بداية

رواية تعبت اشكي -7

رواية تعبت اشكي - غرام

رواية تعبت اشكي -7

روابي أي والله صادقه تـأخروا
أم متعب دق عليهم فهد شوف وين هم...
فهد لايمه توني داق على لافي وقال هم في الطريق..
أم متعب زين أشوه
متعب ريحي أعصابك يالغلا مسافة الطريق وبيجون.....
شوي الا وهم واصلين طلعوا العيال من الصاله عشان يستقبلون الرجال
في المجلس
وبعد السلام والترحيب الطويل جلسوا الحريم في الصاله
هيفاء بنات عطوني عباياتكم مااحد داخل الصاله لاتخافون..
وعطوها البنات العبايات وكلن أنهبل على شكل حنين ولبسها
أم متعب ياحليلك ياحنين حلويتي مره
حنين تسلمين ياخالتي عيونك الحلوه
أم متعب روابي صبي قهوه
روابي انشاء الله يمه
طبعا كانت الأجواء في المجلس كانت ربشه مره ووناسه كلن يسولف
من جهه ويضحك ويتذكرون مواقفهم اللي تضحك يوم هما صغار
هيفاء وينكم يالقاطعين ماتسئلون ولا شي ...
العنود الحين حنا صرنا قاطعين وال أنت اللي ماكلفت على عمرك حتى
تمسكين سماعة التليفون
هيفاء عاد تكفين أنت اللي مره مقطعه التليفون من كثر اتصالاتك!!
روابي خلاص لاانتي ولا هي أنا اللي قاطعه..
هيفاء صحيح ريم أنت أي صف؟؟
العنود شفتــوا وتقول بعد أنا حنا مقاطعينها على الأقل ياحبيبتي حنا
نعرف أنا
أنت في الجامعه مش أنت ...عفاناالله
ريم يمه منك خليني أتكلم كلتي البنت .....
الله يسلمك أنا في ثاني ثانوي علمي
روابي يالله عاد شدوا حليكم علمي يبيله وحده بس تأكل الكتب أكل
ودائما تكون متابعه مع معلمتها
العنود الله يعين
شوي ودق جوال العنودوماحست الا الدنيا تدور فيها لأن كان
المتصل...............
تتوقعون مين اللي دق على حنين؟؟
وش بيصير في بيت بو متعب من أحداث؟؟؟

الجزء السابع

يـاويلـي ياويـلـي وش أسوي؟؟ مافي الا أقول لـ حنين
العنود حنين حنين
حنين هلا
العنود ..........
حنين وش فيك يالعنود؟ليش مارديتي على التليفون
العنود بألم تدرين مين المتصل ؟؟؟
حنين لا طبعا
العنود حنين أبـ ـوي اللي داق ابوي ياحنين
حنين لا حرام عليك لاتقولين ....أكيد تضحكين
وقطع عليهم صوت رنة التليفون
في هاللحظه تأكدت حنين أنها صدق ابوها
روابي العنود ردي على التليفون!!
حنين لا..........خليه أنا اللي برد.........
وقامت حنين من مكانها وراحت شوي بعيد عشان ماأحد
يسمعها..........
حنين الـ ـو هـ ـلا يبـ ـه
بوحنين الله يأخذك يابنت الكلب وينكم فيه؟؟
حنين بألم حنا بيت خالتي فاطمه.......
بو حنين وباعلى صوته الحين يازفته تجين البيت بســرعه
وقفل السماعه بوجهها................


في هذه اللحظه أخنقتني العبره......
ماني مصدقه هذاأبــوي !! معقـوله!!وين اللي يقول الأب حب
.. وين اللي يقول الأب رعايه.. وين اللي يقول الأب اهتمام
..أمـان..حنان..
وين مشاعر الأبوه الفطريه...
ياناس قولوا لي في أحد يكرهه عياله!! في أحد يتمنى الشر
لهم!! في أبو بهالدنيا وده يحول حياة عياله الى جحيم!! في أبو
يتلذذ بعذاب عياله!!
ليه كل مره نحاول ننسى الأحزان يجي أحد يكدر علينا؟؟؟
أحنا ايش سوينا؟؟ أي جرم أرتكبنا؟؟مين المظلوم ؟؟ ومين
الظالم؟؟مين اللي لازم نحاكمه؟؟ليه يادنيا ليه؟؟....
ماعلى الدنيا عتب..........
كل مافيها أمانــي..
فوق ملتاع ..الهـدب..
أكتـب أحسـاسي أغاني.....
كل ماشفتـك أحن..للصفاء وأجمل وفاء..
يامركب من سهر..يامجاديف القدر....
يابحر موجه عبوس..فيك اتبعني السفر..
كل ماترسي بمينا..أقول تاني..
وأثرها غضب علينا...لعبـه يلعبـها زمـانـي........

شسوي أروح البيت وأشوف أيش يبي والا أجلس ولا كأن شي
صار
بس أنا أعرف أبوي متهور ويسوي أي شي...
ياربــي أرحمني..
لالالالالا لازم أروح وبأسرع وقت بس منوا اللي يوديني ؟؟؟
بس بدون محد يدري... أطلع وأجر تاكسي...
لا صعبه جدا خصوصا أن كلا بيحس
طيب يوديني لافي بس أعرف لافي اذا قلت له بيعلم خالـي
وبتستوي خناقه كبيره أحنا في غنى عنها
يارب ثبتـني....وبهالحظه نزلت دمعه من عيونها خلالالاص
مش قادره أستحمل الوضع اللي أنا محطوطه فيه...
وماأحد حس فيها غير العنود وروابي وعلى طول راحوا لـحنين
روابي حنين ايش فيه !!ليه تصيحين!!
حنين ماقدرت تغبي الموضوع أكثر من كذه لا زم أحد يساعدها
وقالت لهم كل السالفه بالتفصيل
وخلاص انفجرت من كثرالبكي
العنود طيب ايش نسوي ؟
حنين وهي لازالت تصيح مدري يالعنود مدري
روابي طيب أنا عندي فكره بخلي أخوي متعب يودينا لأنه نقدر
نوثق فيه في هذه المواقف شرايك؟؟؟؟؟
حنين لالا فشيله ماأقدر
العنود حنين تكفين وافقي ماعندنا الا هذا الحل تكفيـن
وبعد اصرار روابي والعنود وافقت حنين
حنين اسمعي اذا أمي سألت عني قولي لها أن في وحده جايه
تأخذ أوراق الأمتحان ومره مهمه انا ماأقدر أقول لها لأن بتشك
فيني أوكــي..
العنود طيب يلا روحوا مافي وقت ..
روابي يالله أن بدق على متعب انتظريني هنا
حنين طيب يلا بسرعه
روابي هلا متعب
متعب هلا حبيبتي
روابي طلبتك طلبه قول تم
متعب تم ياقلبي قولي
روابي أول اطلع بره المجلس
متعب حاضرين دقايق
وفعلا طلع بره المجلس
متعب شفيك خوفتيني!!
وقالت له روابي كل السالفه
متعب اسغفرالله العظيم ماأني مصدق أن في أبو بهذه الوحشيه
روابي المهم ماعلينا بسرعه خلينا نطلع قبل مايصير أي شيّ!!
متعب طيب بستأذن منهم وأنتو جهزوا وبدق عليك أوكـي يلا
مع السلامه
روابي مع السلامه
وراحت لـحنين عشان تطمنها
حنين ها شقال أكيد ماوافق!!
روابي لا حرام عليك دقايق ونروح بروح أجيب العبايات
ودق عليهم متعب وقالهم أطلعوا وركبوا السياره

أم حنين العنود تعالي
وقامت العنود من عند البنات
العنود هلا يمه بغيتي شي
أم حنين بصوت واطي وين حنين؟؟
العنودبارتباك أممم راحت البيت علشان في بنت تبي تأخذ أوراق
الأمتحان وهذه الأوراق مره مره مهمه
أم حنين مين اللي راحت معه
العنود واحد من عيال خالتي فاطمه
أم حنين بعصبيه وهذه الأوراق ماتتأجل لبكره فشلتونا قدام
الرجال الحين ايش بيقول عنا هو وخالتي حسابكم بعدين في
البيت..
المهم كلن عرف بالسالفه الوهميه وأم متعب أنتقدت كثيير حنين
لأنها طلعت من البيت عشان سبب تافه طبعا بنظرها سبب تافه
لأنها ماعاشت المأساه اللي عيشتها حنين................
مسكينه ياحنين من وين تلقينها والا من وين؟؟؟؟؟
نرجع للمهم
في سيارة متعب
طبعا ماأبي أقولكم عن احراج حنين الكبير وهي في السياره
عيونها مانزلتها من الأرض وكانـــت تصيــح بصمـــت
ماتبي أحد يسمعها
وكل مره تلفتت روابي للسيت الوراني وكل مـا تلفتت تشوف
حنين بنفس الوضعيه..........
روابي حنين
رفعت راسها حنين كأنها تقولها نعم
روابي فيك شي؟؟
اكتفت حنين بأنها تهز راسهالـ روابي بـ لا يعني انها مافيها
شي
كل هذا يصير ومتعب ساكت ماتكلم عشان مايبي يحسس حنين
بالأحراج
وأخيرا وصلو البيت
روابي حنين ننتظرك في السياره طيب حبيبتي...
وعلى طول نزلت حنين من السياره متوجهه للبيت
أول ماطلعت من السياره لقيت باب بيتنا مفتوح كله.........
يعني
الحوش من بره ينشاف عاادي عند أبوي الباب مفتوح والا
مسكر حتى لو دخل حرامي البيت عااادي جدا
مشيت بخطوات سريعه للبيت وأول مادخلت سميت بسم الله
فتحت الباب الداخلي وبعدها دخلت الصاله
مالقيت أحد........................
ويــن أبوي؟؟؟
بعدها سمعت صوت في غرفة أمـي أكيد هذا أبوي ودخلت
الغرفه وأول ماشافني أبوي ....
تتوقعون أيش سوى ؟؟

عطاني طراق في وجهــي من قوته طحت على الأرض

تدرون ليه عطاني طراق ؟؟؟

بو حنين ليه تأخرتي وأنا جالس ساعه أنطرك زي الحمار
((غبي )الأعتراف بالحق فضيله)
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -