رواية بقول ولا تقاطعني -32


رواية بقول ولا تقاطعني - غرام

رواية بقول ولا تقاطعني -32

جديد..اخذت فنجالي وشربت منه..قامت ام عبدالله ورآحت لـ غرفتها..

طالعت فيني عنود..توها بتتكلم..بس طالعت فيني من فوق لـ تحت:الله الله الله!!
ناظرت نفسي:هاه وشو وش تناظرين؟
العنود:لا يامنالوه..طايل لسانك ..."ورمت نظره على لبسي"...وقمنا نلبس قصير؟؟؟؟؟
طالعت فيها..وش تحس به ذي؟.. يعني اللبس والكشخه لـ الناس اللي زيهم..واحنا مالنا رب؟
العنود:اشوف يوم طلع لك راتب قمتي تلبسين
نزلت فنجالي..والله ادمنت القهوه من جيت عندهم..قلت لها بـ أسلوب زي اسلوبها:ليش ياعيوني؟..يعني حرام البس واتزين؟
العنود:لاماقلنا كذا..بس انتي تغيرتي..اول يعجبني غباءك وبساطتك...الحين اعوذ بـ الله منك صرتي مثل هيفاوعبير
شرقت بـ قهوتي..وجلست اكحكح:وش تقولين؟؟..انا زي ريآ وسكينه؟
العنود:هههههههههههههههههآآي.ريآ وسكينه..ياخف دمتس مير..اقول انا بقوم اقوم سلطوني حبيبي..زوجي
منال ضحكت عليها...خبله والله:زوجك؟
العنود:لا انا ولا هو متزوجين..خلااص قررت اعتبره زوجي..وش اسوي..
منال:ههههههههه..الا تعالي انا خبري سلطان في الشرقيه؟
العنود:ايه رجع امس الفجر..هالبثر داق علي يقول افتحي لي الباب..ناسي مفتاحه.."تحلطم"..هو ينسـى وانا ابتثلش
منال:وليه ماأخذ له شقه جلس هناك؟
العنود:والدوام؟
منال:ايه صوووح..

قامت العنود ورآحت لـ سلطان اللي من رجع من الشغل وهو ماغير نايم..
قمت انا ورحت لـ المرآيه اللي كانت في آخر الصآله..طالعت شكلي..والله عندل صادقه لان لبسي تغير..كنت لابسه تنوره قصيره لـ نص الساق..وبلوزه تشابنيز..وشعري استريت وغرتي قصيره..وهذا مب شكلي..العاده شعري مربوط وجلابيه..أبتسمت لـ شكلي..رميت بوسه لـ نفسي..وووووه بس ياحبي لي..صدق اهبل انا وعيوني الخضر
×
×
- سلطاان..قم قامت عصبك..
غطى سلطان نفسه باللحاف:عنييد وقسم بالله ان ماطلعتي بشوتك
ضحكت العنود:هههههه قم بس
سلطان:محسـوبه علي اخت
جلس على حيله ..اول ماطالعت في وجهه كان في هالات سودا تحت عينه:سليطين وانا على بالي انك طول الوقت نايم..شكلك ماذقت طعم النوم ابد
حك سلطان خده وهو يرص على اسنانه ومنزل راسه:لا نايم الحمدالله
العنود:سليطين لـين متى يعني
سلطان بـ برود:متى ايش؟
العنود بـ جديه وعصبيه:لين متى كذا..لين متى الكلام مايطلع منك ابد..ماتتكلم ماتفضفض..انا اختك.."تأشر عليه بـ تأنيب"..شف وجهك شكلك مانمت الا دقيتـين من التفكير
سلطان:وش يخليك تقولين كذا؟ انا شكيت من شي؟
العنود:هذا اللي قاهرني..انت ماتشكي..وترا والله مو زين..ع الاقل علمني وش اللي تفكر فيه
سلطان:عنود..ممكن تطلعين
العنود عصبت:طوووووول عمرك كذا..ولا راح تتغير
وطلعت وهي مصعبه

افف وش هالادمي..لا هذا مب ادمي..هذا حجر مايحس ولا بيحس..اجل واحد يعيش 10 سنين و لا يتكلم ويشكي..انا اخته واقرب من له مايقولي..ولا يفضفض

/|/ثنين هم ضحايا الكتمـآن..غلآ..وسلطان/|/

دخلت البيت ولقيت منال جالسه ومعها الاب توب..:اهلين
لفيت لي:هلا..بشري فيه اصابات
العنود:أيـــــه
منال:يؤ..من المصاب..أكيد مب سلطان لانه يُصيب ولا يُصاب
العنود وهي تجلس..وتقول بـ قهر:يختي انا ماشفت واحد مثل سلطان
منال مسويه فاهمه:اكيد..وانا بعد..بس ليه؟
العنود:تخيلي انه مايتكلم ابد
منال بـ غباء:شلون يعني اطرم
العنود تلف تدور شي ترميه عليها:هذي بعطيها كف اخليها تدور سبع مية مررره
منال:هههههههههه
العنود تفهمها شوي شوي:يعني مايحب ياخذ ويعطي مع الناس..يتكلم لك شوي بس
منال:عادي في كثير زيه وقفت على سلطان يعني؟
العنود:بس سلطان متغير..انا قد قلت لك هالكلام قبل..وش اسوي عشان اطلعه من حاله
منال:انتي تتكلمين عنه يوم كان ابو 19 سنه..اما الحين هو كبر وشي طبيعي شخصيته تتغير
العنود:بس اشتقت لـ مرحه وخفة دمه..
منال:ماتقدرين تغيرين واحد في الـ 30 من عمره..لوه بزر كان نقول نغيره بس خلااص..هو كبر وتعود على هالشي
العنود تتنهد:صدقتـي..بس خايفه عليه..
منال:هو رجال .. ويعرف وين الصح..ولا تخافين عليه لاتنسين انه اكبر منك
العنود:الحين من ذا للي بـ تتحمله..لو ينزوجه زوجته بـ تنتحر من القهر
منال:ليش؟
العنود:انا ادري!..عوووووومه اعوذ بـ الله ماينعآشر
منال:حرآم عليك
العنود:تدافعـين عنه وهو كان يسفل بك قدامنا؟
منال:عادي..يـمون هههه
العنود ترفع حاجب وأبتسامة لها معني:تتحملينه اذا تزوجك؟
حـمر وجهي:هاه؟..أحم....عادي يعني......مافي شي
العنود بـ خبث:تراني من الصبح وانا شاكه فيك..اعترفي ماذا تكنين لـ اخوي من مشاعر؟
منال:عنـدل عادي يعني مب شي
العنـود:طيب ليش وجهك صار احمر؟
منال:لا مب احمر..
العنود:الا انتي تحبيـنه صح؟؟
منال:.....................
العنود:اذا مب احب اعجـآب..ههههههههههههههههههههههههههههه
منال عصبت:يوووووه عنوود عاد
العنود:ههههه..انتي مثل القـطوه تحبين الطقاق..ولا احد يفكر يحب سلطان..طب كان حبيتي محمد..ولا عزوز ولا عمر
منال:ههههههه لا
"هيفـآ"

- يعني ماودك تقولين اسمك؟
هيفآ:انت وش تتوقع؟
ماجد:اممممم اتوقع اسمك..جميله
هيفآ:نعم نعم ؟..وشو جميله لا..أسمي أحلى
ماجد:الله وش هالاسم الحلوو...أحلى!..اول مره اسمع بهالاسم
هيفآ:ههههههههههههههههههههههه
ماجد تستخف دمها:..ياحبي لـ دمك شربات..بس ماقلتي شسمك؟
هيفآ:...مو انت قلت احلى؟ خلااص احلى
ماجد:هههه طيب ياأحلى..وتراني على كلامي..اذا انبك ضميرك انا موجود
هيفآ:اوكي

- هيفآآآآآآآ

طالعت هيفا في مصدر الصوت من غيرها امل المزعجه..:خير وش تبين؟
أمل:صار لك ساعه الا ربع تكلمين..خلااص عاد استحي على وجهك
هيفآ:مب انتي يالبزر تعلمين متى اكلم ومتى اسكر
أمل:اوكي حبيبتي مب انا بس امي تقول انزلي تحت معنا
هيفآ:اوكي دقآيق..ممكن تروحين الحين؟
أمل:افكوووووورس
وطلعت وسكرت الباب وراها..
هيفآ:اسفه ماجد بس هذي اختي العله
ماجد:لا عادي..شكلها خبله
هيفآ:الا قل عاقله بـ زياده..استغفر الله اول مره اشوف مطوعه وعمرها 18
ماجد:هههههههههههههههههههه..ماعليك منها متخلفه
هيفآ:مب تخلف..بس انا ماأحب الشخص يتطوع وهو صغير لاحق بعدين لامنك كبرت
مالت عليك انتي وتفكيرك..:عين العقـل

"الوليد"
دخلت البيت وانا مبسوط حدي..مدري ليه بس احس ودي اضحك..صدري منشرح..ان شالله يصير ربي قبل توبتي..والحين مابقـى لي الا ريم..مابي حس نفسي ظالمها
طالعت في الساعه الحين 8..تذكرت يوم تتصل علي نوف وتقول جبني ع السـآعه9ونص.. حلوو يعني اقدر اتفاهم مع ريم في هالوقت اما الباقي مع نوفتي قلبي..رقيت الدرج..ووصلت عند جناحها طقيت الباب بس محد يرد علي..طقيت ثانيه بس مافي رد..فتحت البآب بـ تردد..الغرفه كانت فاضيه السرير محووس وواضح انها كانت نايمه هنا..جلست عليه..وانا اشم ريحتهاا هـنآ..أرحمها مدري ليه..والله تنرحم صحيح دخلت حياتي وانا في حياتي وحده بس هذا مب معناه اني ماأعدل بينهم..بعدل وخلي اللي فـ القلب فـ القلب..لان قلبي ماملكه الا نوف..
طلعت من الحمام وهي تنفش شعرها الاسود..مبلل ويقطر مويه..كان مجعد ومحيوس..كانت لابسه روب أصفر يوصل تحت ركبتها.. ومعها في يدها الثانيه فرشة شعر..طالعت فيني بـ خوف.. مدري ليه انا اطالعها عادي.. صحيح اول مره اطالعها كذا من غير عبايه...فجأه اشوفها بـ روب..تجمعت الدموع في عيونها..وتيبست في مكانها..ضمت الفرشه..مدري ليه احسها شايفه وحش او ج ن ي..أبتسمت لها بس الظاهر ماحست..ماتشوف الا مسخ قدامه قربت لها..ومع كل خطوه تزيد دموعها..الى ان فاضت ونزلت على خدهاا..رجعت كم خطوه بس صقعت في الجدار..مدري ليه عجبني خوفها مني..حسيت بـ فرحه وتلذذ وانا اشوفها خايفه .. صدقوني مب شر..بس شي حسسني انها حمل وديع وانا اسد بيفترسها بـ كل قسـوه .. بيهشم عظمها الضعيف..ويآكل انوثتها كلها.. وبيحس بـ طعمها..بس مجرد احساس ولا ماعندي نيه المسها ...........في الوقت الحالي ع الاقل
بلعت ريقها وقالت بـ ترجي:وليد الله يعافيك لا!
أبتسمت..صدق غبيه! وش لا..انا بس قربت منها ومافي فـ رآسي أي شي..:وش فيك ريم؟ انا جاي بحآكيك..
ريم تأشر ع الباب بيد ترتجف:ط..طيب اطلع..خلـ...خلني أ..أأ البس..تكفـى
حطيت يد على خصري ..ويد على ذقني..وانا اطالعها من فوق لـ تحت:امم طيب انا زوجك ماينفع؟
ريم صاحت اكثر وجلست ع الارض:وليـــد..اط.."وشهقت"...أطلع
قربت لها ونزلت لـ مستواها..بس فآجأني انها مشت على ركبها وبعدت عني..(حبت)..عند الزاويه...لمت يديها وهي ترتجف..من جد بديت اشك ان فيني نجاسه..بديت احس اني اخووف..:ريم حبيبتي وش فيك؟
ريم:الوليد اطلع الله يخليك
الوليد:ماراح آكلك..صدقيني الموضوع ومافيه اني ودي اسولف معك عادي
ريم تلم يدها وترتجف وتحاول ماتناظره:..........
شفتها ساكته..قربت لها بس هي خافت مني وبدت تعرق..تبي ترجع بس مافي مجال لأنها بالزاويه..مسكت كتوفها وهالشي خلآها تخاف اكثر وأكثر..قربت لها..قلت بـ همس وحنان:ريم انا ولد عمك قبل لا أصير زوجك..ماراح اضرك..ليش هالخوف
لكن المفآجأه مالت علي و حسيت بها في حظني..وبين يديني..وجبهتها على ذقني..يوم رفعتها كانت فاقده الوعي..خفت عليها هذي وش فيها.. وش اني مسوي لها .. شلتها وغطيتها بـ لحاف اللي كان ع السرير وطلعت..ركضض لـ المستشفـى

"يآسر× ليـآن"
"بـ أبتسامه"- ليتني مافتحت الطاري
ليآن:يااسر هذا واقع لاتنحاش منه
ياسر:اوكي؟...اسمعك
ليان:انت لازم تسافر وتسوي العمليه.."قالت بـ خجل تحاول تخفيه".. الله يعلم ياياسر اني احبك من كل قلبي.."أبتسم ياسر ولا علّق"..وأبيك تكون احسن الناس..بليـز اخر مره
ياسر:ليان تتذكرين يوم كنا بـ المطعم؟يوم اصدم بالرجال
ليان:ايه
ياسر:قلتي لي وقتها اسوي العمليه..الظاهر ماأنتبهتي اني قلت يمكن لو اسويها مره ثانيه تضرني اكثر مما تفيدني..وهالكلام الدكتور قاله..
ليآن:وين سويتها؟
ياسر:امريكـآ.."وهو يفكر"..واحد من الشباب نصحني بـ دكتور هناك..
ليان:وهو قال كذا
ياسر:أيه..وازيدك من الشعر بيت..يوم روحتي لـ فرنسا رحت لـ استشاري ونفس الكلآم قاله..
ليآن:اممممممممم جربت تروح لـ المانيا..
ياسر ضحك:ههههههه لا وش رايك بـ افريقـيآ
ليآن:ههههههههههه اتكلم جد..كل من اعرفه يبي يعالج برا يروح المانيا
ياسر:اممممممممم
ليآن تمسك يد ياسر:الله يخليك ياسر..تكفـى..جرب والله لـ أدعي لك
ياسر:طيب واللي يبي يصير اعمى طول عمره..انا مرتاح كذا
ليان:مرتاح؟؟؟..انت تلعب علي ولا على نفسك؟
اكتفى بـ أبتسامه متوتره..ولا تكلم

"الوليـد"
ماحبيت اكلم احد عن طيحة ريم..بس اتصلت بـ محمد وقال انه بيجي طيرآآن..لازم اعرف هي وش فيها..جايبين لي البنت وهي مريضه واخرتها تطيح في كبدي وابتلش بها..انا كل يوم يتضح لي ان هالزواج مافيه جانب واحد ايجابي..
شفت الدكتور طالع..طالع فيني:انت اخو العيانه؟
ياليت:لا زوجها
أبتسم:لا سليمه ان شالله..انهيار عصبي
طالعت فيه..من جده هذا انهيار عصبي؟؟؟..لالا وش يحكي ويهبب ذا : لو سمحت دكتور انت تتكلم عن زوجتي صح؟؟ اللي جوا
الدكتور:ايوه..اسمها زي مانا فاكر ريم
الوليد:ايه..بس هي مافيها شي
الدكتور ابتسم:ماتزعلوهاش يابني..دي باين عليها حساسه أوي..ووووو
قاطعته ادري وش بيقول حافظ هالموال دكتور ابوي دايم يقوله لي:طيب اقدر ادخل عليها؟
الدكتور متفشل لان الوليد قطع كلامه:برآحتك..بس هيا نايمه دي الوقتي
الوليد:طيب متى تطلع؟
الدكتور: لو حبيت النهرده..دي عال العال
الوليد:مشكور دكتور..تعبناك معنا

رآح الدكتور وانا افكر بهالمصيبه..انهيار عصبي لا الظاهر عمي زوجني ريم يبي يعلني بها..الظاهر البنت فيها بـلآ..وقالوا نزوجها الوليد..ماراح يقول لا..صدق غبي ومدمغ..وكلمه تميشني وكلمه تجيبني..دخلت عليها مشيت لين وصلت سريرها كانت نايمه وأثآر الدموع على خدها.. ياالله انك ترحمني وترحمها..تسكر الخاطر والله.. ينعصر قلبي لين شفتها..انا ماغير تحلطم واقول مظلوم ع الاقل انا رجال وربي جامعني بالبنت اللي احبها..اما هي بنت لاحول ولا قوه لها.. اهلها غصبوها علي..وهالشي واضح وضوح الشمس..الغبي يدري انها ماتبيني
طلعت من عندها..لو تقوم وتشوفني عندها..بتنهار..رسلت مسج لـ نوف بقولها اني مقدر اجيبها اليوم..
ثواني وصل محمد اخوها..قال:هلا الوليد...وش فيها ريم؟
أبتسمت:ابد تو الدكتور مطمني عليها
محمد وكأنه ارتاح شوي:طيب وش فيها..
الوليد:انهيار عصبي
طارت عيون محمد..من اولها انهيار عصبي؟؟..ماصار لهم يومين بس:متأكد
الوليد يهز رآسه بـ حيره:انا مثلك مب مصدق
محمد بـ نظره:الوليد وش صار؟
الوليد:مدري ليه احس نبرتك فيها لوم..بس لاتخاف انا ماسويت لها شي..مجرد قربت منها لأني بحاكيها وو صار اللي صار
تعجب محمد من ريم..امه قالت له انها تخاف ومتعقده..وعرف بالسالفه كلها..بس ماقالت انه ممكن يوصل لـ الدرجه هذي
الوليد:محمد..ممكن اعرف وش السآلفه..الظاهر عندك خبر..انت ابد مب متفآجئ
محمد:لا يالوليد..صدقني انا مثلك متفآجئ....بس........
الوليد:بس ايش؟
محمد:مايصلح نتكلم هنا تعال نجلس لنا في مكان
الوليد:وأترك ريم؟
محمد:لا لا تتركها...انا بس اقولك ابيك تجي معي ابفهمك السآلفه..ثم ابيك تروح البيت
الوليد:وريم؟ بتاخذها معك؟
محمد:ايه
فرحت انه بياخذها..خل ياخذها ونفتك شوي..لاتلوموني..انا ماأكرهها هذي بنت عمي..بس حطوا نفسكم مكاني:اوكي امش

وصلنا الكوفي شوب حق المستشفى وجلسنا..
محمد:مدري شقولك يالوليد..بس ريم تخاف من ...... كيف اقولك
الوليد:تخاف من ايش؟..مني؟
محمد:لالا..أأقصد..امممم تتذكر يوم كانت صغيره..تتذكر سواقنا البنقالي؟
الوليد:لا بس وش فيه
محمد:كان يتحرش فيها..وهي كانت وقتها صغيره ولا قدرت تقول لنا..او ماقدرت تعبر
الوليد:تحرش فيها؟؟؟؟؟؟؟
محمد:لـ الاسف واحنا ماقدرنا نفهم وش سوا فيها..هي وصلت تحرش بس..
الوليد : يعني شلون مزوجيني بنتكم عشان ترقعون غلطكم.."بـ عصبيه"..انتوا من الاساس ماتركبونها مع سواق لحالها وهي بهالعمر..دامكم مب مستعدين تفهمون لها.. ليش تدبسوني فـ..
محمد قاطعه بـ عصبيه مكتومه:الوليد افهمني..انا قلت تحرش..مب اعتدى..وبعدين تراك تتكلم عن اختي
الوليد زفر بـ غصب مايدري هو معصب على وصية عمه..ولا على نفسه انه سمح لـ نفسه يخوف ريم..ولا على كلام ولد عمه...مايدري..تنهد وقال:آسف..كمل
محمد:عرف ابوي بـ السالفه وامي..بس احنا ماندري..أبوي كان شايل هم ريم..لانها كبرت وعقدتها كبرت معها...صار عندها خووف قوي من الرجال..في نظرها كلهم سواقنا القديم..كلهم وحوش..انا مادريت الا يوم جيت انت وخطبتها منا.. بس ماظنيت انها ممكن توصل لـ كذا..ظنيت انه مجرد خوف..ومع الوقت بيروح
الوليد:طيب انا وش موقعي من هذا كله
محمد:أبوي خاف على ريم..خاف ان الغريب مايصبر عليها..بس انت ولد عمها..ويمكن قال انك متزوج فـ أكيد بـتصبر عليها..فهمت علي؟
الوليد:ايه فهمت..ابوك يبيني اصبر على ريم؟؟
محمد:بالظبط
الوليد:بس اللي فيها مب شوي..خوفها مب طبيعي يامحمد..يبي لها دكتور نفسي
محمد:انا بشوف..انت لا تشيل همها..انت الللي عليك سويته وتزوجت ريم..الباقي علي انا
الوليد:لاوالله وانا طرطور .. مانيب زوجها؟
محمد:محشـوم
الوليد:كلامك يقول العكس
محمد:الوليد وش فيك؟؟..انا جالس اكلمك زين
الوليد:...................
محمد:انا قلت انت ماعليك منها...انا بتولى كل شي..انا بوديها دكتور نفسي.."فكـر شوي..وتنهد"..وان بغيت طلقها وكل واحد منكم في طريق
محمد قال هالكلام ومن جواه لأن مايبي يدبس الوليد فـ ريم..خلاا يكفـي علّـوا الرجال هوكل يموت من الفشيله قدام الوليد..
وهو يدري ومتأكد ان ريم ماراح تروح دكتور نفسي..لو تنطبق السمـآ ع الارض
الوليد قآم:لو الشي هذا موقف ع الرغبه..كان من الاول ماتزوجها .. بس رغبتي ورغبتها مالها اهميه..مب شي بس ريم واضح انها ماتبيني ابد
محمد:.................
الوليد:خلااص يامحمد..اللي صار صار..وعلى قولتهم لافات الفوت ماينفع الصوت..انا تزوجت ريم وانتهينا

رآح الوليد وطلع من المستشفى كله..أتصل على نوف
نوف:نعم؟

يتبع ,,,,
👇👇👇
أحدث أقدم