بداية

رواية بقول ولا تقاطعني -31

رواية بقول ولا تقاطعني - غرام

رواية بقول ولا تقاطعني -31

ام عبدالله:ايه تعلميني في سليطيـن
العنود:ههه
"منـآل"
- آلوووو وين رحتي؟
لفيت لـ نجلآ..أبتسمت لها:أبد طقتني الهواجيس
نجلآ:هآآو!..وش تهوجسين به؟
منال:مدري..اليوم قبل لاأطلع سمعت سلطان يكلم يقول مستشفى مدري وش..
نجلآ:يمكن احد من معارفه..لاتقولين خايفه عليه..ترا اكفخك
منال:هههه مانيب قايله شي..بعدين هو وش دخله اخاف عليه
نجلآ:هنـآ تكمن الطبخه..تخافين عليه لا يضيق صدره..اعرفك انا
منال:روحي زين!..اخاف عليه قال
نجلآ:ههههه
"عبدالعزيز"
كنت جالس ع الكنبه وأطالع التلفزيون..فجأه سمعت صوت عمر يغني بالمصري
"ياعبدالعزيز....يآآآآآآآ...ياطيب يالزيز..يآآآآ"
لفيت له وضحكت:ههههههه وش عندك طربان؟
عمر يكمل:في الحنــآن والطيبه.."وهز رقبته"..انا قمبك تلميـــز..يآآآآآ
عبدالعزيز:راضي علي اليوم..صاير تمدحني وش عندك
عمر:من كثر ماأحبك اكتب فيك شعر..شفت؟
عبدالعزيز:كم تبي؟
عمر:لايكون تصرف علي وانا مدري
عبدالعزيز:ههههههههه
عمر يكمل:ياعبدالعزيز..ياطيب يالزيز..
- عمـر
لفت عمر لـ أبوه وكمل:ياأبو عبدالعزيز ياطيب يالزيز
ضحكوا عبدالعزيز وأبوه..وعمر يكمل:في حنان والطيبه انا قمبكم تلميزززززز
عبدالعزيز:ماعندك الا هالمطقع؟..وش هالاغنيه اصلاً
عمر:مب اغنيه.."ناظر ابوه"..تطمن
ابو عبدالعزيز اكتفـى بـ أبتسامه..كمل عمر:هذي نغمه عند واحد من الشباب وحفظتها من كثر مايرن جواله..عاد قلت اقولها لك
ابو عبد العزيز:مافيه لي؟
عمر:هههههههههههههه أصير لك نغمـه يابو عبدالعزيز
ابو عبدالعزيز:ههههههههههههه لاماأبيك ابي نغمه
عمر:أفــآآ
عبدالعزيز:هههههههه
"منــآل"
طلعت من الشـغل..تصدقون اني اول يوم بالجامعه فوته؟؟..تقول امل كله جداول عاد قلت ماله داعي..تجيب لي ايااه امل..وريم ياحيآتي ماداومت..امس كلمتها ع المسن تقول مالها خلق
ودي اشوف هي وش مسويه مع رزوجها؟
"ريـم"
قمت من النوم.. ع السـآعه 6 المغرب..مدري كيف نمت..امس طول الوقت صيآآح..كلمت امي وهي ماغير تهدي فيني..حتى استغربت مني ليش ان الوليد مب معي من اول يوم يتخلي عني على قولها ..عاد أنا قلت لها.. اني انا من قلت لـ الوليد يتركني..ومالي دخل فيه ولا له دخل فيني
تذكرت امس اول مادخلت البيت كيف كنت ارتجف..وربي ماحسيت نفسي خايفه مثل كذا..احس اني ارتجف واحس ودي اموت ..ودي تنشق الارض وتبلعني..
أول ماحطيت رجلي ع ارض الفـله..اتسغربت انه ماخذ لي فله..انا متوقعه اني ولا شي في حيآته..يجي ياخذ لي فله؟..بس يقولون اذا عُـرف السبب بطل العجب..عرفت الجواب يوم قال
- هـ الفله لك ولـ نوف..فيها جناحين..واحد لك واحد لها
مالفيت ولا رديت..طالعت فيها كبيره ويمكن اكبر من فلة ابوي الله يرحمه..لفيت له وقلت..:وين جناحي؟
أبتسم أبتسامه صفرآ..ومشـى عشان الحقه..وانا وراه..كل خطوه كنت اموت فيها..كان قدامي..لما أطالع شكله ..لما اشوف عيونه واشوفه يبتسم لي تدرون وش احس؟..حس اني دخيله..تعرفون شلون لما اغلى البشر يطلب منك طلب زي كذا..لا وأخر طلب..وأصعب طلب..انا ماودي اتطفل على ولد عمي وزوجته..حطوا نفسكم في مكاني..وفـوق هذا و سبب عقدتي..سبب خوفي من الرجآل..صحيح هو ماله ذنب بس ماأقدر اعترف بهالشي لـ نفسي وعقلي ماقدر يفهم هالشي..لكم تتخيلـون حالتي..
يوم وصلنا الغرفه فتح البآب ودخلت بعد توتر..مدري ليه حسيت ان كل شي صآر..خلااص تزوجت!..تطفلت!..خربت عيشة زوجين!...الحين وبهالحظه حسيت حياتي ضاعت..انا محكوم علي كذا..اعيش كذا..وابقـى كذا
نزلت دمعتي..فجأتني حركته يوم مسك يدي..طالعني وقال:سآمحيني!
طالعته..سحبت يدي حسيت ان بعد اتفاقنا ماله حق يمسك يدي..ماله حق يعاملني كـ زوجه..حلااص انا ريم وانت الوليد عيال عم وخلصنـآ
الوليد :بتركك تغيرين ملآبسك
ريم:وين نوف؟رح عندها
الوليد:نوف عند اهلها
ريم:...................
طلـع وتركني

رجعت لـ الواقع وانا اطرد اخر ذكريات ليلة امس المشؤمه..ع الاقل بـ نسبه لنا انا والوليد..نزلت تحت لاني جوعانه..دخلت المطبخ بعد مادورت عليه..ماحسيت بـ أي صوت لـ الوليد..الظاهر طالع؟..امس وين نام؟
امممممممم اكيد في جناح نوف

"الوليـد"
كنت جالس على جلسآت خارجيه حقت كوفي..أطالع الرايح والجآي..ناظرت يدي بشوف كم السآعه..بس ناسيها الظاهر في البيت..ريم خلت فيني شي ينذكر..من شفت حالتها امس وانا مب على بعضي..آآآآآه اتمنـى تسامحني..هي ونوف..يآآرب ان وش سويت؟؟
طالعت ساعة الجوال..تأخر رآشدوه التبن
- سـلام..اسف والله تآخـ.......
قاطعته:لا عادي..اجلس
راشد:وش عندك..وش الموضوع المهم.."تذكر"..تعال.الا وش صار ع الملكه
الوليد:هذا موضوعـنآ
رآشد:كلي اذآن صاغيه
الوليد:انا امس سويت شي غلط..واكبر غلط يُسجل بـ حياتي
رآشد:وش؟
الوليد تردد قبل يقول..شبك اصابعه بـ بعض بـ توتر..وقال:انا غلطت مع مريم
راشد طارت عيونه:أيـآآآ قليل الخاتمه؟!!!..غلطت مع وحده في يوم ملكتك؟؟؟؟؟؟
الوليد:لاوالله؟؟؟؟؟؟؟...ومن كان يتغزل فيها قبل؟وتبيها بس تعطيك وجه
رآشد:قبـل..انت قلتها بـ نفسك...قبـل!..واحنا اتفقنا اننا نتـوب من بعد منصور..بس انت الظاهر ماتبت..او يمكن هونت
الوليد:انا مب جايبك هنا تسوي لي فيها داعيه..وش اسوي الحين
رآشد:تسألني وش تسوي؟؟..
الوليد:شلون ارقعها؟؟..وان حملت مريم..ووريم ونوف وش اقولهم
رآشد بـ سخريه:وربك...مافكرت ان قابلته وش بتقوله؟..وانت متزوج يعني مالك عذر
الوليد:رآشد فكر معي الله يخليك
رآشد:انا بشر..واغلط..ماتقدر تلجـأ لي..الجـأ لـ ربك..
الوليد تنهد..هو صح مافكر يلجأ لـ ربه..ورآشد نبهه على هالشي كم مره قال بيتوب..كم مره؟؟..كل مره يتوب ويفشل بالتوبه..ويرجع يغلط اكبر من غطه اللي اول
حاول يتخيل شكل ريم ان درت!..ونوف بعد..بتسامحه!..وريم بتكرهه اكثر ممآ هي كارهته..
ومنى؟! انا وعدتها.."ابتسم"..اصلاً انا لو تبت ماراح اقدر ارجع زي اول خلااص الغلط يظل غلط لو ترقع له شوي..
سمعت رآشد يقول وهو يطالع الشآرع..:تخيل لو ان باب التوبه مسكر؟
طالعت فيه..فعلاً..لو باب التوبه مسكر وش بسـوي؟..لحظه لحظه هذا وش يخربط؟؟..قال ..:رآشد باب التوبه مفتوح لين تشرق الشمس من مغربها
رآشد وهو الى الان يطالع في الشارع:ادري! بس انا اسألك لوه مسكر.."طالع فيني"..نموت بـ ذنوبنا؟؟ مالنا مكان نروح له..طيب افرض اليوم تشرق الشمس من مغربها..وش بنسوي!
عصبت منه هالغبي..قاب يخربط:رآشد عن الحكي الماصل
رآشد يكمل:احنـآ دايم كذا..مانحب الكلآم اللي يضيق الصدر لو كان صدق وفيه صحوتنا..لوكان صدق..انت فكر شوي و حط نفسك في هالمكان..تخيل مافي توبه والغلطان غلطان لو وش يسوي..احنا بشر..بس مفروض مانغلط لأن باب التوبه مسكر..تخيل معي!..
ماقدرت اتخيل ماقدرت صدقووني شي صعب خصوصاً لـ واحد ارتكب كبيره من كبائر الذنوب ..واحد زاني!..صعب انك تتخيل ان مالك رحمه ولا مغفره ابد..
رآشد:تخيلت
تنهدت ولا رديت عليه..جوابي واضح أكيد لا..انا مقدر اتخيل مجرد تخيّـل..قال رآشد: اكيد مانقدر..بس تدري وشهو الصدق..انه مفتوح طول الوقت..بس احنا نتجاهله..ونظن دايم ان بيجي اليوم اللي بندخله ..دايم كذا نقول بنـتوب وكننا عارفين اذا احنا بنعيش ولالا..بنعيش لين يجي موعد التوبه المأجل..الى أجل غير مسمـى..ولا ندخله ثومن نطلع..ونقول ينرجع ندخل مره ثانيه...ورب العالمين يسامحنا..صدق احنا اغبيااء..
الوليد:....................
رآشد:الوليد اقعد مع نفسك! انت ماتدري وين الخيره فيه في زواجك من ريم..
الوليد:خيره؟؟..وينها فيه ذي ابي اشوفها
رآشد:لا تتشائم..ياأخي يمكن تكون لك احسن من نوف هاللي انت طاير بها
الوليد:انت شف هي وش قالت ثم تعال تكلم
رآشد:وش قالت
الوليد:تقول احنا مب متزوجين..وتقول اننا مظلموين بهالزواج..وانها تبيني اصير زوج نوف وبس اما هي فـ مجرد انسآنه معنا بالبيت ..انا ماقدرت اقول لا..رفضت بس طلبت الطلآق اخرتها قلت طيب
راشد بسخريه:عين العقل..واقفت
الوليد بـ قهر وعصبيه:رآشد قسسم بالله برميك في نص الشارع
رآشد:يعني اصفق لك؟؟ من جدك واقفت؟
الوليد:وش اسوي يعني؟؟ احب رجولها وأقولها تكفين ابي احس اني زوجك
رآشد:لا ماقلنا كذا...بس هي بنت..وتقدر تحايلها شوي شوي
الوليد:انت مب فاااااااهم..ومنت فااهم لأني انا مب فااهم
رآشد:شلون..تراك لحست مخي
الوليد:كل ماأمسك يدها توخر بـ قوه..شكلي يدي حاره مثل النار وانا مدري..
رآشد:طيب حاول تفهم منها
الوليد:وش افهم هي تكلمني عشان افهم؟؟ مجرد دخلتها الغرفه طلعت وقفلت الباب خايفه اسوي فيها شي..مجرم الظاهر
راشد:والله حالتك صعبه
الله أكبر الله أكبـــر...
أشهد ان لا اله الا الله
أشهد ان محمد رسـول الله
حيّ على الصلآة..حيّ على الفلآح
أبتسم رآشد وهو يقوم:قم خل نصلي
الوليد طالع في الارض..ثم في المسجد اللي ماكان يبعدهم عنه الا شآرع:عمري ماحسيت ان هالنداء لي
رآشد والى الان مبتسم:الا لك يالوليد..امش نروح نصلي يمكن ترتااح..الامام مابعد صلى..ادخل صل ركعتين تحية المسجد.ثم ركعتين اطلب فيها ربك
الوليد يقـوم:مشينـآ!!

"منــآل"
دخلت البيت..اول مادخلت الصآله شفت عندل الظاهر توها مخلصه صلاة..طلعت فوق اصلي لأني عارفه لو أأخرها دقيقه بصليها مع الفجر...صليت وغيرت ملابسي..اخذت اقرب جلآل ونزلت..لقيت عندل منسدحه وماسكه جوالها..
- هآآي
التفت لي وابتسمت:وشو له جلآل..سلطعون مش موجود
منال:مب موجود؟..وينه؟
العنود:بالشرقيه
منال بـ فضول:وش عنده؟
العنود:حمار..تعرفين سلطان..........ولا لا..اصلا ً ماتعرفينه كيف تعرفينه
منال:هههههههههه خبله
العنود:هو كذا لو يركب جمله مفيده يموت..يقول صديقه بالمستشفى..بس وش فيه وصار عليه وش وضعه..لاتسأليني
تذكرت المكآلمه اللي اليوم الصبح..الشخص اللي دخل المستشفى هو صديقه..
جلست معها وشغلنا التلفزيون
العنود:مناليلوو..مابقى شي على جية المحامي
ضرب قلبي مدريي ليه..ليش كذا اخاف لين قالوا أسمه؟:ايه ادري بس كم يعني بالظبط؟
العنود:مدري والله..يمكن اسبوعين؟
منال:اها روعتيني على بالي كم يوم
العنود:هههههههههههههههههههه الحين انا ادري وهي لا..بس ليش تخافين؟.. ماتبين تتركيني؟؟..ادري ادري
منال بـ نص عين:لا بشتاق لـ خالتي
العنود تضربها مع كتفها:وووووووووووجعه..نسيتي الخبز والملح والقهوه والحلى اللي كان بينـآ؟
منال:هههههههههههههههههه لامانسيت بس انا كذا مالي صاحب
العنود:اهاا زين علمتيني...عشان اخذ احتياطاتي منك الاسبوعين الجايين
منال:ههههه وش يدريك يمكن اجلس ابد العمر عندكم
العنود شههقت:ابد العوووووومر؟؟؟.."أبتسمت"..كاااااان فله..
منال:ههههههه عندل احبك
"هيفآ"
طلعت برآ الحوش بعد ماصليت المغرب..شفت كوره مرميـه رحت لها لقيت مكتوب عليها بس من غير ورقه..ههههههه حريص ماشالله..المهم مكتوب عليها "وهذي كوره لك"
اممممممممم مش بطاله الكوره..بس ماراح ارآسله صدق ماينعطى وجه..طالعت في جوالي كيف في يوم واحد جاني مسجين حب من ماجد..اتصلت عليه مدري ليه..تأدية واجب هههه
- هلآوالله وغلا
هيفآ:اهليـن
ماجد:أخبآر القمر
هيفآ:الحمدالله بخير انت شلونك..
ماجد يتنهد:انا تمام دامك انتي تمام ×|آلفصـل السآبع عشـر|×

"وش بيفيد الكحل بـ عيون الضرير"

قمت من النوم وانا حدي مبسووطه..لفيت جنبي شفت ياسر نايم..أبتسمت له..ياحبي له صدق كنت غبيه يوم فكرة اني ارفضه وحسيت ان ابوي ظالمني..احبك يبـه لأني غصبتني على احلى شي صار لي بـ حيآتي..
همست له وهو نايم:احبــك ياسر!
قمت من سريري ورحت الحمام ..اخذت لي دش بسرعه وطلعت الى الان نايم..أبتسمت له احلى ابتسامه يسـتآهلها..رحت ولعت الابجوره اللي جنبه
ليان:يـآسر!..ياسر يلله قم يكفي نوم
عقد حوآجبه..:هممممممم
ليان:قــم يلله
غـطى وجهه بـ اللحاف..وقال بـ نبره جديه:ليآن..سكري النور
ليآن وهي مب مستغربه انه عرف ان الابجوره مولعه لان حرآرتها قويـه:بس ابيك تقوم
ياسر بـ نبره فيها شوية عصبيه:ومره ثانيه اذا قومتيني لاقد تولعين النور
عقدت حواجبها وهي مفهـيه في مكانها
ياسر:اقولك سكري النور الحين بقوم ماله داعي تفتحين النور
ليآن:ان شالله
سكرت النور وطلعت
قآم ياسر..تنهد..وش سويت انا الحين..اهاوشها في اول ايام زواجنا..دخلت الحمام واخذت لي دش..طووووووويل
×
×
- هـآآآو..ورجلتس وش دراه انتس مولعتن اللمـه
ليآن: يمه انا ولعت النور الاصفر..حس بـ الحرآره الابجوره يمـه مرره حاره..بعدين اكيد سمع صوتها
ام ريان:ايه صح نسيت..رآحت عن بآلي..
ليآن:بس اول مره اشوفه معصصب..صحيح ماهاوشني بس واضح انه تنرفز
ام ريان:عاد يابنتي وش تسوين هذا طبع الرجآل كذا لامنهم قاموا لازم يعصبون..ويحطون حرتهم في حريمهم..بس شنقول..جزانا الجنه ان شالله
ليآن:ان شالله
ام ريان:عاد لاتشيلين بـ خاطرك ترا ياسر ولد حلآل ومايقصد
ليآن ابتسمت:ادري يمه ادري..ولا شلت بـ خاطري بس حبيت افضفض
ام ريان:شوفي يـآمي..صح اني أميمتس بس لازم اقولتس هالكي
ليآن:ايش يمه
ام ريان:شوفي مهوب كلشن يقال..لامنتس تطاقيني مع رجلتس ولا صار سوء تفاهم لاتجين ركض تقولين لي..
ليآن:ليش يمه انتي امي وأقولك كل شي..يعني مفروض انك اقرب وحده لي
ام ريان:تقولين لي لامنتس جيتي تشاوريني بـ شي..ولا شي صار في بيتكم مايقآل ابد..حتى لي....لا لي ولا صديقاتس ولا احدن ابد..ولا صار شي عند حمولتتس ماتنقلينه لـ اهلتس..والعكس صحيح
ليآن:ليش
ام ريآن:لـ أسباب كثير..اول شي كل بيت له اسراره..ثاني شي..ع الاقل تحافظين على هيبتنا عندهم وهيبتهم عندنا..عرفتي؟
ليان:ايه.."شافت الباب الغرفه ينفتح"..اجل يمه اكلمك بعدين..تامريني على شي
ام ريان:ايه..انتبهي لـ نفستـس..ولـ رجلتس..تراه جنتس ونارتس
ليآن:ان شالله يمه..مع السلآمه
ام ريان:مع السلآمه سلمي على ياسر
ليان:يبلغ..
أول ماسكرت السماعه شفت ياسر جآي..تحسس المكان وجلس..:صبآخ الخير
أبتسمت له:صبآح النور..
ياسر:ماتبين نفطر؟..الا افطرتي؟
ليان:لا والله احتريك
ياسر:أوكي امشي نروح..عازمك على مطعم لؤطه
قمت معه..صحيح ياسر ماأعتذر بس لمست الاعتذار في أسلوبه معي..أبتسامته كأنه يقول ليان انا آسف..بس عادي لو ماأعتذر..خلنا واقعيين هذا اسلوب اغلب الرجال..اغلب الناس مايعتذورن خصوصاً الرجآل لان غرورهم وكبرياءهم مايسمح لهم..
"منــآل"
- الا مادق عليتس سلطان
العنود:نايم الحين
ام عبدالله:الله يهديه هالولد..قبله شاقن بي..قولي له قم..
رفعت عندل السمآعه..قالت امها:لا روحي له بالفلـه..
استغربت مب سلطان في الشرقيه؟..هذول عائله صرآحه كل يوم لهم شي
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -