأن حتى طول الأنتظار للمحبين له مكانه عظيمه
في قلوبهم..كل شي من الحب جميل.. بحلوه ومره...أهم شي في حب في أمل نعيش له في
هالدنيا ..في شخص يعيش عشان نظره من عيون حبيبه ...في أم تفدى روحها عشان
تضم عيالها في حضنها..في أخت تفرح لفرحة أختها وتزعل لزعلها..في أخ يدافع عن أهله
مهما كلفه الزمن..في صديق يسعد براحة صديقه........الحمد لله لسه ترى الدنيـــا
بخير....... مدام موجود الحب بين الناس.....

قرب موعد السفر الى لبنان ..والكل يستعد لها الرحله الجماعيه واللمه الحلوه...أحجزوا
الأهل التذاكر عن طريق الخطوط السعوديه الجويه ..وكلها أيام ويسافرون ....
هـــلا والـلـه وغــلا...
ساره أهليــــن كيفك بنت عمي !!
رهف تماموا أنت شخبارك!!!
ساره أنا بخير وأنت!!
رهف أنا منيحه...
ساره أمووت أنا على اللي يتهيأون لي الرحله
رهف بعد أيش نسوي يابنت العم لازم نستعد للرحله...
ساره هاجهزتي الشنطه...
رهف أووووه من ذا مبطي مجهزتها لي الأخت ترف تدرين متشققه على روحة لبنان اللي
يشوفها يقول ماعمرها راحت مكان....
ساره هههههههه يحليلها ترف عاد تصدقين خالد أخوي متوعد فيها يقول بس خلينا
أنروح ووريها الشغل عدل
رهف ويـــه تصدقين عاد والله نفس ترف تبي تطلع حرت المدرسه كلها في
خالد...
ساره ياأخي مدري شفيهم هذيلا أبد مايدانون بعض....أيه صح أنت ليش متصله!!!
رهف أفـــا ماهقيتها منك ..هذا جزاني أدق وأطمان عليكم...خلاص زعلت...
ساره لا عاد أنا ماأقدر على زعلك بس والله أستغربت مو بالعاده تدقين...
رهف كشفتيني والله...الصراحه أمي قالت لي دق على بيت عمك عشان تبي تكلم
أمك..تدرين المونكير والبوديكر بأيدها وماتبيه يخترب....وهذه جنبي الحين تضربني
بالمخده لأني زودتها حبتين...
ساره هههههههههاي الله يقطع بليسك أنتظري دقايق بروح أنادي أمي سلميلي على
مرام..
رهف يوصل بااااايوا
وأخيرا جاء اليوم اللي بتشيل فيه العنود الجبس المعفن ...لأنه تقريبا مر أسبوعين..وطبعا
مين بيوديهم!!!!أكيد بتقولين لافي!!لا هالمره لافي مش موديهم ..لأن الحبيبه العنود تقول
فشله كل مره قاطين وجهنا عند لافي !!أحراج..وبالمووت أمها أقتنعت أنها تروح بسياره
مؤجره مع حنين وعمر ....جاء المغرب وراحوا المستشفى..وشالوا لها الجبس ...وزياده
على كذه فكوا الخيوط اللي على الجرح لأنها صارت مالها داعي ..وتعرفون العنود سوت
فضيحه في المستشفى ...بسبب الألم اللي تحسه وهم يقطعون الخيوط لأنه الجلد ملتصق
بالخيوط .ولازم يفككونها بأدوات حاده..وشوي والعنود بتجيها حاله هستيريه..من
الصراخ والألم اللي تحس فيه..بس المسكين اللي طاح فيها هالمره مش الممرضه ..عمر
المسكين لأنها مسكت أيده وقرصته ذيك القرصه لمن طلعت حرتها كلها ..وفي النهايه
خلصوا وحطوا على الجرح مطهر ولزقه مؤقته لتخفيف من الألم ..وطلعوا من الغرفه وفي
ذاك الوقت كان متعب طالع من مكتبه وشافهم بس هم ماشافوه لأنهم طلعوا للبوابه بدون
ماينتبهون له..........................!!


بالنسبه لمتعب الكون وقف عنده لحظه....حنين موجوده هنا !!معي بنفس المكان...مش
مصدق ...يارب يارب ..ليتك تجلسين معي ولا تروحين..ليتك ياحنين تحسين بقلبي
المتولع بشوفتك...ليتك تدرين فيني وبمعاناتي ..ليتك تواسيني ياحنين ..ليتك تواسين حبي
الضايع ...ليتك ترجعين الحب اللي ماتنهيت فيه...يوم الدنيا أفتحت لي بابها وبديت
أحب ..ضاع الحب من أول خطوه ..توني ياحنين ماتهنيت !!!حرام عليك حرام ..لا
يالدنيا لا............
ودي تشوف الهم وشلون سوى
في حال من حبك على غير مصلوح
جرحتني جرح جديد تلوى
على خفوق منك بالحيل .. مجروح
وسويت فيني شي ما يتسوى
واقول يا سيد المماليح مسموح
ليتك بزلاتك علي اتروى
يوم ان الحب لك من الروح للروح
إن كان حيل وصالنا ماتقوى
الله يعين عيون "السامر" على النوح
لا يابعد من جابوا آدم وحوا
خطاك مهما صار منسي وممدوح
ليتك دخلت بداخل القلب..جوا
حتى تشوف بعينك الجرح .. وتروح
وبعد ماسكرت من عمتها وعرفت أن العنود بالمستشفى
يــا سلام يعني يروحون المستشفى ولا يقولون لي....

ريم ومين أنت عشان يقولون لك!!!!؟
كان سؤال ريم بالنسبه لـــ لافي صعب ومحرج بنفس الوقت...وسأل نفسه مين أنا
عشان يقولون لي!ّ!!!
لافي أنا ولد خالها....والا عندك شك....

ريم مستغربه من غباء أخوها الزايد أنت شفيك!!من صجك تتكلم!!لا ومستانس بعد
.أنا ولد خالها.....هههههههههاي
لافي شوفي عاد أنا مالي شغل فيك..وقولي للعنود هذا الله يسامحك....وطلع...
ريم الحمد لله والشكر لا الولد أستخف وقعد ...هذا لسه ماخذ العنود ويقول ليش
راحت بدونه ...أجل لو ملك عليها وش بسوي فيها!!شكله بيحبسها في قفص ..وبياخذ
المفتاح عنده...أوقل بس خليني أدق مره ثانيه أكيد وصلول...ودقت على بيت عمتها
وبالفعل وصلوا لكن اللي رد عليها مش العنود ولا أمها ...رد عليها عمر

عمر مرحبـــــــــا
ريم وتتعمد تنعم صوتها عشان تبي تعرف بيعرفها والا لا مرحبتين..لو سمحت ممكن
أكلم العنود!!!
عمر وعرف أنها ريم أهلين بنت الخال ..شلونك !!
ريم (ياي عرفني) أأوه عمر شخبارك ماعرفتك..
عمر(أيه واضح) تمــام عال العال ...

وسكتوا ماعندهم شي يقولونه ..
عمر تبين أنادي العنود..
ريم أيه ماعليك أمر
عمر أنشاء الله ..ثواني وريم عندك.أوه العنود عندك
ونادى عمر العنود ...والخبله ريم تفكر أنه راح لكنه مازال على الخط
ريم ههههههه ياحليله مرتبك....هههههههه أحم أعقلي ياريم ..وش ياحليله أصغر
عيالك هو...
عمر أذا ودك أكون أصغر عيالك ترى ماعندي مانع ..أنت أمري بس...كم عندنا ريم
أحنا!!!
وخذت العنود منه السماعه جيب بلا تفاهه ماأرضى على ريم...
مسكينه ريم وجهها أحترق من الفشيله ..زلكنها ماقدرت تسوي شي..

العنود ألو
ريم هلا ..هلا العنود
العنود ماعليك منه أخوي يحب يستخف دمه..
ريم وتسوي نفسها مش مهتمه لا عادي أصلا أنا نسيت...وشخبارك
العنود تماموا توه شايلين مني الجبس والحين أقدر أمشي زي العالم
ريم ألا على طاري الجبس ..ياويلي يالعنود يوم درى لافي أنك رحت مع أحد ثاني سوى
فضيحه ..وزعل وعصب ..مدري مين يفكر نفسه..ويقولك الله يسامحك
العنود وهي طايره من الفرحه لا أنا مابغيت أتعبه يكفي أنه هواللي وداني المرتين اللي
فاتوا!!بس غريبه أحد يبي الشقى لعمره
ريم يعني تسوين نفسك ماتدرين ليه هو يبي يوديك ها!!
العنود وليه هو فيه شي!!
ريم لا أبد سلامتك عادي ...طيب قبل ماأسكر ماتبين أوصل سلام لأحد معين..
العنود أيه وصلي سلام لأمك وخالي بس
ريم بس!!
العنود بس ...ايه صح نسيت ووخدماتكم...بااااي
ريم ماعليش يالعنود باييين ...

مرام ها زياد بتسافر معنا بكره!!
زياد لا بكره ماأقدر ..أنشاء الله أجيكم الخميس في الصبح وبرجعكم الجمعه ..
ترف يعني أنت اللي بتسوق الطياره !!!
زياد ههههههههه أيه أنا اللي بسوق على قولتك..
ترف ياي أخوي كابتن...
مرام صحيح مادريت...
ترف يالله هذا أنت دريتي...
أبو زيا ماأقول الا الله يعين عمتكم عليكم...
ام زياد ويـــه وش فيهم بناتي يهبلون وياحظ اللي بياخذهم...
نواف ويــــوا يهبلون ههههههههههههاي أنتوا تهبلون الواحد
هههههههههههههههههاي
مرام أقول أسكت لا أصنك بالريموت اللي بأيدي...
نواف يمـــه متوحشــه أختي..
أم زياد أقول فكونا وكلن يروح غرفته وراكم بكره دوامات...
ترف تامرين أمر دام فيها بكره سفره...
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -