رواية بقول ولا تقاطعني -33
نوف:مب تمام
الوليد:أفآآ...ليه؟..
نوف:لانك وعدتني تجي تاخذني..وحشتني مره واخرتها تأجل جييتك
ضحك الوليد:هههه بس؟..غالي والطلب رخيص..يلعن ابو اللي مايجيك ياشيخه؟
نوف بـ نبره:و ريم؟
الوليد : ريم عند اهلها.. انا اليوم كـلي لك
نوف:والله جد؟؟..يعني مافي احد بيتدخل بينا؟
الوليد:......
نوف بـ دلع:الوليد!!!
الوليد بـ ضيق:نعم
نوف بـ حزن مصطنع:أأ...أمم الوليد بليز لاتزعل انا ماأقصد شي..بس وش اسوي من كثر ماحبك ودي تكون لي لحالي
الوليد:ايه حبيبتي بس انا قلت كلي لك..
نوف تكشر:ايه طيب..متى بتجي
الوليد:هذاني بالطريق
سكرت منها
"طـلآل"
اول ماوصلت لـ بيتنا..دخلت وشفت الصآله فاضيه..اتجهت لـ المطبخ و شفتها واقفه وجالسه تطبخ..
طلآل:السلآم ع الغآليين
غلآ:وعليكم السلام..
قرب لها ووقف:وش تطبخين؟
غلا:مثل ماتشوف..
طلآل يشم:آآآلله الريحه شيّ
راحت لـ الثلآجه وفتحتها..ولا ردت علي..طالعت فيها..شعور جواي فقد معاملتها الحلوه.. ضيّعت من يدي شي كبيـــر..مو انت ياطلال..العاقل تضيع منك هالبنت.. هالبنت اللي لو يخيرونك بينها وبين هاله بتختارها..بلقعت ريقي وانا متوتر..احس شي في داخلي صحـآ.. صحـآ من اللي انا فيه
طلعت من المطبخ..ورميت نفسي ع الكنب..طلعت جوالي وشفت رقم سعد كان متصل بي .. اتصلت عليه
سعد:هلااااا
طلال:هلا بك
يعد:وش فيك تقولها كنك مغصوب..
طلال:ابد
سعد:طلالووه تكلم وش فيك
طلال تنهد:غلا
سعد:وش فيها..وش مسوي فيها بعد
طلآل:مدري..مدري
سعد:وش مسوي
طلآل:ماسويت شي صدقني
سعد يحك ذقنه:أييييه! يعني غير فعلتك الشنعاء ماسويت شي
طلآل بـ تردد:سـ ..سعد انا لازم اسكر تبي شي؟
سعد:ايه
طلال:....نعم
سعد:فكر..فكر ياطلال..فكر بـ عقل
طلال:ان شاءالله..لحظه انت كنت تبي شي مني صح؟
سعد:لا بس قلت بدق اشوف وينك طلعت بدري
×
×
يمكن تقولون غلا غيرت طريقة معاملتها مع طلال..تدرون اني الى الان احبـه..وأمووت لو يروح عنـي..وابي اللي باقي من عمري معه..لأني ماأتخيل نفسي بدونه..حتى هو مايقدر يعيش بدوني وهالشي يخليني اتحمل حركآته..بتقولون مجنـونه...وماعندها كرآمه..ادري انا اكثر من كذا..انا تخيلت عن هذا كله فـ اليوم اللي حبيت فيه طلال...بس ليتك تحس ياطلال..
×
×
سكرت من سعد وانا طفشااان من نفسي..قمت من الكنبه ودخلت المطبخ وغلا على حالها..
سندت نفسي ع الجدار وانا ماسك جوالي..جلست اطالع فيها..اللي يدخل بيتنا يقول هذولي زوجين عاديين..بس مافي أي حب بينا..تنحنحت طالعت فيني ثم رجعت تحرك شي بالقدر..مدري وش تسوي..بس طبخه تاخذ وقت..الظاهر مفطح هههه..تقدمت لها بـ خطوات واسعه بس بطيئه .. هي حست فيني بس الظاهر مطنشه.. شفت أذنها صايره حمرا..الظاهر حراره ههههههه من الخوف حمرت.. صرت قريب منها وهي لين الحين في مكانها..شميت ريحة عطرها
غلا:وش تبي؟
طلآل بـ همس بـ أذنها:ابيك انتي..يصلح؟
غلا رجفت يدها:طلال مانيب رايقة لك..أبعد عني..
وخرت عنها من غير راي..هي ميب مقصره معي بـ شي..حقوقي الشرعيه كلها معطيتني اياها.. بس في شي مفقود..شي مهـم اللي هو الحب..يقولون الحرمه ماتعطي من غير حب..غلا تحبني..بس تعطي غصب.. تدرون ليش؟؟..ترضي ربها
ههههههههه وش تخربط ياطلال..وشو حب..انت حبيت هاله وماتوفقت هالمره جاي تحب غلا..
غلا اللي من اول يوم شفتها حبيتها...ويوم بعد عرسك بـ كم ساعه عرفت ان خالد اخوها من الرضاعه..وانه اغلى انسان له غلا...غلا كتلة انوثه..كانت بنت..او لا!...نقدر نقول انثـى بـ كل ماتعنيه هـ الكلمه من معنى..بس انت فرطت فيها..رفست النعمه ياطلال..
ووووووو ش رفست..لالا انا ماسويت شي يذكر لـ خالد..انا لازم اردها له
"منـــآل"
طلعت برآ ..وانا كـ العاده معي خبزتي وعصيري..اليوم ماأخذت سفن اب..هههه تتذكرون يوم اشرب السفن مع سلطان في نفس الوقت...ههههههههههههههههه..صدق اني بقره..تمشيت مرت مني نسمة هوآ...تذكرت يوم اطلع اصلي المغرب ويحترق بيت عمي..اممممممم ابو صآلح وش مسوي؟؟..اكيد يدورني ويبيني ارجع له عشان ادفع له فلوسه..وهذا هو الصح..بس
- وش مقعدك هنا؟
سمعت صوت سلطان..تغطيت :اتعشى
طالع ساعته:تتعشين الحين؟..9ونص
منال:انا بكره ورآي شغل..وجامعه
مشـى..ثمن وقف..الظاهر متردد..رجع مره ثانيه:الا على طاري الشغل..شلونك معاه؟
شقهت..بس بـ صوت واطي هذا ليه وجهه كذا؟؟..أسود وهالات سودا..بس حلوو..احم امزح خخ:الحمد الله..
جـآ بـ يمشي..بس دامني افكر بـ ابو صآلح..يقولون دق الحديد وهو حامي..بقوله يدوره لي لاني ابي ادفع فلوسه اخاف اموت وانا علي دين..الرسول جا بيصلي على واحد بس عيـآ يوم درا ان عليه 4 دينار..وانا على نون ومايعلمون..ودي انه يساعدني..
منال:أأ...سلطــآن
هههههه حلوه اناديه بـ أسمه....امممممممم شقول؟..استاذ سلطان؟..ولا أخ سلطان.. ههههههاااي يامحلي وانا اقول اخ سلطان احس اني وحده بايخه..لف لي وهو ينتظرني اتكلم
قلت وانا اشبك اصابعي:امممممممم..انت مره سألتني عن واحد اسمه ابو صالح
سلطان بـ صوته المبحوح:أيه؟..وش فيه
منال:يوم يحترق البيت..أكيد هـ..هو يطلبني مبلغ..فـ بما اني متوظفه ودي ادفع له
سلطان وكنه يحتريني اخلص..صدق بغيت اقوم افرشه بس قلبي ماطاوعني..>>هذا اللي عاقها خخخ..:طيب؟
منال:ابيك ..اممممممم....أبيـ...احم... ابيك تـ تعلمني وينه؟
سلطان:ماله داعي خلي فلوسك لك
منال:ليييـش؟ هو يطالبني!! ووو هذا دين
سلطان وهو يلف ويتركني:انا دفعت المبلغ اللي هو يبيـه من شهرين..انتهـى الموضوع تقدرين ترتاحين
لحقته:لحظـه.."لف علي".. انا لازم ادفع.."وبـ تردد"..وفوق هذا ابي ادفع لك فلوسك اللي صرفتها علي من جيت هنا
سلطان أبتسم بـ طريقه..بس ماعجبتني الابتسامه:لو أبي منك شي كان أخذته..بس ماأبي .."اخذ نفس".....أي شي
منال:................
كمل طريقه وراح الفـله..مايبي شي؟؟.."ابتسمت بـ سخريه"..أكيد مايبي شي..واحد مثلك وظيفته حلووه اكيد مايبي شي..ولا ناقصه شي..انا استغرب ان واحد مثل سلطان ماله شركه او مؤسسه..او مدينه كامله له..لالا مملكـه ..خخخ..رقيت غرفتي انسدت نفسي مدري ليه..
انسدحت ونمت علطوول
من بكره قمت بدري عشان الحق ع الجامعه يكفي اهمال انا وذا والوجه..صدق اني ماأستحي على وجهي..متأخره..ههههه
- وين وين وين؟
منال:بسم الله الرحمن الرحيم..الجامعه
العنود:طيب افطري اول
قلت وانا اتركها:مايمدي..
العنود تمسك يدي:لحظــه!..وش يوديك انا من رآيي ومن راي امي..انك تحذفين هالترم
قلت وانا كن الفكره جازت لي:ليش؟وانا مالي رآي؟؟..هاااااااه؟..
ههههههههه وش اريكم اعرف اعصب ولالا؟
العنود: يابقره!!لان بعد اسبوعين ماينعرف وش مصيرك..وشو له جامعه خلك في وظيفتك احسن
منال:اوكي اقدم اعتذار زي مايقولون؟؟؟
العنود:هههههههه ايه
منال:اوكي احسن بعد..
"سلطآن"
قمت من طاولة الاكل..ماشبعت بس مب لازم بـروح شغلي ..ولو انه بدري بس عشان يمديني ازور سالم صديقي..الله يشفيه يارب..
طلعت من فلـتي..ناظرت شباكها الانوار مسكره..اصلاً شلون تفتحها تونا السآعه 8 الصبح..رحت لـ سيارتي اول ماشغلتها روعني صوت
"أحبك كل مافيني يحبك ياخليل البآل تخيلتك دوا............"
سكرت المسجل..افف..وش مزاجي امس يوم اسمع محمد عبدو..صدق اني رآعي مزاح كل وقت لي شي اسمع له..سكرت المسجل مره وحده..
وحركت سيارتي ويوم طلعت من الفله شفت ياسر نازل وماسكته وحده..الظاهر زوجته..
اتجهت له ماشفته من يوم عرسه..نزلت اسلم عليه
- الســلام عليكم
أبتسم ياسر..أستحت زوجته ودخلت:هلااا والله بـ سلطان..
ياحبي له..محد يقلب مودي كثره..هالرجال ربي معطيه وجه سمح يخلي اللي مايعرفه غصب يحبه..الله يهنيه بـ مرته:هلا بك اكثـر..مبروك..
ياسر:الله يبارك فيك..عقبالك
أبتسمت:سامحني ياخوي صارت لي ظروف يوم عرسك ولا قدرت احظر ولا انا لابس الثوب
ياسر أبتسم:ههههه..خسارتك والله..تبي تعوضني؟ههه
سلطان بـ تردد:لو أقدر
ياسر يمسك يد سلطان:ادخل معي اجل
أبتسم:ههه يللا خمس دقايق عشان بس لاتأخر على شغلي
ياسر:ان شالله
"الوليــد"
يالله وش جالسه تقول هذي..انا زوجهـآ عجزت تفهم هالشي..:ريم يابنت الحلال افهمـي..شلون تخلين اخوك يجيبك وزوجك جالس
ريم:طيب انا مابيك تجيبني..مابي اتعبك خلااص ياأخي
الوليد:بس والله مب حلوه في حقي تخلين محمد يجيبك وانا هنـآ..ريم عشان خاطري..ولا مالي خاطر عندك
ريم طنشت كلامه:انا قلت ان عندك شغل ضروري..وانك كنت بتجيبني هو فاهم كذا
الوليد أرخى صوته:يعنـي حابكه السآلفه؟
ريم:ايه..الحين ابي اخلي محمد يجيبني
الوليد:اللي يريحك..هذا اللي انا ابيه
ريم:اوكي دام تبي راحتي..راحتي مع محمد
الوليـد بـ هدوء:وانا؟
ريم ارتبكت..ومسكت السااعه بـ قوه:انت؟...و..وش فيك؟
الوليد:راحتك مب معي؟
ريم:لازم اسكر بــآي
الوليد يتنهد:باي
مر الوقـت ويوم جت فتحت لها الباب بـ حكم ان مامعها مفتاح..
الوليد:تو مانور البيت
دخلت وردت لي بـ همس..مدري وش تقول..بس مب مهم..دخلت البيت..واول مادخلت الغرفه قدرت ادخل قبل لاتسكر الباب..
الوليد وهو يسند كتفه ع الجدار:لي متى يعني؟..دايم محمد هو يجيبك ويوديك؟
ريم:..........
الوليد:لازم تشوفين لك حل
ريم بـ تردد:سـ...سواق؟
الوليد:بس......انتي متأكده انك مستعده تركبين مع سواق
ريم:ايه..عادي يوم كنت عند اهلي كنت اركب مع سواق..بس لازم معاي شغاله
الوليد:براحتك
مدري ليه احسها غاصبه نفسها على هالقرار..ماتبي سواق بس الظاهر ان عندها كل شي يهون ولا تركب مع الوليد..لهـ الدرجه اخوف؟.بس حبر على ورق..مانيب جايب لها سواق لو تموت..
"طـــلآل"
كنت جـآي آخذ غلا من بيت اهلها..مب بيت ابو ماجد..لا!..عمانها..من كلامها عنهم ايام الملكه ماتحبهم لان نااس على حد تعبيرها.."يقهروووون"..هههههه تذكرت ايام الملكه..
آآآآه بس..لازم تنتقم يآطلال..تنتقم لـ كرامتك..لاتسمح لـ قلبك انه يكون عائق
×
- شفت اكمل لك يامشعل..رحنـآ انا وزوجتي لـ مطعم.
قمت من عنده ولحقـني سعد..انا كاره نفسي كل ماشاف وجهي جاب طاري بطولاته وانجازاته هو وزجـته..اللي كانت بتصير زوجتي
- طلال..يابن الحلال وش فيك..خلااص هو تزوجها
لفيت له :ياأخي احبها..ماتفهم احبــها
- تؤ تؤ..ياحرآآم...لوني داري كان كنسلت الزواج..بس خســآره
طالعت في خالد..المشكلـه اني ماقدر عليه ولا والله لـ اقوم امزع وجهـه
×
غلا:السـلآم عليكم
طلال:وعليكم السلآم..عسـآك أستانستي؟
غلا تناظر من الشباك:مب احسـن من البيت
حركت ولا رديت عليها..انا وش سويت..ليه احرم نفسي..مب انت ياطلال..مب انت طلال العااقل تضيع غلا من يدك....آآآآه بس
انا الحين مثل اللي يرفس النعمـه اللي عنده..وغلا نعمــه..نعمـه بـ نظري..عوضتني عن الام والابو..عوضتني عن كل سنوات الشـقى مع مرة ابوي..
هـي كل دنيتي..وانا اضيعهـآ..أجازيها كذا؟
"من بكـــره"
طلعت من غرفتي.حابسه نفسي من العصر..جعت وعطشت.. سمعت صوت الوليد..
- حبيبتي ودي اذوق طبخك
نوف:ههههههه اخاف مايعجبك
الوليد:افاا..انا مايعجبني طبخك..أكل اصابعي وراه
نوف:والله انا فاشله بالمطبخ..أسمح لي
هونت ماأبي انزل بس..انا حابسه نفسي فوق 3 ساعات..مره جوعانه..حاولت اطلع صوت بـ جزمتـي..عشان قيس وليلى يدرون اني هنــآ
ريم:السلام عليكم
الوليد ونوف:وعليكم السـلآم
دخلت المطبخ..غرفت لي من الرز الموجود..رحت الصاله عند التلفزيون..مالي نفس بس جوعااانه...
جـآ الوليد وهو معه برتقـأله..جلس معي بالصاله بس بعيـد عني..ماأظن يعيد الكره مره ثانيه..عقب ماطحت عليه...رن جوآله بس الظاهر حطـه ع الصامت..اللي دق شخص غير مرحب فيه
- ريـم؟
ناظرته..كان ماد لي قطعة برتقآل..طالعت صحني وهزيت راسي بـ لا..:شكرا
الوليد:افاا..ترديني؟
اردك؟؟..ابتسمت له:معي رز مابعد خلصت..
قام وقرب لي..انا هنـآ بديت اخاااااااااف..أبتسم يطمني..حط البرتقال ع الصحـن ورجع جلس مكانه
- الوليد؟؟..اجيب لك موزه؟
الوليد:لا يرحم امك..شبعاااان
ماشالله متغدين ولا واحد فيهم كلف على نفسه يعزمني..انا مب ميته على اكلهم بس يحسسوني اني هنــآ..مب شغاله ولا.."ولا شي"
- الوليد حبيبي شرآيك نطلع اليوم
كلمتها ماسببت لي أي شي جواي..بس نظرتها لي..شكلها تبيني انقهـر ويؤسفني اقول..انها نجحت
الوليد:اوكي.."طالعني"..ريم تجين معنا..طلعتنا ماتكمل الا معك
تلعب علي ولا على نفسك؟؟..:لا شكـراً..وراي متحان بكره
نوف:ايه خلاص..احسـن بعد عشان اخذ راحتنا
الوليد:نوف؟
نوف:سوري قلبـي..بس انت بكره عندها..وودي نكـون انا وانت بدون احد..عشان ناخذ راحتنا
انا انقهرت من كلامها..بس اللي قهـرني اكثر..انها جلست في حظن الوليد..
قمت من مكاني وشلت صحنـي:الحمدالله..
الوليد:والبرتقـآله؟
ريم:خلهـأ لك ولـ نوف...انا شبعت
وطلعت فوق..
ويــوم جـآ وقت طلعتهم..
طلعت من غرفتي وشفت نوف تسكـر عبايتها
- هههههههههههههههه لاياقلبي انتي..ان شالله راح ادبر لنا جلسه اووكي
مسكت ملزمتي..نزلت الدرج..
نوف تكلم:اوكي مع السلآمه عمري.."تكلم ريم"...لحظــه هــييّ انتي
لفيت لها:خير؟..وش هييّ؟؟
نوف:والله عاد كيفي..المـهم
ريم:بلا المهـم بلا بطيــخ..اذا عدلتي اسلوبك معي تعالي كلميني..
نوف:نعم اختي؟؟..انتي تدرين اني صاحبة البيت..وانا الامر والناهي..فيه
بس ريم ماعطتها وجه..صحيح ريم حالتها النفسيه في الحضيض..بس مازال لسآنها طويل..:ايه صح صح
وكمـلت
- وش فيك نوف..ليه واقفه هنا؟
نوف مسويه نفسها زعلانه وتصيح:شفت ريم وش سوت قبل شوي
الوليد اللي توه طالع:ايش؟
نوف:هزئتني..وتقول انها بتطردني من هنـا ان ماعدلت اسلوبي معها..
الوليد:ليش وش قلتي لهـآ؟
نوف:ماقلت لها شي..بس هي طالعه قلت لها مو انتي عليك امتحان ذاكري وخلي اللعب انا لاني اكبر منها اعرف اكثر منها
الوليد:ماعليه ياقلبي..هي تعبانه نفسيـأً
نوف شهقت وضربت على صدرها:يعنـي هي مريضه نفسيـاً..؟؟؟؟؟؟؟؟؟
الوليد ارتبك..هو مايبي يقول لـ احد:هاه!..يعني مب مرره
في الجهه الثـآنيه احد سمع هالحوار وهو ينزل..من غيرها..طرف ثـألث وماله اهميـه في هالبيت..
ريم..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك