رواية بين ثنايا الايام -75


رواية بين ثنايا الايام - غرام


رواية بين ثنايا الايام -75


قدامه .. ما اخذك

مسكت شعري بقوه وقالت : نايف بياخذني وبيكسرعيونك .. لانه قال لي انه يحبني ويموت فيني

ضحكت وقلت : في الحلم قالك .. ياحبيبتي نايف يحب .. ودام انه يحب بياخذ اللي بيحبها

قلت هالكلام ورحت اركض فوق .. انا قلت كذا عشان اقهرها .. مثل ماهي قهرتني وحرقت قلبي على فارس .. يعني خلاص مابتزوج فارس .. بأي حكم ؟ وش هالبيت الظالم

مسكت الجوال و كتبت رساله لفارس اخبره فيها ان اهلي ما وافقوا .. وكتبت له الاسباب

طبعاً حالته كانت اعضم من حالتي .. وطول الليل مانمنا .. نكتب مسجات نواسي بعضنا



** حنان **

صحيت الصبح موعد روحة نايف الدوام .. وانا مقرره اكلمه .. لازم اكلمه واريح نفسي
انتوا عطوني رايكم .. نايف يحب او لا ؟


اخذت التلفون لغرفتي .. دقيت بسرعه على بيتهم

ردت علي الخدامه

قلت لها : نادي لي نايف بسرعه

قالت : ان شاء الله

بعد 5 دقايق جا نايف قال : الوو نعم

قلت بصوت كله حزن وهم : نايف انا حنان

قال متفاجأ : حنان .. تبين نجود ؟

قلت : لا ابي اكلمك

قال : تكلميني بوشو .. اعتقد مابينا كلام .. لان كلامي اخر مره كان واضح

سويت نفسي ابكي وقلت : بس جاوب على سؤالي

قال : اسألي لان مره مشغول

قلت : تحبها ؟

سكت شوي بعدين قال : وش عرفك ؟

قلت : جاوب على سؤالي

قال : مو مجبور اجاوب على شي

قلت : جاوب الله يخليك .. نايف تبيني اترجاك بترجاك

قال بجديه : بجاوب .. بس توعديني اذا جاوبت .. تتركيني في حالي .. وتشوفين طريقك في مكان ثاني ؟

قلت على طول : اوعدك

قال : ايه احبها

انا سؤالي هذا كان اختبار اذا كان يحب اولا .. طلع يحب غيري ؟ .. الحين ابي اعرف هو من يحب

قلت بضيق : ومن متى

قال : من اول يوم شفتها فيه بالبيت

قلت مستغربه : بالبيت ؟؟

قال : ايه مو رهف تعيش معنا بالبيت

قلت بصوت عالي واشمأزاز : رهــــــــــف ؟

قال : ايه موانا اللي احبها هي رهف زوجة اخوي مشعل

قلت بصراخ : هذي الحقيره ماتناسبك .. انا اللي اناسبك .. انا اللي من مستواك

قال : رهف احسن مني ومنك

قلت : لالا اكيد انا احلم .. اكيد انت تمزح .. ماشفت الا ’’ بقرف ’’ رهف .. والله الشغاله ابرك منها .. ان شاء الله تموت .. ان شاء الله ماتتوفق لا في دنيا ولا في اخره .. جعلها الـ

قاطعني وقال بحده : لا تدعين عليها .. لانك تدعين علي

قلت بصوت عالي وبديت ابكي من جد : انت وشلون ترضى على نفسك تحب زوجة اخوك .. ماتحبك ولا بتتزوجها

قال : انا ادري مابتزوجها ولا بتحبني .. بس انا ما ابي وحده بعدها .. يكفيني انها ساكنه قلبي .. يللا فمان الله

قفل في وجهي وانا للحين اصرخ : الله ياخذها .. اكرهها .. حقيره .. وش معنى هي .. انا احلى واحسن منها ’’ وبكيت بصوت عالي كأني طفله ’’

جات امي لي تركض وتقول : وش فيك يابنتي تبكين وتصارخين

قلت بأنفعال والدموع تطيح على وجهي : لحد يكلمني .. رحوا عني .. ’’ شديت شعري ’’
ما ابي اشوف احد .. بذبحها


السياره .. الساعه 8:00 صباحاً

** نايف **

انا ادري انها ماتدري عن شي .. وجالسه تختبرني .. لاني ماقلت لأحد عن حبي لرهف .. ولا بينت لأحد .. بس اعترفت لها .. عشان احط لها حد .. وانهي اللي بيني وبينها .. وش بيني وبينها اصلاً .. هي اللي خربت على نفسها .. انا من اول يوم شفتها فيه .. يوم تسوي انها احترقت من الشاهي .. والشاهي اساساً كان بارد ما حبيتها .. حسيت انها خبيثه .. عكس الهنوف طيبه وعلى نياتها .. احسها تشبه لرهف في اشياء كثير .. انا مدري كيف نجود تحب حنان .. وتجلس معها
انا حتى وجهها ما احب اشوفه

وصلت الشركه نزلت من السياره ودخلت .. رحت لعند المكاتب شفت فيصل طالع من مكتب .. وفي يده اوراق كثير .. قلت : فيصل .. فيصل

قال : هلا نايف صباح الخير

قلت : صباح النور .. تعال بقولك

قال وهو يمشي ويأشر بيده : بعدين نايف .. انا مشغول

قلت له : بتروح معنا البحر اولا

قال : يمكن اروح .. بتطلعون بدري من الدوام

قلت له : ايه

قال : طيب افكر من الحين لبعدين .. يللا بمشي

من يصدق ان هذا اللي كان يجي متأخر ويعدل شماغه عند الباب بكل روقان .. صحيح الزمن يتغير .. كل ماكبرنا حسينا بالمسأوليه اكثر


بيت مشعل .. الساعه : 1:00 مساءً

** ام مشعل **

’’ حياكم الله تفضلوا .. تو مانور البيت ’’

كانت ام فيصل وبناتها جاين لنا .. والغريب ان العاده يجون لنا يوم الخميس .. صحيح ان حنان تجي لنا اوقات لحالها .. على العموم انا فرحت بجيتهم

جلسنا كلنا في مجلس الحريم .. بس نجود اخذت الهنوف وركبت معاها فوق الغرفه .. شوي وقالت حنان بتروح لهم

يوم بقينا انا وام فيصل لحالنا في المجلس

قالت لي : قربي ام مشعل بنشدك بشي

قلت : سمي يا الغاليه

قالت وهي تاشر بيدها يمين وشمال : رهف زوجة ولدك مشعل .. عليها حركات

قلت : حركات مثل وشو ؟

قالت : ماتحسين انها تتلصق شوي بنايف

قلت بجديه : شوفي يا ام فيصل .. انا ما ارضى على رهف مثلها مثل نجود .. هي حسبت بنتي

قالت : لا يا ام مشعل فتحي عقلك ..مافيه بنت ما تبي المال وشباب .. وهي لقت هالشي في نايف .. ولاحظت انها تدور عليه .. من واجبي اخبرك

قلت بهدوء مع ان الموضوع مو عاجبني : ولدي مشعل عنده المال والشباب .. واحسن رجال في الديره كلها .. ورهف مره عاقله وتفهم في الاصول .. انتي يا ام فيصل تزعليني بكلامك

من قلت كذا سكتت .. حسبي الله عليك يا ام فيصل .. الحين رهف الهاديه العاقله .. تلف على نايف ؟؟



** الهنوف **

كانت نجود تقول لي كل اللي صار بينها وبين فيصل .. وانها تبي احد يوقف معاها

قلت لها : واخو رهف من متى يطرد وراك

قالت : من زمان

قلت لها : بس تصدقين .. كله منك

قالت : هنوفه لا تزيديني .. اللي فيني كافيني

قلت : وش معنى انا اللي قلتي لي بالسالفه ؟

قالت : رهف مستحيل اقول لها لانه اخوها .. وحنان...


سكتت .. قلت لها : كملي

قالت بتفكير : مدري بس مو مرتاحه لها هالايام .. انتي غير قلبك مفتوح للكل

قلت : طيب .. انتي تحبين فيصل ؟

قالت بسرعه : لا طبعاً .. بس ترضين ان بندر او نايف او سلطان او أي واحد في العايله .. انه ياخذ فكره غلط عنك ؟

قلت : اهااا .. فهمتك

مسكت يدي وقالت وهي عاقده حواجبها : هنوفه وش اسوي الحين

قلت لها : انا عندي حل بس يمكن ماتوافقين

قالت : بوافق على كل شي .. بس انتي قولي

قلت : تعالي معي البيت

اشرت بيدها وقالت : لالا .. مستحيل اروح .. هو الغلطان مفروض يجي يعتذر مني في بيتي .. لانه صرخ علي واهاني .. مو انا اروح له

قلت : اجل خلك في بيتكم .. ومابيجي لك مستحيل .. يا الخبله فيصل يحسبك تكلمين شباب

سكتت وناظرت في صبوعها اللي جالسه تلعب فيهم .. بعدين قالت : خلاص اذا بغيتوا ترجعون برجع معكم .. بس ان شاء الله يسمعني وما انزل نفسي له على الفاضي

االجامعه .. الساعه :1:00 مساءً

** الريم **

طلعت من القسم ..ورحت جلست على طاوله من الطاولات .. حطيت راسي على الطاوله
وانا افكر بحياتي مع محمد .. ماحسيت الا بيد على كتفي .. رفعت راسي لقيت اسرار .. والله انك جيتي بوقتك يا اسرار .. محتاجه اسولف مع احد

جلست وقالت لي : وش فيك ريوم حبيبتي

قلت لها : آآه وش اللي مافيني

قالت : متهاوشه مع زوجك

قلت : ياليت اتهاوش معه .. على الاقل بنسولف مع بعض .. بس لا هو يكلمني ولا انا اكلمه .. خلاص مل مني

قالت : لا تقولين كذا .. انتي اكسبيه مره ثانيه .. سوي اشياء جديده في البيت .. اقترحي عليه انكم تطلعون مع بعض .. جربي اطبخي مثلاًً

قلت : بس انا اطبخ

قالت : لا اطبخي له شي يحبه .. سولفي له عن دراستك للطب .. لان الطب شي جديد عليه .. بيجلس يسمع لك .. اسأليه عن احواله في الشغل

قلت : من اساله عن شي يقول لي الحمد الله

قالت : ولو .. حسسيه انك مهتمه فيه

حطيت يدي على يدها وقلت : ان شاء الله .. ومشكوره على كل شي ســ......

قاطعتني وقالت : لا تشكريني على شي .. الاخت مالها الا اختها .. صح ولا انا غلطانه

قلت لها : لا مو غلطانه

قالت : يللا نطلع سوا .....

.
.

رجعت البيت وطبخت الغدا .. جهزت كل شي وسويت لمحمد اشياء يحبها

على الساعه 3 تقريباً وصل

فتح الباب .. وسلم .. رديت السلام وقلت له : كيف حال الشغل اليوم

قال : الحمد الله

ودخل الغرفه يبدل .. سمعته يناديني .. رحت على طول وقلت : هلا حبيبي امر

قال : الغدا جاهز ؟

قلت : ايه جاهز

طلعنا مع بعض .. وجلسنا على الطاوله نتغدا .. خلص وقال : الحمد الله

قلت : اعجبك ؟

قال : ايه

ضايقني بروده .. وانقهرت اني لازم اسولف معه ولا هو مايسولف .. قلت له : محمد مايصير كذا

وقف عند باب الغرفه وقال : وش اللي مايصير ؟

قلت : من اول ماتغدينا للحين ماقلت لي ولا كلمه

قال : وش تبيني اقولك يعني

قلت بضيق : أي شي

قال : الريم .. انتي تبيني طول الوقت اقولك ياحياتي احبك واموت فيك .. وانا رجال مشغول ماعندي وقت لهالسوالف والخرابيط

قلت : لا انا ماقلت


يتبع ,,,,
👇👇👇
أحدث أقدم