رواية برد وجفا ونسمة هوى -96

رواية برد وجفا ونسمة هوى - غرام

رواية برد وجفا ونسمة هوى -96


كانت جنبه..
يوسف\وشربنا الماي..قولي وش عندك قبل ماأنام ومأحس بنفســي..
ابتسام\لا..ارجوك الموضوع جدا مهم ..
عدل جلسته يوسف\شوقتيني.

ابتسام بهدوء وهي مركزه على عيونه الناعسه وتبي تشوف كل ردة فعله اذا سمع باللي بتقوله\فجــر
بدون شعــور نطق اسمهـا وكانه يبي يتأكد انه ابتسام قالت اسمها\فجــرّ!
ابتسام بصوت اعلى واعمق\فجــر ماتزوجـت يايوسـف!
طاح الكاس اللي بجنبه وارتطم بالأرض لأنه جسمه تحرك بدون شعـور وارتد بنفس القوه لوراء وهو يكرر جملة ابتسام بعقلـه وبروحـه وبمسامعـه وبكل خليه تنبـض فيه..
فجــر ماتزوجـت يايوسـف!
فجــر ماتزوجـت يايوسـف!
فجــر ماتزوجـت يايوسـف!
فجــر ماتزوجـت يايوسـف!


طلع الدكـتور من غرفة العمليات وشاف الكل صار حوله.. ويسأله اسأله مافهمها..
الدكتور\مبروك..جاتكم بنت وو
ام طلال قاطعته بسرعه\بنتــي..شلونها!؟..بسرعه قول انها بخــير..
طلال\يمه اهدي الله يخليك..دكتور طمنــا!
الدكتور\ بنتكم بخير لكنـــ..

سماح!؟
تركي!؟
يوسف!؟
فجر!
احمد!؟
عبدالرحمن
والبقيــه..
مصيرهم لازال غير معروف
والأيام صـار تمشـي بعكـس اللي كان متوقـع..
تركي سافر ومحد عارف وش سبب هالغياب!
وسماح ولدت لكنــ!
واحمد بعيد عن سماح بأهم لحظه
عبدالرحمن قرر يتزوج
يوسف مايدري وش القـدر مخبي له من اسرار..واخّرهم حرية فجر اللي صدمـته. وزلزلت كيانه.
اختكم
وصيت قلبي عليك

الجزء الرابع والأربعون
بــــــرد...
وجفــــــا

تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه
حنون الليل ... وصوتك همسة الحنان ..
حنون الليل .. بيروي بالامل عطشان ...
حنون الليل.. وانت بتسمعي صمتي ...
تحسي بي ...
تقاسي فيّ تعذيبي تشديني من الامواج ...
ترسّيني على مينا ... وصوتك في ليالينا ...
أبد ساري ...
حنون الليل... وأنت الريح والساري ...
تعالي ... طالت الغيبه وربي طالت الغيبه ..

ماتزوجت فجر..ماتزوجت يايوســف..يعنـي أيش!ايــش!؟
قولهـا.. انطقهـا..حررها..فجـرّها وريح فيها قلبك اللي ماتهنـى بكلمة فــرح.. عبــرّ اصــرخ واسمع صدى الكلمه اللي مو قادر تعترف فيها..تنفـس ارخــي اعصــابك..يمكن تقدر تستوعــب اللي يحصلك..
مو قادر تنطقهــا..صعبــه الكلمــه...صعب انك تتقبلهــا..
تحبـك يايوســف تحبــــك
تحبــــك وانتظــرتك
تحبك وسهــرت ليالي ظليمــه لك
تحبــك ووفت لـ هالرباط اللي عيا ينكتب بورق
كانت وفيــه صبوره راضيــه قنوعــه..كانت فجــر لكل واحد يعرف وش معنــى فجـر...
فجـر في كلمــه توفيك حقــك!فجر في جزاء لنهاية صبـرك!..فجــر في أصلا احد مثلــك!؟
طلع صوت من يوســف هامـس..خافت..ومؤلم\يعني شلون..!وبصعوبه نطقهــا..كااانت تنتظرنــي..!
ابتسام ماعرفت شلون تقول "ايه" ظلت تبكــي وهي تهز راسها بأيه..ايـه يايوسف..ويوسف عرف وش بتقول
وقام من مكــانه وظل يمشــي خطـوات بالصاله وهو مو عارف وين طريقــه..وين مكــانه!وين اصلا لازم يكون!؟
ابتسام كرهت هالصمت وقررت تتكلم لأنه مو من حقها السكوت هاللحظه\ انتظرتك..وكانت هي الوحيدة اللي حاسه انك بترجع.. وسكتت..وكملت بسرعه.. فجر حاربت الكل عشانك..عشان امل ضعيــف..عشان امل ميؤس منــه..يوسف فجر كانت وحيده..تشكي وحيده وتبكي هم وحيده..الكل كان عارف سبب رفضها للزواج لكن بنفس الوقت محد مره قدر يطيب خاطرها بكلمتين..عمي كان مخليها على راحتهــا لأنهم عارفين ليش هي ترفـض بس مو قادرين يتكلمون..فجر كانت مخلصه لحبــك..يمكن إحنا تجينا لحظات ونستسلم للحقيقه ونقول خلاص يوسف مات ولا هو راجع..لكن هاللحظات ماكانت تجي لفجر ابد..كانت تحاول تراضي الكل..وتسعدهم..كانت عايشه للناس مو لها..الكل يحبهــا ويقدرّها...يوسف انا مو عارفه كيف اتكلم اللحين..وإلا ايش أقول ..الكلاااام كثيييييييييير ويعور القلب..لكن أرجوك ياأخوي..ريــح قلب فجــر..
ريح قلــب انتظــرك سنيييين..
كلمات ابتسام كانت سكاكيـن تطعـن يوسف..وبدال ماتريحه ذبحتـه اكثر..
شلون يوفـي لها وهو اللي كان معتقد انها تزوجت!
شلون يتزوجها وهو بنظـر القانون مقيـم!
شلون اصلا بيعترف لأهله!
يوسف\ابتسام..انت ماتدرين وش سويتي فينــي!ليش اللحين اعـرف انا فجر تنتظرنــي..!ليش بهالوقت!
ليش انــا..!ليش يافجــر!
ابتسام\يوسف ارجوك لاتكفـر بالوقت اللي ظلمنــا لأنا اذا بنفكـر في اشيـاء كثيره بتجرحنــا..المهم انك تريحهــا..يوسف فجر تحبــك افهـــم!
اشر يوسف على نفسه بايدينه بكل ضعف\انا فاهـم...لكن انتي شكلك نسيتي اني اجنبـي بنظر القانون..
ابتسام جرحتها هالكلمه وقالت بكل حراره\اجنبي بنظرهم..لكن بنظرنا بتظـل سعـودي..
يوسف\وتتوقعين ألأمر بيمر بسهوله كذا..تتوقعين عمي بيرضى يزوجني بنتــه..ابتسام اصحـي انا ماملك شي اللحين..انا صحيح كنت مقرر قبل مااجي اشتغل بالشركه وانسى الماضـي عشان اعيش وان شاء الله هالشي بعمل عليه اللحين..لكن اني اظلم فجــر لا..لا ياابتسام..ليتــك ماقلتـي لي..ليتك مانطقــتي ياابتسام..
ابتسام\يوسف ارجوك لاتقول كذا...ليش انت تسبق الأحداث وتتوقع انه الكل بيرفضك..!يوسف انت مظلوم ومو عمي ولافجـر بيظلومونك اكثر..يوسف هو باقـي من العمــر شــي..فكـر يايوسف..فكــرّ..لاتخسـر كل شي حلو بحياتــك..فكر يااخـوي..فجر ماتستاهل والا انت تستاهل غير تكونون لبعـض..
تكلم يوسف وعيونه حزينه ومجروحه\وابــوي..واهلــي..والنــاااس!
ابتسام\بيجي يوم والكل بيعـرف سواء طال الزمن والا قصــر..انت لايهمك كلام الناس اللحين..ابوي..ابوي لازم يعـرف كل شـي..هذا اول شي لازم تسويه.


البنت فيها عيب خلقــي بفمها وقدروا الدكاتره يلاحظـونه اثناء العمليه..وغير كذا حامله لنفس مرض سماح..البنت فيها صــرع..
حطت غلا ايدها على فمها تمنع عبرتهــا..لكن الدموع كانت اقـوى منها..
ضمتها فجر وبكوا الأختين على بنت اخوهم اللي توها تشوف النور..
غلا\ياقلبي ياسماح..هي شلونها اللحين!
فجر\سماح مسكينه حالتها اصعب بعد الولاده..لكن سبحان الله..هي ماتضررت كثر بنتهــا..على انها هي خاطرت كثير بحملها..لكن الله قادر على كل شـي..ولحد الآن مافي تضرر عليها..لكن البنت هي اللي تأثرت ..ويمكن..يمكنــ
غلا\يمكن ايش!
فجر كانت خايفه من هالكلمه لكن قالتها\يمكن تمووت ..لأن اللي مثل حالتها ماياخذون عمر كثيـر
غلا\لا..حراااام..ليـــش!
فجر\لكن كل شـي مكتوب عند ربي سبحانه..ماتدرين يمكن البنت تعيش وهي مريضه!
غلا تذكرت اخوها\واحمـد..عرف!؟
فجر تذكرت احمد لمن خبروه بولادة سماح وحرقتها دموعهــا..
فجر\احمد مسكيــن..اول مره اشوف اخوي كذا ضعيــف..تخيلي غلا كان بيقطع المغذي اللي بأيده وبيروح لسماح لكن هيثم وابوي قدروا يهــدأونه...
غلا\طيب ليش قلتوا له!ليش مانتظرتوا لمن تستقر حالته..
جلست فجر على السرير بتعب وضبطت ساعتها على خمس ونص\المشكله مانقدر نغبي عليه هالموضوع..وما توقعنا ولا واحد بالميه انه ردة فعله بتكون عنيفــه..وين احمد الهادي والصبور..!والله إني خفت عليه اليوم..
غلا\الله يستــر..ليتني جيت معكـم..
فجر\بكره بنروح الصبــح خلينا ننام اللحين..آنا مره تعبانــه..
تغطت فجـر بفراشهــا الكحلـي
فجر\غلا حبيبتي..سكري اللمبــه إذا خلصتـي..
غلا بصوتها الناعم\لا انا مو جايني نــوم..بنزل تحت شويه وبجــي..
فجر وهي مغمضه\اوكــي..
سكرت غلا اللمبه وطلعت بره الغـرفه وشعــور غريـب يخالجها..ماتقدر تنكـر انه هالشعور حلــو..الشعـور كان جميــل وتتمناه من زمــان..وماتدري ليش اليــوم بدأ ينضج ويكبــر!
يمكن لأن سماح ولدت اليوم..او يمكـن لأنها تحلـم باللي ممكن يرقّ قلب تركـي!
شعـور فطــري..وغريـزي لأي امراءه تحلم بطفــل..طفــل يخلـق البسمــه بوجهها..وحنـان فائـض وعاطفـه نابعه لأجل هالطفـل.شعــور ألأمومه..اجمـل واسمــى شعــور..لكن متى بتحصل عليه وتستشعره!متــى!؟
متى ياتركي!
تركي..آخر مره سمعت صوته كان امس الصباح..كانت تسأله متى راجع وكان يقول لها قريب..واللي مخليها تحاتـي اكثــر إنها مو عارفه هو سافر وين!وإذا سألته يتهرب من الجـواب او يتحجج انه مشغــول..
كل يوم تكتشف انه تـركي غــامض..وهي مو عارفه كيف تحلّ شفرات هالغموض!؟


ليلتين مروا ببطء على احمـد اللي حاول يطلع لو اقل من ساعه عشان يشوف زوجتـه وبنتــه اللي محتاجينه بهاللحظات لكن الرفـض كان صارم من قبل الدكتور وابوه...والليله الثالثه طلـع بعد اصرار كبيــر منه وهو اللي بيتحمل كل المسؤليه ..وصحيح انخفـض السكر عنده..لكن مو بالمستوى الملزوم..
طلب من هيثم يوصلــه عن المستشفى اللي ولدت فيها سماح..وهيثم على طول جاء له وهو مستغرب من طلوعــه المبكــر..
احمد\بس هيثم الله يخليك مو ناقص مواعظ..انا اذا ظليت بالمستشفى اكثر بتعـب صدقنــي..
هيثم\ماتوقعت متهور لهدرجــه..يعني احنا بنقصـر عن بنتك وامهــا..كلهم بالمستشفى وحولهــا..
احمد ماعجبه كلام هيثم وعلى طول قفل الموضوع\سوق الله يخليك وانت ســـاكت..
زفــر هيثم بعصبيه ورجع يناظر طريقــه..
وصل احمد وهيثم المستشفى وفعلا تقريبا الكل موجود..سلم عليهم احمد بسرعه وهو يشوف بعيونهم الاعتراض..واولهم أبوه..لكن قدر يبين لهم انه حالته تحسنت واستقرت..لكن وجهه الباهت والمصفر وجسمه اللي ضعف أكثر اكبر دليل على تعـب احمد..
دخل على غرفة سماح بعد ماتأكد انه مافي غير امه وعمته وسميه ..سلم عليهم بســرعه وتوجـه لسماح اللي من شافتــه غرقت عيونها بالدمــوع..
ماعرف كيف يتصــرف او وش يقــول لكن ولأول مره كان يحـس بعيونه تحـرقه..ولسانه عاجز...
مسك ايدهـا بقــوه ونطـق بهمس\الحمدلله على سلامتــك..
سماح بنفس نبرة صوته\الله يسلمــك..
طلعت امه وعمته(ام طلال) بهـدوء بره غرفه وتركوهم ياخذون راحتهم..
رفــع احمد ايدها وباسهــا بحراره..\اعذرينــي على كـل شــي ولمن نزل ايدها شاف علامات ألأبــر وعوره قلبه..
سماح\احمد..ليش ماقلت لي انك مريــــض وبكــت..
مسح دموعها وقال\اول شي لاتبكيــن..وبعدين انا مابغيت اضايقــك..سماح انسـي كل شــي..مو وقت لوم وعتــاب..
سماح\احمـد..بنتنــا مريضــه..تعرف شلون مريضــه..يعني بتعيـش كل لحظة الم عشتهــا..بتتعذب بحياتها..ويمكن تمــووو
قاطعها بسرعه\ ارجوك لاتجيبين طــاري المــوت وهذه حمكــة ربك..وأنا راضـي....
سماح\مقــدر..افهمنــي..ماأبي بنتــي تعيش اللي انا عشتــه..ماأبيها تتعــذب..حرام بنتي توها صغيــره ليش ياربــي ليش!ليش انت مريض ..ليش انا مريضــه..ليش بنتي مريضــه
حضنها احمـد وحاول يهديها\كفاية ياسمــاح قولي الحمدلله..احنا احســن من غيــرنــا..
سماح تشبصت فيه اكثر لأنها محتاجه له اكثر من أي وقت مضـى\اللهم لاأعتــراض..الله لاعتراض..
ظلــت فتره سماح وهي تبكـي في حظــن احمــد..وقلبهــا كله خــوف على بنتها وزوجهــا,,,
سماح\احمـد
احمد\نعم ياعمــري..
سماح\انت شفتها!
رفع رأسها وقال\لســه..قلت ابي اطمئن عليك قبل..
سماح\ماقلت لي وش بتسميها!
ابتسم لها احمد بحب\تصدقين ماأعرف..يصلح يكون سماح!
سماح اعتفس وجهه\لا والله..ماتكفيك وحــده..
حضنها ثانيه\تكفيني اكثر مماتتصورين..وشلون ماتكفيني وهي عمــري وحياتي..
ابتعدت عنه شوي بخجل وعقدت حواجبها وهي تلمس وجهه\احمد انت تعبــان..
احمد\كنت تعبان ومسك ايدها وحبها..بس من شفتك راح التعـب..كنت اقولهم هنا دواي لكن ماصدقوا..
ابتسمت سماح بخجل\طيب قوم..روح شوفها..
احمد\ماسرع مامليتي..!
سماح بحنيه\ان أملّ منك..انت ماتعرف كيف مرت علي ألأيام بدونك..لكن آبي اتطمئن اكثـر عليها..ابيك تسألهم عن حالتها..
قام عنها احمد\من عيوني..بشوفها وبجيك..ارتاحي انتي
سماح\انتـظرك لاتتأخر..
طلع احمد وهو يبتســم والكل حس بالفرق وكانه روحـه توها ترد لــه..مشى مع اخوه لقسم ألأطفــال لأنه هيثم كذا مره دخل لهالقسـم وتفاجأ لمن شاف فجـر وغلا
فجر وغلا على طول راحوا لأخوهم وسلموا عليه وهم فرحانين..
مسك فجر ايده وقالت\تبي تشوفهــا.!
احمد وقلبخا يدق بقوه\اكيد وينهــا..
مشت معاه واشرت على سرير كان بالزاويــه واحمد من شافها من بعيد غمرتــه مشاعــر غريبــه وعميقــه وجاته رغبه انه يلمسهــا ويبوسهــا..دخل الغرفه وكلم الممرضـه وبثواني وكانت بين ايدينه..
حاول يحبس عيونه وماقدر اكثر..وظـل يحب كل شي فيها وهو خايف يأذيها بلمساته..
البنت حمــراء وملامحها صغيــره مره وشعرها كثيــف..كانت هاديه ونايمــه بسلام..وانفاســها ثابتــه..
هيثم\وش شعورك اللحين..!
احمد وماشال عينه منها\مو عارف اعبــر!
تأثر الكل باأحمــد..وشافوا كل الحب والحنيه بعيونه..
نطت غلا بينهم وهي تصـرخ صرخات خفيفه بنعومه\احمـد تكفــى خلني اشيلهــا..تكفــى..
هيثم خزها\اسكتي فضحتينا..
غلا طنشته وزادت نعومة صوتها\احمــد..
احمد\طيب لحظــه..صبــري..وباسها اخر مره بشويش وأعطاها غلا..
خذتها غلا وهي بتموت وتحبهــا\فديتها تشبهنــي..
هيثم\والله انك كذابه..أصلا ملامحها مو باينه..
فجر\لا عيونها مثل عيون سماح..لكن ملامحها احمــد..
غلا رمشت وهي تضحك\طيب انا اشبه احمـد..يعني هي تشبهنــي... وحبت عيونها بخفه..فديت هالعيون اللي مو راضيه تفتح..ياعمــري ياقلبـي تهبــل بنت اخوي..
احمد\طيب انا بروح للدكتور اللحين..هيثم تقدر تجيب سيارتي هي موقفه بشقتي..
هيثم\مو مشكله..اقدر..بخلي سلطان يجي معـي..وبعدين اوصله..
احمد\يعطيك العافيه..تعبتك معـي هألأيام..
هثيم ابتسم بثقه\بخدمتك طال عمرك عشان تخدمني مستقبلا..
احمد\اها..يعني مولله هالخدمات..
هيثم\ههههههههه لاشدعوه..
احمد ابتسم وخواته ضحكوا على هيثم..


رجـع لسببين اولهـم الخبـر اللي وصل له من ابوه بليلة امس انه طلال تقدم لراوين وهو مبدئيا موافق والسبب الثاني وألأهم كان يحـس انه سفـره دليل على خـوفه من ألأمور اللي ممكن تحصـل بظهور يوسف من جديد..وهو مو من عوايده الخـوف والتخفــي والجبن..رجع بيته بعد ماكلـم مبارك وخبره انه وصل الريـاض وبعدها كلـم غلا
غلا بصوت هادي ورقيق ومشتاق\الحمدلله على سلامتــك..
تركي\الله يسلمك..بترجعين مع اهلي والا اجي اخذك.!
غلا\مدري ياتركي..لحظه تركي وابعدت السماعه عنها....هذا تركي..ايه وصل ان شاء الله..الو
تركي\معاك..
غلا\امي تسلم عليك.
تركي\الله يسلمها..انتي وينك فيه..!
غلا\انا توني واصله البيت كنت بالمستشفى عند سماح..
سكت تركي وسكتت بالمثل غلا..وكلهم حسوا انه المكالمه كانت جافه ورسميه..
تركي بهدوء\غلا..
غلا بصوت ناعم\نعم
تركي\كنتي تدرين انه طلال خطب اختــي..
غلا ابتسمت\ايه..
عصب تركي وبان على صوته\ليش ماقلتي لي!
غلا\مدري..توقعتك تعرف..
تركي\شلون اعرف بالله وانا مسافر..
غلا بضيق\طيب ليش معصـب..
تركي\معصـب لأنــك
غلا قاطعته بحزن\لأنك أيــش..
تركي\مع السلامـه..وسكر الخط
قرر تركي ينزل الشرقيـه ويردع المهزله اللي ممكن تصير..وتمنـى ايضا يقابل يوسـف بعد هالسنين هذه كلهــا بكل شمــوخ وفختر..لكن في شـي وقـف تركــي وخربت كل مخططاته..كانت مكالمـه فاجأته وصدمتــه وممكن تضيــع كل تعبــه..

يتبع ,,,,
👇👇👇
أحدث أقدم