رواية بقول ولا تقاطعني -37


رواية بقول ولا تقاطعني - غرام

رواية بقول ولا تقاطعني -37

هزيت رآسي..وهـو رآح

انا رقيت فوق..اول مادخلت الجناح اللي مفتاحه مع الوليد..اخذت لي بيجاما حرير ودخلت الحمام عشان آخذ شاور و اللبس..لان بصراحه بعد ذاك اليوم مقدر البس فـ الغرفه
يوم خلصت..اخذت وقـتي..اخذ الكريمات والعطوات واللوشنات كلها اللي كانت على رف بـ الحمام..وحطيتها..مبسووطه ان الوليد مب فيه واقدر آخذ راحتي..يوم طلعت لقيـتته جالس ع السرير
- ترآ مايحتاج تقفلين على نفسك لما تلبسين
ريم:احتيـاط
الوليد بـ جديه:ريــــم...أفهمـي..انا مب السواق عشام تجلسين تخافين مني كل دقيقه وثانيه
ريم تجمعت دموعها..بس بلعتها:بس انا مـ..ماأخاف منك ولا من غيرك
الوليد:انتي الظاهر تخافين من نفسك مب مني
ريم:كيف يعني اخاف من نفسي
الوليد:تقدرين تانظرين نفسك بـ المرآيه؟
ريم:وش هالسؤال...أكيد اقدر
الوليد بـ نبره:لا..ماأقصد كذا..اقصد تقدرين تطالعين جسمك
ريم فهمت عليه..وجهها صار آللوان..قالت:انا بنـزل تحت
الوليد:ريم!..دامك تحسين ان انا من سبب لهالعقده..فـ أعرفي ان لا محمد ولا دكتور نفسي بيفكها..لآن انا اللي بفكها
ريم:وليش تفكها خلاااص..هي عاشت معي...انا عاجبني الوضع
قآم وهي خافت..بس ماتحرك..كان بعيد عنها شوي..:انتي مثل اللي حابس نفسه..وتخافين تطلعين برآ
ريم مسحت دموعها ماتحب تجيب هـ الطاري قدام الوليد..بس هو يعرف شلون يفتحه ولا تقدر تقول له لا : لان جـوا آآمن لي...ترا يقولون من خاف سلم
الوليد:طيب يمكن بـرآ أحلى؟؟..انتي ماجربتي
ريم:ولاأبي اجرب خلاااص..
الوليد:انتي زي ماقلت لك حابسه نفسك..وحاميه نفسك بـ جدارن وبيجي اليوم اللي تبين تطلعين...بس بتصدمين في الجدارن اللي بانيتها حولك..صدقيني..حطي يدك في يدي..وانا مستعد اساعدك.."أبتسم"..ولا راح اتخلـى عنك
ريم بـ انفعال بس صوت واطي:بس مااااابي اروح دكتور نفسي انا مب مجنووووونه
الوليد يأشر على نفسه:يعني انا جبت طاري الدكتور النفسي؟
ريم :لا..بس
الوليد:لا بس ولا شي..عطيني فرصـه انتي وكل شي بيصير تمـآم
ريم:...................
الوليد قـرب خطوه لها بس هي بعدت خطوتـين...تنهد:طيب ليه الخوف؟؟..قد ضربـتك؟
ريم:ايه
الوليد عارف وش نوع الضربه اللي تقصدها:طيب انــسي انا الحين شخص ثاني..بعدين لاتحاسبني على شي سويته وانا مرآهق..
ريم:....
قربت لها..وهي رجعت..تنهدت..افف منها مب راضيه تسـتوعب ان مافي شي يخووف..

بعدت عنه وانا احس جسمي يقشـعر..انا ماأخاف منه لاني احسه يضرني..بس هو أسمه رجال..يعني شي يسبب لـي خوف ورعب..
من يحسب نفسه يطالعني كذا ويتكلم معي كذا...الظاهر يحسبني مثل نوف..واني بـ كلمه وكلمتيـن بيجيبنـي..وبياكل عقلي..
الوليد يبتسم بـ مرح:ريم ..وش رآيك ننزل تحت نتمشـى فالحوش
ريم:مالي خلق
تقدم لها بسرررعه ومسك يدها وجررها..:امشــي الجو بدا يبرد..اكيد بيصير الجو حلوو فـ النهار

مشيت معه غصب..من خلال جسلتـي مع الوليد مايقارب شهر..عرفت انه عنيد وان بغآ شي لازم يسويه..الله يسـتر مايبغـى اكثر وأكثر لأني مقدر أسااعده

وقف قدام باب الفله..:هاه كيف؟؟..
طالعت الحوش مع الحديقه وفي نافوره صغير..اكذب لو اقول منظر مب حلوو لاني ماكلفت نفسي اطلع الحوش ابد..وهذي اول مره انزل الحوش:...حلو
طالع فيني وشد على يدي:عيـونك الحلوووه
مدري ليه لمست اهانه في كلمته..حسيته ياكل بـ عقلي حلاوه زي مايقولون..المشكله ان هالكلام يعجبني بس مآأبي أرخص نفسي..ماأبيه اعطيه مني
الوليد:وين رحتي؟
ريم:مارحت..
الوليد بـ صوت دافي:ودي اقولك كلمه حلوه و وتبتسمين تستحيــن..زي الافـلام خخ
أستغرب من نفسه..هو بـ نفسه يقول مايحب البنت اللي تستحي..ليش الحين يحس انه ينتظر من ريم تستحي..
ريم:كلامك الحلو قـله لـ نوف

"ليــآن"
- ومتى بيرجع زوجك ليان؟
أبتسمت ليان لـ بنت خالتها:مدري والله بس متى ماخلص شغله رجع
بنت خالتها:اممم طيب ليش مايجرب يسوي العمليه..يمكن تنجح
أتسعت ابتسامة ليان..هو راح عشان يسوي العمليه..بس وصآني ماأقول لـ احد..كيف اقولها..:هه جاري الاقنـآع
ابتسمت:ان شالله يقتنـع

- الا ليآن..وش اخبار زوجك الاعمـى؟

طالعت في خالتي بدريه..افف منها..تقهرني وربي لولا العقل والحيـآ كان قمت وكبيت الشاهي عليها..وخوف من ربي:الحمدالله
بنت خالتي ردت رد..ووووه ياناس يلوموني فيها:خالتي ليش تقولين اعمى؟؟..كم عندها من زوج هي؟ انتي قولي زوجك وهي بتعرف من تقصدين
بدريه:بس هوو اعمـى..."طالعتني"..ولا انا غلطانه ياليـآن؟
ليان:لا..العمـى عمى القلب
طالعتني ولا درة..بس الظاهر مب مقتنعه بـ كلامي..مب مهم..ياسر عندي بـ الدينا..لوه مشووه مايهمني..انا ماأكذب ان اول شي شدني له شكله..بس شكله معد يهمنـي .. دامه طيب وحنون..والاهم يحبنــي

تكلمت وحد فـ المجلس:رجل ليان عميان؟
بدريه :ايه
بنت بدريه:تخيلي ياخاله..عنده فلووس..ولو تشوفينه ماشالله كنـه امير رزه طول وجمال..واخلاق الكل يمدحـه بس صدق لين قالوا..الزين مايكمل
ليـان:الكمـال لـ الله بعدين انا راضيه
ضحكت وحده فـ المجلس:وافق شنن طبقـه
صدق وقحـه وماتربت..بس ماعلي انا بعامل ربي..وبسكت
رن جوالي...أبتسمت قبل لا اشوف من المتصل لانه قايل انه بيدق
المتصل>>دنيتـي كلها

قمت وطلعت برآ
ليان:هلاوالله وغلا
ياسر:هلاوالله ليوونه اخبارك ياقلبي
ليان:الحمدالله انت شلونك..
ياسر:والله! ..تمام الحمدالله
ليان:ههه شكلك طفشت وانت لسى بـ البدايه .. يللا مابقـى شي
ياسر:على قولك..مابقى ونوصل الماينا..بس حبيت اطتمن عليك
ليان:انتوا وينكم
ياسر:نزلنا مطار..مدري أي مطار والله..عبدالمجيد اول ماوصلنا راح الحمام وانا دقيت عليك..بس بنجلس هنا كم ساعه وثم ننطلق
ليان:الله يسهـل..
ياسر:هاه كيف حياة بدوني؟
ليان:هههه شينــــه مرررره..
ياسر بجديه:ليـآن بطلب منك طلبين
ليان:آمرني
ياسر:الأول..لاتعلقين آمال على سفرتي يمكن ارجع لك اعمـى
ليان:ماهمني..رحمة ربك وااسعه..وانا املي بـ الله كبير..واذا مقدر لك تعيش اعمـى..ماهمني اهم شي بذلنا السبب
ياسر أبتسم كل يوم يحبها اكثر وأكثر..وتكبر في عينه:ليآن احبك
ليان:هههه وهذا انت ان خانك الكلام تقول احبك
ياسر:وش اسوي انا كذا ربي خلقنـي غبي..ولآأعرف اعبر
ليان:فديتك وفديت غباءك
ياسر:ياحبي لك بس..والطلب الثآني..ابيك نتبهـين على نفسك..وتدعين لي..واذا صار مني شي او بيصير.. سامحيني
ليان:ياسر..بديت اخاف ترا..وش فيك حاس بـ شي؟
ياسر أبتسم:لا..ماحسيت بـ شي..هو شي واحد بس
ليان:ايش؟؟..
ياسر:احس ودي اشوفك
ليان:ياســر..لاتلعب بـ اعصابي
ياسر:ليان ودي اعرف..صدق تحبيني ولا؟
ليان:ياسر هذا سؤال...
ياسر:جاوبي طيب
ليان:امووت فيك
ياسر تنهد بـ رآحه:اهم شي عندي..
ليان:ياسر
ياسر:نعم
ليان:فيك شي؟
ياسر:لا مافيني..."بـ همس"..هذا مجيد جا..تبين شي؟
ليان:سلامتك..انتبـه على نفسك
ياسر:ان شالله..بـآي

"هيفــآ"

نزلت الدرج وانا اقرآ وحده من مسجات ماجد..وه بس محد يحبي ويقدرني كثره..شفت امي وامل عزوز اخوي جالسين..يـ هالامل هذي مسويه مثاليه ..تقهرني..
- هيفـآ..على وفقتك..روحي شوفي خوله وش تسـوي

هيفا:ان شالله
طلعت برآ..ولقيت خوله تلعب بسـآره حقت الباربي..طلعت الكوره..اكيد لين الحين يرسل ولد الجيران..ههه
ماراح ارد عليه لعب عيال هوو..صدق ماينعـون وجه أشكاله..>>لقت ماجد عافت ولد الجيران :s

دخلت..وأول مادخت سألتني امي:وينها؟
هيفآ:تلعب
عزوز:هالبنت ماتتعب
ام عبدالعزيز:لا اله الا الله
عبدالعزيز:هههههههههههههههههههه
امل:هههههه
هيفـآ:الا عزوز..كيف افتح الوسـآئط؟
عزوز:ووشو له؟
هيفآ:بس ودي اتراسل مع صديقاتي..صور وغيره
امل تستهبل:لالا..رسايل الوسائط تكلف
هيفآ:ليش عمتي..بتدفعين شي من جيبك؟
امل:لا بس من جيب ابوي
هيفا:دامه مب من جيبك اسكتــي
عزوز:تبين افتحها لك؟
هيفا تمد جوالها لـ عزوز:ايه والله

"العنـود"

طلعت من غرفتي بعد ماطفشت من النت..اففف كل شي يبعث على الطفش هههه..وش رايكم بـ يبعث..حلوه صح
مدري وش بـسوي اذا راحت منال..يمكن تروح بكـره او بعده..يوم دخلت عليها قبل ساعه تقريباً لينها مجهزه شنطه..خسـآره بفقدها..رحت طلعت برا الفله..ورحت فلة سلطان..اول مادخلت لقيته جالس يطالع التلفزيون..ههه يشوف آدم اللي في ام بي سي
- وش عندك تطالع آدم؟
طالعنـي:مدري ..شدتنـي الحلقه..
جلست جنبـه..بس الظاهر تفكيره مب مع الحلقه..لا مب مع الدنيــآ ابد
شكل كل واحد عنده شي يفكر فيه
مسكت يده ..:سلطوني وش فيك؟
سلطان:سالم
انبسطت انه تجاوب معي..العاده يقول مافي شي..ولا يستغـبي:وش فيه
سلطان:حالته كل يوم تزيد..
العنود:هو كذا مرض فجأه؟
سلطان:لا..هو من الاول تعبآن..بس زادت حالته..ومن أسبوع وهو في العنايه
العنود:الله يشفيــه..
سلطان من قلب:آآآمين يارب


×|آلفصـل التــاسع عشـر|×

"يآمن وداعه لي مثـل نزعة الروح"


يوم جديد..بـ بدآ فيها حيــآة جديده..طلعت من الغـرفه ولقيت عندل متجهة لي
العنود:زين قمتـي..توني جايه بـ قومك
منال:ليش؟
العنود:مادوامتي؟
منال:ايه اخذت اجازه..المهم عندل وش تبين لاتلعبين بـ اعصابي
العنود:ههههه طيب طيب..امم اخو زوج امك اللي اسمه جاسم تعرفينه
مرره فررحت ..شي عن امي:ايووه وش فيه
العنود:دق على سلطان يقول انه الحين بالطريق
أبنسسسسسسسسسسطت مررره مرره مرره..ينااس امي بشووفها..

منال:بالطريق لـ الرياض؟
العنود:هههههه والله انك حبيـّبه..لا بالطريق لـ هنا.."وهي تأشر بيدها"..يلله يللله بسسسسسرعه روحي اللبسي..الحين امك تشوفك كذا شينه ولاتاخذك
منال:هههههههههههههههههههه.."نطيت لـ غرفتي"..دقاااااااااااااااااااااايق


دخلت غرفتي واخذت لي لبــس..أحلى لبس شريته كان عباره عن فستآن اسود قصير تحت الركبه..فكيت شعري وخليته على طبيعته وانا احس بـ معدتي تتقلص..واحس الارض صايره صغيره وضيقه ولا تشيلنـي

طلعت من غرفتي وجلالي معاي..وانا اسمع عندل وسلطان ..
عندل:بليــز أي شي الثـلاجه فاضيه .. لو عصير .. خبرك رحمه هالتكروني مايدبر شي
سلطان يجلس على الكنب:طيب اكتبي اللي تبين ..
عندل:اووووكي بشوف المطبخ و ش مافيه واقوولك
سكــر عيونه:طيب
تغطيت بـ جلالي .. وجيت بنزل بس سمعته ينادي:منال؟
وقفت مكاني.. لفيت له وانا احس اني خايفه ..لان طريقته وهو يقول من "منال"..ماتبشر بـ خير:نــعم
سلطان بـ شوية عصبيه :الحين انا ابي اعرف!!..انتي شلون تروحين مكان مثل كذا مع الســواق لـ حالك
منال:انا...."سكتت"
قـام وهالشي خووفني:انتي أمــانه عندي..ومب عشان يوم عرفتي ان ماعندك اهل صار ماوراك رجـال؟..
منال:طيب..انا كنت وقتها اللي اعرفه ان ماوراي اهل..ع الاقل اتطمن ان عندي حلال
سلطان:مب عـــذر!!..الحين انا مالي كلمه عليك .. امك وعايشه بس لـ مصلحتك يعني..لعد تسوينها مره ثانيه ..بعدين انا موجود كانك تبين تتطمنين على حلالك منيب غاشك انا
منال عصبت منه :انت الحين من تحسب نفسك؟؟..ترا انا مب عندل..وانت مو ابــوي
عصب:هــذا الجـزا؟؟؟؟؟.تدرين ؟؟..الشرهه علـي..مضيع وقتي مع بزر..
ورآآح


سمعت الجرس ومعها وجهي صاار احمــر من الروعه والخوف..صكتني الوسآوس..لو طلعت ماتحبني..لالا يامنال..وش ماتحبك لو ماتحبك كان جت ركض عشانك
نزلت تحت بـ رجل ترتجت

- يـآ الله ان تحييها..شلونك ياأم منال..
سمعت صوت يجنن:الله يحييج..الحمدالله بخير

نزلت تحت شفت وحده لابسه عبايه ومتحجبه..معطيتني ظهرها..كانت اطول مني ونحيفـه شوي..صدق فرنسـيه..شكلها صغير اصـلاً.. ام عبدالله كانت تناظرني..وهالشي خلآ "أمي" تلتفت..آآلله ياحلووها من كلمه..
- منـآل؟
مدري وش هالبرود اللي جآني..مب برود بس مدري وشو..ودي اصيح بس..مافي دموع..تقدمت لي وهي فاتحه يدينها..انا ماتحركت اول ماأتسقرت رجلي ع الارض وانا واقفه..ركبي مب راضيه تتحرك...أمـــــــــي احب هالكلمه
جتنـي وضمتني..بس انا لاتعليــق حاليـاً..طول عمري ماأعرف اعبر
وقالت وهي تصيح:يمه منال....صج اللي انا اشوفه..انتي بنتي منال..
طالعت فيني وهي تبعد شعري عن وجهي وكأنه تبي تشوف كل شبر منه..:كبرتي والله..الله يرحم اوبوج!..منال يمـه اشتقت لج واااايد
وجلست تبكي..انا غصب عني من غير مقدمات دموعي انفجرت.."بنتي منال"..آآآه ياقلبي..كل اللي جـوآي راح..ذكريات تمـر!!.. عمي ...مرة عمي..هيفا وعبير..سلطان وعندل وام عبدالله..كل شي..كل أيآمي اللي أحتجت صدر امي فيه مرت على بالي..هذا انا.. منال اخيراً حصلت على هالحضن..حـضن امهاا..
لفيت يدي حولها وأخيراً...:يمـه ليش تركتيني..ليش؟؟..انا احتااجك..أحتجتك
لاانا ولا هي قدرنا نتكلم احياناً السكـوت هو اللغه اللي نقدر نعبـر فيها..
امـي اللي اجهل اسمها:آسفه يمه آآسفه يامنال..ماراح اتركج مره ثانيه..

"هيفـــآ"
- يعنـي بقدر اشوف صورك؟
هيفـآ:ايه بس بذمتك ترا..اول ماتشوفها تمسحها اوكي
ماجد:ليش عاد؟
هيفآ:بس..أخاف تطيح بـ يد واحد من اخوياك
ماجد:فااا..اخليها في قلبي..ماتطيح بـ يد احد.."بـ رومنسيه"..اخاف يدري ان القمـر عندي
هيفا:ههههه اومـآ قمـر..
ماجد:ليش عاد انتي بـ عيوني قمر...ألمهم متى بترسلين لي الصور؟
هيفا:اول ماأصور
ماجد:ليش مالك صور جاهزه؟
هيقا:كلهم كنت بزر ولا في زواجات ومعاي احد
ماجد:اهاا..أوكي ننتظر

"غــلآ"
مسكت بطني..عضيت شفايفي..والله بطنـي يعوورني كثيييير..آآآه ياربي مب وجع حمـل مدري وشو..رحت الحمام كم مره..سويت لي كمـون..بس مااش..جلست على الكرسي..بس مااااافي ..يوجعـني !!!..اخذت جوالي وضغطت اخر رقم اتصلت عليه.....................مقفل
طالعت منهوو..طلال!
مامنك فاايده ..ابــــد شلوون حبيتك..والمصيبه اني لين الحين احبك..اخذت الجوال ودقيت على ماجد
ماجد:هلاااااا
غلا:مجود انت فاضي
ماجد:ايه ليه؟
غلا:اممممممممم بطني يعورني ودي توديني المستشفـى
ماجد:الحين انا بسألك منهو رجلك انا ولاطلال
غلا:ماجدووه!..اقول تعال
ماجد:لاحوول..طآآيب

لازاد فيـني الحزن

يتبع ,,,,
👇👇👇
أحدث أقدم