رواية بقول ولا تقاطعني -8


رواية بقول ولا تقاطعني - غرام

رواية بقول ولا تقاطعني -8

العنود:منآل ياقلبي..هو ماراح يكون موجود..

طبعا انحرجت كـ العااده:اوكي..
العنود:ايوه.."وتغني".احنا كذا حلويين..

"العشـآ لما جوو اهل العنود وسلطان"

- بليـز عندل..والله احرآآج...احس اني متطفله
العنود:هههه..متطفله!..اقول امشي نروح لـ بيت سلطان قبل لايجي احد ويشوفك!!

"ع ـند سلطان"

اخذت آخر شي ممكن احتااجه وانا طالع هـ الكم سااعه مع أي احد من الربع.. البوك!..الجوال!..أظن خلااص هذول اخر شي..وانا طالع من الغرفه مريت من المرآيه طالعت شكلي..ماتفحصته..كنت لابس بنطلون جنز ck..وتيشيرت عاادي..طلعت من الفله بـ كبرهاا وركبت سيارتي ..واأتجهت لـ وين اخوياي متجمعين وانا طالع انتبهت لـ سيارة جارنا ياسر..ابتسمت من زماان عنه..سيارته الكسز هنا من اسبوع تقريبا..ولا له حس..اكيد مساافر يوسع صدره..
مشيت لـ سيارتي..وركبتهاا

"في باريس"
جالس مع السواق حقه فوق تله مليـآنه ثلج..لابس بنطلون جنز وجااكيت اصفر كبير مبين بيااضه...ومعه شخص ثاني او "مجرد" سواق او مرافق..طبعا في نظر النااس
عبدالمجيد:عمي!..
ياسر يمسك العصا حقته ويلعب بـ الثلج اللي قدام "عيونه":وش قلنا
ابتسم عبدالمجيد وكمل:بكره بنرجع الرياض وش ودك نسوي؟
ياسر يبتسم عشان تبين الغميزات الكثيره حاولي فمه:انت وش رايك؟
عبدالمجيد:انت بـ رآحتك..بس انت ماأكلت شي من طلعنا من الفندق..فـ خل نرجع الفندق عشان تاكل لك لقمه
ياسر:اللي تشوفه..
عبدالمجيد قام:اجل خل نروح الفندق
قام ياسر لـ يبين طوله الفاارغ...ابتسم عبدالمجيد:عمي!..يبي لك صوره بشرتك مناسب لونها مع الثلج
ابتسم ياسر ويعطيه على قد جووه:تهقى اصور؟
عبدالمجيد:اصبر خل اجيب الكاميره..
راح جابهاا واخذ صوره لـ ياسر اللي كان مبتسم وباينه ندباته الـ 2.. وحده في ذقنه اللي كأنها غمزه..والثانيه في جبهته اللي قاسمه حاجبه نصين..بس عيونه ماكانت مبينه لانه لابس نظارات..
عبدالمجيد:باأخذها لي..تسمحلي عمي؟
ياسر:حلالك
مسك عبدالمجيد يد ياسر:خل أساعدك طال عمرك
ياسر:مشكوور..تعبتك معااي
عبدالمجيد:هذا واجبي

"نرجع الرياض"
وقفت في نص الصاله مع ريم وامل اللي من جووا اظهروا حمااس لـ شوفتي..صدق بفقدهم لو تركت هـ البيت..
ريم:ان شالله عجبك بيت عموو سلطاان
منال:مره حلوو
امل:خل نجلس هناا
كان في صاله مفتووحه ع البيت كله..جلسنا فيهاا..جاابت ريم شبساات وببسياات وجلسنا نتفرج ع التلفزيون..
رن جوال ريم غمة "حبكم وسط الحشـآ"
..وردت..
امل:ريم حاطه هـ النغمه لاني احبهاا
منال:ماقد سمعتهاا
امل:اذا سكرت..خل تمسعك اياهاا..


"ع ـند الحريم"

"لاحطوا انها ساطته"- العنود وش فيك تنااظرين الساعه كل شوي
ام الوليد تمزح:احدن معه خله ويطالع السااعه
العنود:هههههههههههههههه..لا بس انتظر سلطان لانه كان يبيني.."تكذب طبعاا"
منى:مهووب طااير..
أبتسمت لها..ماالي خلقهاا

"نرجع لـ البنات"
- ريموو..سمعني منوله اغنية حبكم وسط الحشاا
ريم:اوكي..

شغلتهاا ريم وكانت كلماتها غريبه شوي..نصها او ثلاثة اربعاهاا مافهمتهاا..

حبكم وسط الحشا سادي..
لو جبل ماتحمله كله..
ويل منهو مثله فـ وادي..
كان طول الوقت قد حله
جيت مثل الشمس متبادي
ياشفا روحي من العلّه
روف بس ياغض الانهادي
وارحم اللي منك في مله
ياعجيد اريوم لـ بلادي
ياسفر هذا الوطن كله
الجدم لي نش متهادي
مثل بزغ الحيب في حله
آه يامن بده اسهادي
مر ليله ماغضا كله
ياحمد عوقي انا زادي
نشف ريجي الما شي يبله
ثيبي يانسل الايوداي
لايفوت العمر بس كله


- فهمتي شي؟
هزت منال رآسها بـ لا:موكلهاا..بس اغلبهاا لا..من كاتبها؟
امل:الشيخ زايد آل نهيان..الله يرحمه
منال:اهااا..وش معنا سادي؟؟..
ريم:متمكــــن
امل:متبادي..يعني ظاهر..روف بي..أعطف علي..
منال:لالا..في وحده مافهمتهاا..ياعجيد اريوم..اتوقع كذا
امل:عقيد..وأريوم..جمع ريم..وهو حيوان الوحش المعروف
منال عجبها الوضع:الجدم وعوقي
ريم:الجدم يعني قدم..بس لانه الامراتيين ينطقونها هيك
امل:عوقي..اتوقع مرضي..اتوقع كذا
منال:طيب آآخر وحده..ثيبيني يانسل الايواادي
ريم:امممممممممم..ماأعرف..اموله وش معناها
امل:ارحمني ياولد الرجال الكرماء..
منال:مااشالله..عندكم ثقاافه
ريم تطالع امل:ايه ومنهم نستفيد..امل تحب الشعر..
امل:انا كنت اعرفها قبل لاأعرف اغنية رااشد..بس تفاجأت ان راشد مغني فيهاا...لان انا احب الشعر
منال:بس حلووه الاغنيه..او القصيده

- هلووو افري ون..سلمووا على نوآآآآف

دخلت العنود وهي شايله نواف..
ركضوووا ريم وامل وراحوا يبوسون نوااف ويتطاقون عليه كل وحده تبي تشيله..والله اشكالهم تضحك بس ماينلامون..مره شكله نااايس..كان دبدووب وشعره كيرلي..وفمه احممر..
العنود:مناليلووو..ماودك تشيلين نواافي؟
جيت انا واخذته..جلس يطالعني مستغرب..طالعت في لبسه اللي كان عباره عن شورت كحلي وتيشيرت مخطط ازرق وابيض مثل ملابس البحر..والبحااره..شوي بدا يتعبر شكله مستغرب ويقول من هـ الغريبه اللي تشيلني..خخخ

ريم:يوم شفت لبسه..اشتهيت اسبــــح
امل:ايه والله..وتراك من زماان وانتي طالبنتاا..خل نسبح
العنود:يللآآ..قدآآآآم
عطيت نواف لـ العنود..:انا بروح فوق لما تخلصون..نادوني
العنود:لاه لاه لاه..بتسبحين معنااا
منال:لالا..ماله دااعي
ريم:سووري عندل..بس لاتنسين منى لازم ترز وجهها..
العنود:اففففف..منهاا..خل نقولهاا
امل:هههههههههههه..السر لامنه طلع عن 2 ماصار سر..والحين احنا 3..من غير منال
العنود:اوكي منوله..بس بعوضك ان شالله

جلست في فلة سلطان وشغلوا لي التلفزيون ..
"بـآريس"

- يآسر!..ماودك نطلع..بكره احنا راجعين الريااض
ياسر ابتسم:لاماأشتهيت ودني لـ السرير..
عبدالمجيد بـ رحابة صدر:مشيناا..
ودا عبدالمجيد ياسر لـ سريره..الحين هم رايحين اجازه ولـ الترفيه عن ياسر شوي..اللي بلغ من العمر 28 سنه..ويعاملونه كأنه صغير..وبـ الموت خلوه يروح بريطانيا لحاله مع سواقه الخااص .. او خادمه!

"السـآعه 7 المغرب"
يوم طلعوا البنات من المسبح..نادت العنود الحارس
العنود وهي متغطيه:اسمع يارااجو..قفل المسبح عشان بيبي صغير...
راجو: ok....مدام


رااحت العنود ورقت فوق عشان تنادينا ننزل نتمشى تحت بما ان مافيه احد..نزلنا وجلسنا نمشي..

العنود تنفض شعرها المبلول:والله اليوم..حلوو
ريم:الا على طاري حلوو..وين حبيبتي خولووووه
امل:عند امي..تعرفينها لازم حركات الحيا في البدايه
ريم تطقطق اصابعها:خوله والزمن طووووويل!!

مشينا من عند المسبح..اللي كان مسكر والجدار اللي حواليه من زجاج..لفت نظري شي يتحرك
وقفت مكااني وانتبهت لي العنود:منوله!..شفيك؟
ضاقت عيوني وانا اطالع تحت الكرسي..وأشرت لـ المكان اللي انا اطالع فيه:عندل وش هذا؟
طالعت عنود..ثوااني وشههههقت..:نوآآآآفي!!
التفت امل وريم..ووشهقوا:نواافي جووا وش مدخله

طالعت في نواف اللي كان يحبي جوا..كان يمشي ويمر من تحت الكرااسي ومايبعده عن المسبح الا بعض الساانتي متراات..قلبي بدا يدق ويرقع..شفت ريم تركض مدري وين بترووح..انا ماقدرت أطالع الموقف اكبر مني..العنود تحاول تلهيه..التفت لهاا وقاام يضحك..بليز نوااف تكفى لاتروح عند المسبح..دعيت ربي انه ينجيه..ثوااني وصلوا منى وام عبدالعزيز وام الوليد!..
حاولت اني اصد..منى شهههقت..وبغى يغمى عليهاا
منى:نوآآآآآآآآآآآف..نواف حبيبي تعاال
بس هيهاات..ماكان يسمعهاا ابد..الظااهر الزجاج كان عازل لـ كل شي حتى الصوت..منى معد شالتها الارض وبدت تتنافض..احس انها في لحظه ممكن تفقد عقلهاا..مثل ماأنها في لحظه بتفقد ظناهاا

مشى نواف لـ المسبح وهو يضحك ..ويتكلم من كلامه الموب مفهووم..انا خلااص اتمنى ان الموقف يعدي على خير..اعصاابي مشدوده..خلاآص نوااف بليز تعااالي وريحنا وريّح امك المسكينه..

قاامت ريم تخبط في القزاز..والحمدالله طالع نواف في القزاز وابتسم..ابتسمت له ريم واشرت له يجي..وقالت له بـ الاشاره عسى يفهم انو تعال خل نلعب..اتجه لها ومشى مساافه بسيطه..بس وقف ورجع لـ المسبح..
منى بدت تصررررخ..انا معد فيني عقل تمنيت اقدر اكسر القزاز وادخل واشيله مثل يوم بـ الفله حقت سلطان..
آآآآآآه ياقلبي وربي معد فيني اعصااب..معد فيني عقل..هذا انا الغريبه اجل شلوون امه المسكيننه..
منى:اتصلووا على راااجو..بسرررررعه
ركضـوا امل وريم عشاان ينادون رااجوا انا ركضت معااهم..مدري ليه ع الاقل لو صاار شي ماأكون شفت المشهد..الله لايقووله..رحنا لـ مكان غرفة العماال..محد فيه..الظاهر راجو رااح..دورنااه مرت دقيقه..دقيقتين..انا خلآآآص...ماقدرت قلبي مع نواف ومنى..رجعت لهم مره ثانيه وانا اركض..يوم وصلت شفت المشهد اللي كنت خآآآآيفه منه..
حبـى نواف لين وصل حاافة المسبح..كان يضحك ويبتسم لـ امه وخالاااته..ألحريم كل وحده يدها على قلبها وتصيـح..منى قاامت تخبط بـ شكل جنوني وهستيري في القزاز وام عبدالعزيز تهدي فيهاا وتدعي ربهاا بـ صوت مسمووع..ام الوليد الارض معد شالتهاا وجلست لان ركبها معد توازنت اما العنود كانت تصيح بـ صوت سمعه اللي فـ اخر الديناا..وتنادي نوااف اللي وااضح انه مايسمع بس يشوفناا..شعور شين لما يكون ظنااك في خطر وانت وااقف تطـآلع وكأنك تنتظر نهـآية المشهد..او نهـآية الخطر

"تتتتتتتتتتتتتتتتتتتتش"
منى:لاآآآآآآآآ..
وطااحت مغمي عليهاا..بدوا يصرخوون العنود مسكت القزاز وبدت تصيح وتصرررخ انا مسكتها وانا دمووعي علي خدي..وربي موقف اكبر مني..اخذتها بعيد بس هي مب راضيه
منال:الله يخليك ياعنود ..امشي
العنود تصرخ وتضرب في القزاز:وخروا عني..ابي اطلعه..وخررررروااا
مسكتهاا وبـ القووه اخذتها معي..ام الوليد اغمى عليها من المنظر..انا كل تفكيري ماأبيهم يناظرون المسبـح
لان جثـــة نواف يدت تعووووم!!


×|الفصل السـآدس|×

"عمرك سمعت بـ واحد فقد روحه؟"


اليوم ثااني يوم من العزاا..منى مب رااضيه تشوف احد الا امهاا..ام الوليد مب احسن من ينتهاا حاال..
العنود..وش اقول وش اخلي اللي كان كلها حركه ورجه..كانت تضحك في كل وقت..صدق اليومين اللي عرفتها فيهم كانت كفيله في انهاا توريني جوانب حلوه من شخصيتها فقدتهاا بعد موت نوااف الله رحمه ويجعله شفيع لـ اهله..

"ع ـند الرجال"
- اذكر ربك ياولدي..واللي صار قضاء ومقدر..ومكتووب
سعد لاف الشماغ يخفي وجهه وبقايا الدمووعه وااضحه:........
ابو عبدالعزيز:ادع ربك انه يكون شفيع لك ولـ امه يوم القياامه..ادع انه يكون طير من طيور الجنه..انت ماتدري يمكن اللي صار خيره..وعسى ان تكرهوا شيء وهو خير لكم..والله اذا حب عبد ابتلاه
سعد:ونعم بـ الله!....

دخل شااب ومعه المرافق ورااه..كان اعمى والمرافق هو اللي يدله..ابتسم سلطان وقاام له:ياهلا والله بـ جارناا
ابتسم وقال:عظم الله اجرك ياسلطان
سلطان:اجرنا واجرك تفضل..

قام ابو عبدالعزيز:ياهلا والله بـ يااسر
ياسر ابتسم:هلا بك اكثر..عظم الله اجرك في ولد اخوك
ابو عبدالعزيز:اجرنا واجرك..

مال محمد على عمر وقال بـ همس:الحين هذا ياسر جار سلطان؟
عمر:ايه
محمد بـ ضيقه وشفقه:مايشوف؟
عمر:ايه الله يشفيه...
محمد:من زماان وهو كذا؟
عمر:لا..من تاالي الظااهر صااير له حادث
محمد الله يشفيه

اذن المغرب..والكل قام يصلي..

سلطان:الوليد
كان الوليد جالس ويطالع في الارض وشكله يهووجس..وجهه اصفر والحزن واضح عليه..كان لابس ثوب وشمااغ لابسه من غير عقـآل ولاف طرف واحد منه حول رقبته..
سلطان:الوليد!!!
طالع الوليد في سلطان:هلا
سلطان:امش نصلي..ترا الهواجيس ماتنفعك وانا عمك..تعاال
طلعـوا سلطان والوليد والبااقين..وراحوا المسجد..
×
×
- تعوذي من ابليس يامنى..هذا قضاء ربك اللهم لااعترااض
منى تصيح بـ شكل يقطع القلب..وتتكلم وكأنها ماتدري وش تقول:يمه مااات..اقولك مات قداامي..ليش يمووت انا احبه
ام الوليد:الله يهديك يامنى!.."مسحت دموعهاا لان يكفي دموع ينتها"..منى ترا والله قطعتي قلبي عليك..اعقلي الله يخليك
منى تصيح..ولافي شي غير الدموووع:يمه ولدي ماااات..تعرفين شلون يعني ماات..مآآآآآآآت
ام الوليد:الله يرحمه..الله يرحمه يامنى..خلاآآص عااد
×
×
دخلت الفله وانا احس اني ضااااايق..اليوم كئيب ومايختلف عن اللي قبله..وبكره بعد ..الله يرحمك يانوااف
دخلت وفصت الشمااغ والثوب..دخلت الحمام وانتم بـ كرامه ثواني وطلعت وانسدحت ع السرير..
رن جـوآلي
المتصل>>عندل

لاحوول وش تبي ذي بعد..رديت وانا مالي خلق
سلطان:نعم!
العنود وهي تصيح:سلطاان الله يخليك..تعاال تكفى
سلطان ارتااع:وش فيكم؟
العنود:منى طااحت عليناا..مدري وش فيهاا

سكرت من عندل وبسسرعه رحت لـ نص الثااني من البيت ومشيت لـ الباب..ويوم جيت بـ دخل بس لمحت بعض العبايات ..عبايات حريم جالسين..عرفت ان الحريم جووا..
- ادخل سلطاااان كلهم متغطين

دخلت ولالفيت تركيزي ع الدرج مشيت لـ الدرج وكأني نااسي نفسي يالله وش فيها منى..دخلت غرفه كانت غرفة عمي ابو الوليد سابقاا كانت منى طاايحه وماسكينهاا امل وام الوليد ووحده ماأعرف منهي بس شكلها تبعهم..لانها مب سعوديه..
لحــــظه!!..
ليكووون هذي منال؟..اللي لقيتها ع البحر..طالعت فيها ثانيه..
فجـأه سمعت صوت من ورااي

- وش فيهاااا منى؟؟

التفت لقيت الوليد توه دااخل شال اخته وطلع بها ووراه ام الوليد..طلعووا ورااه امل والعنود وهي جت بتقووم..ماعبرتهاا مسكت يد العنود

سلطان:تعـآلي
العنود:نعم!
سلطان:وش جااب ذي..هذا وانا قايل لك مااابي احد يدري عنهاا

يتبع ,,,,
👇👇👇
أحدث أقدم