بداية الرواية

رواية هوى قلبي -28 البارت الاخير

رواية هوى قلبي - غرام

رواية هوى قلبي -28 

لو تدرين بإحساسي لك
مسك يدها وباسها عليها و وقف
حمد:احبك ...الله لا يحرمني منك
مشى للباب وفتحه وهو طالع وقف مكانه لانه إنصدم وحسب نفسه يتخيل
ريم:ولا منك حبيبي
لف عليها حمد وهو يقول بقلبه يارب يكون اللي سمعته حقيقه
حمد:وش قلتي
ريم تحس الدنيا مو سايعتها وتحس إنها بتصارخ من الفرحه
حمد:ريم وش قلتي.. حبيبي؟؟
ريم:مدري
حمد:هههههههه في احد يقول شي مايدري عنه ..ريم
ريم:هلا
حمد:الكلام اللي قلته عشان اكرهك كنت دايم اقول ليه انا احبك وإنتي تكرهيني حاولت ابين لك إنك ساكنه قلبي بس إنتي تعامليني بجفا عشان كذا قمت اقهرك ..ريم من اول ما إلتقينا وانا مهتم فيك بس إنتي تعانديني وتعامليني بجفا وقلت لازم اعاملك بنفس الشي ..يوم كنا بالبحر وجبتي الجوال وقلتيلي إنه يدق كنت رايح بعيد عنكم عشان ما اقعد معك وتخوني عيوني ما أبغى اناظر فيك ..ريم انا مجنونك ..قلت قطوتي عن وحده غاليه واكون انا عمها عشان اقهرك..ريم وربي اموت فيك وانا اسف على كلامي الي جرحك بس إنتي ذبحتيني وربي
ريم:حمد
حمد:عيونه
ريم:الله لا يفرقنا ... انا عاشقه هواك
حمد:وانا المتيم فيك والله
____ مشعل _____
مشعل:مسفر احس بكتمه وربي اليوم بتكون له
مسفر:خلاص مشعل إنسى البندري
مشعل:انساها ؟ إيش تقول إنت هذي هواي
مسفر:مشعل وبعدين
مشعل:مسفر إتركني لحالي تكفى
مسفر:لا مو تاركك انت لازم
قاطعه مشعل:مسفر حبيبتي لغيري فاهم إيش يعني بنت احلامك تكون لغيرك .. هواي وقلبي بتكون له *دق يدينه فبعض من القهر* ااخ بس لو بيديني شي كان ذبحته قبل ما تكون له
بدا يدق جواله وكان سعد
مشعل:اووووووووف مو وقتك
مسفر:رد
مشعل:لا مالي خلقه

___ فبيت ام عبدالله _____
قررو كلهم إن الخطبه تكون فبيت ام عبدالله والوضع كان بالمره زحمه والكل مشغول بالتجهيز كلهم كانو فرحانين إلا البندري تناظر بنفسها وتناظر بدفتر اشعارها كله عن مشعل وابوها ..لفت وجها وصارت تناظر بفستانها الاسود هذا حالها ظلام وسواد غمضت عينها وصارت تتذكر ايامها مع مشعل كل المواقف صارت تمشي ورى بعض وهي ودها توقف الزمن عند اول يوم اعترفو بحبهم
ريان بدت تحرك البنو
ريان:بنو وش فيك
بنو:ولاشي خلصو المزون و العنود لبس ومكياج
ريان:باقي إنتي خليها تحط لك كحل على الاقل
بنو:لا
ريان:مو عشانه عشان امك لا تتفشل قدام اهلنا اكيد بيقولون وش فيها بنو
بنو:اوووووووف طيب بس بحط كحل و قلوس
بدت الدنيا تظلم و بدو العمات والعمام كلهم يوصلون لبيت البندري الكل كان مستانس إلا البندري و ريان اللي تشوف دموع صديقة دربها
ريان:بنو
بنو:نعم
ريان:إهربي
بنو:بدق على السواق وإنتي ساعديني اطلع من الباب الخلفي
ريان:اوكي
إدخلت ام عبدالله
ام عبدالله:بنو ماما ترى الكل يستنى بنبدى بالعنود وبعدها بالمزون وبعدها إنتي بيسألك الشيخ و وقعي
إلتفت البندري على ريان وهي بعيونها الدموع

___ الشيخ ___
كان عند الرجال وإنتقل عند باب الحريم و عبدالله معه ومن ورى الباب كانت العنود ومزون سأل الشيخ العنود وقالت إنها موافقه و جا عبدالله بيعطي الدفتر للي بتستلمه بس جمد إنها ريان إبتسم لها وهي ما صدقت شافت ضحكته وإبتسمت ..قرب منها وعطاها الدفتر و علمها وين توقع .. ورجعت الدفتر وسأل المزون الشيخ و جاوبت بالموافقه و قلب الصفحه و علم عبدالله وين توقع و عبدالله اعطى ريان الدفتر وهمس بإذنها عقبالنا إضحكت ريان وعطته المزون ..
الشيخ:البندري يوسف الــ .... يا بنتي متعب الـ ... ولد عمك متقدم لك على سنة الله ورسوله هل إنتي راضيه فيه بقناعتك بدون اي ضغوطات
البندري:- - - -
الشيخ: بنتي البندري جاوبي سؤالي هل إنتي موافقه
البندري بدت تبكي
___ مسفر ____
مسفر:الو إنت وين
مشعل:وش صار انا جاي بالطريق
مسفر:راح الشيخ ياخذ موافقتهم
مشعل:لاااااااااااااااااا مسفر الله يخليك لاااااا طيح عليهم سو إنه مغمى عليك بس لا تتم السالفه
مسفر:وش تبيني اسوي
مشعل:تصرف
قفل السماعه ولف مشعل على اللي جنبه حلوه وشقرا و نعومه
مشعل:لاريسا معك كل الإثباتات إنك زوجته
لاريسا:إيه
مشعل:لاريسا مثل ما إتفقنا
و وصل وبسرعه نزل هو ولاريسا

___ البندري ___
بدت تبكي وعبدالله حس بخنقه
الشيخ:يابنتي الزواج قسمه ونصيب ومسؤليه هذا قرارك قولي اللي إنتي تقررينه مافي احقيه لاي احد يمنعك اويجبرك
غمضت عيمها
البنو:موافقه
دخلت لها ريان دفتر التوقيع وعطتها القلم وعلمتها وين لازم إتوقع بس نزلت دمعتها بس شافت إسم متعب ..
___ مشعل ____
وصل لاريسا عند الباب وهو لاف ظهره سمع اللي داخل يباركون لبعض بموافقة البنات حس إنه دايخ و إن كل شي إنتهى قعد على الدرج وهو رجله مو قادره تشيله ويحس راسه يدور ... خسرها خلاص كل حلم بناه إنهدم تمنى إنه مافتح المسج اللي ارسله له سعد عشان ما يرجع له الامل قفل عيونه وتذكر يوم كان مع مسفر
مشعل:اووووووووف مو وقتك
مسفر:رد
مشعل:لا مالي خلقه
سكتو شوي و جاه مسج
*مشعل كنت ابغاك بشغله ظروريه ..زوجة متعب قريبك هنا معي وتبي زوجها و وعدتها اساعدها وقلت مافي غيرك ممكن تعطيني رقمه عشان اتفاهم معه*
فتح عينه بثقل وهو يقول ليتني يا سعد ما تأملت برجوعها لي ..هقيت إنها بتكون لي بس وصولي كان متأخر ..صارت له

___ البندري ___
تناظر بإسم متعب وتبكي
عبدالله:يا بنت جيبي الدفتر
ريان بصوت واطي:بنو وقعي
رفعت وجها البندري للشباك وإنتبهت للي قاعد على الدرج لانها هي بالمجلس والشباك كبير ويطل على المدخل والبوابه الرئيسيه شافت حاله وهو مغمض عينه ..كان شكله يقطع القلب ..مسحت دموعها وسحبت القلم وحطته داخل الدفتر وسحبت الدفتر وصكرته ومدته لعبدالله وهمست
البنو:مو موافقه
عبدالله:وشو
البنو:انا مو موافقه ومابوقع
إبتسم عبدالله لانه حس بالراحه
اخذ الدفتر منها
عبدالله:اللي يريحك
الشيخ:الخيره فيما إختاره الله يا بنتي .. هذا زواج ويمكن خير لك
مشو عبدالله والشيخ و راحت وقفت البندري جنب الشباك واللي حولها مصدومين لفت وإضحكت
البندري:ههههههههههههه مبروووك يا الخايسات صار لكم ازواج يتحكمون فيكم
البنات يناظرونها وبعدين بدو يضحكون
قربو ريان و البندري وضمو بعض وبدو يصيحون
ريان:احبك
البنو:وانا بعد
ريان:سامحني
البنو:ادري قالي إنه ما يقوى فرقاك
ريان:بنو لا تزعلين عشان متعب
البنو:ما يهمني غير مشعل
العنود:إبعدو صار دوري
بدو البنات يلمون بعض
و طلعو برا وإنصدمو بالبنت اللي واقفه قدام الكل وطلعت اوراق وتتكلم بكل ثقه وماعندها غير كلمة انا زوجة متعب

___ عبدالله ___
وهو ماشي مع الشيخ إنتبه للي قاعد على الدرج
عبدالله:مشعل
مشعل فتح عينه و وقف مد يده لعبدالله
مشعل:مـ ـ ـ ـبروكـ ـ
عبدالله:مشعل فيك شي
حط يده على راسه وهو يحس إن الدنيا تدور فيه والدمعه خانقته
مشعل:لا
عبدالله:على العموم الله يبارك فيك وبارك لفارس و نواف
مشعل:إن شالله *بدا يجر حروف الإسم * و متعب بعد
عبدالله إبتسم:لا البندري ما رضت توقع
وقف مشعل يفكر بكلام عبدالله بعد 5 دقايق إستوعب الكلام
مشعل:ههههههههههههههههههههه وشو
عبدالله:تعال معي فضحتنا
بلغهم عبدالله وعصب بومتعب وحلف إنه يجبر البندري على الزواج من متعب و متعب عصب وناظر بعبدالله و وقف قدامه
متعب:وش تقصد إختك بحركتها
وقف مشعل بعصبيه وهو مو مستحمل إن احد ييتهامس بإسم حبيبته
مشعل:والله ليه تاخذ إنسان متزوج وهي بعز شبابها
متعب بصدمه:إيش انا مو متزوج
مشعل:زوجتك والاوراق هنا
متعب:لاريسا كذابه
مشعل:وش عرفك إن إسمها لاريسا
إنصدم متعب و وقف يناظر بحقد
ابو متعب:صحيح هالكلام
وقف نواف:إيه صحيح
ابو نواف:نواف إيش تقول إنت
نواف:مره رحت حفله وشفته هو والبنت فيها وقالت لي إنها حامل منه وهو إعترف بكذا بعد
متعب:كذب اللي تقولونه
مشعل طلع من جبيته نسخ مصوره
مشعل:هذا توقيعك يوم دخلتها المستشفى ..وهذا تقرير الطبيب بإن إجهاض الجنين بأسباب متعمده..وهذا عقد زواجكم وش تبي اكثر
خذا ابو متعب الاوراق وتأكد
حس إنه ما عرف يربي لف على متعب
ابو متعب:تف عليك سودة وجهي يا مسود الوجه
وطلع من الخيمه وطلع وراه متعب
الكل كان الجو متوتر بينهم بس خلال ساعه تعدل الوضع وحطو العشى
فارس:والله وطلعت قدع
مشعل:اااااااااااخ يا فارس ودي اشوفها
فارس:بيجيك كف يناسب مقاس وجهك خير يالاخو الظاهر ما تدري إن لها محارم
مشعل:ههههههههههه
فارس:مشعل وش شعورك
مشعل:ااااااااااخ يا فارس وربي طاير من الفرحه

* الكل تقبل السالفه اللي صارت و ابو متعب اجبر متعب يتزوج لاريسا .. وابو العنود قرر يسوي عزيمه بمزرعتهم بكرى *
البندري:ريون ناخذ ملابس معنا؟
ريان:مدري اعتقد مابنطول
البندري:تهقين اسيل بتجي
ريان:قالت مزون إيه
البنو:ههههههههه اتخيل شكلها توها متزوجه والناس تناظرها إنها هي عروس والله لو انا اموت خجل
ريان:اشك إنك تعرفين تخجلين
البنو:ههههههههه إي والله ولا ادل طريقه
دخلت العنود
العنود:واااااااااااااااااااااااااااااااااااااااء
البنو:وجع داخله حديقة حيوان
ريان:هئ بجد تقصد كذا
العنود بدلع: لا يا قلبي ما أقصد غير إن عبدالله بن الملوح يستناك هناك مسوي عاشق ولهان
ريان غطت وجها :وجع إن شالله
البنو:عنودي اخبار فارس
العنود نزلت راسها :احسه مخبي علي شي بس مدري وشو
البنو:هههههههه انا بقولك إيش
العنود:تفلسفي قولي
البنو:مممممم بصراحه
العنود:إيه
البنو:لا ما اقدر اقول
العنود:بنو بليز
البنو:إفتحي الكبت وشوفي
فتحت الكبت وإنصدمت باللي شافته كان الدبدوووب كبييير وفيه صندوق من الخوص الغامق تحته
العنود:إيش هذا
البنو:هذا اللي شاغله كنتي تتصلين وانا وياه إنكون طالعين ونجيب الاغراض اللي تحبينها
العنود رفعت الدبدوب و فتحت السله وإبتسمت باول شي كانت بلوزه بيضا مطبوع عليها صورتهم وكاتب تحت احبك .. وعلبه فيها ساعة سواتش اللي تبيها الجديده ونظارات ديور الجديده وعطر إلين ... وكثير اغراض تحبها بس لفت نظرها الالبوم اللي كأنه قديم فتحته وشافت صورها وصوره وهم بيبي وبدت تضحك
العنود:ههههههههههههه تصدقون إني اليوم تهاوشت معه عشانه متغير وهو يضحك قفلة بوجهه
ريان:خبله
البندري:الحين بننام بالمزرعه
العنود:بابا يقول إيه ليله وحده
البندري اوكي

صباح اليوم الثاني
بدو يركبون السيارات وكلهم تجمعو جنب بيت ابو العنود والبندري تغمز ريان عشان تدور لها مشعل
ريان:لا ما جا هذا مسفر اللي يسوق وعمي بو مسفر مسافر بس الكل راكب مع مسفر ومافي سيارة مشعل
البنو:طيب شوفي جنب فارس
ريان:فارس جنبه امه
البنو:ما جا صح *نزلت راسها*
ريان:ولا يهمك نسأل الجود
البنو:اوكي
ريان:الو
جود:وجع ترا بابي جنب بابك إنزلي و كلميني
ريان:لا ياحبيبتي قصدك تبين عباتي تتوصخ
جود:هههههه طسي من هنا
ريان:اقول اشوف عددكم ناقص وقيسه الملوحه بنت عمي بتموت وتعرف وين روميو عنها
جود:هههههههههههه انا ارويك تسبين بنت خالتي بس قولي لها إنه ما بيجي يقول ماله خلق
مشت السيارات كلهم و وصلو للموقع المحدد الكل مستانس إلا هي تحس إنها بتصيح كل شي ضدها وعكس قلبها ...
ريان:يالله بنو الكل دخل
البندري:بقعد لحالي ممكن تتركيني
ريان:بقعد معك
البندري:ريان رجيتك بقعد لحالي
دخلو البنات و هي صارت تمشي للحديقه وهي مو حاسه بنفسها وكل تفكيرها بمشعل ..راحت وقعدت على المرجيحه الخشب كان شكلها نعوم بالبرموده الجينز و البلوزه الصفرا والمكياج الناعم ..سرحت و راحت لمكان بعيد حست إن مالها حظ بدنياها وكل شي تحبه تفقده

___ بنفس المكان ___
ما كان يبعد بينها وبينه إلا 3 خطوات ما طاوعه قلبه ما يشوفها واول ما دخل المزرعه لمحها وقرب وصار يشوفها كيف تحرك المرجيحه قرب منها وحط يده على عيونها وهي جمدت مكانها
مشعل: انتي هواي وانتي مناي ودي اكون دايم معاك
البندري:مـ ـ ـشعــل
مشعل:عيونه
البندري :- - -
مشعل:احبك يا البندري
البندري إنزلت دمعتها ومشت بعيد عنها
مشعل مد يده لها وهي تناظر فيها وإبتسم لها
مشعل:حطي يدك بيدي وأوعدك اصون حبك وما نفترق
البندري نزلت عيونها
مشعل:البنو
انتي هوى روحي وبعروقي الماي
عمري بدونك عمرماعشت انا فيه
ياما لقيتك في شتاء وقتي ادفاي
حظنك يدفيني بحنانه وادفيه
وياما مسكتي في عنا الوقت يمناي
خوف علي من الزمان وبلاويه
انتي نظر عيني وبسمة شفاياي
وانتي هوى قلبي وحبه وغاليه
إبتسمت البندري وحطت يدها بيده ومشو بالمزرعه

بعد 4 سنين
__جواد + جوري___
تعالج جواد و جا لهم بيبي صغنون سموه رواد
___ مشعل + البندري ___
عايشين حياة ولا اروع
البندري ما تترك هبالها ودلعها عليه وهو مجنون فيها
طبعا عندهم ولد عمره 3 سنين إسمه الوليد
وبنوتين توم مثل القمر (جنا & جنان) توهم ماكملو الــ 40 يوم
___ ريان & عبدالله ____
تزوجو قبل سنتين و إلى الان ما عندهم ولا بيبي
بس مرتاحين بحياتهم لان حبهم غالب على كل المشاكل اللي تصير
___ مشاعل ____
بعد سنه من زواجهم تعرضو لحادث وتوفى عمر بعد ما تعلقت فيه وحبته
وصارت تشوفه بولدها كل يوم يكبر اكثر من الثاني ويشبه عمر اكثر وهي تناظر فيه وتبكي تشوف نفس لمعة العين ونفس الضحكه بولدها خالد واللي محيرها طلب بندر منها للزواج وهي متردده بالرفض ولا الموافقه بس شافت بعيونه حبه لخالد وحبه لها و الاهم تعلق خالد فيه وبعدها بشهر وافقت على بندر اللي فهمته قبل زواجهم عن مكانة عمر بحياتها
___ فتون & طارق ___
عانت في بداية حياتهم من الغربه ومن الوضع اللي ما تعودت عليه بس وجود طارق جنبها كان كافي لراحتها وفرحتها تأقلمت على الوضع بأول سنه بس كانت صدمة موت اخوها اثرت على نفسيتها شوي وكانت حامل ومن عرفت إنه ولد ما سمته غير *عمر*
___ ساره ____
تزوجت وتطلقت لانها كانت كثيرة مشاكل مع اهل زوجها
__ احمد & الهنووف ___
عرف خطأه وتقدم لها وخطبها وهي وافقة بعد تردد وخوف بس حبه بقلبها كان كبير
إعتذر لها ولمشعل والبندري و ودع اهله واهلها وطلع يدرس هو والهنوف عشان يكمل مستقبله
كان متخوف كثير من بداية هالعلاقه حس إنه غلط مع الهنوف كثير وفقدها كثير بأخر الايام وبعد زواجهم صارت الامور افضل

___محمد ___
ماحب يظلم الجود بزواجه منها وهو قلبه مع غيرها فتركها وهو عاش وحيد بدنياه
___ فيصل ___
بعد ما تزوجو ريان وعبدالله حس إنه فقد ريان بس كانت فرحته اكبر بإنه لقى نصه الثاني وهي لقته بيوم زواج ريان ..إلتقو عند الباب بعد ما كانت تطل تستنى مسفر وإنصدمت بوجود فيصل وهو ما صدق ان الجود بهالجمال ودارت بينهم اكثر من مكالمه واكثر من لقاء وكبر حبهم وتوجو بالزواج
___ نواف & المزون ____
كانت علاقتهم حلوه بس كلها مناحسه فبعض وكل واحد يحب يقهر الثاني عندهم بنوته سموها (روند) و مزون حامل بالشهر الثالث
____ العنود + فارس ____
تخطو مشاكل كثيره واجهتهم سنتين عاشوها بزعل دائم وبعدها ربي سهلها عليهم
بعد اربع سنين من زواجهم تم حمل العنود وهي كانت متخوفه كثير لانها كانت تاخذ حبوب واثرت عليها
وفارس كانت فرحته ما تنوصف
واول ما عرف الخبر سجد بالمستشفى قدام الدكتور كان طاير من الفرحه وحاس الدنيا مو سايعته
___ رشوف & سالم ____
بعد 4 سنين إرتبط إسمهم ببعض بخطبه كبيره سوها لانه بيطلع يدرس 3 سنين وبعدين يرجع لها عشان يتزوجون


وهذي نهاية رواية هوى قلبي .. اتمنى إنها عجبتكم جميعا ..احداث روايتي عشتها انا شخصيا بحياتي وعاشوها 2 من اغلى الناس على قلبي ..رسمت شخصياتهم بروايتي وإبتديت بالفكره اللي عشناها ومن بعدها صار من خيالي ...إذا ربي قدرني بلتقي معكم بروايه ثانيه .. تمنياتي للجميع بالتوفيق ..ربي يعافيكم جميعا على المتابعه ويحفظلي مشرفات الروايات اللي تابعو الروايه والردود وتعبناهم معنا حبتين =)
لكم إحترامي : !! انثــى الــ خ ــيالــ !!

ــ :: ــ النـــــــهـــــايــــــــــــهـ ــ :: ــ

تحياتي

! غمـوض بنيـه !
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -