رواية برد وجفا ونسمة هوى -81
ابتسام ارتاحت يعني وصلت..الحمدلله على السلامه..
الوليد الله يسلمك..انا واصل من امس الفجر..كم الساعه اللحين..!
ابتسام والله اللي اعرفه انه توقيتنا يختلف عن توقيتكم..
ناظر الوليد الساعه وكانت على وحده الا ربع..انفجع..كل هذا نامه..محاظرته كلها راحت عليه..بس ماتحسف كثير..
ابتسام وين رحت..!!
الوليد هذاني معاك..وسمع صوت باب يتسكر ..اقولك يالله بسكر..سلمي على ابوي لاتنسين وحبي عزيز..
ابتسام اصلا مين قال لك اني بظل اكلمك تبي تخسرني..
الوليد عليك بخل ماشفته طول عمري..!
ابتسام هههههههههه اموح وربي..
الوليد ايه يصير خير..يالله سلام..
ابتسام مع السلامه..
قام الوليد من سريره وعلى طول توضا وصلى..وبعد ماخلص طلع للصاله وشاف فطور على الطاوله وتوه يحس بالجوع..جلس على الكرسي وشاف ثامر يطلع من المطبخ وبأايده صحون وجلس قباله..
ثامر صح النوم..متى صحيت..!
الوليد ماانتظر ثامر وظل ياكل قبل شوي..رحت الجامعه..
ثامر لاطبعا..ماانتبهت للوقت..وانت الله يهديك ماظبطت الساعه..
الوليد احلف انت بس..لاتحطها علي..
ثامر ههههههههه صدتني..مو مشكله..احنا من زمان ماغبنا..ومافي محاظرات كثيره اليوم..
الوليد لاتحط اعذار..احنا غلطانين..
ثامر اكل بس اكل..تعال وش جدولك اليوم..
الوليد خلنا افطر اللحين وبعدين اقولك..
ثامر اوكــي..
لاحظت الفرق الكبير..يوم سافرت بليلة زواجها وهاليله..كانت متشوقه ومتلهفه للعالم اللي بتكون فيه مع تركي..كانت تتوقع الحب..والأحلام..والسعاده..والرومانسيه
ويوم رجعت من السفر..تغيرت نظرتها للحياه..من اول ماعتبت رجلها ارض الرياض حست بالخوف من المجهول..من كثر فاجاعتها بتركي..نست انه في حياه جديده بتبدأ بعيد عن اهلها وحبايبها.كيف بتتأقلم مع الوضع..!وكيف بتعيش معاه وهي تعرف ماضيه الأسود..وين الأحلام..!وين الأمال..وين الجنه اللي كانت تتوقعها..!كلها اوهــام..اوهــام اختقلتها مع شخص مايستاهل الحب..!وصلوا فلتهم الجديد ولأنها نادر ماتجي بيت عمها توقعت انه هذا بيت اهله لكن صدمها يوم قال لها وهم يدخلون من الباب الرئيسي
تركي حياك بيتك..اكيد بيعجبك..!وفتح الأنوار
غلا صدمتها بالبيت امنعتها من السؤال عن اهله..وظلت تتامل الصاله..
واكثر شي شدها بالصاله الأنارت الملونه اللي تتدلى من السقف وكانها فانوس ..وكان شكلها مذهل وتناسق مع الأُثاث اللي يغلب عليه اللون الحلبي.. كانت مفتوحه على جلسه شعبيه..ومطبخ واضح من بعيد انه من الطراز الأمريكي...والدرج كان صغير بزاويه قريبه من الجلسه الشعبيه..وواضح من شكله وصغره انه مقسم الدور الأرضي الى طابقين..بس كانت الحركه حلوه..واللي ماينتبه يحس انه دور ثاني..
جلس على الكنب وقال لها بعد ماأخذ نفس شرايك..!
قطع عليها تأملها وارتعبت من صوته اللي جاي بوسط الهدوء ورمشت عيونها
ابتسم تركي على حركتها..وتهلل وجهه..
لها ايام ماشافات ابتسامته..حتى نست شكلها..وهي بدون مقاومه ابتسمت..
قام من الكنب..ومسك ايدها وفرجها على باقي البيت..لمن وصلوا غرفة النوم اللي محتله اغلب الدور الثاني..ولمن شافت الغرفه تيقنت انه مافي احلى من ذوقه..الغرفه كانت مثل الصاله بالأضات اللي تتدلى من السقف لكن هالمره الأضاءات انقصرت على لونين الأصفر والذهبي على نفس ديكور الغرفه..لكن اللي فعلا جعل الأبتسامه تكبر بشفايفها.. السرير..
السرير كان دائري وكبير وطويل..وينصعد له بدرجتين..
وبدون شعور لقت الحروف تطلع منها مالقيت اكبر منه..
ابتسم تركي لأبتسامتها لو لقيت كان شريته..
غلا اتسعت عيونها جد..!!
تركي انتبه لعيونها كان يعتبرها بحر ووده لو يغوص فيها اكيد..
وعم الهدوء بينهم..تركي مسك تلفونه وطلع..وهي حست غبيه يوم سألته..
غلا وين..!
استغرب تركي.اول مره تسأله هالسؤال ولا مكان..
غلا انحرجت تساله مره ثانيه لكنها تكلمت وهي منزله عيونها طيب ممكن تجيب الشنط..ابي اتروش..
عطاها ظهره..وطلع..وهي عصبت من حركته.."ياربي,,كثير شايف نفسه" قامت وفصخت عباتها وعلقتها..وكلها دقايق ولقت الشنط قبالها
تركي لاتطولين لأني بتروش..وطلع مره ثانيه.
تروشت ولبست بيجامه بلونها المفضل ألأحمر..وظلت تنتظره .. وبعد طول انتظار نزلت تحت..ونفس ماتوقعت ماشافته وعرفت انه اكيد طلع..جلست على السرير وغطت نفسها من البرد وهي تحبس دموعها..حتى بهالليله بيتركها..! حست بالوحشه بهالمكان الجديد..الى متى بظل استحمل.!يارب ارحمني..
فكرت انها تكلم اهلها وتطمهن انها وصلت..
دقت على تلفون البيت وردت فجر ..غلا من اول ماسمعت صوتها حست بشوق كبير لأختها..حست بغصه بحلقها..
تكلمت بصوت رقيق وحزين فجــور..انا غلا..
فجر كانت توها بتنام وبتطلع لغرفتها لكنه سمعت صوت التلفون ورجعت الصاله وماصدقت يوم سمعت صوت اختها الدلوعه حبيبتي غلا..شخبارك..وحشتيني..
مسحت غلا دموعها..صايره كثير حساسه هألأيام وعلى أي حاجه تنزل دموعها وانا بعد..والله لكم وحشه كبيره..فجر انا بالرياض تونا راجعين..
فجر صحيح رجعتوا...الحمدلله على السلامه ياقلبي..احنا انتظرنا اتصال منكم لكن ماتوقعنا تتاخرون برحلتكم.
ظلت غلا تكلم فجر نص ساعه وكانت تتمنى تكلم اهلا لكنهم نيام..سكرت منها وحست بشوي راحه...مافي احلى من الأمان بوسط اهلك واحبابك..
نامت غلا من التعب وبعيونها دمعه حايره..وخلاص تعودت على تركي وعدم مسؤليته..
طلع الوليد وثامر من السفاره..وجلس على عتبة الدرج..مو قادر يتحرك اكثر..
ثامر جلس جنبه وربت على كتفه وش قلنا احنا..ماأبي اشوف الياأس بعيونك..
الوليد كان يفكر ومركز عيونه بالفراق اللي قباله غصبن عني يااخوي...غصبن عني..احس اني ادور على غدير بوسط صحراء..احس اني تايه ضايع مو عارف وين طريقي..
ثامر ليش تفكيرك كذا..انت حطيت اسمه ومعلومات عنه..وهم يتكفلون بالباقي..
الوليد ابتسم بسخريه على قولتك بيتكفلون بالباقي..يمكن شهر..سنه..الله العالم..!
ثامر عليك بالصبر ياأخوي..الصبر مفتاح الفرج..
الوليد الحمدلله على كل حال..
ثامر تعال انت لازالت مصمم تروح مدينة فولوريدا..
الوليد لازم اروح لها..اللي سمعته انها اكثر الخليج فيها..
ثامر توك تعرف بهالحقيقه..وليش لمن قلت خلينا نروح مارضيت..
الوليد مدري..محد مدح لي هالمنطقه..واللي عرفته انهم يرحون لها حق خرابيطهم..
ثامر طيب كيف بيكون الترتيب..
الوليد انا سألت وقالوا لي احسن طريقه نوصل لها بباص وماله داعي نستأجر سياره خاصه..
ثامر اوكـي..يكون احسن..واللحين وين واجهتك..
الوليد زم شفايفه بجفاف مدري ياثامر...بس ماودي اروح الشقه..ابي اتنفس هواء يريحني..
ثامر وكل هالهواء والبرد وماانت حاس فيه..
الوليد الجسد بارد..والروح جمره تحرق كل مافيني..
قام الوليد مع صديقه وظلوا يتمشون بشوارع نيويورك بدون هدف..
لمن حل الغروب ورجعوا الشقه,,
فتحت عيونها على صوت تلفون ماتعرف وين مصدره..دورت عليه..وشافته على الطاوله رفعت السماعه قبل ماتتسكر وجاها صوته
تركي صباح الخير..صحيتي..
صحيت..!ناظرت غلا الساعه اللي بأيدها وشافتها عشر وربع..
تركي غلاااا..وينك..
غلا ..انتي جيت البيت..!
تركي جيت وشفتك نايمه وماحبيت اصحيك..المهم ابيك تجهزين بجي اخذك الظهر لبيت اهلي..وسكت
وسكتت غلا..ماعرفت وش ترد عليه..بكل سهوله يتكلم ولا كانه امس غاب عنها..
تركي انا اللحين بالدوام..واذا تبيني تدقين علي دقي على هالرقم لأني نسيت تلفوني بالسياره..
غلا اوكي
تركي سلام..
سكرت غلا بعصبيه..وخذت كل الصباح عشان تتجهز وتظهر لهم بمظهر المتزوجه واستقرت اخيرا على بدي شيفون اسود مزين بالترتر الأبيض..وتنوره بيضاء غجريه..رفعت شعرها بشريطه سوداء وتركته منسدل وماحطت الا ان لاينر اسود ورج احمر ومانست طبعا البلاشر..طلعت لها صندل اسود كعبه عالي..وشنطه بنفس اللون..وظلت تنتظره بالصاله..وهي تشرب النسكافيه.
انتبهت على رنة تلفونها وكان تركي يقول لها انها بره..
طلعت له بعد مالبست عباتها ولقت السياره ..ركبت وسلمت بصوت واطي لأنه كان يكلم بالتلفون.
تركي اوكي مبارك..ماأحب احد يلح علي.عطني فرصه افكر.. وارد عليك..بسكر اللحين سلام..
ومامداه يسكر الا وصل لبيت اهله..وقف السياره
تركي وصلنـا..
غلا اول ماشافات بيت عمها تذكرته على طول...نزلت من السياره..وتركي مسك ايدها..ودخل معاها..
واول مادخلو لقوا الكل مجتمع بالصاله..نور..وعمها..وراوين ..ورجعت تناظر نور..قصدها امها نور..ولقت الدموع غطت كل وجهها وهي تحاول تمسحهم بالمنديل اللي بايدها..
غلا ماعرفت وش تسوي..الموقف كان مؤثر..وهي تشوف نور تقترب منهم..وتوقف عند تركي..
وتركي على طول سلم عليها وحب راسها وابتعد شوي عنها..
سمعت صوت عمتها اللي بصعوبه طلع من حنجرتها الحمدلله على سلامتك ياالغالي..
تركي الله يسلمك.ومشى تركي يسلم على ابوه واخته..اما غلا ماحست الا بعمتها تحظنها وهي فرحانه بوجودها..غلا اثر فيها الموقف ودمعت عيونها..وهي تضمها اكثر..
نور توه مانور البيت يامرت الغالي..
غلا منور باأهله..
نور تعالي سلمي على عمك..مسكتها من ايدها وقربتها منه لمن سلمت عليه وحبت راسه وحست بالخجل ماعرفت وش الخطوه اللي لازم تتخذها وماحست الا براوين تحظنها وتسلم عليها وفرحت فيها على الأقل هي بنت عمها وقريبه من عمرها..
راوين كل هذه غيبه..!ان شاء الله استمتعوا بسفرتكم..
ناظرت تركي وشافته منزل راسه..والتفت لرواين
غلا ايه الحمدلله..استمتعنا كثير..وسكتت حست انها اجهدت نفسها بهالكلمتين ..
جلس الكل وعمها بو تركي كان يتكلم مع تركي ونور ماشالت عينها من ولدها وكأنها مو مصدقه انه قدامها..وتوها تحس انه عمها ياخذ كثير من اسلوب تركي..كان جاد وابتساماته قليله..وبتلقائيه طاحت عينها على تركي اللي كان يناظرها من ورى نظارته الرماديه..وحست انها لمحت ابتسامه خفيفه منه..لكنها استطرت هالفكره وهي تسمع راوين تكلمها..
اسبوع مر بسرعة مثل البرق وصارت احداث كثيره فيه..واهمها معرض يوسف اللي بيفتح بعد ثلاث ايام
وزيارة غلا لأهلها بالشرقيه..وقررها بأنها توقف هالسيمستر لأنه نفسيتها مو مساعدتها على الدراسه
تركي رجع لشغله ومجمع جنا اللي انشغل فيه وماترك سهراته اللي أرهقت غلا..لكن اكثر شي كان منشغل فيه الموضوع اللي في باله وينتظر انه يعرضه على اهله...
جمانه ماحالفها الحظ بشوفة غلا لكن الأتصالات شغاله بينهم
طلال فاتح ابوه بموضوع راوين للمره الثانيه وكانت النتائج سلبيه اكثر من المره اللي فاتت
الوليد قرر ينزل لفلوريدا بنهاية الويكند مع ثامر
تحس بدوخه..دوخه فظيعه..اعتبت جسمها..
مو مصدقه اللي يحصل لها..اكيد هي تحلم اكيد..هي تعرف اخوها ماتوصل فيه هالدنائه وويصمم على رأيه..
هذه المساله مسالة عمر كامل..مسالة حياه جديده واخوها هو اللي قررها بهواه..
هي اخته..ليش يسوي فيها كذا..ليش هالظلم..!ّماتذكر انه ارتكبت فيه خطأ يوم من الأيام..ليش يكرهها..ليش ناوي على نهايتها..حرام عليه..حرام عليه..
لازم تكلم امها..لازم..مو بكيفه يقرر عنها..دخلت على امها وهي ميته بكا..
ونور اخترعت من شكلها..وعلى طول صرخت
نور شفيك راوين..
جلست راوين على أللأرض ومسكت راسها بقوه وهي تقول اكــره..اكره الحقير..هو مو أخو..مو اخو..
نور جلست على الأرض وهي خايفه على بنتها يمه ليش تقولين كذا..وس سوى فيك تركي..!
راوين يمه
نور قولي قطعتي قلبي..قولي شفيك..!
راوين كانت تصرخ بكل صوتها تركي..يبي يزوجني مبارك..صديقه..
نور كانت مصدومه شنـوا..!
راوين سمعتي يمه..يبي يزوجني..مبارك ..
نور ماعرفت شو تقول طيب يابنتي..انتي سماعه شي عن مبارك..وش فيه عشان تكرهينه..
راوين كانت بتجن..بتجن من القهر ماتدري كيف طلعت هالكلمات لكنها طلعت وهي تصرخ يمه..مبارك مثل تركي..وتركي..تركــي يايمه يشــ
نور بصوت خافت شفيه تركي..تكلمي..!
راوين نزلت عيونها وحست بحرقان بعيونها حطت ايدها على فمها تمنع نفسها من الكلام وشهقت بقوه وهزت راسها بالنفي مافيه شي ..مافيه شي..ونزلت الدموع على فمها...انا اتوهــم.. ورصت على كلمتها..اتوهم يايمه..وقامت بسرعه وطلعت مثل المجنونه اللي مرتبكه جريمه ..
كان جالس بصالة الأستقبال ويتأمل بعض المجلات و البوسترات اللي انذكر فيه معرضه وكانت صوره ماليه جميع الصفحات ..وكلها لحظات ودخل عليه الدكتور وجنبه سكرتيره الفرنسي اللي دايم مصاحب له وباايده مجموعة اوراق وملفات..
سلم عليه يوسف..وظل ساكت وهو يسمع الدكتور يستاذنه بدقايق لمن يخلص اللي بايده..ابتسم يوسف له وانتظره لمن انتهى وحط الأوراق بالطاوله
الدكتور سمير بشرني عنك..اخبارك يايوسف..
يوسف وهو يبتسم كل خير يادكتور..
الدكتور ها وشرايك بالبوستر عجبك ألأعلان..
يوسف وانا قادر اقول مو عاجبني..مغرقني بجمايلك يادكتور..
ابتسم الكتور سمير ..المهم..حبيت اذكرك انه المعرض بعد ثلاث ايام.. وابتسم بحنان..يعني اتمنى انه كل شي جاهز بالنسبه لك..
يوسف بحماس يعتليه لاتخاف يادكتور..كل شي جاهز..وانا اتحرى الدقايق لشوقي بهذاك اليوم..
الدكتور بصوت هادي يوسف..
رفع يوسف نظره للدكتور وهو ينتظره يكمل كلامه..
الدكتور انا اليوم طلبتك لأمرين..الأول اني ابي اشوف اخر تجهيزاتك..والأمر الثاني..وسكت فتره..ومد ايده بفايل ورقي لونه ابيض واعطاه يوسف..
يوسف استغرب شنوا هذا يادكتور..!
الدكتور افتحه..وبتعرف..!
فتح يوسف الفايل وانصـدم..وماقدر يحرك ايده اكثر..
الدكتور ليه وقفت طلعه وافتحه..
ماقدر يوسف..حس انه ايده تمنعه..خاف انه اللي يشوفه وهم..ومن كثر فرحته صار يتخيل اشياء مستحيله
الدكتور افتحه يايوسف..افتحه..عطني انا اللي بفتحه..
وماأنتظر الدكتور أي ردة فعل من يوسف وخذ منه الفايل وطلع اللي فيه ورفعه ليوسف..
الدكتور هذه حريتك..هذ ه حياتك الجديده..هذه رجعتك لبلادك..
هذا الجــواز يايوسف.!
يوسف ماكان يسمع أي كلمه من الدكتور..مو مستوعب..ولاهو واعي اللي يحصل له..كان يناظر الجواز وهو متلهف لـ لمسه..
مد الدكتور ليوسف الجواز وكأنه يقرى افكاره..
ويوسف حس برجفة ايده وهو يمدها لمن لمسه واصبح بأايده..ظل يلمسه بكل اطرافه
الدكتور طبعا ماأرح اكذب عليك واقولك اني اقدر اطلع جواز سعودي وانا عمري مادخلت السعوديه..هذا الجواز تونسي..يعني يايوسف جنسيتك بتكون تونسي..
تونسي
تونسي
تونسي
حس بألألم من هالكلمه..لكن وش كان يتوقع..تزوير جواز سعودي وهو عايش 11 سنه بفرنسا بدون هويه..!
الدكتور واكيد بتقول كيف وشلون تم هألأمر..انا لي معارف قويه بتونس وقدرت بعد صعوبه اطلع لك هالجواز..ادري انك مصدوم..لكن هذا الجواز بأيدك..وتأشيرة دخولك للسعوديه انت بتحددها بنفسك يا سائح وزاير للدوله..او بتكون مرسول عن طرق شركه فرنسيه وانت الوسيط بينها. وانا احبذ الأمر الثاني.لكن في شي لازم تعرفه وهذا الشي ماأقدر اتحكم فيه..
يوسف كان يحس بضياع..بتشتت...كان كثير..كثير اللي يقوله الدكتور له..كانت صدمات..صدمات عطلة مخه شنوا يادكتور..!
الدكتور اذا وصلت السعوديه باذن الله..راح تكون اقامتك محدده..يعني بينكتب مدة اقمتك فيها..سنه سنتينز.الله يعلم....ومتى ماخلصت المده بترجع فرنسا عشان تكون كل اجراءتك سليمه ومحد يقدر يشك بالموضوع....لكن في طريقه افضل وهذا الطريقه بأيدك حلها..!
صوت يوسف كان مبحوح وبصعوبه قدر يطلعه ويتكلم قولي يادكتور..نورني..
الدكتور انا اللي عرفته منك ان اهلك تجار..يعني يتملكون شركات كثيره باغلب المناطق صح..!!
يوسف صحيح..لكن هذا الكلام قبل 11 سنه..
الدكتور طيب..اسمعني اللي ابي اقولك اياه انت بتدخل في البدايه كسائح وبعدها يقدرون اهلك ينقلون كفالتك لهم ..يعني يقدرون يتحكمون فيها وبيكون وضعك كمندوب وعميل بشركتهم...وبكذا محد له سلطه انه يرجعك لفرنسا وبتقدر تقضي طول عمرك بين اهلك..لكن من اللحين اقولك اذا اهلك ماقدروا يتخذون هالخطوه بتظطر ترجع فرنسا لأنك داخل فيها كسائح..شوف يايوسف صدقني هالطريقه ممكن تعيشك بسلام في بلادك..يعني حقوقك اللي ضاعت ممكن يرجع بعضها اذا نقلت كفالتك..لكن مثل ماقلت اهلك هم اللي يقدرون يحددون وضعك عشان يكون الأمر سري اكثر..!ومحد يقدر ينبش وراك..
سكت يوسف..وحس ببصيص امل يتخلل قلبه..هو اكثر شي كان مخوفه كيف بيرجع وبيظل ببلاده..ماكان يتخيل انه بيكون عنده جواز مزور..لأنه ماكان عنده الماده اللي تخليه يرجع بجواز خاص فيه..كان يتوقعها احلاما..امنيات..وهألأمنيات توقعها بفلـوس..
لكن الوضع اختلف تماما..اختلف مئة درجه..اللحين يقدر يقول للناس كلهم انه حـر..حر نفسه..ومحد له سلطه عليه..
ابتسم يوسف بسبب افكاره اللي وصل لها...الحريه..الحريه شي حلو..الحريه هي اللي كان فاقدها واللحين وصلت له بعد ضيم ووجع وذل وغربــه صعبــه..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك