رواية بقول ولا تقاطعني -7
وامل في الطريق!!العنود:آلوو
سلطان:هلا عندل!..انتي بالشاليه صح؟
العنود:ايه..ليش؟
سلطان:ترا ريم وامل جااينك
العنود:طيب؟...واذا؟
سلطان يرص على أسنانه:يعني وزي ذا اللي عندك..لايشوفونهاا
العنود:هههه..دروا
سلطان:شلووون؟؟..انا مب قايل لك لحد يدري؟
العنود:هم شافوها والله وانا مدري..اقولك السالفه بعدين..ع العموم هم ماراح يقولون لأحد..
سلطان:متأكده؟
العنود:افاا عليك..انا عنننندل
سلطان:اوكي..يللآ فمان الله
العنود:باي باي
سكرت العنود من سلطان وراحت لـ منآل..وسلطان راح لـ الوليد
ابتسمت لها يوم شفتها جاايه عندي..الظااهر كانت تكلم احد من اهلهاا اللي حرمتهاا منهم..
قلت لها:العنود..اذا تبين تروحين عند اهلك ترا عاادي..ماعلي خووف هنااا
ابتسمت لي وقالت بـ كل طيبه:لا..أصلا اهلي ماأجلس معااهم كثير..بعدين احنا هنا نوسع صدرناا..
طق..طـق!..طــق!!
العنود:هذوول ريم وامل!!..
×
×
- خلاآآص بكفيك..انا ماعندي أي مشكله
طالع سعد زوجته:ماأشتقتي له؟؟
منى:الا والله...كل يوم اقووم احسه حنبي..مرره وحشني وحشني وحشني
سعد:هههههههههههههه..اووكي..ابروح اجيبه
منى:بتروح الرياض؟
سعد ابتسم:عاادي!..
ضمته وبغت تصيح:يااااحبي لك..الله لايرحمني منك ولا من نواافي..ويخليكم لي ياارب
سعد:اهم شي لاتصيحين..
منى:ههههههههههههه.."تمسح دمعه بغت تنزل"..ماراح اصيح..
سعد:ههههههه..ودي اصدق!..يالله انا راايح تامرين علي شي؟
منى:ماتبي تااكل شي..افطرت؟؟
سعد:ايه مع الشباب..
×
×
- عااد لاتخااذون وجه!..تجلسون مع البنت كنكم ماقد شفتوا وحده جديده عليكم
ريم:هههههههههه..انتي روحي بس
العنود:تسكت..يللآ.مع السلآمه
طلعت العنود لان اهلها يبونها..يوم اقولكم انهم يبغون بنتهم..وانا صايره حجره عثره في طريقهم..
ابتسمت لي البنت اللي اسمها امل:اهليـن منآل!..كيفك اليوم؟
ابتسمت لها ولو اني الى الان مجروحه من كلمتها امس:الحمدالله..انتي كيفك؟
امل:الحمدالله تمام
ريم:كم عمرك يامنـآل؟؟
قلت لهاا وانا اطاالعها:17..اممممممم..او كملت الـ 18
ريم:ماااااااشالله كبرناا اجل انتي؟؟
ابتسمت..قالت امل:توقعتك 15..وااضح عليك كذا
ريم:عدااال يااللي وااضح عليك 9
امل:ههههههههههههههههه..انا ماقلت كذا..
ريم:بنااات خل نسبح!!
امل:ماالي خلق توك قبل امس غااصبتني!!
ريم طالعت منآل:ميمووو!!..خل نسبح بلييييز
ابتسمت بـ احرااج:ماأعرف
ريم:اعلمك؟؟
امل:ههههههههههههههههه..عشاان تغرقون ثنتينكم!!
انا وريم:هههههههههههههههههههههههههههه!!
×
×
- وشلون امك ياعندل؟
العنود:والله الحمدالله..كنها احسسن
ام عبدالعزيز:الا من عندهاا؟؟
العنود:الشغاله..حاولت فيها تجي..وعيت وقلت لهاا اني بجلس عندها بس حلفت علي اني ارووح
ام محمد:خالتي الله يهديها عنيده
العنود:امي مو عنييده..بس هي تحب تمشي كلمتهاا!!..
ام عبدالعزيز:هاانت كلها يوم ان شالله..وبنرجع وتشوفينهاا..
ابتسمت العنود لـ ام عبدالعزيز..فاارضه حبها..الكل يحبهاا..مدري ليه..
"هـ اليوم مر عاادي..عباره عن ضحك وسوالف البناات"
في الليل السـآعه 12
- عندل تبين اسااعدك؟
ابتسمت العنود:حلووه عندل من لساانك
ابتسمت لهاا بـ حيا...والله واخذت جوو..اعتبرت نفسي من العاائله:ههههههههه..طيب تبين مسااعده؟
العنود:لا..مشكووره انا بس الم ملابسي الخاصه وبتجي الشغااله تضف كل شي..
ترددت قبل لا أسألهاا..احس اني بصير عله بس لازم:اقول عندل!
العنود تدخل بدي جوا الشنطه:عنونهاا
منآل:تسلم عنونك!...امممممم..وش صاار علي؟
العنود:ايش؟
منآل:اقصد..انتوا بتروحون..وانا وين بروح
قالت لي بـ كل ثقه:معنا طبعاا
منآل:معكم؟؟..بس
العنود:لابس ولا شي..وين بتروحين لو ماجيتي معناا
تذكرت كلام سلطان..والله ماأقدر اجلس معااهم..:شوفي..انا ابي اروح الريااض..وبعدهاا انا بشوف نفسي..
العنود:مالك احد ياغبيه...وين تروحين؟
منآل:عادي!..بليـز العنود..لاتحرجيني ولا تحرجين نفسك..واهلك ان دروا عني والله بتروحين في 70 داهيه
العنود:وليش احرج نفسي..من لك انتي بس قولي لي
منآل:محد!..بس..
×
×
قاام عن الاولاد واخذ الابتوب..وجلس تنقل من موقع لـ موقع..بس ابتسم يوم شافهاا داخله..وتفتح موقع من المواقع النسائيه تدور طبخاات..هذا الحال معها كل ثلاثااء او اربعاء لازم تفتح وحده من المواقع وتدور طبخاات..والغريب انها ماتطول ع النت ..من يوم اخترق جهازهاا....اتسعت ابتساامته يوم شافهاا فاتحه المسن وحاكت وحده من صديقااتها
سَِعَِادَتِي شَقَاءَ وَِ شَقَائِي سَِعَِادَِةَ...؟!!؟
اهلين
بعض الفرح ][الفرح][ ياصآحبي باطنه هم...!
هلاوالله
سَِعَِادَتِي شَقَاءَ وَِ شَقَائِي سَِعَِادَِةَ...؟!!؟
كيفك قلبوو
بعض الفرح ][الفرح][ ياصآحبي باطنه هم...!
الحمدالله بخير..اخبارك انتي؟
سَِعَِادَتِي شَقَاءَ وَِ شَقَائِي سَِعَِادَِةَ...؟!!؟
انا تمام..دامك تمام..اقول ماعندك طبخات..خبرك اليوم علي..ولا ادري وش اسوي
بعض الفرح ][الفرح][ ياصآحبي باطنه هم...!
أممممم..مكرونه بالباشميل..خخخخ
سَِعَِادَتِي شَقَاءَ وَِ شَقَائِي سَِعَِادَِةَ...؟!!؟
هههههههه..وانا كل ماأسألك قلتي مكرونه؟؟
بعض الفرح ][الفرح][ ياصآحبي باطنه هم...!
وش اسوي ماأعرف الا هي..هاه وش رايك في افكااري
سَِعَِادَتِي شَقَاءَ وَِ شَقَائِي سَِعَِادَِةَ...؟!!؟
لوووول..جهنميه!..اوك انا طالعه تبين شي؟؟
بعض الفرح ][الفرح][ ياصآحبي باطنه هم...!
سلامة ألبكـ ^^
سَِعَِادَتِي شَقَاءَ وَِ شَقَائِي سَِعَِادَِةَ...؟!!؟
الله يسلمك..يللا باي باي
بعض الفرح ][الفرح][ ياصآحبي باطنه هم...!
بايااات ياقمـر!!
صار له تقريبا 4 شهور مخترق جهازها..يحس انه يعرف عنهاا كل شي..والله لو تدري ان تكفخه..اصلا كيف بتعرفه..هي ماتعرفه اساسا
ضحك بـ صوت وااطي..سكر شاشتهاا وبدا يتصفح له كم موقع عن الكوره والاغااني الاجنبيه اللي كانت عشقه..شخص مثل الوليد..عااش نص حيآته براا طبيعي بياخذ بعض طبايعهم
"من بكره..والكل ركب سيارته عشان يتوجهون لـ الريااض"
منآل ركبت مع العنود..وسلطان لحاله لان ماعليه من احد..وكل وحده ركبت يامع زوجهاا ولا مع ولدها الكبير..
ولا مع اخوهاا..
"في الريـآض"
- يالله ان تحييهاا..توه مانور بيتناا المتووووواضع
طالعت في البيت "المتواضع" في نظرهاا..لكن الكبير والواااسع في نظر منآل..
العنود:آلوووووووو..منال..وش فيك؟
أبتسمت لهاا:ابد سلآمتك
قالت بـ احراج مني..صدق اني ماأستحي:اجل خل اوريك جنااحك..قبل لايجي احد
مشينا لـ الجناح..والله ماأشوف أي دااعي..إرفه بسيطه وبس..بس يوم مع عندل علمني ان النقااش ماينفع معهااا..قلت لهاا:اقول عندل..كيف بجلس عندكم واخوك وابوك موموجودين؟
ابتسمت:ابو متوفي من زماان من 10سنين يمكن!..وسلطان مو معنا بـ البيت
منآل:بس انا شفته..........مدري!
بـ صرآآحه شكيت في نفسي..انا متأكده انه معااناا..يعني كان طوول الطريق معنا ووقف عند البيت..قالت العنود:ادري..احنا بتنا كان اكبر من كذا..ابوي الله يرحمه كان يبي يأمن لـ سلطان بيت قبل لايتزوج..اخذ نص بيتناا..وقال له اول ماتتزوج علطوول اسكن فيه..وهذا هو الحين سكنه..وانا وامي هناا
استغربت..سلطان متزوج؟؟..مدري ليش انتابني فضول..:اخوك متزوج؟؟..وين زوجته ماشفتهاا
ضحكت:ههههههه..انا ماقلت انه متزووج.."سكتت شوي"..ع العموم هو ارمل.."وطلعت لسانها بـ شقاوه"
منآل:مآتتت؟؟؟؟؟
العنود:ايه نفس الشي من زمااان..يمكن 7 سنين!
منآل:ولا يفكر يتزوج؟
العنود:لا..هو اصلا ماتزوج بـ رضآآه..وهـ المره كبر ولا نقدر نقنعه بـ أي شي
ابتسمت..رجآل طول بـ عرض يغصبونه..عااد شكل سلطان مب هيّن..مافكرت بـ الموضوع..
وصلنا الجنااح..:وهذا جنااحك ياقلبووو
ابتسمت لها:يااحبي لك..
يوم دخلت..بغيت اقووم احضنهاا..كنت خايفه انها تتكلف..بس الحمدالله..الجنااح صغير عباره عن صاله صغيره وغرفة نوم صغيره بعد..وزي المطبخ التحضيري وغرفة ملاآآبس مرره صغيره..
منآل:آآلله!..من جد مدري كيف اشكرك
العنود:تبين تشكريني صدق؟؟
منآل:من كل قلبي
العنود:اممممممممم..بفكر كيف تردينهاا لي..ههههههه..بس توعديني انك تسمعين كلااامي
ابتسمت:ان شالله!..
مدري ليش ضحكت..شكلها تبي مني شي محرج..يللآ مب مشكله ان عرفته قلت لهاا اذا اقدر او لا..
طلعت عني وبقيت انا..فكرت وش بلبس لاني بصرااحه ودي اناام..أبتسمت لان نفسيتي في تحسن..والله الضحكه كانت تطلع مجامله..بس يمكن لاني دخلت حياة جديده..رميت حيااتي الاولى ورا ظهري..
فتحت الدولاب..اصلا شكل الغرفه من الاول مجهزه..والدليل هـ الملابس صحيح قليله بس تكفيني يومين ع الاقل..اخذتها ورحت الحمام..مدري ليه خاايفه اغير ملابسي هناا..مع اني قافله الباب..دخلت الحمام شفت فوطه..فكرت ليش ماأتروش..
يوم حطيت ملابسي ع العلاق..انتبهت لـ الظرف..اممممم..بقرآآها اذا خلصت متحممه.. مدري ليش احس نفسي مب متحمسه لهـ الظرف..احسه شي بيغثني
والله بـ صرآآحه الواحد لما يااخذ دش ينعشه..يحس بـ سترخااء..خخخخ..ماشالله علي قسمت الذره على هـ المعلوومه..
ثوااني وطلعت خفت يجيني النوم..لبست ملابسي..او بجامتي والله رآآحه عكس جلابيااتي اللي كنت البسهاا..مشيت وشدني منظر حلوو من شبآكي..طليت منه وانا جسمي عطشاان لـ الرااحه والسرير..انا يبي لي دكتور نفسي..ماأعيش بدون شبآك..هههه..بس حبيت القي نظره..شباكي يطل على سيب من وراا..كان في سيب عريض شوي وبعدهاا مثل المستطيل فيه اشجاار وثيّل..عجبني المنظر بس اللي معكر علي هو تعب جسمي اللي من السفر..وتعب نفسيتي وعقلي في التفكير..مشيت لـ السرير وعيني على الظرف بس مافتحته..حطيته في الدرج عشان لو احد جا مايشوفه..واول ماحطيت رااسي علطووول رحت في نوم عميـق..
"سلطآن"
وقفت قدام الشبـآك الكبير في صآلتي الوسيعه والموحشه..على ان مر على وفـآتهاا 7 سنين بس احسهاا7 ثوااني.."ابتسم بـ سخريه"..شعور شين لماا تبي تحس بـ الحزن بس مآتقدر..
اخذ نفس والتفت لـ كوب الكوفي اللي جنبه..اخذه وشرب منه..انهاه بـ رشفات تنعد ع الاصاابع وجلس ع الكنبه اللي تطل ع شبـآك كبير يبدا من السقف لين الارض...ويطل على المسبح..كان لابس برمودا بيج وتيشيرت اسود..سند رآآسه ع الكنبه وارخاا جسمه واسترخاا..بس علطوول انقلب حاله يوم تذكر البنت اللي لقاها ع البحر..وش صار عليهاا..
مايدري ليه طاريهاا يسبب له ريبه..شي طبيعي انه بيخااف على اهله منهاا..بنت مايدري من هي ولا من وين جت..
شالها من فكره..الى متى بيجلس يفكر بـ أشياء مالهاا دااعي مثل موت زوجته..وجية هـ البنت..اللي اكيد كم يوم وهي رايحه لـ اهلها ولا اقرب دار رعاايه..
رقى الدرج الوسيع اللي ينتهي بـ مفترق ..اتجهه لـ اليمين..هـ البيت كبير على غير سنع..
صحيح كانت امااني ماليته..بس مهما كان نص قصر يسكنه 2..ماراح يمتلي..
وصل لـ غرفته واستقلى ع السرير ..
"المـ غ ـرب"
قمت من النوم بس جلست في السرير بدون أي حركه..مدري ليه حسيت بـ خموول وكسل..واهم من كذا رآآحه..كلها تجمعت علي..فتحت الدرج اللي جنبي لان الظرف كل ماأطرده من راسي يرجع لي..فتحته كان ورقه وحده بس..امممم..خط عمي ابداا مب وآآضح..مدري وش كاتب
يبي لي اخلي احد يقراا لي بعضها.. الكلماات مفهوومه بس 95% منهاا احسهاا طلاسم..
في الاخير مكتوب اسم محاامي اسمه محمد..اسم ابوه مب وااضح ثمن عايلته الحمدالله انه وااضح وفي رقم جواله..امممم..يبي لي اعرف وش السالفه..لازم اعرف وش سالفة المحااامي..ابروح له بس ابغا اروح لحاالي لان بـ صرآآحه ماودي احد معااي..
قمت من السرير ودخلت الحمام توضيت يوم جيت بصلي ماعرف وين القبله..اصلا مدري كم السـآعه..
"يــــــؤ"
صدق اني غبيه..اصلا كم السـآعه!...خخخ.. مشكله صرآآحه اللي يبي يصلي ولا يدري وش يصلي..فتحت الدولاب وطلعت الجلابيه اللي كنت لابستهاا يوم جيت..ماأبي احس نفسي عاله عليهم..ولو ان مستوااهم الماادي ماشالله..
اللهم لاحسد..بس ماأبي أخذ وجهه..يكفي اني باكل وبشرب من عندهم هـ اليومين
الا على طااري الاكل..انا جوعآآنه مرره..فتحت الثلاجه ولقيت جيك مويه وجبنه وكتكاات وجالكسي..
أبتسمت:وش أسوي بـ الجبن من غير خبز؟؟
اخذت الجالكسي..مب مشكله..جالكسي على فكة الريق..اكلته وحسيت اني شبعت..لان الشوكلا تشبع الواحد بسررعه حتى لو آكل كميه قليله..جلست على السرير ونقلت نظري على الغرفه..حسيت بـ فرآآغ وطفش ووحده..وينك ياعندل..قمت من السرير وطليت من الشباك..هوايتي لما كنت عند عمي...آآه الله يرحمك..كان السيب فاضي ولا يطل على أي شي مثير..حتى الشارع كانت الاشجار تغطيه..أبتسمت..احلى صدفه ان ابو عبدالعزيز الانسان اللي يحسسني بـ الامان..ماأختفى من حيـآتي..ليته يعتبرني بنته..وانا اقدر اقوله "يبه"
بعدها بـ وقت..جتني العنود..اعتذرت لي على تأخرها واهمالهاا لي..خخخ..مفروض انا من يتأسف لاني اشغلتهاا..بس بـ صرآآحه قمت استحي منهم كلهم..لاهي ولااخووهاا..علكتي وين القبله..والوقت..وصليت
"من بكـره"
قمت النوم على صوت العنود تدق الباب..فتحت لهاا ودخلت
العنود:ماقمتي ياغبيه؟؟!...الساعه 5
فركت عيوني وانا اطاالع فيهاا:كم الساعه؟؟؟
العنود:اقوووولك 5..اخوااني بيجون اليوم بس اخوي احمد هناا الحين..بس لاتخافين امل ماجت
انا مافهمت وش تقصد:هاه!!
ضحكت:هههههههههه..اخوي..اللي هو ابوعيدالعزيز تحت..بس امل بنته ماجت..اليوم بيجوون ع المغرب..
منآل:اهاا..
العنود:وش بتلبسين؟
اشرت على نفسي:وليش البس؟؟..ماراح انزل
العنود:وليه ياقلب عندل؟؟..لا بتنـزلين!
منآل:سووري قلبي..انا ماراح اطيحكم في مشااكل اكثر
العنود:ماراح يشوفك احد..انتي وامل وريم بتروحون لـ بيت سلطان..وهو ماراح يشوفك
منآل:لا!..ماراح اروح بيت رجال غريب
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك