رواية بين ثنايا الايام -64

رواية بين ثنايا الايام - غرام

رواية بين ثنايا الايام -64


’’ ساعه تجيب الدجاج والله لو مخلي الشغاله ابرك ’’

ضحكت بصوت عالي على كلام مشعل وقلت : انا مو من النوع اللي اروح واجي .. يا اروح يا اجي .. وانا رحت وما كنت بجي بس خفت اورطكم

** مشعل **

ضحكت على كلام نايف ولفيت وراي .. ادور رهف بعيوني .. لقيتها تسولف مع نجود
اشرت لها بيدي ماشافتني .. ناديت على وليد

جاني بسرعه : نعم ؟

قلت : نعم الله عليك .. قل آمر .. قل سم .. وشو نعم ؟

قال : ان شاء الله

اشرت بيدي وقلت : المهم .. رح قل لزوجتي رهف تجيني عند المطبخ

هز راسه وراح جهتها

رحت وقفت عند المطبخ انتظرها .. شفتها تتجه ناحيتي وهي مبتسمه ابتسامتها الحلوه

بصراحه .. احس ابتسامتها تسحرني .. معقوله ماكنت الاحظ ان ابتسامتها حلوه هالكثر ؟

وقفت بجنبي وقالت : نعم ؟

عقدت حواجبي : وشو نعم بعد انتي الثانيه !!

فتحت عيونها وقالت : انا الثانيه ؟

قلت : لا ولا شي

قالت بعناد : الا فيه شي قول

قلت : ماراح اقول

قالت : لا راح تقول

قلت وانا فيني الضحكه بس ماابي اضحك : رهـف وش فيك ؟

تكتفت وقالت : انا زعلانه ؟

قلت لها : جد جد انتي زعلانه ؟

قالت : ايه زعلانه

قلت لها : ادخلي المطبخ

قالت مستغربه : وش دخل المطبخ الحين ؟

اشرت لها بيدي .. يعني ادخلي

دخلت وهي للحين مستغربه ومو فاهمه شي

قلت لها : كم جدار تشوفين ؟

قالت وهي على نياتها : 4

قلت وانا متوقع انها تعصب وتنفعل : اختاري واحد وطقي راسك فيه

حطت يدها على راسها وقالت بتفكير : محتاره بصراحه .. مشعل .. ساعدني في الاختيار

قلت : اما اساعدك ههههههههههههههههههههههههههههه

دفتني وقالت : الشرهه علي انا اللي خليت البنات وجيتك

مسكت ذقنها ولفيت وجهها علي .. قلت لها بصوت هادي : زعلانه قلبي ؟

انصبغ وجهها باللون الاحمر .. رجعت قلت لها : زعلانه ؟

هزت راسهها بأيه

طبعت بوسه على خدها وقلت لها : فديتك لا تزعلين امزح معك

بعد فتره طويله .. قالت لي وهي منزله راسها : لا ما .. ايه .. هههه .. عادي

بعدت عنها وفطست ضحك .. قلت لها : وش فيك رهوفتي قمتي تخربطين

قالت وهي طالعه : ولا شي بروح لنجود خليتها لحالها

وراحت تركض قلت بصوت عالي : رهــــــوفــــــــه تــــــعالـــــي عـــــــــاد

بس مثل ماتوقعت ههههههههههههههههههه طنشتني


شقة محمد .. الساعه 11:00 مساءً


** محمد **

جالس في المطبخ اشرب كابتشينو .. ماكنت اشربه بس احرك الملعقه فيه

ريوم نامت وانا ماجاني نوم .. احس ايامنا الجايه انا والريم كلها نفس بعض .. مابيصير فيها شي جديد .. هذا انا مثل يوم كنت في بيت ابوي .. اصحى الصبح اروح الدوام ارجع اتغدا اشوف التلفزيون اطلع مع اخوياي وانام .. احس تفكيري متناقض .. يوم اقول حياتي كلها صارت غير مع الريم .. ويوم اقول حياتي نفسها .. والله ماخلاني اناقض افكاري الا سالفة العيال .. كنت ناوي اذا صار عندنا عيال اطلع من الشقه واخذ بيت .. بس الحين ليه اخذ بيت ؟ .. الشقه مكفيتنا انا والريم .. كثير اشياء في بالي كنت بسويها .. والحين ما اقدر .. كنت في البيت بسوي غرفة الولد كانها بحر جدرانها كلها سمك وقواقع واللون الازرق لانه اكيد بيطلع على ابوه يحب البحر .. والبنت بتطلع على امها تحب اللون الوردي والورود والفراشات وهالحركات يعني نخلي غرفتها كلها ورديه .. ويتهاوشون ولدي يقول لبنتي غرفتك اكبر وبنتي تقول له غرفتك احلى .. والريم تقول لي شوف ولدك يهاوش بنتي .. ما اقدر عليه

وانا اقول لها بنتك هي اللي بدت .. والبيت يصير كله حركه .. او ارجع من الدوام وانا حامل معي العاب وحلاوه لهم

او اقول للريم خلينا نطلع نتغدا برا .. وهي تقول لي لا ماعندي وقت بلبس الولد وبأكله خليها مره ثانيه

ابي احس ان فيه شي يشغلنا في هالبيت .. مو هالحياه الميته .. كأنا في ابها شهر العسل .. نروح نتعشا ونتمشا ونرجع ننام وهذي حالتنا


غرفة فارس .. الساعه :1:00 صباحاً



** فارس **

كنت حاط راسي على المخده بنام .. بس مااقدر انام بدون ما اكتب لهنوفتي شي .. تتوقعون صاحيه ؟

كتبت لها



اكتبني في حياتك محب
مجنون مامل اشتياقه..
ماعرف وشلون يقرأ
الحب اويكتب غرامه.
أرسمني صورة الولهان
بالوان الطفوله ..
تجرحه كلمه وتجيبه
ابتسامه..
مغرم فيك لورفض
يبدي غرامه.
تفضحه نظره
ومقصدها
اهتمامه ..
-- احبــــك مــــوت --

شوي واسمع صوت المسج .. من سمعته ابتسمت وفتحته


بكره بدخل المستشفى
بسوي عمليه
في صدري



بس لا يدري احد

o.k


عدلت جلستي .. وقريت المسج اكثر من مره .. بدون ما احس دقيت عليها .. بس على طول الغيت الاتصال .. الحين كيف بيجيني نوم والهنوف بتسوي عمليه بكرا .. وليه ماقالت لي الا اليوم .. عمليه عاد .. كذا فجأه

كتبت لها مسج


هنوفتي وقفتي قلبي وش فيك ؟

عملية وشو بالضبط

قولي لي خوفتيني عليك


انتظرت شوي بس مالقيت رد

فكتبت مسج ثاني


هنوفتي ردي علي

انا جالس على اعصابي


يوم ما وصلني مسج منها كنت بكسر الجوال

وكتبت مسج ثالث


بسرعه ردي

حتى لو انتي مو بخير الحين

اكتبيلي كلمه

قلبي تكفين .. الله يخليك طمنيني


من كتبت المسج وانا جالس على السرير واحرك رجلي بعصبيه

سمعت صوت المسج .. جيت ابي افتحه .. من شدة التوتر طاح الجوال من عندي .. اخذته

وفتحت المسج


ههههههههه يابعد هالكون كمل المسج


عقدت حواجبي .. ورجعت للمسج اللي كتبته قبل شوي



بكره بدخل المستشفى
بسوي عمليه
في صدري

بس لا يدري احد

o.k

يتبع ,,,,
👇👇👇
أحدث أقدم