رواية سعوديات بعروق ايطاليا -109


رواية سعوديات بعروق ايطاليا -109

رواية سعوديات بعروق ايطاليا -109


بندر كذلك

بدر بلحظة ضياع فكرة و طيش عصبيته الفظيعة

يحس ما عاد يسمعهم ابد مجرد وجيه تحكي بصمت

بدر وقف على رجوله

بندر بذهول : وين

بدر من غير وعي : ابي كاس

بندر بإمتعاض : الله يهديك بس و شتقول

بدر بعصبية : ابي انسى ابي اهرب من ذالمسخره ابي كاس فاهم او لاااااااا

بندر : خير إن شاءالله

بدر : أي خير و انتم ذي هروجكم وذي علومكم !!

وقف و يشعر بحسرة فظيعة تسري في مسارب نفسه

كتمة لا تضاهى ابدأ

بدر بنفس متقطع : انا طالع بالاذن

سلطان : لا تتركه يا بندر

بندر بقلة حيلة : الله يعينه يارب ميب سهله عليه والله

بندر لحق بدر و حاول يضبطه

في السيارة

بدر بصمت : بسرعه ما تسمع او انزل انا بروح

بندر يحاول يضبط نفسه : يابابا تراك بالديرة هنا بالسعودية اصحى تراك بالرياض

بدر : لا ابو الحظ ولا ابو اللي عرفك بيوم انزل بسرعه محد طلب منك تقولي ويني فيه

بندر : وين بتطس عند اقرب بنقاليه يصنعون لك ذالسم و بكرة وانتم تسمم قرف خياس

ما يضبطونه ولا يعرفون تصنيعه اصحى لعمرك

بدر بعصبية الصيحة واصلة معي : انزل بندر انا بتصرف انا بجيبه

بندر : منيب نازل ولا انتب رايح لـ الـــ

بدر : يارجال بالراحه ادخلها ذي لا تنسى ابوي مين انزل بس

بندر بتوتر : منيب نازل واذا مصر بتروح بروح معك

بدر : اوكي تروح تروح بس رجاء لا تعيش دور الضابط اللي بيصير ردادر علي من الحين اقولك

انا واحد ضايقة فيه الدنيا واحد منلعن ابو خامسه بفلها على الآخر فهمت

بندر : لحول ولا قوة إلا بالله العلي العظيم بدل ما تستغفر و تصلي لك ركعتين يمكن ربي يفك

ازمتك

بدر بعصبية : اووه رجاء يا بندر لا تخلط شيء بشيء امور الدين على راسي من فوق بس انا متضايق

منفلقه حياتي رايحة فيها امي امي ماهيب امي اجل

بندر زعق عليه : وش امك ميب امك اصحى لعمرك خير وينى فيه اصحى لنفسك

بدر بعصبية ضرب اللي قدام المرتبة : وش بيضمنك انها امي هاه ؟؟ مو يمكن بكرة تنط و تطلع لي

ام ثانية هههههه استغفر الله بسرعه قبل ينفجر راسي بس


بندر بقلة حيلة و خيبة امل سكت وجاراه باللي يبي ....

سلطان جالس بالإستراحة و دخل عليه نواف و حجرف و نايف و سعود الجميع

سلطان عدل جلسته : وش عندكم مصبحين هههه

حجرف : والله مواصل انا مابعد نمت رحت وصلت ابوي المزرعه و لا جاني النوم

نايف : وش عندهم بالمزرعة اليوم

حجرف : عازمين طـــلال بن .......

سعود : يا ملحك تعلمني بعد وليش ما ارتزيت مع ابوك وعمانك

حجرف : حشرت رامي هناك ههههههه و بعدين ياخي ذالرجال كل شهر يجينا كم مرة ميب حلا عاد

نايف : أي والله صادق هههههههه شكله بيناسبنا

سعود : يناسب مين ياعمي انت لا بناتنا مايطلعون لغير عيالنا ماتدري عن ذالقاعدة

سلمان : ذالقاعده اللي رسمها جدنا السابع عشر عموما كثر خير هذا احسن شيء سواه

حجرف : اوما احسن شيء اجل وش تصير جمعات كل جمعة خخخخ

سلمان : وذا بعد مع اني جاحدهم من شهور كل جمعه اصير منيب بالديرة

نايف : ما عارف لها غيرك والله ههه

سعود : بس صح العزيمة اصلا لبدر يعني كلنا بنروح غريبة بدر وينه فيه تأخر ( ناظر ساعته )

سلطان : اعتقد بينام ولاهوب جاي من غير شر

نايف : وش على كيفه الدعوة حتى ابوه بالطريق

سلطان : الرجال نايم اكيد دايخ و حالته حاله

حجرف : أي نايم قبل شوي محاكيه انا قبل 3 او 2 ساعتين تقريبا

نايف : غريبة والله لحسة مخ

سلطان متنرفز و حالته حاله

من الطرف الآخر

زينة قلبها قبضها بقوة خايفة على بدر

حست انو عرف بالسالفه

وهي تدري عن قلبه الرهيف ما يتحمل صدمة مثل كذا

قلقت كثير

تدق عليه مقفل كررت المحاولة مقفل

تنهدت و بكت بحرارة

روز : واتز هابن ؟؟ ( خايفه بقلق فظيع )

زينة ضمتها بحنية : نيفر مايند ايفري ثنق ازي اوكي

زينة مسكت جوالها و طلبت رقم بدر للمرة العاشرة تقريبا

فكرت و احتارت

" لا مستحيل افكر ادق على بندر مستحيل ، طيب وش فيها لو دقيت و خليت روز تسأل عن ابوها

لا .. وش بيظن ..؟ على باله اني اركض وراه و ادورهـ لا مستحيل "

فكرت و طلبت رقم ابتهال

ابتهال بحماس : اهلين هلا والله

زينة تجفف دموعها : هلا بتو كيفك

ابتهال : بخير كيفك يالجاحده مسرع جحدتينا هههه

زينة بحزن : لا والله مو عن كذا بس انشغلت شوي

ابتهال بخجل : يالله اهم شي ء انكم بخير

زينة ابتسمت : لا ابشرك بخير و صحة و عافيه هههه

ابتهال بخجل : دوم يارب

زينة : اقولك بتو ابي منك طلبب

ابتهال : سمي ابشري بعزك ولو كم من زينة عندنا حنا

زينة تبتسم : مشكورة يالغلا بس ولا عليك امر اسألي لي نواف عن رقم سلطان

ابتهال : الله الله ياعيني ياعيني بدينا بحركات الاخوان هههه

زينة تبتسم بحزن : لا مو عن كذا هههه بس بليز حاولي بسرعه ابيه ضروري

ابتهال : دقيتِ على نواف قبل طيب ؟

زينة : ايه مقفل جهازه ولا نيب بعرف رقم ثاني له

ابتهال : والله مدري غريب عاد كاني سمعت صوته تو هنا بشوفه لك و اقوله

زينة : أي تكفين طلعي لي رقم سلطان لو من ايش بليز

ابتهال : ابشري ولا يهمك دقيقتين بس و يكون معك

الهنوف : وشو اللي بدقيقتين اندومي هو هههه

زينة : ههههه يالله يالغلا بنتظرك طيب

ابتهال : اوكيك يالله بدأ الوقت من الحين خليني اروح اشوف باي

زينة : باي لا تبطين بحتريك ترا

ابتهال : اوكي باي

زينة : باي

الهنوف : وش تبي وش عندها وانتِ وخشتك شوي و تنقع الخشة و الضحكة من ذا إلى ذا فضحتينا وش

بتقول الحين ياسفاه بك بس

ابتهال بحماس : يؤ يختي منيب مصدقة وقسم منيب مصدقة انو بدر عايش لذا الوقت ههه

الهنوف تناظرها : تحبينه للحين

ابتهال شاتت عليها الجوال : سخيفه

الهنوف تمسح راسها : وشذالعربجية يختي ماينمزح معك مزح صعايدة و قسم الحين بالجوال

تشوتيني خبله انتِ آآخ يادماغي دمغااه بس آخ بس يضرب الحب شو بيدل على قولة

اخواننا الشامية

راما : تحاكين نفسك ههههه

الهنوف : بسم الله وش جابك على ذالصبح ههههه

راما : مو حبا فيك عشان اسلم على تيتة اليوم خميس و إلا

الهنوف : هاه إلا الظاهر انو خميس << الله من الفهاوة ^_^ طيب يعني ما قدرتِ تصبرين

لين بالليل و نجتمع بالإستراحة

راما بدلع : والله مو ذنبي انو تيته ما تصبر عني و من البارح ملزمة علي اجي افطر معها

الهنوف : هو الدلع ذا هو اللي رافع اقصى ما تقصى من كبدي عليك

-


-

ابتهال : مرحبا ود صباحك ورد

ود : صباحك سكر ههههه وش عندنا مروقين و كاشخين يالله ارزقنا يارب

ابتهال وهي طايرة : وديده موب وقتك بسرعه قولي وينه رجلك ؟

ود : اللهم يا كافي وش فيك عجلة كذا ...! سعود بالإستراحة و بعدين

بيطلع المزرعة لانو فيه عزيمة عشان بدر مسووينها اليوم

ابتهال مبسوطة : وينه سعود دقي عليه طيب اسأليه عن رقم سلطان

ود بدهشه : نعم رقم سلطان

ابتهال : ايه اخو زينة الجديد ههههههه


ود : وجع يالهبله وش تبين فيه مضيعه على بدر شكلك هههه

ابتهال : كركركركر ( دقت لها على سعود) اسأليه اذا يعرف او قفلي بسرعه عشان تدقين على حجرف او

سلمان اكيد يدرون

ود : سمي طال عمرك .....هلا حياتي

سعود : هلا وغلا والله هلا بالصباح المنور

ابتهال : ياليل موب وقتكم ابد بسرعه انجزي انتِ موب وقت مغازل

سعود : وش عندها المكنسة وش تقول ؟

ود : ههههههه لا بالعكس اليوم مروقين و صباحنا احلى صباح

سعود : قولي كذا .... المهم وش عندكم داقين ترا وسط رجال انا انجزي

ود : ايه قلبو قلت لبتو بس اصرت

ابتهال : ياكرهي لحركات الحريم اللي ماتخلص ياختي قولي له او هاتي انا بسأله

ود : اوكي طيب ريلاكس وش فيك معصبه ..؟ اقول سعودي

ابتهال : سعودي بعد ياختي يالله رفعتِ ضغطي و قسم

ود تبتسم : سعودي بسألك تعرف رقم سلطان اخو زينة ؟

سعود رفع حاجب واحد : ليش

ابتهال بعصبية : ياربي بس

ود تشر لها يعني اسكتي : زينة تبيه ضروري

سعود يتذكر : والله ماعتقد انو معي بس بشوف لك الشباب اكيد معهم مع انو هنا هو

معنا بالإستراحة بس طلع

ابتهال : ياعليك ذكاء يا سعود ياخي اسأله الحين

سعود : بقرتي العزيزة ما تسمعين اقولك طلع

ابتهال تناظر ود : ياربي منه وشذالتكانة قولي له يسأل البنت تبيه الحين

سعود التفت لاخوه بدر : اقول بدر معك رقم سلطانـ ؟

بدر : اذا الرقم ماغيره نفسه فهو معي لانيي من زمان حافظه

ابتهال بحماس : إلا اكيد رقمه واذا ماهوب هو نجرب الرديف

سعود بعصبية : جربوا وشوفوا

ود : ههههههههههه وش دخلنا احنا البنت اللي تبي رقم اخوها

سعود : والله علم يبشر بالخير اذا هي نفسها تبي رقم اخوها

ود : أي ان شاءالله في رجاء خير إحساسي كذا

سعود قصر صوته : يالبى إحساسك بس

ود وردت خدودها بشكل ملحوظ

ابتهال : ههههههه الحين على راحة ام جيرانكم سووا اللي تبون يالله تشاو

طلعت تركضـ بوناسة

دخلت بسرعة و درعمت على ريم و الهنوف

ريم تنسق لها لبس من دولاب ابتهال << - - ماتترك حركاتها

و الهنوف تشور عليها وش تختار << يا ملحها بس

الهنوف على سرير ابتهال حاطة يدينها على خدها و تحكي مع ريم

الهنوف : انا اقول لو تأخذين الفستان هذا اللي على يمينك و تنسقين عليه بوليرو احمر يطلع شيء

ريم : اولا ماعاد فيه وقت تنسيق و ماتنسيق ، ثانيا ياحلوة يا ممداموزيل وش قالوا لك قروية او ايش بس

خلاص ياقلبه البوليور ولت من عام ألف و اربع مية و جركل

الهنوف : والله براحتك انا شرت عليك وانتِ براحتك و إلا جايزة لك ذا القطعة مدري احس اورانج غبي

ريم تناظرها : صح اول ما تشوفينها تحسين انها مزاج خوال بس لونها لافت

الهنوف : ههههههههه لافت اجل انتِ ما لحس مخك إلا ذاللون اللي مدري ليش احس انو اجهر عيوني

تفاجأو بدخول المرجوجة ابتهال اللي تركض بوناسة مره

الهنوف برجتها قامت تحاورها ( يعني تجاريها على بالها ترقص )

و هاتك يا ردح ^_^

ريم : ورا يعيشووون

ابتهال استوعبت بعدين و وقفت


يتبع ,,,,,
👇👇👇
أحدث أقدم