رواية بين ثنايا الايام -56
ما ابي منك ولا مسج
انا زعلان وما راح يرضيني الا شي واحد
كتبت له
مابيرضيك الا شي واحد ؟
اقول قلبي لا تجلس تلمح
مستحيل يصير اللي في بالك
لو ما احبك كان حتى مسجات ماشفت مني
رد علي
اصلاً صوتك سمعته في المستشفى تذكرين ؟
رديت عليه
طيب وبعدين يعني مابروح الجامعه
رد علي
لا حبيبتي روحي الجامعه .. بس قوليلي متى اخطبك
والله هنوفه طفشتيني .. كل يوم تقولين لي بعدين بعدين
صرت شايب وانتي للحين بعدين بعدين
حرام عليك
رديت عليه
فارس بعدين نتكلم في هالموضوع
انا تأخرت لازم اروح .. o.k
اخذت شنطتي والعبايه .. الا واسمع صوت المسج
عادي مسافة الطريق طويله شوي
وانتي في السياره اكتبيلي مسجات
انا صاحي من الصبح عشان اسولف معك
مو عشان تطنشيني وتروحين
ترا مابخليك تروحين الجامعه
بأختصار هذا اللي صار لي في الثلاث الاشهر اللي راحت
ريوم طلعت بالصدفه تدرس الطب معي .. وفارس خلاها تصير صديقتي .. يعني صداقه بالغصب ههههههههههههه .. صرنا انا وريوم نكلم بعض في التلفون .. وفارس اخذ رقم جوالي من عندها بدون ماتدري .. وصار يدق علي بس انا ما ارد عليه .. بعدين صار يكتب لي مسجات يقول لي فيها انه فارس .. مارديت الا على مسج واحد .. ومن بعدها حسيت اني ما اقدر ماارد عليه .. وهذا اول مسج ارد عليه ... لحظه ادوره وين راح المسج ايه هذا هو
السلام عليكم
اخبارك ؟ ان شاء الله بخير
الهنوف انا ابيك في موضوع ضروري
يخصنا حنا الاثنين
لازم تردين علي .. طيب
وانا رديت عليه وقلت له وش الموضوع .. طلع مافيه موضوع ولاشي .. كان يبيني بس ارد عليه .. الحين حنا متواصلين بالمسجات ومانكلم بعض .. ولا افكر بهذا الشي
صحيح فارس ماحبني الا يوم شافني بالمستشفى .. بس انا حبيته من اول يوم شفته فيه
** رهــف **
كنت في محل لملابس الاطفال .. اخذ ملابس للبيبي اللي بيجي في الطريق
مشعل : ناخذ الابيض ولا البيج
قلت : مشعل بس اخذنا كثير والله ماراح يلبسهم .. امي قالت لي لا اخذ ملابس كثير لان البيبي يكبر بسرعه
قال وهو يشوف الملابس بتركيز : لالا ماعليك ولدنا مابيكبر بسرعه
قلت : بسم الله عليه وعلى عمره
ضحك وقال لي : عادي قلبي اول مولود ومن حقنا ندلعه
تخصرت رغد وقالت : نعم .. وانا وين رحت
مسكت يد رغد وقلت : رغوده حبيبتي امشي بس ناخذ لنا ايس كريم .. ابوك بيطفشنا
قالت : ايه والله .. يللا نروح
قال : وين بتروحون وتخلوني .. بروح معكم
رفعت يدي وقلت : كفك رغوده خليناه يجي غصب
ضحكت رغد وقالت : ايه اصلاً كلامنا هو اللي يمشي
مسك اصبع يدي وقربه من فمه
قلت له بخوف : لالا مشعل لا تعض اصبعي حرام عليك
قال : وليه حرام ؟
قلت : يضر بصحة البيبي
قالت رغوده : ايه صحيح بيضر بصحة اخوي
ضحك مشعل وقال : آآخ منكم يا بنات حواء .. عليكم نصب مو طبيعي على اقل شي قالت لي صحة البيبي وصحة البيبي ههههههههههه .. فديتك انتي والبيبي .. بس عقاب لك بعضك
عضني بقووه .. وجلست اصارخ واضحك في نفس الوقت
........... هذي التطورات اللي صارت في حياتي في الثلاث الاشهر .......
** نجود **
’’ يوسف قلت لك الف مره الا مكان شغلي لا تجيه .. ماتفهم انت ’’
يوسف : لا ما افهم فهميني
قلت : الله يخليك يوسف روح .. ما ابي العالم تتكلم علي
قال لي : بس انا احبك
قلت : وانا اكرهك
قال بجديه : والله العظيم احبك .. وانا صايم ماراح اكذب
ناظرت في الساعه وقلت : اعتقد رمضان خلص
قال : وانا ما اعتقد ان الناس تعرف اذا رمضان خلص اولا من الساعه هههههههههه
صدق انا غبيه وشوله اناظر في الساعه ؟؟
جيت برقع فقلت : انا قصدي اذا رمــــ.......
قاطعني وقال : يعني مايصير نصوم تطوع وتقرب الى الله
قلت : الحمد الله .. اول مره اشوف واحد مثلك يصوم تطوع
مرت وحده من زميلاتي في الشغل وقالت : هلا نجود وش فيك واقفه برا
يمه منها وشلون عرفتني وانا مغطيه وجهي
قلت : هلا والله .. بس بعطي اخوي شي وبدخل
قالت بصوت خفيف : هذا اخوك نايف
على طول قلت : ايه
لفت عليه وقالت : السلام عليكم
قال بأبتسامه : وعليكم السلام
بعد ماسلمت راحت .. ناظرت في يوسف من تحت لفوق وقلت : والله زمن هالاشكال تتقارن بأخوي الغالي نايف
ورحت اركض داخل
يوسف اخو رهف صار له اكثر من ثلاث اشهر يركض وراي .. وش يبي مني ؟ مدري .. اكيد تقولون وش فيها هذي تسولف معه وعادي .. وش اسويله اذا هو مثل القرد وين ما اروح اشوفه .. واصلاً مل من صوتي ياكثر مايسمعه .. يدق على بيتنا بسالفه وبدون سالفه .. كله مني عطيته وجه من البدايه لو انا مطنشته ازين لي
اول كنت احسبه صديق نايف .. بس مره رهف راحت بيت اهلها .. ودقيت عليها هناك وهو اللي ردعلي .. وقال لي انه اخوها .. ماتوقعت اخو رهف كذا .. احس اخوها محمد زوج الريم غير .. واذا كان مثله فألله يعين الريم
يتبع ....
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك