بداية

رواية بقول ولا تقاطعني -36

رواية بقول ولا تقاطعني - غرام

رواية بقول ولا تقاطعني -36

وراها طيحة محمد المحـآمي.. محامي الغفله..طاح ع الارض..كان المكان ظلآم..بس قدرت اشوف ظـل رجآل..الظاهر كان هنـآ وسمع كل شيالرجال:سـوآ لك شي
عدلت طرحتي اللي أنحااست :الحمدالله شـ......
الرجال قاطعني:روحي قبل لا يجي احد..
قمت ركـــض وأتجهت لـ مكـآن سيارتي..اللي كانت قريبه ..لان السواق الجبـان كان يلحقنـي بس ماسوى شي هالحقير..من قال عيال الحلال قلّــوا
"غ ــلآ"
- والله مدري وش اقولك ياغاليه..أحسـه متغير
غاليه:يعني رجع زي اول؟
غلا:ايه..انا قبل قلت انه تغير علي..بس الظاهر انه رجع مثل اول
انا ماقلت لـ غاليه انه يفكر ينتقم..بس قلت لها انه متغير..لانها حست ان ضايق صدري..وقلت لها انه متغير وبس..ماطاوعني قلبي اقولها لاني لو بقولها بتقول لازم اتطلق منه..او لازم اتركـه..وأنا ماأبي يكفـي اني شايله هالولد في بطنــي
غاليه:طيب تكشخي والبسي له..
غلا...ليتها توقف ع التكشخ والتزين..طلال يحبني بس..آآه بس..قلت من غي روعـي:راحت علي
غاليه:نعم؟
غلا:هاه...لا ولا شي..بشوف مدري
غاليه:الله يعينك يآختي

" الع ـنود "
منالوه هالقلق ادق عليها ولا ترد..وش فيها..لايكـون مااتت هههه..
رجعت ادق...أشوى هالمره ردت
منال:آلوو
العنود:هلا منال..وينك؟وش فيك؟؟؟؟..صوتك شكلك تصيحين؟؟؟..صار لك شي؟
منال:معليش..كنت ناسيه جوالي بالسياره
العنود:طيب وينك وين رحتي..تكلمــي
منال:دقايق واجي البيت واعلمك كل شي
العنود:أوووووكي
سكرت من عنــدل و..وأتصل علي المحامي..الحمار ليتني ماعطيته رقمي..بس قلت بينفعـني..جاني مسج منه
"مالك فرصه تعرفين وين اهلك الا الحين..ان ماجيتي بعد ساعه..ماراح اقولك شي عنهم..وبـ المقابل..تعطـيني الارض"
"هيفــآ"
- لاحوووول..امداك تشتـآق لي..
ماجد:وش أسوي..لازم اشــتآق لك ياقلبي..ع الاقل ارسلي لي صورتك
هيفآ:صورتي؟؟..وش تسوي بها
ماجد:اتمقل فيك
هيفا:طيب..دامك تحبني زي ماتقول ليش ماتجي تخطبني؟
ماجد ارتبك..اخطب وحده مثلك؟..:هاه..أيه ههههه..اكيد لازم بس لازم نتعرف على بعض اكثـر يمكن ربي مايكتب نصيب
هيفـا:امممممم..بس ماأقدر ارسل لك صورتي
ماجد:بـ الوسائط..دقي على 902..
هيفـآ:بقول لـ أخوي يعلمني..وأشـوف
"الوليــــد"
رجعت من شغـلي وانا مالي خلق شي ابد..ودي اروح لـ ريم..بس اليوم مب دورها اليوم دور نوف..مي مشكله اروح لـ ريم ثواني واروح لـ نوف..
دخلت عليـها..وسمعتها تكلم..:مدري ياعبير..بس انا افضحها يمكن ربي يهديها ولاأبي افضحها انا ابي ربي يستر علي اجي افضح بنات النآس؟؟................من جد..انا مارحمت الا هالمخدوع فيها.....لالا ماراح اقول مالي شغل انا..يمكن يظن اني ميـ......
سكتت يوم شفاتني
ريم:اوكي عبير...أكلمك بعدين..مع السـلآمه
الوليد وهو يتسند ع الجدار:ليش ترحميـني وتقولين اني مخدوع؟
ارتبكت:هاه......ليش مافي احد اتكلم عنه الا انت؟
الوليد:لا في غيري..بس قلت يمكنك يعني تتكلمين عني
ريم:لا... واحد ثـآني من اقاربنا
الوليد مب مصدق بس يسلك:اهــآآ..
جلست جنبها..مدري ليه ترحمـني..وليش مخدوع؟؟..
ريم:ترا اليوم دور نوف..مب انا!!!
الوليد: يعني ماتبيني؟؟؟؟...أطلع
ريم:مب كذا بس اقولك يعني
الوليد ينسـدح ويحط رآسه على رجـولها:مدري رجـولي شالتني وجابتنـي لك
خافت من حركتي..بس ياناااس عليها كرامه..منعتها تبين لي..ههههههه فديت هالكرامه وصاحبتها..
ريم:الوليد ممكن توخر..لأني بروح الحمام
الوليد يتـوآسـآ:عاد مرتااح كذا...."يتمغط".. شكلي بقـيّل يبي لك تأجلين روحة الحمام
ريم:اخااف نوف تزعل عليك..ان جلست هنا
الوليـد رفع راسه :لمـآ أكون معك لاتفكرين في نوف..
ريم:ليش؟
قمت وقربت لها..:فكـري فيني انا وبـس
ريم:بس نـ......
قاطعتها ووجهـي قريب من وجهها..حتى العطر حق الجسم اللي كانت حاطته شميت ريحته..فانيليآ!..رحلوه:أششش..بلآ نوف بلا محموده..ماعليك الا من الوليد
حسيت بـ أنفآسها تتسآرع..وقلبها يدق..كانت خاايفه مني..جلست على حيلي:ريـم؟..ليه هالخوف كله؟
ريم:ماأخآآف..انا ماخاف الا من ربي
الوليد:وآضح
ريم تجمعت دموعها:تتطـنز ؟
الوليد بـ برآءه:انا؟؟؟..لاحشـى
ريم:نوف تحتريك
الوليد:مــير عناد فيك مانيب قاايم وكل ماقلتي نوف بجلس ساعه زياده..
ريم:بس
الوليد:ترآ بزيــد سـآعه
ريم:اوكي تقدر تنوم اما انا بروح تحت
توها بتـقوم بس مسكتها..:لحظـه!!..
ناظرت فيه..:نعم
الوليد:وين بوستي؟
ريم:نعم؟؟..ايش؟؟؟؟؟؟
الوليد:ههههههههههههههههههههههه ابي بوستي يختـي
ريم:ماراح اعطيـك شي..
توني بـ وقفها..بس سمعت الجوآل يدق..طالعت
المتصل>>مريم
يآليــل الليل..وش تبي ذي..سكرت جهازي..وانسدحت!..وهي راحت

"منال"
"شهقت"- حقيـــــــر
منال تمسح دموعها وهي الى الان بـ الحوش..ولا فصخت عبايتها:بس الحمدالله ان الرجال جــآ
العنود:ولد الحلال..الله يوووووفقه وين ماراح
منال:آآآآمين!..بس المحـآمي ارسل لي مسج..يقول اذا ابي اعرف شي عن اهلي لازم أسلمه الارض
العنود:صدق صدق حقـــير لاتعطينه شي
منال:بليــز خل نروح له..
العنود:صاحيه انتي؟؟..ولامهبوله
منال:ناخذ معنا سلطان هو قال ان ماجيت..ماراح تعرفين شي عن اهلك..تكفيييييين
العنود:أووكي..بس والله مب من صالحك ان صدقتيه
منال:لا ماأصدقه هو قال يدري وين امي..بلــيز قولي لـ سلطان
اتصلت عندل وقالت لـ سلطان السـآلفه

"يــآسر"
- ياليان ياقلبتـي..وش فيك كل ذا صيااح ماصارت..
ليان:وش اسوي وانت بتروح عنــي..ماراح اشوفك
ياسر:كل يوم بدق عليك..مب كل الا كل خمس دقايق
ليان:ههههههه ياليت والله
أبتسـم ياسر ورفع يده عشان تمسكها ليان..اول مامسك يد ليان اللي يحبـها..شد عليها:ليآن لاأوصيك على نفسك..انتبهي على عمرك ياقلبي
ليان:ان شالله..بس غلطت في شي
ياسر:ايش؟
ليان:مب قلبي....قلبـتي
ياسر:هههههههه فديتك انا..ياقلبــتي
ليان:أحبــك ياياسر وربــي احبك
ياسر:بعد عمري انتي.."يقـوم"..اوكي لازم امشــي الحين..وين بوستي؟؟..ولا والله لـ أقعد والزق في هالكرسي ومايحركني شي..
ليآن:هههههههههههههههههههههه ابشــر..ابوسك زي ذاك اليوم
ياسر:عشان تنكسر رقبتي.."أبتسـم وهو يميل شفته اللي احلوت مع الندبه الشبيهه بـ الغمزه اللي فـ الذقن"...بس تفدااك..
ليآن تاخذ راسه لانه اطول منها..وتبووسه بس مب قويه زي هذيك..
ياسر:ههههههه والله بـ فقد هالتوبيس هناك..
ليآن بـ دلع:احسـن محد قال لك ماتحجز لي معك
ياسر: هههه الجيآت اكثر..ونروح في ضروف احسن من هذي
ليان:ان شالله


"منـــآل"
اول ماصلنــا اناوعندل عند المحامي....المكـآن تحيط به الشرطه..مادريت ان سلطان بيسوي كذا..كان سلطان عنده..هـو ورجآل مدري منهوو
- الاخت منال الـ"فلآني"
لفيت وطالعت رجال..معه سلطان..
منال:أيـ..."بلعت ريقي"...أيه
سلطان:منال!..هو بس بيسألك كم سؤال..
هزيت رآسي..:أن...ان شالله
بعد كم تحقيق معي..وانا اتنافض..طلعت اللي في قلبي..وقلت انه وداني استراحه..
يــسسسس..يآخي سلطان هذا عليه حركات..كيف ماجـأ على بآلي اقول لـ الشرطه.. الخوف احيآنا يخلي الواحد مايفكـر
أول ماطلعنـآ برآ المبنـى..كنا انا وعندل وسلطان ورجآل اعطيه نص الـ 30
قلت وانا امسك عبرتي: وش عرفـتوا..هو يقول يعرف امي
سلطان:أيه..امك متزوجه كويتي وعايشه بالكويت..وهذا.."أشر برآسه على الرجال الواقف"..اخو زوج امك يشتغل هنا في الرياض
طاحت دمعتي وقلت بـ صوت متقطع:يـ..يعني امي عاايشه
سلطان ابتسم:ايه
منال:صدق؟؟.."لفيت لـ عندل"..امي عاايشه ياعنوود.."ضحكت وانا ابكي"..امي حيــه..عندي ام انا مب يتيمه عنوووووووووود!!!
ضمتــني عنود..:ربي عطاك على قد نيتك...تستــآهلين ياقلبي وربي تستــآهلين
بكيت في حضن العنود..تعرفون الحين وش احســه فيه؟؟..شعور محد يقدر يوصفه
تعرفون شعور لما اعيش طفولتي ومرآهقتي من غير ام..الام تحتـأجها كل بنت..تنصحها وترشدها ..الحين لقـيته بعد ماضيعته 18 سنه وأكـثر..
آآآآآآآآآآآآآآآآه شكـراً ياربي..ياربي نعمك على لاتعد ولا تحصـى يااااااربي لو اجلس طول عمري وانا سااجده لك ماراح اوفـي لو ربع اللي اهديتني ايااه..وكل شي اعطيته لي
تعرفوون شعور لمـآ تدعون ربكم دعـآء ويُستجاب؟؟..تحسـين نفسك صغييييييره..انا كذا..دايم ادعي بـ الاهل والحين صـآروا عندي..


"غ ــلآ"

أتصلت بـ طلال..كان ودي اطنش بس ماطاوعني قلبي..بس القهـر ان جواله مسكـر
×
×
كنت منسدح ع الكرسي وانا لا ليلـي ليل..ولانهـآري نهآر..حياتي فوق تحت..حتى انا فوق تحت..مثل المجنــون وصـحي..مثل الطفـل وكبــر..اول مره احس بالندم مظبووط
في مثـل يقول..راحت السكـره وجت الفكـره..الظاهر ينطبق علي..لاني كنت مثـل السكرآن..بس وش يرقع فعلــتي..وش يرقع سوااد وجهــي...
قمت على حيلي..وكان قدامي كاس مويه..شربت منه ..وسندت ظهري ع الكنب..ماأتوقع غلا تسامحني..
طلال الــلي قبل لا يقدم على أي شي..يفكر الف مرره..يسوي فكره مجنوونه كذا..انا اعترف حبيتهاا..ولين الحين احبهاا..وماخطبتها الا عشان ابوها..بس خرب كل شي..يوم دريت ان خالد صديقي ايام الثنوي والجامعه يصير لها..ولد خالتها..ووأخوها من الرضاعه..ومن كلامه يوم المجلس ان اغلى البشر عنده غلا..
حبيت اوريه كيف لمـآ تحرق قلب شخص..عن طريق اغلى نآسه..ولـ الاسف..هدمت بيتي.. وخربت علاقتي مع زوجتي..واللي يخليني صغير في عين نفسي..انها ماكآفأتني بـ المثل..ولا من قوة الوجه مبسووط اناوجهـي ومستغل حبهــآ
هي ماقصرت عن بـ شي لاقبل ولا بعد..كل حقوقـي معطيتني اياهاا..وأولها الاحترآم..صدق غلا جوهره..واحد مثلي مايصلح يمتكلها...
بس وش اسوي لاصرت طماع وودي املك هالجوهره وأموت قهر ان شفتها بـ يد احد غيري..
أبي ارجع اعتذر..بس ماأبي ارجـع..لان مالي وجــه
آآآه بس يااارب سـآمحني

"منـــآل"
ماقدرت انوم ابد..حتى الجلسه ماأقدر اجلس احس اني مرتبشه..لو اجلس احس المكان اللي انا جالسه فيه يحترق...لالا..كن احد ماخذني وراجني.. ووووه بس صار عندي ام ودي اشوفها..تشبـه لي..ولالا؟
تعرف تتكلم عربي ولالا؟؟..خخخخخ اظن لهجتـها كويتـيه..عادي لو تتكلم اندنوسي.. مايهمني اتعلم عشانها..بس بقولها اول..ليش تركتني لحالي..كل هالوقت.. كان ودي انها تكون جنبـي في كل أوقاتي الحلوه قبل الشيـنه..هههههه بوريـها شهادتي..اكيد بتفررح لما تدري اني ماخذه 99..اممممممممم.وش بعد..مدري..كنت من الصبح محظره كلااام بقوله لهاا..
أخذت سجادتي..وصليت ركعة شكر لـ ربي..لـ المره الرابعه هههههه..دعيت ربي انه يسهل لي امري..يجمـع شملي بـ أمي في اقرب وقت
×
×
- ههههههههههههههه بتفقدينها؟
العنود:مرررررررره صارت جزء منـّآ..وحده من العايله
سلطان:الله يوفقها ويوفق الجميـع..هي مصيرها تروح عننـآ..
العنود:وانت الصادق..الا صح انت تقول تبيني في موضوع
سلطان :ايه ..
العنود:.......
سلطان:اخذت رقم أخو زوج امها..أسمه جاسم..يقولي انه بيروح لـ الكويت عشان يقول لـ ام منال الخبر بـ نفسه
العنود:أممممممم...تحسهم طيبين وعيال حلآل؟اخاف ما...
سلطان قاطعها:مانقدر نحكم!..بس يقولي ان مرة اخوه قد مره تكلمت عن بنت لها..وانها فقدتها قبل حول الـ 14 سنه..
العنود:يعني ام منال مابعدت عنها عن اهمآل؟
سلطان:لا ماأظن..هو قال اكيد بتفرح بـ بنتها اللي انحرمت منها..هو قال انحرمت يعني اكيد هي مالها ذنب يمكن ابو منال هو من حرمها من بنتها
العنود:طيب متـى بـ تجي؟
سلطان:عملـي علمك..هو يقول بيقولها اول مايوصل الكويت؟
العنود:طيب متى بيمشـي؟
سلطان:مـشى والظاهر وصل
العنود:ان شالله اجل تدري قرررررريب..."تنهدت بـ سعاده"..جاك الفرج يامنال..

"ريــم"
توني طالعه من المحاظره وانا معصصصبه وضايق صدري..ليش؟؟..لان الوليد هو اللي بيمرني.. افف والله قهـر هالانسان احسه مستهين فيني..صحيح كل بنت تحب انها تحس نفسها محط الاهتمام..واحسه احيانا يكن لي لو شوية حب..شوي بس..يعني معاملته لي وطريقته معي تثبت هالشي..اممممممممم
وش هالحكي ياريم..مالقيتي الا الوليد؟؟..هو يحب نوف..وهالشي مايخفـى عليك وانتي مجهزه نفسك نفسيـاً لـ هالشي..
بس خسااره ودي احس بـ أهتمامه أتجاهي..اني اشغل لو حيز بسيط من تفكـيره..شعور حلو لمـآ تحسين ان واحد من عيال آدم يحبـك
رن الجوال..هذا الوليد..طلعت له وركبت
الوليد وهو ينزل ناظرته:هلا والله بـ ريموو تو ماورت السياره
شديت قبضتي على شنطتي:...........
الوليد وهو يحرك:الا طالعه بدري وش عندك؟
ريم:مافي محاظرات..جايه اغير جوو

وانا صادقه..ناظرته بشوف ردة فعله بس ماعلق..فصح نظارته وبانت عيونه اللي توترني...وعض على طرف النظاره..:اممممممممممممممم.."شال النظاره عن فمه"..وش رآيك نفطر..تراني جاااايع ولا أكلت
ريم:لا الحمدالله..انا شبعاانه
الوليد:أفــآآآ..تردين عزيمتي..ترا مايرد الكريم الا الئيـم
قلت اغير السآلفه:الحين نوف متى تطلع؟
الوليد:تونــآ..."يطالع ساعته"..12 ونص تقول
ريم:اهاا
الوليد:انتي ليش كل ماشفتي وجهي سألتيني عنها..
ريم:مدري..أخاف تتزاعلون بـ سببي..
مارد..بس حسيت بـ حرار بـ يدي..طالعت كان ماسكها..وكأن احد حاارقها لي..حاولت ابعدها بس مافي امل..كان ماسكها بـ قوه..شوي و ارخـى قبضته بس ماشلت يدي..رفعها وطبع عليها بووسه هاديه..وتـــرتني..خلت قلبي يضرب طبوووول..حسيت ان الدم كله تجمع في وجهي..سحبت يدي وضميتها لي بـ اجرااااااااح
الوليد:ممكن أسألك سؤال؟
ريم:ايش؟
الوليد:وش مشاعرك أتجااهي؟
ريم :يهمك الجواب؟
الوليد بـ صدق:أكيد يهمنــي
ريم تطالع الشارع:صدقني...ماتبي تعرف
رحنا لـ مطعم وجبات سريعه وطلب له هو لحاله ماأخفي عليكم حسيت بـ تأنيب الضمير..بس ماأبي اكل..ع الاقل معه..
وأحنـآ بـ الطريق رن جواله..بس حطه ع الصامت..الحين هذا وش فيه..
وصلنـآ البيت
-ريم
طالعت فيه:نعم؟
الوليد:انا بروح مشوار صغير..نص ساعه ساعه بـ الكثير واجي..اوكي؟
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -